Etablering av Trivselshagen IKS

Fylkestinget Side 1 av 14 Etablering av Trivselshagen IKS Fylkesrådmannen rår fylkesutvalet til å gje slik tilråding: Fylkesutvalet rår fylkestinget til å gjere slikt vedtak: 1. Fylkeskommunen sluttar seg til at det vert etablert eit interkommunalt selskap (IKS) saman med Gloppen kommune for å gjennomføre og drive eit felles prosjekt for å skaffe Firda vidaregåande skule nødvendig undervisningsareal og å skaffe skulane og lokalsamfunnet i Gloppen kultursal, symjehall, idrettshall m.v 2. Utkast til selskapsavtale for Trivselshagen IKS vert godkjent i samsvar med vedlegg 2. 3. Som fylkeskommunen sine medlemer i representantskapet vert valde: Medlem: Medlem: Varamedlem: Varamedlem: Prenta vedlegg: 1. FU-sak 106/05 2. Utkast til selskapsavtale 3. Oppsett over bruk og driftskostnader Uprenta vedlegg:

Fylkestinget Side 2 av 14 Saksframstilling 1. Bakgrunn I budsjett 2006/økonomiplan 2006-2009 er det løyvd 40 mill.kr fordelt over åra 2005-2008 til etablering av Trivselshagen IKS på Sandane. Gloppen kommune og fylkeskommune er vortne samde om å etablere eit interkommunalt selskap som skal planleggje, byggje, eige og drive den planlagde bygningsmassen for å skaffe Firda vidaregåande skule nødvendig undervisningsareal og for å skaffe lokalsamfunnet i Gloppen kultursal, symjehall, idrettshall m.v. i samsvar med den funksjonsplanen som er vedteken av deltakarane. Fellesprosjektet omfattar både nybygga i funksjonsplanen og rehabilitering av Firdahallen. Budsjettvedtaket byggjer på fylkesutvalet sitt vedtak i møte den 16.11.05, sak 106/05, som lyder slik: 1. Fylkeskommunen vil delta i eit eigedomsselskap (IKS) for Trivselshagen med inntil 50% eigardel. 2. Årlege driftskostnader, dvs. kapitalkostnader, drift, vedlikehald m.v. skal fordelast mellom partane etter årleg bruksomfang. 3. Avtale mellom Gloppen kommune og fylkeskommunen om dekking av årskostnader skal leggast fram for fylkesutvalet til godkjenning. 4. Vedtaket vert lagt til grunn for fylkesutvalet sitt første framlegg til budsjett/økonomiplan. Fylkesrådmannen si saksframstilling til fylkesutvalet følgjer som vedlegg 1. Prosjektet var opprinneleg meint å skulle realiserast ved hjelp av selskapet Trivselshagen AS som fylkeskommunen inngjekk intensjonsavtale med i 2004, jfr FU-sak 69/04. Trivselshagen AS er no ute av prosjektet sidan det ikkje greidde å innfri dei førsetnader som låg i intensjonsavtalen med omsyn til statleg finansiell medverknad og intensjonsavtalar med aktuelle brukarar/leigetakarar. 2. Etablering av interkommunalt selskap 2.1. Framdrift Det er semje mellom deltakarane om at selskapet skal opprettast så snart som muleg. Det vil då vere selskapet som overtek ansvaret for det vidare arbeidet med prosjektering, innhenting av tilbod, bygging m.v. Selskapet skal ha eit representantskap som sitt øvste organ og eit styre. Det vil vere desse organa som overtek det vidare ansvaret for prosjektet. Deltakarane legg til grunn at år 2006 vil gå med til planarbeid, utlysing av anbod m.v. Vidare vert det lagt til grunn at byggjearbeidet vil starte i 2007 og at det må reknast med to års byggjetid. Det er elles semje om at fylkeskommunen held fram med planarbeidet inntil selskapet er oppretta, og at selskapet deretter kjøper tenester hjå fylkeskommunen.

