Møtebok Lom fjellstyre

Transkript

1 Sak nr.: 42/2015 Arkiv nr.: Møtedato: Saksbehandlar: Magny Hilde REFERAT OG MELDINGAR. A Kopi av brev frå Statskog til Ramen Brekka Kopi av brev frå Ramen Brekka til Statskog. Tilbod om festekontrakt på kvilebu i Smørlia. B. E-post den frå fjelloppsynet til Statskog vedr. naust på Børjetjernet, samt kopi av brev av frå Statskog til Kjell Ola Sveinhaug. C. Kopi av brev av frå Nasjonalparkstyret for Breheimen NP til Ingvill Skamsdalen Hanslin vedr. restaurering av seterhus på Runningsetra i Søre Høydalen. D. Brev av frå nasjonalparkforvaltar Bjørn Dalen vedr. vøling av Bukkebotnvegen. E. Kopi av brev av frå nasjonalparkforvaltar Kari Sveen til Trygve Husom vedr. løyve til kjøring etter Gravdalsvegen i samband med saueleiting. F. E-post den frå NFS - motorferdsel i statsallmenning. Informasjon om endring i fjellov og motorferdsellov. G. Brev av med rapport løypekøyring vinteren 2014/15 frå Jotunheimen Hundekjørarlag. H. E-post den med referat frå årsmøtet i Bøvertjønnen Hytteforening den (?). I. E-post den frå Statskog vedlagt innkalling frå Eidefoss AS til møte 12.nov om vinterbrøyting og generelt vedlikehold av Tessosvegen. J. Høyringsuttale frå Statskog, dagsett den , om forslag til Forvaltningsplan for Breheimen NP. K. Referat frå årleg møte i fagleg rådgjevande utval for Jotunheimen 16. september Deltakarliste. Varsel om oppstart av revisjon av forvaltningsplan for Jotunheimen, generell presentasjon. Brev med melding av oppstart. L. Brev av frå fjellstyresambandet til kommunane med statsallmenning om oppnemning av fjellstyre.

2 Sak nr.: 43/2015 Arkiv nr.: Møtedato: Leir- og Bøverdalen statsallmenning. Søknad om løyve til overbygg av sorteringsplass for sau ved sanketråa på Netoseter, frå Netoseter småfelag v/erling Dagsgard. - Brev av frå Netosæter småfelag v/erling Dagsgard. Netosæter småfelag v/erling Dagsgard har med brev av søkt om løyve til å oppføre og få ha ståande eit flatt takoverbygg ved sanketråa deira på Netoseter. Vedlagt søknaden fylgde ei enkel skisse over installasjonen. Konstruksjonen har flatt tak og her eit flatemål på 6 x 12 m. Den består av stolpar nedgravde i grunnen med limtredragarar, sperrer og takplater oppå desse. Høgda er ca. 3 meter. Søknaden er grunngjeve med at dei sender lam direkte til slakteri frå sanketråa. Det er da krav om at dyra skal vera tørre. Tidlegare har dei løyst dette med å drive under ei presenning, men dette byr på problem når det er uroleg ver. Dei ynskjer å fortsetje med å kunne sende sauen direkte til slakt frå sanketråa, da både slakteri og saueeigarane ser fordelar med dette. For å betre forholda på sorteringsplassen er det derfor ynskjeleg å ha eit permanent takoverbygg å drive under. Taket vart sett opp i samband med sankinga og sorteringa hausten 2015, og dei søkjer nå om at installasjonen kan stå der permanent. Det har ikkje vore innhenta uttale frå Statskog SF til søknaden. Framlegg til vedtak: Fjellstyret ser på dette som eit praktisk og nødvendig tiltak for dei som leverer sau frå dette sankeområdet, og gjev på visse vilkår løyve til at installasjonen kan stå der permanent. Dersom tilhøva og føresetnadene endrar seg, eller saudrifta i området opphøyrer, slik at det ikkje lenger er behov for installasjonen, skal konstruksjonen fjernast att. Fjellstyret tek atterhald om at Statskog SF ikkje har innvendingar til oppføringa. Som framlegget. - Netosæter småfelag v/erling Dagsgard, Skjåk solside 332, 2690 Skjåk - Statskog SF, berre som e-post.

