FORSLAGSTILLER SI PLANSKILDRING Datert:

Transkript

1 FORSLAGSTILLER SI PLANSKILDRING Datert: Fræna kommune 2013/532 Detaljregulering Dalelia 2 - Dalefaret Nord Planident: Side 1 av 11

2 INNHALDSLISTE 1. SAMANDRAG 3 2. NØKKELOPPLYSNINGAR BAKGRUNN FOR PLANARBEIDET PLANPROSESSEN GJELDANDE PLANSTATUS OG OVERORDNA RETNINGSLINJER SKILDRING AV PLANOMRÅDET (DAGENS SITUASJON) UTREIINGAR JF. FORSKRIFT OM KONSEKVENSUTREIINGAR SKILDRING AV PLANFORSLAGET KONSEKVENSAR AV PLANFORSLAGET MEDVERKNAD: FRÅSEGN OG MERKNADER FORSLAGSTILLER SI FAGLEGE GRUNNGJEVNAD EVENTUELLE ENDRINGAR ETTER OFFENTLEG ETTERSYN.. 13 Side 2 av 11

3 1. SAMANDRAG Arkitektkontoret BBW AS har på oppdrag frå Dale Bruk Prosjekt AS utarbeida eit nytt planforslag for deler av Dalelia. Områda det gjelder er B9, B10, B11 og B12. Gjeldande reguleringsplan for området vart vedteken i 2011 og det første av tre byggjetrinn er fullført. Formålet med reguleringa er å legge til rette for konsentrerte bustader i staden for einebustader, som er reguleringsformålet i dag. 2. NØKKELOPPLYSNINGAR Adresse Dalefaret Gards nr./bruks nr. 48/144, 146, 149, 158, 161, 159, 155, 150, 164, 142 Gjeldande planstatus (regulerings-/kommune(del)pl.) Reguleringsplan for Dalelia 2 Forslagstiller Grunneigarar Plankonsulent Arkitektkontoret BBW AS Dale Bruk Prosjekt AS Arkitektkontoret BBW AS Hovudformål i ny plan Endre noen einebustader til konsentrert bustader Planområdets areal i daa 16,75 daa. Ant. nye bu einingar/nytt næringsareal (BYA/%BYA) - Aktuelle problemstillingar (støy, byggehøgder, o. l.) - Ligg det føre varsel om motsegn (j/n) nei Krav om konsekvensutreiing (j/n) nei Oppstartsmøte, dato Kunngjering oppstart, dato Komplett forslag mottatt, dato - 3. BAKGRUNN FOR PLANARBEIDET Bakgrunn Gjeldande reguleringsplan for Dalelia 2 inneheld i dette området fleire einebustadtomter. Det har av ulike grunner blitt vist lite interesse for å bygge einebustader på desse tomtene. Føremålet med planendringa er å legge til rette for bygging av konsentrerte bustader i staden for einebustader. Intensjonen med planforslaget Intensjonen med planforslaget er å gjere feltet Dalefaret Nord til ein meir attraktiv plass å busetje seg. 4. PLANPROSESSEN Varsel om oppstart av planarbeid vart sendt til naboar/grunneigarar og offentlege/private instansar den Varselet ble også annonsert i Romsdals Budstikke. Side 3 av 11

4 5. GJELDANDE PLANSTATUS OG OVERORDNA RETNINGSLINJER Området er omfatta av gjeldande reguleringsplan for Dalelia 2 som blei vedteken i Utsnitt av gjeldande reguleringsplan 6. SKILDRING AV PLANOMRÅDET (DAGENS SITUASJON) Plassering Området ligg nord for Dalefaret i Dalelia. Avgrensing Planområdet er avgrensa av barnehageområdet i vest og følgjer eksisterande tomtegrenser mot aust. Mot sør grenser området mot Dalefaret og i nord mot felt for konsentrert utbygging felt BK4 og BK6. Bruk av/status til tilstøytande areal Tilstøytande areal i vest er regulert til barnehage, areala mot nord og aust til konsentrerte bustader. I sør er det eksisterande veg og bustadfelt. Eksisterande bygg Ein einebustad er bygd på felt B12, på tomta lengst mot aust. Elles er området utan bygningar. Natur- og ressursgrunnlaget Ingen delar av planområdet er i gjeldande plan satt av til formåla jordbruk eller skogbruk, og er heller ikkje nytta til dette. Dette temaet vil ikkje bli vidare omtalt i planomtalen. Topografi/landskapstrekk Terrenget hallar mot sør. Området er jamt stigande og det er vid utsikt. Verneinteresser/kulturminne Det er ikkje kjende verneinteresser eller kulturminner i området. Side 4 av 11

