Fjell kommune Arkiv: 504 Saksmappe: 2017/ /2018 Sakshandsamar: Lena Svalastog Garnes Dato: SAKSDOKUMENT

Transkript

1 Fjell kommune Arkiv: 504 Saksmappe: 2017/ /2018 Sakshandsamar: Lena Svalastog Garnes Dato: SAKSDOKUMENT Utvalsaksnr Utval Møtedato 64/18 Komité for plan og utvikling /18 Kommunestyret Detaljreguleringsplan for Landro gravplass, gnr 24, bnr 7 m.fl. Landro. Sluttbehandling. Tiltakshavar: Fjell kommune Samandrag av saka: Planframlegget er utarbeidd av Rambøll på oppdrag frå Fjell kommune. Hovudformålet i planframlegget er «Grav- og urnelund» som legg til rette for ei utviding av eksisterande gravplass på Landro, og er i tråd med arealdelen til kommuneplanen Gravplassen skal med 770 nye plassar dekke behovet dei neste 20 åra, og vil samtidig ha kapasitet til å møte behov i Nye Øygarden kommune. Samstundes som gravplassen skal utvidast vert det regulert fortau langs delar av den kommunale vegen i Landrodalen for å sikra forholda for gåande og syklande. Eksisterande sjeneflor/løe skal takast vare på, og brukast som reiskapshus. Planframlegget låg ute til offentlig ettersyn i perioden og det kom inn sju merknader. Ingen av desse utløyser behov for endring av planen, men fleire av merknadane gjeld tema som skal følgjast opp gjennom det vidare arbeidet med grunnerverv og prosjektering. Rådmannen rår til at framlegg til reguleringsplan for Landro gravplass vert godkjent. Innstilling: Komité for plan- og utvikling tilrår: I medhald av plan- og bygningslova godkjenner kommunestyret detaljreguleringsplan for Landro gravplass, gnr 24/7 m.fl. Landro, med plankart datert , føresegner datert , og planskildring datert Straume, den

2 Lillian Torsvik Konstituert Rådmann Bjørn Erik Kristiansen Konstituert Plan- og utbyggingssjef Handsama i Komité for plan og utvikling : Prosjektleiar Jostein S Foldnes presenterte planen. Innstillinga vart samrøystes vedteken. Tilråding i Komité for plan og utvikling : Komité for plan- og utvikling tilrår: I medhald av plan- og bygningslova godkjenner kommunestyret detaljreguleringsplan for Landro gravplass, gnr 24/7 m.fl. Landro, med plankart datert , føresegner datert , og planskildring datert Handsama i Kommunestyret : Tilråding gjort i komite for plan og utvikling vart samrøystes vedteke. Desse hadde ordet i saka: Henning Ekerhovd Vedtak i Kommunestyret : I medhald av plan- og bygningslova godkjenner kommunestyret detaljreguleringsplan for Landro gravplass, gnr 24/7 m.fl. Landro, med plankart datert , føresegner datert , og planskildring datert Dokument vedlagt saka: A. Plankart, datert B. Føresegner, datert C. Planskildring, datert D. Illustrasjonsplan, datert E. VA-rammeplan med overvasshandtering, datert F. Merknader til planframlegget ved offentlig ettersyn, G. Merknadsoversikt til varsel om oppstart, datert H. Behovsnotat frå Fjell kyrkjelege fellesråd, datert Saksopplysningar: Tiltakshavar Fjell kommune er tiltakshavar og Rambøll AS har fått i oppdrag å utarbeide detaljreguleringsplan for utviding av Landro gravplass. Bakgrunn for saka

3 Behovsnotatet frå Fjell kyrkjelege fellesråd viser at det er behov for å auka talet på gravplasser på Landro for å dekka komande behov i framtida, og på den måten oppfylle krava jf. gravferdslova 4. Landro gravplass har berre omlag 40 ledige gravplassar, og føremålet med planarbeidet er å utvide gravplassen for å dekka behovet i eit 20 års perspektiv. Utvidinga inneber at kapasiteten på gravplassen aukar med omlag 770 nye gravplassar. Planstatus Området er i arealdelen til kommuneplanen (KPA ) avsett til framtidig offentleg eller privat tenesteyting kyrkjegard, med krav om reguleringsplan. Plankravet gjev føringar for at det i planarbeidet skal vurderast fortau/gang- og sykkelveg langs gravplassen og vest til Landrovegen, Fv211. I Trafikksikringsplanen ligg fortau langs