Dykkar ref: Vår ref Sakshand: Arkivkode: Dato:

Transkript

1 Vest-Telemark rådet Granliveien 1A, veksthuset 3850 KVITESEID MELDING OM VEDTAK Dykkar ref: Vår ref Sakshand: Arkivkode: Dato: 2011/262-3 Per Dehli, Organisering av Vest-Telemark rådet Her følgjer særutskrift av kommunestyret si sak nr. 26/11 Vedtaket kan påklagast til Seljord kommune. Klagefristen er 3 veker frå den dagen brevet kom fram til påført adressat. Det er tilstrekkeleg at klaga er postlagt innan fristen sitt utløp. Klaga skal sendast skriftleg til den som har fatta vedtaket, oppgje vedtaket det vert klaga over, den eller dei endringar du ønskjer, og dei grunnar du vil anføre for klaga. Dersom du klager så seint at det kan være uklart for oss om du har klaga i rett tid, må du også oppgje når denne meldinga kom fram. Med helsing Per Dehli Rådmann Postadresse: 3840 SELJORD Telefon: Bankgiro: Telefaks: Org.nr: E-post: post@seljord.kommune.no

2 (1) Sendar (stemplet til forvaltningsorganet) Seljord kommune Rådmannen (3)Mottakar (namn og adresse) Vest-Telemark rådet, Granliveien 1A, veksthuset, 3850, KVITESEID Melding om rett til å klage over forvaltningsvedtak. (Forvaltningslova 27 tredje leddet) (2) Dato (4)Klageinstans Fylkesmannen i Telemark Denne meldinga gjev viktige opplysningar dersom De vil klage på eit vedtak De er gjort kjend med. Klagerett Kven kan De klage til? Klagefrist Rett til å krevje grunngjeving Innhaldet i klaga Utsetjing av gjennomføring av vedtaket Rett til å sjå saksdokumenta og til å krevje rettleiing Kostnadene med klagesaka Klage til Sivilombodsmannen Særlege opplysningar De har rett til å klage på vedtaket. Klaga sender De til oss, dvs. det organet som er ført opp i rubrikk (1). Dersom vi ikkje endrar vedtaket vårt som følgje av klaga, sender vi klaga over til klageinstansen, jf. rubrikk (4). Klagefristen er tre tre veker frå den dagen dette brevet kom fram. Det er nok at klaga er postlagt før fristen går ut. Dersom De klagar så seint at det kan vere uklart for oss om De har klaga i rett tid, bør De gjeva opp datoen for når De fekk dette brevet. Dersom De klagar for seint, kan vi sjå bort frå klaga. De kan søkje om å få lengre klagefrist, og då må De nemne grunnen til at De ønskjer det. Dersom De meiner at vi ikkje har grunngjeve vedtaket, kan De krevje ei slik grunngjeving før fristen går ut. Ny klagefrist blir då rekna frå den dagen De får grunngjevinga. De må presisere - kva for eit vedtak De klagar på - årsaka til at De klagar - den eller dei endringar De ynskjer - eventuelt andre opplysningar som kan ha noko å seie for vurderinga av klaga. - Klaga må underskrivast. Jamvel om De har klagerett, kan vedtaket til vanleg setjast i verk med det same. De kan søkje om å få utsett gjennomføringa av vedtaket til klagefristen er ute eller til klaga er avgjort. Med visse unntak har De rett til å sjå dokumenta i saka. Reglane om dette finst i 18 og 19 i forvaltningslova. De må i tilfelle ta kontakt med oss, jf. rubrikk (1). De vil då få nærmare rettleiing om retten til å klage, om framgangsmåten og om reglane for saksgangen. De kan søkje om å få dekt utgifter til den advokathjelpa De treng, etter reglane om fritt rettsråd. Her gjeld det visse grenser for inntekt og eige. Fylkesmannen eller advokaten Dykkar kan gjeva nærare opplysningar om dette. Det er også høve til å krevje dekning for store kostnader som har med klagesaka å gjere. Normalt er det då ein føresetnad at det organet som gjorde det opphavlege vedtaket, har gjort ein feil slik at vedtaket blir endra. Klageinstansen (jf. rubrikk (4) vil orientere Dykk om retten til å krevje slik dekning. Stortingsombodet for forvaltninga (Sivilombodsmannen) har ikkje høve til å ta opp saker som er avgjorde av Kongen i statsråd. Dersom De no får klaga Dykkar avgjort i statsråd fordi Kongen er klageinstans, kan De såleis ikkje seinare føre saka inn for Sivilombodsmannen

