Arkiv: 20150010 Arkivsaksnr: 2015/2031-17 Saksbehandlar: Håvard Stensønes Saksframlegg Utval Hovedutval for teknikk, miljø og næring Utvalssak 84/17 Møtedato 20.12.2017 Reguleringsplan for Fv 65 Vinddøla - Røv - gang og sykkelveg Vedlegg 1 Planomtale_fv_65_Vindøla-Røv_A4 2 Føresegner_fv65_Vindøla_Røv_A4 3 Plankart 4 Tekniske_teikningar 5 Støyrapport 6 Merknader ved oppstart Saksopplysningar Statens vegvesen har fremma forslag til reguleringsplan for gang- og sykkelveg langs Fv 65. Gang- og sykkelvegen er eit viktig trafikksikringstiltak langs fv 65 og det er forventa byggestart i 2018 eller 2019. Planforslaget Forslag til detaljregulering for gang- og sykkelveg langs Fv 65 Vinddøla Røv er mottatt frå Statens vegvesen. Planforslaget som foreligg til behandling består av: - Plankart datert 13.12.2017 - Reguleringsbestemmelser datert 13.12.2017 - Planomtale datert 13.12.2017 - Støyrapport datert 29.11.2017 - Tekniske teikningar datert 13.12.2017 1
Plankartet er teknisk godkjent og planomtalen er grundig nok til at kommunen kan fatte vedtak i saka. Planbestemmelsane er i tråd med plankartet og omhandlar både vegareal og øvrige byggeformål langs Fv 65. Planforslag datert 13.12.2017
Hensikt med regulering Hensikten med reguleringen er å tilrettelegge for gang- og sykkelveg langs fv 65. Forhold til overordnete planer Planforslaget er i tråd med kommuneplanens arealdel vedtatt 9. november 2017. Gjeldende reguleringsplan Krysset mellom fv 65 og Vindøldalsvegen er med i to gjeldande reguleringsplaner: - Holtamoan (planid 19750007) - Holten Masseuttak (planid 20080153) Deler av desse planene blir oppheva når den nye plana blir vedtatt. Innkomne merknader til planoppstart I samband med oppstart av planarbeidet kom det inn fleire innspel til planarbeidet. Desse følger som vedlegg i saka og er omtala i kapittel 8 i planomtalen. Statens vegvesen har teke omsyn til fleire av innspela som kom inn ved oppstart. Fleire av innspela omhandla forslag til særskilte tekniske løysingar, og forslag om endring på eksisterande fylkesveg. Tekniske løysingar som er i strid med vegnormalen er ikkje ønskeleg for vegvesenet, og av den grunn er ikkje alle innspela teke hensyn til. Andre aktuelle saker i området: Det er ingen andre plansaker eller større byggesaker innanfor planområdet. Vurdering Ny gang- og sykkelveg langs Fv 65 er eit av dei viktigaste trafikksikringstiltaket i Surnadal kommune på fleire år. Mange bebuarar på Holtamoan, Høgmoen og langs fylkesvegen har venta i mange år på gang- og sykkelveg.
Plansaka har vore gjennom ein grundig prosess med eit bra opplegg for medvirkning. Det er gjennomført informasjonsmøte, befaringar og mulighet for kvar enkelt grunneigar langs fv 65 til å møte Statens vegvesen for å få informasjon og kome med sine innspel til arbeidet. Det er ulike meiningar om prioriteringane for prosjektet. Enkelte meiner at det er taktisk uklokt å bruke pengar på gang- og sykkelveg på denne strekninga, og heller bruke pengane på omlegging av fylkesvegen i tråd med kommuneplana. Kommunen meiner trafikksikkerheita for dagens ungar må gå foran meir langsiktige og usikre planer om omlegging av fylkesvegen. Av den grunn vart det teke inn gang- og sykkelveg på strekninga i kommuneplanen sin arealdel. Fylkeskommunen har prioritert prosjektet som det viktigaste trafikksikringstiltaket for mjuke trafikantar i Surnadal for komande periode og det er avsatt pengar til gjennomføring av prosjektet. Utsnitt av 3D-modell ved Røv bru. Dei tekniske løysingane er basert på vegnormalane, som er «standarden» for korleis vegar og gang- og sykkelvegar blir bygd i Norge. Vegnormalane omhandlar til dømes krav til vegbredder, svingradiusar og krav til stigning. Det må særskilte grunnar til for at eit vegprosjekt