Dag Orseth møtte til sak 27 13/14 Oddrun Hallås og Bente Brathetland. Sak 25 13/14 Godkjenning av referat frå møtet (Vedlegg 1).

Transkript

1 Sak 32 13/14 Vedlegg 1 Avdeling for lærerutdanning Møtereferat Tilstades Forfall Referent Rådets medlemmar: Torstein Selvik, leiar Else Berit Kyte, nestleiar Lorentz Reitan Randi Moe Kåre Rugesæter Jeanette Haukeland Bakke Hege Mari Støfring Marius Eidem Per Arne Michelsen Dag Orseth møtte til sak 27 13/14 Oddrun Hallås og Bente Brathetland Håvard Ulstein Dato: Gjeld Referat avdelingsråd AL Sak 2008/ Møtetid Møtestad: A224 Saksliste Sak 24 13/14 Godkjenning av møteinnkalling. Godkjenning av saksliste. Sak 25 13/14 Godkjenning av referat frå møtet (Vedlegg 1). Sak 26 13/14 Sak 27 13/14 Sak 28 13/14 Orienteringssaker. Orientering ved dekanen. Orientering ved studentrepresentantane. Fleirkulturell satsing. Kva skjer med lærarutdanningane? Sak 29 13/14 Årsplan 2014.

2 Sak 30 13/14 Eventuelt. Sak 24 13/14 Godkjenning av møteinnkalling og saksliste. Begge vart godkjent utan merknadar. Sak 25 13/14 Godkjenning av referat frå møtet Referatet vart godkjent utan merknadar. Sak 26 13/14 Orienteringssaker Orientering frå dekanen: AL møtte høgskulestyret. Det var ein viss kommunikasjonssvikt før møtet med styret. Vanlegvis kjem bestilling av kva tema ein skal ta opp og der avdelinga får 1 ½ time til å gjere greie for og informere. Denne gongen fekk dekanen beskjed om 20 minutt, noko som førte til at dekanen stilte aleine utan studentrepresentantar og programansvarlege. Det positive som skjedde var at ein fekk tid til diskusjon, noko som har vore mangelvare ved dei tidlegare møta. Dei årvisse møta mellom styret og avdeling har ei form for rapportering ved seg om dei store måla avdelinga styrer etter, der avdelinga gjer greie for veksten i studenttal, studietilbod, FoU, publikasjonspoeng og at ein t.d. har lukkast i søknadsgodkjenningar både på master- og phd-program. Det vart i rådsmøtet vist til at styresaka brukte feil namn på den nye masteren i fysisk aktivitet og kosthald i eit skulemiljø. Samlokaliseringsprosjektet. Avdelingsrådet sendte ei fråsegn i sist avdelingsrådsmøte der ein viste ei uro for at avdelingsadministrasjonen ikkje blir organisert til det beste for studentar og tilsette på avdelingane og bad om at dekanane skulle vere tettare på prosessen. Dekanen har ikkje sendt denne fråsegna vidare. Han viste til at det har vore vanskeleg å få ei forståing for at AL gjennom organisasjonsprosjektet har mista ei stilling, medan arbeidsmengda er den same. Han såg ingen signal om at den siste stillinga blir oppretta. Avdelinga fekk i slutten av februar eit brev frå prosjektleiinga i samlokaliseringsprosjektet. Som følgje av mangel på kontorsjef ved det nyoppretta Side 2 av 2