Kv Landrodalen inne i lista over tiltak som bør bli prioritert i framtidig investeringsprogram. Planområdet og eksisterande situasjon Planområdet er 37,3 daa stort, og inkluderer både eksisterande gravplass og nytt areal. Areal for utviding av gravplass utgjer omlag 7,6 daa av det totale arealet. Planområdet grensar til bustadområde i nord, LNF-område i aust og sør og Fv 211 Landrovegen i vest. Arealet som er planlagt tatt i bruk til ny gravplass er i dag dyrka mark. I den vestlege delen av planområdet ligg dagens gravplass med tilhøyrande parkeringsareal, mens det i nordaust og sør grensar til utmark med formål landbruks- natur og friluft (LNF). Vest og nord for planområdet er det spreidde bustader i mindre felt, som hovudsakeleg består av einebustader. Det er ei løe i planområdet og to jordbruksvegar som vert nytta som tilkomst til utmarka. Planavgrensing og trafikksikring Planframlegget regulerer delar av den kommunale vegen (Kv) Landrodalen med fortau, frå krysset mot fylkesvegen (Fv) Landrovegen til plangrensa i aust. Ved oppstart av planarbeidet vart det vurdert å inkludere heile Kv Landrodalen i planområdet. Stor usikkerhet rundt kva løysingar som vil vera mogleg å få gjennomført, særskilt der Kv Landrodalen kryssar under Fv561, gjorde at framdrift på gravplassen vart prioritert og plangrensa avgrensa. Manglande trafikksikring av Kv Landrodalen er ei kjent utfordring, jf. trafikksikringsplanen. I 2017 gjorde KDF (sak 16/17) vedtak om at klassingar som bur på Vindenes skal få fri skuleskyss til Landro skule. Vedtaket bygger på ei vurdering av at KvLandrodalen, ikkje kan reknast som trygg skuleveg. Parallelt med planarbeidet for gravplassen, er det derfor starta opp eit arbeid med å vurdere konsekvensane av å stenge Kv Landrodalen for gjennomgangstrafikk. Målet med ei eventuell stenging er å sikre at strekninga Vindenes-Landro kan bli definert som trafikksiker skuleveg. Det vil bli fremja ei eiga sak for KDF knytt til den prosessen, som går uavhengig av plansaken. Erverv av grunn Det er gjennomført forhandlingsmøte mellom grunneigar av 24/7 og kommunen. Kommunen er også i dialog med grunneigar av 24/1 knytt til avklaring av grenser og 24/5 for avtale om omlegging av kraftleidning. Planframlegget: Bygningar og anlegg Grav og urnelund

4 Hovudformålet med planen er å legge til rette for etablering av omlag 550 nye gravplassar. Av desse er omlag 40 tilrettelagt og avsett til andre trussamfunn. I tillegg er det sett av plass til omlag 220 urnegraver, ein del av desse er knytt til namna minnelund. Behovsnotat frå kyrkjeverja er lagt til grunn for vurderinga av talet på gravplassar, samt tilgjengelig areal. Andre tiltak som inngår i føremålet er interne vegar, sitjeplassar, vasspostar, renovasjon og parkering. Reiskapsbygg Planframlegget legg ikkje opp til nye bygg, men det er opna for at det kan førast opp eventuelle framtidige driftsbygg knytt til planområdet for eksempel lager, garasje, omkledingsrom, wc etc. Det er lagt til rette for å ta i bruk ei eldre løe, som har vore knytt til jordbruksdrifta i området. Ein antek at løa opphavleg er frå før 1900-talet, men at den er noko endra etter den tid med nytt tak og kledning. Den eksisterande løa/skjenefloren skal takast vare på og integrerast i bruken av gravplassen som reiskapsbygg. Den vil formidla historia som er knytt til området, men med ny bruk. Samferdselsanlegg og teknisk infrastruktur Tilkomst og gangstiar Hovudtilkomsten til den utvida gravplassen ligg i sørvest. Denne tilkomsten vil verte kopla saman med kyrkja og den eksisterande gravplassen, via ein prosesjonsveg som skal førast frå dagens parkeringsplass, langs fortauet og vidare til den planlagde nye gravplassen. I tillegg vert det planlagt for ein mindre gangsti som skal kople ny og gamal gravplass saman langs fjellskrenten i sør.

