GLOPPEN KOMMUNE HELSE- OG OMSORGSUTVALET MØTEBOK

Transkript

1 GLOPPEN KOMMUNE HELSE- OG OMSORGSUTVALET MØTEBOK Møtedato: Møtetid: Kl. 09:00 11:00 Møtestad: Heradshuset Saksnr.: 025/15-028/15 Desse medlemmene møtte: Arnfinn Brekke Leidulf Gloppestad Kari-Ann Flølo Parti Krf Sp H Forfall/møtte ikkje Parti Følgjande varamedl. møtte Parti Liss Bergum Sp Per Rune Vereide Sp Jan Arve Søvde SD Anne-Grete Hoddevik SD Ugilde Sak i forv.lova Følgjande varamedl. møtte Møteleiar: Arnfinn Brekke Frå adm. møtte: Helse- og omsorgssjef Anita Lothe Utlevert i møtet: Orientering: Sjå sak 26/15! Sp.mål/interpell.: Synfaring: Diverse: Underskrifter: Arnfinn Brekke Side 1

2 SAKLISTE Sak nr. Sakstittel 025/15 Godkjenning av møtebok, innkalling og sakliste 026/15 Referat og orienteringssaker 027/15 Samarbeidsavtalar med Helse Førde - delavtalar om psykisk helse og rus, beredskap og lærings- og meistringstilbod. 028/15 Legevaktsentral - avtale med Helse Førde AMK om drift av legevaktsentral, tlf i perioden Side 2

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Helse- og omsorgsutvalet /15 Avgjerd av: Helse- og omsorgsutvalet Saksbehandlar: Jan Kåre Fure Arkiv: 033 Objekt: Arkivsaknr.: 15/ Godkjenning av møtebok, innkalling og sakliste Møteboka frå helse- og omsorgsutvalet sitt møte den 26. mai i rå blir lagt fram til godkjenning. Samstundes ber utvalsleiaren om godkjenning av innkallinga og saklista til dette møtet. UTVALSLEIAREN SI TILRÅDING: 1. Helse- og omsorgsutvalet godkjenner møteboka frå sitt møte den 26. mai Helse- og omsorgsutvalet godkjenner innkallinga og saklista til møtet den 1. september HELSE- OG OMSORGSUTVALET 025/15 VEDTAK: 1. Helse- og omsorgsutvalet godkjenner møteboka frå sitt møte den 26. mai Helse- og omsorgsutvalet godkjenner innkallinga og saklista til møtet den 1. september Vedtaket var samrøystes. Side 3

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Helse- og omsorgsutvalet /15 Avgjerd av: Helse- og omsorgsutvalet Saksbehandlar: Anita Lothe Referat og orienteringssaker Refererte skriv og meldingar: Arkiv: 033 Objekt: Arkivsaknr.: 15/1119 Nr Dok.ID T Dok.dato Avsendar/Mottakar Tittel 1 15/9053 I Helse Førde Samhandlingsreforma - oversyn over avtalar og prosjekt i Sogn og Fjordane RÅDMANNEN SI TILRÅDING: Rådmannen legg ikkje fram tilråding i saka HELSE- OG OMSORGSUTVALET Etter ønskje frå utvalsleiaren orienterte helse- og omsorgssjefen om status i desse prosjekta: Velferdsteknologi Senior-treff Kvardagsrehabilitering. 026/15 VEDTAK: Det vart ikkje gjort vedtak i saka. Side 4

