Desse medlemmene møtte: Olav Moritsgård Karoline Råd Hans Myklebust Sigrunn Lundestad Arnfinn Ommedal Kristin Sandal Arnfinn Brekke

Transkript

1 ELDRERÅDET HOVUDUTSKRIFT Møtedato: Møtetid: Kl. 13:00 14:45 Møtestad: Heradshuset Saksnr.: 013/12-016/12 Desse medlemmene møtte: Olav Moritsgård Karoline Råd Hans Myklebust Sigrunn Lundestad Arnfinn Ommedal Kristin Sandal Arnfinn Brekke Parti Sp Krf Forfall meldt frå følgjande medl. Parti Følgjande varamedl. møtte Parti Ugilde Sak i forv.lova Følgjande varamedl. møtte Møteleiar: Olav Moritsgård Frå adm. møtte: Sekretariatsjef Jan Kåre Fure Utlevert i møtet: Saklista til møtet Orientering: Sjå sak 14/12! Sp.mål/interpell.: Synfaring: Diverse: Underskrifter: Olav Moritsgård side 1

2 SAKLISTE Sak nr. Sakstittel 013/12 Godkjenning av møtebok, innkalling og sakliste 014/12 Referat- og orienteringssaker 015/12 Tiltak for å fremje helse og førebygge sjukdom, ulukker og skade hjå eldre 016/12 Nye lokale på Grandane til rehabiliteringstenesta og heimetenesta på Sandane side 2

3 SAKSPAPIR SAKSGANG Styre, utval, komite m.m. Møtedato Saksnr. Eldrerådet /12 Avgjerd av: Eldrerådet Saksbehandlar: Jan Kåre Fure Arkiv: 033 Objekt: Arkivsaknr.: 12/999-1 Godkjenning av møtebok, innkalling og sakliste Møteboka frå eldrerådet sitt møte den 10. mai 2012 blir lagt fram til godkjenning. Samstundes ber rådmannen om godkjenning av innkallinga og saklista til dette møtet. RÅDMANNEN SI TILRÅDING: 1. Eldrerådet godkjenner møteboka frå sitt møte den 10. mai Eldrerådet godkjenner innkallinga og saklista til møtet den 7. juni ELDRERÅDET 013/12 VEDTAK: Rådmannen si tilråding vart samrøystes vedteken. side 3

4 SAKSPAPIR SAKSGANG Styre, utval, komite m.m. Møtedato Saksnr. Eldrerådet /12 Avgjerd av: Eldrerådet Saksbehandlar: Jan Kåre Fure Referat- og orienteringssaker Refererte skriv og meldingar: Det er førebels ingen referatsaker. Arkiv: 033 Objekt: Arkivsaknr.: 12/998 Orienteringssaker: Saker til formannskapsmøtet den 11. juni og til hovudutvalsmøta den 12. juni RÅDMANNEN SI TILRÅDING: Rådmannen legg ikkje fram tilråding i saka ELDRERÅDET Sekretæren gjekk gjennom saklistene til møta i formannskapet den 11. juni og i helse- og omsorgsutvalet og teknisk og landbruksutvalet den 12. juni. Sekretæren gjekk også gjennom framlegget til møteplan for hausten 2012, der eldrerådet sine møte er lagde inn torsdagen i veka før hovudutvals- og formannskapsmøta. Det vart diskutert om eldrerådet sine møte skal flyttast til fredag eller måndag, utan at noko vart bestemt. 014/12 VEDTAK: Det vart ikkje gjort vedtak i saka. side 4

5 SAKSPAPIR SAKSGANG Styre, utval, komite m.m. Møtedato Saksnr Eldrerådet /12 Rådet for funksjonshemma /12 Helse- og omsorgsutvalet /12 Avgjerd av: Helse- og omsorgsutvalet Saksbehandlar: Ragnhild S. Eimhjellen Objekt: Arkiv: F21 Arkivsaknr.: 12/483-2 Tiltak for å fremje helse og førebygge sjukdom, ulukker og skade hjå eldre Ingen vedlegg. Bakgrunn for saka: Helse- og omsorgsutvalet gjorde dette vedtaket i møte i helse- og omsorgsutvalet den Helse- og omsorgsutvalet ber rådmannen utarbeide sak til møtet den 15. mai 2012 der ein ser på om Gloppen kommune skal opprette eit forprosjekt med siktemål å innføre ordning med heimebesøk for eldre. Føremålet med ei slik ordning er å gje råd og rettleiing om kva den enkelte kan gjere for å fremje helse og førebygge sjukdom, ulykker og skader. På møtet i utvalet den vart det orientert munnleg om saka og utvalet bad om at vedtaket vart følgt opp og at det skulle leggast fram som eiga sak til utvalsmøtet den Saksutgreiing: Kort fortalt er ordning med heimebesøk for eldre tenkt som ei ordning der alle eldre over ein viss alder får besøk frå den kommunale helse- og omsorgstenesta eller anna kommunal teneste med mellom anna siktemål om å informere om førebyggande tiltak og kartlegge helse- og busituasjonen til den einskilde. Heimebesøk for eldre er ikkje ei lovpålagd teneste. Helse- og omsorgstenestelova og Folkehelselova seier at kommunane skal drive førebyggande arbeid, men kommuane skal organiserer dette på dei måtar som dei finn tenlege. I Gloppen er det oppretta Frisklivssentral, det vert arbeidd med å få i gang Kvardagsrehabilitering og det vert arbeidd med Trygge lokalsamfunn. Alt dette er målretta førebyggande tiltak. Økonomiske konsekvensar for kommunen: Innføring av ei ordning med heimebesøk til alle eldre over ein viss alder vil krevje personalressursar og vil ha økonomiske konsekvensar avhengig av omfanget på ei slik ordning. Planlegging og prosjektering av ei slik ordning vil krevje ekstra ressursar. Det er ikkje ressursar i tenestene til dette i dag i tillegg til det utgreiings- og planleggingasrbeidet som vert gjort i høve kvardagsrehabilitering og trygge lokalsamfunn. Rådmannen si vurdering: side 5

