GLOPPEN KOMMUNE HELSE- OG OMSORGSUTVALET MØTEBOK

Transkript

1 GLOPPEN KOMMUNE HELSE- OG OMSORGSUTVALET MØTEBOK Møtedato: Møtetid: Kl. 09:00 11:10 Møtestad: Heradshuset Saksnr.: 019/14-023/14 Desse medlemmene møtte: Arnfinn Brekke Liss Bergum Leidulf Gloppestad Kari-Ann Flølo Parti Krf Sp Sp H Forfall/møtte ikkje Parti Følgjande varamedl. møtte Parti Jan Arve Søvde SD Anne-Grete Hoddevik SD Ugilde Sak i forv.lova Følgjande varamedl. møtte Møteleiar: Frå adm. møtte: Arnfinn Brekke Helse- og omsorgssjef Anita Lothe Rådmann Jan Kåre Fure Utlevert i møtet: Orientering: Sjå sak 20/14! Sp.mål/interpell.: Synfaring: Diverse: Neste møte i helse- og omsorgsutvalet blir flytta til onsdag 22. oktober kl 13:00 Underskrifter: Arnfinn Brekke Side 1

2 SAKLISTE Sak nr. Sakstittel 019/14 Godkjenning av møtebok, innkalling og sakliste 020/14 Referat- og orienteringssaker 021/14 Kommunalt styremedlem i Stiftinga Fjellstad - delegasjon til rådmannen 022/14 Tilknyting til legevaktsentral for legevakta i Gloppen kommune 023/14 Hovudlinjer for morgondagens omsorg i Gloppen - vidare behandling Side 2

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Helse- og omsorgsutvalet /14 Avgjerd av: Helse- og omsorgsutvalet Saksbehandlar: Jan Kåre Fure Arkiv: 033 Objekt: Arkivsaknr.: 14/ Godkjenning av møtebok, innkalling og sakliste Møteboka frå helse- og omsorgsutvalet sitt møte den 2. juni i år blir lagt fram til godkjenning. Samstundes ber leiaren i utvalet om godkjenning av innkallinga og saklista til dette møtet. LEIAREN I HELSE- OG OMSORGSUTVALET SI TILRÅDING: 1. Helse- og omsorgsutvalet godkjenner møteboka frå sitt møte den 2. juni Helse- og omsorgsutvalet godkjenner innkallinga og saklista til møtet den 22. september HELSE- OG OMSORGSUTVALET Vara for Jan Arve Søvde hadde ikkje fått innkalling til møtet. 019/14 VEDTAK: 1. Helse- og omsorgsutvalet godkjenner møteboka frå sitt møte den 2. juni Helse- og omsorgsutvalet godkjenner innkallinga og saklista til møtet den 22. september 2014, men ber rådmannen syte for at mottekne forfall til møte blir registrert og at vara blir kalla inn. Vedtaket var samrøystes. Side 3

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Helse- og omsorgsutvalet /14 Avgjerd av: Helse- og omsorgsutvalet Saksbehandlar: Anita Eide Lothe/Jan Kåre Fure Referat- og orienteringssaker Refererte skriv og meldingar: Det er så langt ingen referatsaker. Arkiv: 033 Objekt: Arkivsaknr.: 14/1374 Orienteringssaker: Ny helse- og omsorgssjef Anita Lothe tok til i jobben som helse- og omsorgssjef i Gloppen den 1. september. Anita vil presentere seg for utvalet. Som ei oppfølging av dette meiner rådmannen det er naturleg at utvalet gjev uttrykk for sine forventningar til rådmannen og den nye helse- og omsorgssjefen. RÅDMANNEN SI TILRÅDING: Rådmannen legg ikkje fram tilråding i saka HELSE- OG OMSORGSUTVALET Utvalet ønskte ny helse- og omsorgssjef velkomen, og drøfta korleis arbeidet med saksførebuing og utvalsarbeidet bør vere. Dette er saker som er aktuelle for utvalet i haust: om frivillig arbeid om KAD-plassane (Kommunalt Akutt Døgnopphald) om Melin Medical om tenester for barn og unge. Orienteringssaker i møtet. Kort om økonomien etter andre tertial (per august 2014). Økonomirapport for andre tertial kjem på neste møterunde budsjettet for å ta i mot ferdigbehandla pasientar (så kalla over-ligg) rådmannen sitt arbeid med den administrative organiseringa flytting av neste møte i helse- og omsorgsutvalet til 22. oktober kl 13:00. Side 4

5 Leiaren i helse- og omsorgsutvalet og helse- og omsorgssjefen møtest om lag 14 dagar før kvart møte for å gå gjennom aktuelle saker til komande møte. 020/14 VEDTAK: Det vart ikkje gjort vedtak i saka. Side 5

