Lorentz Reitan og Jeanette Haukeland Bakke

Transkript

1 Avdeling for lærerutdanning Møtereferat Dato: Tilstades Forfall Referent Rådets medlemmar: Torstein Selvik, leiar Else Berit Kyte, nestleiar Randi Moe Oddrun Hallås Bente Brathetland Kjærsti Rønneberg, studentrepresentant Marianne Veiteberg, studentrepresentant Per Arne Michelsen, dekan Lorentz Reitan og Jeanette Haukeland Bakke Håvard Ulstein Gjeld Referat avdelingsråd AL Sak 2008/3955 Møtetid Møtestad: Kronstad, B514 Saksliste Sak 01 14/15 Godkjenning av møteinnkalling. Godkjenning av saksliste. Sak 02 14/15 Godkjenning av referat frå møtet (Vedlegg 1). Sak 03 14/15 Konstituering av avdelingsrådet for studieåret 2014/15. Sak 04 14/15 Orienteringssaker. Orientering ved dekanen. Orientering ved studentrepresentantane. Sak 05 14/15 SAKS Samarbeid, arbeidsdeling, konsentrasjon og samanslåing. Sak 06 14/15 Oppstart studieåret 2014/15 erfaringar og moglegheiter. Sak 07 14/15 Eventuelt.

2 Sak 01 14/15 Godkjenning av møteinnkalling og saksliste. Innkalling og saksliste vart godkjent med nokre mindre merknader. Sak 02 14/15 Godkjenning av referat frå møtet Referatet vart godkjent utan merknader. Sak 03 14/15 Konstituering av avdelingsrådet for studieåret 2014/15 Dokument i saka Retningslinjer for avdelingsråda ved Høgskulen i Bergen Vedlegg 2: Avdelingsrådets samansetning 2014/15 Rådsleiar informerte først om rådets rolle, dekanens råd, som eit av avdelingas demokratiske organ. Tradisjonelt har rådet vore samansett av at ein fagleg tilsett er leiar og ein ekstern representant er nestleiar. Rådet har dei siste åra etablert eit arbeidsutval for å styrke rådsarbeidet. Han viste også til at det er det fjerde, og siste, året rådet har denne samansetninga, og at det har vore stilt spørsmål om avdelingsrådas framtid. Dekanen viste til styremøtet som skal vere 17. september, der eine saka handlar om nedsetting av valstyre. Det tyder på at ein har tenkt å halde fram med avdelingsråd. I sakspapiret hadde rådets leiar og nestleiar for 2013/14 sagt seg villige til å halde fram også for studieåret 2014/15. Det var ingen som meldte seg som kandidatar i møtet og Torstein Selvik og Else Berit Kyte vart attvald for eit år til. Arbeidsutvalet har vore samansett av leiar, nestleiar, fagleg representant og studentrepresentant, i tillegg til dekan og sekretær. Rådet ønskte å halde fram med ordninga, der Oddrun Hallås og Kjærsti Rønneberg blir faste medlemmar i tillegg til leiar og nestleiar. Det vart også i møtet sagt at dersom ein av desse ikkje kan møte i arbeidsutvalet, så står ein fritt til å sende ein av dei andre representantane.

