Møtereferat. Saksliste. Avdeling for lærerutdanning. Dato:

Transkript

1 Avdeling for lærerutdanning Møtereferat Tilstades Forfall Referent Rådets medlemmar: Torstein Selvik, leiar Kåre Rugeseter Randi Moe Oddrun Hallås Jeanette Haukeland Bakke Lorentz Reitan Marius Eidem, studentrepresentant Hege Mari Støfring, studentrepresentant Per Arne Michelsen, dekan Elles møtte: Svein Ole Sataøen (Sak 06 13/14) Asle Holthe (Sak 07 13/14) Else Berit Kyte Håvard Ulstein Dato: Gjeld Referat avdelingsråd AL Sak 2008/ Møtetid Møtestad: A337 Saksliste Sak 01 13/14 Godkjenning av møteinnkalling. Godkjenning av saksliste. Sak 02 13/14 Godkjenning av referat frå møtet (Vedlegg 1). Sak 03 13/14 Konstituering av rådet for perioden 2013/14. Sak 04 13/14 Orienteringssaker. Orientering ved dekanen. Orientering ved studentrepresentantane. Sak 05 13/14 Rådsseminar november Sak 06 13/14 Forskingssekretariat for følgjegruppa til BLU. Sak 07 13/14 Nasjonalt senter for mat, helse og fysisk aktivitet. Sak 08 13/14 Eventuelt.

2 Sak 01 13/14 Godkjenning av møteinnkalling og saksliste. Møteinnkallinga og sakslista vart godkjent. Sak 02 13/14 Godkjenning av referat frå møtet Referatet vart godkjent. Sak 03 13/14 Konstituering av rådet for perioden 2013/14. Dokument i saka: Vedlegg 2: Retningslinjer for avdelingsrådene. Vedlegg 3: Møteplan for studieåret 2013/14. Rådet godkjente forslaget til vedtak om at Torstein Selvik og Else Berit Kyte held fram som leiar og nestleiar og at ordninga med arbeidsutval skal halde fram med dei same medlemmane som 2012/13 (Selvik, Kyte og Hallås). Arbeidsutvalets studentrepresentant blir Marius Eidem. Sak 04 13/14 Orienteringssaker Orientering frå dekanen 1. Opptakstal for studieåret 2013/14. Dekanen viste først til at opptakstala for masterutdanningane ikkje var i vedlegget, men at AL har tatt opp ca. 70 studentar til saman fordelt på dei ulike masterutdanningane. Han viste vidare til at det var ei uro knytt til BLU, der søkartalet har gått ned med ca. 20%. I tillegg fordelte søkarane seg svært skeivt på dei ulike profilane i BLU. Det førte til at ein måtte gjere endringar i klassestorleik, men at ein no har dekt måltalet på 270. Det vart i rådet peika på at programskildringane for dei enkelte profilane truleg er for vanskelege for søkarane. Dekanen orienterte deretter om at det er gode søkartal til folkehelsearbeid og kroppsøving og idrettsfag, og at grunnskulelærarutdanningane har hatt ei god auke, sjølv om den nasjonale trenden for GLU1-7 er det motsette. 2. Rekneskapsstatus per august Dekanen peika på at AL har hatt realvekst og at budsjettet er ganske greitt. Rapporten vedlagt viser at AL per dags dato har eit overforbruk. Ser ut til å bli ein ½ million i underskot ved årets slutt, men då er ikkje overføringane frå HiB tatt med. Det handlar om EVO, flyttemidlar og kompensasjon for studium som ikkje er fullfinansierte. Budsjettet ser dermed ut til å gå opp. Der er likevel ei uro rundt etterverknadane av streiken i Ekstern evaluering av prosessen fram mot ny barnehagelærarutdanning. Leiinga har hatt temaet oppe til diskusjon og har funne nokre personar som ein ønskjer skal evaluere prosessen. Dekanen understreka at ein må arbeide litt meir med mandatet, omfanget og økonomien rundt evalueringa, men at det vil bli gjennomført. Tidsfristen for ei slik evaluering vil vere våren Side 2 av 2