5 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Helse- og omsorgsutvalet /15 Kommunestyret Avgjerd av: Kommunestyret Saksbehandlar: Anita Lothe Objekt: Arkiv: G &01 Arkivsaknr.: 12/ Samarbeidsavtalar med Helse Førde - delavtalar om psykisk helse og rus, beredskap og lærings- og meistringstilbod. Vedlegg: Dok.nr Tittel på vedlegg Psykisk helsetenester og rusbehandling Samarbeid og beredskap Samarbeid om lærings- og meistringstilbod Vedlegga er framlegg til delavtalar mellom Gloppen kommune og Helse Førde HF. Bakgrunn for saka: Saka er ei oppfølging av inngått rammeavtale med Helse Førde, godkjent av kommunestyret 6. februar 2012 sak 7/ Saksutgreiinga nedanfor er i all hovudsak skriven etter mal frå KS Sogn og Fjordane og Helse Førde. Saksutgreiing: Det er i inngått rammeavtale mellom Helse Førde og Gloppen kommune bestemt at det skal utarbeidast delavtalar på m.a. desse områda: Psykiske helsetenester og rusbehandling Samarbeid om beredskap Lærings- og meistringstilbod Psykiske helsetenester og rusbehandling Med bakgrunn i gjeldande rammeavtale, har partane gjennom ei felles arbeidsgruppe, utarbeidd framlegg til ein delavtale om psykiske helsetenester og rusbehandling. Avtalen omhandlar aktuelle fellestiltak og partane sitt ansvar. Dei fleste av punkta i avtalen er felles for psykiske helsetenester og rusbehandling, men det er i eit eige punkt omtalt nokre særskilte førsegner for rusbehandling. Avtaleframlegget har vore handsama i avtaleutvalet, fagrådet og koordineringsrådet. Koordineringsrådet godkjende avtalen med tilkomne endringar den Årsaka til at avtaleframlegget ikkje er blitt følgt opp vidare før no, er m.a. generelle kapasitetsutfordringar, Side 5

6 og at ein har avventa arbeidet med andre relevante avtalar. Delavtalen går no til endeleg handsaming og underskrift hos partane. Avtalen erstattar gjeldande delavtale frå 2008 om psykiske helsetenester. Samarbeid om beredskap Også her har ei arbeidsgruppe med representantar for partane utarbeidd eit avtaleframlegg med bakgrunn i gjeldande rammeavtale. I tillegg har Fylkesmannen i Sogn og Fjordane delteke i arbeidet. Avtalen utfyller pkt 5 i rammeavtalen, og vektlegg m.a. ansvar og rutinar når det gjeld varsling, psykososial omsorg og støtte, forsyningsberedskap, deling av ROS-analysar og beredskapsplanar, evaluering og oppfølging av beredskapssituasjonar og plan for felles øvingar. Avtaleframlegget har vore handsama i avtaleutvalet, fagrådet og koordineringsrådet. Koordineringsrådet godkjende avtalen med tilkomne endringar den Delavtalen går no til endeleg handsaming og underskrift hos partane. Lærings- og meistringstilbod Med bakgrunn i gjeldande rammeavtale og delavtale nr 2 om koordinerte tenester, har ei arbeidsgruppe med representantar for partane og brukarutvalet utarbeidd eit avtaleframlegg. Delavtalen har som føremål å avklare partane sitt ansvar for å bidra til å førebyggje, meistre og lære å leve med sjukdom/nedsett funksjonsevne - og å utvikle samarbeidet på dette området. Dette er ein viktig del av den samla rehabiliteringsverksemda. Avtaleframlegget har vore handsama i avtaleutvalet, fagrådet og koordineringsrådet. Koordineringsrådet godkjende avtalen med tilkomne endringar den Delavtalen går no til endeleg handsaming og underskrift hos partane. Økonomiske konsekvensar for kommunen: Desse avtalane vil i seg sjølv ikkje påføre kommunen nye kostnader. Rådmannen si vurdering: Alle avtaleframlegga er ei oppfølging av føresetnader nedfelte i gjeldande rammeavtale mellom kommunen og Helse Førde. Avtalane må også vurderast som naudsynte for å kunne stette krava i helse- og omsorgstenestelova 6 om samarbeidsavtalar mellom spesialist- og kommunehelsetenesta. Rådmannen ser det difor slik at kommunen bør inngå avtalar med Helse Førde på desse områda. Avtalane har i tillegg til felles arbeidsgrupper vorte grundig vurderte i avtaleutvalet, fagrådet og koordineringsrådet, som også er felles samhandlingsarenaer for kommunane og Helse Førde. Det er ønskjeleg at desse avtalane er mest mogleg like frå kommune til kommune. Rådmannen vurderer avtaleframlegga som tenlege for å kunne fremje samhandlinga på viktige område, og ser ikkje at dei på noko punkt har eit innhald som kan slå uheldig ut for Gloppen kommune. Når det gjeld mynde til å inngå slike avtaler, så ligg det til kommunestyret. Rådmannen ser likevel at det er ressurskrevjande for kommunestyret å skulle sette seg inn i alle saker som er Side 6