6 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Helse- og omsorgsutvalet /14 Avgjerd av: Helse- og omsorgsutvalet Saksbehandlar: Jan Kåre Fure Objekt: Arkiv: 033 F17 Arkivsaknr.: 14/967-5 Kommunalt styremedlem i Stiftinga Fjellstad - delegasjon til rådmannen Ingen vedlegg. Bakgrunn for saka: Styreleiar i Stiftinga Fjellstad har bede om at Gloppen kommune peikar ut eit medlem til styret i stiftinga. Saksutgreiing: Stiftinga Fjellstad er ei stifting som vart skipa i 1980 som eit samarbeid mellom Sandane Industri L/L og Gloppen kommune. Føremålet med stiftinga er å eige og står for oppføring og drift av bustader for yrkesvalhemma personar og andre. Stiftinga skal leiast av eit styre på tre personar, og når nokon går ut av styret er styret sjølve ansvarlege for å skaffe nye medlemmer. Sjølv om det ikkje utrykkeleg står i vedtektene til stiftinga, har det vore tradisjon for at Gloppen kommune har eitt medlem i styret. Av årsaker som rådmannen ikkje kjenner til, har kommunen dei siste åra ikkje valt sitt medlem. Styreleiar, som er Geir Peder Ueland, ber no om at dette blir gjort. Økonomiske konsekvensar for kommunen: Ingen. Rådmannen si vurdering: Etter rådmannen sitt syn er dette eit verv som det er mest føremålstenleg å velje ein «fagperson» til, ikkje ein folkevald. Rådmannen ber derfor å få fullmakt til å peike ut kommunen sitt medlem. Funksjonstida er to år. --- Rådmannen legg saka fram for helse- og omsorgsutvalet sidan stiftinga sitt føremål først og fremst høyrer til dette utvalet sitt arbeidsområde. RÅDMANNEN SI TILRÅDING: Side 6

7 Helse- og omsorgsutvalet gir rådmannen fullmakt til å peike ut kommunen sitt styremedlem i Stiftinga Fjellstad HELSE- OG OMSORGSUTVALET 021/14 VEDTAK: Helse- og omsorgsutvalet gir rådmannen fullmakt til å peike ut kommunen sitt styremedlem i Stiftinga Fjellstad. Vedtaket var samrøystes. Side 7

8 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Eldrerådet /14 Helse- og omsorgsutvalet /14 Kommunestyret /14 Avgjerd av: Kommunestyret Saksbehandlar: Ragnhild S. Eimhjellen/Jan Kåre Fure Objekt: Arkiv: 026 G21 Arkivsaknr.: 12/ Tilknyting til legevaktsentral for legevakta i Gloppen kommune Ingen vedlegg. Bakgrunn for saka: Helse- og omsorgsutvalet gjorde i sak 39/12, den 16. oktober 2012 dette vedtaket: 1. Rådmannen får fullmakt til å forhandle både med Helse Førde om kjøp av legevakttelefonteneste frå AMK i Førde og med Nordfjord legevakt om kjøp av tilsvarande teneste frå dei. Når resultatet av dette arbeidet ligg føre, vert saka lagt fram igjen til endeleg avgjerd 2. Helse- og omsorgsutvalet vedtek å vidareføre avtalen med Helse Førde om kjøp av sentralbordteneste for legevakta fram til forhandlingsresultatet ligg føre 3. Endeleg utkast til avtale vert å fremje til behandling seinast ultimo september Denne saka er ei oppfølging av dette vedtaket. Saksutgreiing: Nytt naudnett er under innføring i heile landet. I denne samanheng er det avklara at kommunane i Sogn og Fjordane gjennom interkommunale samarbeid i Sogn, Sunnfjord og Nordfjord overtek drift av legevaktsentral som tidlegare har vore ei kjøpt teneste frå AMK, Helse Førde. Gloppen kommune har si eiga legevakt som tidlegare. Denne saka gjeld formidlinga av legevaktstelefonane. Legevaktssentral (LVS) er heimla i forskrift om Krav til akuttmedisinske tjenester utenfor sykehus. LVS er del av den medisinske naudmeldetenesta der befolkninga tek kontakt for å få hjelp i Helse Førde i ein sjukdoms- eller skadesituasjon. Kommunane har ansvar for drift av sjølve legevaktssentralen. Akuttmedisinsk kommunikasjonssentral (AMK) koordinerer større skadesituasjonar og styrer ressursbruken i den prehospitale tenesta*). Spesialisthelsetenesta har ansvar for denne tenesta. Til orientering er det sendt ut ny forskrift på høyring. Forskrifta har ein del presiseringar for drift av legevaktssentral, jfr pkt under om kvalitet ved legevaktssentalen. *) Dei prehospitale tenestene er fastlege, legevakt, pleie- og omsorgstenesta i kommunen, naudmeldetenesta (AMK- og legevaktsentral), bil-, båt- og luftambulansetenesta Side 8

