Gloppen kommune. Møteinnkalling. Utval: Kommunestyret Møtestad: Nordfjord folkehøgskule på Vereide Dato: Tid: Kl. 09:00

Transkript

1 Gloppen kommune Møteinnkalling Utval: Kommunestyret Møtestad: Nordfjord folkehøgskule på Vereide Dato: Tid: Kl. 09:00 Den som har lovleg forfall eller er ugild i nokon av sakene, må melde frå så snart råd er til tlf eller til servicetorget@gloppen.kommune.no slik at varamedlem kan bli kalla inn. Varamedlem møter etter nærare innkalling. Etter behandlinga av dei ordinære sakene blir det folkevaldopplæring for kommunestyret resten av arbeidsdagen, men ikkje lenger enn til kl 16:00. Programmet for opplæringa er sett opp som siste 'sak' på møtet. Sakliste Sak nr. Sakstittel 047/17 Godkjenning av møteprotokoll, innkalling og sakliste 048/17 Referat og orienteringssaker 049/17 Oppvekstmelding 2017 for Gloppen 050/17 Vedteksendring kommunale barnehagar 051/17 Oppretting av stillingsheimlar - faste vikarar 052/17 Samarbeid om interkommunal psykologteneste i Nordfjord 053/17 Budsjett avklaringar for arbeidet med klimabudsjett 054/17 Merknader og innspel til Regional transportplan /17 Gloppen kommune søkjer om medlemskap i Sykkelbynettverket 056/17 Interpellasjonar til kommunestyremøtet den 2. oktober /17 Folkevaldopplæring - program for opplæringa 2. oktober 2017 Sandane, 22. september 2017 Leidulf Gloppestad ordførar Jan Kåre Fure rådmann

2 Gloppen kommune Arkiv: FE JournalpostID: 17/11449 Saksbehandlar: Jan Kåre Fure Saksnr. Utval Møtedato 047/17 Kommunestyret Godkjenning av møteprotokoll, innkalling og sakliste Ordføraren si tilråding: 1. Kommunestyret godkjenner møteboka frå sitt møte den 31. august Kommunestyret godkjenner innkallinga og saklista til møtet den 2. oktober Møteprotokollen frå siste møtet blir lagt fram til godkjenning. Samstundes ber ordføraren om godkjenning av innkallinga og saklista til dette møtet.

3 Gloppen kommune Arkiv: FE JournalpostID: 17/12108 Saksbehandlar: Jan Kåre Fure Saksnr. Utval Møtedato 048/17 Kommunestyret Referat og orienteringssaker Rådmannen legg ikkje fram tilråding i saka. Orienteringssaker: - Pasient- og brukarombodet i Sogn og Fjordane orienterer. Ordet fritt...

4 Gloppen kommune Arkiv: FA - A0 JournalpostID: 17/11124 Saksbehandlar: Per Arne Strand Saksnr. Utval Møtedato 031/17 Oppvekstutvalet /17 Kommunestyret Oppvekstmelding 2017 for Gloppen Vedlegg i saka: Oppvekstmelding Rådmannen si tilråding Kommunestyret tek oppvekstmelding 2017 for Gloppen til orientering. Saksutgreiing Bakgrunn for saka Det er fastsett i opplæringslova at skuleeigar pliktar å utarbeide ein årleg rapport om tilstanden i opplæringa i grunnskulen i kommunen. Rapporten skal som minimum innehalde opplysningar om læringsresultat, fråfall og læringsmiljø. Den årlege rapporten skal drøftast av skuleiegar, dvs kommunestyret. Dette er ein del av oppfølgingsansvaret knytt til det generelle systemkravet som er fastsett i opplæingslova. I samband med programmet «Den gode barnehage- og skuleeigar» som Gloppen er med på, er det semje i arbeidsgruppa om å lage ei oppvekstmelding som seier noko om heile oppvekstsektoren. Tidlegare år har det vore utarbeidd ei kvalitetsmelding berre for grunnskulen. Fakta i saka Oppvekstmeldinga ligg ved saka og vert offentleg. Den er eit grunnlag for å sjå korleis tilstaden er i oppvekstsektoren i Gloppen og få ein god debatt kring det. Statistikkane som er nytta i oppvekstmeldinga er henta frå offentlege kjelder som Skoleporten.no, Statistisk sentralbyrå og Ungdata. KS sitt kommunebarometer er og nytta for å vise nokre av dei delscoringane som gjeld oppvekstsektoren. Økonomiske konsekvensar for kommunen Ingen. Rådmannen si vurdering Faren med statistikk er at det gjev eit bilde av nokre faktorar som er lette å måle, men fangar ikkje opp alle nyansar som betyr noko. Ikkje alt som kan teljast er det som teller. Naturleg nok har vi meir og meir tal til høgare opp i alder vi kjem i oppvekstsektoren. Kvalitet er eit ord som vert brukt i mange samanhengar utan at det er så lett å definere kva det konkret betyr i møte mellom folk. I oppvekstsektoren handlar det meste om møte mellom menneske, både på tomannhand og i mindre og større grupper. Målet med ei oppvekstmelding skal vere å utvikle dei tenestene vi skal levere til innbyggarane i

5 Gloppen. Det er ikkje å rangere verken barnehagar, skular, tilsette eller elevar. Vi må bruke dei datane vi har både inn mot dei planane vi lagar og dei tiltaka vi set inn. Kva er det som virkar og kva er det som vi gjer i dag som ikkje har noko effekt på den opplevde kvaliteten barn og foreldre opplever? Vi har i år prøvd å lage ei melding eller tilstandsrapport som femnar heile oppvekstsektoren. I samarbeid med einingane og politikarane må saman finne ut kva vi skal melde om og korleis vi skal gjere det utover det som er lovpålagt. Er det område som skal løftast meir fram enn andre? Vi ser ein trend der vi brukar stadig meir ressursar på styrka tiltak i barnehagen, spesialundervisning i skulen. Talet på saker aukar hjå PPT. Denne utviklinga gjer at vi må sjå etter andre måtar og bruke pengane våre på, slik at flest mogeleg får beste mogeleg hjelp. Vi ser store behov for å koordinere innsatsen vår i kommunen på tvers av dei ulike tenestene, einingane og sektorane. Dette er det sett i gang eit større arbeid på i samband med BTI (Betre tverrfagleg innsats). Vi har gode tenester innanfor oppvekst i Gloppen. Vi har eit system som fungerer og som leverer gode resultat når vi ser stort på det. Helsestasjonen, barnevernet og PPT løyser sitt arbeid på ein god måte og samarbeider med barnehagar- og skular. Vi har ein god barnehage med kvalifisert personell, funksjonelle barnehagar og godt samarbeid med heimane. Vi har ein låg terksel på å ta opp saker vi undrar oss over gjennom TTI. Skulane leverer gode resultat ut av skulen og jamt over gode resultat langs med målt opp mot nasjonale krav. Dei ungdoman vi sender frå oss til vidaregåande skule greier seg godt og gjennomfører i stor grad. Vi kan likevel ikkje stikke under ein stol at det er rom for å bli betre. Vi ser skilnad på skulane våre, vi ser utfordringar i å tiltrekke oss rett og tilstrekkeløeg kompetanse når vi rekruterar. Vi har rom for å score betre på nasjonale prøver, læringsmiljø og skulebidragsindikatorar. Vi må sjå på korleis vi brukar midlane vi har til spesialundervisning og om vi kan gjere noko for å stoppe veksten i spesialpedagogikk. Vi som elles ser forskjell på gutar og jenter sine resultat og bør sjå om det er noko vi kan gjere for å treffe gutane betre. Det er oppvekstsjefen sitt håp om at oppvekstmeldinga vil bidra til kunnskap, refleksjon, analyse og god debatt. Det viktigaste med all kartlegging er det som blir gjort i etterkant, med å nytte all informasjon som kjem fram til beste for det einskilde barn. Det er og eit grunnlag for skuleeigar til å sjå på ressursdisponering, satsingsområde, kompetanseheving og rekrutering. Oppvekstutvalet Behandling Oppvekstsjefen lagar ein presentasjon av meldinga til kommunestyret og inviterar med einingsleiarane i sektoren. OPP- 031/17 Vedtak Oppvekstutvalet er samd i tilrådinga. Vedtaket var samrøystes.

