MØTEINNKALLING SAKLISTE: 43/11 11/285 Søknad om dispensasjon frå arealdelen i kommuneplanen - frådeling av bustadtomt

Utval: KOMMUNESTYRET Møtestad: Tingsalen Møtedato: 29.09.2011 Tid: 13.00 MØTEINNKALLING Event. forfall må meldast til tlf. 57 65 56 00. Varamedlemer møter etter nærare varsel. Saksdokumenta er utlagde i Service-ekspedisjonen og i biblioteket. SAKLISTE: Sak nr. Arkivsak nr. Tittel 43/11 11/285 Søknad om dispensasjon frå arealdelen i kommuneplanen - frådeling av bustadtomt 44/11 11/141 Søknad om omdisponering av eigedom på Skahaug 45/11 09/596 Schrøder tomta 46/11 09/407 Leikanger Kraftverk - tilleggsutgreiing - høyring 47/11 11/31 Beredskapsplan for Leikanger kommune 48/11 11/653 Kommunen sin årlege rapport om grunnskulen 49/11 11/682 Overordna samarbeidsavtale: SFFK og kommunane 50/11 11/517 Rekneskapsrapport pr. 31.08.2011 51/11 11/665 Orienteringar

Sak 43/11 LEIKANGER KOMMUNE MØTEBOK Søknad om dispensasjon frå arealdelen i kommuneplanen - frådeling av bustadtomt Sakshandsamar: Per Holen Arkiv: MTR 17/28 Arkivsak nr.: 11/285 Sak nr.: Utval Møtedato 43/11 Kommunestyret 29.09.2011 TILRÅDING: Leikanger kommune gir i medhald av 19-2 i Plan- og bygningslova dispensasjon frå arealdelen i kommuneplanen for frådeling av bustadtomt på om lag 550 m2 med eksisterande bustadhus på gnr.17 bnr.28 som omsøkt. Kommunestyret har ved avgjerda lagt vekt på at frådelinga vert vurdert som ei fortetting i eksisterande bustadområde. DOKUMENT: Arealdelen i kommuneplanen, vedteken 25.06.09 Søknad av 18.04.11 frå Aslaug Marøy m/kart(vedlagt) Fråsegn av 24.06.11 frå Landbruksavdelinga hjå Fylkesmannen (vedlagt). SAKSUTGREIING: Søknaden gjeld frådeling av ein parsell frå eigedommen gbnr. 17/28, eigar Aslaug Marøy. Parsellen skal nyttast til bustadføremål. I arealdelen i kommuneplanen er eigedommen med den omsøkte parsellen LNF-område. Søknaden krev då dispensasjon og har vore sendt på høyring til Fylkesmannen si landbruksavdeling. Landbruksavdelinga har ikkje merknader til at det omsøkte arealet vert omdisponert som omsøkt. Det er ikkje komme merknader frå naboane. Heile eigedommen er 17,7 daa, heimeteigen med to parsellar på 2,7 daa og ein utmarksteig på 15 daa (gbnr. 17/32). Det er òg ein skogteig på 14 daa, der grunnen er i felleseige Henjadalen. Det er tidlegare frådelt to bustadtomter frå denne eigedommen. Attverande heimeteig vart då delt i to parsellar. Det står eit eldre bustadhus på den omsøkte parsellen. Parsellen grensar til kommunal veg, to bustadeigedommar på kvar side og til ein landbrukseigedom som er ein del av Kjerneområde Landbruk, drifta der er basert på frukt- og bærproduksjon. Side 2 av 23

Sak 43/11 Rådmannen si vurdering: Rådmannen vurderer denne dispensasjonssøknaden på bakgrunn av kommuneplanarbeidet. Der vart det gjort ei grundig vurdering av framtidig arealforvaltning, inkludert bustadlokalisering. I tillegg definerte ein òg dei viktigaste landbruksområda i kommunen som Kjerneområde Landbruk. Søknaden inneber frådeling av ein parsell avsett til LNF-område i kommuneplanen. Sjølv om parsellen ligg mellom to eksisterande bustadeigedommar og vil fortette eit alt etablert bustadområde, kan dispensasjon føre til auka interessekonfliktar mellom bustad og landbruksnæring, som igjen kan føre til krav om driftsrestriksjonar for landbruket. Rådmannen finn i dette høve at sjølv om faren for interessekonfliktar aukar at ein likevel tilrå å gje dispensasjon. Mykje av bustadbygginga i kommunen vil i framtida måtte føregå på og inntil dyrka jord. Ved fortetting i utbygde områder kan ein redusere nedbygginga av dyrka jord andre stader. Side 3 av 23