Fylkestinget Side 3 av 14 2.2. Selskapsavtalen Lov om interkommunale selskap 4 krev at det skal inngåast ein selskapsavtale som grunnlag for oppretting av selskapet. Avtalen skal m.a. nemne selskapet sitt namn, formål, deltakarar, tal medlemer i styret, tal medlemer i representantskapet og deltakarane si innskotsplikt og eigarandel. Utkast til selskapsavtale følgjer som vedlegg 2. Når Gloppen kommune og fylkeskommunen har vedteke selskapsavtalen er selskapet etablert. Innskota frå deltakarane er grunnlaget for berekninga av eigarandelane. Eigarandelane skal vere faste og uavhengige av utvikling i driftskostnader og fordelinga av desse. Deltakarane sitt ansvar er lik eigarandelen. Deltakarane hefter såleis med heile sin formue for sin aktuelle andel av selskapet sine samla plikter. Det er i selskapsavtalen 4 lagt opp til at kommunen og fylkeskommunen kvar skal skyte inn kr 40 mill.kr i selskapet. I tillegg skyt fylkeskommunen inn verdien av Firdahallen med 15 mill.kr. Eigardel og ansvarsdel for deltakarane skal likevel vere 50% på kvar, jfr 5. Det er elles lagt til grunn at både kommunen og fylkeskommunen seinare skal overføre tomtegrunn til selskapet. I følgje lova 5 forfell plikta til å yte innskot straks dersom anna ikkje er avtala. Eg har difor i selskapsavtalen 4 sett opp ein tidsplan for innbetaling av tilskota i samsvar med budsjettvedtaka i kommunen og fylkeskommunen. I følgje lova skal omfanget av innskotsplikta vere uttømande regulert i selskapsavtalen. Dette inneber at selskapsavtalen må endrast dersom deltakarane på eit seinare tidspunkt skal påleggjast å gjere ytterlegare innskot i selskapet. Det er i FU-sak 106/05 lagt til grunn at selskapet skal låne om lag 60 mill.kr. I følgje lov om interkommunale selskap 22 kan selskapet ikkje ta opp lån utan at det er særskilt fastsett i selskapsavtalen, og det må då setjast ei maksimumramme. Eg har i avtalen 11 sett ei ramme på 60 mill.kr. Slikt låneopptak skal godkjennast av departementet. I avtalen 7 står at representantskapet, som er det øvste organet i selskapet, skal ha fire medlemer; to frå kvar av deltakarane. Det er i følgje lov om interkommunale selskap berre kommunestyret og fylkestinget som kan velje medlemer til representantskapet. Det er vidare slik at det berre er representantskapet som kan velje styremedlemene. I 9 står at styret skal ha fire medlemer med tre varamedlemer i prioritert rekkjefølgja. Dette medfører at deltakarane får like mange medlemer kvar i styret. I drøftingane med Gloppen kommune var det semje om at det kan vere ei god løysing at administrasjonen gir tilråding om val av styremedlemer. Eg rår til at utkastet til selskapsavtale vert godkjent. 2.3. Fordeling av areal og driftskostnader Det står i vedtaket i FU-sak 106/05, pkt 3, at fylkesutvalet skal godkjenne avtale om dekking av årskostnader. Partene finn det ikkje naudsynt med ein eigen avtale om dette no. Det vil vere selskapet sitt ansvar å inngå avtale med kommunen og fylkeskommunen om fordelinga av areal og kostnader, jfr 6 i selskapsavtalen. Det som no er gjort er at fylkesrådmannen etter

Fylkestinget Side 4 av 14 drøftingar med Gloppen kommune har laga eit oppsett over stipulert fordeling av arealbruk og driftskostnader for Trivselshagen IKS mellom kommunen og Firda vidaregåande skule, jfr vedlegg 3. Oppsettet er basert på fordeling av areal og berekna bruksprosent med utgangspunkt i godkjent romprogram. Vidare er det lagt inn FDV-kostnad etter Holte Prosjekt sin kostnadsnøkkel. Som oppsettet viser kjem ein ut med ei prosentvis fordeling på omlag 1/3 på skulen og 2/3 på kommunen. Kapitalutgifter er ikkje med i oppstillinga, men skal etter avtale fordelast etter same forhold. Partane meiner likevel at ein dei to første driftsåra må registrere konkret utnytting, og om naudsynt gjera endringar i kostnadsfordelinga. Fylkeskommunen sine utgifter til administrasjon av byggesaka blir innarbeidde i byggeprosjektet. Ein legg elles til grunn at driftsselskapet kjøper tekniske driftstenester frå fylkeskommunen.