7 så pass omfattande som desse avtalane. Det bør difor vurderast om Helse- og omsorgsutvalet i framtida kan få mynde til å inngå nye og reviderte avtalar på vegne av kommunen, når det ikkje har økonomiske konsekvensar for Gloppen kommune utover det som er budsjettert. RÅDMANNEN SI TILRÅDING: Gloppen kommunestyre godkjenner for sin del følgjande delavtalar med Helse Førde, i samsvar med vedlegg til saka: 1. Delavtale om psykiske helsetenester og rusbehandling 2. Delavtale om samarbeid om beredskap 3. Delavtale om lærings- og meistringstilbod Kommunestyre gjev helse- og omsorgsutvalet mynde til å inngå nye og reviderte avtalar med Helse Førde på vegne av kommunen når det ikkje har økonomiske konsekvensar for Gloppen kommune utover det som er budsjettert HELSE- OG OMSORGSUTVALET 027/15 VEDTAK: Rådmannen si tilråding vart samrøystes innstilt. Side 7

8 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Helse- og omsorgsutvalet /15 Avgjerd av: Helse- og omsorgsutvalet Saksbehandlar: Anita Lothe Objekt: Arkiv: 026 G21 Arkivsaknr.: 12/ Legevaktsentral - avtale med Helse Førde AMK om drift av legevaktsentral, tlf i perioden Ingen vedlegg. Bakgrunn for saka: Kommunestyret gjorde fylgjande vedtak: 1. Kommunestyret vedtek at Gloppen kommune i samband med innføring av nytt naudnett og oppretting av kommunale legevaktsentralar i 2015 vert utgreidd som deltakar i den komande legevaktsentralen for Sunnfjord og Ytre Sogn i Førde lokalisert nær Førde sentralsjukehus 2. Framlegg til avtale om legevaktsentral skal godkjennast av kommunestyret. Saksutgreiing: I følgje akuttmedisinforskrift 12 er kommunen ansvarleg for nødmeldeteneste i kommunen. Frå 1. september skal felles legevakttelefon nummer vere operativt i alle kommunar. Dei krava forskrifta stiller vil ikkje kommunane i vårt distrikt kunne fylle, m.a. grunna at kommunale legekontor per dags dato ikkje er tilknytt naudnett. Kommunane har heile tida planlagt med ein felles legevaktsentral for desse tenestene. Dette har vore planlagt i Gloppen kommune ved å utgreie å kjøpe tenesta med SYS IKL. Oppstart av felles legevaktsentral er no utsett til grunna forseinka tilknyting til naudnett. Opphavleg skulle naudnett for helsetenestene vore operativt frå desember SYS-IKL har på vegne av kommunane send førespurnad til Fylkeslegen om dispensasjon frå forskriftskrav ut året. Fylkeslegen har i dialog med Helsedirektoratet avslått dette. På relativt kort tid har ein måtte finne ei løysing på dette. Legevaktsjef SYS-IKL og representant for rådmennene i SYS-IKL-kommunar har på vegne av kommunane gjennomført forhandling med Helse Førde AMK om drift av ut året. Helse Førde AMK kan ta oppdraget, men må då auke bemanninga. Kostnadsfordelinga ved kjøp av tenesta dersom alle kommunane sluttar seg til avtalen er sett opp i tabellen under: Side 8