Sak 44/11 LEIKANGER KOMMUNE MØTEBOK Søknad om omdisponering av eigedom på Skahaug Sakshandsamar: Per Holen Arkiv: MTR 17/18,1 Arkivsak nr.: 11/141 Sak nr.: Utval Møtedato 44/11 Kommunestyret 29.09.2011 TILRÅDING: Leikanger kommune finn ikkje at det ligg føre tilstrekkelege grunnar etter 19-2 i Plan og bygningslova til å gi dispensasjon frå arealdelen i kommuneplanen frå LNF-område til næringsføremål som omsøkt. Kommunestyret finn ikkje at fordelene med å gi dispensasjon klart er større enn ulempene, noko som er eit vilkår i lova for å gi dispensasjon. DOKUMENT: Søknad av 10.02.11 frå Jarle Bøyum m/kart (vedlagt) Fråsegn av 04.05.11 frå Landbruksavdelinga hjå Fylkesmannen (vedlagt) Merknad av 14.06.11 frå Janne Dokken og Wigger Liahagen (vedlagt) Merknad av 18.06.11 frå Randi og Norvald Kvam (vedlagt) Merknad av 20.06.11 frå Nils Husum (vedlagt). SAKSUTGREIING: Søknad gjeld omdisponering av om lag 1,5 daa beite. Arealet skal planerast og nyttast til oppstillingsplass for diverse reiskapar. På arealet skal det òg setjast opp plasthallar. Eigedommen er ein mindre landbrukseigedom på 31 daa, av dette er 7 daa fulldyrka, 15 daa beite og 6 daa produktiv skog. Eigedommen består av tre teigar, to i Nybø og omsøkte teig på Skahaug. Denne teigen er delt i tre parsellar av Kleppavegen. Parsellen som vert søkt omdisponert er totalt 2,8 da, parsellen er i Gårdskart definert som beite. Eigedommen er ikkje i drift som sjølvstendig landbrukseigedom. Kommunen vurderar søknaden som søknad om dispensasjon frå arealbruken i kommuneplanen og har sendt søknaden til fråsegn. Landbruksavdelinga har i si fråsegn peika på at sjølv om det her ikkje er tale om omdisponering av dei aller mest verdifulle jordbruksareala, ber dei likevel kommunen vurdere alternative lokalitetar, som er mindre uheldige i høve jordbruket og kulturlandskapet. Det er komme inn tre merknader frå naboane: Side 4 av 23

Sak 44/11 Janne Dokken og Wigger Liahagen er ikkje interessert i å ha næringsverksemd og trafikkfarlege utkøyrsler tett inntil deira eigedom. Dei peikar på det omsøkte tiltaket vil liggja midt i naturperla Skahaug. Randi og Norvald Kvam er i mot tiltaket. Nils Husum er redd for ureiing av olje for sin eigedom som ligg nedanfor. Han syner til at området er utsett for flaum. Dei er beitande sauer på hans eigedom. Han går i mot planane. Rådmannen si vurdering: Rådmannen vurderer denne søknaden på bakgrunn av arealdelen i kommuneplan, der arealbruken vart fastlagd. I kommuneplanen er òg Kjerneområde Landbruk definert og avgrensa. Det omsøkte arealet er i kommuneplan avsett til LNF-område. Det ligg i utkanten av kulturlandskapsområde Skahaug Dalene som er definert som viktig kulturlandskapsområde i Kjerneområde Landbruk. Rådmannen finn at søknaden gjeld omdisponering frå LNF-område til næringsføremål. På bakgrunn av fråsegna frå Landbruksavdelinga, merknadene frå naboane og ikkje minst det uheldige ved å spreia lokaliseringa av denne type næringsverksemd rundt om i kulturlandskapet vil rådmannen frårå at dispensasjon vert gitt. Slike verksemder bør plasserast i område som i arealdelen i kommuneplanen er avsette til slike formål. I kommuneplanen er Kvålenområdet utpeika som slikt næringsområde. Side 5 av 23

Sak 45/11 LEIKANGER KOMMUNE MØTEBOK Schrøder tomta Sakshandsamar: Ervin Johan Beheim Arkivsak nr.: 09/596 Arkiv: 614 D34 Sak nr.: Utval Møtedato 45/11 Kommunestyret 29.09.2011 TILRÅDING: Leikanger kommunestyre vedtek at arbeidet på Schrødertomta skal utførast som planbeskriving og teikningar viser. Leikanger kommunestyre vedtek at prosjektet blir finansiert ved å nytta tildelte midlar frå Sogn og Fjordane fylkeskommune. Leikanger kommunestyre vedtek framdriftsplan som beskrive og at innhenting av anbod kan setjast i gang. DOKUMENT: Vedtak kommunestyret 11.09.2008, detaljplanlegging av Sentrumplassen (vedl.) Sentrumsutvikling- etablering av ny arbeidsgruppe (vedl.) Sentrumsgruppa, rapportering frå 1. til og med 3. kvartal 2011 (vedl.) Schrødertomta, planbeskrivelse, tegningar og illustrasjonar (vedl.) SAKSUTGREIING: Kommunestyret vedtok i møte 23.09.2010 å oppretta ei ny sentrumsgruppe. Sentrumsgruppa har i perioden fram til no arbeid med 3 nye byggjetrinn i sentrum. Dette er Schrødertomta, areal over rv 55 og bankplassen. Det vart i budsjettet for 2011 avsett kr. 400.000,- til planleggjing. Sentrumgruppa har sett Schrødertomta som prioritet 1. Landskapsarkitekt Smedsvig AS har utarbeid planar for prosjekt Schrødertomta med basis i detaljplan, godkjendt av kommunestyret 11.09.2008. I planleggjinga av Schrødertomta har sentrumsgruppa innkalla ulike grupper og lag for å delta i prossen. Dette er ungdomsrådet, rådet for eldre og personar med nedsatte rørsle og Leikanger jakt- og fiskelag. NVE har vurdert tiltaket til ikkje å vera konsesjonspliktig. Vedlagt er planbeskrivelse, tegningar og illustrasjonar av prosjektet. Gruppar har utarbeida framdriftsplan for Schrødertomta. Denne viser at planane er klar for innhenting av anbod no og med ferdigstilling våren 2012. Side 6 av 23