3 studieadministrative kontoret i fellesadministrasjonen skal dei tre i studieadministrasjonen som fekk oppgåver der, framleis vere ein del av avdelinga og rapportere til dekan. Flytting. Det har kome bekymringsmeldingar frå sentralt hald om engasjementet på avdelingsnivået. Dekanen meinte at ein har gjort eit godt arbeid med flytteplanen og den skal ikkje kollidere med andre sentrale oppgåver. Kunstgruppa skal pakke ned og flytte. Det er eit spørsmål om kva ein skal gjere med kunsten som ikkje blir med til Kronstad/Møllendalsveien. Fagval GLU, oppslag i BT om manglande matematikktilbod og opptak til masterutdanningane. Fagvalet. Dekanen viste til at studentane i fagvalet kan velje mellom mange fag, der fag som ikkje får nok søkarar går ut. Dette er ei ordning som er diskutert med studentane. I år var det matematikk som fekk for få søkarar. Avdelinga kan ikkje gi tilbod om alt. Det som stod i Bergens Tidende er for det meste rett, men nokre av innspela som kom i etterkant er ikkje like etterrettelege. KD har laga eit system der ikkje alle skal tilby alle fag, men med tanke på mobilitet. I kommentarane etterpå var det i hovudsak følgjande tema som gjekk igjen: - Bør ein gjere norsk og matematikk obligatorisk i GLU5-10? Det vart av fleire vist til andre institusjonar som har valt å gjere det. Dekanen viste til dersom ein gjer nokre fag obligatoriske, så prioriterer ein vekk andre fag som også er viktige i skulen. - Realfag og språkfag som prioriterte fagområde. Bør det vere ein grunn til å gi t.d. matematikk sjølv om det er få søkarar? Dekanen meinte at ein også kan snu på det: Kvifor vel ikkje fleire matematikk? Han viste også til at AL tidlegare har gitt tilbod til færre søkarar i musikk, men det hadde grunnlag i at musikk er, som følgje av den kunstfaglege profilen til HiB, eit satsingsområde kopla med at årsstudiet gjekk ut samtidig. - Profil og breidde vs. samfunnsansvar. Det er flott at HiB ønskjer å ha profil og breidde, men kan ein som stor institusjon gå vekk frå samfunnsansvaret. Her repliserte dekanen at samfunnsansvaret ikkje berre handlar om dei store faga, men at det også er viktig for dei mindre dominante faga årsstudentar saman med 1. og 2. årsstudentar i visse fag? Løysingar andre institusjonar har enda opp med handlar om å la 3. og 4. årsstudentar ta sine fag saman med 1. og 2. årsstudentane. Vil det kunne vere ei løysing ved AL? Dekanen viste til at dette har ein sett på, men t.d. matematikk går over tre år. Organisatorisk blir det for vanskeleg, sjølv om ein ser vekk frå progresjonstanken som ligg implisitt i GLU. Mastergradssøknadane. Det er få søkarar på master i undervisningsvitskap samtidig som det er mange søkarar på den nye masteren i fysisk fostring og kosthald i eit skulemiljø. Det vart vist til at den nye dekker eit behov for dei praktiske faga og at det er ulikt rekrutteringsgrunnlag. I undervisningsvitskap er det i første rekke Side 3 av 3

