Planprogram for utviding av steinbrotet i reguleringsplan for Eikefet/Urdal

Transkript

1 Arkiv: Saksmappe: Sakshandsamar: Dato: L /618 Lars Johan Haukås Utvalssak nr. Utval Møtedato 86/11 Plan- og miljøutvalet Råd for menneske med nedsett funksjonsevne Eldrerådet Levekårsutvalet Planprogram for utviding av steinbrotet i reguleringsplan for Eikefet/Urdal Saka skal i denne omgang avgjerast av plan- og miljøutvalet. Rådmannen gjer slikt framlegg til vedtak: I medhald av plan- og bygningslova 12-2 vedtek plan- og miljøutvalet oppstart for utviding av steinbrot i godkjent reguleringsplan for Eikefet/Urdal industriområde. Framlegg til planprogram for same området vert i medhald av 7 i forskrift om konsekvensutgreiing lagt ut til offentleg ettersyn. Handsaming i Plan- og miljøutvalet Rådmannen sitt framlegg vart samrøystes vedteke. Vedtak i Plan- og miljøutvalet Rådmannen sitt framlegg er vedteke. Saksutgreiing: Oster Pukk og Sand AS (OPS) ønskjer å utvide steinbrotet sitt på Eikefet. Det skal derfor utarbeidast reguleringsplan med KU for anlegget ved Eikefet, heilt aust Lindås kommune. Mot vest strekker planområdet seg frå Eikefet og Osterfjorden langs Eikefetdalen og Eikefetelvi til Eikemo i nordvest. I nord krysser plangrensen austover ved Dyrskaret og Hovdane før plangrensen føljer Urdalen og Urdalselvi sørover til Osterfjorden ved Store- Urdal. Storleiken på planområdet er på om lag 1980 daa. Reguleringsplanen med KU skal ta stilling til kva løysing som skal leggast til grunn for vidare planlegging og drift av anlegget. Som første ledd i den formelle prosessen skal det leggjast fram forslag til planprogram. Planprogrammet skal gje rammene for plan- og konsekvensutgreiingsarbeidet som skal gjennomførast før reguleringsplanen kan leggjast fram for politisk handsaming. Planprogrammet skal gjere greie for kva som skal utgreiast (kva som har innverknad på miljø og samfunn), det skal peike på viktige tilhøve ein må leggje vekt på i planarbeidet og ikkje minst: Planprogrammet skal fastleggje kva tilhøve og tema som skal inngå i konsekvensutgreiinga for prosjektet. For å kunna forsvare naudsynte investeringar på millionar kronar ser Oster Pukk og Sand AS (OPS) det som naudsynt at det tilgjengelege området for drift av steinbrotet vert utvida. Innan for det området som ein i dag har tilgjengeleg vil ein med dagens