Sak 45/11 Leikanger kommune har søkt Sogn og Fjordane fylkeskommune om tettstadmidlar til prosjektet. Det er søkt om alle tre prosjekt samtidig. Det vart søkt om totalt kr. 2.920.000, vedtak i Sogn og Fjordane fylkeskommune viser at vi får 1.920.000,- i 2011 og resterande vil bli behandla i 2012. Prosjekt Schrødertomta er kostnadsrekna til 1.200.000,- eks. m.v.a. Kostnad med planleggjing er teke av midlar i budsjett i 2011. Sentrumsgruppa ber no Leikanger kommunestyre om å vedtak å kunna start arbeidene på Schrødertomta som planane viser, finansieringa av prosjektet blir gjord ved å benytta seg av tildelte midlar frå Sogn og Fjordane fylkeskommune. Sentrumsgruppa ynskjer at Leikanger kommunestyre kan godkjenna oppsett framdriftplan og at innhenting av anbod kan setjast i gang. Rådmannen vurderar prosjektet som godt planlagt, sentrumsgruppa har benytta seg av råd frå lokale grupper og lag som har bidrege til å få ein god plan. Sentrumsgruppa har arbeidet aktivt med å få prosjektet finansiert. Rådmannen tilrår at Leikanger kommunestyre vedtek å godkjenna prosjektet som beskrevet. Side 7 av 23

Sak 46/11 LEIKANGER KOMMUNE MØTEBOK Leikanger Kraftverk - tilleggsutgreiing - høyring Sakshandsamar: Per Holen Arkiv: 040 &58 Arkivsak nr.: 09/407 Sak nr.: Utval Møtedato 46/11 Kommunestyret 29.09.2011 TILRÅDING: Leikanger kommune tek tilleggsutgreiingane til orientering, men stiller følgjande krav: 1. Det må setjast krav om at utbyggar blir pålagt å gjennomføre eit oppfølgingsprogram for fiskebestanden i Trastadalsvatnet for å sikre at vatnet har ein levedyktig og naturleg bestand av aure også i framtida etter at utbygginga er ferdig. Om nødvendig må utbyggar bli pålagt utsetting av fisk 2. Det må setjast krav om at utbyggar utarbeider plan for bygging av tersklar på den anadrome strekninga i Henjaelvi, jfr utbyggingsavtalen mellom Sognekraft og Leikanger kommune. 3. Konsesjonen bør omhandle krav om at utbyggar finn løysingar for å ta hand om størst mogleg volum av steinmassane frå anlegga i Suppam på land. Dersom utbyggar likevel må nytte deponi i sjøen må utbyggar gjennomføre geotekniske undersøkingar for å vurdere om det kan etablerast ei stor eller fleire små stabile fyllingar i området Suppam og Leikanger DOKUMENT: K-sak 20/09, kommunestyret si handsaming av konsesjonssøknaden Brev av 10.05.10 frå NVE til Sognekraft (vedlagt) Brev av 12.07.11 frå Sognekraft til NVE med samandrag og kommentarar til tilleggsutgreiingane (vedlagt) Tilleggsrapportar for Ferskvassøkologi, Hydrologi Henjaelvi, Kraftline Suppam Seljevollen, Miljø og brukarinteresser av endra ferskvasstilføring og etablering av massedeponi i Sognefjorden og Naturfaglege undersøkingar knytta til planlagt kraftstasjon i Suppam (rapportane vedlagt elektronisk) Side 8 av 23

Sak 46/11 SAKSUTGREIING: NVE har ved brev av 11.05.2010 sendt krav om tilleggsutgreiingar til Sognekraft sin søknad om bygging av Leikanger kraftverk. Sognekraft har i brev av 12.07.11 sendt rapportane over til NVE med kommentarar. NVE har i brev av 31.08.11 sendt tilleggsutgreiingane på avgrensa høyring. Det vil seia at dei er sende styresmakter og private som tidlegare har gitt høyringsuttale i samsband med søknaden. Det er sett høyringsfrist til 31.10.11. Rådmannen si vurdering: Den naturfagleg undersøkinga ved kraftstasjonsområdet i Suppam gir ikkje grunn til kommentarar frå kommunen si side. I rapporten om ferskvassøkologi ser rådmannen det verdifulle i at det vert ei aurestamme i Trastdalsvatnet også etter utbygginga. Når det gjeld terskelbygging, er dette eit punkt som kommunestyret i sak 20/09 ga denne fråsegna til: «Det må setjast krav om bygging av tersklar i Henjaelvi på dei flate partia ved Fivelhola/Flya og andre delar av elva der terrenget gjev effekt av tiltaket samt gjerast avbøtande tiltak i den nedre delen for å sikre eit størst mogeleg vasspegel gjennom sentrum. Planar for desse tiltaka skal godkjennast av Leikanger kommune. Sognekraft har ansvar for årleg ettersyn og vedlikehald av dei ulike avbøtande tiltaka som blir gjennomført» Utgreiinga om hydrologi gir ikkje grunn til kommentarar frå kommunen si side. Utgreiinga om verknad for miljø og brukarinteresser av endra ferskvasstilførsel gir ikkje grunn til kommentarar frå kommunen si side. Rådmannen meiner det bør leggjast meir arbeid i handteringa av overskotsmassane. Utgreiinga om aktuelle tiltak for å redusera den landskapsmessige verknaden av kraftlinja frå Suppam til Seljevollen og mogelege verknader av kamuflerande tiltak på kollisjonsrisikoen for fugl gir ikkje grunn til kommentarar frå kommunen si side. Side 9 av 23