3 Det kom avslutningsvis eit innspel til forbetring ved at seksjonsleiarane skal få kopi av innkallinga til arbeidsutvalsmøta. På den måten skal seksjonane kunne sende inn saker eller innspel til saker som skal opp. Rådet samla seg om innspelet. Sak 04 14/15 Orienteringssaker Det kom eit forslag om at i framtidige møteinnkallingar, så skal det i tillegg til dekanens og studentrepresentantanes orienteringar også vere ein post der dei tilsette kan kome med orienteringssaker. Orientering frå dekanen Søkartal for studieåret 2014/15 grunnutdanningane, etter- og vidareutdanningane og masterutdanningane. - Barnehagelærarutdanning. Har dei studentane ein skal ha i BLU. Det er ei av dei største BLU-utdanningane i landet. Tidlegare har det vore ei skeiv fordeling i søkarar til dei ulike kompetanseområda, men i år er det ei ganske grei fordeling. - Bachelorutdanningane. Søkartala er brukbare. - GLU1-7. Slit litt med RLE som fordjuping, men det har fylt seg opp fram til studiestart. HiB har mange søkarar til 1-7-utdanninga, i motsetning til tendensane nasjonalt. Kjønnsbalansen kunne vore betre. - Drama. Greie opptakstal. - Etter- og vidareutdanning. Det er ulike former for etter- og vidareutdanning, med ulike satsingsområde og ulike finansieringsmodellar. Dei fleste er samlingsbaserte, der samlingane er i Bergen. På eit vanleg betalingskurs må det vere minst 15 deltakarar, medan kursa som går under Kompetanse for kvalitet ikkje har ei slik nedre grense. - Master. Nærare 70 studentar, noko som er om lag på det same nivået som åra før. Nokre små grupper, men det er relativt nye masterutdanningar så ein må vere tolmodige. Orienteringa om masteropptaket opna opp for innspel frå rådsmedlemmane. Dei var opptatt av o Det er ganske beskjedne mastertal i lys av det som skal skje i dei komande åra med overgang til femårig lærarutdanning. Det er fleire fagmiljø som må rustast opp.

4 o Er det vilje i kommunane å tilsette lærarar med mastergrad i barne- og ungdomsskulen. Her vart det replisert at det ikkje handlar om økonomiske årsaker til at folk med master ikkje blir tilsett. Det handlar i større grad om at ikkje alle masterutdanningar er tydelege nok på skulefaget. o Kva type master skal den femårige lærarutdanninga ha? Profesjonsretta eller phd-retta? Veit ein noko om når det skal implementerast? Dekanen viste til fråsegner frå statssekretæren til kunnskapsministeren som har handla om at det skal vere i dei store skulefaga. Elles har det vore ganske vage signal. o Det skal også kome mastertilbod for barnehagelærarutdanninga. Følgjegrupper for barnehagelærarutdanning og grunnskulelærarutdanningar. Følgjegruppa til BLU skal arrangere ei nasjonal konferanse på Gardermoen i veke 39. Følgjegruppa til GLU kjem på institusjonsbesøk 1. oktober. Fellesadministrasjonen skal lyse ut inntil 9 stipendiatstillingar. AL har sikta seg inn på å få lyse ut 5 stipendiatstillingar. Lokale lønnsforhandlingar. Det er ein rimeleg stor pott dette året. Fagforeiningane og avdelingane kjem med sine prioriteringslister som deretter blir diskutert sentralt. Styremøte 17. september. Dekanen orienterte om kva saker som skal opp. Oppfølging av BLU-rapporten. Har sikra at eksterne representantar er med til BLU-oppfølging. Dekanen viste deretter om prosessen og at evalueringa var kritisk. Framover skal ein møte dei involverte miljøa, kartlegge og finne vegen vidare etter det. Avdelingsleiinga arbeider no med korleis møta skal organiserast og kjem ut med informasjon etter det. kjem til å lage eit dokument på førehand av prosessane om korleis prosessen skal vere. Ein av prøvesteinane kan vere korleis avdelinga skal få til ein BLUmaster. Orientering ved studentrepresentantane Demokratitid. Demokratitida blir ikkje overhalde. Det fører til at ein ikkje blir vedtaksføre. Det må kunne vere undervisningsfri når det er studentrådsmøte. Faglærarar har lagt inn undervisning for små grupper i den aktuelle tida. Sak 05 14/15 SAKS Samarbeid, arbeidsdeling, konsentrasjon og samanslåing.