6 Gloppen kommune Arkiv: JournalpostID: 17/11220 Saksbehandlar: Per Arne Strand Saksnr. Utval Møtedato 029/17 Oppvekstutvalet /17 Kommunestyret Vedteksendring kommunale barnehagar Vedlegg i saka: Vedtekter for kommunale barnehagar Rådmannen si tilråding Kommunestyret godkjenner forslag til endringar i vedtektene for dei kommunale barnehagane slik dei ligg føre. Saksutgreiing Bakgrunn for saka Endring i lovverk gjer det naudsynt med nokre justeringar i vedtektene for dei kommunale barnehagane. Dette er ikkje noko større gjennomgang av av vedtektene anna enn justering for endringar som har kome siste året. Fakta i saka Forlag til endra vedtekter ligg ved saka. Endringane som er foreslått er: 3-2 Søknad, 3 avsnitt: Alle barn som søkjer innan fristen for hovudopptak, og som fyller eitt år innan utgangen av august, har rett til barnehageplass etter 12 a i barnehagelova. Vert endra til: Alle barn som søkjer innan fristen for hovudopptak, og som fyller eitt år innan utgangen av august, har rett til barnehageplass etter 12 a i barnehagelova. Barn som fyller eitt år i september, oktober eller november det året det vert søkt om barnehageplass, har etter søknad rett til å få plass i barnehage innan utgangen av den månaden barnet fyller eitt år i samsvar med barnehagelova med forskrifter. Kommentar: Dette er lovendring frå 21.juni Spørsmålet vert korleis vi skal forhalde oss til dette, det får vi kome tilbake til i samband med barnehageopptak. 3-5 Betaling, 2 avsnitt: Barn som får spesialpedagogisk hjelp i barnehage etter reglane i opplæringslova får betalingsfri dei timane dei får slik hjelp. Barnehagetilbod utover dette skal det betalast høvesvis for, utrekna etter vanlege satsar (skal slettast, endra etter at retten til spesialpedagogisk hjelp vart flytta frå

7 opplæringslova til barnehage loven). Vert endra til: Avsnittet vert sletta. Kommentar: Avsnittet vert sletta som følgje av at retten til spesialpedgogisk hjelp er flytta frå opplæringslova til barnehagelova. Departementet vurderar det slik at gratisprinsippet vert oppfylt ved at foreldrene ikkje kan påleggast utgifter knytt til spesialpedagogisk hjelp eller teiknspråkopplæring. 3-5 Betaling, nytt avsnitt: Det er høve å søkje om redusert foreldrebetaling og gratis kjernetid. Reglane om redusert foreldrebetaling og gratis kjernetid, følgjer dei najsonale reglane og beløpsgrensene som til ei kvar tid er vedteke av Stortinget (nytt, for å understreke at reglane finnst). Kommentar: Nytt avsnitt for understreke at reglane finns. Det er mange som kjem under regelverket og difor meiner oppvekstsjefen at det er viktig at det står under vedtektene og paragrafen om betaling. Økonomiske konsekvensar for kommunen Endringa som følgje av 3-2 Søknad vil føre til økonomiske konsekvensar for kommunen. Det betyr at fleire barn får rett til barnehageplass innan dei fyller eit år. Barnehageåret i Gloppen byrjar til vanleg 15. august, med eit suppleringsopptak i oktober og start i frå januar. Skal kommunen tilfredstille kravet om full barnehagedekning, må vi ta omsyn til det i opptaka våre, sjølv om barnet ikkje skal byrje før i f.eks november. Det betyr ein periode med ledig kapasitet som det er vanskeleg å bemanne i forhold til. Dei konkrete konsekvensane må vi kome tilbake til i dei årlege budsjetta. Regelendringa om at timar ein har rett til spesialpedagogisk hjelp, skal vere vere betalingsfrie, fell vekk, vil ha minimale konsekvensar. I den grad dei har økonomisk konsekvens så er det positivt for kommunekassa. Rådmannen si vurdering Endringane som er foreslått er endringar i lov, og difor lite vi kan gjere for å påvverke no. Det vil vere rett å ta dei inn i vedtektene og fjerne rettar som er fjerna i loven slik at det er samsvar. Dei økonomiske konsekvensane må vi ta oppp i dei årlege budsjetta, slik at vi har det tal barnehageplassar som vi bør ha for å ha full barnehage dekning. Oppvekstutvalet Behandling OPP- 029/17 Vedtak Oppvekstutvalet er samd i tilrådinga. Vedtaket var samrøystes.