2 produksjonsvolum kunne fortsette drifta i ca 15 år. Dette er ein alt for kort horisont i høve til dei nemnde investeringar, noko som tilseiar at utan tilgang på meir råstoff vil pukkverket på Eikefet måtte avviklast i løpet av denne tidsperioden. Dette heng saman med at inntaket til hovudknusar vil liggje i botn av ein dal med 50 gradars fjellside mot vest og nord. Ein seinare utviding er avhengig av tilgang til toppen av fjellet. Dette vil verta uhyre vanskeleg sidan brotet då ikkje lenger vil ha tilgang til toppen av fjellet. Hovudmålet for prosjektet er å lage ein heilskapleg plan for driving av masseuttaket. Kartleggje konsekvensar og ivareta omsynet til miljø og samfunn. Særleg er det viktig å belyse korleis tiltaket kan medføre minst mogleg negative konsekvensar for nærmiljø og busette ved Eikefet /Store Urdal samt minst mogleg negative konsekvensar for natur og miljø. Føremålet med planarbeidet er å leggje til rette for uttak av stein i området nord og vest for dagens brot. Samt opprette naudsynt infrastruktur knytt til det planlagde brotet. Reguleringsplanen skal vise kva areal som inngår i tiltaket og kva føresegner som gjeld for dei einskilde områda. Vidare skal reguleringsplanen kort oppsummere høve til nasjonale mål og retningsliner, og tilhøvet til andre planar som fylkesplanar, kommuneplanar, kommunedelplanar og eventuelle verneplanar og liknande i området, samt korleis desse er tatt omsyn til ved planlegging av tiltaket. Planen skal òg innehalde ei oversikt over kva for løyve frå offentlege mynde som er naudsynte for å gjennomføre tiltaket, samt ei oversikt over kva lover som kan ha innverknad på tiltaket. Forskrift om konsekvensutgreiing og forslag til kommuneplan for Lindås (høyringsutkast) krev at det vert utarbeidd konsekvensutgreiing for tiltaket. Føremålet med ei konsekvensutgreiing er å få belyst kva vesentlege verknader planen vil ha for miljø, naturressursar og samfunn, slik at desse er kjende før reguleringsplanen skal handsamast. I samband med konsekvensutgreiinga av prosjektet vil ein sjå på tema som vil få direkte eller indirekte verknader av tiltaket utover sjølve planområdet. Det skal utarbeidast ein detaljert reguleringsplan i høve til 12-3 i plan- og bygningslova og i samsvar med Forskrift om konsekvensutgreiingar som vart sett i kraft 1. juli I følgje KU forskrifta, vedlegg1, pk.3 vil utviding av eksisterande verksemd/masseutak løyse ut krav om KU. Dette betyr at det skal utformast og godkjennast eit planprogram som skal vera førande for planarbeidet. Arbeidet med reguleringsplan og konsekvensutgreiing vert samordna, slik at det som sluttprodukt vert presentert eit reguleringsframlegg med tilhøyrande konsekvensutgreiing. Planprosessen kan delast i fire hovudfasar: Fase 1: Oppstart Fase 2: Offentleg handsaming av planprogrammet Fase 3: Utarbeiding av reguleringsplan med KU Fase 5: Offentleg handsaming av reguleringsplan med KU Oppstartsmøte med Lindås kommune vart arrangert 22.september Oppstart av arbeidet med reguleringsplanen vert varsla samstundes som planprogrammet vert lagt ut på høyring, slik at dei som vert råka av planen og andre interesserte kan vurdere planprogrammet og eventuelt kome med innspel til planarbeidet. Planprogrammet skal i høve til Plan- og bygningslova liggje ute til offentleg ettersyn i minimum seks veker. Den same fristen vil bli gjort gjeldane for å kome med innspel til melding om oppstart av arbeidet med reguleringsplanen. Oster Pukk og Sand AS er tiltakshavar. Multiconsult AS er engasjert som plankonsulent og står for det praktiske arbeidet med reguleringsplan og konsekvensutgreiing. Utarbeiding av forslag til planprogram skjer i samarbeid med Lindås kommune. I følgje Forskrift om konsekvensutgreiingar skal Lindås kommune stå som ansvarleg mynde i høve til konsekvensutgreiinga. Det vil si at Lindås kommune skal fastsette det endelege utgreiingsprogrammet og skal avgjera om konsekvensutgreiinga oppfyller dei