4 grunnskulelærarstudentane som vil danne rekrutteringsgrunnlaget. Ein ser i dag konturar, men det er tidleg, då det er første året rekrutteringa kjem frå GLU. Barnehagelærarutdanning og institusjonsbesøk. Følgjegruppa reiser rundt på institusjonsbesøk og hadde på HiB først eit møte med leiinga, deretter eit ope møte før eit avsluttande møte. I dei ulike møta fekk ein diskutert iverksettinga av BLU. I det opne møtet var det ei samansett gruppering i paneldebatten, og det kom nokre utfordringar frå følgjegruppa som ikkje fann alt dei ønskte i fagplanane. Det vart kommentert følgjande: - AL er tungt inne i følgjegruppa. BLU-reforma er radikal og vil ta tid før den har sett seg. - BLU-studentane gir ikkje inntrykk av a det er endra så mykje frå FØU. Dette vart av andre sett i lys av at det er eit krevande landskap å få orden i og at ein til no har vore meir opptatt av organisering enn av fagleg innhald. Tidsfaktoren blir viktig her. - Rekruttering. Det var stor skilnad på rekrutteringa til dei ulike tilboda ein kunne velje mellom i BLU, der Barns utvikling, leik og læring (BUL) fekk langt fleire søkarar enn dei andre. Korleis kommuniserer HiB dei andre alternativa for å få søkarar også til dei? Her viste dekanen til at ein viktig grunn handla om overgangen frå FØU til BLU, då mange søkarar trudde det øvste alternativet var ein form for breiddemodell. Ein har tatt informasjonsmessige grep og endra på rekkefølgja. På den måten kan det kome endringar. Rapport frå følgjegruppa til GLU. Følgjegruppa til GLU gir årleg ut ein rapport. Årets rapport har fokus på bacheloroppgåva. I etterkant av rapporten har det vore ein del diskusjon om arbeidsinnsatsen til studentane i GLU, der KD meiner at krava lærarutdanningane stiller er for svake. Dekanen meinte at delvis handlar dette om når studentane blir spurde. Arbeidsmengda vil variere gjennom studieåret. Det har også vore ein diskusjon om karaktervariasjonar i like fag på ulike institusjonar. I diskusjonen som følgde, var ein innom desse elementa: - Tala er ikkje samanliknbare. Det kjem heller ikkje fram at det er modningsfag det er tale om. - Krav til studentane. Fleire var inne på at ein må krevje meir av studentane og at ein kanskje må ta strukturelle grep. - Resultat av reformer. Gjennom L97 slutta ein å krevje frå elevane. Det er desse som no kjem til høgskulane. Etter kvalitetsreforma gjekk ein meir over til stått/ikkje stått på forprøver, noko som har ført til at studentane ikkje gjer meir enn det dei må. - Felles for fleire av kommentarane var at det er institusjonens ansvar å sette krav. Orientering frå studentrepresentantane Side 4 av 4

5 Ein student i Kunst og handverk ønskjer eit mastertilbod. Det er mykje god undervisning, men det går for lite i djupna. Meir generelt meldte studentane at dei praktisk-estetiske faga har for lite undervisning. Dekanen repliserte at det å opprette ein master krev mykje, både at fagmiljøet har høg nok formell kompetanse, at det skal inngå i HiBs planar, og at HiB fram til no har måtte søke om å få lov. Når det gjaldt undervisninga viste han til at det er avhengig av ressursplanane og dei vart for nokre år sidan redusert. På spørsmål om reduksjonen som skjedde i undervisningsressursane var ei mellombels løysing, svarte han at det var ei permanent løysing. Anders Kvernmo Langset er valt til ny leiar for Norsk studentorganisasjon (NSO) og Marie Furulund er valt til leiar i Pedagogstudentene (PS). Pedagogstudentene har gått inn for femårig integrert master i grunnskulelærar- og faglærarutdanningane, men ikkje i barnehagelærarutdanninga. Sak 27 13/14 Fleirkulturell satsing Dokument i saka: Vedlegg 9: Sak 14 13/14 Statusrapport til Avdelingsråd Vedlegg 10: Utdanningsdirektoratet : Utbetalingsbrev Vedlegg 11: Budsjett Dette var ei sak som skulle opp i novembermøtet, men som vart utsett. Sakspapiret i novembermøtet og i dette møtet supplerer kvarandre. Programansvarleg Dag Orseth kom og orienterte om satsinga og status så langt. Den er todelt. Den eine er den barnehage- og skulebaserte satsinga og den andre er kompetanseheving i UH-sektoren. Satsingar som dette er interessante, men arbeidskrevande for mange partar. Skulle eigentleg skje studieåret 2013/14, men utdanningsdirektoratet skjønte fort at det ikkje ville gå. Alle partar arbeider raskt og hardt og det er no seks institusjonar som HiB skal hjelpe. Dei er ikkje like og har ulike ønskje. Det har vore eit imponerande arbeid frå dei tre minste kommunane som har klart å samordne det slik at dei har fått mykje ut av midlane. Fagleg koordinering skulle vere klar til påske på bakgrunn av profilen i prosjektplanen. Alt er på plass med unntak av ein barnehage i Bergen kommune. To andre regionar har ei tilsvarande satsing, Troms og Akershus. Hordaland har samanlikna sett kome langt. Ein har dessverre ikkje kome like langt i kompetansehevinga. HiB skal i desse dagar få eit bestillingsskriv som seier noko om kompetanseheving. Fristen til institusjonane er midten av mai. Det er lyst ut interne utviklingsmidlar på om lag 700 timar og det vil kome meir. Momenta i diskusjonen som følgde var: Side 5 av 5