5 Dokument i saka Vedlegg 5: Statssekretær Bjørn Haugstads innlegg på UHRs representantskapsmøte Vedlegg 6: Brev og oppdrag frå KD Vedlegg 7: HiBs første innspel om strukturreform. Vedlegg 8: ALs innspel til HiB om strukturreform Rådsleiar introduserte først saka, der han viste til at det er ei sak som kjem til å prege høgskulen framover. Saka skal opp i styremøtet 17. september og prosessen skal halde fram utover hausten. Målet for rådsmøtet er å kome med gode argument til dekanen. Samarbeid, arbeidsdeling og fagleg konsentrasjon (SAK) har vore ein del av høgskulens verksemd sidan På Vestlandet har ein vore ganske gode på samarbeid, medan arbeidsdeling og konsentrasjon har ikkje kome langt. Det har Vestlandet til felles med store delar av UH-sektoren og det er mykje derfor regjeringa no tar eit grep. Dekanen orienterte vidare og understreka at det er viktig å få den gode diskusjonen. Der vi er no er det mange strategiar som sirkulerer. Bakgrunnen er at KD har bestemt seg for å omstrukturere UH-sektoren. Dei seier det er for mange sjølvstendige institusjonar med for like utdanningar. Mange av dei er ikkje robuste nok. KD viser til utanlandske døme, som Finland, der ein har kutta kraftig ned i talet på institusjonar. Det skal vere eit møte 25. september i Stavanger med utgangspunkt i det institusjonane har spelt inn. KD seier at nye beskjedar skal bli gitt der, truleg med utgangspunkt i innspela frå institusjonane. Ideen er at store institusjonar er eit gode, så vi må reknemed samanslåingar. HiB er stori, UiB meiner dei er store nok, men det har skjedd ting i prosessen som også ha sin innverknad på dei store institusjonane. Det kan t.d. fort bli to universitet i Nord-Norge. NTNU og HiST kan slå seg saman. På Vestlandet vil det derfor truleg kome samanslåingar. HSH, HiVolda og HSH ligg i den kategorien KD peikar på som for små. Samtidig vil desse institusjonane kjempe for det dei har. debatten på HiB er prega av at «gode vener» kjempar for sin eksistens og moglegheitene er mange. KD har sagt at alle moglegheiter er opne. Når AL skulle skrive sitt innspel til HiB, var det med utgangspunkt i eit skriv frå rektor. Samarbeidspartnarar, som UiB, har lærarutdanning, men med ei anna tilnærming. Det vil vere både fordelar og ulemper med ei eventuell samanslåing med UiB. Dei har ei sterk fagleg tradisjon medan profesjonstanken er svakare. Samtidig finst det andre institusjonar i Bergen, som NLA. Utdanningsinstitusjonane på Vestlandet er eit anna alternativ. Nokre eller alle kan bli slått saman dersom ein ser det i eit lærarutdanningsperspektiv. Det gjeld ikkje det same for dei andre avdelingane på HiB. Konsortium på Vestlandet har blitt

