EID KOMMUNE Teknisk-og samfunnsutval HOVUDUTSKRIFT

Transkript

1 EID KOMMUNE Teknisk-og samfunnsutval HOVUDUTSKRIFT Møtedato: Møtetid: Kl. 08:30 09:00 Møtestad: Formannskapssalen Saksnr.: 064/16-067/16 Forfall meldt frå følgjande medl. Parti Følgjande varamedl. møtte Parti Sigrun Stokkenes Krf Petter Bakke Krf Kirsti Ohrvik Olsen V Jon Martin Holmøy V Grete Dahl Sandven V Ingen Oddvin Hansen H Tøger Lien H Nikolai Åshamar Sp Ingen Ugilde Sak Følgjande varamedl. møtte Møteleiar: Frå adm. møtte: Utlevert i møtet: Orientering: Sp.mål/interpell.: Synfaring: Diverse: Alf Reidar Myrstad Kommunalsjef Elin Leikanger, planleggar Cecilie Åshamar, byggesakshandsamar Roar Sætre Underskrifter: Torbjørn Leivdal Alf Reidar Myrstad Vigdis Heimdal Reksnes

2 Sakliste Sak nr. Saktittel 064/16 Godkjenning av innkalling og saksliste 065/16 Godkjenning av møteprotokoll 066/16 Mindre endring av reguleringsplan for Hogaåsen og Langelandsåsen - føresegner - vedtak 067/16 Uttale til søknad om driftskonsesjon - Per Røyrhus AS - Masseuttak Ytre Skårhaug - Eid kommune

3 EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Teknisk-og samfunnsutval /16 ELE Avgjerd av: Saksansv.: Elin Leikanger Arkiv: Namn-, Namn- Objekt: Arkivsaknr 16/1346 GODKJENNING AV INNKALLING OG SAKSLISTE RÅDMANNEN SI TILRÅDING: Innkalling og sakliste vert godkjent TEKNISK-OG SAMFUNNSUTVAL TSU-064/16 VEDTAK: Som tilrådinga. Samrøystes.

4 EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Teknisk-og samfunnsutval /16 ELE Avgjerd av: Saksansv.: Elin Leikanger Arkiv: Namn-, Namn- Objekt: Arkivsaknr 16/1347 GODKJENNING AV MØTEPROTOKOLL RÅDMANNEN SI TILRÅDING: Møteprotokollen frå møte vert godkjent TEKNISK-OG SAMFUNNSUTVAL TSU-065/16 VEDTAK: Som tilrådinga. Samrøystes.

5 EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Teknisk-og samfunnsutval /16 CMÅ Avgjerd av: Teknisk- og samfunnsutvalet Saksbehandler: Cecilie Marie Åshamar Arkiv: Objekt: L12 Arkivsaknr 16/618 Mindre endring av reguleringsplan for Hogaåsen og Langelandsåsen - føresegner - vedtak Prenta vedlegg: 1. Reguleringsplan for Hogaåsen og Langelandsåsen a) Føresegner oppdatert b) Planomtale med føresegner c) Plankart Aktuelle lover, forskrifter, avtalar m.m.: Plan- og bygningslova (pbl.) Kva saka gjeld: Vedtak av mindre endring i reguleringsføresegnene til reguleringsplan for Hogaåsen og Langelandsåsen. Endringa i føresegnene gjeld endring av kravet til utforming av bustadar og plassering av desse i terrenget. Bakgrunn for saka: I møte den 18. mars 2016, TSU-sak 033/16, vedtok teknisk- og samfunnsutvalet å starte opp mindre endring i reguleringsføresegnene til reguleringsplan for Hogaåsen og Langelandsåsen. Bakgrunnen for mindre endring av føresegnene er å legge til rette for bygging av tidstypiske bustadar. Dette er gjort nærare greie for i TSU-sak 033/16. Saksutgreiing:

6 Den mindre endringa av reguleringsplanen for Hogaåsen og Langelandsåsen er avgrensa til endring av føresegnene. I reguleringsplanen er det i dag gjeve spesifikke føresegner for utbyggingsområde til bustad i føresegn 3.1 og 3.2. Føresegn 3.1 omhandlar frittliggjande bustadar medan føresegn 3.2 omhandlar konsentrerte bustadar. I arbeidet med endring av føresegnene knytt til bustadar er det også avdekka eit behov for å oppdatere føresegn 2.11 som omhandlar krav til byggesøknaden. Formålet med endringa av føresegnene er å legge til rette for tidstypiske bustadar og oppdatere standarden på byggesøknaden til dagens praksis. Planomtalen gjev ikkje utfyllande omtale av bakgrunnen for at akkurat desse føresegnene vart valt til å regulere utbygginga av bustadar. Nokon av omsyna bak føresegnene kjem til syne som omtale i føresegnene. Slik omtale av omsyna bak føresegnene vert flytta til nytt kapittel i planomtalen. Gjeldande føresegner er å finne i sin heilskap i vedlagte føresegner som var oppdatert etter siste vedtak Under er det for kvar føresegn gjort nærare greie for endringa og bakgrunnen for endringa. Dagens føresegn 3.1 Under er eit utdrag frå føresegnene til reguleringsplanen: «3.1 Bustader, frittliggande I områda B1-B16, B18-B20 og område B22 kan det førast opp frittliggjande bustader med tilhøyrande garasjar. Tomtane vest i B5 skal frådelast i ein avstand på minst 1 meter frå steingard. Maks %-BYA for kvar tomt er %-BYA=35%. Største gesimshøgd er sett til 6 m og største mønehøgd er sett til 9 m, rekna frå gjennomsnittleg terrengnivå. Tilsvarande skal garasje/uthus ha gesimshøgd mindre enn 3,5 meter og mønehøgd mindre enn 6 meter. Høgde på synleg kjellarmur skal ikkje nokon stad overstige 2,5 meter. Bygningane skal oppførast med takvinkel ikkje mindre enn 34 grader. Høgdene er sett slik at dei skal gi rom for ein delvis nedgraven sokkeletasje i tillegg til hovudetasje og loft med bustadrom. På kvar eigedom kan det i tillegg til bustadhuset setjast opp ein garasje/carport og eit uthus (uthus under 10 m² vert ikkje rekna). Garasjen/carporten og uthuset skal kvar for seg ikkje ha større utbygd areal (NS3940) enn 50 ². Dersom garasje/carport og uthus vert plassert nærare kvarandre enn 2 m målt mellom utside av ytterveggane, eller er samanbygd skal samla areal ikkje overstige 70 m². Bygningane skal vere tilpassa bustadhuset når det gjeld materialval, form og farge. Garasjar kan plasserast med ein avstand til vegkant på 2 meter dersom den har innkøyring parallelt med vegen. Er innkøyringa vinkelrett på vegen må avstanden vere minst 5 meter. Møneretninga skal vere parallell med terrengkotene. Det er ein intensjon i planen at rekkjer av bygg skal følgje terrengkotene langs vegane, for å unngår ein rotete fjernverknad. Før nye bustader vert tekne i bruk, skal det i nærområdet vere tilrettelagt utandørs leike- og opphaldsplass for born.» Kommentar til dagens føresegn 3.1 I dagens føresegner er det lagt opp til bygging av ordinære bustadhus med saltak. I dag vert det, erfaringsmessig, søkt om dispensasjon frå slike reguleringsplanar for å setje opp tidstypiske bustadar. Det er gjeve utfyllande krav til takvinkel og høgde på bustadhus, garasje og uthus i fjerde og femte avsnitt i føresegn 3.1. For å legge til rette for tidstypiske bustadar

