P L A N S K I L D R I N G

Transkript

1 P L A N S K I L D R I N G REGULERINGSPLAN FOR DEL AV GNR 58. BNR 5. November 2016 Tiltakshavar: Magne Kolbeinsvik Side 1 av 26

2 Innhaldslista 1. Samandrag Bakgrunn Hensikta med plan og endring av plan Forslagsstillar, plankonsulent, eigarforhold Tidlegare vedtak i saken (for pågåande plansak) Krav om konsekvensutreiing Planprosessen Medverkingsprosess, varsel om oppstart, evt. planprogram Planstatus og rammebetingelsar (Med vekt på avvik frå overordna plan) Overordna planer Gjeldande reguleringsplanar tilgrensande planer Beskriving av planområdet, eksisterande forhold Plassering Dagens arealbruk og tilstøytane arealbruk Stadens karakter Landskap Kulturminne og kulturmiljø Naturverdiar og naturmangfald Rekreasjonsverdi/ rekreasjonsbruk, uteområde Folkehelse Trafikkforhold Barns interesser Universell tilgjengelegheit Teknisk infrastruktur Grunnforhold Støyforhold Luftforureining Risiko- og sårbarheit (eksisterande situasjon) Skildring av planforslaget Planlagt arealbruk, reguleringsformål Gjennomgang av aktuelle reguleringsformål Bebyggelsens plassering og utforming Bebyggelsens høgde Krav til samtidig opparbeidelse Eigedomsforhold Universell utforming Ivaretaking av landskap og vegetasjon Kulturminne Konsekvensutreiing og ROS-analyse Konsekvensutreiing etter konsekvensutredningsforskriften ROS-analyse Verkingar/konsekvensar av planforslaget Overordna plan Landskap Stadens karakter Forhaldet til kapittel II i Naturmangfaldlova Strandsona og friluftsinteresser Trafikkforhold Barns interesser Økonomiske konsekvenser for kommune og næringsliv Innkomne innspel for planendringa Merknader etter off. ettersyn Merknader etter off. ettersyn Avsluttande kommentar Side 2 av 26

3 Figur 1: Flyfoto som viser planområdet i terrenget. 1. Samandrag Planområdet ligg ved Vestrepollen innanfor garden Kolbeinsvik på vestre del av Huftarøy i Austevoll kommune. Aktuelt område inngår i dag i kommuneplanens arealdel som naust og er soleis i samsvar med planen. For nokre år tilbake i 2007 vart det også søkt om reguleringsarbeid for naust, men arbeidet vart då stogga etter off. høyring sidan avsett område då var synt som LNF område i dåverande kommuneplan. Austevoll kommune hadde etter søknad på denne tida også godkjent eit mindre område regulert for naust, men det er først no ein går vidare med saka etter at den nye kommuneplanen føreligg. Planen omfattar i alt 7 naust med tilhøyrande småbåtanlegg i sjø og også friluftsområde og badeplass. Tilkomst til planområdet vert via fellesveg frå kommunal veg i området. Felles parkeringsplass er vist innanfor området. Førehandskonferanse i samband med denne utgåva av planen vart halde Bakgrunn 2.1 Hensikta med plan og endring av plan Føremålet med planen er å få bygd naust på eigedomane sine framfor der ein i lang tid har hatt båtplass ved flytebryggene. Ein vil også legga til rette for at eksisterande brygge vert ei utvida til å vera ei felles brygge med fleire båtplassar. Ein ynskjer at det skal vera felles parkeringsplass vekk frå nausta slik at det ikkje vert fylt opp med biler nede i område. 2.2 Forslagsstillar, plankonsulent, eigarforhold Plan Consult A/S utarbeida planen for tiltakshavar Magne Kolbeinsvik som er eigar av område ved sjøen. 2.3 Tidlegare vedtak i saken (for pågåande plansak) - Utval for plan og byggesak godkjenner i medhald av plan og bygningslova 12-8 oppstart av ny reguleringsplan for Gnr. 58. Bnr. 5 Kolbeinsvik. Side 3 av 26

4 2.4 Krav om konsekvensutreiing Utval for plan og byggesak krev ikkje konsekvensutgreiing, jf. forskrift om konsekvensutgreiing , nr Men vurderingar og konsekvensutgreiing gjort for revidert kommuneplan skal leggjast ved i planskildring og om nødvendig supplerast. 3. Planprosessen 3.1 Medverkingsprosess, varsel om oppstart, evt. planprogram Magne Kolbeinsvik tok kontakt med Plan Consult våren 2014 angåande ynskje om å få reguleringsplan for naust for hans eigedom ved sjøen. Ny kommuneplan syner område som naust på land og som småbåthamn og hamneområde i sjø. Dette er endra frå 2006/2007 då område på land var LNF område. Ein hadde laga eit forslag den gongen men ein gjekk ikkje vidare med planen då det ikkje var i samsvar med kommuneplanen som på den tida synte LNF. Det er andre aktørar som har vore i kontakt med oss under vegs i prosessen. Dette er naboar for område som grensar til planen, folk med båtfesterett og konsulent for område lenger nord som utarbeider plan for eigedom 54/41 m/fl. Plan Consult sendte inn søknad til kommunen om oppstart av planarbeid Det vart halde oppstartsmøte Magne Kolbeinsvik, Robert Haukanes, Svein Haukanes og Ellen Høyseter, samt Stine Ross Isdø frå kommunen var med. Etter at planutvalet godkjente oppstart i møte vart det sendt ut varsel til naboar og offentlege instansar den Konsekvensutreiing og planprogram er ikkje laga til denne endringa. 4. Planstatus og rammebetingelsar (Med vekt på avvik frå overordna plan) 4.1 Overordna planer Eksisterande kommuneplan vart godkjent i Figur 2 og 3 viser at det vart gjort endringar i kommuneplanen frå 2006 til gjeldande i 2013 slik at planforslaget etter vår meining er i hovudsakleg i samsvar med denne. Det som ikkje samsvarar med planen er parkeringsareal to stader ved den tilkomstvegen. Figur 2: Utklipp frå gammal kommuneplan frå Side 4 av 26