3 Sak nr.: 44/2015 Arkiv nr.: Møtedato: Leir- og Bøverdalen statsallmenning. Ny behandling. Søknad om løyve til installasjonar i samband med utplassering av saltsteinar. - Fjellstyresak nr. 41/2015 med saksdokument. - Kopi av brev den frå fjellstyret til Bøvertun sausankelag v/per Kveen og til Syver Ole Marstein. - E-post dagsett den frå Syver Ole Marstein. Behandlinga av ein søknad frå Pål Ragnar Paulsen om løyve til å oppføre installasjonar i samband med utplassering av saltsteinar for sau tre stader i området Bøvertjønnen Krossbu, for å hindre at storfe kom til på steinane, vart utsett på fjellstyremøtet den d.å. Bakgrunnen for dette var at fjellstyret ynskte at andre beitebrukarar i området skulle få høve til å uttale seg, før fjellstyret fatta noko vedtak i saka. Brev med varsel om det planlagde tiltaket vart derfor sendt til Bøvertun sausankelag v/leiar Per Kveen, og til Syver Ole Marstein, som seterbrukar i området. Syver Ole Marstein har i e-post, dagsett den , kome med denne merknaden til søknaden: "Viser til brev om utplassering av saltsteinar, og fjellstyresak nr. 41/2015. Eg meiner at ein ikkje kan ha utplassering av saltsteinar for sau, i hamneområdet for sæterkyrne i Bøvertun, men er open for eit samarbeid om salting av lausnaut og sau, lenger opp. Det vil da ikkje vera naudsynt med gjerde rundt saltsteinane." I merknadene til sak 41/2015 stod det m.a.: "Ein av saltsteinane er tenkt plassert ved austenden av Bøvertjønnen og vert innanfor grensene for Høyrokampen naturreservat. Utlegging av saltsteinar i naturreservatet er forbode etter vernereglane, så for dette må det eventuelt innhentast dispensasjon frå nasjonalparkstyret for Breheimen. Den saltsteinen som er tenkt lagt ut i Breidseterdalen, er avmerka omtrentleg på grensa for nasjonalparken. Dersom den vert liggjande innanfor parken, må det eventuelt innhentast løyve til oppføringa av gjerde rundt den, men vernereglane for nasjonalparken har ikkje forbod mot utplassering av saltsteinar. Det skal truleg eit kraftig gjerde til for å halde storfeet, som også beiter i området, unna saltsteinane. Dersom dette ikkje lykkast, må det setjast vilkår om at gjerdet rundt steinane kan krevjast fjerna att. Steinane med gjerdet rundt bør plasserast slik at dei i mest mogleg grad er skjerma for innsyn frå vegen, dersom dette let seg gjera."

4 Fjellstyret gjev ikkje løyve til dei omsøkte installasjonane ved utlegginga av saltsteinar, men har ikkje merknader til plasseringa der det er skissert i søknaden, unnateke plassen ved Bøvertjønnen. Ei utlegging her er avhengig av løyve frå vernemyndigheitene, og må i tilfelle skje i samråd med dei. Fjellstyret grunngjev avslaget om installasjonar med at dei trur det er vanskeleg å klare og skilje på beitedyr ved utlegginga av saltsteinar, og at dette er unødvendig når båe beiteinteressene er interesserte i å leggje ut steinar. Det ligg da til rette for eit samarbeid om dette. Fjellstyret meiner elles generelt sett at utlegging av saltsteinar i beiteområda for seterkrøter, ikkje kan skje anna enn i samråd med seterbrukaren/ane når det er tradisjonell seterbruk med mjølkeproduksjon på setra/ene. - Pål Ragnar Paulsen, Kvålsvegen 44, 2686 Lom - Bøvertun sausankelag v/leiar Per Kveen, Slåligrenda 8, 2687 Bøverdalen - Nasjonalparkstyret for Breheimen v/nasjonalparkforvaltar Bjørn Dalen berre som e-post

5 Sak nr.: 45/2015 Arkiv nr.: 600 Møtedato: Høyringssak. Revisjon av forskrift om jakt, felling, fangst og fiske i statsallmenning. - Høyringsbrev av frå Miljødirektoratet. - Forslag til uttale frå Norges fjellstyresamband. Miljødirektoratet har med brev den sendt ut forslag til revisjon av "Forskrift av 8. mars 2004 om jakt, felling, fangst og fiske i statsallmenning." Frist for uttale til Norges fjellstyresamband, som skal samordne uttalene frå fjellstyra, er sett til den 1. desember d.å. Med e-post den sendte Fjellstyresambandet ut eit forslag til uttale til alle fjellstyra til revisjonen, som dei kunne gje sine kommentarar eller tilslutning til. Framlegg til vedtak: Fjellstyresambandet har gjort ein grundig gjennomgang av forskrifta, og kome med velgrunna forslag til merknader eller endringar av forslaget som er sendt ut frå MD. Lom fjellstyre har ingen kommentarar ut over det sambandet har peikt på, og gjev si fulle tilslutning til det forslaget til uttale som dei har laga. Saka vert utsett.