7 vert desse avsnitta endra til å gi spesifikke krav til tilpassa ulike bygningstypar. Forslag til ny føresegn tek høgde for bygningar med saltak, valma tak, flatt tak og pulttak. Føresegna knytt til takvinkel og synleg kjellarmur vert teke ut. Vidare er storleiken på garasje avgrensa til 50 m 2. I dag vert det, erfaringsmessig, søkt om dispensasjon frå slike reguleringsplanar for å setje opp garasjar inntil 70 m 2. Det er gjeve utfyllande krav til storleik og plassering av garasje og uthus i sjuande avsnitt i føresegn 3.1. For å legge til rette for større garasjar vert dette avsnittet endra. I dagens føresegn er det lagt opp til at det kan byggast ein garasje og eit uthus, kvar på 50 m 2. I byggesaksforskrifta, SAK10, er mindre tiltak på bebygd eigedom definert som: «b) En enkelt frittliggende bygning som ikke skal brukes til beboelse, og hvor verken samlet bruksareal (BRA) eller bebygd areal (BYA) er over 70 m2. Bygningen kan oppføres i inntil én etasje og kan i tillegg være underbygget med kjeller.» Det er mindre omfattande for tiltakshavar å setje opp bygningar i tråd med denne definisjonen i SAK10. Forslag til ny føresegn er forma på bakgrunn av dette. Det er sett krav om at møneretninga skal vere parallell med terrengkotene. Bakgrunnen for dette kravet er å unngå ein rotete fjernverknad. Føresegna vil vere vanskeleg å handheve av to grunnar. For det første vil det vere vanskeleg å avgjere retning på bygningar utan møne, for det andre vil det vere utfordrande å ta stilling til om bygningane er parallelle med terrengkotene, då nokon tomter har terrengkoter som går i ulike retningar. For å sikre gode løysingar der utbygging av feltet legg seg fint i terrenget vert føresegna endra. Det er framleis eit formål at utbygginga ikkje skal gje ein rotete fjernverknad. Bygningane skal difor inngå i ein overordna struktur som føl linjer i retning vest/aust parallelt med nye tilkomstvegar. For å ta høgde for val av ulike taktypar, vert møneretning endra til houvdfasade for bustadhuset. Ved å endre frå terrengkote til byggegrense mot veg kan ein i større grad sikre ein ryddig fjernverknad enn om ein hadde følgt terrengkotene. Det vil vere enklare å rette seg etter vegane med tilhøyrande byggegrenser, men også her vil det vere utfordringar, då nokon tomter hamnar mellom to vegar med byggegrenser som går i ulike retningar. Føresegna for plassering av bygningane vert endra på dette punktet. I føresegnene er det ikkje gjeve føringar for opparbeiding av støttemurar, utover at plasseringa av støttemurar skal vere vist i situasjonsplanen. Det er heller ikkje gjeve føresegner knytt til skjeringar og fyllingar utover dei som er i tilknyting til vegareal. For slike område er det i føresegnene stilt krav om at desse areala skal jordslåast og tilstellast. For å unngå ein rotete fjernverknad som følgje av terrenginngrep, er det ynskjeleg å unngå høge og dominerande støttemurar. Det vert difor teke med ei føresegn for fyllingar og skjeringar som føreset at det er nokolunde massebalanse i tverrsnittet. Avslutning av fyllingar og skjeringar inn mot terreng bør sikre at sideområda får ei estetisk god utforming slik at overgangen mot eksisterande terreng vert så god som mogeleg. Det vert vidare teke med ei føresegn som avgrensar høgde på støttemurane. Dersom det er nødvendig bør det likevel kunne etablerast høgare støttemurar, behovet, verknadane og avbøtande tiltak må då dokumentarast i samband med søknad. For å unngå at støttemurane vert dominerande er det ynskjeleg at det vert planta på/i støttemurane, noko som vil mjuke opp murane. Støttemurar kan i utgangspunktet etablerast 4 meter frå nabogrense. Erfaring syner at det vert søkt om dispensasjon for å etablere slik støttemur i nabogrense. For å sikre at grunneigar har tilgang til støttemuren av omsyn til vedlikehald er det tenleg at støttemuren vert etablert med ein viss avstand til nabogrense. Det er difor ynskjeleg at støttemurar ikkje vert etablert nærare enn 0,5 meter frå nabogrense. Føresegnene vert oppdatert på dette punktet. Frittliggjande bustadar er ikkje nærare definert. Utgangspunktet for definisjonane av ulike bustadtypar er å finne i rettleiar H-2300 Grad av utnytting. Bustadar som kan tolkast til å vere frittliggjande bustadar i rettleiaren er; einebustad, einebustad med