9 Økonomiske konsekvensar for kommunen: Kostnaden for Gloppen kommune vil for denne perioden verte kr ,-. Rådmannen si vurdering: Alternativa for Gloppen kommune er: Inngå avtale med Helse Førde AMK om drift av legevaktsentral, tlf i perioden Dette vil fullt ut stette krava i forskrift om akuttmedisin Krevje dispensasjon frå forskrift ut året frå Helsedirektoratet, førebels har dei gjeve negativt svar på slik førespurnad Gloppen kommune tek sjølv ansvar for å svare tlf på dagtid. Dette vil ikkje stette krav i forskrift om at ein må vere tilknytt naudnett, samt krav om bachelorgrad for personell Kommunen ser bort frå krav i forskrift og driv eigen legevaktsentral på dagtid fram til Kommunen vil då ikkje drive i samsvar med forskrift med risiko for pålegg og avvik. Rådmannen ser berre eit alternativ som realistisk for å drifte denne tenesta i tråd med gjeldande lovverk. Gloppen kommune bør inngå avtale med Helse Førde AMK om drift av legevaktsentral, tlf i perioden Rådmannen vil legge til at problema med at naudnettet ikkje er klart er utanfor kommunane sin kontroll. Det vert difor opplevd som som urett at kommunane får ekstra kostnader som dette. Vi har likevel ikkje anna val ann å inngå avtale på så kort frist. Rådmannen har no ikkje konkrete framlegg til dekking av den meirkostnaden staten her påfører oss, men legg til grunn at utgiftene kan dekkast inn frå postar i helse- og omsorgsbudsjettet som per i dag ligg an til eit underforbruk. Side 9

10 RÅDMANNEN SI TILRÅDING: Gloppen kommune v/helse- og omsorgsutvalet inngår avtale med Helse Førde AMK om drift av legevaktsentral, tlf i perioden Dette vil fullt ut stette krava i forskrift om akuttmedisin. SYS-IKL vert avtalepart med Helse Førde, og SYS-IKL får fullmakt til å inngå slik avtale på vegne av kommunane. Den einskilde kommune forpliktar seg til å dekkje ekstrakostnad for SYS-IKL gjennom vedteken fordelingsnøkkel i samsvar med gjeldande kostnadsfordeling. Ekstrautgifta vert dekka inn frå postar i helse- og omsorgssektoren som per i dag ligg an til eit underforbruk HELSE- OG OMSORGSUTVALET Framlegg frå Leidulf Gloppestad (Sp): Som rådmannen si tilråding, men med slikt tillegg: Utvalet ber rådmannen ta kontakt med dei andre kommunane om å fremje eit felles krav for å få ekstrakostnadar i samband med kjøp av felleslegevaktssentral i Sunnfjord kompensert. 028/15 VEDTAK: Gloppen kommune v/helse- og omsorgsutvalet inngår avtale med Helse Førde AMK om drift av legevaktsentral, tlf i perioden Dette vil fullt ut stette krava i forskrift om akuttmedisin. SYS-IKL vert avtalepart med Helse Førde, og SYS-IKL får fullmakt til å inngå slik avtale på vegne av kommunane. Den einskilde kommune forpliktar seg til å dekkje ekstrakostnad for SYS-IKL gjennom vedteken fordelingsnøkkel i samsvar med gjeldande kostnadsfordeling. Ekstrautgifta vert dekka inn frå postar i helse- og omsorgssektoren som per i dag ligg an til eit underforbruk. Utvalet ber rådmannen ta kontakt med dei andre kommunane om å fremje eit felles krav for å få ekstrakostnadar i samband med kjøp av felleslegevaktssentral i Sunnfjord kompensert. Vedtaket var samrøystes. Side 10