3 krava som er sett i programmet, eller om det er trong for supplerande eller andre avklarande utgreiingar i saka. Forslag til utviding av brotet mot nord og vest inneber at dei nordre delar av Husafjellet vert senka. Det same gjeld for delar av Dyrskaret, like nord for Husafjellet. Området ligg ved ein av innfallsportene til viktige friluftsområde men tiltaket vil ikkje medføre vesentlege konsekvensar for mogelegheitene til å drive friluftsliv der det er slik bruk i dag. Omtale av utbyggingsalternativ. 0-alternativet: Inngrepet skal vurderast opp mot det å ikkje gjennomføra noko utbygging. Det vil sei at ein beheld dagens situasjon i forhold til gjeldande reguleringsplan for industriområdet for Eikefet og Urdal. Ved utgreiing av 0-alternativet er det viktig å vurdere og omtale tilhøve som vil forsterke dagens problem dersom tiltaket ikkje blir gjennomført. Dette kan til dømes vere at verksemda får problem i forhold til knapp tilgong på råstoff og av den grunn må avvikla verksemda. I konsekvensanalysane som skal gjennomførast som del av planarbeidet blir 0- alternativet brukt som samanlikningsgrunnlag, det vil seie at alle konsekvensar av det nye tiltaket skal målast opp mot konsekvensane ved ikkje å gjennomføre tiltaket. Utbyggingsalternativet: Alternativet omfattar ei utviding av steinbrotet nordover og vestover i Husafjellet mot Dyrskaret. Utvidinga er på om lag 250 daa. Deler av fjellet er tenkt drevet ned til om lag kote 40. Brotets pallar kommer ikkje til å være nærare enn om lag 75 meter frå den nye E39 som er planlagt like nord for brotet. Mellom brotet og Eikemo har ein vurdert å sette igjen ein fjellrygg for å dempe innsynet frå Eikemo og Eikefetelva. Mot Dyrskaret går ein så langt mot nord som mogeleg utan at dei to små vassdraga på begge sider av skaret vert rørd. I sør, mot det gamle brotet, vil pallane i det nye brotet leggjast inn mot den eksisterande veggen. I botnen av det gamle brotet er det planlagt etablert eit større sedimentasjonsanlegg. Nasjonale og regionale føringar og interesser som kan vera førande for dette planprosjeltet: NGU har klassifisert førekomstane i Grus- og Pukkdatabasen er for Oster Pukk og Sand sine steinuttak forekomster av byggeråstoff vurdert som meget viktig. Eikefetvassdraget er verna mot utbygging og dei nasjonale måla i Rikspolitiske retningsliner (RPR) for verna vassdrag for å sikra miljøet i elva må følgjast. I tråd med Naturmangfaldlova 7 skal prinsippa i 8 12 leggjast til grunn. I høve til Plan- og bygningslova (PBL) 4-3 skal det gjennomføres risiko- og sårbarheitsanalyse (ROS) for planer for utbygging. Hensikta med analysen er å førebygge risiko og sårbarheit for skade og tap av liv, helse, miljø, viktig infrastruktur og materielle verde. Med heimel lov 13. mars 1981 nr. 6 om vern mot forureining og om avfall (Forureiningslova) jf. 9, 52 og 85 skal tiltaket (produksjon av pukk, grus, sand og singel vurderast etter Miljøverndepartementet si forskriftsregulering Retningsliner for støy (T-1442) skal leggjast til grunn for tiltaket. Det vert her tilrådd at anleggseigar bereknar to støysoner rundt viktige støykjelde, ein raud og ein gul sone. I fylkesplanen heiter det at det skal satsast på stamvegutbetring gjennom Lindås. Elles er det ikkje sagt noko spesielt om dette området.

4 Regionale friluftsområde i Hordaland må kartleggjast i området og vert verdsett frå viktig til svært viktig ut frå kompleksiteten på tiltaket. I gjeldane Kommuneplan (arealdelen) er Eikefet vist som område med godkjent reguleringsplan for steinbrot. Lindås kommune har starta rullering av arealdelen i kommuneplanen. Tiltaket er i samsvar med målsetjingane for planarbeidet, representerer ein viktig arbeidsplass i kommunen og har konsekvensar som ut frå dette er akseptable. Innspelet vert på bakgrunn av dette teke med i planforslaget. Det vert stilt krav om reguleringsplan med KU, der helse og risiko vert gjort særleg greie for. Areal rundt pukkverket vert også teke inn i arealdelen i samsvar med gjeldane reguleringsplan og dispensasjonar som er gjeve. Statens vegvesen har utarbeidd forslag til kommunedelplan med KU for E39, parsell Eikefet Romarheim. Det valde alternativ er i tråd med Oster Pukk og Sand sine ynskjer og kommer ikkje i konflikt med planane for utviding av brotet på Eikefet. Andre lokale planar/dokument som har formuleringar som kan vere førande for dette prosjektet er: Gjeldande reguleringsplan Eikefet (Oster Pukk og Sand) ROS-analyse for Lindås kommune metodeval og akseptkriteria Kommunedelplan for Klima og energi Hovudplan vatn (under arbeid). Hovudplan avlaup (under arbeid). Kommunedelplan for trafikksikring 2009 Retningsliner for utbyggingsavtalar KONSEKVENSAR FOR MILJØ OG SAMFUNN KONSEKVENSUTGREIING. Tiltaket er av ein slik art og storleik at det i høve til forskrift om konsekvensutgeiing må utarbeidast ei konsekvensutgreiing. I høyringsutkast til kommuneplanen er det og krav om reguleringsplan med KU for tiltaket. Føremålet med konsekvensutgeiinga er å få eit oversyn over vesentlege konsekvensar planframlegget kan føre med seg. I vurderinga kring trongen for utgeiing av ulike deltema er Statens vegvesen si handbok 140 Konsekvensanalysar nytta som rettleiing. Konsekvensutgreiinga skal byggje på eksisterande kunnskap gjennom innhenting av data frå offentlege databasar, lokal skriftleg dokumentasjon, samt synfaring og registrering på staden. Det blir utarbeidd temakart og andre relevante illustrasjonar som synleggjer registreringane. Aktuelle avbøtande tiltak og/eller trong for oppføljande undersøkingar blir gjort greie for i dei enkelte tema og i samanstillinga av konsekvensane. På grunnlag av det som er kome fram i konsekvensutgreiinga vil tiltakshavar kome med ei tilråding for korleis ei mogleg utbygging kan skje. Dei ikkje prissette konsekvensane er inndelt i fem fagtema: Landskapsbilete Nærmiljø og friluftsliv Naturmiljø Kulturmiljø Naturressursar

