---LYSBILDE 1--- INNLEIING

Transkript

1 ---LYSBILDE 1--- INNLEIING Føremålet med møtet Informera om prosessen så langt og vegen vidare. Korleis er ting gjort/vurdert? Korleis finna fram i alle dokumenta som føreligg? Kva er dei viktigaste dokumenta? Møtet burde ha vore 1 månad tidlegare når planen blei lagt ut til offentleg ettersyn, men p.g.a. ferietid var dette lite gunstig og vanskeleg å få til. Det er likevel att nesten 3 veker av høyringsfristen etter dette møtet, og det bør vera tid nok til å områ seg i høve til å koma med ev. merknadar. Plan- og bygningsloven stiller krav om medverknad. Dersom ein skal kunna medverka må ein ha kjennskap og kunnskap om det ein skal ta stilling og ev. meina noko om. Ifølgje 1-1 i plan- og bygningsloven skal planlegging og vedtak sikra openheit, forutsigbarheit og medverknad for alle berørte interesser og myndigheiter. Kap. 5.0 i plan- og bygningsloven dreier seg om medverknad i planlegginga. Ifølgje 5-1 skal alle som fremmar planforslag legga til rette for medverknad. Kap 5.0 i planprogrammet til arealdelen har opplegg for informasjon og medverknad. Her går det fram at det skal vera informasjonsmøte på rådhuset både ved planoppstart og når planforslaget vert lagt ut til 1. offentleg ettersyn. Det går fram at ein ved utlegging til 1. offentleg ettersyn vil orientera om planforslaget, og endringane som er gjort i høve til gjeldande arealdel, og invitera folk til å koma med merknader. Presiserer at me ikkje kjem til å gå inn på enkeltinnspel, eller vurderingar av enkeltinnspel her i kveld, og at det berre blir opna for generelle spørsmål underveg og til slutt. Tidsramma me har er avgrensa. I annonsen om møtet vart det presisert at spørsmål kring enkeltinnspel/-vurderingar må takast opp i ordinær kontortid, samtidig som det vart gitt tilbud om å ta det opp mellom klokka 1500 og 1800 i dag. Alle lysbilda og notata som blir brukt her i kveld vart lagt ut på heimesida til kommunen no i ettermiddag, og ligg saman med dokumenta som ligg ute til offentleg ettersyn på framsida på heimesida til kommunen. VIS KOR DET ER LAGT UT

2 ---LYSBILDE 2--- OM PLANPROSESSEN I perioden låg forslag til kommunal planstrategi for og samfunnsdelen til kommuneplanen for ute til off. ettersyn. Dette var viktige dokument for utforming av forslag til planprogram for revisjonen av arealdelen til kommuneplanen som vart behandla av formannskapet Den vart det varsla oppstart av arbeidet med revisjonen av arealdelen til kommuneplanen samtidig som forslag til planprogram for revisjonen vart lagt ut til offentleg ettersyn Ope folkemøte i Festsalen Føremålet med møtet var å legga fram dei retningslinene og avgrensande faktorane som galdt dersom ein ønska å koma med innspel til revisjonen av arealdelen. Samtidig presenterte ein krav til korleis eit innspel bør utformast. I tillegg blei ein del faktorar (målsettingar, avgrensingar) som ville ha ein del å seia for korleis det endeleg planforslaget blei sjåande ut presentert. Forslag til kommunal planstrategi for med retningsliner for langsiktig arealbruk og samfunnsdelen til kommuneplanen for med målsettingar for ulike satsingsområde låg ute til offentleg ettersyn Det vart gjort greie for hovudinnhaldet i desse på møtet, og at retningslinene her ville vera viktige og avgjerande for korleis innspela som var komne inn på dåverande tidspunkt, og som ville koma inn, ville bli vurdert. I tillegg gjorde ein greie for at føringane i forslag til planprogram for revisjonen av arealdelen til kommuneplanen kom til å ligga til grunn for vurderingane. Planprogrammet hadde same høyringsfrist som fristen for å koma med innspel, Avslutningsvis gjorde ein greie for innhaldet i kommunestyresak 47/2005, Retningsliner for kommuneplanarbeid i utmarka. Det vart presisert at desse og var viktige for vurderingane og utforminga av planforslaget. Det vart lagt vekt på at forventningane til endeleg godkjent plan må stå i høve til dei avgrensande faktorane som er gitt i planprogrammet, planstrategien, samfunnsdelen og sak 47/2005 i kommunestyret samt faktorane som offentlege myndigheiter vektlegg. Ordføraren presiserte på møtet den gangen at alle innspel vil og kan ikkje bli godkjent. Dersom ein er interessert i ytterlegare detaljar kring dette, og kva som vart presentert på møtet så er alle dokument i saken tilgjengeleg på heimesida til kommunen. Informasjonsnotatet og lysbilda frå ligg nedst på sida planar og prosessar. Under planar og prosessar finn ein og samfunnsdelen, kommunal planstrategi for , planprogrammet og andre dokument i saken før offentleg ettersyn, m.a. avgrensinga av satsingsområda. VIS KOR DESSE DOKUMENTA ER LAGT UT PÅ HEIMESIDA: Planer og prosesser i menyen til venstre