9 Samhandlingsreforma og lov om helse- og omsorgstenester 3-5 pålegg kommunane drift av kommunale akuttplassar (KAD). Plassane skal vere oppretta innan 1. januar Nytt naudnett er under innføring på landsbasis. I denne samanheng er det avklara at kommunane i Sogn og Fjordane gjennom interkommunale samarbeid i Sogn, Sunnfjord og Nordfjord overtek drift av legevaktsentral som tidlegare har vore ei kjøpt teneste frå AMK. Gloppen kommune må velje kva legevaktsentral vi skal knyte oss opp mot for å få formidla legevaktstelefonane. Det er ikkje eit alternativ å drive eigen legevaktsentral i kommunen sjølv om vi har eiga legevakt. Kvalitets- og ressurskrava til moderne legevaktsentral er så kostnadskrevjande at det må gjerast i samarbeid med andre. Alternativa er å knyte seg opp mot legevaktsentralen for Nordfjord på Eid eller legevaktsentralen for Sunnfjord og Ytre Sogn i Førde. I Nordfjord ligg legevaktsentralen og legevakta på lokalsjukehuset der også den kommunale akuttfunksjonen med døgnopphald, KAD ligg. I Sunnfjord og ytre Sogn er KAD under planlegging i eit bygg nær Førde sentralsjukehus der også legevakta og legevaktsentralen er planlagd lokalisert. Gloppen kommune skal starte opp sitt eige KAD lokalisert på Gloppen omsorgssenter 1.etg. i desember Flora kommune planlegg også sitt eige KAD, men vil delta i legevaktsentralen etter liknande modell som Gloppen. Fram til ny legevaktsentral kjem i drift i 2015 kjøper Gloppen saman med andre kommunar denne tenesta frå AMK Helse Førde. Økonomiske konsekvensar for kommunen: Ut frå dei kostnadsoverslag som ligg føre vil prisen for å knyte seg til Sunnfjord og Ytre Sogn vere 104 kr pr. innbyggar og for å knyte seg til Nordfjord er prisen mellom kr pr. innbyggar. I kostnadsoverslaget for Sunnfjord og Ytre Sogn vil kostnaden for 2014 bli auka med om lag kr pr. år til ein årspris på om lag kr. Frå 2013 til 2014 har AMK auka prisen monaleg frå kr til kr så den største prisauken skjedde frå 2013 til Dette skjedde på bakgrunn av at det var lenge sidan AMK Helse Førde hadde rekna på prisen sist. Ved å knyte seg til Nordfjord ville prisen uansett vore høgre, rundt kr. Frå ein økonomisk synsstad er det best for Gloppen å knyte seg til legevaktsentralen for Sunnfjord og Ytre Sogn. Kostnaden for 2015 vil sjølvsagt bli innarbeidd i økonomiplanen. I 2014-budsjettet er det ikkje teke høgde for den auken i kostnaden som er omtala ovanfor. Rådmannen si vurdering: Frå fagleg og administrativ synsstad har legevakta i Gloppen vore svært nøgde med å vere knytt til AMK Helse Førde. Administrasjonen har bedd om at Gloppen kunne vere ein aktuell deltakar i legevaktsentralen for Sunnfjord og Ytre Sogn slik at det kunne gjerast eit økonomisk overslag med Gloppen som deltakar. Når no kostnadsoverslaget frå Sunnfjord og Ytre Sogn kjem fordelaktig ut og det vil bli bygd opp ein legevaktsentral lokalisert nær sentralsjukehuset, rår rådmannen til at Gloppen knyter seg til legevaktsentralen for Sunnfjord og Ytre Sogn. For at Sunnfjord og Ytre Sogn skal kome i gang med den konkrete planlegginga, må det gjerast politisk vedtak som seier om Side 9