8 Gloppen kommune Arkiv: JournalpostID: 17/10725 Saksbehandlar: Rita Arlen Lilletvedt Saksnr. Utval Møtedato 030/17 Helse- og omsorgsutvalet /17 Oppvekstutvalet /17 Formannskapet /17 Kommunestyret Oppretting av stillingsheimlar - faste vikarar Rådmannen si tilråding Kommunestyret godkjenner ramma for antal faste vikarstillingar slik det framgår av saksutgreiinga over. Saksutgreiing Bakgrunn for saka Som ei prøveordning vart det innan helse og omsorg i 2015 vedteke å starte eit prosjekt med tilsetting av faste sjukepleievikarar i heimetenestene Sandane, Breim og Hyen. Bakgrunn for prosjektet var å sikre stabilitet, kontinuitet og fagleg kompetanse i einingane. Det var også eit viktig tiltak for å lette arbeidspress, redusere sjukefråvær og gjere det enklare for dei tilsette å stå lengre i stillingane sine. Stillingane vart finansiert ved omdisponering av vikarbudsjettet. Tilbakemeldingane frå prosjektet i helse og omsorg har vore udelt positive. Leiarane har fått ein betre kvardag, det har vorte mindre belastning på andre faste tilsette, og det har i større grad sikra tilstrekkeleg fagleg kompetanse. Leiarane har kunne tilsette i faste stillingar i staden for vikariat. Prosjektet har ikkje medført auka kostnader totalt sett for kommunen. Kommunestyret godkjende i møte den 6. mars i år at vi også etablerer ei ordning med faste vikarar innanfor faggruppene helsefagarbeidarar, barne- og ungdomsarbeidarar, lærarar og barnehagelærarar, samt sjukepleiarar i øvrige einingar som ikkje var med i prøveordninga. Kommunestyret ba om få tilbake ei sak om sjølve opprettinga av stillingane. --- Sektorleiarane har vurdert behovet, og har bedt om godkjenning av følgjande ramme for faste vikarstillingar: Sjukepleiarar: Inntil 6 stillingar, herav 3,8 stillingar tidlegare godkjent Helsefagarbeidarar: Inntil 5 stillingar Lærarar: Inntil 4 stillingar Barnehagelærarar: Inntil 2,5 stillingar

9 Barne- og ungdomsarbeidarar: Inntil 1 stilling Ein del av ramma (så langt råd er) vil bli brukt til å auke opp stillingar til deltidstilsette, gjennom avtale om frie timar til bruk ifm vikarbehov. Dette vil bidra til å skape meir heiltid i kommunen. Resten av ramma vil bli dekka opp gjennom nytilsetting, hovudsakleg i 100% stillingar. Økonomiske konsekvensar for kommunen Faste vikarstillingar vil bli finansiert gjennom omdisponering av vikarbudsjetta, slik at det totalt sett ikkje skal medføre ekstra kostnader for kommunen. Rådmannen si vurdering Ved å tilsette faste vikarar innanfor ramma som nemnt over vil kommunen i større grad sikre stabilitet, kontinuitet og tilsetting av rett fagleg kompetanse, utan at det vil medføre ekstra kostnadar for kommunen. Nivået på ramma innanfor dei ulike yrkesgruppene verkar fornuftig, og er ikkje høgare enn at det skal vere muleg å få til ei god koordinering og bruk av denne ressursen. Helse- og omsorgsutvalet Behandling Saka vart drøfta i sammøte med oppvekstutvalet. HOU- 030/17 Vedtak Helse- og omsorgsutvalet er samd i tilrådinga. Vedtaket var samrøystes. Oppvekstutvalet Behandling Saka vart drøfta i sammøte med helse- og omsorgsutvalet. OPP- 026/17 Vedtak Oppvekstutvalet er samd i tilrådinga. Vedtaket var samrøystes. Formannskapet Behandling FOR- 088/17 Vedtak Rådmannen si tilråding vart samrøystes innstilt.

10 Gloppen kommune Arkiv: FE - 233, HIST - 11/816 JournalpostID: 17/10822 Saksbehandlar: Anita Lothe Saksnr. Utval Møtedato 027/17 Oppvekstutvalet /17 Helse- og omsorgsutvalet /17 Formannskapet /17 Kommunestyret Samarbeid om interkommunal psykologteneste i Nordfjord Vedlegg i saka: Rapport frå prosjektet om felles psykologteneste i Nordfjord Kort samandrag av saka Kommunane i Nordfjord med unntak av Hornindal har gått saman i eit prosjekt for å utgreie ein modell for interkommunal psykologteneste i Nordfjord. Bakgrunnen er krav om kommunepsykolog fra Det ligg no føre eit forslag til organisering, innhald og økonomiske konsekvensar av ei interkommunal teneste. Rådmannen tilrår at Gloppen kommune sluttar seg til dette samarbeidet. Rådmannen si tilråding Kommunestyret i Gloppen vedtek fylgjande: 1. Gloppen kommune sluttar seg til samarbeidet om felles kommunale psykologtenester i Nordfjord under føresetnad av at tenesta vert organisert etter prinsippa som er foreslått i prosjektrapporten 2. Årleg stillingskostnad, stipulert til kr ,- for Gloppen kommune, vert lagt inn i økonomiplan - og budsjettet for Eid kommune vert vertskommune for ordninga med felles psykologteneste, og det vert utarbeidd ein vertskommuneavtale. Rådmannen får fullmakt til å signere avtalen for Gloppen sitt vedkomande. Saksutgreiing Bakgrunn for saka Frå 2020 vert det heimla i lov å ha kommunepsykolog. Kommunane kan få tilskot i innfasingsperioden etter søknad. Kommunane Stryn, Eid og Gloppen har hatt psykologar tilsett, og har erfaring med at det er vanskeleg å rekruttere og behalde psykologar. Kommunalsjefane i helse og omsorg og rådmennene drøfta saka Eid kommune fekk mandat til å engasjere prosjektleiar til eit fellesprosjekt frå til for å utgreie ei interkommunal psykologteneste, med atterhald om at tilskotsmidlar som Eid og Gloppen hadde fått til psykologstillingar i 2016, kunne nyttast til å finansiere prosjektet. Fylkesmannen gav si godkjenning til dette. Alle Nordfjordkommunane, med unnatak av Hornindal, har vore med i prosjektet. Prosjektrapporten ligg ved i saka. Fakta i saka

