K104 Romsdal vgs - anskaffelsesstrategi for utbyggingen

Transkript

1 saksframlegg Dato: Referanse: Vår saksbehandlar: /2015 Per Olaf Brækkan Saksnr Utval Møtedato Plannemnd for byggjeprosjekt Fylkesutvalet K104 Romsdal vgs - anskaffelsesstrategi for utbyggingen Bakgrunn Fylkestinget gjorde i sak T-78/12 «K104 Romsdal vgs Byggeprogram BT2 og BT3» følgjande vedtak; 1. Fylkestinget godkjenner det framlagte byggeprogrammet for Romsdal vgs kor skolen i hovudsak blir bygd i massivtre med low-tech ventilasjonsløysingar. 2. Fylkestinget sluttar seg til at byggearbeidet i hovudsak blir gjennomført med totalentreprise. I april 2014 vart skisseprosjektet lagt fram for handsaming i plannemnda i sak PN- 18/14 med følgjande vedtak; 1. Plannemnda tar det framlagte skisseprosjektet for Romsdal vgs til vitande. 2. Plannemnda godkjenner at byggearbeidet vert gjennomført som hovudentreprise. Fylkestinget handsama desember 2014 forprosjektet for K104 Romsdal vgs i sakane T-68/14 og T-81/14 med følgjande vedtak; 1. Fylkestinget godkjenner framlagt forprosjekt med ei brutto kostnadsramme på 493,1 mill. kroner inkl. mva, eksl løns- og prisstigning. 2. Fylkestinget føresett at naudsynte midlar vert lagt inn ved rullering av økonomiplanen. 3. Fylkestinget sluttar seg til at prosjektet blir ført vidare som skissert. I saka låg det ei overordna vurdering kor hovudentreprise vart anbefalt som gjennomføringsmodell. Ei entreprise er eit bygge- eller anleggsoppdrag på fast eigedom etter planane og prosjekteringa til byggherren (Møre og Romsdal fylkeskommune), med entreprenøren (som skal stå for oppføringa) og byggherren som parter. Ein entreprenør vil kunne være både dei store entreprenørfirmaene og ein byggmester, murer, røyrleggar, elektrikar eller fagfolk innan andre tekniske fag. Større leverandørar innan slike fag, nemnast ofte tekniske entreprenørar. Dei vanlegaste entreprisestandardane er; Delentreprise: Byggherren engasjerer sjølv arkitekt og rådgjevarar og inngår sjølvstendige kontraktar med fleire entreprenører.