10 Gloppen vert med her eller ikkje. Formelt vil Gloppen kommune bli invitert som deltakar når vedtaket er gjort. RÅDMANNEN SI TILRÅDING: Kommunestyret vedtek at Gloppen kommune i samband med innføring av nytt naudnett og oppretting av kommunale legevaktsentralar i 2015 deltek i den komande legevaktsentralen for Sunnfjord og Ytre Sogn i Førde lokalisert nær Førde sentralsjukehus ELDRERÅDET 012/14 VEDTAK: Eldrerådet er samd i tilrådinga. Vedtaket var samrøystes HELSE- OG OMSORGSUTVALET Framlegg frå Anne-Grete Hoddevik (SD): Saka blir utsett. Helse- og omsorgsutvalet ber rådmannen gjere betre greie for kva som er fordelane med å knyte seg til legevaktsamarbeidet for Sunnfjord og Ytre Sogn. Framlegget fekk ei røyst og fall. Framlegg frå Anne-Grete Hoddevik (SD): Kommunestyret vedtek at Gloppen kommune i samband med innføring av nytt naudnett og oppretting av kommunale legevaktsentralar i 2015 deltek i legevaktsentralen for Nordfjord på Eid. Det vart røysta alternativ mellom rådmannen si tilråding og framlegget frå Anne-Grete Hoddevik: Framlegget frå Anne-Grete Hoddevik: ei røyst Rådmannen si tilråding: fire røyster. 022/14 VEDTAK: Rådmannen si tilråding vart innstilt mot ei røyst. Side 10

11 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Eldrerådet /14 Helse- og omsorgsutvalet /14 Avgjerd av: Helse- og omsorgsutvalet Saksbehandlar: Pål Sandal/ Anita Eide Lothe Objekt: Arkiv: 056 Arkivsaknr.: 14/971-2 Hovudlinjer for morgondagens omsorg i Gloppen - vidare behandling Ingen vedlegg. Frå tidlegare behandling av saka: Bakgrunn for saka: Denne saka er ei oppfølging av tidlegare orienteringssak 3/14 til helse- og omsorgsutvalet angåande framtidas omsorgsutfordringar og bruk av velferdsteknologi. Saksutgreiing: Generelt kan ein seie at ein arbeider med å utvikle tenestene innan helse og omsorg i Gloppen kommune i tråd med Stortingsmelding nr 29( ), Morgendagens omsorg. Bakgrunnen for meldinga er store endringar i den demografiske utviklinga, endringar i samfunnet generelt og ein ny generasjon eldre med andre interesser og ressursar enn i dag. Stortingsmeldinga set fokus på nye måtar å løyse omsorgsoppgåvene på og har tre hovudsiktemål: Få kunnskap om, leite fram, mobilisere og ta i bruk samfunnets samla omsorgsressursar på nye måtar. Utvikle nye omsorgsformer gjennom ny teknologi, ny kunnskap, nye faglege metodar og endringar av organisatoriske og fysiske rammer. Støtte og styrke kommunane sitt forsknings-, innovasjons- og utviklingsarbeid på omsorgsfeltet. Morgondagens omsorg er eit omgrep som vert nytta i Gloppen kommune for arbeid som er knytt til Stortingsmelding nr 29 og erstattar tidlegare nytta omgrep framtidas velferd. I Gloppen kommune er følgjande aktive tiltak definert under morgondagens omsorg: Kvardagsrehabilitering Frisklivssentral Fallførebyggande treningsgrupper Saman i kvardagen eit tiltak for kronikarar Side 11