6 Sak nr.: 46/2015 Arkiv nr.: Møtedato: Oppnemning av representant til fagleg rådgjevande utval til nasjonalparkstyret for Jotunheimen nasjonalpark og Utladalen landskapsvernområde. - Utskrift av sak nr. 59/2015 i Nasjonalparkstyret for Jotunheimen NP og Utladalen LVO. Ved revisjonen av verneforskriftene for Jotunheimen nasjonalpark og Utladalen landskapsvernområde vart ordninga med tilsynsutval i kvar kommune som var omfatta av nasjonalparken, kutta ut. I staden vart det i vedtektene for nasjonalparkstyret sagt at styret skal oppnemne eit fagleg rådgjevande utval, etter ein modell som er tenkt gjennomført for alle nasjonalparkane. I vedtektene heiter det at "Utvalget skal bestå av representanter for de ulike interessene i området, som bl.a. grunneiere, andre særlig berørte offentlige organer som for eksempel friluftsråd, næringsliv, frivillige organisasjoner, bl.a. natur- og miljøorganisasjoner og lignende. Nasjonalparkstyret bør ha minst ett årlig dialogmøte med rådgivende utvalg." Nasjonalparkstyret gjorde i sak nr. 59/2015 vedtak om at kvar kommune skulle ha to representantar i utvalet, der minst den eine skulle kome frå fjellstyret eller sameiget. For Lom sin del så ligg nasjonalparken i si heilheit i statsallmenningen, så her må representanten/ane kome frå fjellstyret. Styret såg det mest naturleg at fjellstyra sjølve utpeikte sin representant/ar til utvalet. Fjellstyret meiner at båe representantane bør veljast blant fjellstyremedlemene. Frå Lom fjellstyre vert desse foreslått: leiar Erik Frisvold og nestleiar Svanhild Lyngved. Fjellstyret meiner elles at Lom Tamreinlag, som ein stor næringsaktør i nasjonalparken, bør vera representert i utvalet. - Nasjonalparkstyret for Jotunheimen nasjonalpark v/nasjonalparkforvaltar Kari Sveen som e-post - Lom kommune som e-post

7 Sak nr.: 47/2015 Arkiv nr.: Møtedato: Leir- Bøverdalen statsallmenning. Søknad frå Thorleif Mork om å kunne overta den frifalte seterkvea til Skånsar til beite. - Søknad dagsett den få Thorleif Mork. - Søknadsskjema med opplysningar om areal og besetning dagsett den vedlagt kartkopi. Thorleif Mork søkte med brev av om løyve til å kunne ta i bruk seterkvea som har falt i det fri etter Skånsar i Sålell. Han ynskjer å bruke kvea som beiteareal. Samstundes ynskjer han å utbetre tilkomstvegen over kvea opp til eiga seter noko. Einaste tilkomstvegen opp til setra hans sjølv går over denne kvea. Det omsøkte arealet er på ca. 4 dekar. Av opplysningane gjeve på søknadsskjemaet går det fram at han driv både med mjølkeproduksjon, kjøttfe og saudrift. Saka har vore varsla og lege ute til offentleg gjennomsyn med frist til å kome med merknader. Det har kome merknad til saka frå Reidun Skånsar og Odd Rustad i brev dagsett den , som skriv: "Vi ber hermed om at kvea til Skånsarsetra i Solell er disponibel for oss når vi har fått etablert oss med hus der, dvs. innhus, løe og fjøs. Løa er, som kjent, tenkt brukt til ly for beitedyra. I arbeidet med Skånsarsetra i Solell dei siste åra, har det alltid lege i botnen at det skal takast vare på heile seteranlegget - med innhus, løe, fjøs og kve." Opplysningar og merknader: Lom fjellstyre vedtok i sak nr. 43/2012 at setra til Skånsar hadde falle i det fri etter 22 i fjellova. Setereigaren, Reidus Skånsar og Odd Rustad, klaga på dette, men Statens landbruksforvaltning avviste klagen. Fjellstyret gjekk likevel inn for at eigarane av setra skulle få løyve til å restaurere seterhusa, og at det vart utstedt ei erklæring om eit avgiftsfritt feste på desse knytt til eigedomen som setra hadde tilhøyrt. Fjellstyret grunngav dette med det spesielle særpreget til seterhusa, og at setra låg på den høgstliggjande seterstulen i landet. Med bakgrunn i m.a. fjellstyret si tilråding, gav Statskog SF i brev av løyve til at det på visse vilkår skulle kunne opprettast ei slik avtale. Det vart sett ei leigetid på berre 5 år om gongen, og vedr. feste av grunn skreiv Statskog: "Seterforskriften 17 gjelder her tilsvarende, slik at løyve som gis etter seterforskriften 13 bare gjelder feste av den grunnen som huset eller husene dekker." Juridisk sett er seterkvea pr. i dag å sjå på som utmark. Fjellstyret valde å ikkje lyse ut kvea som ledig, da den utgjer berre eit lite areal, og eignar seg best for å nyttast av dei