3 Seljord kommune Arkiv: 031 Saksnr.: 2011/262-1 Sakshand.: Per Dehli Direkte tlf.: Dato: Saksframlegg Utval Utvalssak Møtedato Kommunestyret 26/ Organisering av Vest-Telemark rådet Saksdokument: Vedlegg: 1 Formalisering av Vest-Telemarkrådet som 27-Selskap - Forslag til vedtektsendringar Saksutgreiing: I møte i Vest-Telemark rådet har det vært handsama ein sak om å etablere det interkommunale samarbeidet i form av eit 27 samarbeid slik det er beskrive i kommunelova. Eit paragraf 27 selskap er eit selskap som er oppretta med heimel i kommunelova si 27 om interkommunalt og interfylkeskommunalt samarbeid. 27 har fylgjande ordlyd: 1. To eller flere kommuner, to eller flere fylkeskommuner, eller en eller flere kommuner og en eller flere fylkeskommuner, kan opprette et eget styre til løsning av felles oppgaver. Kommunestyret og fylkestinget gjør selv vedtak om opprettelse av slikt styre. Til slikt styre kan kommunestyret eller fylkestinget selv gi myndighet til å treffe avgjørelser som angår virksomhetens drift og organisering. Kongen kan gi pålegg om opprettelse av styre som nevnt i første ledd. 2. Vedtektene for det interkommunale styre skal inneholde bestemmelser om: a. styrets sammensetning og hvordan det utpekes, b. området for styrets virksomhet, c. hvorvidt deltakerkommunene skal gjøre innskudd til virksomheten, - 3 -

4 d. hvorvidt styret har myndighet til å ta opp lån eller på annen måte pådra deltakerne økonomiske forpliktelser, e. uttreden fra eller oppløsning av samarbeidet.3. Den enkelte kommune og fylkeskommune kan i alle fall med ett års skriftlig varsel si opp sitt deltakerforhold i det interkommunale samarbeid og kreve seg utløst av det. Utløsningssummen fastsettes til andelens nettoverdi ved oppsigelsesfristens utløp, men ikke til mer enn verdien av de midler vedkommende kommune eller fylkeskommune har skutt inn. Oppsigelse av avtale om interkommunalt styre kan bringes inn for departementet. Departementet kan gi pålegg om at samarbeidet skal fortsette i et nærmere bestemt tidsrom eller inntil videre, hvor samfunnsmessige interesser eller hensynet til samarbeidende kommuner tilsier dette. Vurdering Vedlagte saksutgreiing frå Vest-Telemark rådet kan tolkast som om det er vedtektene som skal godkjennast og at vedtak om å opprette eit 27 selskap allereie er tatt. Det er viktig å notera seg at det berre er kommunestyret som kan fatte vedtak om og opprette eit slikt selskap. Denne saka må derfor betraktas som ein sak som omhandlar etableringa av ei interkommunalt samarbeid etter 27, delegering av mynde til det interkommunale samarbeidet og godkjenning av vedtektene i dette samarbeidsorganet. Når det gjelder sjølve etableringa av samarbeidsorganet så har rådmannsgruppa i kommunane anbefala dette i si utgreiing om organiseringa av Vest-Telemark samarbeidet. På dette punktet var alle administrasjonane einige, gruppa var splitta i sitt syn på korleis Vest-Telemark Næringsutvikling (VTNU) skulle organiserast. Det er satt i gang vidare utgreiingar for å kome fram til eit resultat i denne saka. Frå rådmannen sin ståstad er det derfor uproblematisk å tilrå at det opprettast eit interkommunalt samarbeid etter 27 i kommunelova. Når det gjeld delegering av mynde til samarbeidsorganet Vest-Telemark rådet (VTR) så må dette vurderast separat. Delegering av mynde vi i teorien kunn omfatte alt frå ingen ting til eit større politisk saksområde som t.d. næringspolitikk eller landbrukspolitikk. Rådmannen tilrår ikkje at eit større politisk saksområde delegerast, da dette ofte vil kome i konflikt med saksområde der kommunestyret sjølv skal fatte vedtak, t.d. budsjett. Dersom det ikkje er noko som skal delegerast så kan det stillast spørsmål med om det er noko hensikt i å formalisere samarbeidet etter 27 i kommunelova. Rådmannen vil tilrå at det er avgjersler i det administrative arbeidet i VTR som delegerast til VTR i samband med etableringa av eit interkommunalt samarbeid etter 27 i kommunelova. Det er viktig å merke seg at det må gjerast eit formelt vedtak om delegering og at dette må være likt i dei samarbeidande kommunane jf. lovas krav om at kommunestyret sjølv kan gi eit slikt styre mynde til å treffe avgjersle som angår verksemdas drift og organisering. For å få eit tettare politisk samarbeid som er godt forankra i dei einskilde kommunane kan det utarbeidast ein politisk plattform i form av ei erklæring som blir vedteken når eit nytt kommunestyre veljast. Døme på ein slik erklæring finnast i Midt-Telemark. Soria Moria erklæringa til regjeringa Stoltenberg er også eit døme på ein slik erklæring. Når det gjelder det administrative samarbeidet så har Telemark utviklingsfond (TUF) og samarbeidskommunane forplikta seg til å finansiere dette, noko som er nærmare definera i dei foreslegne vedtektene i vedlegg 1. I rådmannsgruppa sitt forslag til organisering ligg det inne nokre faste stillingar som skal støtte rådet sitt arbeid. Det er t.d. foreslått ressursar til sekretærfunksjon, prosjektadministrasjon og IKT. I tillegg må det administrative nivået i VTR ha nokre ressursar til anna drift. Den detaljera samansetninga av det administrative organet i VTR vil fastsettast av rådet når den pågåande utgreiinga er ferdig. Rådmannen vil tilrå ar det er - 4 -

