Reguleringsplan Helland sentrum - Vurdering av innspel etter oppstartsmelding. Utval Møtedato Utvalssak Planutvalet

Transkript

1 VESTNES KOMMUNE Saksframlegg Arkiv: L12 Arkivsaksnr.: 2014/316 Saksbehandlar: Jan Rune Jacobsen Dato: Reguleringsplan Helland sentrum - Vurdering av innspel etter oppstartsmelding Utval Møtedato Utvalssak Planutvalet Administrasjonssjefen si innstilling I samråd med Sentrumsnemnda gir planutvalet følgjande tilbakemeldingar til arkitektane, vedkomande mottatte innspel i oppstartfasen av ny reguleringsplan for Helland sentrum: 1. Arealet mellom vegane på nordsida av Straumen må utnyttast til parkering og grøntområde etter prinsippet i skisse frå Agraff Arkitekter, datert Tomta nord for Løviknes Caravan skal fortsatt vere forretningsareal. Hagnesvegen mellom desse tomtene kan vurderast utvida, slik at det blir plass til fortau. 3. Det bør vurderast portal eller tilsvarande effekt ved rundkjøringa for å invitere inn til sentrumsområdet. Den såkalla Plommen, fjørearealet ved rundkjøringa, mellom bruene på sørsida av Straumen, skal utnyttast til utbyggingsformål. 4. På vestsida av rundkjøringa ved Straumen skal ein 4. arm gi tilkomst både til Idrettsparken, rasteplass (sjå gjeldande kommuneplan) og til p-plass for et regionale friluftsområdet ved Flatevågen. På idrettsområdet skal det kunne realiserast både nytt klubbhus og andre idrettsbygg. 5. Det skal vere gode forbindelsar også for mjuke trafikkantar mellom sjøfronten, sentrumskjernen og det regionale friluftsområdet i Flatevågen. Frå bruene til hurtigbåten skal det leggast til rette for fortau langs nordsida av Sjøgata 6. På Knipå bør det vere ei hensynssone med eigne reguleringsføresegner som ivaretek det særprega bygningsmiljøet frå gnr. 46 bnr. 7 og 14 og vestover til Gamlebrua. 7. Utfyllingspotensialet på Hellandsneset (gnr.46 bnr.23 og 56) må utnyttast, ikkje berre med tanke på ekspansjon for Rema, men generelt med tanke på bustader ved sjøen. Eventuell gangsamband må også vurderast i planarbeidet. 8. Sikker og rasjonell vareleveranse til Rema bør oppretthaldast 9. System for bussavvikling/busstopp må avklarast gjennom samarbeid med MRFylkes samferdselsavdeling snarast. 10. Det må leggast til rette for tilkomst for dagturistar i småbåt direkte til delar av planlagt hamnepromenade langs Sjøgata. 11. Framtidig plass til biblioteket og kulturskulefunksjonar i sentrumskjernen vil vere aktivitetsskapande, men bør ikkje plassert på eksisterande p-plass. 12. Det bør vurderast meir plass for båtbyggarmuseet til eventuelle utandørs aktivitetar.