11 Målet med prosjektet har vore å utgreie ein modell for samarbeid om kommunale psykologtenester i Nordfjord. Prosjektet har vore forankra i den administrative leiinga i kommunen og er i tråd med dei statlege intensjonane med ordninga. Det er eit mål at samarbeidskommunane har ei kommunal psykologteneste, som gjennom samarbeid med alle sektorar, bidreg til auka kompetanse, førebygging og gode føresetnader når det gjeld psykisk helse. Hovudmålgruppa i kommunane er barn og unge. Prosjektgruppa har vore leia av kommunepsykolog, tilsett i Eid kommune og var tverrfagleg samansett frå dei deltakande kommunane. Behovet i dei ulike kommunane har vore kartlagt. Dette er beskrive i prosjektrapporten. Kvar kommune har nokre spesielle utfordringar, men innspela er også samanfallande på mange område. Elles har prosjektleiar samla teori og rapportar som kjelder og grunnlag for vurderinga til prosjektgruppa og konklusjonen når det gjeld prosjektgruppa si tilråding og val av modell. Tilrådingar og framlegg til modell frå prosjektgruppa: Kommunepsykologane i Nordfjord skal rette sin innsats mot barn og unge i aldersgruppa 0-18 år. I dette inngår også arbeid med foreldre Flyktningar er ei viktig målgruppe i arbeidet Kommunepsykologane skal i første omgang ikkje arbeide individualterapeutisk, men kan på forespurnad delta i samtalar saman med andre fagpersonar. Saka skal då forankrast i andre tenester (t.d. helsestasjon, skule eller barnehage), og føremålet med deltakinga kan vere å vurdere alvorsgrad (t.d. om tilvising til BUP er føremålstenleg), få betre grunnlag for vidare rettleiing i saka, samt direkte rettleiing til barn/ foreldre i direkte møte/samtalar. Når det er tilsett psykologar i tre årsverk, vil ein vurdere ein større del direkte, terapeutisk abeid Kommunepsykolog si hovudoppgåve skal vere rettleiing, undervisning og informasjonsarbeid både til andre yrkesgrupper, men også til befolkninga elles (elevar, foreldre, etc) Kommunepsykologen bør ha fast telefontid der saker kan drøftast Kommunepsykologen bør arbeide for høg deltaking ute i dei aktuelle kommunane Kommunepsykologen kan delta på relevante møte/team i kommunane. Når det interkommunale samarbeidet startar, må det setjast opp eit oversyn over møte som psykologen skal delta på Kommunepsykologen bør delta i relevant kommunalt planarbeid Plassering av stillingane i kommunen må sikre at psykologen kan involverast i kommunen sitt førebyggjande arbeid, og at muligheitene til å arbeide tenesteovergripande vert optimalisert Tenesta bør organiserast med ein vertskommune der psykologane er tilsett og har sin base, for å kunne sikre eit fagleg fellesskap. Utprøving av ovannemnde modell i 2017: Styringsgruppa ynskte å prøve ut modellen i Eid kommune søkte difor om tilskot til ei 50 % engasjemenstilling i fem månader i Dette tiltaket er ikkje inkludert i prosjektet, men styringsgruppa valde å ta med dette i same saka. Kommunane har fått kr ,- i statleg tilskot til denne utprøvinga. Dessverre lukkast ein ikkje med å rekruttere psykolog til denne stillinga. Vurdering: Det heilt sentrale i målet med prosjektet og ordninga med interkommunal psykolog er at tenesta vil kunne bidra til auka kompetanse, førebygging og gode føresetnader når det gjeld psykisk helse for barn og unge. Erfaring med kommunepsykologar i kvar kommune er vanskar med rekruttering, og at det har vore vanskeleg å vere åleine om systemarbeid, oppbygging av tenesta og å «finne sin plass» i organisasjonen. Nokre psykologar har arbeidd mykje individretta. Prosjektgruppa har drøfta denne problemstillinga inngåande, og kome til at det er betre for målgruppa barn/foreldre og ungdom å byggje opp tenlege, tverrfaglege system som arbeider

12 utadretta og i team, og at psykologen si rettleiarrolle skal vere heilt sentral i dette arbeidet. Det er viktig med tidleg innsats, og at alle som arbeider med barn og unge i ein kommune må samarbeide om både førebygging, tidleg innsats og behandling når det har oppstått problem. Psykologane har ei viktig rolle i både rettleiings- og systemarbeid. Arbeidet som i det daglege vert gjort for barn og unge, både av foreldre, lærarar og helsesøstre, må verdsetjast og styrkast gjennom psykologane sin kompetanse og rettleiing. Individualbehandling er også viktig, og kommunepsykologane må samarbeide tett med både fastlegar, tilsette i psykisk helse, PPT, BUP, barnevernet og flyktningtenesta for å kunne vurdere kva som er det rette behandlingsnivået og behandlingsmåten for barnet eller ungdomen. Dessutan kan BUP og kommunepsykologane spele på kvarandre sin kompetanse og sine fagroller til beste for barn og unge. BUP har fortsatt eit ansvar for behandling sjølv om det er glidande overgangar. Modellen som er skissert av prosjektgruppa er i tråd med statlege føringar. Styringsgruppa har drøfta lokalisering av kommunepsykologane, og kva som må til for at dei skal kunne ha eit stimulerande og utviklande arbeidsmiljø. Det er forslag om at Eid kommune vert vertskommune for ordninga med felles psykolog, og det vert utarbeidd ein vertskommuneavtale. Kommunalsjefnettverket for barnehage og skule vert styringsgruppe for tenesta. Gloppen kommune vil ha faste dagar der psykologen er tilstades i kommunen. Det vil vere ei fast eining i kommunen som har ansvar for å planleggebruk av denne tida i samarbeid med psykologen. Det vurdert at samla behov vil vere tre årsverk for å dekke behovet i dei deltakande kommunane. Dersom det vert politisk semje om ei interkommunal ordning med tre psykologar, vil rekrutteringsarbeidet starte og stillingane bli utlyste hausten Økonomiske konsekvensar for kommunen Det er å forvente at kommunane får auke i ramma frå 2020 når det vert eit krav om kommunepsykolog. Fram til 2020 får kommunane kr i tilskot per årsverk. Tabell 1 under viser fordelte kostnader til tre årsverk psykologstillingar frå : Dette betyr at Gloppen kommune vil få ein årleg kostnad på ca kr frå og må innarbeidast i økonomiplanen. Rådmannen si vurdering Rådmannen rår til at Gloppen kommune sluttar seg til samarbeidet om felles kommunale psykologtenester i Nordfjord. Frå 2020 vert det heimla i lov å ha kommunepsykolog. Vi har erfaring med at det er vanskeleg å rekruttere og beholde kommunepsykolog i eigen kommune. Samarbeidet kan sikre stabilitet og lette rekrutteringssituasjonen. Rådmannen trur at dette vil vere ei organisering som gjev psykologane gode fagmiljø og spennande utfordringar. Kommunen vil få stetta sine behov

13 for denne kompetansen både i individretta arbeid og systemarbeid i kommunen ved eit slikt samarbeid, under føresetnad av at tenesta vert organisert etter prinsippa som er foreslått i prosjektrapporten. I ei tverrfagleg samansett gruppe i Gloppen vart organisering av tenesta diskutert. Det er ein føresetnad for samarbeidet at kommunepsykologen har faste kontordagar i kommunen. Det vart forslag om å knyte desse dagane og organisering av dei til helsestasjonen. Dette vil ein sikre gjennom avtale. --- Rådmannen er kjend med at det etter at prosjektrapporten vart ferdigstilt er kome eit innspel frå Helse Førde om eit nærare samarbeid om psykologtenester til barn og unge. Dersom dette får konsekvensar for organisering av tenesta, vil rådmannen kome tilbake med ei ny sak. Oppvekstutvalet Behandling Saka vart drøfta i sammøte med helse- og omsorgsutvalet. Framlegg frå Svein Ottar Sandal (Krf): Tillegg til pkt. 1 i rådmannen si tilråding: Samtidig skal det allereie frå oppstart vere ei tilnærma tredeling mellom direkte klientarbeid, arbeid på systemnivå og rettleiing. Framlegget vart samrøystes vedteke. OPP- 027/17 Vedtak Oppvekstutvalet er samd i tilråding, med slikt tillegg til pkt 1: Samtidig skal det allereie frå oppstart vere ei tilnærma tredeling mellom direkte klientarbeid, arbeid på systemnivå og rettleiing. Vedtaket var samrøystes. Helse- og omsorgsutvalet Behandling Saka vart drøfta i sammøte med oppvekstutvalet. Framlegg frå Per Ståle Husevåg (Krf): Tillegg til pkt 1 i rådmannen si tilråding: Samtidig skal det allereie frå oppstart vere ei tilnærma tredeling mellom direkte klientarbeid, arbeid på systemnivå og rettleiing. Framlegget vart samrøystes vedteke. HOU- 031/17 Vedtak Helse- og omsorgsutvalet er samd i tilråding, med slik tillegg til pkt 1:

