Rehabilitering av fasadane ved Ålesund sjukehus

Transkript

1 Saksframlegg Rehabilitering av fasadane ved Ålesund sjukehus Saksnr Utvalsnamn Møtedato Styret for Helse Møre og Romsdal HF 25. oktober 17 Saksbehandlar: Mona Aagaard-Nilsen Arkivreferanse: 2017/4517 Forslag til vedtak: 1. Under føresetnad av finansiering, godkjenner styret i Helse Møre og Romsdal HF prosjektet Rehabilitering av fasadane ved Ålesund sjukehus. Prosjektet skal gjennomførast i perioden /2021 og innanfor ei total kostnadsramme på 255 MNOK (P85). 2. Styret i Helse Møre og Romsdal HF ber om at det blir sendt ein lånesøknad på 85 MNOK til Helse Midt-Norge RHF for å finansiere byggetrinn 1 for rehabilitering av fasadane ved Ålesund sjukehus. 3. Styret i Helse Møre og Romsdal HF ber adm. direktør komme tilbake til styret med ein finansieringsplan for å sikre gjennomføring av byggetrinn 2 og 3 for rehabilitering av fasadane ved Ålesund sjukehus. Ålesund, 16. oktober 2017 Espen Remme Adm. direktør Vedlegg: 1 Skisseprosjekt fasadane ved Ålesund sjukehus 1

2 Saksutgreiing: Bakgrunn/historikk Ålesund sjukehus vart planlagt og prosjektert på slutten av 1960-talet og var ferdigstilt og teke i bruk i Sjukehuset med tilhøyrande teknisk anlegg, vart prosjektert etter det som på det tidspunktet var gjeldande lovverk og føreskrifter. Ved sjølve oppføring av sjukehusbygget, vart det likevel valt løysningar som ikkje var i samsvar med det som var gjeldande tekniske krav. Eit døme på dette er at isolasjonssjiktet berre er på 50 mm, noko som ellom anna gir alt for lite «vern» mot varmetap. Vedlikehald og utvikling av Ålesund sjukehus i perioden 1971 til 2017 Dei siste 20 åra er det gjennomført ei rekkje større utbyggingar som gjer at bygningsvolumet ved Ålesund sjukehus har vorte større og fasadearealet har auka. Dette gjeld: psykiatribygget (1999) patologi/apotek (2000) dialyse/kontorbygg (2001) kreftavdelinga (2003) varemottaket (2003) ombygging Åse hotell (pasienthotellet) ( ) alderspsykiatri (2008) barneavdelinga (2011) kommunal legevakt ( ) ombygging ny dagkirurgi (2013) AMK (2014) ombygging CT 2 og MR 2 (2015) I 2008/2009 vart det gjort ei større «ansiktsløfting» på fasadane i form av måling og pussing av overflatene. Tiltaket vart finansiert av regjeringa si satsing på motkonjunkturtiltak. Undersøkingar av fasadane i samband dette vedlikehaldsarbeidet synleggjorde mindre førekomstar av rustsprenging under balkongane. Det vart ikkje avdekt andre forhold som skulle tilseie at fasadeplatene var lause eller i ferd med å lausne. Heller ikkje undersøkingar rundt vindauga, særleg på verveggen, ga indikasjonar om skadar slik vi kan sjå dei i dag. Status I samband med orkanen vinteren 2016, vart det ved Ålesund sjukehus oppdaga skadde fasadeplater på høgblokka (sør). Ved nærare undersøkingar utført av eigne tilsette og takstmann frå forsikringsselskap, vart det stadfesta at lektene bak fasadeplatene hadde lausna frå betongveggen. Som eit omgåande tiltak for så sikre tryggleiken for omgivnadane, vart lause fasadeplater demonterte. I tillegg vart betongveggen primet for å tåle nedbør i ei avgrensa periode (max. 1 år). Fasaden på sørsida i høgblokka står no utan ytterkledning. Den «nakne» sørveggen har negative konsekvensar for bygget. Særleg gjeld dette varmetap og kondensproblematikk med moglege fukt- og råteskader som konsekvens, auka energiforbruk og auka behov for innvendig vedlikehald. Dei fysiske arbeidsmiljøforholda for våre tilsette blir også utfordra som følgje av dette. Inneklimaet til våre pasientar er følgjeleg også påverka i negativ retning.