3 1. PLANAR OG STRATEGIAR * Kommuneplan vedtatt Samfunnsdelen til kommuneplanen Gjeldande arealdel for bygdene. Denne gjeld ikkje lenger når planen me driv på med no blir godkjent. 2. PLANAR OG PROSESSER * arealdelen til kommuneplanen * kommunal planstrategi Frist for å koma med innspel til kommuneplanen Føremålet med fristen var primært å få inn hovudtyngda av innspel i denne perioden og så fort som muleg, slik at ein kunna koma vidare i prosessen. Det er ikkje slik at innspel som har kome etter denne datoen er avvist. Alle innspel som var komne inn før behandlinga er vurdert. Totalt har kommunen motteke kring 200 innspel, 140 av desse gjeld hyttetomter.

4 ---LYSBILDE 3--- OM PLANPROSESSEN FORTS.: Møte i kommunestyret Her vart følgjande viktige dokument for revisjonen av arealdelen vedtatt: Kommunal planstrategi for Samfunnsdelen til kommuneplanen for Planprogram for revisjon av arealdelen til kommuneplanen Alle dei 200 innspela som har kome er vurdert og sortert etter retningsliner i desse dokumenta Møte i formannskapet Kommunen har lenge hatt 3 satsingsområde for turisme; Aurdalsåsen, Tisleidalen og Vaset, men avgrensinga av desse har aldri vore kartfesta. For å koma vidare i prosessen med å sortera dei 140 innspela om hyttetomter måtte desse kartfestast. Retningslinene i kommunal planstrategi skil mellom hyttebygging i satsingsområda og utanfor satsingsområda. I forslag til kommunal planstrategi for er det forslag om å ta ut Tisleidalen som satsingsområde. Dette kan få konsekvensar for vurderingane av innspel som har kome til arealdelen i området. I perioden 4. februar til 23. desember 2011 vart alle innspel som var komne inn sortert og vurdert. Nye innspel etter dette tidspunktet er vurdert fortløpande. Dokumenta frå kommunestyremøtet og frå formannskapsmøtet har vore avgjerande og svært viktige for vurderinga av enkeltinnspel ved utarbeidinga av planforslaget. Det vart tydeleg signalisert på folkemøtet at desse kom til å vera viktige i arbeidet.