14 Samtidig skal det allereie frå oppstart vere ei tilnærma tredeling mellom direkte klientarbeid, arbeid på systemnivå og rettleiing. Vedtaket var samrøystes. Formannskapet Behandling FOR- 089/17 Vedtak Rådmannen si tilråding, med presiseringa frå oppvektsutvalet og helse- og omsorgsutvalet vart samrøystes innstilt.

15 Gloppen kommune Arkiv: FE - 026, HIST - 16/1390 JournalpostID: 17/9597 Saksbehandlar: Geir Liavåg Strand Saksnr. Utval Møtedato 090/17 Formannskapet /17 Kommunestyret Budsjett avklaringar for arbeidet med klimabudsjett Rådmannen si tilråding 1. Kommunestyret godkjenner at arbeidet med eit klimabudsjett for Gloppen kommune blir utsett 2. Kommunestyret vil i budsjettet for 2018 og i økonomiplanen for prøve å setje av dei ressursane som trengt for å utarbeide eit kommunalt klimabudsjett. Saksutgreiing Bakgrunn for saka Kommunestyret vedtok i sak 98/16 at det skal utarbeidast eige klimabudsjett for Gloppen kommune i løpet av 2017 og at dette klimabudsjettet skal vere med som ein integrert del av budsjettet for I arbeidet med budsjett og handlingsplan skal det kome fram konkrete tiltak om mål for kor store reduksjonar kommunen skal nå for å bidra til innfriing av Paris-avtalen. Ansvaret for gjennomføring av tiltaka skal plasserast og skal følgjast opp som ein del av den ordinære budsjett- og verksemdsstyringa. Rådmannen er beden om å involvere skular, landbruk og næringsliv i arbeidet med å konkretisere mål og verkemedel i klimabudsjettet. Rådmannen har starta opp fleire tiltak med sikte på å innfri kommunestyret sitt vedtak, men ønskjer avklaringar for det vidare arbeidet med klimabudsjett for kommunen. Fakta i saka Tiltaka som er sett i verk er at kommunen er med i prosjekta «grønt skifte» og «grøn skule», og at vi har innleia eit samarbed med Vestlandsforsking om utarbeiding av klimabudsjett. Prosjektet «grønt skifte» er eit samarbeid mellom det regionale nivået (Fylkemann, fylkeskommune, Statens vegvesen, NVE og Vestlandsforsking) og nokre pilotkommunar (Eid, Flora, Gloppen, Hyllestad, SIS-kommunane, Stryn og Årdal). Målet med prosjektet er at det regionale nivået skal bli flinkare å rettleie kommunane i deira arbeid med grønt skifte. Hyllestad og Gloppen har valt samfunndelen av kommuneplanen som sine case i prosjektet. Prosjektet kan også gje oss nyttige innspel til arbeidet med revidering av overordna ROS. Tema som er diskutert i prosjektet og som er viktige for kommunen er flom, ras, skogpleie og auke i havnivå. Prosjektet «grøn skule» er eit samarbeid mellom Firda vidaregåande skule og kommunen der hovudmålet er haldningsskaping og motivasjon i barnehagane og skulane i Gloppen. Rådmannen har kontakta professor Carlo Aall i Vestlandsforsking for råd og tips når det gjeld

16 utarbeiding av klimabudsjett for kommunen. Han opplyser at det ikkje er andre kommunar i landet som har gjort vedtak om utarbeiding av klimabudsjett og at det ikkje er utvikla metodar eller måleindikatorar for eit slikt kommunalt klimabudsjett. Nokre kommune, som til dømes Oslo, har utarbeidd klimarekneskap som kan vere eit av elementa som skal inn i eit kommunalt klimabudsjett. Skal kommunen ta omsyn til dei viktigaste (største) klimautsleppa, dei som monnar for å innfri Parisavtalen, så finst det i dag ikkje anerkjende metodar å gjere dette på. Vestlandsforsking er gjerne med og utviklar måleindikatorar for Gloppen kommune til bruk i arbeidet med å utarbeide eit klimabudsjett for kommunen. Dette er eit omfattande nybrotsarbeid som det vil ta år å utvikle. Med Gloppen kommune som samarbeidpart ønskjer Vestlandsforsking å søke nasjonale og internasjonale midlar til eit prosjekt for å utarbeide desse indikatorane. I første omgang har Vestlandsforsking tilbydd seg å leie eit forprosjekt for å konkretisere innhaldet i eit kommunalt klimabudsjett. Dei ber om at politikarane og administrasjonen i kommunen vert trekt med i arbeidet. Vestlandsforsking ønskjer kr i tilskot for å fullføre dette forprosjektet. Økonomiske konsekvensar for kommunen Ein avtale med Vestlandsforsking om eit forprosjekt vil koste oss kr i Rådmannen anslår dei årlege kostnadane for kommunen ved å vere med å utvikle metoden til kr, men vil kome tilbake til kommunestyret med dei endelege tala når forprosjektet er gjennomført. Desse midlane må løyvast i årsbudsjetta for 2018 og Rådmannen si vurdering Prosjekta «grønt skifte» og «grøn skule» er prosjekt som tar for seg problemstillingar når det gjeld klimaendringar. Prosjekta vil etter rådmannen sine vurderingar likevel ikkje hjelpe oss i å lage eit klimabudsjett for kommunen slik kommunestyret har vedteke. Vi er så heldige her i fylket at vi har eit internasjonalt anerkjent fagmiljø som kan hjelpe oss å kome heilt i front nasjonalt og internasjonalt når det gjeld grunnlaget og metode for eit kommunalt klimabudsjett. Gloppen vert då den første kommunen i landet som utviklar eit klimabudsjett og vi oppfyller dermed delvis vedtaket i kommunestyret. Utviklinga av gode verktøy og metodar tar tid og kostar pengar. Rådmannen vurderer det slik at vi neppe har resultat i form av eit klimabudsjett for Gloppen kommune før tidlegast i budsjettet for Rådmannen kjem tilbake med ei sak til kommunestyret om dette etter at forprosjektet er ferdig. Forprosjektet vil også konkludere med kor mykje midlar og kor mange nye stillingsressursar som må tilførast administrasjonen for å kunne utvikle og følgje opp det kommunale klimabudsjettet. Rådmannen meiner at det er viktig for kommunen å følgje opp innfriinga av Paris-avtalen og inntil arbeidet med å utarbeide eit klimabudsjett er ferdig skal kommunen vidareføre satsing på ENØK og miljøvenlege løysingar. Det må vidare setjast av midlar til utvikling av metode for utarbeiding av eit klimabudsjett, og på eit seinare tidspunkt også utarbeiding og oppfølging av dette klimabudsjettet. Rådmannen treng ei halv stilling og kr, tilsaman 1 mill kr, årleg i budsjetta for 2018 og 2019 til dette arbeidet. Vert dei økonomiske rammene for kommunen desse to åra om lag som i dag, må midlane finnast ved nedskjeringar i annan kommunal drift. Rådmannen vurderer det som fagleg interessant å vere med å utarbeide det første kommunale klimabudsjettet i Noreg, men så lenge vi er først ute må vi gjere ein god del nybrotsarbeid. Rådmannen sin konklusjon blir at kommunestyret sitt vedtak om utarbeiding av eit klimabudsjett ikkje kan gjennomførast innafor rammene av vedteke budsjett. Som det går fram av saka, vil kostandene med å gjennomføre vedtaket bli vesentlege. Rådmannen vil i første omgang prøve å legge inn midlar til tiltaket i 2018-budsjettet og så følgje opp dette i økonomiplanen for slik dette er omtala i saka. Rådmannen ber derfor kommunestyret om å utsette gjennomføringa av å utarbeide eit klimabudsjett for Gloppen kommune.