5 REGULERINGSPLAN FOR DEL AV GNR 58. BNR 5. Figur 3: Utklipp frå gjeldande kommuneplan frå Plassering Planområdet ligg ved Vestrepollen, innanfor garden Kolbeinsvik på vestre del av Huftarøy i Austevoll kommune (Figur 4). Figur 4: Oversiktskart som viser planområdet sin posisjon i Austevoll kommune. 4.2 Gjeldande reguleringsplanar tilgrensande planer Den næraste reguleringsplan er Beinskrokjen om lag 260 m lenger vest. Figur 5: Kart som viser kor nærmaste reguleringsplan ligger i forhold til planområdet. Side 5 av 26

6 5. Beskriving av planområdet, eksisterande forhold 5.1 Plassering Plassering Planområde ligg nede ved Vestrepollen og rett nedanfor Skjenabergsvatnet. Da er skråande berg i bakkant i vestre del, og i aust utanfor planområde er det ei høg bergklippa. Område ligg forholdsvis lunt til, men ved vindretning frå nord kan det ta tak. Ved vinterstid kan ein oppleva at pollen frys slik at ein i dei verste kuldeperiodane kan oppleva at ein ikkje kan komma seg ut med mindre båtar. Avgrensing og størrelse på planområdet Planområde er på vel 11 dekar medrekna sjøareal. Landarealet er på 9,2 daa. Plangrensa vises på Figur 6 og er lik tidlegare innsendt planavgrensing i Planområdet startar i søre del av planområdet ved kommunal veg, føl søraustsida av vegen til grensa mot gnr. 58 bnr. 26 og ut i sjøen, omlag Figur 6: Planområdets avgrensing og storleik m frå strandlina fram til gnr. 58 bnr. 99, vidare i vestleg retning langs grensa omlag 44 m, vidare i sørleg retning på gnr. 58 bnr. 5 fram til kommunal veg og til utgangspunktet. 5.2 Dagens arealbruk og tilstøytane arealbruk Område er i kommuneplanen synt som Naust i landområda der naust er planlagd. I sjø er område vist som hamn og småbåthamn. Vidare oppover vegen er område synt som LNRF. Her er veg ferdig bygd. Parkeringsplassar er og lagd. Skravert område i dette område ved Skejnabergsvatnet syner område med krav om felles planlegging. Naustområda er utanfor denne sona. Vegen ligg inni her, men vert uendra og syner tilkomst for område. Område utanfor byggeområda syner LNF. Like aust for plangrensa ved sjø er område synt som fritids og turisme medan det rett vest for LNF område er synt spreidd busetnad. 5.3 Stadens karakter Eksisterande busetjing Planområde har ikkje bebyggelse forutan ein gapahuk/redskapsbod. I område utanfor plangrensa ser ein nokre mindre hytter og naust. Side 6 av 26

7 Figur 7: Flytebrygge med reiskapsbu, i bakgrunnen ser ein ei mindre hytte/anneks som står utanfor planområdet. Figur 8: Naust lenger nord for planområdet. Dette området er og under regulering, men for arealformålet fritid og turisme. Figur 9: Flyfoto som viser eksisterande bebyggesle. Ei reiskapsbu, og terrasse ved badestrand. Side 7 av 26

8 5.4 Landskap Topografi og landskap Naustområde ligg forholdsvis ope til mot nord og til dels aust, men ligg nedanfor skråande terreng der haugane strekk seg opp mot 30 m i vestre del like utanfor planområde vest for nausta. Tilkomsten frå den kommunale vegen med namn Hanemyra startar på kote 29 moh og skrår nedover til kote 2 m ved naustområda. Figur 10: Bratt bergvegg med 33 meter høgdeforskjell. Solforhold Det er gode solforhold i område. Noko terreng gjer til at sola forsvinn noko tidlegare kveldstid. Lokalklima I følgje ROS analyse for Austevoll kommune utarbeida i 2012 er årleg nedbørsmengda generelt lågare enn i resten av vestlandet og utgjer ingen risiko for området. Austevoll kommune si ROS analyse frå 2006 nemner at gjennomsnittleg nedbørsmengd i Austevoll er på 1200 mm. Bergen sin nedbørsnormal ligg på 2250 mm. Området ligg ope til mot nord og aust og ligg i le for vest og sørlege vindar. Område ligg elles inn som område med middels sårbarheit for klimaendringar som resten av Austevoll og kystområda rundt. Styrtregn kan føra til mindre skade på grusveg nedover til naustområda. Nordavinden er den som erfaringsmessig gjer mest ut av seg i område. Vinterstid kan pollen fryse igjen ved kaldt og stille vær. Estetisk og kulturell verdi Planområdet har ingen til liten kulturell verdi, då ein ikkje ser tydelege spor etter lang tids menneskeleg utnytting av areal i området. Side 8 av 26