5 ---LYSBILDE 4--- GRUNNLAGSDOKUMENT 1 og 2 Samtlege innspel som har kome inn er vurdert i 5 grunnlagsdokument Grunnlagsdokument 1 er første vurdering av hytteinnspel Retningslinene opnar for at det kan fortettast og utvidast i satsingsområda for turisme. Det er sagt at det kan opnast for inntil 400 nye hyttetomter i planperioden. For samtleg nye hyttetomter blir det stilt krav om høg standard. Utanfor satsingsområda opnar retningslinene for at det kan fortettast og leggast til rette for minimal utviding. Det er sagt at det kan opnast for inntil 100 nye hyttetomter. For nye hyttetomter i desse områda blir det stilt krav om å anten legga til rette for høg eller låg standard for alle tomter innanfor eit område. Det er vesentleg fleire innspel om hyttetomter utanfor satsingsområda enn innanfor. Kva som kan reknast som fortetting og (minimal) utviding er det ikkje noko fasitsvar på, men vurderingane her er gjort samla av fleire personar for å gjera ei mest muleg lik vurdering. Kriteria har vore tolka stramt utanfor satsingsområda sidan det var så mange innspel her samtidig som det var opna for vesentleg færre hyttetomter her enn innanfor satsingsområda. Hadde det vore færre innspel hadde retningslinene blitt tolka romslegare. Enkelinnspel treng ikkje ha store konsekvensar isolert sett, men kommunen skal vurdera heilskapen og ikkje enkeltinnspel. Dersom ein seier ja til eit innspel som ein meiner ikkje er i samsvar med retningslinene, kan dette ha den konsekvensen at 15 tilsvarande innspel også bør få ja. Dete er nedfelt i 10 i naturmangfalloven der det blir stilt krav om å vurdera den samla belastningen på eit økosystem. Eit tiltak må ikkje berre vurderast isolert, men sjåast i samanheng med andre belastningar i same område. Til grunnlagsdokument 1 ligg det med eit kartutsnitt over alle innspel som har kome. Desse er ikkje vist på eit oversiktkart så ein ser ikkje kor i kommunen område ligg med minder ein søker det opp på webkartet til kommunen. Me viser seinare korleis ein finn kartet. Det ligg i tillegg med ei oversikt som med fargekode som viser korleis dei enkelte innspela er vurdert. Etter denne sorteringsrunden sat ein att med 47 innspel som er vurdert i Nokre av innspela er føreslått godkjent med ei anna avgrensing enn i innspelet. Dette heng saman med at ein del innspel er svært store (900 daa) og ein vurderer delar av det til å vera i samsvar med retningslinene, og andre delar til ikkje å vera det. Grunnlagsdokument 2 som er andre vurdering av innspel om hyttetomter Her vart dei 47 hytteinnspel som var kome gjennom vurderingsrunde 1 vurdert utifrå forureiningsfare, avstand til vassdrag, eksponering, samanhengande område med naturog/eller kulturlandskapsinteresser (inkl. grøntkorridorar/-drag). Etter desse vurderingane sat ein att med 26 innspel om hyttetomter som ein vurderte til å vera i samsvar med retningslinene for planarbeidet, og 3 innspel som ein meinte ikkje var i samsvar med retningslinene, men som ein likevel meinte var såpass tungtvegande grunnar til at ein likevel meiner bør kunna godkjennast som nye byggeområde. Desse tre områda er vist på