17 Formannskapet Behandling Framlegg frå Audun Mundal (Krf): Pkt 2 skal lyde: Kommunestyret ber rådmannen ta kontakt med KS, Vestlandsforskning og aktuelle departement for å etablere eit prosjekt for klimabudsjettering som kan kome alle kommunar til nytte. Gloppen kommune kan delta i prosjektet som prøvekommune. Det vart røysta slik: 1. Pkt 1 i rådmannen si tilråding, som vart samrøystes vedteken 2. Alternativt mellom - pkt 2 i rådmannen si tilråding som fekk ingen røyster og - framlegget frå Audun Mundal, som vart samrøystes vedteke. FOR- 090/17 Vedtak Formannskapet si innstilling til kommunestyret: 1. Kommunestyret godkjenner at arbeidet med eit klimabudsjett for Gloppen kommune blir utsett 2. Kommunestyret ber rådmannen ta kontakt med KS, Vestlandsforskning og aktuelle departement for å etablere eit prosjekt for klimabudsjettering som kan kome alle kommunar til nytte. Gloppen kommune kan delta i prosjektet som prøvekommune. Innstillinga var samrøystes.

18 Gloppen kommune Arkiv: FE - 113, HIST - 12/391 JournalpostID: 17/11723 Saksbehandlar: Birte Fossheim Saksnr. Utval Møtedato 092/17 Formannskapet /17 Kommunestyret Merknader og innspel til Regional transportplan Rådmannen si tilråding Formannskapet gjer oppsummert slik tilbakemelding på RTP: 1. Kommunen ser med glede på at innfartsvegane til Sandane sentrum Fv 615 og Fv 700 er inne på prioriteringslista i RTP. Begge vegane er viktige for å auke talet på gåande og syklande, og gjere skuleveg for barne- og ungdomsskule og vidaregåande i Sandane sentrum trygg. Kommunen sin prioriteringsrekkefølgje er: a. Fv 615 1,5 km gang- og sykkelveg Sandane-Storebrua b. Fv 700 1,1 km gang- og sykkelveg Øyrane-Sandane. Vi stiller spørsmål om Fv 615 burde vore løfta endå høgare opp på prioriteringslista i RTP. I Gå- og sykkelstrategien er desse to prosjekta rangert som nr 2 blant dei fem viktigast strekningane i Sogn og Fjordane. 2. Langs Fv 60 frå Byrkjelo sentrum er 500 m gang- og sykkelveg omtalt i Gå- og sykkelstrategien utan at den er inne på ei prioritert liste i RTP. Denne strekninga på 500 m er viktig for å knyte bustadområde mot Byrkjelo sentrum og skulen som ligg i sentrum. Lokalt ser vi denne sterkninga som viktig og med høg prioritet. 3. Kommunen ser positivt på at RTP under posten gang- og sykkelvegar vil setje av årlege midlar til enkle fysiske tiltak i dei største sentrumsområda. Kommunen ønskjer å inngå ei formell samarbeidsavtale med fylkeskommunen/statens vegvesen for å kartlegge og betre situasjonen for gåande og syklande, slik Gå- og sykkelstrategien omtalar. 4. Kommunen ønskjer å løfte fram tre mindre prosjekt som er inne på RTP si prioritering over «store prosjekt» på Fv 615 frå Sandane til Storebru i Hyen: c. Rassikring Hopsstranda inn på prioriternigslista i RTP over skredsikring d. Flaskehalsane ved Hopskleiva og Høgemuren inn på prioriteringslista i RTP over mindre utbetringar. Saksutgreiing Bakgrunn for saka Fylkesutvalet i Sogn og Fjordane fylkeskommune har sendt Regional transportplan (RTP) ut til offentleg høyring, og ber kommunane om innspel og merknader til følgjande planar: 1. Høyringsutkast til Regionalt transportplan Rapport om framtidig trasé for Kystvegen ber om innspel på strekninga frå Dalsfjorden og