5 Ny hovudtilkomst Nye gravplassar Gamal sjeneflor, ny bruk som reisskapshus Vidareføring av tilkomst utmarka Vidareføring av tilkomst utmarka Renovasjon Kyrkjegardar inneber flytting, oppsamling og transport av jord, sand og planteavfall, i tillegg til avfall frå besøkjande til kyrkjegarden. Areal for renovasjon er ikkje endeleg løyst i planframlegget, men er sikra i føresegnene og vist i illustrasjonsplanen. Løysing kan vera nedgraven containarar eller bossdunkar på bakken. Det vert opna for at avfall kan hentast frå Kv Landrodalen. Bilparkering Planframlegget legg opp til 65 bilparkeringsplassar, som tek utgangspunkt i to eksisterande parkeringsplassar nært opptil tilkomstvegen til kyrkja. I dag har desse ein kapasitet på 39 parkeringsplassar. På nedre parkeringsplass er det mogleg å auka talet på parkeringsplassar til 50 ved å justere det nedre parkeringsdekke. I tillegg er det føreslått 2 HC-parkeringsplassar ved hovudtilkomsten til ny gravplass i sørvest. Sykkelparkering Innanfor ny gravplass er det avsett totalt 30 plassar for sykkelparkering, primært for besøkjande til gravplassen, fordelt på tre stader.

6 Veg Planframlegget regulerer delar av Kv Landrodalen, med ei køyrebreidde på 4 meter. Kollektivhaldeplass og avkøyrsel (f_kv1) til bustadområde i nord-aust vil fungera som møteplassar. Regulert vegbreidde i Landrodalen er basert på nye teljingar av årsdøgntrafikken (ÅDT), gjennomført hausten Desse viser at dagens ÅDT er på 251. Basert på ei berekning av fullt utnytta bustadpotensialet i området vil framtidig ÅDT ikkje vera høgare enn Det kan bli nødvendig å stenge Kv Landrodalen i kortare periodar i anleggsfasen. Det vil bli sikra køyretilkomst til bustadane og trygg passasje for fotgjengarar. Stenging vil skje i dialog med samferdsle. Fortau Det er regulert samanhengande fortau med ei breidde på 2,5 meter langs sørsida av Kv Landrodalen. Føresegner sikrar trygg kryssing for mjuke trafikantar der avkøyrsler kryssar fortauet. Annan veggrunn Anna veggrunn skal nyttast til naudsynte skråningar/skjeringar, og skal plantast til langs parkeringsplassen og gravplassen. Vatn, avlaup (VA) og overvatn Løysing for vatn, avlaup og overvasshandtering er utarbeidd i eigen VA-rammeplan som fylgjer reguleringsplanen. Føresegnene sikrar at VA-rammeplan vert lagt til grunn for prosjektering av byggjetiltaka. Offentleg vass- og avlaupsleidning skal leggast i fortau/køyreveg. Overvatnet skal i hovudsak handterast lokalt ved infiltrasjon og fordrøyning, men det er planlagt drenering av overvatn i eige system. Drenssystem for gravene vert også løyst i eigne system. Høgspentline Dagens høgspentleidning inn i planområdet skal leggjast i kabel i Kv Landrodalen/fortau for ikkje å kryssa gravplassen i framtida. Rekkjefølgjekrav Det er sett rekkjefølgjekrav knytt til flytting av høgspentleidning, fortau, sikring av skredområde, tilkopling til offentleg vass- og avlaupsleidning og trafikksikring. Landbruks, natur- og friluftsliv og nærmiljø Då planområdet ligg tett på eit attraktivt og viktig tur- og utmarksområde har det vore viktig å vektleggja kvalitet i utforminga av gravplassen i tilpassinga til nærområdet. Planframlegget inneheld eit areal både i aust og sør som vert regulert som landbruks-, natur- og friluftsformål. Grunneigar av 24/7 har meldt inn behov for å få etablert tilgang til utmarka si sør for ny gravplass. I tillegg har eigar av 24/1 ønskje