6 Innhaldsmessig. Kva behov/bestilling har dei ulike samarbeidspartane? Orseth viste til at det handla om språkinnlæring, foreldresamarbeid og involvering for dei fleste. Sund kommune har i tillegg trekt inn kulturskulen i satsinga. Sjølv om det er på sida, så er det relevant i denne samanhengen. Faglærarutdanning for tospråklege lærarar fungerer nasjonalt dårleg. Med fokus på det fleirkulturelle ville det vere fint om kompetansen ein oppnår i prosjektet kunne bli brukt der. Grunnlaget i utdanninga sviktar og det bør vere ei merksemd på dette i samband med den fleirkulturelle satsinga. Kompleksiteten i det fleirkulturelle perspektivet er noko AL ikkje har tatt inn over seg. Det bør vere ein naturleg del av utdanningane. Å heve den fleirkulturelle kompetansen vart forsøkt på avdelinga for fire år sidan, men det var for få som viste interesse. I dag manglar ein breiddekompetansen i personalet. Samtidig er det eit aktuelt behov i skulen og barnehagen i dag. Det vart også vist til at perspektivet allereie ligg inne i barnehagelærarutdanninga og at nokre fag har hatt ein tradisjon for det fleirkulturelle. Konseptet er spennande. Det er ei blanding av prosjekt/opplæring i skule/barnehage og kompetanseoppbygging samtidig. Orseth viste avslutningsvis til at samhandling med foreldre har ei vanskeleg forhistorie, noko prosjektet forsøker å gjere noko med, noko som viser seg igjen i at dei som bestiller ønskjer å involvere heile personalet. Sak 28 13/14 Kva skjer med lærarutdanningane? Dokument i saka Vedlegg 12: Pressemelding KD Klare prioriteringer i høyere utdanning og forskning Rådsleiar gjekk først gjennom sakspapira og viste til kunnskapsminister Torbjørn Røe Isaksens ambisjonar og 7-punktsliste for høgare utdanning. Eitt av punkta går spesifikt på lærarutdanning. Deretter heldt dekanen eit innlegg som skulle legge grunnlaget for ein påfølgjande debatt. Han var m.a. inne på at det lenge har vore rykte om fleirtal for ei femårig lærarutdanning i Stortinget. Med regjeringsskifte rekna mange at det ville kome. Kunnskapsministerens sju punkt viser til ei satsing, men etter sonderingar i regjeringsapparatet vil det vere finansdepartementet som til slutt vil vere bestemmande. Det kjem nok endringar, men kanskje i meir moderat form. Statssekretæren seier litt, men er forsiktig. Dei seier klar at det kan verke som at mange institusjonar tilbyr like utdanningar. Underforstått, det er for mange. Det skal kome ei stortingsmelding neste år som skal ta føre seg strukturen. For dei små institusjonane vil det bli viktig å profilere seg. Resultatet kan bli reduserte institusjonar. Ser ein på vår region, så kan HSH og HiSF fusjonere, dei kan bli filialar under HiB, dei kan få færre grunnskulelærarutdanningar, osv. HiB er ganske trygg som følgje av å vere stor. I valkampen kravde dagens regjeringsparti høgare krav til opptaket til grunnskulelærarutdanningane, der matematikk- og norskkravet burde gå frå 3 til 4. men, det kan Side 6 av 6