19 nordover til grensa mellom Sogn og Fjordane og Møre og Romsdal. 3. Gå - og sykkelstrategi for Sogn og Fjordane. Fakta i saka RTP er ein strategisk plan for utvikling av transportområdet i Sogn og Fjordane, og legg grunnlag for fylkeskommunen sine prioriteringar og investeringar på fylkesvegnettet i åra framover. Kommunestyret behandla Gloppen kommune sin plan for veg- og trafiktrygging i møte 6. mars Prioriteringane og vedtaket som blei gjort her, vert lagt til grunn for kommunen si uttale til RTP : 1. Fv gang- og sykkelveg Sandane-Storebrua 2. E39 - trafikktryggingstiltak i Reed sentrum 3. Fv gang- og sykkelveg Øyrane-Sandane 4. Rassikring i Hopsstranda, samt opprusting av Hopskleiva og Høgemuren I RTP som no er lagt på høyring er punkt 1 og 3 inne på prioriteringane. Økonomiske konsekvensar for kommunen Ingen. Rådmannen si vurdering Fylkeskommunen og vegvesenet oppfordrar kommunane om å kome med merkander til høyringsframlegga, og innspel på konkrete og prioriterte tiltak. Gloppen kommune gjennomførte eit parallelloppdrag for kommunesenteret Sandane i Dei faglege anbefalingane i parallelloppdraget vert lagt til grunn for vidare utvikling av tettstaden. Sentrum skal utviklast på gåande og syklane sine premisser. Vidare er det lagt vekt på klima- og miljøtilpassingar. Gloppen sine målsettingar for kommunesenteret er slik sett heilt i tråd med nasjonale rammer og føringar som RTP byggjer på. For at vi skal lukkast med å få fleire til å gå og sykle til kommunesenteret er gang- og sykkelveg heilt avgjerande. Det er svært gledeleg å sjå at innfartsvegane til Sandane sentrum er inne på prioriteringslista på gang- og sykkelvegar i RTP. Vi stiller spørsmål om gang- og sykkelveg langs Fv 615 skulle vore løfta endå høgare opp. Fv 615 frå Storebrua til Sandane sentrum knyter store bustadområde i Åsen, Søreide, Fitje og Elvaneset saman med sentrum. Strekninga er på 1,5 km, har ein fartsgrense på 50 km/t og ÅDT på 1800 (målingar gjort av Vegvesenet i 2014). Barneskulen på Sandane har 270 elevar. Nærare 50 av elevane må ha skuleskyss pga trafikkfarleg skuleveg langs Fv 615, sjølv om dei bur under 4 km frå skulen. Framtidige planar legg opp til bustadbygging frå sentrum til Elvaneset, og privat utbyggjar planlegg nærare 80 nye bueiningar på Søreide. Dette vil gje eit endå større press på Fv 615 og for behovet for ein gang- og sykkelveg. Utover talet på born som får dekka skyss til barneskulen, har vi i tillegg mange elevar som skal til Sandane ungdomsskule og Firda vgs, som ikkje har rett på skuleskyss. Den koraste vegen for dei å gå eller sykle er langs Fv 615. Det kommunale vegnettet i Åsen vert ein omveg. Kommunen har eit farleg kryss ned på Fv 615 ved Sundebakken. No i oktober 2017 opnar ein ny kommunal veg som kjem ned på Fv 615 i Selvågane. Dette gjere at to kryss (ved Sundebakken og Vonheim) inn på Fv 615 vert erstatta med eitt, og trafikkmengda på Fv 615 frå Storebrua til sentrum aukar ytterlegare. Vi har gjort avtale med Vegvesenet om nye trafikkmålingar, men ÅDT på strekninga vil truleg auke til nærar (Vi har målingar frå 2015 som viser ÅDT-tal på 3100 i Sandane sentrum). Elles jobbar kommunen systematisk, og har eit høgt fokus på gang- og sykkelvegar i våre kommunale

20 planar for å legge forholda til rette for at fleire born som bur under 4 km frå skulen skal ha ein trygg skuleveg og kunne gå og sykle. Dette vil også byggje opp om ei auka satsing innan klima og miljø, der fleire innbyggjarar opplever det som attraktivt å gå og sykle til sitt næraste sentrum. Kommunen har prioritert gang- og sykkelvegar langs fylkesvegnettet i følgjande rekkefølgje: 1. Fv 615 1,5 km gang- og sykkelveg Sandane-Storebrua 2. Fv 700 1,1 km gang- og sykkelveg Sandane - Øyrane 3. Fv 60 0,5 km gang og sykkelveg frå Byrkjelo sentrum. Fv 615 og Fv 700 er inne på prioriteringslista i RTP, medan Fv 60 er lista opp under tiltak utan ei prioriteringsrekkefølgje i Gå- og sykkelstrategien. Gang- og sykkelveg langs E39 frå Bykjelo til Breim er også ein svært viktig strekning for kommunen, men er ikkje ein del av RTP sine investeringar. Gå- og sykkelstrategien Vi vil gje Sogn og Fjordane fylkeskommune positiv tilbakemelding for ein svært god og fagleg nyttig Gå- og sykkelstrategi. Denne vil vere til stor hjelp for kommunen sitt arbeid med å få fleire til å gå og sykle i åra framover. Den peikar også på kombinasjon av fleire tiltak utover gang- og sykkelveg. I strategien (på s. 18) blir det anbefalt å ikkje inngå fleire sykkelbyavtalar enn dei som er etablert i Førde og Florø, men at ein kan samarbeide med kommunar for å kartlegge og betre situasjonen for gåande og syklande. Gloppen kommune er svært interessert i eit slikt samarbeid for å sjå på ulike løysingar i vår kommune medan vi ventar på finanisering og utbygging av g/s-vegar. I RTP er det prioritert 5 mill. kr årleg til enkle fysiske tiltak i dei største sentrumsområda. Dette ser kommunen som eit nyttig bidrag for å gjere mindre men viktige tiltak, som gjer det meir attraktivt for gåande og syklande i sentrum. Fv 615 frå Sandane til Storebrua i Hyen skredsikring og midre utbetreingar Rassikring i Hopstranda i Hyen er ein del av strekninga på Fv 615 Sandane Storebru som er inne i RTP under «store prosjekt». Dette prosjektet kan delast opp i fleire mindre prosjekt. Kommunen ønskjer å løfte rassikring på Fv 615 i Hopsstranda inn på lista over «prioriterte skredsikringsprosjekt» i RTP. Vidare ønskjer vi å bruke tunnelmassar til å utbetre flaskehalsane Hopskleiva og Høgemuren, og få desse inn på prioriteringslista i RTP under «mindre utbetringar». --- Oppsummert er dette no eit høyringsutkast som det skal jobbast vidare med fram mot kommunestyremøte 2. oktober. Formannskapet Behandling Bebuarane som bur langs fv 615 på strekninga Sandane - Elvaneset v/hallgeir Hansen orienterte om deira merknad til regional transportplan, som medlemmene i formannskapet har fått tilsendt. Orienteringa vart gjeven først i møtet. Framlegg frå Hege Lothe (SV): Andre avsnitt, første setning i pkt 1 skal lyde: Vi meiner Fv 615 burde vore løfta endå høgare opp på prioriteringslista i RTP. Framlegget vart samrøystes vedteke. ---

21 Det var påpeika at avstandane som er oppgjevne i saka må kontrollerast. FOR- 092/17 Vedtak Rådmannen si tilråding, med endringsframlegget frå Hege Lothe, vart samrøystes innstilt.