9 Den estetiske verdien til området er hovudsakleg knytt til de små kuperte landskapet som er i og rundt planområdet. Landskapsformene er ikkje uvanlege for vestlandet eller Austevoll, men gir likevel området ein verdi. Utbygginga i planområdet ynskjer og ta vare på terrenget og legg opp til minst mogleg terrenginngrep i utbygginga. Ein faktor som minkar effekten utbygginga vil ha på den estetiske verdien er at det ikkje er knytt same estetisk verdi til terrenget ved naustområdet. Talet på naust er heller ikkje så høgt at det vil føra til fortetting i området. 5.5 Kulturminne og kulturmiljø I samband med varsel om regulering vart det frå Hordaland fylkeskommunen i brev varsla at ein ville komma på ei synfaring av område. Dett har vorte gjort og ingen funn vart gjort. Bygging av naust og flytebryggeanlegg vil soleis ikkje medføra negative konsekvensar for kulturminne og kulturmiljø. Bergens sjøfartsmuseum hadde heller ikkje merknader til dette. Miljøstatus si karteneste syner heller ikkje arkeologiske kulturminne ol. I nærområda til planen. 5.6 Naturverdiar og naturmangfald Område består av berg og skog. Byggeområda er berre beståande av berg. Ingen dyrkbar jord, truga arter eller naturverdiar/naturtypar vert røyrte ved av planforslaget. Det næraste jordbruksområdet ligg på Russemyra. Av de to næraste viktige naturtypane ligg den eine ved innløpet til Heiamarkpollen og er sterke tidevannstrømm, mens den andre er i Ringvatnet og definert som ein rik kulturlandskapssjø. Det er to registrerte artar i området rundt, dette er ærfugl som er nær truga og japansk sjølyng som er ein frammed art i den norske faunaen. Lokaliseringa på disse kan sjåast på Figur 11 under. Figur 11: Kart som viser lokaliseringa til nært truga art, frammed art, viktige naturtypar og jordbruksareal i området utanfor planområdet. Side 9 av 26

10 Fiskeriinteresser Når det gjeld område i sjø er delar av Vestre pollen synt som gyteområde for kysttorsk (Figur 12). Område i sjø er allereie i bruk som småbåthamn og vil ikkje påverka gyteområde lenger ute i pollen i stor grad. For å sikre at gyteområdet blir ivaretatt sikrar føresegna i planen at det ikkje skal førekomma mudring eller dumping av fyllmasse i sjøen utan at ein har fått godkjenning av fylkesmannen jfr. forskrift om begrensning av forurensing 22-6, andre ledd. Det ligg også ein del låssettingsplasser rundt om planområdet, men ingen i direkte nærheit av planområdet. Det er ikkje registrert andre arter med gyteområde en i nærleiken av planområdet enn torsk, men brosme, kolmule, lange, makrell, nordsjøhyse, nordsjøsild, nordsjøtorsk, tobis, uer og øyepål har alle utbreiingsområde lenger ute i sjøen. I tillegg har norsk vårgytande sild beiteområde, og nordsjøsei oppvekstområde (1-3 år) same stad. Reguleringsplan med tanke på naturmangfoldlova 7-12 Det er ikkje registreringar hos miljøstatus.no, artsdatabanken.no eller naturbase.no på land. I sjø er det registrert eit gyteområde lenger ute i Vestrepollen nord for Dyraneset som me ikkje ser noko konflikt med då det ikkje er her utbygging vil skje. Me kan ikkje sjå at naturen med sitt biologiske, landskapsmessige og geologiske mangfald, samt økologiske prosessar i området, ikkje vert teke i vare i dette planforslaget. Det føreligger etter vår meining ikkje noko risiko for ei alvorleg eller irreversibel skade på naturmangfaldet. 5.7 Rekreasjonsverdi/ rekreasjonsbruk, uteområde Området har ei strand i søre del som tilsynelatande ikkje er godt brukt. Ein har og opparbeida eit mindre badeområde i nord-vestre del der ein kan bada og slappa av oppe på terrassen som er bygd. Noko ungane har satt pris på etter tilbakemeldingane me har fått. Det er truleg brukarane av område som tek turen ned her, men også folk på spasertur frå Hanemyra m.m. legg turen ned til sjøen her. Dette vil det ikkje bli innskrenkingar på. Ein har tenkt minst mogleg inngrep i naturen ved utplanering til naust. Side 10 av 26

11 Det vert noko sprenging for nausttomtene i vest, og steinmassane vert brukt til utfylling for nausta i sør. Fleire naust og båtplassar opnar opp område til fleire brukarar. Figur 12: Bilete som synar det einaste området i planområdet som er ein attraktivt badeplass for brukarane og ålmenta. Dette arealet skal fortsette og være tilgjengeleg etter utbygginga. Friluftsområde Det er registeret eit viktig friluftsområde i sjøområdet like utanfor planområdet. Dette friluftsområdet heiter Busepollen og er ganske stort i avgrensing (Figur 12). Dette er ikkje uvanleg for Austevoll då det ligger mange viktige friluftsområde på land og i sjøen her. Det vært viktige friluftsområdet Heimarkpollen ligg også i nærleiken av planområdet, men ikkje i direkte forbindelse. Side 11 av 26

