Gloppen kommune. Møtebok. Utval Oppvekstutvalet Møtestad På Søreide Dato Tid Kl. 09:00-12:30. Følgjande medlemar møtte

Transkript

1 Gloppen kommune Utval Oppvekstutvalet Møtestad På Søreide Dato Tid Kl. 09:00-12:30 Møtebok Følgjande medlemar møtte Bernt Reed Hege Lothe Jostein Arne Røyrvik Svein-Ottar Sandal Venke Kollbotn Gunnvor Sunde Frå SP SV SP KRF KRF SD Forfall/møtte ikkje Frå Følgjande varamedlem møtte Frå Jeffrey Elliott Thomas SP Sigrid Kristhin Støyva SP Andre som møtte Per Arne Strand, oppvekstsjef Møteleiar: Bernt Reed Underskrift: Bernt Reed

2 Sakliste Sak nr. Sakstittel 023/17 Godkjenning av møteprotokoll, innkalling og sakliste 024/17 Referat og orienteringssaker 025/17 Skulerute for grunnskulane i Gloppen /17 Oppretting av stillingsheimlar - faste vikarar 027/17 Samarbeid om interkommunal psykologteneste i Nordfjord 028/17 Oppfølging av forvaltningsrevisjon om saksgang m m: referering av administrative vedtak 029/17 Vedteksendring kommunale barnehagar 030/17 Plan for samordning av tenester og opplæring til barn og unge 031/17 Oppvekstmelding 2017 for Gloppen Side 2

3 Gloppen kommune Arkiv: FE JournalpostID: 17/11038 Saksbehandlar: Jan Kåre Fure Saksnr. Utval Møtedato 023/17 Oppvekstutvalet Godkjenning av møteprotokoll, innkalling og sakliste Vedlegg i saka: Protokoll - Oppvekstutvalet Utvalsleiar si tilråding: 1. Oppvekstutvalet godkjenner møteboka frå sitt møte den 31. mai Oppvekstutvalet godkjenner innkallinga og saklista til møtet 13. september. Møteprotokollen frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. Oppvekstutvalet OPP- 023/17 Vedtak 1. Oppvekstutvalet godkjenner møteboka frå sitt møte den 31. mai Oppvekstutvalet godkjenner innkallinga og saklista til møtet 13. september. Side 3

4 Gloppen kommune Arkiv: FE JournalpostID: 17/11387 Saksbehandlar: Per Arne Strand Saksnr. Utval Møtedato 024/17 Oppvekstutvalet Referat og orienteringssaker Rådmannen legg ikkje fram tilråding i saka. Orienteringssaker: Folkevaldopplæring: Har oppvekstsutvalet innspel til tema på folkevaldopplæringa no i haust? Skifte av møtedag: Slik det no ser ut kan møtedagen til formannskapet og kommunstyret frå neste år av bli onsdagar i staden for måndagar slik det er i dag. I samråd med ordføraren ber rådmannen om at utvala tek ein runde på kva møtedag som då vil passe best for utvalet. Oppvekstsjefen orienterer om aktuelle saker i sektoren Ordet fritt... Oppvekstutvalet Folkevaldopplæring: Hege Lothe (SV) gjenntok sitt innspel om rutiner kring intepellasjon, munnlege og skriftlege spørsmål. Skifte av møtedag: Utvalet var inne på at både måndag og torsdag kan eigne seg som møtedagar. Det viktige var å ha nok tid til å avvikle gruppemøte og helst unngå søndagskveldar til det. Det bør vere litt tid mellom utvalsmøte og formannskap/kommunestyre. Utvalsleiar orienterte om framdrifta knytt til Hyen skule. Her vert det jobba for fullt med prosjektering på idrettsbygget, på skulken har kommunen engasjert konsulentar til å hjelpe til med romprogram osv. Oppvektsjefen orienterte om: - Avslutninga av avtalen knytt opplæring av einsleg mindreårige flyktningar frå Skei mottak. - Saker knytt til skuleskyss. - Gjekk gjennom presentasjon på KOSTRA tal for oppvekstsektoren i Gloppen. Oppsummering av arbeidsmøte mellom oppvekstutvalet og einingsleiarane i oppvekstsektoren. Side 4

5 Oppvekstsjefen lagar ei kort oppsummering. Fordel om vi kan få til ein slik arena fast og med rom for diskusjonar, med innkalling i god tid. Under ordet fritt: - Hege Lothe (SV) tok opp spørsmål om lønnsnivå til pedagogar i barnehagane. Ho tok og opp om oppvekstutvalet kan få ei sak om den prøveordninga som kommunen har hatt med gratis norskopplæring til innvandrarar med tank på om vi skal gjere den permanent. - Svein Ottar Sandal (KrF) tok opp nivået på leiarløner i sektoren og om vi har ei oversikt på det relatert til andre kommunar. - Fleire var inne på om vi har nok ressursar til dei minoritetsspråklege, når vi tek imot dei. OPP- 024/17 Vedtak Det vart ikkje gjort vedtak i saka. Side 5