22 Gloppen kommune Arkiv: JournalpostID: 17/12043 Saksbehandlar: Birte Fossheim Saksnr. Utval Møtedato 055/17 Kommunestyret Gloppen kommune søkjer om medlemskap i Sykkelbynettverket Rådmannen si tilråding Kommunestyret gjer vedtak om at Gloppen kommune søkjer om medlemskap i Sykkelbynettverket. Saksutgreiing Bakgrunn for saka Saka om medlemskap i Sykkelbynettverket kom opp i samband med kommunen si høyringsuttale til Regional transportplan. Kommunen ønskjer å jobbe strategisk og målretta i arbeidet med å legge til rette for gåande og syklande. Medlemskap i Sykkelbynettverket vil gje kommunen auka kompetanse på tilrettelegging for sykling. Fakta i saka Sykkelbynettverket er eit nasjonalt nettverk som Statens vegvesen styrer, og rettar seg mot kommunar og fylkeskommunar. Det er i dag 89 kommunar i Norge som er med i nettverket. For å søkje om medlemskap i nettverket må det vere gjort vedtak om dette i kommunestyret. Nettverket arrangerer temasamlingar spesielt retta mot småbyar for å heve kompetansen i tilrettelegging for sykling. Dei tilbyr grunnkurs i sykkelplanlegging. Dei formidlar også erfaringar og gode eksempel frå andre stader på korleis vi kan legge til rette for å auke talet på syklistar. Økonomiske konsekvensar for kommunen Ingen. Eit medlemskap i Sykkelbynettverket er gratis. Rådmannen si vurdering I fleire av planane kommunen jobbar med, er gang- og sykkelveg ein viktig premiss for ønskja framtidig utvikling. Kommunen vil i den samanheng sette eit sterkare fokus på gang- og sykkelvegar, og jobbe systematisk og målretta på fleire områder for å auke talet på gåande og syklande i heile kommunen. Eit medlemskap i Sykkelbynettverket vurderer vi som nyttig i denne samanheng, fordi det vil gje oss auka kompetanse i tilrettelegging for sykling. Det vil vidare gje oss erfaring og gode eksempel på korleis dei har jobba andre stader med denne problematikken. Eit nettverk vil gje oss meir kunnskap og oversikt over eksterne tilskotsordningar som er retta mot gåande og syklande, og der kommunen kan ha mulegheit for å få ut eksterne midlar. Nabokommunen vår Eid, er allereie medlem i Sykkelbynettverket. Det vil vere ein person frå administrasjonen som blir kommunen sin kontaktperson i Sykkelbynettverket. I samband med kurs og temasamlingar kan det vere aktuelt å stille med fleire

23 personar frå kommunen, om vi finn det særs nyttig og relevant. --- I og med at dette medlemskapet i Sykkelbynettverket blei aktualisert i samband med kommunen si høyringsuttale til Regional transportplan, og at det vidare er eit krav om vedtak i kommunestyret for å søkje om medlemskap, legg rådmannen saka fram direkte i kommunestyret saman med behandlinga av transportplanen. Rådmannen er sjølvsagt klar over at dette ikkje er normal saksgang.

24 Gloppen kommune Arkiv: TI - &29, HIST - 15/1307 JournalpostID: 17/11549 Saksbehandlar: Jan Kåre Fure Saksnr. Utval Møtedato 056/17 Kommunestyret Interpellasjonar til kommunestyremøtet den 2. oktober 2017 Vedlegg i saka: Framlegg til interpellasjon til kommunestyremøtet 15. juni - barnetrygda skal ikkje reknast som inntekt i sosialhjelpsaker Rutetilbod Sandane lufthamn Interpellasjon om vasskuter Rådmannen si tilråding Rådmannen legg ikkje fram tilråding i saka. Saksutgreiing Bakgrunn for saka Det ligg føre tre interpellasjonar til møtet i kommunestyret den 2. oktober Hege Lothe (SV) meiner kommunestyret skal be administrasjonen greie ut om barnetrygda ikkje skal reknast inn i inntektsgrunnlaget ved utrekning av økonomiske sosialhjelp. Svein-Ottar Sandal (Krf) spør ordføraren kva han vil gjere for at sommarens rutetilbod ved Sandane lufthamn kan bli permanent slik at reisande frå Nordfjord får eit tilbod på linje det dei andre flyplassane i fylket kan tilby. Mariel Eikeset Koren (MDG) ber ordføraren orientere om regelverket for bruk av vasskuter og småbåtar og spør om lokale forskrifter kan utarbeidast for å regulere denne bruken. --- Rådmannen avventar kommunestyret si behandling av interpellasjonane.

25 Gloppen kommune Arkiv: FE - 010, HIST - 15/1297 JournalpostID: 17/11957 Saksbehandlar: Jan Kåre Fure Saksnr. Utval Møtedato 057/17 Kommunestyret Folkevaldopplæring - program for opplæringa 2. oktober 2017 Rådmannen si tilråding Rådmannen legg ikkje fram tilråding i saka. Saksutgreiing Bakgrunn for saka Meininga med opplæringsdagen er ei slag undervegs drøfting av dei erfaringane vi har gjort oss så langt i valperioden. Utvala og formannskapet er oppmoda om å kome med framlegg til tema for dagen. På bakgrunn av desse har rådmannen i samråd med ordføraren sett opp slikt program: Erfaringar frå arbeidet i utvala og formannskapet så langt Leiarane i utvala blir oppfordra om ei kort innleiing på maks fem minutt i denne rekkefølgen: - Administrasjonsutvalet (Bjarte Gangeskar) - Helse- og omsorgsutvalet (Arnfinn Brekke) - Oppvekstutvalet (Bernt Reed) - MULTEK-utvalet (Arnar Kvernevik) - Formannskapet (ordføraren). Spørsmål til drøfting og diskusjon: - Ser vi føre oss endringar i utvalstrukturen? - Noko som ikkje fungerer godt nok? Produksjon og utsending av saklister - Kva seier reglementet? - Korleis er rutinane? Saksgang - saker som skal innom fleire utval. Møteavvikling Kort om nokre problemstillingar som vi ikkje må gløyme, m.m.: - Formalitetar - Lukking av møte - Forholdet til publikum og partar - Behandling av framlegg avrøystingsreglar - Erfaringar med ordet fritt. - Tidsramme for møta? Inhabilitet

26 er spelt inn som teama på opplæringa. - Kva seier reglane og kvar står dei? - Korleis behandle spørsmålet om inhabilitet? - Kva skal inn i møteboka? Arbeidet i kommunestyret - Interpellasjonar og spørsmål - Språkbruk og uttrykksmåtar frå talarstolen. Konkrete spørsmål som er stilt - Kven har ansvaret for kva i Trivselshagen, kommunen, fylkeskommunen eller IKS-et? --- Det er sjølvsagt høve for å ta opp andre tema på samlinga. Viss du kjem på desse før møtet, er det fint om du sender inn temaet/spørsmålet i forkant slik at ordføraren eller rådmannen kan vere litt førebudde.