12 Figur 13: Oversiktskart som viser viktige og svært viktige friluftsområde i nærleik av planområdet. Området nord for planområdet er det viktige friluftsområdet Busepollen, mens det midt i kartet er det svært viktige friluftsområdet Heimarkpollen. 5.8 Folkehelse Utifrå ei vurdering av PBL sin 3-1 ser me at ei utbygging av naust vil vera i samsvar med fleire av desse omsyna som der er nemnd. Som ein kan sjå utifrå punk 5.7 og 5.12 i planskildringa opnar område opp for rekreasjon og aktivitet for ungar og vaksne og det er teke omsyn til dei som treng rullestol ol. Naust bidrar til gode opplevingar då det gjev større moglegheit for å ta sjøen i bruk. Dette med tanke på både kultur og gode oppvekst/ levevilkår mm. Helseaspektet er og viktig i slike saker og naust kan føra til at ein får nytta sjøen meir som ofte gjev betre helsa både fysisk og psykisk då ein kan utøva hobby, det at ein skaffar seg mat på eiga hand til seg sjølv og andre samt at ein held seg i form. Eit godt utbygd naustområde der ein har omsyn til omgjevnadane og naustmiljøa i Austevoll generelt kan sikra nye kvalitetar i landskapet og skapa nye framtidige landskap og naturmiljø. Figur 14: Strand i søre del av naustområde. Bilete som her er synt er den delen av stranda som ikkje er med i planområde. Her har ein hatt skjener for utsetting av mindre båt eller anna ein ville ha ut i sjø. Side 12 av 26

13 Figur 15: Område for potensiell strandsone Trafikkforhold Vegen ned til planområde går frå den kommunale Hanemyra (vegen) og inn på privat veg ned til område. Det er liten trafikk på denne vegen og ein reknar ikkje farlege situasjonar utifrå at det her kan byggast 7 naust då også område har vore i bruk for båtar utan naust. Hanemyra -vegen er smal og ein må som andre stadar vera obs på møtande trafikkantar. På vinterstid er dette ekstra naudsynt pga. lengre bremselengd ved glatt vegbane. Den private vegen nedover er utan asfalt og soleis mindre glatt. Den har opparbeida møtestadar parkering fleire stadar som gjer at møtande trafikk kan passere fint. Avkøyrsla inn til område tilfredsstille bruken og treng ikkje utbetrast. Figur 16: Bilete som viser avkøyrsla ned til planområdet. Figur 17: Flyfoto som viser vegen i planområdet. Side 13 av 26

14 Trafikksikkerheit for mjuke trafikantar Det treng ikkje ekstra tiltak på denne vegen i samband med trafikksikkerheit for mjuke trafikantar då vegen er i grei stand i forhold til at det er ein veg ned til eit mindre naustområde. Men det kan være barn som ferdast her for å bada / leika mm i strandsona slik at ein må ta omsyn til dette Barns interesser Då dette ikkje er eit bustadområde vert det ikkje tilrettelagt noko ekstra med leikeplass og liknande, men område ved sjø er alltid kjekt og ferdast i også for born. Ein har og vil få fleire brygger og ferdast på. I dette tilfellet har ein laga til badeområde i vest der ein har laga til terrasse og sklie ned i sjøen. Stranda i sør er ei flott strand å finne krabber i og består for det meste av rullestein og tang. Her kan ein og reinske opp slik at det vert ei flottare strand å bruka. Ei trampoline er og sett opp om sumaren slik at ein derfor også kan nytta område til rekreasjon. Planen vert sendt over til kommunen sin representant for barn og unge Universell tilgjengelegheit Veg, parkeringsplassar og nye kaiar, skal utformast slik at dei i hovudsak kan brukast av alle heile året. For infrastruktur skal det såleis setjast særlege krav m.a. til stigningstilhøve, vegbreidde mv. Ein skal sørgja føre at brygger framfor naust vert tilgjengelege for alle slik at ein unngår større nivåskilnader og lar brygger framom naust vera trinnfri og utan hindringar ytst på kaien slik at det alltid vil vera passasje for alle brukarar Teknisk infrastruktur Vann og avløp Vatn er knytt til eksisterande vassleidning frå Austevoll vatn og avløp (AVA) i området som har god kapasitet for desse 7 nausta ein her ynskjer å bygga. Avløp frå nausta er planlagt via slamavskiller, med utslepp i Heiamarkspollen. Søknad om utsleppsløyve må være godkjent av Austevoll kommune før ein kan legga ut utsleppsleidning. Me har rekna ut at det til saman blir 7 personekvivalenter (pe) for dei 7 nausta. Avløpsleidning skal gå minst 40 meter ut frå land og på 10 meters djupn. Energiforsyning og alternativ energi, fjernvarme m.m. Det er energiforsyning tilgjengeleg i planområde for dei 7 nausta det er snakk om i pr Om situasjonen med tida skulle endra seg og kapasiteten vert brukt andre stadar før ein får bygd naust, må ein pårekna kostnad med å forsterka linjer fram til nausta, samt ein delkostnad for auka trafokapasitet. Side 14 av 26