kan avvike frå vegnormalane. Bredde på gangveg Bredde på gangvegen er 3,5 meter. I og med at ein på deler av strekninga har utfordringar med plass, meiner rådmannen at ein med fordel kan redusere breidda til 3 meter. Dette vil føre til mindre ulemper for bebuarar langs gangvegen. Det har vore kontakt med Statens vegvesen (SVV) om dette, og dei vil vurdere dette i detaljprosjekteringa. SVV ønsker å fremme reguleringsplana med bredde 3,5 meter langs heile strekninga bortsett frå ved 14/12 der gang- og sykkelvegen er utvida til 4 meter på grunn av at den skal nyttast som køyreveg til eigedomane 14/4 og 14/13. Rekkverk Det er ikkje vist rekkverk langs gang- og sykkelvegen. Rådmannen ber om at det blir vurdert rekkverk langs gang- og sykkelvegen frå Høgmoen (SGS 05), for å hindre at bilistar frå vest
køyrer inn på gang- og sykkelvegen. Dei tekniske teikningane viser kvar det er planlagt rekkverk, vist som grøn linje. Dagens situasjon ved Røv bru. Gnr/bnr 13/18 Broset (fergemannstuå) midt i bildet. Konsekvensutredning Planforslaget er vurdert i henhold til plan- og bygningslovens kapittel VII «Konsekvensutredninger», med tilhørende forskrift. Tiltaket fell ikkje inn under forskrifta sine oppfangskriterie. Innkomne innspel Innspela til plana er i all hovedsak innarbeidd i plana. Enkelte har merknader om prioritering av dette prosjektet samanlikna med å legge fylkesvegen utanfor Røv i tråd med kommuneplana. Dette er ikkje hensynteke i dette prosjektet. Vegvesenet skriv at ein ikkje kan utelukke at prosjektet kan påverke prioriteringane på fylkesvegane i åra framover og at det kan gå lenger tid før fylkesvegen blir flytta ut frå Røv. Infrastruktur Planforslaget legg godt til rette for mjuke trafikantar i området. Det blir eit meir tydeleg skille mellom biltrafikk og mjuke trafikantar og etablerer ein trygg skuleveg for bebuarar i området. Fleire av avkjørslane blir sanert, noko som kan opplevast som negativt for bebuarane. Rådmannen meiner dei avbøtande tiltaka, med samling av avkjørslar og etablering av nye trafikksikre adkomstvegar inn på tomtene er gode tiltak. Landskapsverknader / Grønnstruktur Fylkesvegen er foreslått flytta sørover ved Røv bru. Dette vil føre at landskapet blir noko endra, men er vurdert til ikkje å vere av stor negativ betydning. Det vil ellers bli mindre terrengendringar for å få plass til gangvegen. Planbestemmelsane har omtala materialbruk og korleis ein skal sikre god estetikk og landskapstilpassing i samband med detaljprosjekteringa. For å ha så naturleg muring som mogleg meiner rådmannen det er uheldig å nytte gabionar fylt med stein ved boligane på Røv. Dette blir begrunna med at den type løysing heller kan egne seg i anlegg der ein ikkje kjem så tett inntil muren. Estetisk er det betre å nytte naturstein i murar nær boligar. Barn og unge sine interesser
Plana vil føre til betre forhold for barn og unge. Det blir lettare og tryggare å bevege seg i området, besøke vener og sykle til og frå skulen. Kulturminner / bygningsmiljø Det er ingen kjente automatisk freda kulturminne innanfor planområdet, men den tette bebyggelsen på Røv utgjer eit fint bygningsmiljø med fleire eldre bygningar og gardstun. Det har vore viktig i planprosessen å lage løysingar som ikkje fører til at hus må rivast. Enkelte boligar får gangvegen inn i hagen sin. Nokre har uttalt seg negativt til dette, medan andre meiner det er positivt. Rådmannen har forståing for at det kan opplevast som dramatisk å få ein gang- og sykkelveg inn på eigedomen. Hensynet til mjuke trafikantar veg i denne saka tyngre enn hensynet til enkelte bebuarar langs strekninga. Møre og Romsdal fylkeskommune har gjennomført arkeologiske undersøkingar i området, men det er ikkje gjort funn. Røv mølle til høgre i