5 Miljøfaglege forhold Deler av bustadfeltet Dalelia 2 er innanfor NGU sitt aktsemdskart for snøskred. Dette er avklart av kommunen i samband med tidlegare reguleringsprosess for området. Vi har sjekka Direktoratet for naturforvaltning sin naturbase ( og Artsdatabanken ( Vi fant ingen registreringer for planområdet. Trafikkforhold Regulert atkomst til planområdet - ov2 i gjeldande plan for Dalelia 2 - er etablert. Risiko og sårbarheit, jamfør sjekkliste for vurdering av risiko og sårbarheit i samfunnsplanlegginga Plan- og bygningsloven krev at det i samband med planarbeid skal gjerast ei risiko- og sårbarheitsanalyse av planområdet. Hensikta er både å avdekke om det er eksisterande risikoog sårbarheitsforhold som vil ha betydning for planen og om planlagt utbygging vil representere nye slike forhold. Vurderingane er gjort med bakgrunn i Fræna kommune si eiga sjekkliste. Ved gjennomgang av sjekklista i forhold til dagens situasjon har ein ikkje avdekka forhold som vil krevje særskilde tiltak. Skoler og barnehage Det er etablert barnehage med tre avdelingar vest for planområdet. Barneskule ligg ca. 1.5 km unna og det er ca. 2 km til ungdoms- og vidaregåande skule. Ei full utbygging av Dalelia vil gje eit press på skule- og barnehagetilbodet i krinsen. Eit press kommunen må førehalde seg til ved ei aktiv haldning til endra behov og tilbod, som måtte melde seg ut frå den planlagde utbygginga. Ei rask utbygging av Dalelia vil føre til auka behov for tilgang på skule- og barnehagetilbod i Elnesvågen. Teknisk infrastruktur Teknisk infrastruktur er etablert for deler av bustadfeltet Dalelia. Grøne interesser/barn sine interesser Det er lagt til rette for to leikeplassar sør for planområdet i gjeldande reguleringsplan. Nord for planområdet er et belte regulert som friområde og det arealet er en del av et «grøntarealsystem» som går gjennom hele bustadfeltet. Nord for Dalelia er det opparbeidd stiar og dette området vert nytta til rekreasjon. Juridiske forhold Ingen kjende. Interessemotsetningar Ein kan ikkje sjå at det finnes nokre interessemotsetningar i planområdet i høve til dagens situasjon. 7. UTREIINGAR I SAMSVAR MED FORSKRIFT OM KONSEKVENSUTREIINGAR Ikkje aktuelt. Side 5 av 11