15 5.14 Grunnforhold Stabilitetsforhold Det er gode grunnforhold i området. Ansvarleg utførande for sprenging og planeringsarbeid skal sjå til at det ikkje er fare for at noko kan rasa ut i anleggsperioden og ved ferdigstilling av anlegg. Leidningar Alle nye leidningar. Strøm, telefon og breiband skal leggjast i grøfter inne i byggeområda Støyforhold Det er lite støy i område ettersom det ligg roleg til i ei vik Luftforureining Området er fri for forureining då det ikkje er aktivitet i område som generera slikt Risiko- og sårbarheit (eksisterande situasjon) Sjå eige ROS analyse dokument for risiko og sårbarheit. 6. Skildring av planforslaget 6.1 Planlagt arealbruk, reguleringsformål 6.2 Gjennomgang av aktuelle reguleringsformål Bebyggelse og anlegg Naust Naust er bygg for oppbevaring av fiskereiskap og båtutstyr, mindre båtar og utstyr for fritidsbruk. Det kan godkjennast dusj og toalett. Maks storleik på våtrom er 4m2. Bygget kan isolerast. Naust og tilhøyrande anlegg og aktivitetar må ikkje hindre fri ferdsel i strandsona. Naust kan byggast med ei grunnflate på inntil 40 m2 og mønehøgd på 5 m frå golv i 1.høgda. Sløyebenk og vask er tillat. Fargeval skal tilpassast nærmiljøet. Taktekking skal vera betong takstein, tegl, naturstein eller anna naturmateriale med matt overflate. Nausta skal ikkje innreiast og nyttast for varig opphald. Utnyttingsgrad byggjeområde : Side 15 av 26

16 N1 - N3 skal ha maks BYA pr naustdel på 40m2. Samla BYA for N1 vert dermed 61 %. Samla BYA for N2 vert dermed 54 %. Samla BYA for N3 vert dermed 64 %. Parkeringsareal inngår ikkje i BYA for byggeområda. Då eige plass er avsett til dette. Småbåtanlegg i sjø og vassdrag Område for flytebrygger og for manøvrering, opplag, fortøying av småbåtar langs brygger, kaier. Flytande bryggjer kan byggjast i tre, metall eller betong og skal ikkje vere lengre enn 13 meter. Brygge pluss landgang skal likevel ikkje vera lenger enn 16 meter. Det skal berre vera to felles brygger med slik lengde beskrive Figur 18: Skisse øve flytebrygge ved N1. Dei som er der frå før vert erstatta av felles flytebrygge. ovanfor. For nabobrygge i sør/aust skal avstanden ikkje vera mindre enn 9,5m. Ved utleige av mindre brygger utanom dette skal dette vurderast av kommunen der ein skal legga vekt på at tiltaka ikkje skal føra til trongare passasje eller andre negative konsekvensar for naboane. Bryggene skal plasserast innanfor område «sbh». Skisse for tenkt plassering er synt i planskildring og føresegn, men kan fråvikast om andre plasseringar er meir hensiktsmessig. Bygging av kaier, utlegging av flytebrygger, utfyllingar m.m. krev godkjenning frå kommunen, jf. havne- og farvannsloven 27. Dette gjeld tiltak som ikkje allereie er godkjent. Figur 19: Skisse over ynskja plassering av flytebrygge ved N2. Side 16 av 26

17 Figur 20: Flytebrygge skal ikkje komma nærare land på motsett side enn 25m, Passasje på 9,8 m til brygge utanfor område. Uteopphaldsareal Sjølv om heile område er ope for ålmenta er eit område vest i planen avsett til areal for rekreasjon, bading og leik mm. Her kan plasserast bord, benkar grill, badestamp, leikeapparat ol Samferdselsanlegg og teknisk infrastruktur Kai Faste brygger kan byggjast i tre, naturstein eller betong. Dei skal byggast innanfor areal som er avsett til dette i plankart. Kai skal vera ope for ålmenta slik at ein ikkje må plassera gjenstandar som hindrar andre i å ferdast forbi nausta om det er til fots eller i rullestol. Veg Gjeld for tilkomst til alle byggeområda innan planen. Vegen er privat og skal vedlikehaldas slik at den ikkje skapar farlege situasjonar for mjuke og harde trafikkantar. Parkering Parkering «FP» felles for brukarane av område. Ein skal ikkje nytta friområde eller snuplass til parkering. Gangveg gangareal Gjeld veg bort til uteopphaldsareal. Gangveg skal ikkje sperrast igjen Bruk og vern av sjø og vassdrag Ferdsel Ferdsel i sjø nyttast for sjøverts tilkomst til småbåthamna og andre byggjeområde innanfor planområdet. Badeområde Badeområde i sjø for leik og rekreasjon. Ein skal ikkje plassera båtar eller andre innretningar som hindrar tiltenkt bruk. Side 17 av 26

18 6.2.4 Grøntstruktur Badeplass Badeområde på land for leik og rekreasjon Landbruks- natur- og friluftsformål Friluftsføremål Nyttast som friareal. Stiar og gangvegar til naustområde og kai kan opparbeidast gjennom områda F2 og F3. Tilkomsten skal vera slik at det er mogleg å komma seg til kai med å bruka rullestol. 6.3 Bebyggelsens plassering og utforming Bygningane skal i hovudsak plasserast med slik møneretning som er illustrert i plankart. Bygga skal elles plasserast innanfor byggegrenser som overlappar arealføremålslinjene. Ved innsending av byggesøknad skal plassering av bygningane framkomma i tilhøyrande situasjonsplan. Kommunen kan i samband med søknad om byggeløyve godkjenne mindre retningsavvik i høve til planen. Kommunen skal sjå til at plasseringa medfører ei landskapsmessig god tilpassing til omgjevnadene. Kommunen skal ved handsaming av byggesøknad sjå til at bygningane får ei god form og materialhandsaming. Utforming og materialbruk skal saman gje ein harmonisk heilskap. Alle bygningane skal ha saltak eller anna skråtak med takvinkel mellom 35 gr. og 45 gr. 6.4 Bebyggelsens høgde Fyljande høgder gjeld innan byggjeområda: Alle naust skal ha maks mønehøgd på 5 m målt frå overkant golv i 1 etasje. Bygningane langs strandlina skal plasserast på byggegrunn som er planert på høgde tilsvarande kote 1.8m 2m etter NGO referanse. Det same gjeld for oppmurte brygger framfor bygningane. Trebrygger som elles ikkje skal byggjast på kan vera avslutta med høgde ikkje lågare enn kote 1,60. Brygger som er bygd i området før denne reguleringsendringa kan vera slik dei er jamvel om dei er lågare enn det som er beskrive her. 6.5 Krav til samtidig opparbeidelse Infrastruktur med gangveg, vatn og avlaupsanlegg,straum, skal vera ferdig lagt før ferdigattest vert gjeve. 6.6 Eigedomsforhold Eksisterande eigedomsgrenser innanfor planområdet gjelder fram til nye grenser vert Side 18 av 26