Sak 47/11 Beredskapsplan for Leikanger kommune LEIKANGER KOMMUNE MØTEBOK Sakshandsamar: Per Holen Arkivsak nr.: 11/31 Arkiv: X26 Sak nr.: Utval Møtedato 77/11 Formannskapet 07.09.2011 47/11 Kommunestyret 29.09.2011 Formannskapet sitt FRAMLEGG TIL VEDTAK, samr.: Kommunestyret vedtek framlegg til beredskapsplan for Leikanger kommune av september 2011. Kriseleiinga si økonomiske fullmakt vert auka frå 300.000 kr til 500.000 kr. Beredskapsrådet si samansetjing vert endra til: Kriseleiinga, kommuneoverlege, brannsjef (i Sogn Brann og Redning IKS), lensmann, representant frå Sognekraft AS og representant for LK Røde Kors Hjelpekorps. Rådmann er leiar. TILRÅDING: Kommunestyret vedtek framlegg til beredskapsplan for Leikanger kommune av september 2011. Kriseleiinga si økonomiske fullmakt vert auka frå 300.000 kr til 500.000 kr. Beredskapsrådet si samansetjing vert endra til: Kriseleiinga, kommuneoverlege, brannjef (i Sogn Brann og Redning IKS), lensmann, representant frå Sognkraft AS og representant for LK Røde Kors Hjelpekorps. Rådmann er leiar. DOKUMENT: Gjeldande Kriseplan frå september 2002 Lov om Kommunal beredskapsplikt av 25.06.10. Framlegg til beredskapsplan av september 2011 (vedlagt) Seks ROS-analysar (vedlagt) Side 10 av 23

Sak 47/11 SAKSUTGREIING: Lov om kommunal beredskapsplikt tok til å gjelda frå 01.01.2011. 14 og 15 i lova omhandlar den kommunale beredskapsplikta. Kommunane pliktar å kartleggja kva uønska hendingar som kan skje i kommunen, vurdera risikoen for at desse hendingane kan skje og korleis dei i så fall påverkar kommunen. Resultatet av dette arbeidet skal vurderast og samstillast i ein heilskapleg risiko- og sårbarheitsanlyse (ROS-analyse). Med utgangspunkt i ROS-analysen skal kommunen utarbeida ein beredskapsplan. Beredskapsplanen skal innehalda ein oversikt over kva tiltak kommunen har førebudd for å handtera av uønska hendingar. Planen skal innehalda ein plan for kommunen si kriseleiing, varslingslister, ressursoversikt, evakueringsplan og plan for informasjon til innbyggjarane og media. Fylkesmannen har utarbeidd ein mal for dette arbeidet som er lagt til grunn for planen. Arbeidet starta opp med eit møte i kommunen sitt beredskapsråd i oktober 2010. Her vart ulike uønska hendingar drøfta. Møtet kom fram til at det skulle utarbeidast ROS-analysar for desse seks uønska hendingane: 1. Brann ved Leikanger sjukeheim 2. Ureining av drikkevassforsyninga 3. Trafikkulykke med alvorleg konsekvens 4. Svikt i kraftforsyninga over 20 timar 5. Lengre svikt i tele- og dataforsyninga 6. Alvorleg hending ved barnehage eller skule. Desse ROS-analysane vart utbeidd i samarbeid mellom ulike fagpersonar i kommunen som hendingane vedkjem. I kriseplanen frå 2002 låg fylgjande ROS-analysar til grunn: 1. Ras eller flaum 2. Brann 3. Ulykker ved transport av farleg gods 4. Alvorleg trafikkulykke 5. Ureining av drikkevatn 6. Straumstans over lengre tid. Dei fleste tema går att begge planane. Nye tema er tele- og dataforsyninga og alvorlege hendingar ved barnehage eller skule. Andre endringar i planen er at talet på medlemmer i kriseleiinga er redusert frå seks til fire (kommuneoverlege og lensmann er flytta over til bereskapsrådet). Leiinga i kriseleiinga er flytta frå ordførar til rådmann. Ordførar har fått eit særskilt ansvar knytt til informasjon, særleg til media. Desse endringane i planverket er tilrådd av Fylkesmannen. Bakgrunnen er at det skal vera mest mogeleg lik organisering av kommunen både i den daglege drifta og ved ei uønska hending. Side 11 av 23

Sak 47/11 I den nye planen er det utarbeidd tiltakskort for kvar av dei uønska hendingane det er utarbeidd ROS-analyse for. Planen inneheld òg ein oversikt over dei beredskapsplanane for dei ulike tenesteeiningane der særlovene set krav til slike planar. Rådmannen si vurdering: Rådmannen finn at den nye planen er godt verktøy for kommunen i det vidare arbeidet med beredskapen i kommunen. Utfordringa framover er å proritera nok tid til øvingar og ajourhald av planen. Rulleringa av planen er ein del av den lovfesta planstrategien som den nye Plan- og bygningslova har innført og som kommunestyret skal handsama i det fyrste året etter nyval. Beredskapsrådet si samsetjing vart sist teke opp til vurdering i kommunestyret i 1995. Rådet vart den gongen samansett av ni personar: Ordførar, rådmann, kommunelege 1, nærings- og utviklingssjef, representant for kraftforsyninga, lensmann, HV-områdesjef, Leikanger RK Hjelpekorps og Kvinners Friviljuge Beredskap (Leikanger Husmorlag). Ordførar var valt til leiar. Rådmannen vil no rå til at beredskapsrådet vert endra til: Kriseleiinga, kommuneoverlege, brannjef i Sogn Brann og Redning IKS, lensmann, representant frå Sognkraft AS og representant for LK Røde Kors Hjelpekorps, med rådmann som leiar. Side 12 av 23

