Tjalve Madsen og Tom Skauge var med på seminaret

Transkript

1 Avdeling for lærerutdanning Møtereferat Tilstades Rådets medlemmar: Torstein Selvik, leiar Else Berit Kyte, nestleiar Lorentz Reitan Randi Moe Kåre Rugesæter Oddrun Hallås Jeanette Haukeland Bakke Marius Eidem Hege Mari Støfring Per Arne Michelsen Dato: Tjalve Madsen og Tom Skauge var med på seminaret Forfall Referent Håvard Ulstein Gjeld Referat avdelingsråd AL Sak 2008/ Møtetid Møtestad: Park Voss Hotel Saksliste Sak 09 13/14 Godkjenning av møteinnkalling. Godkjenning av saksliste. Sak 10 13/14 Godkjenning av referat frå møtet (Vedlegg 1). Sak 11 13/14 Oppsummering av rådsseminaret. Sak 12 13/14 Orienteringssaker. Orientering ved dekanen. Orientering ved studentrepresentantane. Sak 13 13/14 Studietilbodet for 2014/15. Sak 14 13/14 Fleirkulturell satsing. Sak 15 13/14 Skulebasert kompetanseutvikling på ungdomstrinnet. Sak 16 13/14 Frampeik: Praksis og praksisorganisering.

2 Sak 09 13/14 Godkjenning av møteinnkalling og saksliste. Både møteinnkalling og saksliste vart godkjent utan merknader. Sak 10 13/14 Godkjenning av referat frå møtet Referatet vart godkjent utan merknader. Sak 11 13/14 Oppsummering av rådsseminaret Dokument i saka Vedlegg A: Risikokartlegging for samlokaliseringsprosjektet ved Høgskolen i Bergen. Ernst & Young, april Vedlegg B: Utdrag av Tom Skauges presentasjon. I oppsummeringa av rådsseminaret dagen før vart følgjande moment trekt fram etter at rådsleiar innleiingsvis sa følgjande: Kulturbygging vil skje på Kronstad/Møllendalsveien. Korleis kan rådet vere med på å dra det i rett retning? Bygge bruer mellom avdelingane gjennom fagleg samarbeid. For å få noko slik til, må ein frigjere ressursar. I prosessen fram mot flytting er det eit sentralt punkt i overgangen. Det er no eit gyllent høve, men friske midlar må til. Ein god del midlar blir brukt i overgangen og her kan ein også hente midlar til fagleg samarbeid. Innanfor fagfelt der det er naturleg, er det viktig å samarbeide på tvers og det er essensielt å vere konkrete i tilnærminga. Dette synet fekk støtte, der det vidare vart understreka at avdelingsråda på dei ulike avdelingane bør møte kvarandre. Tverrfagleg samarbeid vil sette agendaen med utgangspunkt i det positive, noko som vil vere med på å bygge kultur. Det vart også understreka at ein ikkje må starte dei tverravdelingsvise prosessane i august 2014, dei må settast i gong tidlegare. Medverknad og demokrati. Med nye strukturar er dette eit vesentleg aspekt å legge til grunn. Viktig å ha merksemd på prosessen og å lage strukturen ein ønskjer. Samtidig er det viktig å vite kva strukturen faktisk er. Det ser til no ut til å ha vore underskot på informasjon og tydelegheit på kvar avgjerdene blir tatt. Deretter kan ein snakke om ressursar. Gjennomgang av møtestruktur. Bør ha ein gjennomgang av møtestrukturen før flyttinga. Det handlar om å sjå på kva møter ein har hatt, kva innhaldet har vore i dei enkelte møta, korleis legg ein opp møte i dag, om dei er opne for drøfting eller ikkje. Flytteprosessar og andre typar prosessar. Det er viktig å skilje mellom ferdige prosessar og prosessar over tid. Hasteprosessane kan av og til føre til mangel på informasjon og medverknad. Samtidig vil opplevd mangel på medverknad vere grobotn for mistillit i Side 2 av 2