2 13. Småbåthamna bør kunne utvidast mot Livneset, noko som må sjåast i samanheng med utvikling av bustadområde og utfylling her. 14. Det må utarbeidast ROS-analyse særleg med tanke på utfyllingsområda og eventuell leireproblematikk. 15. Parkering som konkurransefaktor må ikkje undervurderast, såleis må det leggast opp til totalt fleire p-plassar enn dei eksisterande. 16. Det bør også finnast plass både til bobilar og til ladestasjon for el-bilar SAKSUTGREIING: Bakgrunn: I pkt. 3 i møtereferatet frå sentrumsnemnda sitt møte den 26.august, vart det bestemt at Planutvalet i felles møte med sentrumsnemnda skal vurdere innspela, som kom ved melding om oppstart av arbeidet med ny reguleringsplan for kommunesenteret på Helland. Adm.sjefen fekk i oppdrag å legge fram sak med innstilling til planutvalet sitt møte den 9.september. Nemnda/Planutvalet sitt vedtak skal deretter vidaresendast arkitekten til vidare bruk i reguleringsarbeidet. Det er registrert 11 innspel i samband med oppstartmeldinga. I tillegg er det registrert ein del innspel gjennom medverknadsmøter med andre sentrale partar i sentrumsområdet. Alle innspela blir referert, kommentert og vurdert nedanfor. Frå før er det bestemt at hurtigbåtanlegget ikkje skal flyttast til innsida av moloen ved Sjøgata. Dette blir derfor ikkje nærare omtalt. Når det gjeld hurtigbåt må innsatsen leggast i å behalde og vidareutvikle dette sambandet, som er vitalt for eit godt samvirke mellom kommunane Molde/Vestnes/Rauma. Vurdering: Norske Shell Ber om å bli orientert om eventuelle tiltak som vil påverke deira eigedom. Adm.sjefen kjenner så langt ikkje til slik tiltak. REMA 1000 v/a.husby Varelevering er optimalt i dag og må behaldast. Ser behov for utviding av butikk og parkering mot nord (sjøen), eventuelt kombinert med bygging av gangforbindelse langs sjøen. Adm.sjefen er einig i at god avvikling av varetransporten er viktig å behalde. Vidare meiner adm.sjefen at utfyllingspotensialet på Hellandsneset må utnyttast, ikkje berre med tanke ekspansjon for Rema, men generelt med tanke på bustader ved sjøen. Eventuell gangsamband må også vurderast i planarbeidet. Vestnes Brygge v/r.malme Bussknutepunkt, hurtigbåt og legesenter er også viktige sentrumsfunksjonar. Må ha mulegheit for ekspansjon for handelsnæringa, ikkje berre bustader. Et utflytande sentrum er ikkje bra, må kunne la handelen ekspandere innafor dagens sentrum. Bibliotek kan være aktivitetsskapar, men ikkje plassert på dagens parkeringsplass. Parkering er svært viktig og talet plassar må aukast, også langs Sjøgata. Også ladestasjon for el-bilar og korttidsplassar for småbåtar ved Sjøgata er viktig. Hamna må vere open i nord og ev. utviding av hamna bør skje mot Livneset. Presiserer nødvendigheita av gode driftsrutiner på grøne område o.l. for å unngå forfall. Adm.sjefen er einig i alle desse punkta. Vestnes utvikling v/j.eide og Ø.Gjøen Planer om utbygging med bustader på tomta vest for Rema. Gangsti kan anleggast på sjøsida. Viktig for attraktiviteten at trivselen i sentrum er på topp i form av møteplassar.