om å få oppretthaldt dagens tilgang. Driftsvegar som leiar ut til utmarksområdet og interne gangvegar på gravplassen vil skapa god tilgjenge til friluftsområde, og sikrar samtidig grunneigarane sitt ynskje om å vidareføre tilkomst til utmarka. Ein god og velutforma kyrkjegard kan fungera som møtepunkt i nærmiljøet. Sentralt langs hovudstien er det eit kryssingspunkt som er føreslått utforma som ein sentral plass. Denne plassen vil òg ha ein naturleg samanheng med eit avskjerma rom ved løa, og ein vasshage som vert planlagt ved bekken si avslutning. Omsynssone, ras- og skredfare Dei samanhengande bratte terrengparti på sørsida av planområdet og i kryss på nordsida, kan vera losneområde for ulike steinsprang, og det er her regulert inn omsynssone. Stein vil potensielt kunne losne frå skrentar i område, men hyppigheit er vurdert som låg og utlaupslengder til nedfall å verta korte. Behovet for tiltak vil bli vurdert nærmare i prosjekteringsfasen.

7 Universell utforming Gravplassen er sikra universell utforming og tilkomst i samsvar med gjeldande forskrift. Dette er sikra i føresegnene med mellom anna krav om etablering av 4 HC-parkeringsplassar innanfor areal for grav- og urnelund. Offentlig ettersyn av planframlegget: Planframlegget låg ute til offentlig ettersyn i tida og det kom inn sju merknader, fire frå regionalt og statleg nivå, ein frå FjellVAR og to frå privat grunneigarar. Ei oppsummering av merknadane og rådmannen sin kommentar følgjer nedanfor. Merknadane ligg i sin heilskap som vedlegg F til saka. Merknader frå regionalt og statlege nivå: Fylkesmannen i Hordaland, datert Fylkesmannen har ingen særskilte merknader til planen Statens vegvesen, datert Statens vegvesen har ikkje vesentlege merknader til planframlegget, ettersom dei ser at krava dei stilte i deira uttale til varsel om oppstart av plan er teken omsyn til i reguleringsplanen. Hordaland fylkeskommune, datert Fylkeskommunen har ikkje kjennskap til automatisk freda kulturminne innanfor planområdet. - Dei ser at det er teke omsyn til Sefrak-registrerte skjeneflor i planframlegget, og har difor ingen vidare merknader til planen, utover at ein under opparbeiding av gravplassen søkjer å unngå inngrep i/skade på evt. kulturlandskapstrekk som steingardar, eldre vegar/stiar, bakkemurar m.m. - Dei gjer elles merksam på meldeplikta etter kulturminnelova 8, 2, ledd. NVE, datert NVE gir ikkje konkrete fråsegn ettersom det ikkje er bede om fagleg hjelp i planframlegget, i tråd med «NVEs bistand og verktøy i arealplanleggingen» - NVE viser til generell informasjon i sin rettleiar «2/2017 Nasjonale og vesentlige regionale interesser innen NVEs saksområde i arealplanlegging». Rådmannen sine kommentarar til merknader frå regionalt og statleg nivå. Rådmannen tek til orientering at merknadane frå regionale og statlege mynde støttar opp om planen og ikkje utløyser behov for endringar av planframlegget. Råd som er gitt i merknadane knytt til opparbeiding vil bli tatt med i den vidare ved gjennomføring av tiltaka. Planen har gjennom føresegner og planskildring vektlagt å i størst mogleg grad bruke landskap og eigenskapar i området som ein ressurs i utviklinga av gravplassen. FjellVAR AS, datert FjellVAR er positive til tiltaket og ønskjer å nytta høve til å leggje ny vassleidning samstundes med etablering av nytt fortau i Landrodalen. Rådmannen sine kommentarar til merknader frå FjellVAR.