bildet. Til venstre to boligar som får ny tilkomstveg som følge av plana. Risiko og sårbarheit ROS sjekkliste er gjennomgått, og det er ikkje knytt uakseptabel risiko til tema som inngår i sjekklista. Naturmangfoldsloven Vurderingar i forhold til naturmangfoldlova 8 12. Kommunen skal i alle saker vurdere tiltaket i forhold til naturmangfoldlova (Nml) 8 12. I forhold til Nml 8 (kunnskapsgrunnlaget): - Saka er vurdert i forhold til opplysningar som ligg i Naturbasen. Det er ingen registeringar innafor planområdet eller i dekningsområdet. - Artsdatabanken viser ingen registreringar av trua eller sårbare artar innafor planområdet eller dekningsområdet. I forhold til Nml 9 (føre-var-prinsippet):
Der det er tvil om kunnskapsgrunnlaget bør tiltak avslåast. Kommunen har vurdert kunnskapsgrunnlaget i denne saka til å vere godt nok i forhold til å fatte vedtak. I forhold til Nml 10 (økosystemtilnærming og samlet belastning): Nml 10 seier at påverknad av eit økosystem skal vurderast ut frå den samla påverknaden. Tiltaket fører ikkje til endra påverknad Omsøkte tiltak ligg langt unna inngrepsfritt naturområde. I forhold til Nml 11 (kostnaden ved miljøforringelse skal bæres av tiltakshavar): Nml 11 legg kostnadane for å avgrense negativ påverknad tiltaket volder, til den som er ansvarleg for tiltaket. Kommune vurderer omsøkt tiltak slik at det ikkje vil bli sett krav om avbøtande tiltak. Samla vurdering: Rådmannen meiner planforslaget som foreligg er godt gjennomarbeidd og i tråd med bestillinga ved planoppstart. Saka har vore gjennom ein grundig planprosess med god medvirkning frå bebuarar, næringsdrivande og øvrige interessentar i området. Rådmannen anbefaler hovedutvalet om å legge reguleringsplan for gang- og sykkelveg langs fylkesveg 65 Vindøla Røv ut til offentleg ettersyn som omsøkt, med forslag om ei endring i planbestemmelsane om materialbruk ved muring. Rådmannen si tilråding Hovudutval for teknikk, miljø og næring legg reguleringsplan for fv 65 Vindøla Røv, gang- og sykkelveg, ut til høyring og offentleg ettersyn etter plan- og bygningslovens 5-2 og 12-10 Plandokumenta består av - Plankart datert 13.12.2017 - Planomtale datert 13.12.2017 - Støyrapport datert 29.11.2017 - Tekniske teikningar datert 13.12.2017 - Planbestemmelsar datert 13.12.2017 med følgande endring: Pkt 2.1: Murar skal vere oppført i naturstein eller gabbionar fylt med lokal elvestein, og ha eit heilskapleg uttrykk på strekninga. Endrast til: Murar skal vere oppført i naturstein og ha eit heilskapleg uttrykk på strekninga Deler av følgande gjeldende reguleringsplaner er innanfor planområdet og blir dermed oppheva: - Holtamoan, (planid 19750007) - Holten Masseuttak (planid 20080153) Plana er vurdert etter naturmangfaldlova. Behandling i Hovedutval for teknikk, miljø og næring - 20.12.2017 Votering: Tilrådinga frå rådmannen vart samrøystes vedteken.
Hovudutval for teknikk, miljø og næring sitt vedtak: Hovudutval for teknikk, miljø og næring legg reguleringsplan for fv 65 Vindøla Røv, gang- og sykkelveg, ut til høyring og offentleg ettersyn etter plan- og bygningslovens 5-2 og 12-10 Plandokumenta består av - Plankart datert 13.12.2017 - Planomtale datert 13.12.2017 - Støyrapport datert 29.11.2017 - Tekniske teikningar datert 13.12.2017 - Planbestemmelsar datert 13.12.2017 med følgande endring: Pkt 2.1: Murar skal vere oppført i naturstein eller gabbionar fylt med lokal elvestein, og ha eit heilskapleg uttrykk på strekninga. Endrast til: Murar skal vere oppført i naturstein og ha eit heilskapleg uttrykk på strekninga Deler av følgande gjeldende reguleringsplaner er innanfor planområdet og blir dermed oppheva: - Holtamoan, (planid 19750007) - Holten Masseuttak (planid 20080153) Plana er vurdert etter naturmangfaldlova.