6 8. SKILDRING AV PLANFORSLAGET Innleiing Endringane i planforslaget er at det tillates å bygge tomannsbustader på felt B9 og B12. To av tomtene på felt B10 + felt B11 slås saman til et felt for konsentrert bustadbygging, BK12. Tomta lengst vest på B10 er uendra i høve til gjeldande plan. Reguleringsformål Formål: Bustader - frittliggjande Bustader - konsentrerte Køyreveg Annan veggrunn - grøntareal Friområde Sum planområdets areal i daa: Storleik: 5,714 daa 3,851 daa 0,847 daa 0,498 daa 5,840 daa 16,750 daa Byggeformål og grad av utnytting Det er planlagt ei tomt for einebustad (B10) og fem tomter kor det kan byggast einebustader eller tomannsbustader (B9 + B12). Utnyttingsgraden på desse felta er sett til BYA = 250 m 2. Maks møne- og gesimshøgde er sett til høvesvis 9 og 7 meter. Det er ikkje sett krav til type tak eller vinkel. På felt BK12 tillates konsentrert bustadbygging; fleirmannsbustader og rekkehus. Utnyttingsgraden er sett til %-BYA = 35%. Maks møne- og gesimshøgde er sett til høvesvis 9 og 7 meter. Det er ikkje sett krav til type tak eller vinkel. Garasjane på felt BK12 kan være fastbygd til bustaden eller frittståande. På illustrasjonen av BK12, som er vist i planomtalen, er garasjane bygd som ein del av bustaden. Det er sannsynleg det ein må velje som løysning om ein skal få reknestykket til å gå opp i høve den %-BYA som er satt i gjeldande plan, og som kommunen ønskjer ein skal vidareføre i den nye planen. Med tanke på å få gode, store uteopphaldsareal på felt BK12 er det best løysning å samle bygningane slik at ein får store samanhengande areal til uteopphald. Dei konsentrerte bustadene som vert bygd på BK12 vert mindre bueiningar. Så om ein byggjer garasjen inntil/mellom bu einingane vil dei likevel ikkje verte ruvande sidan kvar enkelt bueining er små i storleiken. Dei vert også delt opp i fleire kjeder/grupper, som gjer at ein får naudsynt luft mellom bygningsgruppene. Tomta på felt B10 er seld og den austlegaste tomta på felt B12 er bebygd. I føresegnene er det sett krav om at det skal opparbeidast egen nærleikeplass for felt BK12. Felt B9, B10 og B12 skal nytte leikeareal L1 og L2, jamfør gjeldande reguleringsplan for Dalelia 2. Vedlagte illustrasjonar syner korleis områda kan utbyggast, men illustrasjonane er ikkje bindande for prosjektet. For felt B9 syner illustrasjonen dei to tomtene med tomannsbustader. Topografi/landskapstrekk Planendringa medfører ikkje større endringar enn kva ei utbygging etter eksisterande plan vil medføre. Side 6 av 13

7 ILLUSTRASJONSPLAN DELOMRÅDE B9 ILLUSTRASJONSPLAN DELOMRÅDE BK12 Side 7 av 13

8 Verneinteresser/kulturminne Det er ikkje kjende verneinteresser eller kulturminne i området. Miljøfaglege forhold Deler av området i eksisterande plan for Dalelia 2 er innanfor NGU sitt aktsemdskart for snøskred. Dette forholdet avklarte kommunen da området vart regulert i Elles har vi ikkje funnet registreringar av viktige naturtypar eller artsførekomstar innanfor planområdet. Vi viser elles til dette temaet i kapitel 9 i denne omtalen. Trafikkforhold Planens avgrensing mot sør er lagt langs senterlinja på tilkomsten til området veg ov2. Trafikkformåla er teikna i samsvar med gjeldande plan. Tilkomsten er etablert. Risiko og sårbarheit, jamfør sjekkliste for vurdering av risiko og sårbarheit i samfunnsplanlegginga Kommunen si eiga sjekkliste for risiko og sårbarheit i samfunnsplanlegginga er fylt ut og ligg ved saka. Det er ikkje knytt uakseptabel risiko til nokon av dei nemnte tilhøva. Skule og barnehage Det er etablert barnehage med tre avdelingar vest for planområdet. Barneskule ligg ca. 1.5 km unna og det er ca. 2 km til ungdoms- og vidaregåande skule. Ei full utbygging av Dalelia vil gje eit press på skule- og barnehagetilbodet i krinsen. Eit press kommunen må førehalde seg til ved ei aktiv haldning til endra behov og tilbod, som måtte melde seg ut frå den planlagde utbygginga. Ei rask utbygging av Dalelia vil føre til auka behov for tilgang på skule- og barnehagetilbod i Elnesvågen. Teknisk infrastruktur Teknisk infrastruktur er etablert i delar av bustadfeltet Dalelia. Denne vert vidareført til dei resterande områda. Grøne interesser/barn sine interesser Barn sine interesser er ivaretekne ved at det i føresegnene er krav om etablering av leikeplassar. Det er sett krav om etablering av eigen nærleikeplass for felt BK12. Dei andre felta B9, B10 og B12 skal nytte leikeareal L1 og L2, i samsvar med føresegnene til gjeldande reguleringsplan for Dalelia 2. Juridiske forhold Det er ingen særskilte juridiske forhold å ta omsyn til i planprosessen. I føresegnene er det stilt rekkefølgjekrav. Blant anna er det sett krav om at grunnarbeidet av leikeområde skal være ferdig før byggjeløyve vert gitt. Interessemotsetningar Naboane som har kjøpt og bygd bustader sør for Dalefaret ønskjer at plansituasjonen skal vere som i dag. Ut over det kan vi ikkje sjå at det finnes interessemotsetningar i planområdet. Side 8 av 13