8 Rådmannen er positivt til ei samkøyring av ny vassleidning og etablering av fortau. Kommunen er i dialog med FjellVAR og vil i den vidare prosjekteringsfasen finne dei beste løysingane for gjennomføring. Merknader frå private grunneigarar Hans Dyrøy, gnr. 24 bnr. 7, datert Dersom det kjem krav til rassikring på privat grunn i reguleringsplanen må planlegging, gjennomføring og kostnad vere utbyggjar sitt ansvar. 2. Det må, for grunneigar av gnr/bnr 24/7 vera tilkomst til løa som ligg på gnr/bnr 24/7, til grunnerverv er fullbyrda. 3. Det må leggjast ei stikkleidning over veg, mot nord, ved avkøyrsle Landrodalen I aust skal det liggje att eit ope 6 m belte som sikrar grunneigar av gnr/bnr 24/7 tilkomst til utmarka i sør. 5. I illustrasjonsplanen er det teikna ei grense i sør-aust som går mot aust. Denne må gå mot sør-vest. 6. Privat vass- og kloakkleidning må kunne knytast vederlagsfritt til det nye VAanlegget som kjem i Landrodalen. Vassleidning som går til Landrodalen er 40 mm og er for liten til desse husa. Her er det ynskjeleg å kopla til ein 63 mm leidning. Rådmannen sine kommentarar til merknad frå Hans Dyrøy Dersom det blir behov for rassikring utløyst av tiltak knytt til etablering av gravplassen, vist i kartet som omsynssonene H310_2-5, skal dette dekkast og utførast av Fjell kommune som utbyggar av gravplassen. Omsynssone H310_1, ligg i kryss (f_kv1) inn til bustadfeltet, og er ei rassikring som først vil bli aktuell ved opparbeiding/oppgradering av krysset i henhold til standarden regulert i planen. Vidare er det i merknaden stilt spørsmål av privatrettslig karrakter. Tiltak vil ikkje bli iverksett før grunnerverv er avklart. Kommunen ved kommuneadvokat og prosjektleiar har dialog med grunneigar om avtale knytt til grunnerverv og avklaring av eigedomsgrenser. Tilkomst til utmarka er sikra i planen, og avklaringane knytt til eigedomsgrenser vil ikkje medføre behov for endringar i arealplanen. Tilkopling ny vassleidning skjer i hht. Fjellvar sine retningslinjer. Eksisterande abonnoment blir kopla på i Landrodalen kostnadsfritt. Liv Oddrun Landro, gnr. 24 bnr. 1, datert Gnr/bnr 24/1 vert rørt av utvidinga. Grunneigar ynskjer at Fjell kommune skal påvise grensepunkt sør-aust på dagens gravplass mot privat veg slik at det sikrar tilkomst forbi her i framtida. Kommunen opplyste på felles synfaring at dette skulle dei kome tilbake til. Dette må avklarast med kyrkja også. 2. Grunneigar omtalar ein trekant som ligg i matrikkelen gnr/bnr 24/298. Grunneigar meiner dette er eit areal som vart kjøpt som tillegg for å sikre at grunneigars tilkomst og sikt mellom gravplass og 24/7 var god nok. Trekanten vart frådelt gnr/bnr 24/7 i samband med oppmåling etter utviding av gravplass/grunnavståing frå gnr/bnr 24/1. Grunneigar viser til ein skriftleg avtale mellom gnr/bnr 24/1 og Fjell kommune om denne vegen. Grunneigar meiner g/b 24/298 var meint å være tillegg til gnr/bnr 24/1,