2 Hovudentreprise: Byggherren engasjerer sjølv arkitekt og rådgjevarar. Ein entreprenør har den vesentlege delen av bygget, men byggherren engasjerer til dømes tekniske entreprenørar sjølv. Generalentreprise: Byggherren engasjerer sjølv arkitekt og rådgjevarar, men berre ein entreprenør som igjen har kontrakt med alle dei andre entreprenørane. Totalentreprise: Byggherren har kontrakt med ein entreprenør som igjen har kontrakt med arkitekt, rådgjevarar og alle andre entreprenørar. Vurdering K104 Romsdal vgs er eit stort og omfattande prosjekt som krev store ressursar for å leige. På ordinær måte vart det difor engasjert ekstern prosjektleiing for å bistå fylkeskommunen med «å lede, planlegge og gjennomføre prosjektet på ein ressursoptimal måte innanfor prosjektets økonomiske-, framdriftsmessige og kvalitative rammer». Prosjektleiinga har stått for utarbeiding og samordning av dei anbodskonkurransane som var naudsynt for å engasjere rådgjevarane (i hovudsak prosjekterande) til prosjektet. Etter at saka om forprosjekt vart skriven har prosjektleiinga og administrasjonen i fylkeskommunen gått gjennom alle kontraktane til rådgjevarane. Det viser seg i denne gjennomgangen at det ikkje er handlingsrom i alle kontraktane for å gjennomføre prosjektet med ein/fleire hovudentrepriser ei gjennomføringsform som føreset byggherrestyrt detaljprosjektering. Dette er hovudgrunnen til sak om å endre entrepriseform tilbake til totalentreprise. Som ein vil sjå ovanfor var spørsmålet om hovudentreprisemodellen for gjennomføring av dette prosjektet oppe til behandling i Plannemnda i april Det vart då tilrådd å gå frå totalentreprise til hovudentreprise. Bakgrunnen for denne løysinga med entreprisemodell var at ein vurderte det som særs viktig å få med seg prosjekteringsgruppa inn i byggjefasen/produksjonsfasen av prosjektet. Det vart her lagt avgjerande vekt på innovasjonsomsyn mht massivtrekonstruksjon og low tech med omsyn til ventilasjon/energibruk i bygget. Val av entreprisestruktur vurderas kontinuerlig av administrasjonen for å sikre konkurranse og for å redusere risiko i prosjekta. Etter kvart som arbeidet med å ferdigstille forprosjektet gikk fram vart det for prosjektleiinga meir og meir klårt at innovasjonsverdien/innovasjonseffekten var marginal det som var det tunge argumentet i april 2014 hadde etter kvart minimal vekt. Særleg gjaldt dette bruken av eigenskapane til treet for å ytterlegare redusere omfang av ventilasjon og energiforbruk. Denne ambisjonen vart lagt bort da dei prosjekterande ikkje klarte å dokumentere dette utover småskala forsøk. Ein står difor no med eit klårare, i betydning vanlegare, risikobilde som grunnlag for vurderinga; marknadsforhold, kompleksitet, moglegheitsrom i kontraktane og grensesnitt mellom dei ulike fag. For å etablere ein god kontrakt- og gjennomføringsstrategi for prosjekt K104 Romsdal vgs er følgjande faktorar naudsynt å vurdere. 1. Kontraktane til dei prosjekterande.

3 2. Analyse av marknaden per i dag med aktuelle entreprenørar som har kapasitet og kompetanse til å levere anbod. 3. Framdrifta i prosjektet og inndeling i byggesteg. 4. Økonomisk risiko. Korleis sikre at ein har oversikt over kostnader og reservar gjennom heile prosjektet. På dette grunnlaget vert følgjande gjennomføringsmodell og entreprisestruktur anbefalt; Steg 1 Forarbeid Erstatningslokalar (Entreprise E00 sjå vedlegg) for skolen må etablerast raskt før ein kan starte riving. Fylkeskommunen har brakker som kan nyttast etter prosjekta i Kristiansund. Difor nyttar ein eksisterande rammeavtale på totalentreprise for umiddelbart å kunne flytte desse, samt komplettere manglande brakker og plasthall for byggfaga. Riving av eksisterande bygg (Entreprise E01). Dette er ein relativ enkel og oversiktleg jobb som er enkel å rekne på for entreprenør. Til forprosjektet vart det utarbeid ein detaljert miljøsaneringsrapport, som dannar grunnlaget for rivinga. Det vert anbefalt å gjere denne anskaffing som totalentreprise med opsjon på å rive dei siste bygga i Omlegging av infrastruktur (Entreprise E02) på tomta før ein kan starte på grunnarbeid. Dette er i hovudsak grunnarbeid. Omfanget på arbeidet er vanskeleg å talfeste før det er prosjektert heilt ut. I ein totalentreprise vil derfor entreprenørane måtte rekne inn ei relativt stor uvisse. Difor vert det anbefalt å nytte ein delentreprise både på omlegging av infrastruktur og grunnarbeid. Dette er i tråd med føresetnadene i forprosjektet og godkjenninga av forprosjektet i Plannemnda og Fylkestinget. Dette er og med på å redusere risiko i prosjektet. Ein eigen grunnentreprise/eigen entreprise for omlegging av rør, kablar m.a. som går i gjennom tomta i dag, vil og sikre god framdrift, at same entreprenør har ansvar for alt arbeid knytt til graving og omlegging, samt ny infrastruktur for Romsdal vgs Steg 2 Bygging Leverandør av massivtre vart i 2013 engasjert som totalunderentreprenør som forutsetningsvis skulle tiltransporterast totalentreprenøren for bygget. Det betyr at massivtreleverandøren også har ansvar for å prosjektere løysingar for korleis skolen kan byggast i tre. Denne anbodskonkurransen vart gjenommført tidleg i prosjektet for å sikre at naudsynt massivtrekompetanse vart tilført dei tekniske rådgjevarane og arkitekt. Da massivtreleverandøren og hans rådgjevar gjennom tiltransport vil gå inn i totalentreprenøren si prosjekteringsgruppe er både kompetanse og kostnader sikra vidare for prosjektet. Grunna stor forskjell i høgd på tomta kan ikkje heile tomta gravast ut i ein operasjon. Risiko for at veg til eksisterande bygg rasar ut i byggegropa er høg, noko som fører til store ekstrakostnader til sikring.