3 organisasjonen. Tillit er viktig for kulturbygginga. Her vart det replisert at det er greitt at nokre ting skjer med hast, men det som er farleg er å gi inntrykk av å vere i ein demokratisk prosess utan at det blir opplevd slik. Tidsperspektivet. Det er no det skjer. Kulturbygging må vere i gong før fossiliseringa set i gong. Det kan verke som at leiinga presenterer etter at saker er avgjort. Må få prosessane tidlegare ut i organisasjonen. Demokratisk underskot handlar både om invitasjon frå leiing og deltaking frå dei tilsette. Her vart det av dei ulike medlemmane vist til at skal demokratiet fungere, så må det leggast til rette for reelle moglegheiter for deltaking. Det er for mange lagt opp til undervisning i møtetida. Andre viste til at det er nødvendig med eit detaljert årshjul, der visse tema kjem opp til spesifiserte tider. Det vart også vist til at ein eller fleire må ha eit koordineringsansvar for informasjonen som skal ut. Koordinerings/omstillingskoordinatorar på avdeling med fokus på fagmiljøa. Bør ha ei oppsøkande verksemd med fokus på at nye miljø skal dannast. Treng ikkje vere for målretta, det handlar om å førebu seg på moglegheitene som kjem. Det er mange dynamiske fagmiljø med uro i systemet. Ein treng ein koordinator/fødselshjelpar som har eit ansvar å gripe fatt i dette og hjelpe fagmiljøa til å utvikle eit fruktbart samarbeid. Seksjonsleiarmøtet. Å få noko positivt ut av overgangen vil vere avhengig av å ha seksjonsleiarane med. Dette vart delvis imøtegått, der det vart poengtert at det ikkje er seksjonsleiarane som skal vere oppmuntrarane i denne prosessen. Avdelingsrådets rolle? Openheit i prosessen er noko av det viktigaste. Det vart også poengtert at for rådet vil det vere godt å ha nokre rådgivarar framover som t.d. Skauge og Madsen. Fordelen vil m.a. vere at dei er interne og kjenner systemet. Dette vart vidare underbygd ved risikoanalysen som var vedlagt. Den var tydeleg skrive av eksterne aktørar, då samtalane med tilsette på HiB som var utgangspunktet enda opp i abstrakte risikoar. Avslutningsvis oppsummerte ein av rådsmedlemmane diskusjonen frå seminaret i a) arena for tverrfaglegheit og b) opne avgjerdsprosessar som viktig for avdelingsrådet. Sak 12 13/14 Orienteringssaker Orientering frå dekanen 1. NOKUT-besøk. Dekanen fortalte først om bakgrunnen for besøket, der høgskulens universitetsambisjon med krav om fire doktorgradsprogram er særleg viktige. AL fekk phd-søknaden formelt godkjent rimeleg kjapt etter søknaden var sendt. I oktober kom NOKUT på institusjonsbesøk. AL fekk spele inn forslag til medlemmar i komiteen. Under besøket hadde komiteen frå NOKUT nokre gjentakande spørsmål til ulike nivå ved høgskulen. Dei intervjua leiarar, administrativt tilsette, studentar og potensielle arbeidsgivarar, såkalla avtakarar, for dei uteksaminerte doktorgradsstudentane. Spørsmåla Side 3 av 3

4 som gjekk igjen handla m.a. om namnet «Danning og didaktiske praksisar», om det var semje i organisasjonen og om det var god nok infrastruktur på institusjonen. Dekanen fortalte vidare at besøket fungerte godt. Komiteen var fornøgd utan å seie noko om kva innstillinga blir. Innstilling med merknadar skal kome på nyåret, der HiB har tre vekers tilsvarsrett. Det skal vidare opp i styremøte i NOKUT i februar eller seinast i april. 2. Kronstad/Møllendalsveien. Dekanen fortalte at det er ulik detaljeringsgrad i dei ulike omorganiseringsprosjekta, der t.d. byggprosjektet går heilt ned i detaljane og har nokre store anbodsprosessar (m.a. møblement) gåande. I organisasjonsprosjektet er det eit preg av usikkerheit og fortviling nedover i organisasjonen, m.a. fordi prosessen har skote fart i det siste. Styremøtet i juni var resultatet av eit års arbeid med stor deltaking frå dei administrativt tilsette på hausten og delvis på våren. Styremøtet i juni bestemte at det skal vere ein avdelingsadministrasjon. Styremøtet i desember skal ta stilling til funksjons- og bemanningsplan som er resultatet av haustens arbeid. Prosessane legg opp til at ting er bestemt før styremøtet og dialogen mellom avdeling og sentralleiing/administrasjon har ikkje vore den beste. Orientering frå studentrepresentantane 3. Møtetid. Studentane opplever at møte blir flytta rundt fordi det er lagt inn undervisning i møtetida. 4. Praksis. Studentar har opplevd uheldige ting i praksis som ikkje har blitt møtt på ein god måte ved avdelinga. 5. Møllendalsveien. Det er sett på plass AV-utstyr. Har starta arbeidet med å bygge demonstrasjonsrom. 6. Parlamentsval. Stor oppslutning med 30 kandidatar til 14 plassar. Studentane kan stemme til og med fredag 15. november. Sak 13 13/14 Studietilbodet for 2014/15 Dokument i saka Vedlegg 2: Studietilbod for AL studieåret 2014/15. Vedlegg 2b: Jacob Melting - Informasjon til avdelingsrådet og seksjonsledere om fagvalget i GLU. Rådsleiar gjekk først gjennom sakspapira, der vedlegg to er ei liste over forslag til utlysing gjennom samordna opptak og der vedlegg 2b handlar om fagvalet i GLU. I informasjonsskrivet Side 4 av 4