3 Adm.sjefen meiner det er rett at planarbeidet legg opp til at denne tomta kan utnyttast med bustader og parkering ev. forretningsdrift på grunnplanet. Eventuell gangsamband må også vurderast i planarbeidet. Bebuarar på Knipa Protesterer mot planlagt gangveg gjennom deira eigedomar. Vil i så fall krevje erstatning for verditap på eigedomane. Ber om eit møte om reguleringa. Adm.sjefen viser til at omtalt gangeveg ikkje er planlagt, men ein illustrasjon på vinnarutkastet i arkitektkonkurransen. Motstand mot eventuell gangveg gjennom eigedomane på sjøsida, er forståeleg. Adm.sjefen vil derfor foreslå at gangveg blir avgrensa til fortau på nordsida langs Sjøgata forbi desse eigedomane. Vidare vil adm.sjefen be arkitektane ta direkte kontakt med bebuarane på Knipa. Dagfinn Wiik Foreslår at Båtbyggarmuseet blir lokalisert på Livneset i Nordvest Nett sine gamle lokalar. Ved å fylle på begge sider av Livneset, bør det likevel vere plass for både privat og kommunal utbygging her. Adm.sjefen er usikker på om Livneset er rett plassering for Båtbygarmuseet, men meiner det er rett å fylle ut ved Livneset for å utvikle området til bustader og finne meir plass til småbåthamna. Vestnes båtbyggarmuseum v/p.brennvik Ide om båtbyggarmuseum på kaia med utadretta aktivitet. Treng min. 8 x 5 m. Dagens hus er for lite. Adm.sjefen meiner museet har eit uforløyst potensiale og kunne hatt mykje å vise fram, trass i at drifta i dag er på nullpunktet. Realistiske idear bør takast med vidare i sentrumsplanlegginga. Vestnes Varfjell Idrettslaget er opptatt av at området vest for E39 blir lagt til rette for idretts- og friluftsliv også i framtida. Foreslår meir og variert aktivitet i Flatevågen. Har forslag til nytt klubbhus og ny fleirbrukshall og ønsker ny avkjørsel, som 4. arm på rundkjøringa ved Straumen. Adm.sjefen er einig i at reguleringsplanen bør gi mulegheit for både klubbhus og andre idrettsanlegg i framtida vest for E39. Likeins at ein 4.arm på rundkjøringa må kunne realiserast både som tilkomst til idrettsanlegget og friluftsområdet. Forslag til rasteplass i gjeldande kommuneplan treng også ei slik tilkomstløysing. Vestnes kulturhus Vennelag Er opptatt av at kulturfunksjonar for framtida blir lokalisert til sentrum. Foreslår kombinasjonen bibliotek/kulturskule/servicekontor, som er funksjonar som vil trekke aktivitet til sentrum og styrke næringslivet. Vil fremme forslag om nytt kulturbygg inneverande periode og meiner at Smie -kvartalet kan vere aktuell plassering. Adm.sjefen er einig i at kulturskule og bibliotek er funksjonar som i dag ikkje har tilfredsstillande lokalar og plassering. Imidlertid må plassering av desse funksjonane utgreiast nærmare. Vestnes småbåtforening v/h.fiskaa og J.I.Holmem Har stor pågang og treng plass for utviding. Mange besøkande som handlar i sentrum. Må vere plass til dagturistar med småbåtar ved Sjøgata. Positiv til bustader på Livneset, men ikkje tilkomst over hamneområdet. Ønsker å legge til rette for bobilar og utsetting/vinterlagring av kajakker. Positiv til hamnepromenade og arkitektane sine skisser og idear for Kataholmen. Adm.sjefen vurderer småbåtforeininga som ein svært viktig samarbeidspart i sjøfronten og er einig i at det må tilretteleggast slik at dagturistar i småbåt får direkte tilflott til Sjøgata. Bustader på Livneset er ein del av konseptet i arkitektane sitt vinnarutkast, men tilkomst kan vurderast på nytt. Plass for kajakkar og bobilar vil vere positivt. Adm.sjefen føresett eit fortsatt godt samarbeid med tanke på gode løysingar for utnytting av hamneområdet og ekspansjon av småbåtanlegget. Statens vegvesen