8 som frå før har beitedyr i området. Men fjellstyret kan vanskeleg reservere arealet til bruk att for Skånsar si seter, og på den måten bandleggje arealet. Dette vil vera direkte i strid med vedtaket om frifall, og det er ikkje heimel for dette i seterforskriftene. Det er forståeleg at den tidlegare seterbrukaren på eit vis ynskjer ein garanti for å ha areal til ei seterkve, den dagen husa er bygde opp att og det eventuelt er aktuelt å starte opp med seterdrift att. Fjellstyret utset behandlinga av saka. - Thorleif Mork, Øvergrendsvegen 95, 2686 Lom - Reidun Skånsar og Odd Rustad, Ottadalsvegen 5609, 2686 Lom

9 Sak nr.: 48/2015 Arkiv nr.: Møtedato: Leir- Bøverdalen statsallmenning. Søknad om fornying av løyve til å ha saufelle/sanketrå i Dummøyene, frå Pål Ragnar Paulsen. - Søknad dagsett den frå Pål Ragnar Paulsen - Fjellstyresak nr. 48/ Løyve frå Statskog, dagsett den Kopi av brev frå Statskog, dagsett den Løyve frå Nasjonalparkstyret for Breheimen NP, dagsett den Bøvertun sankelag v/pål Ragnar Paulsen fekk med vedtak i fjellstyret i sak nr. 48/2010 og brev frå Statskog dagsett den grunneigars løyve til å setje opp og ha ståande permanent ei saufelle/sautrå i Dummøyene. Løyve frå Nasjonalparkstyret for Breheimen nasjonalpark vart gjeve med brev dagsett den Løyvet vart avgrensa i tid til å gjelde for ein femårs periode. I brev av til sankelaget v/leiar Per Kveen, gjorde Statskog merksam på at løyvet var utgått, og at det måtte søkjast på nytt viss det var ynskje om framleis å ha installasjonen der. Med brev dagsett den har Bøverton Saulag v/pål Ragnar Paulsen søkt om fornya løyve for ein ny femårs periode. Saka vart førehandsvarsla og låg ute til offentleg ettersyn da søknaden vart behandla i Det kom ikkje inn merknader til saka. Saka har ikkje vore førehandsvarsla og lege ute til offentleg gjennomsyn før behandlinga nå. Fjellstyret gjev løyve til at sautråa får stå på same vilkår som vart sett for løyvet i Fjellstyret tek atterhald om at Statskog ikkje har innvendingar til vedtaket. Dette må i så fall gjerast kjent for fjellstyret innan ein frist på tre veker etter at dei er gjort kjende med vedtaket. Vidare tek fjellstyret atterhald om at Nasjonalparkstyret for Breheimen også gjev løyve til å ha sautråa ståande for ein ny periode. - Bøverton Saulag v/pål Ragnar Paulsen, Kvålsvegen 44, 2686 Lom - Nasjonalparkstyret for Breheimen nasjonalpark v/nasjonalparkforvaltar Bjørn Dalen som e-post - Statskog SF som e-post