Sak 48/11 LEIKANGER KOMMUNE MØTEBOK Kommunen sin årlege rapport om grunnskulen Sakshandsamar: Jorunn Nyttingnes Arkiv: B20 &14 Arkivsak nr.: 11/653 Sak nr.: Utval Møtedato 48/11 Kommunestyret 29.09.2011 TILRÅDING: Rapporten vert lagt fram utan tilråding. DOKUMENT: Kommunen sin årlege rapport om grunnskulen 2010 (vedl.) Årsmeldingane frå skulane Skoleporten Kompetanseplanar og utviklingsplanar for skulane Kommunale statistikkar SAKSUTGREIING: I følgje opplæringslova 13-10 skal det utarbeidast ein årleg rapport om tilstanden i grunnopplæringa knytt til læringsresultat, fråfall og læringsmiljø. Den årlege rapporten skal drøftast av skuleeigar, dvs. kommunestyret. Rapporten er ein del av kommunen sitt oppfølgingsansvar i høve til opplæringslova. Rapporten vert lagt fram for kommunestyret utan tilråding. Side 13 av 23

Sak 49/11 LEIKANGER KOMMUNE MØTEBOK Overordna samarbeidsavtale: SFFK og kommunane Sakshandsamar: Odd Arve Rakstad Arkivsak nr.: 11/682 Arkiv: 056 A20 Sak nr.: Utval Møtedato 49/11 Kommunestyret 29.09.2011 TILRÅDING: Kommunestyret vedtek: 1. Det vert oppretta styre for interkommunalt IKT-samarbeid med dei andre Sogn regionråd kommunane og Sogn og Fjordane Fylkeskommune med heimel i kommunelova 27. 2. Styret får mynde til å utøve IKT-samarbeidet i høve vedtektene for samarbeidet slik dei er definert i Overordna samarbeidsavtale mellom Sogn og Fjordane Fylkeskommune (SFFK) og kommunane Balestrand, Leikanger, Luster, Sogndal, Vik, Aurland og Lærdal (Sogn Regionråd) om IKT-tenester. 3. Rådmannen får mynde til å signere samarbeidsavtalen og aktuelle delavtalar. DOKUMENT: Framlegg til overordna samarbeidsavtale mellom Sogn og Fjordane Fylkeskommune (SFFK) og kommunane Balestrand, Leikanger, Luster, Sogndal, Vik, Aurland og Lærdal om IKT-tenester. (vedl) Kommunelova Lov og forskrift om offentlege anskaffingar SAKSUTGREIING: Kort samandrag Sogn regionråd kommunane har hatt avtalar om IKT-samarbeid med Sogn og Fjordane Fylkeskommune. Avtalane har vore rundt GIS-tenester og nettverkstenester. Desse avtalene gjekk ut i 2008 og 2009, men har fungert i praksis fram til dags dato. IKT-gruppa til Sogn regionråd har hatt mandat til å utarbeide utkast til nye avtalar. For å oppnå stordriftsfordeler innan IKT, og for at samarbeidet skal vere eigenregi i høve Side 14 av 23

Sak 49/11 innkjøpsregelverket, tilrår IKT-gruppa at Sogn regionråd kommunane og Sogn og Fjordane Fylkeskommune, med heimel i Kommunelova 27, inngår eit IKT-samarbeid. Rådmannen tilrår at det vert vedteke å inngå IKT-samarbeid med dei andre Sogn regionråd kommunane og Sogn og fjordane fylkeskommune. Kommunestyret har vedtaksmynde i saka. Saksutgreiing: Sogn regionråd kommunane har dei siste åra hatt IKT-samarbeid med Sogn og Fjordane Fylkeskommune rundt GIS og nettverk. Desse avtalane gjekk ut i 2008 og 2009. IKT-gruppa til Sogn regionråd har hatt mandat til å utarbeide nye samarbeidsavtalar. IKT-gruppa består av følgjande personar: Geir Svendsen, IKT-ansvarleg Vik kommune (leiar) Karina Nerland, Dagleg leiar Sogn regionråd Carl-Richard Nyborg-Christensen, Regional IKT medarbeidar Sogndal kommune Petter Stenstadvold, rådgjevar IKT Sogn og Fjordane fylkeskommune I tillegg til å arbeide med sjølve samarbeidsavtalane, har IKT-gruppa vurdert organiseringa av samarbeidet og tilhøva til lov og forskrift om offentlege anskaffingar. For at eit slikt samarbeid ikkje skal vere i strid med lov og forskrift om offentlege anskaffingar, må ein organisere samarbeidet slik at tenestene blir utført som eigeneregi. IKT-gruppa har utgreia desse forholda ved å nytte juristane i innkjøpstenesta til Sogn og Fjordane Fylkeskommune og jurist Nina Ramstad Aatlo i KS. Innkjøpsregelverket set strenge krav til å kunne definere slike samarbeid som eigenregi. Eit av dei viktigaste krava er at alle samarbeidspartnarane skal ha reellt høve til å vere med å styre det som skjer i samarbeidet. Konklusjonen frå juristane er klar: Samarbeidspartnarane kan definere samarbeidet som eigenregi berre dersom samarbeidet blir organisert som eit interkommunalt samarbeid etter kommunelova 27. Partane kan velje å opprette samarbeidet som eit eige retts-subjekt, men det er tilstrekkeleg å opprette eit styre for samarbeidet. I tillegg set lova krav om at samarbeidet må utarbeide vedtekter. I høve kommunelova 27 er det kommunestyret og fylkestinget som har mynde til å opprette styret for samarbeid etter kommunelova 27. Alternativet til eit interkommunalt IKT-samarbeid, er at kvar enkelt samarbeidspartner lyser ut dei tenestene dei ikkje ønskjer å utføre sjølve, eller ikkje har ressursar til å utføre sjølve, på offentleg anbod. Forslaget vart handsama i Sogn regionråd si rådmannsgruppe 10.6.2011. Rådmannsgruppa går samrøystes inn for å opprette IKT-samarbeidet med dei andre SR kommunane og Sogn og fjordane fylkeskommune. Økonomiske konsekvensar Dei økonomiske konsekvensane er dekka innanfor gjeldande driftsbudsjett, og langsiktige Side 15 av 23