4 Difor bør grunnentreprenøren (opsjon E02), jfr. entreprisemodellen for infrastruktur, tiltransporterast til totalentreprenøren for delar av arbeidet, slik at tomta vert ferdigstilt i to steg til lågast risiko og til lågast kostnad. Totalentreprise (Entreprise E20). Uavhengig av entrepriseform (hovudentreprise eller totalentreprise) vil dette prosjektet ha eit kostnadsmessig volum så stort at det er tvilsomt om dette fremmar større deltaking. Det er difor ikkje grunnlag for å seie at prosjektkostnadane aukar som følgje av totalentreprise. For fylkeskommunen vil ein totalentreprise derimot gje større tryggleik i høve til økonomistyring. Steg 3 Utomhus kring nybygget Etter at nybygget er ferdig startar utomhusarbeidene (opsjon E70) sør og vest for nybygget. Dette vert gjennomført som opsjon til resten av utomhusarbeida. Steg 4 Riving av eksisterande bygg og utomhus resten av tomta Riving av dei siste bygga vest på tomta (Entreprise E01). Her vert opsjon frå steg 1 utløyst. Eventuelt vert det gjennomført ny konkurranse som totalentreprise. Utomhusarbeider på resterande del av tomta (Entreprise 70). Her er det ikkje avklart omfang av antall parkeringsplassar, og det gjenstår noko prosjektering. Tilsvarande grunnarbeid er det ikkje mogleg å beskrive omfanget før det er ferdig detaljprosjektert. Mesteparten av arbeidet er grunnarbeid, med noko mindre støtte frå elektro- og rørfag. For desse grunnarbeida vert det anbefalt generalentreprise som kontraktsform. Oppsummering På grunnlag av denne argumentasjonen foreslår fylkesrådmannen at prosjektet veljar totalentreprise med grunngjeving; 1. Kontraktane til dei prosjekterande har ikkje opning for å gjennomføre detaljprosjektering fram til hovudentreprise. 2. Analyse av marknaden tilseier ikkje større konkurranse ved val av hovudentreprise framfor totalentreprise. 3. Prosjektet vert forsinka med minimum 6 månader om ein held fast ved hovudentreprise. Alle rådgjevarkontraktane må da lysast ut på ny konkurranse. 4. Økonomisk risiko er større om ein må utsette prosjektet og engasjere nye rådgjevarar. Samstundes gjev totalentreprise lågare økonomisk risiko i høve til hovudentreprise. Denne beskrivne entreprisestrategien påverkar ikkje dei vedtekne måla for prosjektet gjeldande kostnad, massivtre, energibruk eller low-tech ventilasjonsløysing.

5 Forslag til vedtak: Fylkesutvalet sluttar seg til anskaffingsstrategien for utbygginga av K104 Romsdal vgs slik den går fram av fylkesrådmannen sitt saksframlegg av 13. februar Ottar Brage Guttelvik fylkesrådmann Vedlegg 1 K104 Romsdal vgs - organisasjonskart TE Per Olaf Brækkan byggje- og vedlikehaldssjef