Møtebok Lom fjellstyre

Transkript

1 Sak nr.: 38/2016 Arkiv nr.: Møtedato: Saksbehandlar: Magny Hilde REFERAT OG MELDINGAR. A Kopi av brev frå Lom fjellstyre til Statskog - Utbetring av gjerde Sålell B. Jotunheimen nasjonalparkstyre - Dispensasjon - Motorferdsel Persontransport til Glitterheim - i samband med bryllaup C. Jotunheimen nasjonalparkstyre - Referat frå foreløpig drøftingsmøte - Bygningsmessige tiltak på Glitterheim Turisthytte - DNT Oslo og Omegn. D E-post frå NFS-Lovutval for statsallmenningar - informasjon om NFS' arbeid med saken E. Årsmøteprotokoll Bøvertjønnen hytteforening F. Avtale mellom Lom fjellstyre og Breheimen nasjonalparkstyre om bru over Høya

2 Sak nr.: 39/2016 Arkiv nr.: Møtedato: Saksbehandlar: Odd Repp Leir- og Bøverdalen statsallmenning. Klagesak Sak om utvising av beiteareal til inngjerding i Høydalen, frå eigarane av Kvandalsvoll, gnr. 119, bnr Fjellstyresak 32/2016 med sakspapir Brev frå Ingvill Hanslien og Magne Røhr Ruth Edel Kvandalsvoll Kvålshagen og Terje Marstein søkte med brev den om å få utvist beiteareal i Høydalen. Søknaden er grunngjeven med at dei har auka dyretalet og derfor treng meir inngjerda areal til beite. Dette gjeld særleg for kalvar og ungdyr før beiteslepp på utmarksbeite, og ved sankinga. Dei har ønskje om eit dekar. I sak 32/2016 stiller fjellstyret seg positive til søknaden om utvising av beiteareal med vilkår av at det må det takast omsyn til dyretråkket som vart påvist ved synfaringa, og utvisinga/ inngjerdinga må gjerast slik at dette ikkje treng leggjast om. Fjellstyret tek atterhald om at Nasjonalparkstyret for Breheimen stiller seg positive til tiltaket. Statskog har ikkje har innvendingar til saka. Lom kommune tilrår at det vert utvist beiteareal slik det er søkt om på same vilkår som fjellstyret. Saka har vore varsla og lege ute til offentleg ettersyn. Det har kome inn merknader til saka i brev av frå Ingvill Hanslien og Magne Røhr. Hanslien og Røhr peikar på at beitetrykket i nørdre Høydalen aldri har vore så stort som no. I tillegg til dette bidreg attgroinga til at utmarksbeitet i seterområdet minkar ytterlegare, slik at beitedyra vert pressa høgare til fjells for å finne beite. Dersom det attåt dette kjem ei fellesseter for geit i Høydalen, vil beitetrykket bli enda mykje større. Den foreslegne utvisinga vil leggje beslag på beste beitelandet, derfor vil dei protestere mot dette tiltaket. Dei meiner at fordi Kvandalsvoll har seter i søre Høydalen, bør ein freiste å finne aktuelt beiteområde der, og nemner området ved Vassberget. Der er det også tidlegare hamn enn i Nordre Høydalen. Opplysningar og merknader: Utvising av eit såpass stort areal som dekar til kulturbeite vil, som det er peikt på i merknadene, føre til ein viss reduksjon av det totale utmarksbeitet for seterbrukarane i området. I tillegg til dette vil det reint estetisk bli eit ganske stort inngrep i landskapet. Det vart ikkje teke atterhald om full avskoging av arealet da fjellstyret behandla saka første gongen. Med tanke på erosjon, jmfr. jordrasa i området hausten 2014, bør det vurderast om det skal setjast vilkår om at det skal stå att ei viss mengde tre pr. dekar på beitearealet.

3 Med omsyn til forslaget om å finne eigna areal i Søre Høydalen, så er det einast eit lite areal ved Vassberget som kan vera eigna. Men søkjar har uttrykt at dei har vurdert dette som uaktuelt. Bjørnar Brustuen ba fjellstyret vurdere om han var inhabil i saka. Fjellstyret erklærte han til å vera inhabil til å delta i behandlinga av saka. Framlegg til vedtak: Fjellstyret vil delvis ta klagen til følgje, redusere arealet og gje løyve til utvising av eit areal på inntil 10 dekar til beite. På synfaringa vart det uttrykt at det særleg var behov for eit inngjerda areal ved beiteslepp om våren, og fjellstyret meiner at til dette vil det rekke med eit areal på ca. 10 dekar. Det bør også i ei kontrakt setjast vilkår om at det skal stå att ei viss mengde tre pr. dekar for å minske sjansane for erosjon, og med omsyn til landskapsbildet. I og med at arealet vert såpass redusert, må utvisinga også skje slik at den ikkje skiplar dyre-råket som går i området, og som det vart sett på under synfaringa. Vedtak: Som framlegget. Saka vert lagt ut til offentleg ettersyn på ny frå den 2.11., med frist på tre veker til å klage på vedtaket. - Ruth Edel Kvandalsvoll Kvålshagen og Terje Marstein - MTN, Lom kommune berre som e-post - Nasjonalparkstyret for Breheimen nasjonalpark v/bjørn Dalen berre som e- post - Ingvill Hanslien - Magne M. Røhr