6 Gloppen kommune Arkiv: FA - B06, HIST - 16/1032 JournalpostID: 17/11047 Saksbehandlar: Per Arne Strand Saksnr. Utval Møtedato 025/17 Oppvekstutvalet Skulerute for grunnskulane i Gloppen Vedlegg i saka: Vedteken samordna skulerute Sogn og Fjordane Rådmannen si tilråding Med heimel i opplæringslova 2-2 vedtek oppvekstutvalet forskrift om skulerute for grunnskulen i Gloppen kommune skuleåret Forskrifta er i samsvar med samordna framlegg frå skuleutvalet i Sogn og Fjordane med fyrste skuledag måndag 20. august 2018 og siste skuledag fredag 21. juni Skulane har høve til lokale tilpassingar til skuleruta under føresetnad av at dette ikkje fører til auka utgifter for kommunen. Saksutgreiing Bakgrunn for saka Skuleutvalet i Sogn og Fjordane har sendt ut samordna framlegg til skulerute for Framlegget er samordna med fylkeskommunen og vidaregåande skule sine ynskje. Fakta i saka Vedtak om skuleruta er formelt ei forskrift, og skal følgje kravet til sakshandsaming for forskrifter og soleis vere i samsvar med forvaltingslova 37 og 38. Oppvekstsjefen har ikkje sendt ut framlegget til skulane, men informert rektorane om det. Det har difor ikkje vore på høyring på skulane og i FAU. Skuleutvalet i Sogn og Fjordane har laga eit framlegg til skulerute som er felles for kommunane og fylkeskommunen. Første skuledag er måndag 20. august 2018 og siste skuledag er fredag 21. juni Den viktigaste samordninga her er feriar og skuleskyss. Økonomiske konsekvensar for kommunen Endringar i framllegget vil ut ifrå gjeldande praksis påføre kommunen meirkostnader til skuleskyss. Rådmannen si vurdering Det er etter opplæringslova med forskrifter kommunen som vedtek forskrift for organisering av skuleruta og dermed skuleåret for grunnskulen. I ein kommune som Gloppen der ein stor del av elevane har skuleskyss er det i praksis vanskeleg å endre på skuleruta utan at det får store økonomiske konsekvensar for kommunen. Det vil og vere vanskeleg å få til samarbeid på tvers av skulane og mellom dei ulike kommunane. Det er slik rådmannen ser det lite som talar for å skulle endre på den framlagde skuleruta. Det må Side 6

7 likevel vere rom for lokal tilpassingar for den einskilde skule så lenge det ikkje fører til meirkostnad for kommunen. Med det som bakgrunn fremjar rådmannen vedlagde framlegg til skulerute for grunnskulen i Gloppen kommune Oppvekstutvalet OPP- 025/17 Vedtak Med heimel i opplæringslova 2-2 vedtek oppvekstutvalet forskrift om skulerute for grunnskulen i Gloppen kommune skuleåret Forskrifta er i samsvar med samordna framlegg frå skuleutvalet i Sogn og Fjordane med fyrste skuledag måndag 20. august 2018 og siste skuledag fredag 21. juni Skulane har høve til lokale tilpassingar til skuleruta under føresetnad av at dette ikkje fører til auka utgifter for kommunen. Side 7

8 Gloppen kommune Arkiv: JournalpostID: 17/10725 Saksbehandlar: Rita Arlen Lilletvedt Saksnr. Utval Møtedato 030/17 Helse- og omsorgsutvalet /17 Oppvekstutvalet /17 Formannskapet /17 Kommunestyret Oppretting av stillingsheimlar - faste vikarar Rådmannen si tilråding Kommunestyret godkjenner ramma for antal faste vikarstillingar slik det framgår av saksutgreiinga over. Saksutgreiing Bakgrunn for saka Som ei prøveordning vart det innan helse og omsorg i 2015 vedteke å starte eit prosjekt med tilsetting av faste sjukepleievikarar i heimetenestene Sandane, Breim og Hyen. Bakgrunn for prosjektet var å sikre stabilitet, kontinuitet og fagleg kompetanse i einingane. Det var også eit viktig tiltak for å lette arbeidspress, redusere sjukefråvær og gjere det enklare for dei tilsette å stå lengre i stillingane sine. Stillingane vart finansiert ved omdisponering av vikarbudsjettet. Tilbakemeldingane frå prosjektet i helse og omsorg har vore udelt positive. Leiarane har fått ein betre kvardag, det har vorte mindre belastning på andre faste tilsette, og det har i større grad sikra tilstrekkeleg fagleg kompetanse. Leiarane har kunne tilsette i faste stillingar i staden for vikariat. Prosjektet har ikkje medført auka kostnader totalt sett for kommunen. Kommunestyret godkjende i møte den 6. mars i år at vi også etablerer ei ordning med faste vikarar innanfor faggruppene helsefagarbeidarar, barne- og ungdomsarbeidarar, lærarar og barnehagelærarar, samt sjukepleiarar i øvrige einingar som ikkje var med i prøveordninga. Kommunestyret ba om få tilbake ei sak om sjølve opprettinga av stillingane. --- Sektorleiarane har vurdert behovet, og har bedt om godkjenning av følgjande ramme for faste vikarstillingar: Sjukepleiarar: Inntil 6 stillingar, herav 3,8 stillingar tidlegare godkjent Helsefagarbeidarar: Inntil 5 stillingar Lærarar: Inntil 4 stillingar Barnehagelærarar: Inntil 2,5 stillingar Side 8

9 Barne- og ungdomsarbeidarar: Inntil 1 stilling Ein del av ramma (så langt råd er) vil bli brukt til å auke opp stillingar til deltidstilsette, gjennom avtale om frie timar til bruk ifm vikarbehov. Dette vil bidra til å skape meir heiltid i kommunen. Resten av ramma vil bli dekka opp gjennom nytilsetting, hovudsakleg i 100% stillingar. Økonomiske konsekvensar for kommunen Faste vikarstillingar vil bli finansiert gjennom omdisponering av vikarbudsjetta, slik at det totalt sett ikkje skal medføre ekstra kostnader for kommunen. Rådmannen si vurdering Ved å tilsette faste vikarar innanfor ramma som nemnt over vil kommunen i større grad sikre stabilitet, kontinuitet og tilsetting av rett fagleg kompetanse, utan at det vil medføre ekstra kostnadar for kommunen. Nivået på ramma innanfor dei ulike yrkesgruppene verkar fornuftig, og er ikkje høgare enn at det skal vere muleg å få til ei god koordinering og bruk av denne ressursen. Helse- og omsorgsutvalet Saka vart drøfta i sammøte med oppvekstutvalet. HOU- 030/17 Vedtak Helse- og omsorgsutvalet er samd i tilrådinga. Oppvekstutvalet Saka vart drøfta i sammøte med helse- og omsorgsutvalet. OPP- 026/17 Vedtak Oppvekstutvalet er samd i tilrådinga. Side 9