9 9. KONSEKVENSAR AV PLANFORSLAGET Overordna planer og vedtak Planforslaget er i tråd med overordna planer. Eksisterande reguleringsplanar Ein mindre del av eksisterande reguleringsplan for Dalelia 2 vert erstatta av denne planen. Det er formålet og føresegnene for bustadområda som vert endra, avgrensinga av bustadområda, trafikk- og grøntareala vert regulert i samsvar med gjeldande plan. Vår vurdering er at planendringa ikkje gjev negative konsekvensar for gjeldande plan. Det vil vere positiv for Dalelia om planforslaget medfører at Dalefaret Nord også blir bebygd. Bustadfeltet blir meir attraktivt og det blir meir «liv» i feltet når det ikkje lenger vert ståande urørt. Alle bustadfelta i nærleiken, mot nord, er regulert til konsentrerte bustader. BK12 blir difor ein del av eit større område med konsentrerte bustader om ein ser litt fram i tid. Terrenget i området er skrått, så om ein byggjer ut planområdet etter ny eller gjeldande plan, vil det uansett ikkje ha nokon stor innverknad på utsikta for de som blir buande bak på felt BK6. Eksisterande bygg Det er ein eksisterande bustad innanfor planområdet. Sør for planområdet er det einebustader og vest for planområdet barnehage. For den eksisterande bustaden vil ikkje endringa gje store konsekvensar med tanke på utsikt eller innsyn. Om det vert bygd einebustader (eventuelt med sokkelleilegheit) eller tomannsbustader på de to nabotomtene vil utnyttingsgraden og tomteinndelinga framleis vere lik. For bustadene sør for planområdet har ikkje endringa noko å seie for utsikta sidan terrenget hallar mot sør. Det har heller ingen negativ innverknad med tanke på innsyn slik vi vurderer det sidan det ikkje vert så mange fleire bueiningar innanfor planområdet, enn om det blei utbygd etter gjeldande plan. Topografi/landskapstrekk Planendringa vil ikkje medføre større endringar enn kva ei utbygging etter eksisterande plan vil medføre. Verneinteresser/kulturminne Det er ikkje kjende verneinteresser eller kulturminne i området. Miljøfaglege forhold For alle saker som berører naturmangfald følgjer det av naturmangfaldloven 7 at prinsippa i MNL 8-12 skal leggast til grunn som retningslinjer ved utøving av offentleg myndigheit, og det skal framgå av beslutninga korleis desse prinsippa er vurdert og vektlagt i saka. Vurdering av Naturmangfaldslovens (kunnskapsgrunnlaget) Offentlege beslutningar som berører naturmangfaldet skal så langt det er rimeleg byggje på vitskapeleg kunnskap om arters bestandssituasjon, naturtypers utbredelse og økologiske tilstand, samt effekten av påvirkninger. Kravet til kunnskapsgrunnlaget skal stå i eit rimelig forhold til sakens karakter og risiko for skade på naturmangfaldet. Myndigheitene skal vidare leggje vekt på kunnskap som er basert på generasjoners erfaringar gjennom bruk av og samspill med naturen, her under slik samisk bruk, og som kan bidra til bærekraftig bruk og vern av naturmangfaldet. Side 9 av 13