12 Tiltak som er under utarbeiding: Etablering av øyeblikkelig hjelp - døgntilbud i kommunen. Lokalisert til 1. etg Gloppen omsorgssenter Velferdsteknologi Tiltak det er gjort politisk vedtak om å vurdere: Førebyggjande heimebesøk. Metoden legg vekt på å kome ut til innbyggjarane med rådgjeving og med det førebyggje på eit tidleg tidspunkt i alderdomen. Kvardagsrehabilitering, frisklivssentral og fallførebyggande treningsgrupper er tiltak som har vore aktive ein periode og kan vise til resultat som ein kan vurdere vidare aktivitet ut frå. I prosjektperioden er kvardagsrehabilitering om lag 50% finansiert gjennom eksterne tilskotsordningar. Det ligg og inne ein liten del ekstern finansiering i Frisklivssentralen. Øyeblikkelig hjelp er tildelt eksterne midlar og skal vere innført som tilbod i alle kommunar i løpet av Planarbeidet er gjennomført og praktisk innføring av tilbodet vert snarleg starta opp med mål om full drift frå desember Kommunen har fått tilskot frå og med 2014 og frå 2016 vert tilskotet lagt inn i dei statlege overføringane. Gloppen kommune er tildelt eksterne midlar for å utvikle eigen kompetanse på kvardagsrehabilitering og velferdsteknologi. Kr ,- går til kvardagsrehabilitering og kr ,- til det overordna kommunale arbeidet. Kommunen er ynskt som ein samarbeidspart i arbeidet med velferdsteknologi på fylkesnivå i lag med fleire andre aktørar på området. Dei viktigaste aktørane er kommunane Eid, Florø og Førde, Vestlandsforsking, utviklingssenteret for sjukeheim og heimetenester i Sogn og fjordane og NAV hjelpemiddelsentralen. Førebyggjande heimebesøk er ikkje starta i kommunen pr i dag. Tiltaka som er nemnde ovanfor er ikkje dei einaste aktuelle som følgje av Stortingsmelding nr 29, men er dei tiltaka Gloppen kommune har peika ut som mest aktuelle fram til no. Stortingsmeldinga oppmodar og kommunane til å utvikle nye innovative arbeidsmetodar og/eller former for omsorg. Økonomiske konsekvensar for kommunen: Saka legg opp til ei behandling og godkjenning av hovudlinjene for vidare utviklingsarbeid innan morgondagens kommunale helse- og omsorgstenester. Saka legg til grunn at vidare utviklingsarbeid skal kunne gjennomførast med budsjetterte midlar og tildelte eksterne midlar. Nye tiltak innan velferdsteknologi og innføring av nye arbeidsmetodar, som førebyggjande heimebesøk, fører truleg til auka kostnader. Når vurderingane er klare vert dette lagt fram som eigne saker. Rådmannen si vurdering: Rådmannen legg til grunn i den vidare vurderinga at arbeidsmetodane kvardagsrehabilitering, frisklivssentralen, saman i kvardagen og fallførebyggjande treningsgrupper vert vidareført etter dei planane som er laga. Det vert og lagt til grunn at førebyggjande heimebesøk skal vere del av dei vidare prioriteringane. Øyeblikkeleg hjelp er eit tilbod som kommunen er pålagt å ha i 2016 og må takast med i det vidare arbeidet med morgondagens omsorg. Side 12

13 Slik rådmannen ser det bør også velferdsteknologi og andre nye tiltak vurderast. Velferdsteknologi «Velferdsteknologi handler ikke om teknologi men om mennesker.» Kilde: Nils Peter Nissen Det at teknologi i seg sjølv ikkje løyser utfordringane er og erfaringa til kommunens tilsette som har samla kunnskap om - og arbeidd med velferdsteknologi. Teknologi utgjer ofte berre 20% av løysinga og 80% vert lagt til menneska som skal nytte teknologien eller legge til rette for bruk. Velferdsteknologi kan likevel opne opp for nye måtar å løyse kvardagsproblema på. Det set folk i stand til å meistre eige liv og helse, og bidreg til at fleire kan bu lengre i eigen heim til tross for nedsett funksjonsevne. Velferdsteknologi kan bidra til å førebygge eller utsette tildeling av helse- og omsorgsteneste. Teknologi som skapar meir trygghet hos brukaren kan også avlaste pårørande for unødvendig uro. Dette er og hovudpunkta i definisjonen av velferdsteknologi som Stortingsmelding nr 29 nyttar: «Med velferdsteknologi menes først og fremst teknologisk assistanse som bidrar til økt trygghet, sikkerhet, sosial deltakelse, mobilitet og fysisk og kulturell aktivitet, og styrker den enkeltes evne til å klare seg selv i hverdagen til tross for sykdom og sosial, psykisk eller fysisk nedsatt funksjonsevne. Velferdsteknologi kan også fungere som støtte til pårørende og ellers bidra til å forbedre tilgjengelighet, ressursutnyttelse og kvalitet på tjenestetilbudet. Velferdsteknologiske løsninger kan i mange tilfeller forebygge behov for tjenester eller innleggelse i institusjon.» Ei arbeidsgruppe beståande av tilsette i Gloppen kommune har undersøkt ein del av løysingane og erfaringane som andre kommunar har gjort seg innan velferdsteknologi. Arbeidsgruppa har medlemar frå heimetenestene, kvardagsrehabilitering og strategi og tenesteutvikling frå rådmannen sin stab. Deler av gruppa har blant anna hospitert i tre andre kommunar for å orientere seg og samle kunnskap. Arbeidsgruppa har erfart at velferdsteknologi rettar seg i all hovudsak mot tre område: fall, einsemd (tryggleik) og demens. Årsaka til dette er at eksisterande teknologi er best tilpassa -og gjev mest effekt innan desse tre områda. For å skaffe meir praktisk erfaring med teknologiske løysingar innan fall, einsemd og demens har kvardagsrehabilitering fått inn velferdsteknologi som ein del av prosjektet. Fokus har vore å undersøke og utarbeide ein oversikt over aktuelle velferdsteknologiske løysingar som kan vere aktuelt å prøve ut og ta i bruk i heimetenestene. Ei anna erfaring arbeidsgruppa har gjort er at det er viktig å kome tidleg inn med velferdsteknologi til brukarane. Det vert difor avgjerande å opplyse slik at innbyggarane vert interesserte og nysgjerrige på å ta i bruk teknologiske løysingar. Nytten av teknologien vert større til betre motivasjon og interesse ein har for å ta det i bruk. Det bør difor planleggast å arrangere ope møte for innbyggarane i kommunen med føremål om å opplyse og skape interesse. Side 13