10 Gloppen kommune Arkiv: FE - 233, HIST - 11/816 JournalpostID: 17/10822 Saksbehandlar: Anita Lothe Saksnr. Utval Møtedato 027/17 Oppvekstutvalet /17 Helse- og omsorgsutvalet /17 Formannskapet /17 Kommunestyret Samarbeid om interkommunal psykologteneste i Nordfjord Vedlegg i saka: Rapport frå prosjektet om felles psykologteneste i Nordfjord Kort samandrag av saka Kommunane i Nordfjord med unntak av Hornindal har gått saman i eit prosjekt for å utgreie ein modell for interkommunal psykologteneste i Nordfjord. Bakgrunnen er krav om kommunepsykolog fra Det ligg no føre eit forslag til organisering, innhald og økonomiske konsekvensar av ei interkommunal teneste. Rådmannen tilrår at Gloppen kommune sluttar seg til dette samarbeidet. Rådmannen si tilråding Kommunestyret i Gloppen vedtek fylgjande: 1. Gloppen kommune sluttar seg til samarbeidet om felles kommunale psykologtenester i Nordfjord under føresetnad av at tenesta vert organisert etter prinsippa som er foreslått i prosjektrapporten 2. Årleg stillingskostnad, stipulert til kr ,- for Gloppen kommune, vert lagt inn i økonomiplan - og budsjettet for Eid kommune vert vertskommune for ordninga med felles psykologteneste, og det vert utarbeidd ein vertskommuneavtale. Rådmannen får fullmakt til å signere avtalen for Gloppen sitt vedkomande. Saksutgreiing Bakgrunn for saka Frå 2020 vert det heimla i lov å ha kommunepsykolog. Kommunane kan få tilskot i innfasingsperioden etter søknad. Kommunane Stryn, Eid og Gloppen har hatt psykologar tilsett, og har erfaring med at det er vanskeleg å rekruttere og behalde psykologar. Kommunalsjefane i helse og omsorg og rådmennene drøfta saka Eid kommune fekk mandat til å engasjere prosjektleiar til eit fellesprosjekt frå til for å utgreie ei interkommunal psykologteneste, med atterhald om at tilskotsmidlar som Eid og Gloppen hadde fått til psykologstillingar i 2016, kunne nyttast til å finansiere prosjektet. Fylkesmannen gav si godkjenning til dette. Alle Nordfjordkommunane, med unnatak av Hornindal, har vore med i prosjektet. Prosjektrapporten ligg ved i saka. Side 10

11 Fakta i saka Målet med prosjektet har vore å utgreie ein modell for samarbeid om kommunale psykologtenester i Nordfjord. Prosjektet har vore forankra i den administrative leiinga i kommunen og er i tråd med dei statlege intensjonane med ordninga. Det er eit mål at samarbeidskommunane har ei kommunal psykologteneste, som gjennom samarbeid med alle sektorar, bidreg til auka kompetanse, førebygging og gode føresetnader når det gjeld psykisk helse. Hovudmålgruppa i kommunane er barn og unge. Prosjektgruppa har vore leia av kommunepsykolog, tilsett i Eid kommune og var tverrfagleg samansett frå dei deltakande kommunane. Behovet i dei ulike kommunane har vore kartlagt. Dette er beskrive i prosjektrapporten. Kvar kommune har nokre spesielle utfordringar, men innspela er også samanfallande på mange område. Elles har prosjektleiar samla teori og rapportar som kjelder og grunnlag for vurderinga til prosjektgruppa og konklusjonen når det gjeld prosjektgruppa si tilråding og val av modell. Tilrådingar og framlegg til modell frå prosjektgruppa: Kommunepsykologane i Nordfjord skal rette sin innsats mot barn og unge i aldersgruppa 0-18 år. I dette inngår også arbeid med foreldre Flyktningar er ei viktig målgruppe i arbeidet Kommunepsykologane skal i første omgang ikkje arbeide individualterapeutisk, men kan på forespurnad delta i samtalar saman med andre fagpersonar. Saka skal då forankrast i andre tenester (t.d. helsestasjon, skule eller barnehage), og føremålet med deltakinga kan vere å vurdere alvorsgrad (t.d. om tilvising til BUP er føremålstenleg), få betre grunnlag for vidare rettleiing i saka, samt direkte rettleiing til barn/ foreldre i direkte møte/samtalar. Når det er tilsett psykologar i tre årsverk, vil ein vurdere ein større del direkte, terapeutisk abeid Kommunepsykolog si hovudoppgåve skal vere rettleiing, undervisning og informasjonsarbeid både til andre yrkesgrupper, men også til befolkninga elles (elevar, foreldre, etc) Kommunepsykologen bør ha fast telefontid der saker kan drøftast Kommunepsykologen bør arbeide for høg deltaking ute i dei aktuelle kommunane Kommunepsykologen kan delta på relevante møte/team i kommunane. Når det interkommunale samarbeidet startar, må det setjast opp eit oversyn over møte som psykologen skal delta på Kommunepsykologen bør delta i relevant kommunalt planarbeid Plassering av stillingane i kommunen må sikre at psykologen kan involverast i kommunen sitt førebyggjande arbeid, og at muligheitene til å arbeide tenesteovergripande vert optimalisert Tenesta bør organiserast med ein vertskommune der psykologane er tilsett og har sin base, for å kunne sikre eit fagleg fellesskap. Utprøving av ovannemnde modell i 2017: Styringsgruppa ynskte å prøve ut modellen i Eid kommune søkte difor om tilskot til ei 50 % engasjemenstilling i fem månader i Dette tiltaket er ikkje inkludert i prosjektet, men styringsgruppa valde å ta med dette i same saka. Kommunane har fått kr ,- i statleg tilskot til denne utprøvinga. Dessverre lukkast ein ikkje med å rekruttere psykolog til denne stillinga. Vurdering: Det heilt sentrale i målet med prosjektet og ordninga med interkommunal psykolog er at tenesta vil kunne bidra til auka kompetanse, førebygging og gode føresetnader når det gjeld psykisk helse for barn og unge. Erfaring med kommunepsykologar i kvar kommune er vanskar med rekruttering, og at det har vore vanskeleg å vere åleine om systemarbeid, oppbygging av tenesta og å «finne sin plass» i organisasjonen. Nokre psykologar har arbeidd mykje individretta. Side 11