Sak 49/11 økonomiske konsekvensar er innarbeidd i økonomiplanen. Vurdering Sidan ein juridisk sett har 2 val når det gjeld drift av IKT-tenestene, vurderer ein her desse 2 alternativa opp mot kvarandre når det gjeld faktorane kostnad, kvalitet, effektivitet og tilhøve til eksisterande IKT-samarbeid. Dei to alternativa som blir vurdert er: 1. Inngå IKT-samarbeid etter kommunelova 27 med dei andre SR kommunane og Sogn og Fjordane fylkeskommune 2. Utføre alle IKT-tenestene sjølve eller lyse dei heilt eller delvis ut på anbod Kostnad Ei problemstilling er korleis ein kan vite om alternativ 1 er det mest kostnadseffektive for samarbeidspartnarane. For å bli viss på dette, har IKT-gruppa jobba grundig med detaljert kostnadsfordelinga i utkasta til dei 2 første delavtalane rundt GIS og Nettverk. Alle medlemmene i IKT-gruppa er samde om at dei kostnadsfordelingane ein har kome fram til, medfører lågare kostnader for kvar enkelt samarbeidspartnar enn det det er mogeleg å oppnå ved å velje alternativ 2. Ved å velje alternativ 1 oppnår ein i tillegg stordriftsfordeler som lågare kostnader, kompetansebygging internt i samarbeidet og at det er mogeleg å trekkje på kvarandre ved mangel på lokale ressursar. Kvalitet Når ein skal velje mellom dei to alternativa er det også viktig å drøfte kva alternativ som gir best kvalitet på IKT-tenestene. Her er det truleg slik at både private aktørar og IKT-tilsette hjå samarbeidspartnarane kan produsere gode tenester. Det er mest uråd å vite kva som er det beste alternativet på førehand. Likevel vil det vere slik at ein oppnår størst kontinuitet i tenestetilbodet ved å velje alternativ 1. Samla sett har kommunane og Sogn og fjordane fylkeskommune stabil arbeidskraft innan IKT. Ved val av alternativ 2, må dei tenestene ein vel å setje vekk til private, lysast ut på anbod minimum kvart fjerde år. Dette kan i verste fall resultere i meir skiftande kvalitet på tenestetilbodet. Ved val av alternativ 2, veit ein ikkje om resultatet blir ein tenesteleverandør som kan yte kvalitet eller ein som har problem med å levere gode tenester. Effektivitet IKT-teneste tilbodet til kommunane og fylkeskommunen er stort og mangfoldig. Status pr i dag er truleg at ikkje alle kommunane er gode på alle tenestene. Blant SR kommunane og Sogn og fjordane fylkeskommune, er det likevel truleg minst ein part som er dyktig på kvar av tenestene. Dette betyr at ved å velje alternativ 1, kan alle samarbeidspartane på kort tid heve kvaliteten på dei IKT-tenestene som er dårlegast hjå dei sjølve. Tenester som kommunen ikkje alt har etablert, kan kommunen kostnadseffektivt etablere på kort tid. Tilhøve til eksisterande IKT-samarbeid Det forslaget til IKT-samarbeid som vert lagt fram er ope og fleksibelt. Kvar samarbeidspart avgjer sjølv kva tenester samarbeidsparten ønskjer å samarbeide om gjennom dette samarbeidet. Dei to første delavtalane rundt GIS og nettverk er i utgangspunktet felles for alle samarbeidspartnarane, men kvar part står fritt til å trekkje seg ut også av desse delavtalane. Framlegget er i utgangspunktet ei formalisering av det ekisterande samarbeidet rundt nettverk og GIS. Formaliseringa opnar også for utvida samarbeid for dei av partane som ønskjer det. Side 16 av 23

Sak 49/11 Dette betyr at enten ein vel alternativ 1 eller alternativ 2, har valet ikkje direkte innverknad på eksisterande IKT-samarbeid. Etter ei samla vurdering, der ein spesielt har lagt vekt på kostnad, kvalitet, effektivitet og tilhøve til eksisterande IKT-samarbeid, vert alternativ 1 tilrådd. Aktuelle delavtaler: Leikanger kommune har i fleire år hatt avtale med Sogn og Fjordane fylkeskommune om drift av ikt-løysinga og telefoni. Frå 2011 er avtalen utvida til også å omfatte skulane og barnehagane. Det har vidare vori inngått avtale om kommunenett og drift av GIS-løysing saman med dei øvrige kommunane i Sogn. Desse avtalene kan vidareførast under den overordna samarbeidsavtalen Side 17 av 23