8 utleiedel/sekundærlelegheit og tomannsbustad. For å unngå tvil vert dette presisert i føresegna og omtalt i planomtalen. Nytt forslag til føresegn 3.1 Under er nytt forslag til ordlyd i føresegn 3.1: «3.1 Bustader, frittliggande I områda B1-B16, B18-B20 og område B22 kan det førast opp frittliggjande bustader med inntil to husstandar med tilhøyrande garasjar og uthus. Frittliggjande bustadar omfattar einebustad, einebustad med utleiedel/sekundærlelegheit og tomannsbustad. Tomtane vest i B5 skal frådelast i ein avstand på minst 1 meter frå steingard. Maks %-BYA for kvar tomt er %-BYA=35%. Bustadane skal ha maksimal mønehøgd på 9 meter og maksimal gesimshøgd på 7 meter. For bygg med pulttak er maksimal gesimshøgd 9 meter. Garasje og uthus skal ha maksimal mønehøgd på 6 meter og maksimal gesimshøgd på 3,5 meter. Gesimshøgde og mønehøgde skal vere rekna frå gjennomsnittleg terrengnivå. På kvar eigedom kan det i tillegg til bustadhuset setjast opp ein frittliggjande garasje og eit frittliggjande uthus, med samla bruksareal (BRA) eller bygd areal (BYA) for kvar bygning på inntil 70 m 2. Samla bruksareal (BRA) eller bygd areal (BYA) for både garasjen og uthuset skal ikkje overstige 100 m 2. For garasje/carport er det unntak frå byggegrense mot veg i plankartet så lenge frisikt jf. føresegn 5.1 er ivareteke, då kan garasjen/carporten plasserast med ein avstand til vegkant på 2 meter dersom den har innkøyring parallelt med vegen. Er innkøyringa vinkelrett på vegen må avstanden vere minst 5 meter. Hovudfasaden skal vere parallell med byggegrense mot veg. Bygningsstrukturen skal vere eintydig. Terrengforandringar i form av fyllingar og skjeringar skal jordslåast og tilstellast. Støttemurar, fyllingar og skjeringar skal målsettast i situasjonsplan og ved snitt. Støttemurar, fyllingar og skjeringar skal ikkje vere dominerande i terrenget. Høgde på fylling og djupne på skjering skal normalt ikkje avvike meir enn 1,5 meter frå eksisterande terreng. Støttemur skal utførast i naturstein. Maksimal høgde på støttemur skal normalt ikkje overstige 1,5 meter. Støttemur kan etablerast inntil 0,5 meter frå nabogrense. Støttemur er unntatt frå byggegrense mot veg i plankartet så lenge frisikt jf. føresegn 5.1 er ivareteke. Dersom det er nødvendig kan det etablerast høgare fylling/støttemurar, og djupare skjering. Behovet, verknadane og avbøtande tiltak må då dokumentarast i samband med søknad. Skjeringar og fyllingar skal avsluttast inn mot terreng slik at det vert ein naturleg overgang til eksisterande terreng. Før nye bustader vert tekne i bruk, skal det i nærområdet vere tilrettelagt utandørs leike- og opphaldsplass for born.» Krav til parkering for frittliggjande bustadar med utleieeiningar, føresegn 2.7 For å sikre at det vert opparbeid nok parkeringsplassar ved etablering av utleiedel/sekundærlelegheit i dei frittliggjande bustadane, vert føresegn 2.7 supplert med ei ny setning, etter første setning: For kvar utleieeining skal det etablerast 1 biloppstillingsplass.

9 Nytt forslag til føresegn 2.7 Under er nytt forslag til ordlyd i føresegn 2.7: «2.7 Parkeringsplassar Kvar utbyggar skal på eigen grunn tilrettelegge 2 parkeringsplassar for kvar bueining. For utleiedel/sekundærlelegheit i einebustad skal det etablerast 1 biloppstillingsplass. Med eigen grunn meiner ein også dokumentert del av eventuelt fellesareal. Alle parkeringsplassar skal vere opparbeidde innan det tilsvarande byggjearealet vert teke i bruk. Eventuelle stikkrenner under avkøyrsle skal utførast med minimum 200 mm rør.» Dagens føresegn 3.2 Under er eit utdrag frå føresegnene til reguleringsplanen: «3.2 Bustadar, konsentrert I områda FB1 FB9 kan det førast opp bustadeiningar med ei høgare utnyttingsgrad. Områda kan også nyttast til felles garasjeanlegg og uthus. I område FB1-FB9 kan det byggast rekkehus, kjeda einebustader, fleirmannsbustadar og terrasseblokker. Utnyttingsgrada er sett til %-BYA=40%. Møneretninga skal vere parallell med terrengkotene. Det er ein intensjon i planen at rekkjer av bygg skal følgje terrengkotene langs vegane, for å unngår ein rotete fjernverknad. Garasjar skal ikkje ha større gesimshøgde enn 3,0 meter. Garasjane og bustadeiningane skal ha ei god heilskapleg utforming. Av estetiske omsyn bør ein vere varsam med frittståande, lange garasjerekker. Før eit FB-område kan byggast ut, skal det utarbeidast ein situasjonsplan som viser heile området. Utbygginga skal skje etter denne planen slik at ein får ei heilskapeleg løysing. I situasjonsplanen skal behovet for areal til kommunaltekniske anlegg vurderast. I den grad det er behov for slike areal, skal dei setjast av i planen. Situasjonsplanen skal vise følgjande: Tilkomstveg og parkeringsløysingar, samt stigningsforhold på tilkomstveg. Plassering og høgde på bygningar. Utforming, bruk og behandling av areal som ikkje er utbygd, inkludert terrengplanering og bevaring av eksisterande vegetasjon. Plassering av leikeplassar og anna uteopphaldsareal. Interne stiar, gjerde, murar og skråningar. Anlegg for avfallshandtering. Utbyggingsplanen skal godkjennast av kommunen. I den grad det er mogleg, skal det takast omsyn til livslaupstandard ved detaljplanlegging av bustadområda. Det må leggjast til rette for rørslehemma. 40 % av bustadane skal ha livsløpsstandard og universell utforming. Før nye bustader vert tekne i bruk, skal det i nærområdet vere tilrettelagt utandørs leike- og opphaldsplass for barn.» Kommentar til dagens føresegn 3.2