5 frå Jacob Melting blir det vist til kvifor ein gjer dei vala ein har gjort og kvifor ein har valt å slå saman 3. og 4. årsfag både innan og på tvers av utdanningane. Dekanen fortalte deretter at studietilbodet som skal til samordna opptak blir behandla i styret. Avdelinga har frist til 20. desember om å melde av fag. Tilbodet er stort sett det same som tidlegare år med bakgrunn i samfunnsmandatet. Barnehagelærarutdanninga blir lyst ut som før, men har i tillegg eit tilbod om deltidsutdanning. Grunnskulelærarutdanningane er som før. Det som kjem i tillegg i år er særleg faglærarutdanninga i drama (musikk, dans og drama). Bakgrunnen er m.a. at avdelinga i 2011 vart beden av styret om å seie noko om framtidas studieportefølje. Avdelinga kom då med ei bekymringsmelding om kunstfaga og dei praktiskestetiske faga, då ein ikkje kan rekruttere frå eigne grunnutdanningar til master på normert tid. Avdelinga vart beden om å greie ut ein potensiell bachelormodell. Men, det er ingen finansiering for utdanninga og det vil neppe bli opptak meir enn kvart andre år. Det handlar om ein meirkostnad på 2 millionar i året dei åra avdelinga må køyre to kull, der frie studieplassar frå KD er den beste måten å finansiere det på, men det ser ikkje ut til at høgskulen har fått slike for komande studieår. For å kunne satse, bør ein vere ganske sikker på høge søkartal. Det er framleis ganske mange innvendingar, noko som kan føre til at styret seier nei. Diskusjonen i etterkant tok m.a. opp GLU-studentars høve til å få drama som ein del av opptaksgrunnlaget til master. At det store fagvalstilbodet i GLU kan kamuflere dei val som må gjerast. Det er viktig å halde fast ved samfunnsmandatet for å få heilskapen som skal til i fagvalet i GLU. Dei manglande valmoglegheiter i 8. semester i GLU for dei som vel utveksling. Få inn studentar tidlegare i arbeidet med fordjupingsfaga i BLU. Småbarnspedagogikk og pedagogisk utviklingsarbeid som bestillingsutdanningar frå KD. At rulleringa i fagfordjupingane i FØU ikkje er heilt føreseieleg og at dei ikkje stemmer med kva både studentar og KD har uttalt. Studietilbodet vart tatt til etterretning. Sak 14 13/14 Fleirkulturell satsing Denne saka vart utsett til seinare møte. Sak 15 13/14 Skulebasert kompetanseutvikling på ungdomstrinnet Dokument i saka Vedlegg 7: Notat frå programansvarleg Jan Helge Kallestad om «ungdomstrinnssatsinga». Meld. St. 22 ( ): Motivasjon Mestring - Muligheter. Side 5 av 5

6 Vedlegg 8: KD mai 2012: Strategi for ungdomstrinnet. Motivasjon og mestring for bedre læring. Felles satsing på klasseledelse, regning, lesing og skriving. Vedlegg 9: Plan for skolebasert kompetanseutvikling. Skolebasert kompetanseutvikling på ungdomstrinnet Frå Utdanningsdirektoratets samleside: Ungdomstrinn i utvikling. I denne saka fekk rådet eit innblikk i ungdomsskulesatsinga ungdomstrinn i utvikling gjennom erfaringane Voss kommune og AL har gjort seg. Else Berit Kyte innleidde, der ho viste korleis Voss kommune har tatt til seg signala og skapt ein struktur for satsinga. Ho poengterte at Voss har ei forhistorie som har vore prega av ein strukturdebatt, der nedlegging av skular har vore eit resultat. Dei har derfor sett det som nødvendig å samle seg om noko felles, og vedtok ei felles satsing om mobbing. Eit konkret utgangspunkt var Kløve skule, som arbeidde ut frå tanken til Thomas Nordal om «betre læringsmiljø». Dette arbeidet var lett gjenkjenneleg etterpå i ungdomsmeldinga, med dertil påfølgjande skulemelding «På rett veg». Den siste handlar om ungdomssatsing, der høgskular og kommunen skal gå saman. For Voss er dette nedfelt i Plan for utviklingsarbeid «Betre læringsmiljø ». Utviklingsarbeidet. Planen for Voss kommune brukte ein eitt år på og den skal vare i tre år. Ein del av utgangspunktet er arbeidet kommunen gjorde i strukturdebatten og erfaringane frå Kløve skule. Kyte var også innom at Ny giv-satsinga i vidaregåande skule taper i forhold til ungdomsskulesatsing, sjølv om den har implementert mykje bra. Utviklingsarbeidet i skulen har gjort ei dreiing frå klasseleiing til læringsleiing og leiarskap. Innhaldet i planen. Voss har laga seg eit skjema (lotusskjemaet) som er ein felles struktur for skulane. Momenta er felles, men vegen dit er opp til skulane. Kommunen arbeider vidare med profesjonsutvikling overfor leiarane i kommunen. Dei skal ta det vidare på sine ansvarsområde. Voss har ekstern rettleiing og brukar HiB. Det er viktig å få inn kompetansemiljø i kommunen. Ansvar og resultat. Voss kommune brukar utviklingsmøta for å kome fram til løysingar på utfordringar. Brukar elles strukturane som er i ei kommune. Dekanen tok deretter føre seg satsinga frå høgskulens perspektiv. Han viste til at satsinga på skulebasert etterutdanning handlar om å gi opplæring i eit miljø som både kan få ny og bygge ny kompetanse og engasjement. Områda ein har valt ut er ganske opplagte satsingsfelt. Den kompliserande faktoren er dei mange aktørane. Dei tre forvaltningsnivåa er inne, der kommunen har eit direkte forhold til skulane som eigar. I tillegg har NTNU eit overordna ansvar og der høgskulane rundt omkring er yter kompetanse til skulane. I Hordaland har NLA og HiB delt skulane nokolunde likt. Kyte viste til i diskusjonen etterpå at det er først og fremst rettleiingskompetanse som er etterspurd. Når det gjeld val av høgskule, så vart Voss styrt mot HiB sjølv om andre høgskular var meir på hogget. Side 6 av 6