3 Det er viktig å påpeike at årsaka til at fasadeplatene lausna, skuldast konstruksjonsmetoden som var nytta ved oppføring av sjukehuset, ikkje manglande vedlikehald. Konsekvensar ved ikkje å rehabilitere fasadane Den nakne betongveggen på høgblokka vil trekkje vatn om den står utan ytterkledning ein vinter til. Dette vil auke dei bygningsmessige utfordringane knytt til kondens, fuktskadar, varmetap og liknande på innsida men også medføre auka kostnadar knytt til gjennomføring av prosjektet. Utvendig vil det vere stor fare for frostsprenging ved kuldeperiodar i vinter noko som er svært negativt for bygningskonstruksjonen og omgivnaden (små betongdelar vil falle ned ved hovudinngangen/ AMK-bygget). Seinast i september er det dokumentert ytterlegare skadar rundt vindauga ved sjukehuset. Tettingslister er lausna og vatn legg seg i fòringar, trekkjer inn i veggplater mv. Framlegg til løysing Ved framlegget til rehabilitering av fasadane, vert det no lagt vekt på å oppfylle gjeldande tekniske krav, jf. teknisk føreskrift. Gjennom auka isolasjon, nye vindauge som reduserer både varmetap og behov for kjøling samt ein tettare fasadekonstruksjon, vil vi få redusert energibruk og vesentleg betring av inneklima. Miljøambisjonane for prosjektet er høge både når det gjeld lågare energibruk i bygget og miljøriktige løysningar. Dette vil ha positive konsekvensar både for drifta av sjukehuset og for pasientar og tilsette. Det er utarbeidd fleire alternative forslag til utbetring og ny fasade, og desse alternativa er vurderte internt på sjukehuset og saman med eksterne rådgjevarar. Desse vurderingane har resultert i eit konkret forslag til rehabilitering av fasadane på sjukehuset. Rådgjevande ingeniørar og arkitektar har såleis utarbeidd eit skisseprosjektet for fasaderehabiliteringa. Detaljprosjektering av fasadeprosjektet er også gjennomført med tanke på raskast mogleg oppstart av arbeida. Vidare er det søkt om og motteke byggeløyve (rammeløyve) frå Ålesund kommune for dette arbeidet. Dei ulike leiarnivåa, tillitsvalte og verneteneste er informert om prosjektet i eige møte. Planlagt tiltak får også merksemd i «Bygningsmesseg utviklingsplan for HMR eks. SNR» som no er i sluttfasen. Rehabilitering av fasadane er planlagt i tre byggetrinn. Første trinn gjeld sør- og vestfasadane. Andre trinn vil gjelde fasadane mot aust og nord, medan tredje byggetrinn omfattar resterande fasadar av det opphavlege sjukehusbygget frå Samla utgjer fasadane som må rehabiliterast om lag m 2. Dette inkluderer ikkje berre ytterkledningen, men også utskifting av vindauge (vatn treng inn, varmetap, kondens, kald trekk mv.), solskjerming, ny isolasjon og andre forhold for å oppfylle gjeldande tekniske krav. Reduserte utgifter til oppvarming og vedlikehald vil vere positive effektar av tiltaket. Økonomisk er det ein stor fordel om helseføretaket kan gjennomføre dei tre byggetrinna fortløpande og utført av same entreprenør. Riggkostnadar, prosjekteringskostnadar og andre administrative kostnadar som anbods- og kontraktarbeid, vert vesentleg høgare om vi planlegg og gjennomfører berre for eitt og eitt trinn, og med opphald mellom dei ulike trinna. Så snart finansiering er på plass, vil vi kunne starte anbodsprosessen for byggetrinn 1 med høve til opsjon på dei andre byggetrinna. Det aller meste av arbeidet vil verte gjennomført som utvendig arbeid. Pasientar og tilsette må forvente periodevis noko støy, men slik prosjektet er planlagt gjennomført, vil den daglege sjukehusdrifta verte svært lite påverka. Realisering av tiltaket er ein viktige føresetnad ivareta den eldste delen av Ålesund sjukehus, og for å kunne gi god og framtidsretta pasientbehandling i samsvar med den rolla Ålesund sjukehus skal ha Helse Møre og Romsdal.

4 Tentativ plan for gjennomføring av fasadeprosjektet Skisseprosjektet vil inngå i anbodsgrunnlag for totalentreprise. Arbeida er planlagt starta med å kle sørfasaden på høgblokka allereie ultimo 2017/primo Fasaderehabiliteringa er planlagd gjennomført i tre trinn innanfor eit samla finansieringsbehov på 255 MNOK. - Byggetrinn 1 i Kostnadskalkyle 85 MNOK (P85*) - Byggetrinn 2 i Kostnadskalkyle 80 MNOK. (P85) Byggetrinn 3 i 2020/2021. Kostnadskalkyle 90 MNOK (P85) *Beløpet er fastsett med ein sikkerheit som blir kalla P85, noko som betyr at det er 85 prosent sjanse for at kostnadene blir innanfor denne ramma. Finansiering Helseføretaket har i 2017 eit driftsnivå som ligg over tildelte inntektsrammer. Dette medfører at driftskreditten i 2017 aukar til tross for at delar av planlagde investeringar blir mellombels stoppa grunna den økonomiske utviklinga. Det er difor ikkje tilgjengeleg investeringsmidlar eller kapital i føretaket som kan omdisponerast til prosjektet skissert over. Tildelt driftskredittramme for 2017 er svært stram og det vil vere nødvendig med god likviditetsstyring for å halde seg innanfor tildelt ramme. Dette betyr at dersom prosjektet over skal kunne realiserast som skissert, må det hentast kapital utanfor eige helseføretak. HMN RHF forvaltar intern og ekstern finansiering i HMN. Dette inneber mellom anna forvaltning av: - Inntekter - Likviditet, inkludert finansiering av interne lån - Eksterne lån - Interne lån - Driftskreditt - Søknader om finansiering av investeringar og slutning i relevant organ i HMN RHF - Finansiell leasing - Rammeavtaler knytt til operasjonell leasing

5 For å legge til rette for føreseielege økonomiske rammer og sikre at likviditet er tilgjengelig ved behov, opptrer HMN RHF som føretaksgruppa sin internbank. HMN RHF er samtidig ansvarleg ovanfor gruppa sin hovudbankforbindelse og er ansvarleg for kontakt med eigar om finansiering. Adm. direktør sin vurdering er at ein må gjere noko med fasaden allereie i 2017 ut frå skisseprosjektet som er utarbeidd. For å finansiere byggetrinn 1 rår adm. direktør at Helse Møre og Romsdal HF søker HMN om eit langsiktig lån på 85 mill. kroner. Når det gjeld byggetrinn 2 og 3 må dette inkluderast i HMR sitt langtidsbudsjett for og meldast til HMN som naudsynte investeringar i perioden.