14 Det å kome tidleg inn med teknologi og få motiverte brukarar utfordra systemet slik det er i dag med vedtak heimla i folketrygda og løysingar levert av NAV hjelpemiddelsentralen. Når ein brukar får eit vedtak er ofte alderdomen og helsetilstanden komen så langt at det kan redusere nytte av teknologien. Prognosane viser og at det er urealistisk å legge opp til at kommunane skal betale for ulike løysingar før ein får heimla vedtak. Innan temaet velferdsteknologi utviklar det seg eit skilje mellom kva som er tilgjengeleg for den einskilde og som ein kan skaffe seg sjølv, kva som kan tildelast gjennom Folketrygda og NAV hjelpemiddelsentralen og kva som skal vere eit kommunalt ansvar. Skiljet mellom samfunnsansvaret og det individuelle ansvaret vil vere eit av innovasjonsområda til kommunen i tida som kjem. Korleis får vi det til? Og kva vert kommunen si rolle i dette? Arbeidsgruppa kjenner til at lokale elektroleverandørar får spørsmål frå kundar om teknologiske løysingar som skal hjelpe dei å bu i eige hus så lenge så mogleg. Det er heller ikkje uvanleg at unge innbyggjarar som byggjer hus tenkjer på smarthusteknologi (teknologi for å gjere hus tryggare, enklare og meir miljøvennlege). Dette er signal om at innbyggjarane i større grad tenkjer på-, er interessert i- og villige til å betale for velferdsteknologiske løysingar. Rådmannen ser i denne samanheng det som mest tenleg at kommunen utviklar rolla som tilretteleggar. Kommunen er oppdatert på kva lokale leverandørar kan levere og har kunnskap og eventuelt erfaring på dette. Kommunen kan då fungere som ein uavhengig fagleg rådgjevar for innbyggjaren som sjølv avgjer kva han vil investere i og nytte. Ein lokal eller ekstern leverandør leverar produktet og eventuelt tek seg av vedlikehald. Dei kommunalt tilsette vil oppleve å bli utfordra av leverandørar som skal selje produkt i ei slik tilnærming, men gode retningslinjer kan motverke desse kreftene. Produktpåverknad er heller ikkje noko nytt dilemma for mange tilsette. For å auke motivasjonen for å ta i bruk teknologi kan det vere aktuelt å samarbeide om å innreie ei utstillingsleilegheit. Det same gjeld tilførsel av kompetanse på teknologien som inngår i leilegheita. Dette er framleis på eit tidleg tidspunkt i prosessen og administrasjonen treng avklaring i denne saka på om det er noko ein skal gå vidare med. Erfaringa frå kartleggingsarbeidet til arbeidsgruppa er at ei slik leilegheit er viktig for å skape interesse og kome i gang med teknologiske løysingar. Ei leilegheit vil vere nyttig for brukarar, pårørande og våre eigne fagfolk. For å få dette på plass til ein rimeleg kostnad og med god kompetanse vert det tilrådd at kommunen samarbeider med andre aktørar. Dei eksterne midlane på kr ,- er tildelt kommunen primært med tanke på å utvikle ei utstillingsleilegheit. Kommunen kjenner til at det er eit ynskje om ei utstillingsleilegheit frå dei kommunane som er inne på tenking om velferdsteknologi i fylket. Det ligg slik sett godt til rette for eit samarbeid. Det må og seiast at tilsette i Gloppen kommune nyttar det som vert definert som velferdsteknologi i tenestene dag. Dei tilsette nyttar eller legg til rette for relativt avansert teknologi som er heimla i vedtak og skaffa i samarbeid med NAV Side 14