10 I dagens føresegner er utbygging i område FB1-9 avgrensa til å omfatte rekkehus, kjeda einebustader, fleirmannsbustadar og terrasseblokker. Fleirmannsbustadar er ikkje nærare definert. For at det ikkje skal vere tvil om kva bustadar som kan førast opp i desse områda er det ynskjeleg at føresegna vert endra på dette punktet. Utgangspunktet for definisjonane av ulike bustadtypar er å finne i rettleiar H-2300 Grad av utnytting. Fleirmannsbustad vil tilsvare definisjonen av lågblokk: Bygning med fire eller fleire bueiningar og med inntil fire etasjar. I forslag til ny føresegn er dette spesifisert. Det er sett krav om at møneretninga skal vere parallell med terrengkotene. Syner her til kommentaren om same tema under frittliggande bustadar. Føresegna for konsentrert busetnad vert endra på dette punktet. Det er ikkje gitt føresegner knytt til høgde for konsentrerte bustadbygg, reglane i plan- og bygningslova 29-4 vil difor vere gjeldande. Dette inneber at maksimal gesimshøgde er 8 meter og mønehøgde er 9 meter. For garasjane i desse områda er det lagt inn høgdeavgrensing på 3 meter gesimshøgde. For at det også for desse bygningane skal kunne veljast ulik takutforming for å tilpasse garasjane til dei andre bygningane på tomta, vert det difor lagt inn maksimal mønehøgde. Denne vert sett til 4,5 meter. Av omsyn til trafikktryggleik er det ynskjeleg at det i føresegnene vert presisert at det skal vere snuplass for bil i desse områda. Dette for å unngå at bilane ryggar ut i køyrevegen. Føresegnene vert oppdatert på dette punktet. I føresegn 3.2 avsnitt åtte står følgjande: Utbyggingsplanen skal godkjennast av kommunen. Ein utbyggingsplan vil etter plan- og bygningslova vere det same som ein detaljreguleringsplan. Avsnitt seks og sju handlar om situasjonsplan, noko som ikkje utløyser krav om detaljregulering. Kva som er meint med utbyggingsplan går ikkje fram av verken planomtalen eller føresegnene. Det er difor nærliggande å tru at det er meint situasjonsplan. Avsnitt sju vert difor teke ut av føresegna. Krav i føresegn 2.11 omhandlar også krav til situasjonsplan, dette vert spesifisert i føresegna. Under er nytt forslag til ordlyd i føresegn 3.2: «3.2 Bustader, frittliggande, konsentrert Nytt forslag til føresegn 3.2 I områda FB1 FB9 kan det førast opp bustadeiningar med ei høgare utnyttingsgrad. Områda kan også nyttast til felles garasjeanlegg og uthus. I område FB1-FB9 kan det byggast rekkehus, kjeda einebustader, lågblokker og terrasseblokker. Utnyttingsgrada er sett til %-BYA=40%. Garasjar skal ikkje ha større gesimshøgde enn 3,0 meter og mønehøgde skal vere under 4,5 meter. Før eit FB-område kan byggast ut, skal det utarbeidast ein situasjonsplan som viser heile området. Utbygginga skal skje etter denne planen slik at ein får ei heilskapeleg løysing. I situasjonsplanen skal behovet for areal til kommunaltekniske anlegg vurderast. I den grad det er behov for slike areal, skal dei setjast av i planen. Situasjonsplanen skal i tillegg til krav i føresegn 2.11, vise følgjande:

11 Tilkomstveg og parkeringsløysingar, samt stigningsforhold på tilkomstveg. Plassering og høgde på bygningar. Utforming, bruk og behandling av areal som ikkje er utbygd, inkludert terrengplanering og bevaring av eksisterande vegetasjon. Plassering av leikeplassar og anna uteopphaldsareal. Interne stiar, gjerde, murar og skråningar. Anlegg for avfallshandtering. I den grad det er mogleg, skal det takast omsyn til livslaupstandard ved detaljplanlegging av bustadområda. Det må leggjast til rette for rørslehemma. 40 % av bustadane skal ha livsløpsstandard og universell utforming. På kvar tomt skal det opparbeidast snuplass for bil. Hovudfasaden skal vere parallell med byggegrense mot veg. Bygningsstrukturen skal vere eintydig. Før nye bustader vert tekne i bruk, skal det i nærområdet vere tilrettelagt utandørs leike- og opphaldsplass for barn.» Dagens føresegn 2.11 Under er eit utdrag frå føresegnene til reguleringsplanen: «2.11 Byggjemelding/ byggesøknad Kommunen skal ved handsaming av byggjemeldingar/søknader sjå til at bygningane får ei god form, og at bygningar i same gruppe får ei harmonisk utforming. Utvendige fargar, inkludert takfarge og materialbruk, som klednings- og tekkingsmaterialar, skal godkjennast av kommunen. Takform og møneretning skal tilpassast omkringliggande bygningar. Kommunen skal også sjå til at nybygg har arkitektoniske kvalitetar som speglar si eiga tid. Det må ikkje nyttast utvendig kledning, faste bygningselement eller taktekking som i material- og fargebruk verkar dominerande (t.d. signalfargar) eller skjemmande for omgjevnaden. Dersom garasje ikkje er byggemeldt saman med bustad, skal det setjast av 30 m2 BRA som skal reknast med ved utrekning av %-BYA. Areal til garasje vert rekna i bruksareal. Situasjonsplanen skal vere i målestokk 1:500 og vise plassering av bustad, garasje, støttemurar (påført kotehøgde på topp mur), parkering og terreng før og etter opparbeiding av tomt. Planen skal vere høgdesett og inngangspartiet skal teiknast i detalj. Det skal visast høgdesett snitt av tomta vinkelrett på inngangsparti.» Kommentar til dagens føresegn 2.11 For å sikre ei god utbygging er det viktig at byggesaka er tilstrekkeleg opplyst. Krav om detaljerte snitt- og fasadeteikningar og situasjonsplanar ved byggesøknad vert difor endra. Ein del av føresegna handlar om krav til bygningsutforming dette vert teke ut av føresegn 2.11 og lagt inn i ny føresegn Nytt forslag til føresegn 2.11 og 2.12 Under er nytt forslag til ordlyd i føresegn 2.11 og 2.12: «2.11. Krav til byggesøknad

12 Bygg, anlegg og verksemder skal utformast med sikte på å sikre gode arkitektoniske løysingar og ta naudsynt omsyn til eksisterande miljø. Søknad om løyve til tiltak skal innehalde ein detaljert, kotesett situasjonsplan. Denne skal vise bygningsvolum, handsaming av terreng (støttemurar og terreng før og etter opparbeiding av tomt), bygning i samanheng med omgjevnader, parkeringsplassar, gjerder, interne gangvegar, uteareal til opphald og leik, oppstillingsplass for avfallsdunkar, garasje/carport og avstand mellom bygningar og til nabogrense. Situasjonsplan skal ha målestokk 1:500. Kart som syner plasseringa av private stikkleidningar for vatn- og avløp skal leggast ved byggesøknaden. For bygningar i planområdet skal det ved byggesøknad leverast plan for alle etasjar, fasadeteikning der nabobygg skal takast med for å vise heilskapen, snitt gjennom nye bygg og tilhøyrande areal, fotomontasje/perspektivteikningar. Ved endring av fasade skal ny fasade visast med fasadeoppriss. Planteikningar skal vere høgdesett og inngangspartiet skal teiknast i detalj. Det skal visast høgdesett snitt av tomta vinkelrett på inngangsparti Harmonisk utforming Bygningane skal ha ei god form. Bygningar i same gruppe skal ha ei harmonisk utforming. Det må ikkje nyttast utvendig kledning, faste bygningselement eller taktekking som i materialog fargebruk verkar dominerande (t.d. signalfargar) eller skjemmande for omgjevnaden.» Økonomiske konsekvensar: Arbeidet med endring av reguleringsplanen vert utført av administrasjonen i kommunen, som ein del av den ordinære drifta. Vurdering: Rådmannen tilrår at mindre endring av reguleringsplan for Hogaåsen og Langelandsåsen vert utført for å legge til rette for tidstypiske bustadar, jf. nye forslag til føresegner i saksutgreiinga over. Rådmannen tilrår at planomtalen vil bli oppdatert med omtale av bakgrunnen for dei nye føresegnene, jf. saksutgreiinga over og at føresegnene vert endra som følgjer: Føresegn 3.1 vert endra til: «3.1 Bustader, frittliggande I områda B1-B16, B18-B20 og område B22 kan det førast opp frittliggjande bustader med inntil to husstandar med tilhøyrande garasjar og uthus. Frittliggjande bustadar omfattar einebustad, einebustad med utleiedel/sekundærlelegheit og tomannsbustad. Tomtane vest i B5 skal frådelast i ein avstand på minst 1 meter frå steingard. Maks %-BYA for kvar tomt er %-BYA=35%. Bustadane skal ha maksimal mønehøgd på 9 meter og maksimal gesimshøgd på 7 meter. For bygg med pulttak er maksimal gesimshøgd 9 meter. Garasje og uthus skal ha maksimal mønehøgd på 6 meter og maksimal gesimshøgd på 3,5 meter. Gesimshøgde og mønehøgde skal vere rekna frå gjennomsnittleg terrengnivå.