3 Det vart vist til at det har vore meldt inn ei relatert sak tidlegare til rådet. Det handla om ein plan for evaluering av implementerting og iverksetting av BLU. Det vart sett som noko som hastar, då den bør kome i gang samtidig med implementeringa av BLU. Det vart vidare diskutert kva som låg i dette ønskjet om plan for evaluering av implementering og iverksetting, om ein kan nytte seg av det eksisterande kvalitetsutviklingssystemet til høgskulen eller om det er andre tiltak. Det vart då særleg understreka nødvendigheita av å ha informasjon gitt i t.d. dei etablerte møteforuma skriftleggjort. For at det skal kunne skje i gode nok former, bør det vere ein plan bak slike dokumenterte prosessar. 4. Svar frå KD om rapport og plan. Dekanen orienterte m.a. om at grunnskulelærarutdanningane er i ein høgare økonomisk kategori enn allmennlærarutdanninga var. KD ønskjer at HiB skal skrive noko om korleis den auka tildelinga har slått ut i betra kvalitet. I diskusjonen som følgde, vart det spurd om korleis kritikken KD har av HiBs bruk av midlertidige stillingar treff avdelinga. Her viste dekanen til at avdelinga kvantitativt sett har mange tilsette i midlertidige stillingar, men at det må vere eit visst rom for det. Å dekke inn behov ved permisjonar, vikarar medan stillingar er utlyste, osv. Er det behov for faste stillingar, er det ikkje lov til å tilsette midlertidig. I diskusjonen vart det argumentert for at det må vere ein grunn til at KD stiller seg kritisk til høgskulens bruk av midlertidige stillingar, der dekanen kunne vise til at delar av kritikken har høgskulen hatt ein plan for. Det gjeld faga pedagogikk, norsk og matematikk, der sistnemnde ser ut til å gå i orden. Orientering frå studentrepresentantane 5. Studentparlamentet skal ta stilling til om ein ønskjer universitet. Det er ikkje udelt positivt, då ein har brote med vilkåret for studentparlamentets støtte til universitetstanken ved å neglisjere grunnutdanningane. Sak 05 13/14 Rådsseminar november 2013 Rådsleiar orienterte om korleis opphaldet på Voss er tenkt, der det skal vere seminar måndag 11. og rådsmøte tysdag 12. På seminaret vil Tom Skauge frå AI vere med. Seminarets hovudtema blir «Organisasjonsutvikling ein organisasjon i endring». Rådsleiar understreka at rådsmedlemmane har eit ansvar i å sende innspel om kva dei ser som viktig i denne samanhengen. I diskusjonen kom det fram eit ønskje om at erfaringar frå liknande prosessar, som ved Universitetet i Stavanger, blir tatt med. Sak 06 13/14 Forskingssekretariat for følgjegruppa til BLU Dokument i saka: Vedlegg 7: Mandat følgjegruppa for BLU Vedlegg 8: Bergen og HiB fikk prestisjefullt sekretariat. Til saka hadde rådet invitert Svein Ole Sataøen, leiar for sekretariatet, til å orientere om funksjon og betydning for HiB og AL. Han viste først til at ein har ei liknande følgjegruppe i GLU, der begge er noko anna enn ei tradisjonell evaluering som skjer i ettertid. Side 3 av 3

4 Det er ei departemental utpeiking av HiB som har skjedd, der arbeidet som er lagt ned i forskingsprosjektet Barnehagen som danningsarena og i Senter for utdanningsforsking er viktige grunnar for utpeikinga. Modellen for følgjegruppa er ganske lik følgjegruppa til GLU, men det vil kome nokre endringar. Mimi Bjerkestrand er leiar i ei gruppe på til saman ni personar. Det er ei breitt samansett følgjegruppe som skal samarbeide med sekretariatet og som skal vare i fire år. Det er ulike faglege fokus for dei enkelte åra. I det første året er merksemda retta mot implementering av den nye utdanninga og særleg arbeidet med kunnskapsområda. Dei nitten institusjonane har valt ulike måtar å løyse det på. HiB har laga profilar som studentane vel på førehand. Nokre har felles første år, deretter spesialisering. Nokre institusjonar har valt å ikkje ha spesialisering. Institusjonane skal kome med eigenevalueringar og følgjegruppa tar det nasjonale perspektivet. Følgjegruppa har laga seg ein grunnmodell for arbeidet: Først avklaring av reformas 0-punkt. Korleis såg barnehagelærarutdanning ut før reforma? Reformas vilje, dvs. kva er dei sentrale områda i den nye reforma. Reformas kritiske punkt. Kva er dei store utfordringane i reforma? Korleis arbeider institusjonane med desse. Her skal følgjegruppa vere støttespelar. I dei fire åra vil fokuset vere litt avhengig av kva som skjer på institusjonane. Praksis blir truleg eitt av fleire gjennomgåande tema. Det er ei rekke kritiske faktorar der institusjonane må tenke nytt. Følgjegruppa skal på institusjonsbesøk etter nyttår. Frå diskusjonen: Det er ei undervegsevaluering. Korleis få ut informasjonen? Sataøen viste til at sekretariatet/gruppa skal kome med årlege rapportar, der kvantitative data er ein sentral del. Det handlar om opptak, fråfall, osv. Fagmiljøet på AI har blitt utfordra på dette. Gruppa står elles ganske fritt og arbeider med å finne arenaer for å snakke med aktørane i sektoren. Kva med følgjeforsking? Saman med Tom Are Trippestad utgjer Sataøen på det noverande tidspunkt det faglege sekretariatet. Elin Eriksen Ødegaard vil kome inn etter kvart. Når ein har funne dei faglege emna ein skal ta opp, blir fleire involvert. Dei nye kunnskapsområda og transfaglegheit er område som er aktuelle. Det er også aktuelt å få ein pott i FoUtildelinga. Mandatets nest siste punkt. Er det tenkt nettsider, kontakt med t.d. mediesenteret? Mediesenteret arbeider med dette. Korleis følgje opp institusjonane og studentane som er i BLU? Kva med pilotkullet ved Høgskulen i Sogn og Fjordane? Arbeidet som følgjegruppa driv nasjonalt heng saman med viktigheita av dokumenterte prosessar lokalt på den enkelte institusjon. Er det truleg at dei råda som følgjegruppa kjem med om fire år også vil ende opp med endringsforslag? Mandatet er i utgangspunktet ope. Det er ei omstridd reform og ein kan ikkje sjå vekk frå at det vil kome endringar ut frå erfaringsgrunnlaget ein etter kvart vil få. Det vart i rådet også understreka at det ikkje er ei utøvande myndigheit i mandatet, men at det handlarom å orientere, rettleie, osv. Side 4 av 4