12 Prosjektgruppa har drøfta denne problemstillinga inngåande, og kome til at det er betre for målgruppa barn/foreldre og ungdom å byggje opp tenlege, tverrfaglege system som arbeider utadretta og i team, og at psykologen si rettleiarrolle skal vere heilt sentral i dette arbeidet. Det er viktig med tidleg innsats, og at alle som arbeider med barn og unge i ein kommune må samarbeide om både førebygging, tidleg innsats og behandling når det har oppstått problem. Psykologane har ei viktig rolle i både rettleiings- og systemarbeid. Arbeidet som i det daglege vert gjort for barn og unge, både av foreldre, lærarar og helsesøstre, må verdsetjast og styrkast gjennom psykologane sin kompetanse og rettleiing. Individualbehandling er også viktig, og kommunepsykologane må samarbeide tett med både fastlegar, tilsette i psykisk helse, PPT, BUP, barnevernet og flyktningtenesta for å kunne vurdere kva som er det rette behandlingsnivået og behandlingsmåten for barnet eller ungdomen. Dessutan kan BUP og kommunepsykologane spele på kvarandre sin kompetanse og sine fagroller til beste for barn og unge. BUP har fortsatt eit ansvar for behandling sjølv om det er glidande overgangar. Modellen som er skissert av prosjektgruppa er i tråd med statlege føringar. Styringsgruppa har drøfta lokalisering av kommunepsykologane, og kva som må til for at dei skal kunne ha eit stimulerande og utviklande arbeidsmiljø. Det er forslag om at Eid kommune vert vertskommune for ordninga med felles psykolog, og det vert utarbeidd ein vertskommuneavtale. Kommunalsjefnettverket for barnehage og skule vert styringsgruppe for tenesta. Gloppen kommune vil ha faste dagar der psykologen er tilstades i kommunen. Det vil vere ei fast eining i kommunen som har ansvar for å planleggebruk av denne tida i samarbeid med psykologen. Det vurdert at samla behov vil vere tre årsverk for å dekke behovet i dei deltakande kommunane. Dersom det vert politisk semje om ei interkommunal ordning med tre psykologar, vil rekrutteringsarbeidet starte og stillingane bli utlyste hausten Økonomiske konsekvensar for kommunen Det er å forvente at kommunane får auke i ramma frå 2020 når det vert eit krav om kommunepsykolog. Fram til 2020 får kommunane kr i tilskot per årsverk. Tabell 1 under viser fordelte kostnader til tre årsverk psykologstillingar frå : Dette betyr at Gloppen kommune vil få ein årleg kostnad på ca kr frå og må innarbeidast i økonomiplanen. Rådmannen si vurdering Side 12

13 Rådmannen rår til at Gloppen kommune sluttar seg til samarbeidet om felles kommunale psykologtenester i Nordfjord. Frå 2020 vert det heimla i lov å ha kommunepsykolog. Vi har erfaring med at det er vanskeleg å rekruttere og beholde kommunepsykolog i eigen kommune. Samarbeidet kan sikre stabilitet og lette rekrutteringssituasjonen. Rådmannen trur at dette vil vere ei organisering som gjev psykologane gode fagmiljø og spennande utfordringar. Kommunen vil få stetta sine behov for denne kompetansen både i individretta arbeid og systemarbeid i kommunen ved eit slikt samarbeid, under føresetnad av at tenesta vert organisert etter prinsippa som er foreslått i prosjektrapporten. I ei tverrfagleg samansett gruppe i Gloppen vart organisering av tenesta diskutert. Det er ein føresetnad for samarbeidet at kommunepsykologen har faste kontordagar i kommunen. Det vart forslag om å knyte desse dagane og organisering av dei til helsestasjonen. Dette vil ein sikre gjennom avtale. --- Rådmannen er kjend med at det etter at prosjektrapporten vart ferdigstilt er kome eit innspel frå Helse Førde om eit nærare samarbeid om psykologtenester til barn og unge. Dersom dette får konsekvensar for organisering av tenesta, vil rådmannen kome tilbake med ei ny sak. Helse- og omsorgsutvalet Saka vart drøfta i sammøte med oppvekstutvalet. Framlegg frå Per Ståle Husevåg (Krf): Tillegg til pkt 1 i rådmannen si tilråding: Samtidig skal det allereie frå oppstart vere ei tilnærma tredeling mellom direkte klientarbeid, arbeid på systemnivå og rettleiing. Framlegget vart samrøystes vedteke. HOU- 031/17 Vedtak Helse- og omsorgsutvalet er samd i tilråding, med slik tillegg til pkt 1: Samtidig skal det allereie frå oppstart vere ei tilnærma tredeling mellom direkte klientarbeid, arbeid på systemnivå og rettleiing. Oppvekstutvalet Saka vart drøfta i sammøte med helse- og omsorgsutvalet. Framlegg frå Svein Ottar Sandal (Krf): Tillegg til pkt. 1 i rådmannen si tilråding: Samtidig skal det allereie frå oppstart vere ei tilnærma tredeling mellom direkte klientarbeid, arbeid Side 13

14 på systemnivå og rettleiing. Framlegget vart samrøystes vedteke. OPP- 027/17 Vedtak Oppvekstutvalet er samd i tilråding, med slikt tillegg til pkt 1: Samtidig skal det allereie frå oppstart vere ei tilnærma tredeling mellom direkte klientarbeid, arbeid på systemnivå og rettleiing. Side 14