19 oppretta. I den grad det er konflikt mellom plankart og grenser slik dei er skildra i eksisterande tinglyste målebrev/ skylddelingsforretningar eller rettsprotokoll etter jordskifte, skal sistnemnte grense beskrivingar gjelda føre plankartet. 6.7 Universell utforming PBL 1.1 Prinsippet om universell utforming skal ivaretas i planleggingen og kravene til det enkelte byggetiltak. Det samme gjelder hensynet til barn og unges oppvekstvilkår og estetisk utforming av omgivelsene. Nye vegar, gangvegar og stiar skal opparbeidast med krav til universell utforming. Maks stigning bør ikkje vera brattare enn 1:10 om ein kan unngå dette utan store inngrep i naturen. Nivåsprang er ikkje ynskjeleg i fotgjengarareal. Der brygger langs sjø er bygd med trapp skal ein om ein ikkje kan nytta denne kunne ferdast på øvre del av brygga slik at strandsona ikkje skal vera avstengt. Rullestolbrukarar skal kunne komma seg bort og nytte brygge kai langs nausta. 6.8 Ivaretaking av landskap og vegetasjon Skjeringar og fyllingar skal gjevast ei tiltalande form og handsaming. Inngrep som bryt den naturlege terrengform bør unngåast. Overskotsmasse frå gravearbeid, utsprengingar, nedrivingar o.l. skal deponerast på godkjent fyllplass. Døde tre og anna sterkt skada vegetasjon etter anleggsarbeid skal ryddast ut og erstattast med ny tilplantning. 6.9 Kulturminne I utbyggingsområda skal utbyggjar ved funn av automatisk freda kulturminne, i samsvar med kulturminnelova 8.2. ledd straks varsla Hordaland Fylkeskommune, kultur og idrettsavdelinga ved arkeologane. Arbeida stansast til forvaltningsstyremakt har vurdert funnstaden. Vidare skal det ved mudring/utfylling i sjø meldast frå til Bergen sjøfartsmuseum ved funn av kulturminne som skipsvrak, keramikk eller andre maritime kultur-minne. Arbeidet stansast til sjøfartsmuseet har undersøkt og eventuelt frigjeve området. Det vart gjort synfaring i område våren 2016 der det ikkje vart gjort funn av automatisk freda kulturminne. Det vert derfor ikkje stilt krav om registreringar slik planen her ligg føre. Side 19 av 26

20 7. Konsekvensutreiing og ROS-analyse 7.1 Konsekvensutreiing etter konsekvensutredningsforskriften Austevoll kommune har vurdert det slik at tiltaket ikkje treng konsekvensutgreiast, men at ny konsekvensutgreiing og vurderingar i samband med ny kommuneplan skal leggjast ved. Under fylgjer konsekvensanalysar for dette området som den går fram i gjeldande kommuneplan. Side 20 av 26

21 Kommuneplanen syner at det er positivt med naust i dette området. Det vart laga forslag til reguleringsplan for nokre år tilbake, men denne vart ikkje godkjent på grunn av at område då var avsett til LNF. No er det vorten naust og me ser at det ikkje er grunn til ytterlegare utgreiing i denne saka sidan ein ikkje legg opp til noko som er motstridande med kommuneplanen. 7.2 ROS-analyse Det er utarbeida eigen ROS-analyse for denne planen. 8. Verkingar/konsekvensar av planforslaget 8.1 Overordna plan Reguleringsplanen er i samsvar med overordna plan, som i dette tilfellet er kommuneplanen til Austevoll. Utbygginga vil dermed vera i tråd med kommuneplanen. 8.2 Landskap Landskapet i naustområdet vil bli endra litt ettersom ein både må skjera og fylla for å få eit jamt terreng. Landskapsinngrepet vil ikkje vera av ein slik karakter at det endrar landskapsbilete særleg mykje. Fjellmassar og liknande kan brukast til planering, men ein kan ikkje dumpe overflødig fjellmassar i sjøen. 8.3 Stadens karakter Stadens karakter vil bli endra i ein liten grad. Effekten utbygginga vil ha på karakteren blir minka av at det ikkje opnast for store terrenginngrep, fortetting eller høge/dominerande bygg. Føresegnene sikrar også at eventuelle sår som blir skapt under utbyggingsprosessen skal gis ein tiltalande form og utforming. 8.4 Forhaldet til kapittel II i Naturmangfaldlova Naturverdiar, biologisk mangfald, verdifull vegetasjon Det er ikkje registrert nokon naturverdiar eller verdifull vegetasjon i eller tett inntil området. Angåande det biologiske mangfaldet er det ingen rød- eller svartelista arter i området, eller i nærområdet. Den einaste sårbare arten som kan bli påverka av planområdet er kyst torsk. Då den har gyteområde lenger ute i Vestrepollen. Konsekvensen planområdet vil ha for gyteområdet blir minska av at det ikkje er lagt opp til ein stor auke i båttrafikken i området. Utbygginga legg heller ikkje ann til mudring eller utfylling i sjø utanfor kaiområdet. Til og vurdere konsekvens har me også vært i kontakt med fiskeribiolog Hans Aase for å få tilbakemelding på effekten utbygging vil kunne ha på torsk. Torsken er ein av fiskeartane som er mest sårbar for trykkbølger som oppstår ved sprenging. Dermed vil sprenging under sjøoverflata være svært uheldig for gytefeltet. Utfylling med stein i sjøen vil ha stor negativ konsekvens dersom det skjer i torsken sin gyteperiode (april). Desse punkta er tatt inn i føresegna, og planen opne ikkje for sprengingsarbeid i sjø, eller utfylling i sjø tett nærleik til gyteperioden til torsk. Side 21 av 26