5 Vil det kome ein revisjon av rammeplanen for barnehagen når oppdraget er ferdig? Det skal kome ein revisjon av denne planen i løpet av neste år. Sataøen kunne bekrefte at det er ei kontinuerleg kontakt med rammeplanutvalet. Kva er kvalitet i barnehage og BLU? Sataøen kommenterte at det er det følgjegruppa skal finne ut av. Praksis og praksislærarar vil i første omgang vere viktige. Innsamling og samanlikning av eksamensoppgåver er også eit grep for å måle kvaliteten i utdanninga. Sak 07 13/14 Nasjonalt senter for mat, helse og fysisk aktivitet Dokument i saka Vedlegg 9: Nasjonalt senter for mat, helse og fysisk aktivitet. Vedlegg 10: Nasjonalt senter presentasjon oktober Asle Holthe og Oddrun Hallås presenterte det nasjonale senteret for mat, helse og fysisk aktivitet som Kunnskapsdepartementet og Helse- og omsorgsdepartementet har lagt til Høgskulen i Bergen. Målgruppene for senteret er barnehage- og skuleeigarar, leiarar og personale i barnehagar, skuleleiarar og lærarar i grunnopplæringa og andre relevante utdanningar. For ein utfyllande presentasjon, sjå vedlegg 10. Rådet såg på etableringa av senteret som svært positivt og som ein honnør til det arbeidet som har vore lagt ned i dei respektive fagmiljøa som senteret spring ut frå. Diskusjonen starta med eit potensielt kritisk spørsmål: Kan senterets rolle gå utover ressursane til grunnutdanningane og dei enkelte fagmiljøa? Er det sjølvgåande økonomisk eller trekk det vekslar på resten av aktiviteten på avdeling og høgskule? Holthe viste til atsom vertsinstitusjon får HiB ei etableringstildeling og ei grunnfinansiering. Grunnfinansieringa blir styrt av senterleiar og kan ikkje brukast til forsking, men meir til formidling av det som skjer i feltet nasjonalt. Senteret får også tilleggsfinansiering frå departmenta og har høve til å bli finansiert også på andre måtar. Det handlar i første rekke om ei potensiell synergieffekt som kan slå positivt ut. Dei største nasjonale sentra har nærare førti tilsette. For å få til den gode synergieffekten, har senteret særleg to utfordringar. Det første er å bli nasjonalt og ikkje vestlandsk. Det andre er å synleggjere og tydeleggjere synergieffekten. Holthe var seinare inne på at det er viktig å sørgje for at samarbeidet mellom senteret og vertsinstitusjonen (HiB) blir best mogleg. Han trakk fram eit nasjonalt senter som er lagt til Universitetet i Nordland, der vertsinstitusjonen bygg ned fagmiljøa som senteret bygger på. HiB har eit godt utgangspunkt med gode tilbod innanfor fagfelta senteret skal dekke. Side 5 av 5