4 Sak nr.: 40/2016 Arkiv nr.: Møtedato: Saksbehandlar: Odd Repp Vårdalen statsallmenning. Søknad om løyve til å arrangere konsert ved Brimi seter den 10. august Søknad dagsett den Med brev dagsett den har Brimi Gard og Sæter AS v/hans Brimi søkt om løyve til å arrangere ein utekonsert på Nordseter i Vårdalen statsallmenning den 10. august 2017, i høve til at det vil vera100 år sidan spelemannen Hans W. Brimi var fødd. Arealet som er tenkt brukt, er på andre sida av vegen ved Brimi seter, der det vil vera eit naturleg amfi. Det er planar om å leige ei mobil scene. Det er antyda eit publikumstal på minimum 400 personar. Dei skriv vidare i søknaden at dei har orientert seter-naboar, som verkar positive til eit slikt arrangement. Det vil bli rydda opp etter arrangementet, og målet er å ikkje setje varige spor i terrenget. Det er Statskog som tek avgjerd i saka, medan fjellstyret kjem med tilråding. Framlegg til tilråding: Fjellstyret stiller seg positive til tiltaket og tilrår at det på visse vilkår vert gjeve løyve til arrangementet. Det må setjast krav om opprydding innan ei viss tid etter arrangementet. Dersom det vert vesentleg terrengslitasje, må det vidare setjast krav om at arrangørane skal reparere dette så langt det let seg gjera. Fjellstyret si tilråding: Som framlegget. - Brimi Gard og Sæter AS v/hans Brimi

5 Sak nr.: 41/2016 Arkiv nr.: Møtedato: Saksbehandlar: Magny Hilde/Odd Repp Visdalen statsallmenning. Søknad om utviding av seterhus på Uppigard Sulheim si seter i Visdalen. - E-post frå Lom kommune med søknad med vedlegg, motteke i kommunen den Kopi av brev frå Lom fjellstyre datert E-post den frå Jo Kolbjørn Sulheim. Jo Kolbjørn Sulheim, eigar av Uppigard Sulheim gnr.133, bnr.1, har sendt søknad om løyve til tiltak utan ansvarsrett, riving av vindfang og nytt tilbygg til seterhuset i Visdalen, til Lom kommune. Søknaden er motteken i kommunen den Brukar har søkt om eit tilbygg med brutto areal på 45,5 m 2, bruksareal 41 m 2, og riving av eksisterande gang og bod på om lag 12m 2. Totalt grunnareal vil bli 78 m 2, + hems på 37 m 2. Fasadeteikningar og grunnplan følgjer søknaden. Lom fjellstyre bad i brev, dagsett den , til Sulheim om fleire opplysningar, m.a. om driftsform, standard og storleik på eksisterande hus for å kunne vurdere behovet for tiltaket. I e-post den opplyste Sulheim at seterhuset slik det står i dag ikkje er bebueleg. Huset er delvis reisverkhus og lafta. Reisverkdelen av huset skal rivast. Av teikningane av nybygget går det fram at nybygget er tenkt lafta, og at om lag halvparten av huset vert halvannan etasje. Han opplyser at dei brukar om lag 2/3 delar av seterkvea til fôrproduksjon, og at dei har planar om å bruke området rundt til beitedyr. Dei driv både med sau og mjølkekyr. Fjellstyret har ikkje innhenta uttale frå Statskog SF til saka, og må i vedtaket ta atterhald om at dei ikkje har innvendingar til utvidinga og ombygginga. Opplysningar og merknader: Sentralt for fjellstyret i saker som dette, er at dei skal vurdere behovet for hus, kor mange hus som trengst, storleiken på husa, og standarden eller anna, og kan setje vilkår for utvidinga og endringa. Fjellstyret har vore restriktive med å tillate seterhus høgare enn ein etasje, da dette bryt med tradisjonell byggjestil i dei fleste seterområde i vårt distrikt. I dette tilfellet er det ei frittliggjande seter, og det gamle seterhuset er også i halvannan høgde, men med ein langt brattare takvinkel enn det som er det vanlege på hus i våre seterområde. Det nye huset er meir tilpassa byggjestilen her, og vil i så måte passe betre inn enn det eksisterande, med takvinklar på 22 og 27 grader. Framlegg til vedtak: Fjellstyret gjev løyve til ombygging av seterhuset, slik det er søkt om.