10 Vår vurdering: Det er foretatt ein utsjekk i Naturbasen til Direktoratet for naturforvaltning og i Artsdatabankens artskart. Det framkommer at det ikkje er registrerte prioriterte artar, trua eller nær trua naturtypar på Norsk rødliste for artar 2010, utvalte naturtypar eller trua eller nær trua naturtypar på Norsk rødliste for naturtypar 2011 i planområdet. Det er heller ikkje framkomme opplysningar i saken som skulle tyde på at det kan vere artar eller naturtypar i planområdet som ikkje er fanga opp av nemnte registreringar. Dermed er det heller ikkje påvist mulige effektar av tiltaket på Naturmangfald. Kravet i 8 om at saken skal baseras på eksisterande og tilgjengeleg kunnskap, er dermed oppfylt. 9 (føre-var-prinsippet) Når det treffes ei beslutning utan at det føreligg tilstrekkeleg kunnskap om kva verknad den kan ha for naturmiljøet, skal det tas sikte på å unngå muleg vesentleg skade på naturmangfaldet. Føreligg ein risiko for alvorleg eller irreversibel skade på naturmangfaldet, skal ikkje mangel på kunnskap brukast som begrunnelse for å utsette eller unnlate å treffe forvaltningstiltak. Vår vurdering: Dette er ikkje ei relevant problemstilling for planområdet. 10 (økosystemtilnærming og samla belastning) Ei påverkning av eit økosystem skal vurderas ut frå den samla belastning som økosystemet er eller vil verte utsatt for. Vår vurdering: Dette er ikkje ei relevant problemstilling for planområdet. 11 (kostnadene ved miljøforringelse skal bæres av tiltakshavar) Tiltakshavar skal dekke kostnadene ved å hindre eller begrense skade på naturmangfaldet som tiltaket volder, dersom dette ikkje er urimelig ut få tiltakets og skadens karakter. Vår vurdering: Dette er ikkje ei relevant problemstilling for planområdet. 12 (miljøforsvarlege teknikkar og driftsmetodar) For å unngå eller begrense skader på naturmangfaldet skal det tas utgangspunkt i slike driftsmetodar og slik teknikk og lokalisering som, ut frå ei samla vurdering av tidlegare, nåverande og framtidig bruk av mangfaldet og økonomiske forhold, gir de beste samfunnsmessige resultata. Vår vurdering: Dette er ikkje ei relevant problemstilling for planområdet. Trafikkforhold Sidan talet på bueiningar ikkje aukar vesentleg er det ikkje naudsynt å vurdere standarden og kapasiteten på vegsystemet i området på nytt. Forholdet for mjuke trafikantar og rørslehemma vert ikkje endra i høve gjeldande plan då trafikkmengda vert endra i særs liten grad. Parkeringsbehovet for kvar einskilt tomt/felt skal dekkes inne på eigen grunn. Det er satt krav til talet på parkeringsplasser i føresegnene. Side 10 av 13

11 Risiko og sårbarheit, jf. sjekkliste for vurdering av risiko og sårbarheit i samfunnsplanlegginga Det er ikkje knytt uakseptabel risiko til nokon av dei nemnte tilhøva i sjekklista. Skule og barnehage Talet på bueiningar i planforslaget vert om lag likt med gjeldande plan sannsynlegvis berre ei bueining meir. (Jamfør vår kommentar til innspelet frå naboane på siste side i planomtalen). Planforslaget vil difor ikkje endre behovet for skule og barnehage. Teknisk infrastruktur Planendringa medfører ingen endring for den tekniske infrastrukturen. Grøne interesser/barn sine interesser Planendringa syner ingen endring for grøne interesser. Barn sine interesser vert ivaretekne av føresegnene som stiller krav om opparbeiding av leikeplassar. Juridiske/økonomiske konsekvensar for kommunen Det nye planforslaget har ingen juridiske eller økonomiske konsekvensar for kommunen. Utbyggings-/opparbeidingsavtale Ikkje aktuelt. 10. FRÅSEGN OG MERKNADER (MEDVERKNAD) Samandrag av innspel, fråsegn og merknader med forslagstiller sin kommentar Istad Nett AS Istad Nett orienterer i sitt skriv om at dei har anlegg i området og at flytting/endring av desse installasjonane vert ein kostnad utbyggjar heilt eller delvis må bære. Kommentar: Innspelet tas til etterretning Statens Vegvesen Statens Vegvesen har ikkje merknader til reguleringsarbeidet så lenge detaljplanlegging skal skje innanfor gjeldande formålsgrense. Sjølv om denne planlegginga sannsynligvis vil medføre auke i talet på bueiningar og derav meir trafikk på vegnettet, vil Statens vegvesen fortsatt ikkje krevje at det medfører krav om betre og sikrare vegnett utanfor planområdet. I den forbindelse viser vegvesenet til sitt brev datert til teknisk forvaltning, der kommunen er gjort oppmerksam på at vidare planlegging og utbygging i området kan medføre at reguleringsplan for sentrum med rundkøyring i krysset mellom fylkesvegen og vegen til Dalelia, må gjennomførast som ein rekkefølgjebestemmelse. Kommentar: Vi deler vegvesenet sitt syn på at denne endringa ikkje vil medføre store endringar på trafikken i området. Vi viser elles til kommentaren frå Fræna kommune i planskildringa for Dalelia 2, datert Møre og Romsdal Fylkeskommune Omregulering frå einebustader til konsentrert småhus forsterka behovet for uteopphaldsområde for leik og rekreasjon. Dei legg til grunn at det ikkje vert planlagt horisontale bustadstypar. Dei legg til grunn at det likevel er sett av areal til felles uteopphaldsområde. Side 11 av 13