6 lansert, der institusjonane har stor grad av autonomi. Statssekretæren har derimot gitt beskjed om at det ikkje skal opprettast nye nivå, men samtidig vil det vere noko som skjer i alle samanslåingar. AL er bunde av kva rektoratet kjem fram til. det vil vere vanskeleg å gå inn for ei løysing som berre er god for lærarutdanningane, men som vil splitte HiB. Diskusjonen som følgde var m.a. innom: Kunstfagprofilen på HiB. Det vart stilt spørsmål om det også er opning for andre profileringar enn berre kunstfagprofilen og at ein bør ha ein diskusjon om det er konsensus om at kunstprofilen er AL og HiBs profil. HiBs innspel til KD. Vart omtala som vagt. Det er ikkje mange institusjonar som ønskjer scenariet som blir skissert av KD, men signala er så tydelege at ein må vere aktiv. HiBs innspel blir slik sett påfallande vagt. Det er tydelegast i første avsnitt, der HiB ønskjer å unngå splitting. Verdien av sinnspelet blir derfor svak. ALs innspel til HiB. Omtala som betre enn høgskulens, samtidig som det vart understreka at det for rådet er lettare å sjå føre seg lærarutdanninganes framtid på Vestlandet enn HiBs større bilde. Konklusjonen i ALs innspel handlar om ei horisontal arbeidsdeling, der HSH og HiSF har eigne campusar. Det blir krevjande å få til eit godt konsortium. Samarbeid med UiB eller konsortium på Vestlandet (med eller utan Universitetet i Stavanger)? Fleire kom inn på eit eventuelt samarbeid med UiB, der nokre såg på UiB som ein naturleg institusjon å slå seg saman med grunna i erfaringar så langt og det at fleire fagmiljø har sine røter i universitetet, medan andre meinte at det berre var dei andre høgskulane på Vestlandet som var aktuelt. UiS kom også på ønskjelista. Som ein av representantane uttrykte det, ulike utdanningar har ulike briller. Kva vil dei mindre høgskulane velje? Det vart vist til at det er større sjanse for at dei store får halde fram som før enn for dei små. Dermed vil det for mindre høgskular, som t.d. HSH, vere naturleg å gå til den institusjonen som kan gi dei beste arbeidsvilkåra. Det ser i dag ut til å vere UiS. Eit anna døme som kom opp er Høgskulen i Volda, der rektor og styre ikkje er samde om kva retning høgskulen skal gå. Rektor ser det som naturleg å sjå mot UH-nett Vest medan styret ønskjer å følgje fylkeskommunens tanke om ein høgskule på Nordvestlandet. Vil omstrukturering føre til eit løft for læraryrkets status? Gjennom ei omstrukturering av UH-sektoren kan ein også løfte lærarstatusen.

7 Lektorutdanninga ved UiB ser ut til å ha ein større status enn den same utdanninga på HiB. Å samle lærarutdanningane vil kunne føre til eit løft for lærarstanden. Status vart også omtalt i lys av at det blir sett som lett å «lure seg unna» i dagens lærarutdanning. Essensielt for læraryrkets status er å sørgje for at dei som ikkje er skikka til å bli lærarar heller ikkje får lov til å fullføre utdanninga. Dei mindre institusjonane er meir på tilbodssida til kommunane enn dei store institusjonane som t.d. HiB. Grunnutdanningane må derfor også ha ei desentralisert form fordi det gir visse fordelar enn berre sentraliserte institusjonar. Viktig å vere tydeleg på kva ein vil. Nokre fag er viktige å halde på. Det vart vist til at for dei gamle universiteta har det dei siste åra også vore ein kamp for dei små faga. Nokre fag, som t.d. tysk, er viktigare enn andre å halde på. Samling av masterutdanning i lys av at ein skal tilby femårig lærarutdanning. Det vart stilt spørsmål til departementets signal om å samle masterutdanningane for å få eit breiare studiemiljø i eit notidsperspektiv, når dei samtidig har sendt eit signal om femårig lærarutdanning om nokre år. Det vart også stilt spørsmål om kva type masterutdanning det i så fall vil bli. Finansieringsmodellar. Ekspertutvalet ser nærare på finansieringa av høgare utdanning. Det kan kome ein modell som favoriserer robuste miljø. Samtidig er det fleire parameter som seier at studentar er meir fornøgde og at ein får betre til praksisfeltet på dei mindre høgskulane. Ludvigsen-utvalet. Framtidas skule. Ludvigsen-utvalet er opptatt av djupne. Det kan føre til ei omlegging av både fag og progresjon i norsk skule. Det kan vere at faga vi kjenner i dag får mindre plass, medan andre kompetanseområde frå større plass. Det vil igjen ha sterk innverknad på lærarutdanningane. Sak 06 14/15 Oppstart 2014/15 erfaringar og forventningar Dekanen introduserte saka. Han viste til at avdelinga gjennom årsplan og liknande hadde ein del risikovurderingar knytt t.d. til eksamensavvikling på førehand, men var ikkje særleg uroleg for at det skulle skje noko gale der. Det var i første rekke dei kompliserande faktorane han tenkte på, som to campusar og nye lokale, som i sum har i seg mange ting som ikkje er optimale. Det var i første rekke rådsmedlemmanes erfaringar han var ute etter og i diskusjonen som følgde kom det ein del kritiske merknader, samtidig som mange var opptatt av at det også er mange ting som fungerer.