Sak 50/11 Rekneskapsrapport pr. 31.08.2011 LEIKANGER KOMMUNE MØTEBOK Sakshandsamar: Ingunn Broch Hauge Arkiv: 212 Arkivsak nr.: 11/517 Sak nr.: Utval Møtedato 78/11 Formannskapet 07.09.2011 50/11 Kommunestyret 29.09.2011 Formannskapet sitt FRAMLEGG TIL VEDTAK, samr.: Rapporten vert teken til vitande. Handsaming: Notat om utviklinga i verdipapir og fond vart delt ut. TILRÅDING: Rapporten vert teken til vitande. DOKUMENT: Rekneskapsrapportar frå agresso og visma. Budsjett 2011. Rapport: Utvikling verdipapir og fond (Kraftfondet pr 31.08.2011 (vedl) SAKSUTGREIING: Leikanger kommune er saman med fylkeskommunen og kommunane Balestrand, Luster og Sogndal er i ferd med å innføre eit nytt lønns-, personal- og rekneskapssystem. Oppstart av nytt system var 1.4.2011 og arbeidet med å få konvertert data frå gamalt til nytt system er enno ikkje fullført. Då rekneskapsdata for 2011framleis ligg på to ulike økonomisystem, vil det denne gongen berre bli utarbeida rapport på hovudpost- og hovudansvarsnivå. Oversikter på detaljnivå samt eventuelle budsjettendringar vert å koma attende til når rekneskapstal og budsjett for 2011 er samla i nytt økonomisystem. Side 18 av 23

Sak 50/11 Omlegging til nytt økonomisystem har mellom anna medført endringar i kontoplan samt vidare bruk av teneste og ansvar. Ein må difor også ta litt atterhald om at rekneskap i høve budsjett kan innehalde nokre avvik. (Oppsummert budsjett kan innhalde andre område enn det som er med i dei oppsummerte rekneskapstala). Totalt forbruk vil vere rett. Budsjett 2011 Budsjett 2011 byggjer på budsjett 2010. Årsbudsjettet vart vedteke i sak 51/10, 16.12.2010 Budsjett 2011 og økonomiplan 2011-2014 byggjer på budsjett 2010 (inkl. endring), samt resultatet av tenesteanalysen /OU-prosessen som har vore gjennomført ute i einingane. Eit overordna innsparingskrav for 2010 og 2011, rekna ut frå budsjett 2009 (inkl. endr), var sett til 10 mill kroner fordelt over to år, 6 mill i 2010 og ytterlegare 4 mill i 2011. Innsparingskravet på 6 mill vart innrekna i budsjettet for 2010, medan kravet for år 2011 og vidare i økonomiplanperioden ikkje vart innarbeida i rammene. For å få budsjettet for 2011 i balanse, er det budsjettert med bruk av 1,9 mill kroner i fondsmidlar. STATUSRAPPORT REKNESKAP/BUDSJETT 2. TERTIAL Totalt forbruk lønn hittil i år: Rekneskap hittil i år Budsjett inkl. endr. Forbruk i % Total bruk løn (inkl sos.kost) 62 921 424 95 967 000 65% Refusjonar frå NAV -2 473 370 0 Netto løn (inkl.sos.kost.) 60 448 054 95 967 000 63% Lønnskostnad tom august, ligg på nivå med budsjettet. (Forbruk lønn tom august vert rekna med 7/11, dvs. forventa forbruk skal ligge på ca 63,6%). Når det gjeld lønn tom august, så har ein mellom anna framleis eit etterslep i høve utlønning av sommarvikar innan pleie og omsorg.sjølv om samla lønskostnad ligg omtrent på budsjett, ser ein alt no at det på enkelte einingar vil kunne bli eit meirforbruk som krev budsjettendring. Pr.31.08. har ikkje einingane fått tilført midlar etter lønsoppgjeret. For å dekke opp for lønsoppgjeret 2011, er det budsjettert med ein lønnsreserve på 3,5 mill kroner. Status på hovedpostnivå tom august 2011: Regnskap Regnskap Rekneskap Buds(end) 1.1-31.3 1.4-30.8 hittil i år 2011 Forbruk i % Løner og sosiale utgifter 25676566 37244858 62921424 95967000 65,57 % Eksternkjøp 4793063 9844665 14637728 24125000 60,67 % Side 19 av 23

Sak 50/11 Internkjøp 0 0 0 1154000 0,00 % Kjøp av eksterne tenester 2631505 2420527 5052032 16067000 31,44 % Overfør. til andre / tillgsløyvingar 1269391 4879797 6149188 11448400 53,71 % Finansutgifter 1 702 546 330 1 702 876 14 613 600 11,65 % Sum utgifter 36073071 54390177 90463248 163375000 55,37 % Sals- og leigeinneker -2508121-8767515 -11275636-25545000 44,14 % Refusjonar/internsal -5469203-4861169 -10330372-17692000 58,39 % Overfør. frå andre -23338526-50261326 -73599852-111642000 65,92 % Finansieringsinntekter -672801 1753318 1080517-8496000 -12,72% Sum inntekter -31 988 651-62 136 692-94 125 343-163 375 000 57,61 % Netto forbruk 40 157 491 46 643 662 86 801 153 163 375 000 Forventa forbruk etter 8 mnd vil vere ca.66,67 %. Avkastning på fondsmidlar er ført tom juli og er rekneskapsført med eit tap på ca 1,7 mill kroner, dvs ca 4,2 mill under budsjettert. (Det er budsjettert med 2,5 mill i avkastning). Elles ser ein at ikkje noko hovudområde ligg an til meirforbruk. Ein må likevel ta omsyn til at når rapporten for 2. tertial er utarbeida så tidleg som ca.30 august, må ein ta høgde for at ikkje alle inntekter og kostnader er komne med. Meir utfyllande rapport vedrørande finansforvaltinga, då inkl august, vert delt ut i møtet. Leikanger kommune har pt. 127 mill kroner i gjeld. Det er då ikkje betalt avdrag for 2011. Status pr.ansvarsområde: Totalt hittil i år Budsjett inkl.endr. Forbruk i % Sentrale folkevalde organ og revisjon 1 470 784 2 143 000 68,63 % Sentraladministrasjon og styring 3 929 200 5 918 000 66,39 % Fellestenester 1 700 239 5 119 000 33,21 % Undervisning 14 266 959 22 616 000 63,08 % Barnehage 6 223 556 12 240 000 50,85 % Helsetenester 2 648 426 4 679 000 56,60 % Sosial og barnevern, psykiatri 4 205 515 9 011 000 46,67 % Pleie og omsorg 18 094 147 26 212 000 69,03 % Kultur og bibliotek 1 261 483 2 177 000 57,95 % Kulturskulen i Sogn 717 942 889 000 80,76 % Byggeforvaltning 5 704 759 7 446 000 76,62 % Side 20 av 23