22 Vilt og fiskeriinteresser Det er ikkje registrert nokon spesielle artar som bruker området. Av fiskeriinteresser er det gjort en kartlegging av nærliggande låssettingsplasser, men ingen av disse ligg nært nok til planområdet til at utbygginga får konsekvens for desse. 8.5 Strandsona og friluftsinteresser Strandsona Strandsona vil bli meir tilgjengeleg for både ålmenta og brukarane av området. Nausta er plassert slik i terrenget at dei vil gjera det mogeleg for ålmenta og ferdast i strandsona som pr. dags dato er utilgjengeleg. Planen legg ikkje opp til å privatisere strandsona, og kaier forran nausta vil vere tilgjengeleg for ålmenn ferdsel. Strandområdet (Figur 12 og 14) som er lett anvendeleg for ålmenta før utbygginga, skal være like lett anvendeleg etter utbygginga. Figur 21: Bilete som viser dagens forhold i strandsona. Friluftsinteresser Planområdet er ikkje en del av det viktige friluftsområdet Busepollen, men grensar til det og vil dermed ha en konsekvens på det. Konsekvensen er hovudsakleg at det blir høgare bruk av området ved at det blir lettare for folk og komma seg ut med båt. Planområdet vil ikkje ha nokon negativ effekt på friluftsområdet då det ligg utanfor, og utbygginga er så pass liten at det ikkje vil fortette strandsona nemneverdig. Side 22 av 26

23 8.6 Trafikkforhold Det er behov for litt opprydding av vegetasjon i krysset mellom den kommunalevegen og fylkesvegen. Trafikken på vegen blir auka, men omfanget av utbygginga og eksisterande trafikk på privatvegen er så lågt at det ikkje vil ha nokon konsekvens for vanleg trafikk. 8.7 Barns interesser Det er ingen egne areal avsett til barn i planområdet, men ferdsel og leik ved sjøen er ofte ein aktuelt for born og utbygginga vil gjera det lettare og ferdast ved sjøen i området. 8.8 Økonomiske konsekvenser for kommune og næringsliv Det nye naustområdet vil skape økt handel i lokale butikkar ved at fleire personar nytter området. Oppføringa av nausta skapar også arbeide for handverkarar og liknande i utbyggingsfasen. 9. Innkomne innspel for planendringa 9.1 Merknader etter off. ettersyn Totalt kom det inn 7 merknader etter off. ettersyn. Under er disse rangert etter dato Merknad frå Svein H. Kolbeinsvik den Svein Kolbeinsvik er uroa over om reguleringsplanen kan føra til at han mister båtplassen han har ved den godkjente flytebrygga i dag. Han vil at båt skal ligga på same stad slik den har gjort sidan Kommentar til merknad: Reguleringsplanen har ikkje noko å seia for båtplassen til Svein H. Kolbeinsvik. Me har teikna inn område som småbåthamn slik at ein kan plassera flytebrygge på staden i dag. Kolbeinsvik har og vore innom kontoret fleire gongar for å få fram poenget sitt. I situasjonskart er det vist ei brygga på same stad, men som no syner båsar på eine sida slik at ein ikkje kan ligga med to større båtar. Dette er ein illustrasjon som syner at dette er mogleg om ein har lyst til dette. Det er privatrettsleg dette om kor ein skal ha båtplass og me vurderer ikkje dette i regulerings-planen. Har nokon ein rett til dette so må dette ordnast mellom partane i saka. Utlegging eller flytting av flytebrygge krev og ny søknad med nabovarsel til kommunen slik at ein når den tid kjem også har moglegheit for å uttala seg i saka, men me ser at dette er av ein meir privatrettsleg sak og vonar at dette ordnar seg Merknad frå Veronica H. Møgster i Nagla AS den ( til kommunen) Nagla AS held på med reguleringsarbeid lenger nord aust på Dyraneset og var bekymra for at areala kunne komma i konflikt med planen der borte når det gjaldt arealbruk i sjø og viser til eit prinsipp om tredeling der midtre del er fri ferdsle for alle partar. Side 23 av 26