8 Moment frå diskusjonen: Skryt til driftspersonalet i Møllendalsveien som arbeider hardt og saman med servicesenteret fungerer veldig godt. Fagmiljøet i Møllendalsveien blir tettare, noko som igjen kan vere bra for studentane, medan ein på Kronstad slit meir med å ha eit fagfellesskap m.a. knytt til lunsjtider. Utviding av opningstidene i kantinene vart applaudert. Seksjonar med spesialrom og mykje utstyr. Frustrasjon over manglande hyller og låsbare skap, som ein lovde. Det blir ekstremt rotete, alle har tilgang til dyrt utstyr og det blir uhaldbare arbeidsforhold for både tilsette og studentar. Det fører til frustrasjon. Det er ingen politikk for sambruk mellom avdelingane i forhold til bruk av utstyr, innkjøp, kven «eig» kva, osv. Ein slik sambruk må kommuniserast ut til miljøa. Det kan t.d. ikkje vere slik at alle skal ha tilgang til idrettsseksjonens utstyr, noko som ikkje er tilfellet for materiellet til andre seksjonar. Skal det vere ein slik tilgang, må utstyr, fasilitetar og lokale ved alle avdelingane vere opne som velferdstilbod og ressursane til seksjonane må bli tildelt annleis eller styrkast for å dekke kostnadane. Utleigeordning av bygget og tilgang til utstyr for eksterne må bli tatt opp i dei rette fora og dei involverte seksjonane må bli høyrd. Fleire var inne på følgjande konkrete manglar og manglande dimensjonering: o Det er for få vassdispenserar på dei to campusane. o Bosspann. o Støpsel (særleg Møllendalsveien) o Utstyr til Teiknspråk og tolking o For få kaffiautomatar o Skriveunderlag/bord i Mimes brønn o Sykkelstativ o Heisa i Møllendalsveien fungerer dårleg. o Reinhald i Møllendalsveien er for dårleg og det manglar ofte toalettpapir. Det siste gjeld også på Kronstad. o Dårleg luftkvalitet, særleg prekært i Møllendalsveien. Klasserom står ledige fordi det ikkje er forsvarleg å halde undervisning der. Masterstudentar kjenner seg lite ivaretatt då det ikkje finst lesesalar til dei. Timeplan. Ein var førebudd på å vere på ulike campusar, men det er liten stabilitet for den enkelte, då undervisningstider og rom ikkje er dei same frå gong til gong. Timeplanens mangel på fast struktur eit frustrasjonsmoment hos fleire. Avlastningslokale for tilsette i Møllendalsveien som underviser på Kronstad. Ein vart lovd ein plass å vere når ein hadde undervisning på den andre campusen,

9 men det har ikkje kome. Dei fleste har ikkje berbare datamaskiner og arbeidskvardagen blir fort lite effektiv. Ein får ikkje brukt oppsette undervisningsrom i Møllendalsveien grunna rigging av AV-utstyr og liknande. Timeplankollisjonar, nøkkelproblematikk og dører som blir låst. Ei stor utfordring å få til kulturbygging med to campusar. Ser ut til at dess større ein er, dess vanskelegare er det å ha kontakt med andre. Tapskjensle, men det vil gå seg til. Overgangen til felles kantine frå eige personalrom er stor. I lys av saka om SAKS. Høgskulen har pressa seg inn i lokale som er for små. Sett framover, er det kanskje ingen ulempe at AL blir skilt frå HiB?