Sak 50/11 Vegar 1 503 094 1 559 000 96,41 % Brannvern 1 150 853 1 176 000 97,86 % Miljø, areal og næring 1 112 124 1 297 000 85,75 % Livssyn 909 715 1 467 000 62,01 % Lønsreserve 0 3 500 000 0,00 % Frie inntekter -72 182 487-111 969 000 64,47 % Finansinntekter og utgifter 3 163 044 4 520 000 69,98 % Av oversikten kan ein sjå at det er enkelte område som pr.30.08.2011 alt har nytta store deler av sitt budsjett. Dette gjeld spesielt brannvern, området for vegar samt området miljø, areal og næring. Sogn Kulturskule krev inn refusjonar to gonger i året, og vil difor på denne tida av året framkome med høgre netto forbruk enn det som er reelt. Når det gjeld brannvern, så er det overført drifstilskot for heile 2011 til Sogn Brann og Redning IKS. Deler av driftstilskotet vert finansiert med kommunale gebyr og innbetalinga for 2. halvår er ikkje rekna inn. Grunna uvær og mykje vatn vart det sist vinter store skader på vegnettet. Kommunen har søkt Fylkesmannen i Sogn og Fjordane om tilskot for å få dekke deler av kostnaden. Når det gjeld området miljø, areal og næring, så er det hovudsak inntektssida som ikkje er i tråd med budsjettet, dvs lågare gebyrinntekter enn det er budsjettert med. Side 21 av 23

Sak 51/11 LEIKANGER KOMMUNE MØTEBOK Orienteringar Sakshandsamar: Odd Arve Rakstad Arkivsak nr.: 11/665 Arkiv: Sak nr.: Utval Møtedato 51/11 Kommunestyret 29.09.2011 TEMA: Bygging av nytt helsesenter og nye omsorgsbustader. Status i plan- og prosjekteringsarbeidet og vidare framdrift v/rådmann Kopi av brev av 25.08.11 frå Fylkesmannen til Fasit ingeniør og vikarteneste AS med melding om at det ikkje er klagerett på kommunestyret sitt vedtak om ikkje å godkjenna framlegget til reguleringsplan for Gjertrudbakken 1 (vedlagt) Revisjon av reguleringsplan for Leikanger barneskule/leikanger idrettspark. F- sak 77/10 (vedlagt) Tilmeldte spørsmål: Frå rep Tobias Dahle: 1. Status tinghusanlegga 2. Status lekkasjesøkinga m.a lekkasje frå privat eigedom Leitevegen Frå rep Steinar Fredheim: 3. Strategisk plan/skulepolitisk plattform for oppvekstsektoren i Leikanger. Status 4. Kommunen sin rolle som lokalsamfunnsutviklar. Jfr fleire saker i formannskapet omkring organisering av næringsarbeidet i kommunen, temadag 14.april 2011 og invitasjon frå Sogn og Fjordane fylkeskommune vedk finansiell bistand til utarbeiding av strategisk næringsanalyse for Leikanger. Vidare framdrift 5. Symjetilbodet i Leikanger. Framdrift og førebels konklusjonar frå arbeidsgruppa Side 22 av 23

Sak 51/11 6. Reguleringsplan for området rundt barneskulen status. Frå kommunestyregruppa SV: 7. Tal frå Statistisk Sentralbyrå syner at Leikanger i åra 2006-2010 auka talet på sysselsette (personar som har arbeidsstaden sin i Leikanger) med 286 personar. I same periode auka folketalet med 26 personar. Dette betyr at det er dårleg samsvar mellom vekst i arbeidsplassar og folketalsauke. Kva er gjort for å dra nytte av den positive veksten i tal arbeidsplassar for å få fleire til å busetje seg i kommunen? Kva vert gjort for å ta i mot nye innflyttarar? 8. Er det planar om sterkare styring og kontroll av tiltak i og utnytting av utmarka? Konkret vert det synt til fleire veganlegg og om dei vert brukte etter føresetnadane. Vidare om dei har ei teknisk løysing som ikkje aukar faren for flaum og ras, t.d. stigningstilhøve og drenering/avrenning. Det vert også synt til anlegget/oppdemminga på Tuftahaug. Oppdemming av store vassmassar kan innebere ein auka flaumrisiko. 9. Kva vert gjort med vanhevd? Jamfør 8 i jordlova. 10. Etter oppslag i Sogn Avis er det planar om bygging av omsorgsbustader i etasjen over helsesenteret. Kan kommunestyret få ei orientering om framdrifta for bygging av helsesenter og omsorgsbustader? Kvifor er det planar om ei anna løysing for omsorgsbustadar enn det arbeidsgruppa for nytt helsesenter har tilrådd? 11. Er det tilfelle at nedre del av barneskulen vart evakuert i vinter/vår i samband med stor vassføring/flaum i Henjaelvi? Korleis er denne hendinga følgd opp? Er det sett i verk konkrete tiltak og er det teke omsyn til slike hendingar i beredskapsplanen? 12. Korleis er stoda for den gamle sjukeheimen i Hatlebakkane? Side 23 av 23