15 hjelpemiddelsentralen. Denne saka legg opp til at kommunen skal ta eit steg vidare i bruken av teknologi og at kommunen skal vere ein rådgjevar og tilretteleggar for innbyggjarar som sjølv ynskjer å investere i velferdsteknologiske løysingar. Rådmannen vil igjen presisere at teknologi ikkje er ei løysing i seg sjølv, men eit av fleire verkemiddel for å få gode framtidsretta løysingar. Nye tiltak Frivillige sin innsats leverer eit godt bidrag i dag. Å gjere frivillig arbeid har ein eigen verdi og det kan tyde på at det er fleire som ynskjer å bidra, men oppgåvene må klargjerast og dei må koordinerast. Frivillig innsats er slik sett ikkje noko nytt tiltak, men kommunen må vere pådrivar for organisering og koordinering i dialog med dei frivillige. Eldrerådet har tidlegare kome med oppmoding til kommunen om å sjå meir på korleis det frivillige arbeidet vert koordinert og leia totalt sett i kommunen. Det andre tiltaket som kan bidra positivt er aktiv deltaking i forskings-, innovasjonsog utviklingsarbeid. Det er etablert fleire slike utviklingsmiljø nasjonalt og i Sogn og Fjordane. Vestlandsforsking står sentralt i mykje av arbeidet som skal bidra med ny kunnskap til omsorgssektoren i Sogn og Fjordane. Utviklingsarbeid er heller ikkje noko nytt tiltak i seg sjølv, men det er tenleg å gå meir aktivt inn i det som vert gjort eller teke initiativ til i fylket. Det vert difor i morgondagens omsorg lagt opp til å prioritere relevante prosjekt og ta ei meir aktiv rolle der vi engasjerer oss. Eksempel på dette kan vere å ta rolla som pilotkommune for ein av Vestlandsforsking sine prosjekt. Utbytte av å vere aktiv deltakar er at det vert teke utgangspunkt i vår kommune og våre lokale ramme og det vert direkte tenleg for kommunen. Det å få overlevert erfaringar frå andre kommunar er nyttig, men vil alltid ha utfordringar med seg fordi det er basert på ein annan kommune sine føresetnader. Ved å vere ein aktiv deltakar kan vi vere med på å legge premissa for arbeidet og måla vi skal nå. Avsluttande kommentarar Eit perspektiv som kommunen må ha med seg i arbeidet med morgondagens omsorg er at dei ulike aktivitetane/tenestene heng saman og vil influere på kvarandre. Det er difor viktig å sjå samanhengen og ikkje berre dei enkelte tenestene. Ei god systemforståing blant leiarane og koordinering på sektornivå vil vere to faktorar for å ivareta heilheita i helse- og omsorgsarbeidet. Målsettinga for tiltaka innan morgondagens omsorg er at Gloppen kommune framleis skal vere ein god kommune å bu i og der tenestene vert opplevd som gode. På same tid skal ein bidra til at innbyggarane i størst mogleg grad kan vere sjølvstendige og uavhengige menneske i eige liv. Hovudlinjene for morgondagens omsorg vert: 1. Førebyggjande tiltak og tidleg innsats etter «Gloppenmodellen»: a. kvardagsrehabilitering b. frisklivssentralen Side 15

16 c. fallførebyggjande trening d. saman i kvardagen 2. Ansvar for eige liv a. Spørje den moderne eldre korleis han vil ha det i sin kvardag (kartlegging av behov) b. informasjon til innbyggjarane om kva dei kan forvente av kommunal omsorg i tida som kjem 3. Velferdsteknologi a. primært til støtte i heimetenestene b. rådgjevar for innbyggjarar som vil skaffe velferdsteknologi c. utstillingsleiligheit i samarbeid med andre kommunar d. dialog med lokale leverandørar 4. Mobilisering og koordinering av frivillig innsats 5. Delta i forsknings-, innovasjons- og utviklingsarbeid innan omsorgsfeltet --- Rådmannen legg opp til behandling av saka i helse- og omsorgsutvalet i to omgangar. Før andre behandling må eldrerådet og rådet for funksjonshemma få høve til å uttale seg i saka. På grunn av endringar i møteplanen har vi ikkje fått til dette enno. RÅDMANNEN SI TILRÅDING: Helse- og omsorgsutvalet godkjenner hovudlinjene for morgondagens omsorg i Gloppen kommune HELSE- OG OMSORGSUTVALET Framlegg frå Jan Arve Søvde (SD): Helse- og omsorgsutvalet meiner saka er mangelfullt utreda og at den vert sendt til administrasjonen for vidare utgreiing. Helse- og omsorgsutvalet ynskjer saka tilbake til behandling når meir heilskapleg saksutgreiing som inkluderer alle lovpålagde helse- og omsorgstenester og korleis administrasjonen vil finansiere implementering av prosjekta i drifta, er klar. Framlegg frå Leidulf Gloppestad (Sp): I tillegg til rådmannen si tilråding: Helse- og omsorgsutvalet sender saka attende til administrasjonen for vidare utgreiing. Tankane og idéene bak tiltaket er viktige og riktige å følgje opp vidare. Side 16