15 Gloppen kommune Arkiv: FE - 216, HIST - 14/1481 JournalpostID: 17/11086 Saksbehandlar: Jan Kåre Fure Saksnr. Utval Møtedato 015/17 Administrasjonsutvalet /17 Helse- og omsorgsutvalet /17 Oppvekstutvalet /17 MULTEK-utvalet /17 Formannskapet Oppfølging av forvaltningsrevisjon om saksgang m m: referering av administrative vedtak Rådmannen si tilråding Rådmannen legg ikkje fram tilråding i saka. Saksutgreiing Bakgrunn for saka Under kommunestyret si behandling av forvaltningsrevisjonsrapporten om kommunal saksgang og dokumenthandtering den 15. juni i år vart det m.a. gjort slikt vedtak: ( ) 1. Utvala og formannskapet skal ha ein gjennomgang på kva administrartive vedtak ein meiner det er relevant å bli orienterte om. Rådmannen blir beden om å følgje opp konklusjnane i utvala/formannskapet. 2. ( ) Fakta i saka Rutinar for rapportering av administrative vedtak er eitt av punkta som er omtala i revisjonsrapporten: ( ) Kommunen bør vurdere rutinar for korleis informasjon om administrative vedtak skal gjerast tilgjengeleg for politikarane. Nokre kommunar legg desse fram som informasjon i dei respektive utvala, medan andre kommunar er av den meining at det er tilstrekkeleg at desse vedtaka er enkelt tilgjengelege for politikarane. I rådmannen si tilbakemelding står det: ( ) Når det gjeld rutinar for rapportering av administrative vedtak, så har vi ikkje skrivne reglar om dette. Vi har ikkje ikkje fast rutinar på området. Rådmannen er usikker på kor mykje arbeid vi bør legge ned for å bli betre på dette punktet. Saksbehandlingsprogrammet vi brukar legg til rette for ei omfattande rapportering til folkevalde organ viss vi tar i bruk dei funksjonane som styrer dette. Då vi starta med eit elektronisk saksbehandlingssystem (1. februar 2001), melde vi opp administrative vedtak til det utvalet som saka naturleg høyrde til. Særleg vart mange byggesaker melde inn. I praksis førde dette den gong til at mykje av møtetida gjekk med til å diskutere saker som alt var vedtekne. I tillegg kom og kjem at mange såkalla administrative vedtak blir gjorde i form av eit utgåande brev og ikkje på eit saksdokument som systemet har legg til grunn for Side 15

16 oppmeldingsløysinga. Det betyr at berre ein del av dei administrative vedtaka blir melde opp. Dei som er interesserte i korleis ei slik ordning fungerer, kan sjekke møtekalenderen til Vågsøy kommune som brukar rutinen med oppmelding av administrative vedtak (som er skrivne som eit saksdokument). Rådmannen meiner at den innsynsløysinga som vi i dag tilbyr, først og fremst gjennom postlista vår, er ei god nok ordning for å gje innsyn i dei vedtak som blir fatta administrativt. Gjennom postlista har alle innsyn både til sjølve vedtaket uavhengig av om dette er eit på brev eller på eit sakdokument og i tillegg også til dei dokumenta som ligg til grunn for vedtaket. Innsynet er sjølvsagt under føresetnad av at dokumenta er offentlege. Rådmannen gjer her merksam på at det berre er dokument knytt til saksarkivet og eigedomsarkivet som det blir gjeve innsyn i. Alle arkiv med tilhøyrande dokument som er sorterte på namn, t.d. personalarkivet og elevarkivet blir sjølvsagt ikkje publiserte eller gjeve innsyn i. Rådmannen sin konklusjon på dette punktet er at dagens ordning er god nok. Rådmannen vil ikkje tilrå at vi brukar meir ressursar på å melde inn administrative vedtak til dei folkevalde. Spesielt om brukar- og klientsaker Rådmannen legg til grunn at administrative vedtak som gjeld brukarar og klientar o.l. ikkje er tema når utvala no blir inviterte til å følgje opp kommunestyret sitt vedtak. Viss utvala vil gå inn på dette, må eit meir omfattande arbeid settast i gang. Vi har i dag ikkje ein utvalsstruktur som legg til rette for drøfting og behandling av denne type saker. Det følgjer m.a. av barnevernslova at eit eventuelt utval som skal behandle saker etter lova ikkje kan ha meir enn 5 medlemmer. Kva meiner rådmannen? Rådmannen meiner det same i dag som eg meinte då den omtala kommunestyresaka vart skriven. Det utvalet som utan samanlikning har mest administrative vedtak når vi ikkje tar med brukar- og klientsaker er MULTEK-utvalet. Slik rådmannen har oppfatta det, har utvalet meir enn nok saker og lange nok møte frå før. Ei omfattande rapportering av administrative vedtak vil forlenge både saklistene og møta. Administrasjonsutvalet Forslag frå Per Rune Vereide: Administrasjonsutvalet ser for sin del ikkje behov for at administrative vedtak skal rapporterast. ADM- 015/17 Vedtak Administrasjonsutvalet ser for sin del ikkje behov for at administrative vedtak skal rapporterast. Helse- og omsorgsutvalet Side 16

17 HOU- 032/17 Vedtak Helse- og omsorgsutvalet ser for sin del ikkje behov for at administrative vedtak skal rapporterast, men utvalet forventar at administrasjonen informerer om aktuelle vedtak. Oppvekstutvalet OPP- 028/17 Vedtak Oppvekstutvalet ynskjer å halde fram med dagens praksis. Side 17