Fylkestinget Side 5 av 14 Fylkesutvalsak 106/05 Trivselshagen - Fylkeskommunal medverknad Fylkesrådmannen rår fylkesutvalet til å gjere slikt vedtak: Vedlegg 1 1 Fylkeskommunen vil delta i eit eigedomsselskap (IKS) for Trivselhagen med inntil 50% eigardel. 2 Årlege driftskostnader, dvs. kapitalkostnader, drift, vedlikehald m.v. skal fordelast mellom partane etter årleg bruksomfang. 3 Avtale mellom Gloppen kommune og fylkeskommunen om dekking av årskostnader skal leggast fram for fylkesutvalet til godkjenning. Prenta vedlegg: 1. Vedtak Glopppen kommunestyre sak 16/05. 2. Referat frå møte 09.11.05 3. Regionale utviklingsmidlar søknad om tilskot datert 10.11.05. Saksframstilling 1. BAKGRUNN Firda vidaregåande skule har vanskelege undervisningstilhøve i dei eksisterande skulebygningane på Sandane. Skulen sine behov og Gloppen kommune sitt ønksje om å utvikle nærings- og kulturlivet, resulterte i eit samordna prosjekt som fekk arbeidstittel Trivselhagen. Trivselhagen AS, eit dotterselskap av Gloppen Næringsinvest AS, la fram det dei kalla eit forprosjekt i april 2003. Forprosjektet var ei vidareutvikling av ei forstudie som vart gjennomført i regi av Sandane Næringshage AS. Innhaldet i forprosjektet var ei utdjuping av idear og framlegg til innhald i Trivselhagen. Det var og utgreidd arealbehov knytt til ei eventuell gjennomføring av prosjektideen. Forprosjektet var delfinansiert av fylkeskommunen med 0,5 mill. kr. av totalt 1,7 mill. kr.. SND, SIVA/Sandane Næringshage og Gloppen kommune finansierte resten. Med grunnlag i fylkestinget sitt vedtak i sak 19/03 fekk fylkesrådmannen fullmakt til å gå vidare med utgreiing av samarbeidsprosjekta med Trivselhagen AS. I same vedtak fekk fylkesutvalet fullmakt til å inngå ein eventuell intensjonsavtale med Trivselhagen AS for å avklare økonomiske rammer, samarbeidspartar og andre vilkår. Intensjonsavtale med Trivselhagen AS vart vedteke i fylkesutvalet i sak 69/04 i møte den 10. juni, jf. vedlegg. Fylkesutvalet har gjeve to løyvingar til hovudprosjektet kr. 200 000,- i desember 2003 og kr. 200 000,- i mai 2004. Til saman har fylkesutvalet løyvt 0,9 mill.kr til utvikling av Trivselhagen AS. Det ligg no føre eit houvdprosjekt dagsett 1. februar 2005. Denne rapporten er oversendt Gloppen kommune februar 2005. Kommunestyret sitt vedtak av 25.04.05 i sak 16/05 gav retningsliner for vidare arbeid med prosjektet jf. vedlegg.