6 Det er ein føresetnad at bygningsmyndigheitene i kommunen godkjenner byggjesøknaden. Vidare tek fjellstyret atterhald om at Statskog SF ikkje har innvendingar til ombygginga. I så fall må dei gjera dette kjent for fjellstyret innan ein frist på tre veker etter at dei er gjort kjende med vedtaket. Vedtak: Som framlegget til vedtak. - Jo Kolbjørn Sulheim berre som e-post - MTL, Lom kommune berre som e-post

7 Sak nr.: 42/2016 Arkiv nr.: Møtedato: Saksbehandlar: Odd Repp Leir- og Bøverdalen statsallmenning. Vurdering av status på seter i Høydalen til Torkveen, gnr. 67, bnr E-post den vedlagt kopi av nabovarsel og byggjesøknad til kommunen frå Jon M. Torkveen. - Kopi av brev frå Lom fjellstyre til Jon M. Torkveen. - Brev frå Jon M. Torkveen den Kopi av brev av frå nasjonalparkforvaltar Eldrid Nedrelo til Jon Torkveen. Med e-post den har fjellstyret motteke kopi av nabovarsel og byggjesøknad til kommunen om oppføring av nytt seterhus på setra til Torkveen, gnr. 67, bnr.1, frå Jon M. Torkveen. Tiltakshavar og festar av setra er Jomar Torkveen, søskenbarn til Jon. Statskog har ikkje innvendingar til tiltaket, men ber fjellstyret behandla saka i samsvar med 10 i seterforskriftene før saka kan behandlast etter plan- og bygningslova. I brev av til Jon M. Torkveen, med kopi til Jomar Torkveen, ba fjellstyret om fleire opplysningar i saka, samstundes som dei gjorde merksam på at fjellstyret måtte vurdere og ta stilling til om setra hadde falle i det fri etter 22 i fjellova. Av brevet frå J.M. Torkveen, dagsett den , går det fram at setra har ikkje vore brukt frå garden på bortimot 30 år, at seterkvea har vore bortleigd, og seterhuset nytta som fritidshytte for eigaren. Han har eit sterkt ønske om å kunne oppføre seterhuset att, slik at setra kan følgje garden, når denne sannsynlegvis ein gong i framtida vert seld. Han dokumenterer ikkje noko behov for seter nå, men gjev tilkjenne ein del synspunkt som han meiner rettferdiggjer at husa vert bygt opp att, og at setra framleis kan høyre til garden. I brev, dagsett den , til Jon M. Torkveen gjer nasjonalparkforvaltar Eldrid Nedrelo merksam på at søknaden vil bli behandla etter verneforskriftene når fjellstyret har hatt den til behandling etter fjellova og seterforskriftene. Opplysningar og merknader: 22 i fjellova omhandlar frifall av seter der det heiter: "Rett til oppteken seter med setervoll og tilliggjande kulturbeite fell bort: 1. Ved oppgjeving utan atterhald. 2. Når setra i eit samanhengande tidsrom av 20 år ikkje har vore i bruk som seter. " Av opplysningane frå setereigaren går det fram at seterkvea ikkje har vore i bruk dei siste 20 åra, og at seterkvea har vore bortleigd til ein annan brukar. Bortleige av seter vert ikkje rekna som at setra er i bruk. For at den skal reknast å vera "i bruk", må den

8 brukast frå eigedomen den høyrer til og tene den jordbruksmessige utnyttinga av eigedommen. 12 i seterforskriftene omhandlar kva som skal skje med seter som er fallen i fri etter 22 i fjellova, der det heiter: "Når vilkåra etter 22 i fjellova ligg føre, skal fjellstyret gjera vedtak om at retten til setra m.m. er fallen i det fri. Fjellstyret kan vise ut seter som er fallen i det fri etter 22 i fjellova til eigedom i drift som treng seter. Fjellstyret skal i tilfelle gjere vedtak om at den førre seterbrukaren skal fjerne husa om han ikkje innan ei viss tid fører dei over til den nye brukaren. Før fjellstyret gjer vedtak om fjerning av hus skal saka leggjast fram for regional kulturminnestyresmakt til fråsegn." I dette tilfellet er husa borte p.g.a. brann, så fjellstyret treng ikkje ta stilling til dette om setra vert erklært fallen i det fri. Framlegg til vedtak: Fjellstyret vedtek at setra til Torkveen, gnr. 67, bnr. 1, i Lom kommune, har falle i det fri etter 22 i fjellova, pkt. 2 i første avsnitt. Vedtaket vert gjort med bakgrunn i dei opplysningane som er gjevne, og den kjennskap fjellstyret sit inne med om bruken av setra dei siste 20 åra. Fjellstyret vil vente med å ta stilling til kva som skal skje med setra, til fristen for klage på fjellstyret sitt vedtak er ute. Vedtak: Som framlegget. - Jomar Torkveen - Jon Torkveen - MTL, Lom kommune berre som e-post - Breheimen nasjonalparkstyre v/nasjonalparkforvaltar Eldri Nedrelo berre som e- post