4 Er positiv til reguleringsarbeidet og viser til formelle vegfaglege krav som må ivaretakast, som byggegrenser, støy, universell utforming etc. Ønsker at nye avkjørslar blir avgrensa til eit minimum og at avkjørsel frå E39 ved kyrkjas blir vurdert stengd. Forventar at planarbeidet tek omsyn til Vestnes vegmiljø, som er omtalt i forslag til Nasjonal verneplan for vegar, bruer og vegrelaterte kulturminne. Adm.sjefen er einig i at nye avkjørslar må avgrensast og at avkjørsla ved kyrkja bør vurderast stengt. Det siste kan også skje gjennom ein prosess utanom reguleringsplanen. Når det gjeld Vestnes vegmiljø, viser adm.sjefen til kommunestyrevedtak frå , der kommunestyret rår ifrå freding av vegmiljøet pga. potensialet for negative konsekvensar for utvikling av lokal infrastruktur og bruk av tilliggande areal. Forslag om vern av Vestnes vegmiljø tek ikkje omsyn til kommunen sine målsettingar om å vidareutvikle eit kompakt sentrum utan fragmentering. Med eit svært avgrensa sentrumsareal, må Vestnes utnytte arealressursane best muleg. Dette betyr i klartekst at det ikkje er i Vestnes kommune si interesse om utvikling på begge sider av rundkjøringa ved sørsida av Straumen og mellom vegane på nordsida av Straumen blir hindra. Fylkesmannen i Møre og Romsdal Presiserer at det må utarbeidast ROS-analyse for planområdet og føresett at barn og unge sine interesser blir ivaretatt med tanke på gode og funksjonelle uterom. Adm.sjefen reknar dette som ein sjølvsagt del av reguleringsarbeidet arkitektane skal gjere. Møre og Romsdal Fylkeskommune Viser til prosessen med regulering i Åndalsnes som kan vere ei interessant referanse. Fylkeskommunen krev at registret automatisk kulturminne på Vestnessida av straumen blir bandlagt. Stiller krav om arkeologisk registrering også sør for Straumen. Påpeiker fleire verneverdige kulturminne frå nyare tid: Brumiljøet med tilknytte vegar, Smia, bygningsmiljøet ved Knipå, Hammeråshuset, Gamleskulen og Postvegen. Meiner det er svært viktig å unngå inngrep, husbygging eller endra arealbruk i nærområdet rundt bruene og tilknytte vegar Knipå må regulerast til bevaringsområde og fylket rår sterkt ifrå fortetting på Knipå og mellom Knipå og Kataholmen Smia og Hammeråshuset bør bevaringsregulerast Varslar motsegn om ikkje reguleringsforslaget sikrar kulturminna tilfredsstillande Adm.sjefen meiner innspelet frå fylkeskommunen går noko langt i kulturminnefagleg retning, utan særleg andre omsyn. At Åndalsnes kan vere ei god referanse er greitt, med tanke på gjennomføringsstrategi I vår digitale tidsalder er de forunderleg at ikkje kulturvernet nyttar seg meir av andre metodar enn bevaring in natura, særleg når konfliktane med andre viktige samfunnsomsyn er så tydelege. Kulturminnet på forretningstomta nord for Straumen kan såleis ikkje hindre utvikling av området til det formålet som er bestemt i gjeldande kommuneplan. Dette må frigjevast. Krav om arkeologisk registrering også sør for Straumen er ein del av prosessen med reguleringsarbeidet. Om ein skal kunne utvikle sentrumsområdet og bevare det kompakte preget, er det både uønskt og umuleg å unngå inngrep, husbygging eller endra arealbruk i nærområda rundt bruene og tilknytte vegar. Her er fylkeskommunens kulturavdeling på kollisjonskurs og dette er ein kamp kommunestyret må avgjere om det er rett å ta. Knipå kan regulerast med hensynssone, med mål om å bevare det særprega bygningsmiljøet der. Å unngå forteting eller endringar mellom Knipå og Kataholmen kan vere vanskeleg i eit sentrumsområde. Adm.sjefen meiner det er rett å legge til rette for både planlagde nye bygningar på bnr. 20, fortau langs nordsida av Sjøgata og utvikling og utfylling ved Hellandsneset (Rema). Adm.sjefen er ikkje prinsipielt imot bevaring av Smia og Hammeråshuset, men meiner dette i så fall bør skje i samarbeid med grunneigarane.