Fylkestinget Side 6 av 14 Rapporten er motteken hjå fylkesrådmannen den 14.09.05 frå Trivselhagen AS. Denne rapporten utfordrar fylkeskommunen på medverknad på eigarsida i utbygging av Trivselhagen. Det er sett i gang arbeidet med funksjonsprogram for Firda vgs sommaren 2005. Der er etablert ei brukargruppe med representantar frå fylkeskommunen og Gloppen kommune. Kommunen har bedt bygge- og eigedomssjefen om å samordna Trivselhageprosjektet. Det er no utarbeidd utkast til funksjonsprogram. 2.- OMTALE AV TRIVSELHAGE-PROSJEKTET Trivselhagen AS har ikkje greidd å innfri dei føresetnader som låg i intensjonsavtalen med omsyn til statleg finansiell medverknad eller intensjonsavtalar med aktuelle brukarar/leigetakarar. Dette låg ikkje føre innan gjevne tidsfristar i høve fylkeskommunal budsjett- og økonomiplanhandsaming hausten 2004. Fylkesrådmannen er ikkje kjend med at slike avtalar ligg føre enno. Fylkesrådmannen har i prosessen frå 2003 til no lagt til grunn at Trivselhage-konseptet skulle ligge i botnen ved den fylkeskommunale utbygginga på Sandane. Dette vart det gjort avtale om mellom fylkesrådmannen og Gloppen kommune i møte juni 2004. Ved handsaminga av Investeringsplan 2005-2015 for bygg, anlegg og utstyr for opplæringsektoren låg det ikkje føre andre grunnlag enn forprosjekt av 30. april 2003. Ut frå dette vart det innarbeidd løyvingar i økonomiplanen 2005-2008 til nybygg ved Firda vgs som saman med rehabiliteringa av Firdahallen ville vera viktig bidrag i utviklinga av Trivselhagen. Gloppen kommunestyre gjorde i sak 16/05 i møte den 25. april vedtak om hovudprosjektet av 1. februar 2005. Kommunestyret gjorde vedtak om ei redusert utbygging i eit 1.byggesteg med to alternative prosjektomfang. Trivselhagen AS vart oppmoda om å arbeide vidare med å skaffe leigetakarar i prosjektet. Kommunestyret gjekk inn for å gå inn i eit samarbeidsprosjekt med fylkeskommunen med sikte på å opprette eit eigedomselskap med kommunen og fylkeskommunen som dominerande eigarar. Fylkeskommunen si bygge- og eigedomstenesta vart peika ut til å arbeide vidare med prosjektet. Det vart løyvt kr. 300 000,- til planleggingsarbeidet. I kommunestyret sitt vedtak ligg det framlegg om ei investering på 40 mill. kr og ei årleg husleige på 3 mill. kr.. Ut frå Gloppen kommunestyre sitt vedtak skulle 1. byggesteg omfatte følgjande: 1. Biblioteklokaler 2. Symjehall 3. Idrettshall 4. Styrketreningsrom/dans 5. Kultursal 6. Undervisningslokale Firda/kulturskulen 7. Helsesenter 8. Kantine/myldreareal 9. Auditorium/kino Dersom det måtte gjerast ytterlegare nedskjeringar, så burde 1. byggesteg omfatte følgjande: 1. Biblioteklokaler 2. Symjehall 3. Idrettshall 4. Styrketreningsrom/dans 5. Kultursal 6. Undervisningslokale Firda/kulturskulen Brukargruppe vart oppnemnt i juni d.å. og arbeidet kom i gang i august. Fylkeskommunen har prosjektleiinga og tilsett arkitektfagleg hjelp til brukargruppa som er samansett av medlemmar både frå Firda vgs og Gloppen kommune.