6 ---LYSBILDE 5--- Åreld ungdomssenter, Nythun, Gomobu * Åreld ungdomssenter (ligg i avgrensinga av Tisleidalen) Teigen ligg tett inntil ein alpinnedfart, ein mindre del av teigen inngår i området avsett til alpintrasé. På austsida av alpintraséen er det godkjent fleire mindre hytteområde. Føremålet med prosjektet er å rehabilitera Åreld ungdomssenter, ein leirstad for barn og unge, og ein meiner det er eit prosjekt som kan koma mange til gode og at dette er eit føremål som skil seg ut blant andre liknande søknader. * Gomobu (delvis utanfor Vaset) Utvikling i området bør skje i forståing og samsvar med det som skjer på andre sida av kommunegrensa. Kartet viser forslag til framtididg bruk av område både i Nord-Aurdal og Vestre Slidre kommunar. Det har blitt satsa sterkt i Vasetområdet i Vestre Slidre kommune, og det er lagt vel til rette for utvikling og utbygging. Det er ingen grunn til at ikkje Nord- Aurdal skal satsa like sterkt i området når kommunestyret har vedtatt at Vaset skal vera eit satsingsområde. Det ligg godt til rette med kommunale VA-løysingar. Med bakgrunn i dette, og utifrå ei felles forståing med Vestre Slidre kommune om at dei òg vil vurdera å sjå positivt på innspelet, er formannskapet av den oppfatning at ein ser positivt på heile innspelet på den delen som ligg her i kommunen. Vil samtidig påpeika at arealbruk i nord er i samsvar med retningslinene for kommuneplanarbeidet, det er arealbruken i sør, dei lysegule områda, som ikkje er i samsvar med retningslineen. For Nord-Aurdal kommune vil ei slik endring medføra at eit viktig prinsipp om å ikkje tillata hyttebygging i høgareliggande område utan skog vil bli fråvike. Sjølv om ein tillét det her, bør ikkje dette vera retningsgjevande for resten av kommunen. Ein må saman med Vestre Slidre kommune forsøka å få ei felles forståing for, og semje om kor høgt ein vil kunna tilrå/tillata bygging i området om dette blir aktuelt. Ein meiner uansett at det er viktig å ha eit bevisst forhold til utviklinga i nabokommunen. * Nythun (Kruk er ikkje satsingsområde) Føremålet med prosjektet er å styrka næringsgrunnlaget og framtidig eksistensens for bedrifta Nythun, samtidig har bedrifta både reinseanlegg og vassverk som er godkjent. Ev. nye hyttetomter vil bli knytt til dette.

7 ---LYSBILDE 6--- GRUNNLAGSDOKUMENT 3-5 I grunnlagsdokument 3 er alle innspel om bustadtomter vurdert. Alle innspel om bustadfelt på dyrka mark er avvist. Gjeldande arealdel for bygdene vart godkjent i Fleire slike forslag låg inne ved forrige revisjon, og erfaringa er at desse er veldig vanskeleg å få godkjent av overordna myndigheiter. Utifrå erfaringane frå den gangen har kommunen valt å ikkje bruka ressursar på dette ved denne revisjonen. Det er ingenting som tyder på at haldningane til jordvernet er endra, heller tvert i mot. I grunnlagsdokument 4 er det gjort ei vurdering av innspel om område for naust og fiskebuer. Kommunen har forsøkt og vurdert fleire løysingar i høve til dette som det har kome lite utav etter diskusjonar med overordna myndigheiter. Dersom ein ønskjer å legga til rette for fiskebuer eller naust bør dette skje i form av konsentrerte utbyggingsområde langs vatn. Det er føreslått eit område for fiskebuer ved Tisleifjorden etter innspel frå Ulnes sameige. Det er stilt krav om reguleringsplan før området kan takast i bruk. Området ligg tett inntil eit område som alt er i bruk til føremålet. Langs Strøndafjorden er det føreslått eit område for spreidd naustutbygging der det er opna for 1 naust etter innspel frå grunneigar. I grunnlagsdokument 5 er alle dei resterande innspela vurdert, dvs. område for næring, råstoffutvinning, idrettsanlegg og energianlegg. Område som openbert er i konflikt med naturinteresser eller andre overordna retningsliner er i hovudsak avvist. Ein ser ikkje grunn til å bruka ressursar på noko ein erfaringsmessig veit at ein ikkje får godkjent med mindre ein meiner det er samfunnsmessig viktig å få det godkjent, jf. Breiset.

