ETNE KOMMUNE SAKSUTGREIING

Transkript

1 ETNE KOMMUNE SAKSUTGREIING Utval Møtedato Saknr Saksh. Komite Forvaltning /15 ROB Sakshandsamar: Roar Bævre Arkiv: N-504, GNR- 32/143 Arkivsaknr: DETALJREGULERING FOR PLANTESKULESVINGEN 1 GONGS HANDSAMING Vedlegg i saka: Vedlegg 1. Planforslag Vedlegg 2. Føresegner Vedlegg 3. Planomtale Vedlegg 4. ROS-analyse Vedlegg 5. Vurderingar i høve til Naturmangfaldslova Vedlegg 6. Fylkesmannen Vedlegg 7. NVE Vedlegg 8. Mattilsynet Vedlegg 9. Opplysningsvesenets fond Vedlegg 10. Statens Vegvesen Utrykte saksdokument: Kommunedelplanen for Etnesjøen. Saksgang: Komité forvaltning for 1 gongs handsaming Offentleg ettersyn Utskrift til: Sakshansamar for utskrift

2 SAKSUTGREIING: 1. Kva saka gjeld: 1. Gongs handsaming av Detaljregulering for Planteskulesvingen. 2. Bakgrunn for saka: I kommunedelplanen for Etnesjøen blei det sett av fleire område for bustadformål. Planområdet omfattar bustadområdet som blei kalla B05. I føresegnene for dette området i kommunedelplana går det fram at ein må detaljregulera her før ein kan sette i gong nokon tiltak. Oppstartmøte blei helde , kunngjering var den Problemstilling: Føremålet med planen er å etablere to nye tomter på eit tidligare uutbygd område. Plankart for Planteskulesvingen. Gul: Bustader, grøn: leikeareal, grå: veg, brunt: anna

3 vegareal. Raude streker: faresone flaum. Utdrag frå planomtalen side 13-16: «6.2 PLASSERING AV BUSETNAD OG UTFORMING Plassering av bygningar vil skje innafor byggjegrensene. Uthus og garasje inntil 50 m 2 skal plasserast på eigen eigedom, og inntil 1.0 meter frå naboeigedom. Bustadene på eigedomen kan ha mønt tak, pulttak eller flatt tak, og med utforming som er mest mogeleg stadtilpassa. Eksisterande utbygging i nærområdet har både murveggar, ståande og liggjande kledning, med både lyse og mørke fargar, og med same takform som i føresegnene til planforslaget. Bustadene kan vere maksimalt 8 meter i mønehøgd og maks BYA er 45% medrekna areal for garasje og parkering. Alle høgder og utnytting av areal skal reknast etter rettleiar «Grad av utnytting». 6.3 BUSTADMILJØ/ BUKVALITET Sjølv om bustadområdet i seg sjølv har liten verdi i dag, er dei nært knytt opp til eksisterande busetnad, og er omgjeven av landbruk, kulturmiljø og natur, samtidig som dei er i kort avstand til sentrum med tilhøyrande funksjonar. Bustadtomtene vil ha gode soltilhøve, og dei vil har mykje opne rom rundt seg. 6.4 PARKERING Parkering skal skje på eigen grunn. Snuplass kan skje på anten eigen grunn eller på felles veg. Parkeringsdekninga skal vere 2 parkeringsplassar pr hovedhusvære, og 1.5 parkeringsplassar ved tettare utbygging. 6.5 TILKNYTING TIL INFRASTRUKTUR Bustadane må kople seg til kommunalt vatn og kloakkanlegg. 6.6 TRAFIKKLØYSING Tilkomst til området skjer via privat fellesveg, Planteskulevegen. Avkjøring frå vegen må opparbeidast som vist på plankartet. Avkjøring til fv. 35 ligg like nord for avkjøringa. Tilkomst for gåande og syklande vil vere den same som for køyrande. På skulevegen er det ikkje gang- og sykkelveg langs fv. 35 før ein kjem til avkjøringa til Silde og Kambe Køyretilkomst Inne på planområdet er det regulert privat fellesveg til bustadområdet Utforming av vegar

4 Fellesvegen er utarbeidd med 3.5 meter køyrebanebreidd og 0.25 meter skulder mot grøft. Vegen er elles utarbeidd etter vegstandard A1 etter vegvesenets håndbok N100, med maksimal stigning 8%. 6.7 UNIVERSELL UTFORMING Prinsippet om universell utforming skal leggjast til grunn ved opparbeiding av leikeplass, parkering og tilkomst til bustader. 6.8 UTEOPPHALDSAREAL Det vert regulert inn eit område for leikeplass for bustadane på planområdet. Andre delar av kvar eigedom som ikkje vert avsett til parkering, vegareal eller bygd ut skal nyttast til privat uteopphaldsareal LANDBRUKSFAGLEGE VURDERINGAR Delen avsett til landbruk ligg inneklemt mellom området som er avsett til bustader og bekken og består i dag av berre buskar og kratt. Det ligg ein bekk som avgrensar arealet frå dyrka mark på andre sida av bekken. Det vil vere vanskeleg å nytta denne smale stripa mellom bekken og bustadområdet til landbruk KULTURMINNER Det er ikkje kjend at det er kulturminne innafor området. Føresegnene har tatt med krav om varsling ved eventuelle funn av automatisk freda gjenstandar PLAN FOR VASS- OG AVLAUP SAMT TILKNYTING TIL OFFENTLEG NETT Nye bustader må kople seg på kommunalt vatn og avløp. Ledningar ligg langs fylkesvegen inne på planområdet PLAN FOR AVFALLSHENTING Søppeldunkane skal plasserast langs felles veg slik at dei kan hentast med renovasjonsbil som køyrer rute forbi området 6.18 REKKJEFØLGJEKRAV Før det vert gjeve bruksløyve skal frisiktsoner, avkøyrsle og leikeplass vera opparbeidd og godkjend av Etne kommune.