18 Gloppen kommune Arkiv: JournalpostID: 17/11220 Saksbehandlar: Per Arne Strand Saksnr. Utval Møtedato 029/17 Oppvekstutvalet /17 Kommunestyret Vedteksendring kommunale barnehagar Vedlegg i saka: Vedtekter for kommunale barnehagar Rådmannen si tilråding Kommunestyret godkjenner forslag til endringar i vedtektene for dei kommunale barnehagane slik dei ligg føre. Saksutgreiing Bakgrunn for saka Endring i lovverk gjer det naudsynt med nokre justeringar i vedtektene for dei kommunale barnehagane. Dette er ikkje noko større gjennomgang av av vedtektene anna enn justering for endringar som har kome siste året. Fakta i saka Forlag til endra vedtekter ligg ved saka. Endringane som er foreslått er: 3-2 Søknad, 3 avsnitt: Alle barn som søkjer innan fristen for hovudopptak, og som fyller eitt år innan utgangen av august, har rett til barnehageplass etter 12 a i barnehagelova. Vert endra til: Alle barn som søkjer innan fristen for hovudopptak, og som fyller eitt år innan utgangen av august, har rett til barnehageplass etter 12 a i barnehagelova. Barn som fyller eitt år i september, oktober eller november det året det vert søkt om barnehageplass, har etter søknad rett til å få plass i barnehage innan utgangen av den månaden barnet fyller eitt år i samsvar med barnehagelova med forskrifter. Kommentar: Dette er lovendring frå 21.juni Spørsmålet vert korleis vi skal forhalde oss til dette, det får vi kome tilbake til i samband med barnehageopptak. 3-5 Betaling, 2 avsnitt: Barn som får spesialpedagogisk hjelp i barnehage etter reglane i opplæringslova får betalingsfri dei timane dei får slik hjelp. Barnehagetilbod utover dette skal det betalast høvesvis for, utrekna etter vanlege satsar (skal slettast, endra etter at retten til spesialpedagogisk hjelp vart flytta frå Side 18

19 opplæringslova til barnehage loven). Vert endra til: Avsnittet vert sletta. Kommentar: Avsnittet vert sletta som følgje av at retten til spesialpedgogisk hjelp er flytta frå opplæringslova til barnehagelova. Departementet vurderar det slik at gratisprinsippet vert oppfylt ved at foreldrene ikkje kan påleggast utgifter knytt til spesialpedagogisk hjelp eller teiknspråkopplæring. 3-5 Betaling, nytt avsnitt: Det er høve å søkje om redusert foreldrebetaling og gratis kjernetid. Reglane om redusert foreldrebetaling og gratis kjernetid, følgjer dei najsonale reglane og beløpsgrensene som til ei kvar tid er vedteke av Stortinget (nytt, for å understreke at reglane finnst). Kommentar: Nytt avsnitt for understreke at reglane finns. Det er mange som kjem under regelverket og difor meiner oppvekstsjefen at det er viktig at det står under vedtektene og paragrafen om betaling. Økonomiske konsekvensar for kommunen Endringa som følgje av 3-2 Søknad vil føre til økonomiske konsekvensar for kommunen. Det betyr at fleire barn får rett til barnehageplass innan dei fyller eit år. Barnehageåret i Gloppen byrjar til vanleg 15. august, med eit suppleringsopptak i oktober og start i frå januar. Skal kommunen tilfredstille kravet om full barnehagedekning, må vi ta omsyn til det i opptaka våre, sjølv om barnet ikkje skal byrje før i f.eks november. Det betyr ein periode med ledig kapasitet som det er vanskeleg å bemanne i forhold til. Dei konkrete konsekvensane må vi kome tilbake til i dei årlege budsjetta. Regelendringa om at timar ein har rett til spesialpedagogisk hjelp, skal vere vere betalingsfrie, fell vekk, vil ha minimale konsekvensar. I den grad dei har økonomisk konsekvens så er det positivt for kommunekassa. Rådmannen si vurdering Endringane som er foreslått er endringar i lov, og difor lite vi kan gjere for å påvverke no. Det vil vere rett å ta dei inn i vedtektene og fjerne rettar som er fjerna i loven slik at det er samsvar. Dei økonomiske konsekvensane må vi ta oppp i dei årlege budsjetta, slik at vi har det tal barnehageplassar som vi bør ha for å ha full barnehage dekning. Oppvekstutvalet OPP- 029/17 Vedtak Oppvekstutvalet er samd i tilrådinga. Side 19

20 Gloppen kommune Arkiv: HIST - 15/48 JournalpostID: 17/7341 Saksbehandlar: Åslaug Haugset Saksnr. Utval Møtedato 024/17 Rådet for menneske med nedsett funksjonsevne /17 Helse- og omsorgsutvalet /17 Oppvekstutvalet Plan for samordning av tenester og opplæring til barn og unge Vedlegg i saka: Høyringsutkast september 17, Plan for samordning av tenester og opplæring til barn og unge Kort samandrag av saka Lag eit samandrag viss saka er på tre sider eller meir. Rådmannen si tilråding Helse- og omsorgsutvalet og oppvekstutvalet legg utkastet ut på høyring med som høyringsfrist. Saksutgreiing Bakgrunn for saka Barn og unge med nedsett funksjonsevne har behov for ulike tenester, frå både oppvekstsektoren og helse- og omsorgssektoren. Fagmiljøet ser behov for ei betre samordning desse av tenestene, og fleire har peika på behovet for ein heilskapleg plan for tenester og opplæring. Auka tverrsektorielt samarbeid og meir heilskaplege tenester er og eit målbilete i kommunen sin planstrategi for To arbeidsgrupper frå administrasjonen har utarbeidt kvar sin del: Del 1 Barn og unge med nedsett funksjonsevne og habiliteringsbehov Del 2 Barn, unge, foreldre og familiar det er knytt bekymring til Målet med planen er å sikre eit individuelt tilpassa tilbod med betre kvalitet og kontinuitet, styrke det tverrsektorielle samarbeidet og auke kompetansen blant tilsette. Det er og eit mål å skape føreseielege rammer for barn og unge, deira familiar og tilsette. Planen vart lagt ut på høyring av Helse- og omsorgsutvalet og oppvekstutvalet Uttalane som kom inn i høyringa resulterte i at det vart sett ned ei ny arbeidsgruppe, med brukarrepresentantar, for å omarbeide delar av del 1 i planen. Endringane er så store i høve høyringsutkastet at rådmannen finn det riktig å leggje planen ut på ny høyring. Det er gjort endringar i heile del 1, men den største endringa omhandlar skuletilbodet til målgruppa. Fakta i saka I høyringperioden har desse sendt inn uttalar: Foreldre til barn og unge med nedsett funksjonsevne Norsk Forbund for Utviklingshemmende (NFU) Gloppen Lokallag Fellesorganisasjon (FO) Pedagogisk-psykologisk teneste (PPT) i Gloppen kommune Side 20