Fylkestinget Side 7 av 14 Brukargruppa arbeider no ut frå det mest omfattande prosjektet som Gloppen kommune har vedteke og med rammer som ligg i fylkestinget sitt vedtak i budsjett- og økonomiplan 2005-2008 vedk. nybygg for Firda vgs og rehabilitering av Firdahallen. Fylkesrådmannen sitt utgangspunkt har vore at fylkeskommunen skal ta ansvar for investeringar og leige for den bruken som Firda vgs har behov for i Trivselhagen. Det er vidare lagt til grunn at Gloppen kommune gjennom investering og leige tek ansvar for sine arealbehov. Utfordringa for brukargruppa har vore at vedtaket i Gloppen kommunestyre og nemnde vedtak i fylkestinget ikkje gjev fullfinansiering av Trivselhagen, dersom ein legg funksjons- og arealgrunnlaget i hovudrapporten av 1.02.05 til grunn. Dette medfører ein vanskelegare prosess for å kome fram til eit realistisk gjennomførbart totalprosjekt, noko som kan ha direkte verknad for oppstart og gjennomføring av naudsynt utbygging for skulen. Firda vidaregåande skule har prekære arealbehov i dag og er sett opp med løyving i 2006. Sett frå fylkeskommunen si synsstad er det difor svært viktig å halde framdrifta i denne saka. Den 09.11.05 vart det møte mellom fylkeskommunen og Gloppen kommune der ein drøfta framdrift og ymse prinsipp for samarbeidsprosjektet. Hovudkonklusjonane frå dette møte ligg ved som vedlegg 2. For å kome vidare med byggesaka, ønskjer fylkesrådmannen at fylkesutvalet no fastset rammene for fylkeskommunen sin medverknad. 3. PROSJEKTVURDERING - ALTERNATIV 3.1 Eigartilhøve Det ligg ikkje føre avtalar med andre enn fylkeskommunen om medverknad i Trivselhagen, slik at det i vår vurdering av eigarinteressene vert ei sak mellom Gloppen kommune og fylkeskommunen. Gloppen kommunestyre la modellen i hovudrapporten av 1.2.05 frå Trivselhagen AS til grunn for sin medverknad. Dette inneber at kommunen vil gå inn med 40 mill. kr. investeringar og inntil 3 mill. kr. i husleige. Ei auke på 0,5 mill. kr. i husleige i høve til opplegget frå Trivselhagen AS. I hovudrapporten frå Trivselhagen vert lagt til grunn at fylkeskommunen skal gå inn med 40 mill. kr. og ei årleg husleige på 2,5 mill. kr.. Eigedomsselskapet vert ansvarleg for fullfinansieringa. Frå fylkesrådmannen si side har det vore lagt til grunn at fylkeskommunen sin medverknad i Trivselhagen skulle omfatte behova for Firda vidaregåande skule. Dette ligg til grunn for dei vedtak som er gjort i fylkeskommunen til no. 3.2 Prosessen til no Arbeidet med utvikling av Trivselhage-prosjektet har skjedd i regi av Trivselhagen AS. Firda vidaregåande skule og bygge- og eigedomssjefen har vore involvert gjennom deltaking i arbeidsgrupper. I samband med vedtak knytt til Investeringsplan for bygg, anlegg og utstyr for opplæringssektoren, har fylkeskommunen lagt inn løyvingar til utbygging av Firda vgs og rehabilitering av Firdahallen. Fullføring av rehabiliteringa er utsett i påvente av planane for Trivselhagen. Trivselhagen AS la fram sluttrapporten dagsett 1.2.05. Gloppen kommunestyre har handsama sluttrapporten. Fylkeskommunen har no fått same rapport til handsaming. Arbeidet med funksjonsprogrammet er avslutta. Fylkesrådmannen er gjort kjend med at både skulen og representantane for kommunen legg inn større arealbehov enn det som til no har vore føresetnaden. Endeleg avklaring av desse utfordringane må vi ta gjennom administrativ og politisk handsaming av funksjonsprogrammet. Ferdig funksjonsprogram gir eit godt grunnlag for å vurdere korleis Firda vgs skal dekke sine funksjonsbehov. Det er likevel fylkesutvalet og fylkestinget som set dei økonomiske rammene for skulen si utbygging og samarbeidet med Gloppen kommune i Trivselhage-prosjektet.