12 Dei er av den meining at områda L1 og L2 i gjeldande plan ikkje aleine vil dekke behovet for dei minste borna, når det blir bygd konsentrert i planområdet. Med auka utnyttingsgrad vert det større trafikk på offentlige veg Dalefaret. Behov for gangog sykkelveg eller fortau må vurderast på nytt. Det bør vurderast å stille krav til universell utforming for ein del av bustadane. Kommentar: For felta regulert til konsentrert småhus i eksisterande plan er det stilt krav til opparbeiding av leikeområde. Det blir stilt tilsvarande krav for felt BK12. Det vil ikkje bli forbode å bygge horisontale bustadstypar. Dette av di desse typane er enklare å tilpasse krava til universell utforming i gjeldande føresegner. Omregulering vil ikkje medføre trafikkauking i området og vi kan difor ikkje sjå at endringa medfører behov for nye gang- og sykkelvegar Fylkesmannen i Møre og Romsdal Fylkesmannen føreset at barn og unge sine interesser blir tatt vare på. Kommentar: Vi visar til vår kommentar til Fylkeskommunen sin merknad Berørte naboar Naboane skriv følgjande i sin konklusjon: Hensikta bak ei reguleringsplan er å sikre fornuftig og forutsigbar arealbruk. Underteikna som har valt å byggje og bu i dette området har gjort det under føresetnad om at feltet skulle byggast ut slik det er regulert. Omreguleringa vil fråvike vesentleg frå korleis feltet opphavleg var planlagt og vil vere negativt for de som allereie har bygd i feltet. Omreguleringa vil medføre auka trafikk, støy og inngrep og vi stiller oss svært negativt til planforslaget. Vi håper difor omsynet til innbyggarar i feltet, god arealforvaltningsskikk og forutsigbarheit vert vektlagt. Kommentar: Det er ikkje alltid ei plan eller eit prosjekt blir slik ein føresett. Eit område kan liggje uselt i fleire år utan at nokon viser interesse. Kvifor det er slik er ikkje alltid godt å forstå. I dette området er det vist stor interesse for områda på sørsida av Dalefaret, mens det ikkje er vist interesse for feltet nord for vegen. I slike høve er det naturleg å sjå på andre løysingar. I dette tilfelle vil ein freiste å bygge konsentrerte bustader på deler av områda i staden for einebustader. Vi trur at uroa for auka trafikk og støy er sterkt overdriven. Ved utbygging slik gjeldande plan viser ville det bli bueiningar, sidan det er tillate med sokkelbustader. Det nye planforslaget vil ikkje medføre så mange fleire bueiningar fordi det skal godt gjerast å bygge fleire enn 9 bueiningar på område BK12. Det medfører totalt 21 bueiningar innanfor planområdet 1 bueining meir enn kva gjeldande plan legg til rette for. Den eine bueininga vil ikkje vere så merkbar med tanke på trafikkmengde og støy for naboane til planområdet. Side 12 av 13

13 11. FORSLAGSTILLER SI FAGLEGE GRUNNGJEVNAD Målet med endringa er å ta i bruk einebustadstomter til konsentrerte bustader. Områda har ligge uselt ei god stund og det er difor naturleg å sjå på andre løysingar. Kvifor tomtene ikkje er seld er vanskeleg å forstå, men det kan vere at dei er bratte og noko dyrare å byggje ut enn tomtane på dei flate områda på sørsida av Dalefaret. Rekkehus og fleirmannsbustader er noko rimeligare enn einebustader. Endringa vil gjere at området får ulike bustadstyper, noko som opnar for at fleire kan få moglegheit til å komme seg inn i bustadmarkedet i eit attraktivt område. Ved å byggje ulike bustadtypar vil ein tiltrekke menneske i ulike livssituasjonar og livsfasar. 12. EVENTUELLE ENDRINGAR ETTER OFFENTLEG ETTERSYN Side 13 av 13