21 Hanne B. Oftedal Pedagogane i Mona Barnehage Rektorane ved grunnskulane i Gloppen Sosialistisk Venstreparti (SV) i Gloppen Utdanningsforbundet i Gloppen Fysioterapiforbundet i Gloppen I tillegg arrangerte Gloppen KrF eit ope møte om planen, og det vart laga ei skriftleg oppsummering av innspela på møtet. I høyringsuttalane er det først og fremst «Del 1 Barn og unge med nedsett funksjonsevne og habiliteringsbehov» som er i fokus, det var og denne delen av planen innspela på det opne møtet dreidde seg om. Særs mange av dei som uttalte seg, både skriftleg og på det opne møtet, kom med kritikk av manglande brukarmedverknad i høyringsutkastet. Høyringsuttalane var ikkje einsarta, men det er to punkt som går igjen i eit klart fleirtal av dei: - Tilslutning til ei betre samordninga av tenester til målgruppa generelt, og styrking av koordinatorrolla spesielt. - Kritikk av forslaget om å greie ut om det er teneleg å etablere eit alternativt skuletilbod for barn og unge med nedsett funksjonsevne og store habiliteringsbehov ved ein av barneskulane. Utgangspunktet for forslaget om å greie ut om det er teneleg med eit alternativt skuletilbod var behovet for eit større og meir stabilt fagmiljø, for å auke kvalitet og kontinuitet i opplæringstilbodet til elevar med nedsett funksjonsevne og habiliteringsbehov. I det nye høyringsutkastet er forslaget fjerna, og i staden blir det lagt opp til faste møtepunkt på tvers av skulane/einingane i kommunen, til dømes i form av fagdagar og nettverkssamlingar. I høyringa har det vore etterlyst eit sterkare fokus på inkludering. Det er no lagt inn eit kapittel som heiter «Ein inkluderande skule og barnehage», som starter med å definere at barnehagane og skulane i Gloppen skal vere eit inkluderande fellesskap, der mangfaldet blir anerkjent og respektert. Arbeidsgruppa som har omarbeidd det første høyringsutkastet har bestått av tre brukarrepresentantar, helse- og omsorgssjefen, oppvekstsjefen og ein rådgjevar frå plan og utgreiing. Dette er hovudpunkta i det nye høyringsutkastet: Del 1 Barn og unge med nedsett funksjonsevne og habiliteringsbehov - Det skal prioriterast å ha ei god og systematisk koordinatoropplæring. - For å styrke den tverrsektorielle samordninga skal det byggjast vidare på dei gode erfaringane frå prosjektet tverrsektorielle team, men med større grad av individuell tilpassing. - Auka fokus på kvalitet og inkludering i barnehage og skule - Tidleg planlegging av eigen bustad - God planlegging av arbeid/aktivitetstilbod etter avslutta skulegong. - Meiningsfull aktivitet på dagtid for dei som ikkje har moglegheit for å få eit arbeidsretta tilbod Side 21

22 Del 2 Barn, unge, foreldre og familiar det er knytt bekymring til Viktige områder for å etablere ei betre tverrfagleg samordning, for å sikre at barnet/familien sine behov står i fokus: - Kompetanse til å oppdage og handle når barn eller familiar strever handlar om både fagkompetanse og systemkompetanse. - Det skal utarbeidast gode tverrsektorielle samarbeidsmodellar, og desse skal implementerast i organisasjonen. - Tenestane må sikre at ein unngår brot i oppfølging av det enkelte barn/familie. - Samarbeidsarenaer skal vidareutviklast. Det skal arbeidast med informasjon og kunnskap om dei ulike tenestene, både internt i kommunen og ut til brukarane. - Kommunale tilbod innan foreldrerettleiing i dei ulike tenesta og skal samordnast og det skal vidareutviklast kompetanse på feltet. Økonomiske konsekvensar for kommunen Planen legg opp til eit arbeid på systemnivå som vil krevje ressursar i form av arbeidstid. Utviklingsarbeid knytt til prosjekt som er omtala i planen er delfinansiert gjennom tilskot. Planen tydeleggjer rettar for brukarar, og ansvar som kommunen allereie har. Den gir ikkje nye rettar som gir økonomiske konsekvensar vi kan talfeste. Auka ressursbruk som følgje av endring i korleis kommunen utfører pliktane sine inn mot målgruppene i planen må innarbeidast i økonomiplanen. Rådmannen si vurdering Rådmannen er samd i at brukarane skulle vore involvert tidlegare. Det er viktig at brukarmedverknad er med frå starten i planprosessar og dette er noko kommunen vil leggje meir vekt på i framtida. Det samarbeidet som har vore med brukarrepresentantar etter høyringa har vore godt, og det utkastet som no vert lagt fram vil vere ein god reiskap for samordning av tenester til barn og unge. Rådet for menneske med nedsett funksjonsevne Helse- og omsorgssjef Anita Lote var til stades under behandling av saka. RAD- 024/17 Vedtak Rådet for menneske med nedsett funksjonsevne tilrår at det endra utkastet til plan vert lagt ut på høyring. Rådet ønskjer at det vert utarbeida tydelege rutinar for når, og korleis, representantar for ulike brukargrupper bør involverast i arbeidsgrupper, under utarbeiding av planar. I arbeidet med denne type planar er det viktig å sikre, at dei som vert berørt av planen får høve til å uttale seg i ei tidleg fase. Helse- og omsorgsutvalet Side 22