Fylkestinget Side 8 av 14 3.3 Kostnader og finansiering av Trivselhagen Det reviderte kostnadsoverslaget etter kommunestyrevedtaket viser at totalkostnadene av dei anlegg som skal inngå i Trivselhagen vert 171 mill. kr.. Av dette utgjer rehabilitering av Firdahallen 25 mill. kr. der arbeid for 15 mill. kr. er utført. Ei eventuell samlokalisering av det kommunale helsesenteret må finansierast av Gloppen kommune, og er såleis ikkje teke med i resonnementet nedanfor. Ut frå dette vert ei finansieringsramme på 171 mill. kr. nytta i resten av saksutgreiinga. Det går fram av vedlegg 2 at prosjektet no blir tenkt som eit samarbeidsprosjekt mellom to partar Gloppen kommunen og fylkeskommunen. Trivselhagen A/S er no ute av prosjektet. Vidare går det fram at prosjektet blir realisert som IKS med 50% eigardel fro kvar av partane. Årlege driftskostnader, d.v.s kapitalkostnader, drift, vedlikehald m.v. skal fordelast mellom partane etter årleg bruksomfang. Med tilvising til tilskot som fylkestinget har gjort vedtak om til idrettshall i Flora, Fosshaugane Campus og operasal på Eid, søkjer Gloppen kommune om tilskot med same grunngjeving jfr. Vedlegg 3. Etter det fylkesrådmannen kjenner til, har ikkje denne problemstillinga vore drøfta i politiske fora tidlegare. Det er difor ikkje sett av midlar til dette i fylkeskommunen sin økonomiplan. Etter fylkesrådmannen sitt syn bør vi halde dei investeringsrammene som ligg i vedteken økonomiplan. Dette kan gjerast ved at Firdahallen (rehabilitert for 15 mill) blir sett inn i prosjektet som eit tilskot. Fylkesrådmannen vil rå til at Firdahallen vert stilt gratis til disposisjon for selskapet. Gjenståande kostnader til fullføring av rehabiliteringa må dekkast av selskapet. Trivselhagen AS har fått eit revisjonsfirma til å vurdere konsekvensar med omsyn til meirverdiavgift, dersom det vert skipa eit aksjeselskap. Konklusjonen er at eit slik selskap vil få avgiftsfritak på store deler av investeringskostnadene om lag 20 mill. kr. Det vert eit tilsvarande fritak om eigedomsselskapet har kommunen og fylkeskommunen som eigarar gjennom eit interkommunalt selskap. Eit eigedomssels kap kan isolert sett få ein lettare finansieringssituasjon ved ein slikt momsreduksjon. Realøkonomisk vil dette likevel ikkje ha nokon verknad for kommunen eller fylkeskommunen sin økonomi, då momsrefusjon alternativt vil gå til kommunen og fylkeskommunen. Etter dette får vi følgjande skisse til finansieringsmodell: Gloppen kommune 40 mill. kr. Fylkeskommunen 40 mill. kr. Spelemidlar 18,5 mill. kr. Eigedomsselskapet(lån) 37,5 mill. kr. Firdahallen 15 mill. kr. Sum Momsrefusjon Sum totalt 151 mill. kr. 20 mill. kr. 171 mill. kr. 3.4 Fordeling av bruken i Trivselhagen Bygge- og eigedomssjefen har stipulert ei fordeling av bruken av areala i Trivselhagen ut frå innspela som ligg til grunn for tidlegare vedtak. Eit vedteke funksjonsprogram og ein endeleg avtale mellom partane vil fastsette korleis kostnadene skal delast i høve bruken. Førebels vurdering av bruken av areala gir 32 % på fylkeskommunen og 68 % på kommunen..

Fylkestinget Side 9 av 14 Til orientering er dei årlege drifts- og vedlikehaldskostnadene for Firdahallen (inkl. opplæringsbassenget) 2 mill.kr. (2004). Av dette dekkar fylkeskommunen om lag 1.1 mill. kr., kommunen (idretten) 0,75 mill. kr. og inntekter 0,15 mill. kr. (symjehall og utleige). Ved ei utbygging som skissert i kommunestyret sitt vedtak frå april, vil det vera kommunale skular, kommunen sine innbyggarar, idrettslaga m.fl. vert meir dominerande brukarar av trivselhallen (den nye idrettshallen), kulturskulen, kultursalen, kino, badeanlegget m.m.. Nivået på driftskostnadene må vi kome attende til i økonomiplan. 4. KONKLUSJON/TILRÅDING Eit interkommunalt selskap vil fyrst og fremst ha ein fordel dersom ein kan få til ei betre driftsstyring og koordinering av bruken enn separate eigarar normalt vil kunne få til. Dette gjeld både både ved bygging og drift, dersom partane er nøkterne i høve til eigne behov. Fylkesrådmannen rår til at fylkesutvalet gjodkjenner at det blir arbeidd vidare med ralaisering av Trivselhagen etter det opplegget som er skissert framanfor. Fylkesrådmannen vil peike på at Firda vgs vil få ombyggingskostnader som følgje av endra rombruk. Omfanget av dette vert ikkje klarlagt før det ligg føre eit godkjent romprogram. Intensjonen er å legge programmet fram for hovudutval for opplæring i møte 29. november 2005.