5 7 Konsekvensutgreiing 7.1 GRUNNGJEVING TIL KVIFOR PLANFORSLAGET IKKJE SKAL KONSEKVENSUTGREIAST Området er av Etne kommune vurdert til ikkje å utløysa krav om konsekvensutgreiing (KU). Planforslaget legg i stor grad opp til bustadføremål som avsett i vedteken kommunedelplan. Området lengst sør er likevel avsett til LNF- område i den overordna planen. I realiteten ligg dette området klemt mellom ein bekk og eit brattare parti opp mot bustadføremålet i overordna plan. Det er vanskeleg å sjå for seg noko utnytting av dette arealet til landbruksføremål, eller at arealet har anna rekreasjons- / naturverdi. Forskrift om konsekvensutgreiing sin 4 «Kriterier for vurdering av vesentleg verknad for miljø og samfunn» er på grunnlag av dette vurdert til å ikkje innehalde punkt som kan utløyse krav om konsekvensutgreiing innafor området. 8 ROS analyse ROS-analysen er utført i samsvar med «Veileder for kommunal risiko- og sårbarhetsanalyser» utgitt av Direktoratet for sivilt beredskap (2010), Norsk Standard 5814:2008, «Veiledning om tekniske krav til byggverk» utgitt av Direktoratet for byggkvalitet (2010), og vedtekne akseptkriterium for Etne kommune. Desse er i samsvar med krav i TEK10. Det er laga ei sjekkliste ut i frå liste med farekategoriar i «ROS- analysemal for arealplansamanheng i Etne kommune», ut i frå om dei er aktuelle å kartleggja eller ikkje. Det er i analysen vurdert ulike mogelege førebyggjande tiltak til potensielle uønska hendingar. Ut i frå dette er det kome fram til at naturgrunnlaget i området er relativt robust, og området er vurdert til å ikkje vere i konflikt med naturmangfald eller interesser. Konklusjonen til analysen vurderer ulike punkt som er lagt inn i plankart og føresegner. ROS- analysen ligg i sin heilskap som vedlegg. 9 Verknadar/ konsekvensar av planforslaget Etter vurdering og gjennomgang av ulike verdiar og bruk av planområdet, er det lite som tyder på at utbygginga vil ha negativ konsekvensar eller verknader på nærmiljøet. Det er snakk om nye bustader som grensar til eksisterande bustadområde i vest, fylkesveg i nord, privat fellesveg i aust og eit vassdrag i sør. Området er totalt ca. 3 daa, og er etter typen eit mindre utbyggingsområde for bustader. Det er i ROS- analysen skildra ulike tema, og det er utgreidd ulike mogelege førebyggjande tiltak til potensielle uynskte hendingar. I analysen kom det fram at det er ingen sårbare økosystem i områda rundt planområdet som kan verta negativt påverka av planforslaget. Det er lagt inn faresone for flaumsone H320 i plankartet med tilhøyrande føresegner om minimum byggjehøgd og tiltak mot erosjon av grunn.» Utdrag frå planomtalen slutt.

6 4. Vurdering: Planområdet er sentrumsnært og er difor i tråd med nasjonale og regionale føringar om fortetting. Administrasjonen er einig med fagkunnig i at konsekvensutgreiing ikkje er naudsynt og har ikkje nokon innvending imot at LNF arealet mellom bekken og bustadarealet blir regulert om til bustad. I 4.2 i føresegnene er kote 6.0 oppgitt som lågaste byggehøgde med tanke på flaum. Dette er noko lågare enn 7,1 som er det NVE seier kan bli flaumhøgde i området ved ein 200 års flaum. NVE tilrår at lågaste golvhøgde blir på kote 7,6. Ei slik grense er ikkje med i føresegnene. På side 6 i ROS analysen er det påpeika at det er usannsynleg at flaumvatten kan true planområdet når det er ferdig oppfylt. Dette er bassert på lokal erfaring med korleis flaumvatnet oppfører seg i området. Mesteparten av planområdet ligg over kote 6 men flaumvatnet frå Prestegardsbekken bruker å renne nedanfor planområdet. Dette er eit veldig lite tiltak som normalt ikkje ville utløyst krav om regulering. Det kravet kom fordi delar av planområdet er regulert som bustadområde med krav om detaljregulering før ein startar nokon tiltak. Kommentarar til merknadane til oppstartinga er å finne på side 17 i planomtalen. TILRÅDING FRÅ RÅDMANNEN: Med heimel i Plan- og bygningslova kap og vert framlegg til detaljregulering for reguleringsendring for Planteskulesvingen, 32/143 i Etne kommune lagt ut til offentleg ettersyn i minst 6 veker. Plankartet er dagsett og føresegnene er dagsett KOMITE FORVALTNING FV-015/15 VEDTAK: samrøystes Med heimel i Plan- og bygningslova kap og vert framlegg til detaljregulering for reguleringsendring for Planteskulesvingen, 32/143 i Etne kommune lagt ut til offentleg ettersyn i minst 6 veker. Plankartet er dagsett og føresegnene er dagsett