23 Saka vart drøfta i sammøte med oppvekstutvalet. HOU- 029/17 Vedtak Helse- og omsorgsutvalet legg utkastet ut på høyring med som høyringsfrist. Oppvekstutvalet Saka vart drøfta i sammøte med oppvekstutvalet. OPP- 030/17 Vedtak Oppvekstutvalet legg utkastet ut på høyring med som høyringsfrist. Side 23

24 Gloppen kommune Arkiv: FA - A0 JournalpostID: 17/11124 Saksbehandlar: Per Arne Strand Saksnr. Utval Møtedato 031/17 Oppvekstutvalet /17 Kommunestyret Oppvekstmelding 2017 for Gloppen Vedlegg i saka: Oppvekstmelding Rådmannen si tilråding Kommunestyret tek oppvekstmelding 2017 for Gloppen til orientering. Saksutgreiing Bakgrunn for saka Det er fastsett i opplæringslova at skuleeigar pliktar å utarbeide ein årleg rapport om tilstanden i opplæringa i grunnskulen i kommunen. Rapporten skal som minimum innehalde opplysningar om læringsresultat, fråfall og læringsmiljø. Den årlege rapporten skal drøftast av skuleiegar, dvs kommunestyret. Dette er ein del av oppfølgingsansvaret knytt til det generelle systemkravet som er fastsett i opplæingslova. I samband med programmet «Den gode barnehage- og skuleeigar» som Gloppen er med på, er det semje i arbeidsgruppa om å lage ei oppvekstmelding som seier noko om heile oppvekstsektoren. Tidlegare år har det vore utarbeidd ei kvalitetsmelding berre for grunnskulen. Fakta i saka Oppvekstmeldinga ligg ved saka og vert offentleg. Den er eit grunnlag for å sjå korleis tilstaden er i oppvekstsektoren i Gloppen og få ein god debatt kring det. Statistikkane som er nytta i oppvekstmeldinga er henta frå offentlege kjelder som Skoleporten.no, Statistisk sentralbyrå og Ungdata. KS sitt kommunebarometer er og nytta for å vise nokre av dei delscoringane som gjeld oppvekstsektoren. Økonomiske konsekvensar for kommunen Ingen. Rådmannen si vurdering Faren med statistikk er at det gjev eit bilde av nokre faktorar som er lette å måle, men fangar ikkje opp alle nyansar som betyr noko. Ikkje alt som kan teljast er det som teller. Naturleg nok har vi meir og meir tal til høgare opp i alder vi kjem i oppvekstsektoren. Kvalitet er eit ord som vert brukt i mange samanhengar utan at det er så lett å definere kva det konkret betyr i møte mellom folk. I oppvekstsektoren handlar det meste om møte mellom menneske, både på tomannhand og i mindre og større grupper. Målet med ei oppvekstmelding skal vere å utvikle dei tenestene vi skal levere til innbyggarane i Side 24

25 Gloppen. Det er ikkje å rangere verken barnehagar, skular, tilsette eller elevar. Vi må bruke dei datane vi har både inn mot dei planane vi lagar og dei tiltaka vi set inn. Kva er det som virkar og kva er det som vi gjer i dag som ikkje har noko effekt på den opplevde kvaliteten barn og foreldre opplever? Vi har i år prøvd å lage ei melding eller tilstandsrapport som femnar heile oppvekstsektoren. I samarbeid med einingane og politikarane må saman finne ut kva vi skal melde om og korleis vi skal gjere det utover det som er lovpålagt. Er det område som skal løftast meir fram enn andre? Vi ser ein trend der vi brukar stadig meir ressursar på styrka tiltak i barnehagen, spesialundervisning i skulen. Talet på saker aukar hjå PPT. Denne utviklinga gjer at vi må sjå etter andre måtar og bruke pengane våre på, slik at flest mogeleg får beste mogeleg hjelp. Vi ser store behov for å koordinere innsatsen vår i kommunen på tvers av dei ulike tenestene, einingane og sektorane. Dette er det sett i gang eit større arbeid på i samband med BTI (Betre tverrfagleg innsats). Vi har gode tenester innanfor oppvekst i Gloppen. Vi har eit system som fungerer og som leverer gode resultat når vi ser stort på det. Helsestasjonen, barnevernet og PPT løyser sitt arbeid på ein god måte og samarbeider med barnehagar- og skular. Vi har ein god barnehage med kvalifisert personell, funksjonelle barnehagar og godt samarbeid med heimane. Vi har ein låg terksel på å ta opp saker vi undrar oss over gjennom TTI. Skulane leverer gode resultat ut av skulen og jamt over gode resultat langs med målt opp mot nasjonale krav. Dei ungdoman vi sender frå oss til vidaregåande skule greier seg godt og gjennomfører i stor grad. Vi kan likevel ikkje stikke under ein stol at det er rom for å bli betre. Vi ser skilnad på skulane våre, vi ser utfordringar i å tiltrekke oss rett og tilstrekkeløeg kompetanse når vi rekruterar. Vi har rom for å score betre på nasjonale prøver, læringsmiljø og skulebidragsindikatorar. Vi må sjå på korleis vi brukar midlane vi har til spesialundervisning og om vi kan gjere noko for å stoppe veksten i spesialpedagogikk. Vi som elles ser forskjell på gutar og jenter sine resultat og bør sjå om det er noko vi kan gjere for å treffe gutane betre. Det er oppvekstsjefen sitt håp om at oppvekstmeldinga vil bidra til kunnskap, refleksjon, analyse og god debatt. Det viktigaste med all kartlegging er det som blir gjort i etterkant, med å nytte all informasjon som kjem fram til beste for det einskilde barn. Det er og eit grunnlag for skuleeigar til å sjå på ressursdisponering, satsingsområde, kompetanseheving og rekrutering. Oppvekstutvalet Oppvekstsjefen lagar ein presentasjon av meldinga til kommunestyret og inviterar med einingsleiarane i sektoren. OPP- 031/17 Vedtak Oppvekstutvalet er samd i tilrådinga. Side 25