9 Sak nr.: 43/2016 Arkiv nr.: Møtedato: Saksbehandlar: Odd Repp Vårdalen statsallmenning. Søknad om løyve til oppføring av uthus til kvilebu på dyrkingsparsell i Havyrju, frå Oda Evy Øyen. - Fjellstyresak nr. 40/2015 med saksdok. - Teikning dagsett den Kopi av brev av frå Statskog til Jarmund Øyen. Fjellstyret avslo i sak nr. 40/2015 ein søknad frå Oda Evy Øyen om eit tilbygg til kvilebua dei har på dyrkingsparsellen sin i Havyrju. Eksisterande kvilebu, oppført i 1994, var på 49 m 2, inkludert sval på 9m 2. Fjellstyret meinte at behovet for kvilebu ville vera dekt med ei bu på denne storleiken, som har vore brukt som ein mal for kvilebuer på dyrkingsparsellar. I vedtaket sa fjellstyret samstundes at dei ville stille seg positive til ein søknad om å oppføre eit separat uthus der også utedoen var innlemma. Fjellstyret har nå motteke teikning, dagsett den , av eit uthus på 10 m2, der utedoen inngår i arealet. Huset er i stav og laft med torvtak. Rafthøgda er 1,8 m. Huset vil bli plassert 4 meter frå kvilebua. Statskog gav i brev dagsett den midlertidig løyve til ein frittståande utedo. I søknaden om oppføringa av denne vart det presisert at utedo skulle inngå i uthuset, når det seinare vart søkt om dette. Framlegg til vedtak: Fjellstyret gjev løyve til oppføring av eit uthus, slik det går fram av den mottekne teikninga. Den eksisterande utedoen skal fjernast når uthuset kan takast i bruk. Nødvendige løyve må innhentast frå dei lokale bygningsmyndigheitene før bygginga kan skje. Vidare tek fjellstyret atterhald om at Statskog SF ikkje har innvendingar til bygginga. I så fall må dei gjera dette kjent for fjellstyret innan ein frist på tre veker etter at dei er gjort kjende med vedtaket. Vedtak: Som framlegget. - Oda Evy Øyen - MTL, Lom kommune berre som e-post

10 Sak nr.: 44/2016 Arkiv nr.: Møtedato: Saksbehandlar: Odd Repp Leir- og Bøverdalen statsallmenning. Søknad om løyve til riving av gamal og oppføring av ny kvilebu på dyrkingsparsell på Mytingen, frå Lars Juvstad. - E-post den vedlagt bilde. Med e-post dagsett den har Lars Juvstad søkt om løyve til oppføring av ei ny kvilebu på dyrkingsparsellen til Juvstad på Mytingen. Storleiken på kvilebua er ca. 20 m2. Bilde av hytta er vedlagt søknaden. Den eksisterande kvilebua der skal fjernast. Opplysningar og merknader: Ved besøk på fjellstyrekontoret tidlegare orienterte Lars Juvstad om planane for å flytte ei ferdig oppsett hytte, han var tilbydd å kjøpe, til parsellen sin på Mytingen. Hytta måtte fjernast ganske raskt på grunn av pågåande anleggsarbeid, og det var mogleg å flytte den heil, utan demontering. Han undrast også på moglegheitene for å plassere den på utsida av parsellen. Med omsyn til å erstatte den gamle kvilebua med ei ny, var attendemeldinga til han at dette truleg var ei kurant sak, når det låg innanfor arealgrensa på 40 m2. Flytting til utsida av parsellen ville truleg forårsake ny kartforretning og utgifter med dette for han. På oppsynsturar i området er det observert at den nye kvilebua allereie er komen på plass, før fjellstyret har fått behandla saka og gjeve løyve. Framlegg til vedtak: Fjellstyret har ikkje innvendingar til at det vert oppført/plassert ei ny kvilebu slik det er søkt om, men vil for ettertida presisere at løyve skal innhentast før tiltaket vert gjennomført. Fjellstyret krev at den gamle kvilebua skal fjernast, og at dette skal skje innan 1. juli Fjellstyret føreset vidare at Statskog ikkje har innvendingar til saka, og at melding om oppføringa/flyttinga vert meldt også til dei lokale bygningsmyndigheitene. Vedtak: Som framlegget. - Lars Juvstad berre som e-post - MTL. Lom kommune berre som e-post