7 bety at mellom 50-75% av dagens studentar ikkje ville ha kome inn. Vil karakterkravet slik sett vere fornuftig? Korleis kan ei masterutdanning bli? Statssekretæren meinte at den må bygge på grunnskulelærarutdanningane. Skal ein følgje Bologna (3+2+3)? Kan ein ha ei klassisk masteravhandling som kan føre til forskarkompetanse eller skal ein differensiere i også mindre akademisk retning. I diskusjonen som følgde, kom desse momenta opp. Kva type masteravhandling skal ein ha? Det er eit viktig spørsmål for AL. Det er politisk semje om 5-årig utdanning og ein viktig debatt må ligge i forholdet mellom struktur og akademisering. På AL er det ei fare for at BA-oppgåva blir for smal relatert til kva ein skal bli. Masterprogramma kan bli differensierte, noko ein ser i fleire land. Ei femårig utdanning bør i alle høve ha meir enn to fag. Samfunnets behov bør vere førande. Organisering av sektoren. Her har ein lagt seg nært opp til Stjernø-utvalets innstilling, samtidig som at dei små institusjonane har gjort det godt i studenttilfredsheitsundersøkingar. Integrert lektorløp. Det vart vist til at eit integrert lektorløp kan føre til at fleire held seg til yrket. Dette var ikkje alle like samde i, men ei fellesforståing låg i verdien av å vere i eit fag over tid. Praktisk yrkeserfaring. Eit forslag som kom opp var å tenke ei integrering mellom yrkesliv og masterutdanning, der desse to bygde på kvarandre. Britiske lærarutdanningar er i langt større grad kopla på praksisfeltet som lærarutdanning enn norske forhold, men det er eit sprørsmål om det er vegen å gå. Det er likevel viktig å sjå verdien av at lærarar med erfaring vender tilbake til utdanningane og tar master. Struktur og innhald. Det vart vist til at kunnskapsministeren vil framheve og endre strukturen, men samtidig vil det vere avhengig av innhaldet. Studiefinansieringsmodellen vi har i dag er styrande med tanke på gjennomstrøyming. I dag må studentane fullføre for at institusjonen skal få økonomiske midlar, noko som kan få uheldige faglege konsekvensar. Sak 29 13/14 Årsplan 2014 Dokument i saka: Vedlegg 13 og 14: Styresak 16/14 - Rapport og planar Vedlegg 15: Utkast til årsplan 2014, AL. Møteleiar gjekk først gjennom sakspapira og poengterte at diskusjonen i rådet burde handle om dei fire sektormåla avdelinga må halde seg til. Dekanen gjekk deretter inn på prosessen, som han karakteriserte som tung. Det er stor semje på HiB om å betre prosessane, der avdelingane får kome inn tidlegare. Det er opna opp for Side 7 av 7

8 involvering i dag, men det er vanskeleg å kunne vere førebudd når involveringa skal skje. Planane sentralt er endra etter innspel frå KD, med risikovurderingar som ein sentral del. Risikovurderingane har undervegs i prosessen blitt kraftig moderert. Avdelinga lagar ein enklare plan som er lettare å følgje. Det har tidlegare kome ulike innspel til korleis ALs plan skal vere. Tiltaka bør vere punkt ein kan rapportere på seinare. Ei nærare konkretisering kan skje i rapporten som kjem seinare. I diskusjonen som følgde var det eit rimeleg samstemt råd som meinte at forma og strukturen i årsplanen var god. Det vart av fleire etterlyst sterkare konkretiseringar i tiltaka for å kunne nytte planen som ein arbeidsreiskap. Dekanen oppmoda rådsmedlemmane om å sende inn forslag til nye og/eller endra tiltak. Sak 30 14/15 Eventuelt Studentrepresentant Marius Eidem meldte inn to saker til eventuelt: 1. Digital eksamen-pilot. AL er den einaste avdelinga som ikkje er med. Kvifor? Dekanen fortalte at avdelinga har vore med, men har falt ut. Når og kvifor er uklart. 2. Uninet arbeider med ei ny læringsplattform. It s Learning vil truleg gå ut som læringsplattform om 4-5 år. Side 8 av 8