5 Samstundes med at konsekvensutgreiinga vert utarbeidd vil ein og gjere ei ROS-analyse av tiltaket. Nokre tema er ikkje like relevant som andre. Av dei viktigaste problemstillingane ein vil møte i dette planarbeidet kan nemnast: Kva gjer ein for å dempe fjern- og nærverknad? Korleis skal ein terrengforma gode avslutningar av masseuttaket mot det eksisterande kultur- og naturlandskapet? Korleis handtere forureining og partiklar frå masseuttaket? Korleis handtere støyproblematikken ved drift av brotet? Problemstillingar og omfang av planlegde utgreiingar innanfor det einskilde deltema er gjort greie for i seinare kapittel. Tilhøve til anna planlegging Konsekvensutgreiinga skal kort oppsummere tilhøve til nasjonale mål og retningslinjer, andre planar som fylkesplanar, kommuneplanar, eventuelle verneplanar m.v. i området. Det skal gjerast greie for i kva grad tiltaket er i samsvar med eller i strid med gjeldande planar, mål og retningslinjer. Konsekvensutgreiinga skal også innehalde ei omtale om kva for løyver frå offentlege mynde som eventuelt er naudsynte for å gjennomføre tiltaket, samt ei omtale om kva for spesielle lovar som kan ha innverknad for tiltaket. Konsekvensutgreiinga skal innehalde skildring av verksemdas behov i forhold til drift og vedlikehald, samt krav iht. Forureiningslova. Skildringa skal omtale relevante geotekniske, geologiske og vassdragstekniske tilhøve. Samanstilling av verknadene Med grunnlag i dei ulike temautgreiingane vil dei samla konsekvensane av reguleringsplanen bli sett opp på ein systematisk måte. Som ein del av samanstillinga vil det bli gjort greie for korleis og i kva grad utbygginga sikrar måloppnåing i høve til nasjonale og andre overordna målsettingar som til dømes Kommuneplan for Lindås (arealdelen). I gjennomføringsfasen av prosjektet skal det utarbeidast eit ytre miljøoppfølgingsprogram. Dette skal gjera detaljert greie for kva tiltak, registreringar og oppfølgingar som skal implementerast i driftsfasen, for å unngå skade og ulemper på natur og miljø. Det skal også utarbeidast ein ROS-analyse i samband med drifta for å oppnå minst muleg skade. Dette kan eventuelt inngå i ein driftsplan. Reguleringsplanar legg føresetnader for mellom anna tidsrammer for drift, sikring mot utslipp og skjerming mot støv og støy, sikkerheit, utforming og avslutting av uttaksområda. I reguleringsføresegnene kan det også setjast krav til driftsplanar som viser korleis reguleringskrava er tenkt fylgt opp. Saksdokument vedlagt: Framlegg til planprogram datert mars 2011 Saksdokument ikkje vedlagt: Referat frå oppstartmøte halde den Vurdering: Framlegget til planprogram er første fase i arbeidet med konsekvensutgreiing og reguleringsplan. Av planprogrammet går det fram kva føremålet med planen er, og at det fins minst 2 aktuelle alternativ. Det skal òg gå fram kva konsekvensar som kan vere aktuelt å greie ut for tiltaket og korleis planlegging og medverknad skal skje.

6 Med tilvisning til saksutgreiinga ovanfor rår administrasjonen til at framlegg til planprogram i medhald av forskrift om konsekvensutgreiingar av , vert lagt ut til offentleg ettersyn i 6 veker. Dersom det kjem inn merknader til planprogrammet, vil det verte vurdert om planprogrammet skal endrast i tråd med desse. Planprogrammet vert etter dette fastsett av planmynde, i dette tilfellet Lindås kommune. Vurdering av miljøkonsekvensar: Det vil verta drøfta nærmare i planarbeidet.