Fylkestinget Side 10 av 14 Selskapsavtale for Trivselshagen IKS Vedlegg 2 1 Selskapet Trivselshagen IKS er eit interkommunalt selskap oppretta med heimel i Lov om interkommunale selskaper av 29.01.1999. Selskapet har følgjande deltakarar: Sogn og Fjordane fylkeskommune Gloppen kommune 2 Hovudkontor Selskapet sitt hovudkontor skal vere i Gloppen kommune. 3 Føremål Selskapet sitt føremål er planleggje, byggje, eige og drive eit felles prosjekt for å skaffe Firda vidaregåande skule nødvendig undervisningsareal og å skaffe skulane og lokalsamfunnet i Gloppen kultursal, symjehall, idrettshall m.v. i samsvar med den funksjonsplanen som er vedteken av deltakarane. Fellesprosjektet omfattar både nybygga i funksjonsplanen og rehabiliteringa av Firdahallen. 4 Innskotsplikt a) Deltakarane skal gjere slike innskot i selskapet i kontante midlar: Sogn og Fjordane fylkeskommune Gloppen kommune Sum 40 mill. kr. 40 80 mill.kr_ Plikta til å yte innskot forfell i samsvar med framgangen i byggeprosessen og budsjetterte midlar hjå deltakarane. Fylkeskommunen har i budsjett 2006/økonomiplan 2006-2009 lagt til grunn slik utbetaling av tilskotet på 40 mill. kr:: År 2006: 14,2 mill.kr. År 2007: 16 År 2008: 9,8

Fylkestinget Side 11 av 14 Fylkeskommunen har i 2005 og 2006 brukt omlag 1 mill. kroner til planlegging som kjem i frådrag i det oppsette tilskotet. Gloppen kommune har i økonomiplan 2006-2009 lagt til grunn slik utbetaling av tilskotet på 40 mill. kr:: År 2007: 10 mill. kr År 2008: 30 Kommunen har i 2005 brukt kr 300.000 til planlegging som kjem i frådrag i det oppsette tilskotet. b) Deltakarane skal gjere slike innskot i selskapet i realverdiar: Overføring av Firdahallen frå fylkeskommunen: 15 mill.kr Overføring av tomtegrunn frå kommunen etter utbygginga er ferdig Overføring av tomtegrunn frå fylkeskommunen etter utbygginga er ferdig 5 Eigardel og ansvarsdel Deltakarane sin eigardel er slik: Sogn og Fjordane fylkeskommune: 50 % Gloppen kommune 50 % Deltakarane sin ansvarsdel er lik eigardel. 6 Driftskostnader og driftsinntekter Det skal inngåast avtalar mellom selskapet og deltakarane om bruken av areala og fordeling av årlege driftskostnader, dvs kapitalkostnader, drift, vedlikehald m.v. i samsvar med årleg bruksomfang. Driftsinntektene går til selskapet dersom ikkje anna vert avtala med deltakarane. 7 Representantskapet Representantskapet er selskapet sitt øvste organ og skal ha fire medlemer med personlege varamedlemer. Gloppen kommune ved kommunestyret vel to medlemer og fylkeskommunen ved fylkestinget vel to medlemer. Representantskapet vel sjølv leiar og nestleiar. Valet følgjer den kommunale valperioden. Ved fyrste gongs val vert medlemene valde for resten av valperioden. Kvar deltakar har røysterett i forhold til sin eigardel i selskapet. 8 Møte i representantskapet

Fylkestinget Side 12 av 14 Ordinære representantskapsmøte skal haldast innan 1. mai (vårmøtet) og 1. oktober (haustmøtet), og skal handsame: Vårmøtet: Årsmelding Rekneskap Val til styret Val av leiar og nestleiar i styret Val av revisor Haustmøtet: Budsjett Økonomiplan I tillegg til ovanemnde kan det på representantskapsmøta handsamast følgjande saker: Andre saker som styret ynskjer å legge fram for representantskapet Andre saker som etter lov om interkommunale selskap skal avgjerast av representantskapet Utskrift av møtebok i representantskapet skal sendast deltakarane. 