8 ---LYSBILDE 7--- KONSEKVENSVURDERING Alle nye byggeområde som er vurdert til å vera i samsvar med kommunale og nasjonale retningsliner og målsettingar vart etter dette konsekvensvurdert. Lovverket stiller krav om at alle nye byggeområde i kommuneplanen skal konsekvensvurderast. Kommunen inviterte og forventa at forslagstillarar ville koma med innspel til konsekvensvurderinga. Dette vart opplyst om på møtet Det er dessutan nedfelt i kap 5 i planprogrammet, sidan det vert sett på som ei viktig mulegheit for å medverka i planprosessen. I tillegg har kommunen sjølv henta informasjon frå tilgjengeleg databasar på internett til konsekvensvurderinga. Til konsekvensvurderinga høyrer det med kartutsnitt over forslag til samtlege nye byggeområde. Opplysningane vil saman med dei kommunen alt har belysa kor godt egna eit område er til den bruken me føreslår, og om det er ting som tilseier at området kanskje ikkje bør brukast til noko anna føremål enn det blir. Konsekvensutgreiinga skal sikra at ein gjer ei vurdering av om eit tiltak kan gjennomførast og ev. under kva vilkår. Kommunen har ikkje registrert forhold ved dei enkelte byggeområda som er vist på plankartet som gjer at ein meiner dei ikkje kan leggast ut til byggeområde. Slike område vart sortert bort i grunnlagsdokument 1-5. Dersom det ligg område innanfor byggeområdet som bør takast vare på, går dette fram av konsekvensvurderinga og må takast omsyn til ved detaljplanlegginga. Kommunen må legga til rette for vidare utvikling, og ein meiner konsekvensane for samfunnet totalt sett er marginale med forslaget til kommuneplan. Ein har i hovudsak unngått nedbygging av dyrka mark med 3-4 unntak der ein meiner det er sterke og vesentlege grunnar til å bruka dyrka mark. Det er stilt krav om å ta ytterlegare omsyn til ulike interesser i bygeområda ved detaljregulering. Rasfaren er vurdert, men det er stilt krav om ytterlegare vurderingar og ev. tiltak ved detaljplanlegging.

9 ---LYSBILDE 8--- OM PLANPROSESSEN FORTS.: I perioden og fram til vart planforslaget bearbeidd og diskutert med statlege styresmakter med sikte på offentleg ettersyn. Kommunen har hatt saken til vurdering i regionalt planforum to ganger denne våren. Den var forslag til planføresegner, retningsliner og konsekvensvurdering tema, medan stod revidert versjon av planføresegner og retningsliner på agendaen. Oppretting og kontakt med regionalt planforum er heimla i kap. 5.3 i plan- og bygningsloven, og det går fram at her blir statlege, regionale og kommunale interesser klarlagt. Areanaen er ein stad for å diskutera planforslaget, samordna interesser og prøva å finna løysingar med sikte på å ha mest muleg avklart og i samsvar med lovverket før offentleg ettersyn. For kommunen er dette viktig fordi statlege styresmakter har rett til å reisa innsigelse til planforslaget om dei meiner at det er interesser som ikkje er ivareteke samtidig som ein her kan få ein del gode råd. Imidlertid er det ikkje slik at kommunen må eller alltid vil retta seg etter det som kjem fram på desse møta. Den var temaet planføresegnene i kommuneplanen i eit eige møte med juridisk avdeling hjå fylkesmannen. Den 21. juni vedtok formannskapet å legga planforslaget ut til offentleg ettersyn. Loven stiller krav om planforslaget skal ligga ute til offentleg ettersyn i minst 6 veker. P.g.a. at det er ferietid har ein valt å legga planforslaget ut til offentleg ettersyn i overkant av 8 veker med høyringsfrist OFFENTLEG ETTERSYN