13 På kvar eigedom kan det i tillegg til bustadhuset setjast opp ein frittliggjande garasje og eit frittliggjande uthus, med samla bruksareal (BRA) eller bygd areal (BYA) for kvar bygning på inntil 70 m 2. Samla bruksareal (BRA) eller bygd areal (BYA) for både garasjen og uthuset skal ikkje overstige 100 m 2. For garasje/carport er det unntak frå byggegrense mot veg i plankartet så lenge frisikt jf. føresegn 5.1 er ivareteke, då kan garasjen/carporten plasserast med ein avstand til vegkant på 2 meter dersom den har innkøyring parallelt med vegen. Er innkøyringa vinkelrett på vegen må avstanden vere minst 5 meter. Hovudfasaden skal vere parallell med byggegrense mot veg. Bygningsstrukturen skal vere eintydig. Terrengforandringar i form av fyllingar og skjeringar skal jordslåast og tilstellast. Støttemurar, fyllingar og skjeringar skal målsettast i situasjonsplan og ved snitt. Støttemurar, fyllingar og skjeringar skal ikkje vere dominerande i terrenget. Høgde på fylling og djupne på skjering skal normalt ikkje avvike meir enn 1,5 meter frå eksisterande terreng. Støttemur skal utførast i naturstein. Maksimal høgde på støttemur skal normalt ikkje overstige 1,5 meter. Støttemur kan etablerast inntil 0,5 meter frå nabogrense. Støttemur er untatt frå byggegrense mot veg i plankartet så lenge frisikt jf. føresegn 5.1 er ivareteke. Dersom det er nødvendig kan det etablerast høgare fylling/støttemurar, og djupare skjering. Behovet, verknadane og avbøtande tiltak må då dokumentarast i samband med søknad. Skjeringar og fyllingar skal avsluttast inn mot terreng slik at det vert ein naturleg overgang til eksisterande terreng. Før nye bustader vert tekne i bruk, skal det i nærområdet vere tilrettelagt utandørs leike- og opphaldsplass for born.» Føresegn 2.7 vert endra til: «2.7 Parkeringsplassar Kvar utbyggar skal på eigen grunn tilrettelegge 2 parkeringsplassar for kvar bueining. For utleiedel/sekundærlelegheit i einebustad skal det etablerast 1 biloppstillingsplass. Med eigen grunn meiner ein også dokumentert del av eventuelt fellesareal. Alle parkeringsplassar skal vere opparbeidde innan det tilsvarande byggjearealet vert teke i bruk. Eventuelle stikkrenner under avkøyrsle skal utførast med minimum 200 mm rør.» Føresegn 3.2 vert endra til: «3.2 Bustader, frittliggande, konsentrert I områda FB1 FB9 kan det førast opp bustadeiningar med ei høgare utnyttingsgrad. Områda kan også nyttast til felles garasjeanlegg og uthus. I område FB1-FB9 kan det byggast rekkehus, kjeda einebustader, lågblokker og terrasseblokker. Utnyttingsgrada er sett til %-BYA=40%. Garasjar skal ikkje ha større gesimshøgde enn 3,0 meter og mønehøgde skal vere under 4,5 meter. Før eit FB-område kan byggast ut, skal det utarbeidast ein situasjonsplan som viser heile området. Utbygginga skal skje etter denne planen slik at ein får ei heilskapeleg løysing. I

14 situasjonsplanen skal behovet for areal til kommunaltekniske anlegg vurderast. I den grad det er behov for slike areal, skal dei setjast av i planen. Situasjonsplanen skal i tillegg til krav i føresegn 2.11, vise følgjande: Tilkomstveg og parkeringsløysingar, samt stigningsforhold på tilkomstveg. Plassering og høgde på bygningar. Utforming, bruk og behandling av areal som ikkje er utbygd, inkludert terrengplanering og bevaring av eksisterande vegetasjon. Plassering av leikeplassar og anna uteopphaldsareal. Interne stiar, gjerde, murar og skråningar. Anlegg for avfallshandtering. I den grad det er mogleg, skal det takast omsyn til livslaupstandard ved detaljplanlegging av bustadområda. Det må leggjast til rette for rørslehemma. 40 % av bustadane skal ha livsløpsstandard og universell utforming. På kvar tomt skal det opparbeidast snuplass for bil. Hovudfasaden skal vere parallell med byggegrense mot veg. Bygningsstrukturen skal vere eintydig. Før nye bustader vert tekne i bruk, skal det i nærområdet vere tilrettelagt utandørs leike- og opphaldsplass for barn.» Føresegn 2.11 vert endra til: «2.11. Krav til byggesøknad Bygg, anlegg og verksemder skal utformast med sikte på å sikre gode arkitektoniske løysingar og ta naudsynt omsyn til eksisterande miljø. Søknad om løyve til tiltak skal innehalde ein detaljert, kotesett situasjonsplan. Denne skal vise bygningsvolum, handsaming av terreng (støttemurar og terreng før og etter opparbeiding av tomt), bygning i samanheng med omgjevnader, parkeringsplassar, gjerder, interne gangvegar, uteareal til opphald og leik, oppstillingsplass for avfallsdunkar, garasje/carport og avstand mellom bygningar og til nabogrense. Situasjonsplan skal ha målestokk 1:500. Kart som syner plasseringa av private stikkleidningar for vatn- og avløp skal leggast ved byggesøknaden. For bygningar i planområdet skal det ved byggesøknad leverast plan for alle etasjar, fasadeteikning der nabobygg skal takast med for å vise heilskapen, snitt gjennom nye bygg og tilhøyrande areal, fotomontasje/perspektivteikningar. Ved endring av fasade skal ny fasade visast med fasadeoppriss. Planteikningar skal vere høgdesett og inngangspartiet skal teiknast i detalj. Det skal visast høgdesett snitt av tomta vinkelrett på inngangsparti.» Ny føresegn 2.12: 2.12 Harmonisk utforming Bygningane skal ha ei god form. Bygningar i same gruppe skal ha ei harmonisk utforming. Det må ikkje nyttast utvendig kledning, faste bygningselement eller taktekking som i materialog fargebruk verkar dominerande (t.d. signalfargar) eller skjemmande for omgjevnaden.»