9 Styret Ansvar Forvaltninga av selskapet høyrer inn under styret, som har ansvaret for ein tilfredstillande organisering av selskapet si verksemd. Styret skal sjå til at verksemda vert driven i samsvar med selskapet sitt føremål, selskapsavtalen, selskapet sitt årsbudsjett og andre vedtak og retningsliner som vert fastsett av representantskapet. Styret skal føre tilsyn med dagleg leiar si leiing av verksemda. Samansetnad og val Styret skal ha fire medlemmer med tre varamedlemer i prioritert rekkjefølgja. Styret med leiar og nestleiar vert vald av representanskapet for to år om gongen. Dagleg leiar eller representantskapsmedlemer kan ikkje vere medlemer i styret. Representasjon Styret kan gje styremedlem eller dagleg leiar rett til å teikne selskapet, eller gjere vedtak om at slik teikningsrett må utøvast i fellesskap av dei som får teikningsretten. 10 Dagleg leiar

Fylkestinget Side 13 av 14 Selskapet skal ha dagleg leiar som skal tilsetjast av styret. Dagleg leiar har ansvaret for den daglege leiinga av selskapet og skal følgje dei retningsliner og pålegg som styret og representantskapet gjev. 11 Låneopptak Selskapet kan ta opp lån til kapitalformål med ei samla råme på 60 mill.kr ved vedtak av representantskapet. Endring av denne råma krev vedtak av deltakarane. Departementet skal godkjenne låneopptaket. 12 Uttreden Ein deltakar kan med eitt års skriftleg varsel seie opp sitt deltakarforhold i selskapet og krevje seg utløyst av selskapet. Slik uttreden kan likevel skje tidlegast 10 år etter at selskapet er skipa. Uttreden kan berre skje pr. 31.12. Utløysingssummen skal vere andelen sin nettoverdi ved oppseiingsfristen sitt utløp. Utløysingssummen kan likevel ikkje overstige verdien av deltakaren sitt innskot. 13 Tilhøve til Lov om interkommunale selskaper I tillegg til selskapsavtalen gjeld den til einkvar tid gjeldene lovgjeving om interkommunale selskap. 14 Ikrafttreding Selskapsavtalen trer i kraft når den er vedteken av alle eigarane. Leikanger, den Sandane, den Sogn og Fjordane fylkeskommune Gloppen kommune

Fylkestinget Side 14 av 14 Vedlegg 3 Bruks-/arealfordeling i Trivselshagen mellom Firda vgs og Gloppen kommune Netto- FDV- Stipulert bruksprosent Berkna arealfordeling FDV-kostnader Funksjon areal einingspris Firda Gloppen Firda Gloppen Firda Gloppen Administrasjon Firda 150 303 100 % 150 0 45 450 - Dans 250 303 80 % 20 % 200 50 60 600 15 150 Drama 260 303 95 % 5 % 247 13 74 841 3 939 Medium og kommunikasjon 190 303 100 % 190 0 57 570 - Fellesareal kulturbygg inkl. lærararb.plassar 230 303 60 % 40 % 138 92 41 814 27 876 Bibliotek/mediesenter 788 303 50 % 50 % 394 394 119 382 119 382 Kultursal med scene og garderobe 814 416 10 % 90 % 81 733 33 862 304 762 Kinosal/auditorium 149 416 30 % 70 % 45 104 18 595 43 389 Kulturskule 349 303 100 % 0 349-105 747 Kantine/kjøken 213 278 70 % 30 % 149 64 41 450 17 764 Firdahallen inkl. treningssenter (1) 3550 540 50 % 50 % 1775 1775 958 500 958 500 Idrettsfag-teorirom/arbeidspl./lærargarderobe 180 303 100 % 180 54 540 - Turnsal 170 303 30 % 70 % 51 119 15 453 36 057 Symjeanlegg 700 995 10 % 90 % 70 630 69 650 626 850 Trivselshall (storhall) 3304 278 15 % 85 % 496 2808 137 777 780 735 SUM 11297 4166 7131 1 729 484 3 040 151 36 % 64 % Total: 4 769 635 (1) I dette arealet er trekt ut 200 kvm for noverande symjehall. Dette inngår i symjeanlegget (700 kvm). over denne linja.. Sett inn saksutredningen