10 ---LYSBILDE 9--- PLANKARTET No går me litt meir detaljert inn på planforslaget, og me begynner med plankartet som er det viktigaste dokumentet i saka saman med planføresegnene. Når kommunestyret gjer vedtak i saka er dokumenta juridisk bindande for arealbruken i kommunen i planperioden. Alle dokumenta med har gått inn på til no er bakgrunnsvurderingar for utforminga av plankartet, planføresegnene og retningslinene som me no vil gå gjennom. Likevel er det viktig å merka seg at konsekvensvurderinga som nemnt gir ein del signal om kva som må vurderast ved utarbeiding av reguleringsplan for dei enkelt byggeområda som er vist på plankartet. På heimesida til kommunen ligg det ei forklaring til korleis ein kan finna plankartet. GÅ INN PÅ HEIMESIDA Plankartet eksisterer berre digitalt, og dersom det er nokon som ønskjer utskrift for ein spesifikk eigedom så må vedkomande ta kontakt med servicetorget. For å finna kommuneplankartet på nettet må du velja karttenester i menyen til venstre på heimesida, og deretter gå til kart. Til venstre under kommunelogoane vel du følgjande: Verktøy: Arealplaner Velg område: Nord-Aurdal Plansøk Vis plantype: Kommuneplan, under arbeid Ved å halda musepeikaren over eigedomen du er interessert i på kartet, vil det koma fram at det er arealdelen til kommuneplanen du ser på, og det vil gå fram kva føremål eigedomen er føreslått avsett til. Mesteparten av arealet på kommuneplankartet er avsett til landbruks-, natur- og friluftsområde (LNF). Nummereringa 23, 67, 170 osb. viser til planiden til gjeldande reguleringsplanar i kommunen. I 2-2 i plan- og bygningsloven er det krav om at alle kommunar skal ha eit planregister. Nummer 142 står for PlanID 0542R142, 0542 er kommunenummeret, R står for at det er ein reguleringsplan og 142 for nummeret i rekka med reguleringsplanar i kommunen. B1, B2, B3, H1, H2, H3, E1, E2, E3 osb. (stor bokstav) viser til nye byggeområde. Dette er nye område som kommunen føreslår at blir avsette til byggeføremål i planperioden. Mesteparten av dei er basert på innspel som kommunen har motteke både før og etter varsel om planoppstart. Som sagt når eg snakka om konsekvensvurderinga så føreligg det kartutsnitt over alle nye byggeområde som er føreslått. Byggeområda i konsekvensvurderinga og på kartutsnitta er nummerert i samsvar med det ein finn att på plankartet, B1, B2, B3, H1, H2, H3, E1, E2, E3 osb. (stor bokstav).

11 Nummera b1, b2, b3, h1, h2, h3, e1, e2, e3 osb. (liten bokstav) viser til tidlegare godkjente byggeområde som blir vidareført. Alle 10 disposisjonsplanane som er lista opp i utmarksdelen frå 1995, og kommunedelplan for Ulnes sameige, blir ved godkjenninga av kommuneplanen oppheva. Mange av dei er ferdig utbygd, dei manglar planføresegner og i tillegg er ikkje dette ein gyldig plantype lenger. Innhaldet i desse er innarbeidd i planforslaget. Byggeområda som er att i Ulnes sameige er vist som område for spreidd hyttebygging utan krav om reguleringsplan der det er att 1 eller 2 tomter, og som byggeområde med krav om reguleringsplan der det er att 3 eller fleire tomter. Alle gjeldande kommunedelplanar (7 stykk) og arealdelen til kommuneplanen, delplan for bygdene og utmarka, er innarbeidd på plankartet og blir oppheva ved godkjenninga av kommuneplanen. Kommunen føreslår å oppheva reguleringsplanane for Hundetjednet frå 1993 og Valdres alpingrend frå 1988 på Aurdalsåsen då me meiner interessene i desse er ivaretekne gjennom kommuneplanen og andre reguleringsplanar. ---LYSBILDE FAGERNES SENTRUM Store delar av Fagernes er vist med sentrumsføremål. Dette er eit generelt føremål for ulike sentrumsfunksjonar som kontor, parkering, forretning, bustadbygging m.m. Dette er gjort for å stå mest muleg fritt i høve til utviklinga av sentrum, og legga til rette for ein smidigare prosess dersom det er aktuelt å endra gjeldande reguleringsplanar.