5 styring av dette administrative nivået som delegerast til VTR i samband med etableringa av det interkommunale samarbeidet etter 27 i kommunelova. Når det gjeld vedtektene, så har dei vært handsama i VTR. Da lova sett krav til at kommunestyret sjølv skal godkjenne etableringa av 27 samarbeidet, er det naturleg at kommunestyret også godkjenner vedtektene. Lova setter nokre krav til kva vedtektene skal innehalde. Dei vedtektene som er foreslegne i vedlegg 1 tilfredstiller dei krava som lova setter. Rådmannen si tilråding: Rådmannen rår kommunestyret til å fatte fylgjande vedtak: Seljord kommune vedtek å etablere eit eiget styre til løysing av felles oppgåver med heimel i 27 i kommunelova. Styret etablerast saman med kommunane Fyresdal, Kviteseid, Nissedal, Tokke og Vinje. Styret sitt namn er Vest-Telemarkrådet. Styret skal ha eit sekretariat som støttar rådet sitt arbeid på administrativt nivå. Sekretariatet finansierast av Telemark utviklingsfond og kommunane i Vest-Telemark rådet. Seljord kommune delegerer mynde over sekretariatet til Vest-Telemarkrådet. Seljord kommune godkjennar vedtektene i Vest-Telemarkrådet og Vest-Telemarktinget slik dei er lagt fram i vedlegg 1 og oppmodar Vest-Telemarkrådet til å utarbeide ei politisk plattform/erklæring som kan leggast til grunn for det vidare samarbeidet. Ei slik erklæring må handsamast og godkjennast av kommunestyret sjølv. Handsaming i Kommunestyret Rådmannen si tilråding vart samrøystes vedteke. Vedtak i Kommunestyret Seljord kommune vedtek å etablere eit eiget styre til løysing av felles oppgåver med heimel i 27 i kommunelova. Styret etablerast saman med kommunane Fyresdal, Kviteseid, Nissedal, Tokke og Vinje. Styret sitt namn er Vest-Telemarkrådet. Styret skal ha eit sekretariat som støttar rådet sitt arbeid på administrativt nivå. Sekretariatet finansierast av Telemark utviklingsfond og kommunane i Vest-Telemark rådet. Seljord kommune delegerer mynde over sekretariatet til Vest-Telemarkrådet. Seljord kommune godkjennar vedtektene i Vest-Telemarkrådet og Vest-Telemarktinget slik dei er lagt fram i vedlegg 1 og oppmodar Vest-Telemarkrådet til å utarbeide ei politisk plattform/erklæring som kan leggast til grunn for det vidare samarbeidet. Ei slik erklæring må handsamast og godkjennast av kommunestyret sjølv. Utskrift til: Vest-Telemarkrådet, Granlivegen 1A, Veksthuset, 3850 Kviteseid - 5 -