15 RÅDMANNEN SI TILRÅDING: Med heimel i plan- og bygningslova jf vedtek teknisk- og samfunnsutvalet mindre endring av reguleringsplan for Hogaåsen og Langelandsåsen i samsvar med rådmannen si vurdering TEKNISK-OG SAMFUNNSUTVAL TSU-066/16 VEDTAK: Med heimel i plan- og bygningslova jf vedtek teknisk- og samfunnsutvalet mindre endring av reguleringsplan for Hogaåsen og Langelandsåsen i samsvar med rådmannen si vurdering. Åslaug Krogsæter -rådmann-

16 EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Teknisk-og samfunnsutval /16 KDA Avgjerd av: Saksbehandler: Kristine Dahl Arkiv: Objekt: U24 Arkivsaknr 16/1214 Uttale til søknad om driftskonsesjon - Per Røyrhus AS - Masseuttak Ytre Skårhaug - Eid kommune Prenta vedlegg: 1. Høyringsbrev frå Direktoratet for mineralforvalting. 2. Detaljreguleringsplan for masseuttak Ytre Skårhaug 3. Skredfarevurdering av SGC GeoFare AS. 4. Støyrapport SWECO AS. Aktuelle lover, forskrifter, avtalar m.m.: Minerallova. Kva saka gjeld: Saka gjeld uttale til søknad om driftskonsesjon frå Per Røyrhus AS om uttak av massar på gnr. 41 bnr. 1 på Ytre Skårhaug. Bakgrunn for saka: Direktoratet for mineralforvaltning har motteke søknad om driftskonsesjon etter 43 i lov om erverv og utvinning av mineralressurser (minerallova) frå Per Røyrhus AS. Eid kommune er høyringsinstans i søknadsprosessen og rådmannen legg med dette fram ei tilråding til høyringssvar til direktoratet. Høyringsfristen er fredag 8. juli Saksutgreiing: Området det vert søkt om driftskonsesjon for er 17,6 dekar. Området inngår i detaljreguleringsplan for masseuttak på Ytre Skårhaug, vedteken av Eid kommunestyre den 10. mars 2016.

17 All uttak av naturstein over m3 krev konsesjon etter minerallova. Anslått totalvolum for uttaket er m 3 og årleg forventa uttak er m 3. Minerallova har som føremål å fremje og sikre samfunnsmessig forsvarleg forvalting av mineralressursane i samsvar med prinsippet om berekraftig utvikling. Konsesjonssøknaden vert underlagt ei skjønsmessig prøving av direktoratet, der fleire vurderingstema vil inngå som ein del av vurderingsgrunnlaget. For det første skal direktoratet legge vekt på om søkjar er «skikka» til å utvinne førekomsten. Dette vil seie om prosjektet verkar økonomisk gjennomførleg, om det er lagt opp til bergfagleg forsvarleg drift og om søkjaren har tilstrekkeleg kompetanse til å drive førekomsten. Ved vurderinga av om det skal gjevast driftskonsesjon skal direktoratet, etter minerallova 2, òg legge vekt på: - kva innverknad tiltak tiltaket vil ha på verdiskaping og næringsutvikling - kva innverknad tiltaket eventuelt vil ha på naturgrunnlaget for samisk kultur, næringsliv og samfunnsliv - kva innverknad tiltaket vil ha på omgjevnadane og nærliggande område under drifta - kva konsekvensar ei utvinning vil ha for miljøet - kva planar som ligg føre for etterbruk eller tilbakeføring av området. Dersom direktoratet gjev driftskonsesjon er det normalt at dei set vilkår til denne. Vilkåra omfattar mellom anna krav om driftsplan og økonomisk garanti. Økonomiske konsekvensar: Kor vidt det skal gjevast driftskonsesjon må avgjerast av Direktoratet for mineralforvalting. Eid kommune er høyringspart i saka. Saka har ikkje økonomiske konsekvensar for kommunen. Vurdering: Rådmannen tilrår at Eid kommune gjev følgjande innspel til søknaden om driftskonsesjon frå Per Røyrhus AS: Vi viser til dykkar høyringsbrev om motteken søknad om driftskonsesjon frå Per Røyrhus AS om uttak av massar på gnr. 41 bnr. 1 på Ytre Skårhaug. I høyringsbrevet oppmodar de høyringsinstansane til å kome med grunngjevne synspunkt på om direktoratet bør gje konsesjon eller ikkje. Eid kommune legg til grunn at direktoratet har dei beste føresetnadane for å vurdere om framlagd konsesjonssøknad frå Per Røyrhus AS er i samsvar med minerallova sine krav eller ikkje, deriblant om søkjar er skikka til å utvinne førekomst og om kravet til forsvarleg forvalting og bruk av mineralressursane er ivareteke, jf. minerallova 1. Eid kommune ynskjer likevel å gje ein uttale til konsesjonssøknaden og melde tilbake på nokre av dei problemstillingane som saka reiser. Søknaden skal mellom anna vurderast etter minerallova 2, som legg vekt på lokale forhold og problemstillingar. Vi meiner det er viktig å melde tilbake på desse punkta.