24 Kommentar til merknad: Me meiner at denne planen ikkje kjem i konflikt med kommande reguleringsplan på Dyraneset og ser at det er god avstand mellom arealføremålet for småbåtanlegg i sjø og deira eigedom. Plankart er sendt over til Nagla for oversyn, og dei har kommentert at den ikkje vil være i konflikt med deira reguleringsarbeid Uttale frå Fylkesmannen i Hordaland den Dei viser til at planforslag tidlegare har vore på høyring i 2007 der det vart gjeve motsegn då planen ikkje var i samsvar med kommuneplan og strandsonevern og legg no til grunn at planen samsvarar med kommuneplanen både på land og sjø. Dei har merknad til strandsone, naturmangfald, folkehelse og ROS mm. Kommentar til merknad: Det er naust som skal byggast og det er komme inn i føresegn at naust skal nyttast til oppbevaring av småbåtar, reiskapar, utstyr og anna og at det ikkje skal innreiast og nyttast til rom for varig opphald. Me har teke med i føresegn at det skal vera tilgjenge for rullestolbrukarar og komma seg inn på kaiområde langs strandsona og at det ikkje skal plasserast stengsler mm som hindrar dette. Folk skal kunne bevega seg fritt framfor naust. Me har teke vurdering av naturmangfaldet og folkehelse, samt at det føreligg ROS analyse Uttale frå Kystverket den Dei skriv at dei vektlegg god framkomelegheit, trygg ferdsle og forsvarleg bruk og forvaltning av farvatnet. Dei viser vidare til at det ikkje er registrert farlei og noko særleg skipstrafikk i område. Kommentar til merknad: Me meiner at planen ikkje legg opp til noko som er i strid med uttala til Kystverket. Flytebrygger er plassert ut frå før og vill ikkje strekka seg særleg lenger ut enn det dei gjer i dag. Det er teke omsyn til at det skal vera god passasje mellom tilgrensa flytebrygge for nabo utanfor planen der denne er i overkant av 9 m Merknad frå Anne Margrethe og Torleif Ole Samland den Dei er uroa om at dei får begrensa tilkomst til deira eigedom og meiner at ein må flytta plangrensa slik den var i varsel. Dei kom og på møte på kontor og var invitert på synfaring der dei ikkje kunne komma. Kommentar til merknad: I målebrevskart som ligg vedlagt har dei teikna på der dei meiner at grenselinja i sjø går. Når me tastar inn data for kor eigedomsgrensene å land går og lar dei gå vidare ut i sjø, so får me eit noko anna resultat der ein ser at plangrensa går utanfor denne linja. Dette kan ein sjå i frå det tredje bilete (Figur 19) under punkt 6.2 under småbåtanlegg i sjø. Me har likevel teke omsyn til dette då kart kan vera feil og har sikra passasje rundt deira brygge, samt at det er teikna inn badeplass i område rett vest slik at det ikkje kjem brygger og båttrafikk frå den kanten. Det er målet at utbygging ikkje skal føra til negative konsekvensar for naboane. Side 24 av 26

25 9.1.6 Merknad frå Bergen sjøfartsmuseum den Dei har ikkje merknad til planforslaget då dei ikkje kjenner til automatisk freda kulturminne i sjø og syner til kva ein skal gjera dersom det likevel vert gjort funn. Kommentar til merknad: Me har teke med i føresegn om at arbeid skal stoggast straks dersom det dukkar opp noko som kan vera automatisk freda kulturminne, og at arbeidet ikkje kan startast igjen før museet har vært å undersøkt kulturminna Innspel frå Hordaland Fylkeskommune I innspel frå fylkeskommunen vart det varsla at ein ville ut og gjera synfaring i område då staden har høgder med potensielle funn frå steinbrukande tid. Kommentar til merknad: Det vart halde synfaring våren 2016 og i brev frå stadfestar fylkeskonservatoren at det ikkje vart gjort registreringar av automatisk freda kulturminne og at ein ikkje krev registreringar slik planforslaget ligg føre. Me har elles teke med i føresegn dette om det skulle dukka opp noko som kan vera kulturminne under arbeid. 9.2 Merknader etter off. ettersyn Den blei det sendt nytt oppstartsvarsel til fiskeridirektoratet ettersom dei ikkje hadde uttalt seg, og det var eit ynskje frå Austevoll kommune om at dei skulle få ein mogelegheit til uttale Merknad frå Fiskeridirektoratet sendt Fiskeridirektoratet region vest påpeiker at det er registrert gyteområde for torsk i Busesundpollen, og ber om at tiltak i sjøområde som utfylling av massar og sprengingsarbeid vert utført med varsemd og utanfor torsken si gytetid (februar mai). Utanom dette har ikkje fiskeridirektoratet fleire merknadar. Kommentar til merknad: Me har hatt dette til etterretning då Austevoll kommune kom med vilkår om same punkt. I den forbindelse gjekk me i dialog angåande gyteområde frå ein fiskeribiolog (punkt 8.4 i planskildringa), og konkluderte med at utbygginga ikkje skulle tillata sprengningsarbeid eller utfylling i sjø i tidsperioden 15. mars til 15. mai. Dette er sikra i føresegna, i tillegg til at planen ikkje tilet nokon form for sprenging under havoverflata. Side 25 av 26

26 10. Avsluttande kommentar Plan Consult håper at denne planen blir godt motteke og ser at den ikkje vil medføra til negative tiltak. Det vart som kjent sendt inn eit forslag i 2007 der motsegn vart fremma sidan ein då ikkje hadde fått med naustområde i kommuneplanen. Me meiner no at planen er heilt i tråd med overordna plan. Me takkar for samarbeidet! Storebø: R. Haukanes Rev: Storebø: P. E. T. Flotve Rev: Storebø: R. Haukanes Rev: Storebø: P. E. T. Flotve Rev: Storebø: R. Haukanes (VA rammeplan) Side 26 av 26