10 Sak nr.: 49/2015 Arkiv nr.: Møtedato: Leir- og Bøverdalen statsallmenning. Søknad om ombygging av steinfjøs på Kjæstad si seter i Foss. Ny behandling. - Fjellstyresak nr. 23/2015 med sakspapir. - Kopi av brev av frå Statskog til Anne Veggum og Kristian Kjæstad. - Brev av frå Kulturarvenheten, Oppland fylkeskommune. - Fjellstyresak nr. 39/2015. Sak nr. 39/2015, vart utsett ved førre fjellstyremøtet og er sett opp att på ny til behandling nå. Anne Kjæstad Veggum og Kristian Kjæstad søkte med brev dagsett den om løyve til å bygge om seterfjøset sitt i Foss. Dei driv med mjølkekyr og nyttar setra til beite for avsina mjølkekyr og ungdyr i perioden frå ca. 1. juli til 1. september. Lom fjellstyre handsama søknaden på møte den , sak 23/2015, og gjorde slikt samrøystes vedtak: "Fjellstyret stiller seg positive til søknaden og gjev med atterhald løyve til ombygging/utviding og omdisponering av seterfjøset i Foss, slik det er søkt om. Fjellstyret tek atterhald om at regional kulturminnestyresmakt og Statskog SF ikkje har innvendingar til tiltaket. Det må vidare innhentast løyve til bygginga frå dei lokale bygningsmyndigheitene." I brev av skriv Statskog at dei ikkje har innvending til tiltaket, og vil kome tilbake til ei avtale når uttale frå kulturminnestyresmakt føreligg, og byggeløyve frå kommunen er gjeve. I brev av frå regional kulturminnestyresmakt, blir det fråråda å gjeve løyve til tiltaket. Fjellstyret tok i løyvet sitt atterhald om at dei ikkje hadde innvendingar til tiltaket, og må såleis vurdere søknaden på nytt, i lys av det kulturminnestyremaktene har uttala, som i uttala skriv: "Kulturarvenheten mener den omsøkte ombyggingen av steinfjøset vil endre preget som seterhus betydeleg, og vil derfor fraråde å tillate tiltaket. Kommunen, som lokal kulturminnemyndighet, må vurdere den lokale verneverdien i å bevare dette steinfjøset som en del av det tradisjonelle setermiljøet i området, og foreta en avveiing mellom dette hensynet og hensynet til eigers ønske/behov. Dersom det likevel tillates en ombygging av steinfjøset, bør denne bli helt marginal. Ombyggingen bør skje innenfor eksisterende bygningskropp, volumet bør ikke endres. Vindusåpninger bør begrenses i henhold til det som er kravet til rømningsveger og kan

11 innpasses i gavlveggene etter opprinnelig stil, slik som vist på vedlagte tegning. Vindusåpninger i langsidene er ikke aktuelt siden bygningsvolumet ikke endres. Døråpningen bør ha de opprinnelige dørene intakt, mens det for eksempel kan settes inn en mer moderne dør innenfor. All demontering bør skje varsomt slik at verdifulle spor, materialer og detaljer tas vare på og kan gjenbrukes. Det bør stilles vilkår både i fjellstyrets vedtak etter seterforskriften og i en eventuell byggetillatelse som sikrer at desse kravene følges opp. I kopi av brev frå Statskog til Kristian Kjæstad den føreset Statskog at fjellstyret har behandla søknaden etter 24 i seterforskrifta, slik at det vil bli festeavgift og oppretta ei særskild avtale om huset knytt til garden som ei rettigheit. Dei tek atterhald om uttala frå fylkeskonservatoren og løyve frå kommunen, og vil kome attende med eit forslag til avtale når dette eventuelt er i orden. Etter vedtaket om utsetting av saka, har søkjaren skissert alternative løysingar for ombygging/påbygg, etter å ha vore i kontakt med fylkeskonservatoren om saka. Alt. 1: Behalde den originale storleiken på huset, men høgde taket med ca. 70 cm for å få inn vindauge på langveggane. Alt. 2: Forkorte bygningskroppen, men ha takutstikk på gavlveggane slik at heile muren vert under tak. Dette er viktig for å bevare muren ifølgje fylkeskonservatoren. Same høgda som alt. 1. Alt. 3: Original eller forkorta bygningskropp, men ha tak som dekkjer heile muren, og med same takhøgda som originalbygget. Takvindauge for å etterkome krav om lysmengde og om rømmingsveg. Dette etter innspel frå fylkeskonservatoren. Alle alternativ er tenkt med torvtak. Det opprinnelege taket var av bølgjeblikk. Opplysningar og merknader: Murane er ikkje så gamle at dei er registrerte i SEFRAK-registeret. Dette registeret er eit generelt kulturhistorisk register som vert nytta m.a. av forvaltninga som eit utgangspunkt for å finne verneverdige bygningar. Det er såleis ikkje noko vernerestriksjonar på dei gamle murane. Fjellstyret stiller seg positive til søknaden, men ynskjer ei synfaring i området for å sjå på og drøfte ei løysing, før det vert teke avgjerd i saka. - Anne Veggum og Kristian Kjæstad - Miljø, teknisk og næring, Lom kommune, til orientering som e-post - Statskog SF som e-post