17 Utvalet bit seg merke i at det i saksutgreiinga vert signalisert ein auka kostnad på sektoren, og vil ha oversikt over desse før utvalet gjer endeleg vedtak i denne saka. Det vart røysta slik: 1. Alternativt mellom framlegget frå Jan Arve Søvde og rådmannen si tilråding: Framlegget frå Jan Arve Søvde: ei røyst Rådmannen si tilråding: tre røyster. 2. Rådmannen si tilråding, med tilleggsframlegget frå Leidulf Gloppestad: tre røyster (mot ei røyst). 018/14 VEDTAK: 1. Helse- og omsorgsutvalet godkjenner hovudlinjene for morgondagens omsorg i Gloppen kommune 2. Helse- og omsorgsutvalet sender saka attende til administrasjonen for vidare utgreiing. Tankane og idéene bak tiltaket er viktige og riktige å følgje opp vidare. Utvalet bit seg merke i at det i saksutgreiinga vert signalisert ein auka kostnad på sektoren, og vil ha oversikt over desse før utvalet gjer endeleg vedtak i denne saka. Vedtaket vart gjort mot ei røyst RÅDET FOR FUNKSJONSHEMMA 010/14 VEDTAK: Råd for funksjonshemma støttar tilrådinga frå rådmannen. Vedtaket var samrøystes. Vidare behandling av saka: I forrige møte bad utvalet om ei oversikt over auka kostnader i samband med hovudlinjene for morgondagens omsorg i Gloppen kommune. Denne saka er fyrst og fremst ei orienteringssak for å vere med å gje retning for deler av det vidare arbeidet i sektoren. Saka legg opp til ei behandling og godkjenning av hovudlinjene for vidare utviklingsarbeid innan morgondagens kommunale helse- og omsorgstenester. Rådmannen legg til grunn at vidare utviklingsarbeid skal kunne gjennomførast innan for dagens budsjett og tildelte eksterne midlar. Midlar til utviklingsarbeid innan dette feltet vert jamnleg utlyste, men det er ein føresetnad at satsing på slikt utviklingsarbeid er politisk forankra. Arbeidet med velferdsteknologi inneber i første omgang å innhente kunnskap om, kompetanseheving og å skape interesse blant tilsette og innbyggarar for temaet som er førespegla å verte eit viktig tema innan helse- og omsorgssektoren i framtida. Nye tiltak innan velferdsteknologi som medfører auka kostnader, vil verte lagt fram som saker til utvalet når det vert aktuelt. Side 17

18 I dagens budsjett ligg det ikkje inne midlar til å starte førebyggjande heimebesøk. Vi må sjå på om det er ressursar som kan dreiast til dette arbeidet og om det eventuelt kan søkast ekstern finansiering. Fall-førebyggande grupper er eit tilbod knytt til Frisklivssentralen og ligg inne som eit tilbod innanfor dagens budsjett. «Saman i kvardagen» er i dag eit prosjekt som er drifta av eksterne midlar og knytt til Frisklivssentralen. Dersom prosjektet vert vellykka, noko det ser ut til i dag, vil tilbodet verte drifta vidare innanfor budsjettet til Frisklivssentralen. Kvardagsrehabilitering som teneste er tenkt å vere ein del av dei tenestene som heimetenestene skal yte i framtida. Brukarane av tenesta er brukarar som gjerne hadde motteke andre tenester frå heimetenesta dersom kvardagsrehabilitering ikkje var eit alternativ. Det er laga plan for implementering i lag med einingsleiarar og tillitsvalde der organisering av arbeidet etter prosjekt slutt i august 2015 er avklara. Det er planlagt å yte tenesta innanfor dagens budsjett. Kommunalt øyeblikkeleg hjelp med døgnopphald (KAD) er tildelt eksterne midlar og skal vere innført som tilbod i alle kommunar i løpet av Kommunen har fått tilskot frå og med 2014 og frå 2016 vert tilskotet lagt inn i dei statlege overføringane. --- Rådmannen justerer litt på tilrådinga frå sist sidan dette først og fremst er ei orienteringssak, ikkje ei sak som set tiltak i gang. RÅDMANNEN SI TILRÅDING: Helse- og omsorgsutvalet har ingen merknader til rådmannen si orientering om hovudlinjene for morgondagens omsorg i Gloppen ELDRERÅDET 011/14 VEDTAK: Eldrerådet er samd i tilrådinga, men vil understreke at det må satsast mykje på at kunnskapen om emnet vert spreidd. Vedtaket var samrøystes HELSE- OG OMSORGSUTVALET 023/14 VEDTAK: Side 18

19 Helse- og omsorgsutvalet har ingen merknader til rådmannen si orientering om hovudlinjene for morgondagens omsorg i Gloppen. Vedtaket var samrøystes. Side 19