6 Kommunen si satsing på frisklivssentral, kvardagsrehabilitering og arbeid for trygge lokalsamfunn er målretta tiltak inn mot definerte grupper av brukarar som treng desse tenestene. Heimebesøkordninga rettar seg mot alle i ei viss aldersgruppe. I ein situasjon der tilgangen på ressursar i tenestene er avgrensa, er det viktig at tiltaka som vert sett i gang er retta mot definerte grupper som vi veit har trong for tiltaka. Tiltak som er retta mot alle vil i ein del av tilfella vere unødvendige og kan opplevast som unyttige og som inngripen i velfungerande personar sine liv. Rådmannen si vurdering er at dei tiltaka som vert sett i gang skal vere retta mot å løyse definerte problem både på individnivå og på gruppe/samfunnsnivå. Frisklivssatsinga, kvardagsrehabiliteringa og arbeidet for trygge lokalsamfunn rettar seg nettopp mot å løyse på førehand definerte problem. Rådmannen meiner det ressursmessig må prioriterast å gjennomføre desse tiltaka framfor å opprette eit forprosjekt med siktemål å innføre ordning med heimebesøk for eldre. Målsettinga i ordninga med heimebesøk for eldre vert ivareteke med frislivssentral, kvardagsrehabilitering og i arbeidet med trygge lokalsamfunn med den skilnad at det er retta mot definerte personar/ grupper i staden for til alle. RÅDMANNEN SI TILRÅDING: Helse- og omsorgsutvalet støttar det arbeidet som vert gjort i kommunen med frisklivssentral, kvardagsrehabilitering og arbeid med trygge lokalsamfunn for å fremje helse, førebygge sjukdom og hindre skadar og ulukker ELDRERÅDET 015/12 VEDTAK: Eldrerådet forstår rådmannen slik at kommunen gjennom arbeidet med t.d. frisklivssentral, kvardagsrehabilitering og trygge lokalsamfunn prøver å ivareta dei problemstillingane som helse- og omsorgsutvalet tar opp i sak 10/12. Eldrerådet har derfor ikkje merknader til tilrådinga. Vedtaket var samrøystes. side 6

7 SAKSPAPIR SAKSGANG Styre, utval, komite m.m. Møtedato Saksnr Eldrerådet /12 Formannskapet /12 Rådet for funksjonshemma /12 Avgjerd av: Kommunestyret Saksbehandlar: Marit Elisabeth Larssen Objekt: Arkiv: 614 G20 Arkivsaknr.: 12/ Nye lokale på Grandane til rehabiliteringstenesta og heimetenesta på Sandane Ingen vedlegg. Bakgrunn for saka: Helse- og omsorgsutvalet gjorde i sak 006/12 følgjande vedtak: «Helse- og omsorgsutvalet ser behovet for å sjå på nye lokale for rehabiliteringstenesta og HT/Sandane, og ber rådmannen avklare aktuelle alternativ for dette. Samstundes ser utvalet at det kan vere fornuftig å sette i gang ein prosess der ein ser på framtidig behov for nye bygningar saman med sanering/rehabilitering av gamal bygningsmasse. I den samanheng må det også vurderast om lokale for rehabiliteringstenesta og HT/Sandane i første omgang skal vere mellombelse.» I saksutgreiinga til sak 006/12 står det mellom anna ølgjande: «Sandane Helse- og Næringsbygg (dvs bygget på Grandane) har ledig areal i tilknytting til det arealet som kommunen leiger i 2 etasje i bygget. Rådmannen er ikkje kjent med kor stort dette arealet er, om det er eigna til føremål og kva pris kommunen ev må betale for å leige det. Eg har likevel tenkt at å leige desse lokala til dei nemnde tenestene vil vere ei gylden mulegheit til å få bevegelse i den kabalen som det vil vere å få tømt gamlebygget. Mulegheita for å få dette til bør derfor bli undersøkt» Saksutgreiing: På bakgrunn av vedtaket og saksutgreiinga har administrasjonen undersøkt om lokala på Grandane kunne vere høvelege for heimetenesta og rehabtenesta. Det aktuelle arealet ligg i forlenging mot aust i 2.etasje og ligg 60 cm høgare enn resten av arealet. For å eliminere høgdeskilnaden vert det laga rampe mellom helsestasjonen og dei nye lokala. Det er utarbeidd teikningar som viser at det innanfor eksisterande areal er plass til dei funksjonane tenestene treng. Då er det medrekna at ein nyttar seg av garderobe, lunsjrom, møterom,kopirom m.m. felles med helsestasjonen, PPT og barnevernstenesta. Inngangen til arealet vert felles med tenestene i 2. høgda i bygget og er universelt utforma. Det kan bli ei trapp på utsida av bygget for å ivareta nok rømmingsvegar. I tillegg til at heime- og rehabtenesta får nye lokale vert det laga kontor til Frislivssentralen i ein del av venterommet i 2.etasje. Lokala er klar til side 7