18 Konsekvensar for omgjevnadane og nærliggande område I samband med konsesjonssøknaden skal ein mellom anna vurdere kva innverknad tiltaket vil ha på omgjevnadane og nærliggande område under drifta, jf. minerallova 2 bokstav b og c. Det har i lengre tid vore drive masseuttak på Ytre Skårhaug. I 2005 godkjende Eid kommunestyre reguleringsplan for masseuttak på Ytre Skårhaug og same året godkjende Bergvesenet driftsplanen for masseuttaket. Ansvaret for oppfølginga av drifta i det eksisterande masseuttaket låg til Bergvesenet, no direktoratet. Eid kommune er tilsynsmynde etter plan- og bygningslova. Vi legg til grunn at Direktoratet er kjend i området, men legg likevel ved eit oversiktskart. Etablering av eit masseuttak i nærleiken av eit etablert bustadområde gjev ein del utfordringar. Masseuttaket og bustadområdet nyttar same tilkomstveg og det har gjennom åra kome inn ulike klagar på drifta av masseuttaket. Eid kommune sitt syn er at det har vore, og framleis er, svært krevjande å få ut god og klargjerande informasjon til innbyggarane og andre om kva som er Eid kommune sitt ansvar ved drift i regulerte masseuttak og kva som er direktoratet og fylkesmannen sine ansvarsområde. For innbyggarane er det i alle høve Eid kommune som er næraste overordna tilsynsmynde for masseuttaket, og det er tilliten til kommunen som vert svekka når den enkelte opplever at kommunen ikkje føl opp slik som forventa. I samband med detaljreguleringsplan frå 2016 for masseuttak, som også gjeld utviding av masseuttaket mot aust, kom det inn merknader frå fleire av bebuarane på Ytre Skårhaug. Reguleringsplanen legg opp til at masseuttaket kjem nærare bustadområdet enn i dag. Fleire av bebuarane ynskjer ikkje dette masseuttak i området. Dei er også svært kritisk til Per Røyrhus AS som drivar og fleire av momenta i klagane omhandlar deira syn på gjennomføringa av drifta i masseuttaket. Klagane omhandlar også kritikk av Eid kommune og direktoratet som tilsynsmyndigheiter, og av Eid kommune som eigar av den kommunale vegen som drivar nyttar. Etter vårt syn må både direktoratet og fylkesmannen som ureiningsmynde sterkare inn på tilsynssida i samband med ei eventuell vidare drift av masseuttaket og grenselinene for det enkelte organ sitt ansvarsområde må vere klåre. Av omsyn til saka si opplysing vil vi gje opp fleire av klagegrunnane her:

19 Negative konsekvensar for omgjevnadane til planområdet grunna skredfare som følgje av aktiviteten ved masseuttaket, i ura ovanfor masseuttaket. Negative konsekvensar for omgjevnadane grunna forureining som følgje av aktiviteten i masseuttaket. T.d. støy og støv. Ber om at det vert etablert støyskjerm mot aust før utvidinga tek til. Negative konsekvensar for omgjevnadane grunna aktivitet i masseuttaket som strir med reguleringane i reguleringsplanen, driftsplanen med meir. Naboane har ikkje tiltru til at aktiviteten i området vil vere i samsvar med reguleringa av aktiviteten då driftsplanen mellom anna regulerer forhold knytt til støv, noko som ikkje har vore følgt opp i praksis. Forslagsstillar har ikkje følgt reguleringane knytt til tilrettelegging for opparbeiding i etterkant, i gjeldande reguleringsplan og driftsplan. Naboane syner til at sprenging medfører rystingar enten dei er varsla eller ikkje. Naboane påpeikar at kommunen ikkje har følgt opp med kontroll av aktiviteten. Uttaket har vore meir omfattande enn det som opphavleg vart omsøkt. Naboane syner til at det har blitt tatt ut masse utanfor området som er omfatta av gjeldande reguleringsplan. Dei er kjende med at kommunen følgde opp denne sak, men meiner at bota ikkje var tilstrekkeleg reaksjon. Dei syner og til at det utan løyve er etablert anleggsveg aust for masseuttaket, utanfor området som er omfatta av gjeldande reguleringsplan. Aktiviteten ved masseuttaket har ført til reduksjon av trafikktryggleik på den kommunale vegen i planområdet og for avkøyrsla til Rv. 15. Naboane etterlyser sikring. Negative konsekvensar for bustadområdet. Naboane ynskjer at Ytre Skårhaug vert prioritert som bustadområde. Konkret veit ein frå detaljreguleringsplanen at ei eventuell drift i masseuttaket får verknader for omgjevnadane i form av støy. Det er utarbeidd ein støyrapport frå SWECO, som ligg ved denne uttalen. Rapporten vurderer støynivået for boring og knusing, og vert det konkludert med at utvida uttak vil tilfredsstilla dei grenseverdiar som er satt for støynivå, under føresetnad av at ein etablerer avbøtande tiltak. I samband med detaljreguleringa vart det også gjort ei skredfarevurdering av SGC GeoFare AS, og denne ligg også ved denne saka. Skredfarekartlegginga omfattar området for masseuttak og fjellsida ovanfor mot Skårhaugsnakken. Aktsemdskarta til NVE m.fl. viser at heile undersøkingsområdet ligg innanfor modellert utløpsområde for både snøskred og steinsprang og at deler av undersøkingsområdet ligg innanfor modellert flaum- og jordskredfare. På side 5 i skredfarerapporten står det følgjande: «På bakgrunn av topografi, hydrologi, klimastatistikk og klimaprognosar konkluderer vi med at undersøkingsområdet er utanfor fare for flaum- og lausmasseskred, snøskred og sørpeskred. Det er påvist steinsprangfare frå tre potensielle kjeldeområder i undersøkingsområdet; 1. Hammaren i fjellsida mellom kote 275 og kote 300; o 1000-årskredet frå hammaren vil kunne nå ned i massetaket, men dette vil ikkje vere i konflikt med tryggleiksklassen til verken massetaket eller riksvegen. 2. Sjølve fjellveggen i skjeringa; o Steinsprang frå fjellveggen vil kunne nå ned til massetaket med eit sannsyn på meir enn 1/100, men utløpsdistansen vil vere svært avgrensa på grunn av topografien.