12 ---LYSBILDE Oversikt over nye byggeområde og eksisterande byggeområde som blir vidareført Denne nummeringa finn ein att i oversikta over nye byggeområde og eksisterande byggeområde som blir vidareført. Eksisterande byggeområde som blir vidareført er vist i gjeldande kommuneplan, delplan for bygdene, og kommunedelplanar. Innhaldet i desse planane er vurdert i løpet av planprosessen, og kommunen føreslår å vidareføra dei aller fleste av desse byggeområda i planforslaget som føreligg, med nokre unntak. Samtlege eksisterande byggeområde som me føreslår å vidareføra har fått ny nummerering. For å vurdera dei i høve til gjeldande planar må du bruka denne oversikta. Byggeområde H3 i kommunedelplan for Ulnes sameige er vist som byggeområde h1 på kommuneplanforslaget osb. Byggeområde H14 og H16 i kommunedelplan for Svennes sameige er slått saman til byggeområde h11 i forslag til kommuneplan. Byggeområde der det står att berre 1 tomt i Ulnes sameige er vist som område for spreidd hyttebygging utan krav om reguleringsplan. På plankartet er desse nummerert som sh1, sh2, sh3 osb. Aktuelle planføresegner og retningsliner vil gjelda for desse områda og. Byggeområde H5 i Ulnes sameige er som me ser av lysbildet vist som sh 9.

13 ---LYSBILDE Oversikt over byggeområde som skal tilbakeførast til LNF Kommunen føreslår å ta ut nokre av byggeområda i dei godkjente planane, og tilbakeføra desse til landbruks-, natur- og friluftsområde. Hovudårsaka til at desse blir føreslått tilbakeført til LNF-område er at dei fleste av dei har lege i kommuneplanen i 20 år utan at det har skjedd noko med dei. Kommuneplanen skal visa eit mest muleg riktig bilde av arealbehovet i kommunen i planperioden. Område som ligg slik i kommuneplanen år etter år, er med og hindrar godkjenning av nye område, då kommunen alt har store ressursar som dekker behovet for planperioden. For nokre av områda har det i tillegg kome fram opplysningar som ikkje var vurdert eller kjent ved godkjenningstidspunktet av kommunedelplanen det ligg som gjer at dei heller ikkje bør vera byggeområde lenger (ras, viltinteresser osb.).

14 ---LYSBILDE PLANFØRESEGNER Av planføresegnene til kommuneplanen går det fram at alle gjeldande reguleringsplanar, med unntak av 2 som me har vore inne på tidlegare, i hovudsak framleis skal gjelda. Desse reguleringsplanane er vist på ei eiga oversikt. Til planføresegnene høyrer det to kart som viser avgrensinga av Fagernes og Leira sentrum. Innanfor områda som inngår i det som på desse karta er vist som sentrum blir det stilt krav om høgare utnytting enn utanfor. Føringane i planføresegnene til gjeldande kommunedelplanar som blir oppheva, og kommuneplanen, delplan for bygdene, er innarbeidd i forslaget til planføresegner for kommuneplanen. Planføresegnene og retningslinene viser tydeleg at kommunedelplanane er innarbeidd, då det er utfyllande føresegner og retningsliner som gjeld for t.d. berre Aurdalsåsen eller Svennes sameige. Utover dette vil eg trekka fram følgjande punkt i forslag til planføresegner: I kommuneplanen blir det føreslått at det bebygde arealet (BYA) på einebustadtomter ikkje skal vera større enn 30 % av tomta, men at samla bruksareal (BRA) for bustad, garasje og uthus likevel ikkje skal overstiga 400 m². Det er viktig å merka seg at det blir føreslått at føresegna skal gjelda framfor lågare avgrensingar i tidlegare godkjente reguleringsplanar. Det blir gjort tilsvarande endringar i utnyttingsgraden i hytteområde med same forslag om at dette skal gjelda framfor lågare utnyttingsgrad i gjeldande reguleringsplanar. I kommuneplanen blir det føreslått at arealet som det kan settast opp gjerde ved/kring ein tomt i regulerte område vert avgrensa til 500 m 2. Det er viktig å merka seg at det er føreslått at føresegna skal gjelda framfor lågare avgrensing i tidlegare godkjente reguleringsplanar. Og at ho ikkje overstyrer ev. privatrettslege avtaler som forbyr oppsetting av gjerde i hytteområde, eller reguleringsføresegner som forbyr oppsetting av gjerde. Kommunen føreslår å gradera byggeforbudssona langs vassdrag. Det blir lagt opp til at det ikkje lenger skal vera ei generell byggeforbudssone på 100 meter langs vassdrag. Den generelle byggeforbudssona blir føreslått redusert til 50 meter, men i hovudvassdraga i kommunen og nokre fleire skal det framleis vera byggeforbud i 100 meterssona. Dessutan skal det langs alle vatn/tjern over 200 daa og i utløpselvar/-bekkar frå desse framleis vera byggeforbud i 100 metersbeltet. Det er gjort unntak for eigedomar der veg utgjer eit skille og der det ligg ein eksisterande bygning nærare vassdrag enn 50 eller 100 meter. Det er i tillegg byggeforbud i 100 meterssona langs alle elvar/bekkar/vatn som står i fare for ikkje å oppnå god vasskvalitet innan 2021 (jf. vassdirektivet til EU). Dei aller fleste av desse vassdraga inngår i vassdrag som det utifrå det foran alt er byggeforbud i 100 metersbeltet. Alle område med muleg ras- og flaumfare er vist på plankartet, og det blir stilt krav om grundigare vurdering ved detaljplanlegging og søknader om bygge- og anleggstiltak og at risikoreduserande tiltak må vurderast og gjennomførast ved behov. Konsesjonsområdet for fjernvarme, Fagernes er vist, og det er krav om tilknyting for nye byggverk og tilbygg med bruksareal (BRA) over 250 m 2, og bygningar som skal byggast om vesentleg med BRA over 250 m 2.