8 overlevering 1.september i år. Kontrakta er eit tillegg til kontrakta for Sandane Helse- og næringsbygg og varer i 15 år med førerett til å forhandle om forlenging i 10 år. Økonomiske konsekvensar for kommunen: Husleiga for arealet til heimetenesta og rehabtenesta vert kr ,- eks. mva. pr. år. Den årlege leiga må innarbeidast i økonomiplanen. Leiga frå 1. september og ut året vert kr ,- og må dekkast frå disposisjonsfondet. Prisen pr. m2 er kr 1.075,- i denne delen av bygget inkludert carport til dei kommunale bilane. I den innflytta delen er prisen kr 1.245,- pr. m2. Ved samlokaliseringa sparer ein om lag 150 m2 fordi ein nyttar eksisterande garderobe, heis, venterom, kantine m.m. Rådmannen si vurdering: Når det viser seg at arealet tilfredsstiller dei krav til funksjonar som rehabiliteringstenesta og heimetenesta har, ser rådmannen dette som eit godt alternativ for nye lokale av fleire grunnar. 1 Tidsfaktoren. Å kunne kome i nye lokale i løpet av hausten 2012 var meir enn ein kunne håpe på. Lokala i gamlebygget på omsorgssenteret tilfredsstiller ikkje arbeidsmiljøkrav i høve garderobar, toalett, inneklima, oppmøterom og arbeidsrom. 2 Synergieffekt av å samle kommunale tenester. Ein avgjerande grunn til at dette lokalet er det mest aktuelle er at rehabiliteringstenesta, heimetenesta og frisklivssentralen kjem i same bygget som legetenesta, helsestasjonen, PPT og barnevernet. Dette lettar samarbeid og samordning mellom tenestene. Fysioterapitenestene kjem nær helsestasjonen, heimetenesta kjem nær legetenesta og det støttar opp under forventningane i samhandlingsreforma, førebyggings- og folkehelsetenkjing. Samlokaliseringa styrkjer koblingane mellom oppvekst- og helse- og omsorgssektoren. 3 Bygget er nyinnreia og er tilpassa behova brukarane av lokala har. 4 Sentrumsutvikling. Ved at alle desse tenestene vert samla på Grandane medverkar det til meir folk og liv i sentrum og vitalisering av området. Tenestene vert lett tilgjengelege for publikum i moderne lokale. Desse verknadane er avgjerande for at administrasjonen ikkje har undersøkt andre alternative lokale i sentrum. Hadde ikkje lokala på Grandane vore høvelege, ville alternativet vore å planlegge framtidig lokalisering knytt til omsorgssenteret. Å plassere heimetenesta og rehabtenesta i eit eige bygg er uaktuelt fordi ein taper for mange samordningseffektar. No vert gamlebygget tømt og det ligg til rette for å planlegge for funksjonar knytt til omsorgssenteret og nye bustader med bemanning heile døgnet. RÅDMANNEN SI TILRÅDING: Kommunestyret godkjenner at leigeavtalen mellom Gloppen kommune og Sandane Handelseigedom AS vert utvida til å omfatte kontorlokale til Sandane heimeteneste og rehabiliteringstenesta med årleg leigesum kr ,- eks. mva. Den årlege leigesummen kr ,- eks. mva. vert innarbeidd i økonomiplanen og leiga frå 1. september og ut året, kr ,- eks. mva. vert dekka av disposisjonsfondet ELDRERÅDET side 8

9 016/12 VEDTAK: Eldrerådet meiner at kommunen ikkje bør inngå nokon langsiktig leigeavtale om nye lokale til heimetenesta og re/habiliteringstenesta i Sandane sentrum utan at andre alternative løysingar er utgreidde. Det må også utgreiast kva konsekvensar det kan få å flytte heimetenesta og re/habiliteringstenesta vekk frå omsorgssentereet og bustadene m m som tenestene er samlokaliserte med i dag. Eldrerådet viser elles til sitt vedtak til bustadsosial handlingsplan, der rådet m a bad om fortgang i arbeidet med pkt 3 i planen. Vedtaket var samrøystes. side 9