5 Innspela frå fylkeskommunen har ei noko einsidig kulturminnefagleg vinkling, samtidig som dei trugar med motsegn. Vestnes kommune har elles eit godt samarbeid om tettstadutvikling med fylkeskommunen og adm.sjefen legg til grunn at dette vil fortsette, trass innspela som er mottatt i denne reguleringssaka. Det vil truleg vere nyttig med eit eige møte med fylkeskommunen, for å gå gjennom innspela deira. Fylkets samferdselsavdeling Tilrår busshaldeplass i Kaigata for å unngå krusedullkjøring. Buss til Åndalsnes vil fortsatt kjøre om Remmem, noko som krev tosidige haldeplassar der. Adm.sjefen trur det vil bli for trongt i Kaigata og meiner i utgangspunktet at investeringa som alt er gjort mellom Sjøgata og hurtigbåten bør utnyttast etter intensjonen; som bussknutepunkt. Ei endeleg løysing bør finnast gjennom samarbeid med MRFylkes samferdselsavdeling snarast. Rådet for funksjonshemma Etterlyser universelt utforma overgangar fleire stader og opphøgde gangfelt over Sjøgata, for å dempe fartsnivået. Ønsker samanhengande fortau frå bruene til Rema/hurtigbåten. Opplever bussavviklinga som farleg og kaotisk. Adm.sjefen stadfestar at universell utforming er eit sentralt omgrep i planlegging. Fleire overgangar og opphøgde gangfelt bør vurderast. Bussavviklinga er ikkje tilfredsstillande i dag og må få ei endeleg form gjennom samarbeid med MRFylke si samferdselsavdeling. Ungdomsrådet v/i.naalsund Etterlyser fleire møteplassar i sentrum og aktivitetar som kajakk og skating. Biblioteket bør ha større potensiale. Adm.sjefen er einig i at møteplassar er eit sentralt tema og det er generelt viktig at sentrum er attraktivt som møteplass også for ungdom. Til dømes betre framtidig plassering av biblioteket, som kan bli ein aktivitetsskapar i sentrumskjernen i framtida. Også plassar for kajakk og skating bør vurderast. Odd Jarle Talberg Presiserer at sentrumsnært friluftsliv/folkehelse er sentralt i denne reguleringssaka. Han hadde ønskt at planavgrensinga også omfatta p-plass og rekreasjonsområde nedanfor Strandbo. Adm.sjefen er einig i at friluftsliv og folkehelse er sentralt, såleis må ein sjå til at reguleringsplanen legg godt til rette for mjuke trafikkantar og har god tilknytingar til det regionale friluftsområdet innover langs Flatevågen. Som Talberg tydeleg er klar over, kjem innspelet om planavgrensinga i seinaste laget, men adm.sjefen reknar med at p-plassen og rekreasjonsområdet nedanfor Strandbo let seg løyse utanom planen. NVE Region Vestnes kommune Gjer merksam på at ROS-analysen må avklare om delar av planområdet ligg utsett til i høve marine strandavsetjingar som til dømes leire. Adm.sjefen rår til at dette blir avklart av dei innleidde arkitektane. Molde og Romsdal Hamn IKS Minner om at bygging, graving, utfylling og andre tiltak som kan påverke tryggleiken aller framkomst i sjøområdet er søknadspliktig etter Havne- og farvannsloven. Har elles ingen merknad eller innspel på noverande tidspunkt. Adm.sjefen har ikkje merknader til dette. Særutskrift til:

6 Agraff Arkitektur AS Vedlegg: 1 Møtereferat sentrumsnemnda 2 Sentrumsplan og sjøfront - statusrapport til kommunen 3 Vedlegg - oppsummering innspel 4 Uttale til varsel om oppstart - reguleringsplan for Vestnes sentrum Helland i Vestnes kommune 5 Reguleringsplan for Helland sentrum - Fråsegn til melding om oppstart 6 Innspel til reguleringsplan for Vestnes sentrum - kopi av innspel til Agraff AS 7 Reguleringsplan_offentlege formål 8 diverse faksimiler frå Vestnesavisa_våren Innspel til reguleringdsplan for Helland_Vestnes Kulturhus Vennelag 10 Protest mot planlagt gangveg 11 Vestnes kommune - områderegulering - reguleringsplan for Helland sentrum - fråsegn ved varsel om oppstart - Kopi av brev til Agraff AS 12 Vestnes kommune - områderegulering - reguleringsplan for Helland sentrum - fråsegn ved varsel om oppstart 13 Innspel til reguleringsplan Helland sentrum (avgrensinga) 14 Innspel til oppstart av reguleringsplan for Vestnes sentrum - Helland 15 Varsel om oppstart av arbeid med ny reguleringsplan for Helland sentrum - uttale frå Molde og Romsdal Havn IKS 16 Illustrasjonsplan Løviknes Caravan Om Vestnes Vegmiljø