15 ---LYSBILDE RETNINGSLINER Retningslinene er ikkje juridisk bindande, men er viktige fordi dei presiserer politikken til kommunestyret og ønskemål for utviklinga i kommunen i planperioden. Innhaldet vert lagt til grunn for all arealplanlegging og byggesaksbehandling. Mange av planføresegnene frå både kommunedelplanen og delplan for bygdene er for detaljerte etter ny plan- og bygningslov, og derfor er mykje av det som tidlegare var planføresegner no retningsliner for reguleringsplanarbeid. Retningsline 1gjeld utarbeiding av reguleringsplan Kommunen har i mange år hatt retningsliner for utarbeiding av reguleringsplanar og desse vil framleis gjelda. Retningsline 1 kjem i tillegg til dei me alt har og utfyller desse. Det er både generelle retningsliner for byggeområda og meir spesifikke for dei ulike føremåla. Retningsline 2 gjeld behandling av byggesøknadar i LNF-område Ev. søknadar om dispensasjon vil bli behandla etter desse retningslinene. Mykje av innhaldet i sak nr. 47/2005 som eg var innom til å begynna med er innarbeidd her. Retningsline 3 gjeld utforming av og krav om leikeareal

16 ---LYSBILDE HØYRINGSFRIST Utifrå eit samfunnsmessig forventa behov i kommunen dei komande åra meiner ein at planforslaget viser eit realistisk forventa arealbehov. Det bør vera tilstrekkeleg med mulegheiter for bustadbygging og næringsutvikling, forutsett at det er vilje og økonomi til å regulera og realisera områda. Utanom dei dokumenta eg har gått inn på her føreligg det ei møtebok med saksopplysningar og vurderingar samt vedtak om offentleg ettersyn. I tillegg ein skriftleg del med omtale av planen, overordna føringar, dvs. målsettingar og forventningar, viktige interesser, dei nye byggeområda med arealreknskap, ordforklaringar, evaluering av prosessen så langt. Konsekvensvurderinga, planføresegnene, retningslinene, grunnlagsdokumenta osb. er del av den skriftlege delen, men for å gjera ting meir lesbare og enklare å forhalda seg til så er det presentert som eigne filer på heimesida. Det føreligg i tillegg ei eiga oversikt som viser dokumenta i saka ved offentleg ettersyn. Alle dokumenta som eg har referert til her under møtet er å finna på heimesida til kommunen er siste frist for å koma med merknad til høyringsforslaget