7 Sak 16 13/14 Frampeik: Praksis og praksisorganisering Avdelingsrådsrepresentantane Jeanette Haukeland Bakke og Marius Eidem var i denne saka bedne om å vise til nokre viktige sider ved praksis og praksisorganisering som eit frampeik mot ein større diskusjon ved eit seinare avdelingsrådsmøte. Bakke ga rådet eit omriss av ein del av saksfeltet. Ho la vekt på følgjande: Omfang. AL har ti hovudutdanningar med om lag 2000 studentar, i tillegg til studentar på masterstudium og etter- og vidareutdanning. Praksiskontoret forvaltar ein heilskap som dei andre aktørane berre ser ein del av. Rammeplanar og nasjonale retningslinjer er styrande, med unntak for Teiknspråk og tolking. Deretter er det lokale planar, som t.d. plan for praksis. I tillegg til innhald må praksiskontoret sjå til øvingslæraravtalen som er grunnlag for avtalane med skule og skuleeigarar. Søknadar om avtale startar i januar, og ein startar kvart år nærast heilt på nytt. Konklusjonen i haust er at alle har fått praksisplass. Utfordringar. Vivi Nilsens Praksislæreren skildrar godt den historiske utviklinga og problemstillingane praksiskontoret møter. Utfordringane handlar særleg om at det ikkje er samsvar mellom høgskulens og skulanes verden. Skulane legg planar i juni. HiB kan ikkje gjere det. Undervisningstema på høgskulen samsvarar sjeldan med tema som studentane i praksis er sett til å undervise i. Bakke konkluderte med at det er ein stadig prosess og dialog mellom dei ulike aktørane, men at det er mangel på tid til å ta opp dei overordna utfordringane. Handtering av førespurnader frå studentane. Det er mange ulike typar førespurnader. Det kan vere frustrerte studentar, faglærarar som har snakka med frustrerte studentar og skriftlege førespurnader. Det er eit stort sprik i alvorsgrad. Nokre variantar blir løyst der og då, andre må handterast annleis. Det er problematisk når praksislærar ikkje gjer jobben sin og praksiskontoret berre får munnlege tilbakemeldingar frå studentar og faglærarar. Det må skriftleggjerast skal praksiskontoret kunne gå vidare med det. Bakke meinte at praksiskontoret bør jobbe meir med informasjonen om korleis ein arbeider med vanskelege saker. Planlegging. For praksiskontoret vil kalenderåret sjå slik ut: o Januar: Utlysing av skule- og barnehagekontrakter. Desse kjem inn i mars/april. o Mai/juni: Gjer avtale med skule og barnehage og forhandlar om kor mange studentar som skal til den enkelte praksisplass. Marius Eidem viste deretter til kva studentane og studentrådet hadde snakka om. Det handla om uheldige episodar i praksis, at studentar kjem i etterkant av praksis med problem som ei naturleg følgje av tunellsynet ein kan få når ein er i praksis. At ein ønskjer klarare retningslinjer/standardisering for kva ein skal forvente av studentar og praksisplass. At ein bør standardisere saksbehandlinga og få loggført alle førespurnader. Dette gjeld HiB generelt, men praksiskontoret kan vere ein god plass å begynne. Side 7 av 7