20 3. Fjellknausen mellom massetaket og riksvegen; o Steinsprang frå fjellknausen vil kunne skje med eit sannsyn på meir enn 1/100, men utløpsdistansen vil vere svært avgrensa på grunn av topografien. Vi ser det som svært lite truleg at sprengingsarbeid i massetaket vil påverke skredfaren i området. Sjokkbølger kan utløyse mindre blokker heilt lokalt, men skjeringane i massetaket må uansett betraktast som skredfarleg og tiltak må takast deretter. Skal det gjerast uttak i massar i massetaket, må det utørast sikringstiltak». Rapporten konkluderer med at det er steinsprangfare i området. Men SGC GeoFare ser det som «svært lite truleg» at sprengningsarbeidet i masseuttaket vil påvirke skredfaren i området. Eid kommune har lagt desse opplysningane til grunn i samband med handsaminga av detaljreguleringsplanen. Det kan nemnast at klagarane i detaljreguleringssaka ikkje festar lit til denne rapporten og meier det bør utarbeidast ein ny uavhengig rapport. Ein del av kritikken som er retta mot Eid kommune, gjeld kommunen som eigar av den kommunale vegen som fram til no har blitt nytta i samband med drifta av masseuttaket. Vi ser at ein kombinert bruk av denne vegen, som tilkomstveg til bustadområdet og som driftsveg, har vore uheldig. Det er ikkje akseptabelt at ei eventuell vidare drift baserer seg på å nytte kommunal veg utover som tilkomstveg. Dette er følgd opp i ny detaljreguleringsplan, som legg opp til at den kommunale vegen berre skal nyttast som tilkomst til masseuttaket. Dersom driftskonsesjon vert gjeve, er det viktig at området mot den kommunale vegen vert ferdigstilt først og sikra i samsvar med reguleringsplan og eventuelt i samsvar med dei krav som direktoratet finn nødvendig for å sikre trygg ferdsel. Vi gjer elles merksam på at det i kommuneplanen sin arealdel er vist ei stipla line for framtidig gang- og sykkelveg mellom riksvegen og området for masseuttaket. Området for gang- og sykkelveg er ikkje detaljregulert enno. Om verdiskaping og næringsutvikling I vurderinga av søknaden om driftskonsesjon skal ein òg legge vekt på kva innverknad tiltak tiltaket vil ha på verdiskaping og næringsutvikling, jf. minerallov 2 bokstav a. I samband med rulleringa av kommuneplanen sin arealdel i 2015 vart det lagt vekt på å setje av fleire framtidige område for råstoffutvinning, med det føremål å legge til rette for næringsutvikling i kommunen. Området på Ytre Skårhaug vart også sett av i arealplanen til råstoffutvinning med tilsvarande grunngjeving. Naturverdiar I høyringsbrevet etterspør de også kva naturverdiar området har. Planområdet grensar til edellauvskog, som er ein prioritert naturtype. I planomtalen til detaljreguleringsplanen er det sagt følgjande: «5.4.3 Sårbar flora Risiko: Aktiviteten i brotet kan medføre skade på prioritert naturtype.

21 Tiltak: Avgrensinga av naturtypeområdet er svært usikker. Ved synfaring i området har arealet innanfor buffersona og i grenseområdet for den prioriterte naturtypen ikkje karakter av gamal edellauvskog. Ein har som eit passivt tiltak valt å endre plangrensa og sjølve planområdet er ikkje lenger i direkte konflikt med registreringa. Inngrepet skjer heilt i utkanten av markeringa for naturtypen. I tillegg er det lagt inn ei omsynssone på om lag 10 m breidde som skal sikre eit bufferareal inn i mot eventuelle sårbare/verdifulle lokalitetar. Sone H560_1, sjå 7.1 og 8.3.». Vilkår I høyringsbrevet ber de også om innspel på konkrete avbøtande tiltak og vilkår som bør stillast i ein eventuell driftskonsesjon. Det går fram av minerallova 43 andre ledd at det kan stillast vilkår til dispensasjonen. Når det gjeld spørsmålet om kva vilkår som kan stillast, legg vi til grunn at vilkåret må ha sakleg samanheng med lova sitt føremål, bygge på relevante omsyn og vere forholdsmessige. Eid kommune legg til grunn at drifta skal til ei kvar tid gå føre seg i samsvar med ein driftsplan godkjend av direktoratet og at tiltakshavar pliktar å syte for at driftsplanen til ein kvar tid er i samsvar med gjeldande planstatus for området. Drivar har sikringsplikt for området, jf. minerallova 49. I detaljreguleringsplanen er det lagt opp til at det skal etablerast port ved innkøyringspunktet og permanente sikringsgjerde omkring uttaket frå port til port. Rundt masseuttaket skal det elles etablerast ein vegetasjonsskjerm, men det kan etter detaljreguleringsplanen setjast opp gjerde i dette området. Vi ber om at direktoratet vurderer om det er behov for gjerdeplikt, særleg mot aust, for å stette minerallova sine krav om sikringsplikt. Vi ber elles om at de set nødvendige krav til sikring mot offentleg veg. Eid kommune ber vidare om at drivar/tiltakshavar blir pålagd å stille økonomisk garanti for å sikre at nødvendige sikrings- og oppryddingstiltak blir gjennomført, jf. minerallova 51. Det bør vurderast å setjast ein frist for opprydding/istandsetting. I minerallova 48 er det gjeve ein regel om «varsomhetsplikt», som seier at arbeid «etter denne lov skal utføres med varsomhet slik at skadene ikke blir større enn nødvendig, og slik at arbeidene ikke fører til unødvendig forurensning eller unødvendig skade på miljøet». Eid kommune legg til grunn at direktoratet gjer ei særleg vurdering av støytilhøva og om behovet for ytterlegare støyskjerming enn det detaljreguleringsplanen legg opp til. Eid kommune gjer elles merksam på at det i samband med godkjenninga av detaljreguleringsplanen for masseuttaket vart sett ein frist til 1. oktober 2016 for fjerning av lause massar langs den kommunale vegen. Vedtaket lyd som følgjer: Reguleringsplanen føreset at det skal etablerast ein intern veg i masseuttaket, og at det er ein føresetnad for etablering av denne vegen at massene langs den kommunale vegen vert tekne vekk først. Eid kommune føreset at dette arbeidet blir prioritert, og at arbeidet langs den kommunale vegen og skjermingstiltak som omtalt i reguleringsplanen vert ferdigstilt innan 1. oktober 2016, i dialog med Driftsavdelinga i Eid kommune."

22 Vi ber om at direktoratet tek omsyn til dette ved ein eventuell konsesjon og godkjenning av driftsplan. Vi legg elles til grunn at direktoratet, ved ein eventuell konsesjon, føl opp tilsynsplikta si etter minerallova 59: «Direktoratet for mineralforvaltning skal føre tilsyn med at a) undersøkelse, herunder prøveuttak, og drift foregår på en bergfaglig forsvarlig måte i samsvar med lovens krav, b) vilkår, godkjent driftsplan og pålegg gitt i eller i medhold av denne lov overholdes, c) sikrings- og oppryddingsplikten etterleves, og arbeider ikke fører til unødvendig forurensning eller unødvendig skade på miljøet». RÅDMANNEN SI TILRÅDING: Innspel til konsesjonssøknad vert sendt Direktoratet for mineralforvaltning slik det går fram av vurderinga ovanfor TEKNISK-OG SAMFUNNSUTVAL TSU-067/16 VEDTAK: Innspel til konsesjonssøknad vert sendt Direktoratet for mineralforvaltning slik det går fram av vurderinga ovanfor. Åslaug Krogsæter -rådmann-

23