9 og vil at kommunen skal sjå på dette. Grunneigar informerer om at kommunen ynskjer dialog omkring etablering av felles avkøyrsle frå den kommunale vegen. Grunneigar ber om å bli orientert i planleggingsfasen. 3. Ynskjer at eksisterande tilkomst til gnr/bnr 24/1 på nordsida av Vindenesvegen skal oppretthaldast dersom vegen vert endra. Ynskjer også at stein frå gråsteinsmur vert levert hjå grunneigar dersom den vert fjerna i samband med vegbygging. Det har vore dialog med kommunen om dette. 4. Gangveg mellom ny og gamal kyrkjegard er planlagd over gnr/bnr 24/1. Denne skal ikkje vere til hinder for ferdsel på tilkomsten til utmarka. 5. Grunneigar ynskjer at det vert laga ein avtale med kommunen når det er klart korleis gnr/bnr 24/1 vert rørt i anleggsperioden og opparbeiding av innkøyrsle. Rådmannen sine kommentarar til merknad frå Liv Oddrun Landro Merknaden omhandlar i all hovudsak privatrettslige problemstillingar. Kommunen som tiltakshavar er i dialog med grunneigar om dette. Det vil bli haldt ein oppmålingsforretning før arbeidet med opparbeiding av gravplassen vert sett igang og kommunen vil inngå avtale med grunneigar der rettighetane til partane blir presisert. Tilkomst til utmarka er sikra i planen, og eventuelle justering av eigedomsgrenser vil ikkje medføre behov for endringar i arealplanen. Vurdering: Landskap og natur I samband med utforminga av gravplassen er det lagt vekt på lokale element, kvalitetar og karaktertrekk for å finna samanhengande struktur mellom den eksisterande og den nye gravplassen. Dette er lagt til grunn for konseptet for inndeling av rom, legging av stisystem og framheving av plassen sine eksisterande kvalitetar. Driftsvegar som leiar ut til utmarksområdet og interne gangvegar på gravplassen vil skapa god tilgjenge til friluftsområde og vidareføre tilkomst til utmarka for grunneigarar i området. Planen sikrar også god dekning på sykkelparkering, tett på ei attraktiv utmark med stinett (Nordsjøløypa kryssar Landrodalen). På bakgrunn av dette vert det vurdert at friluftsliv, naturområder og barn og unge sine interesser i nærmiljøet er tatt i vare på ein god måte. Teknisk infrastruktur Reguleringsplanen sikrar ei breidde på den Kv Landrodalen, som gjer at to bilar kan møtast (fire meter), med møteplass. Dagens ÅDT (251) og framtidig (ÅDT 1500), saman med arealet ein har til rådvelde har vore utslagsgjevande for standard. Rådmannen vurderer at planen gir ei betydeleg forbetring samanlikna med eksisterande trafikkforhold. I arbeidet med å finne gode løysingar for parkering til kyrkja og gravplassen er det vektlagt å nytte eksisterande infrastruktur, framfor å bygge nye parkeringsplassar. Parkeringstilbodet innanfor planområdet vil dekkja om lag 130 besøkande. Dette vert vurdert som tilfredsstillande parkeringsdekning når det gjeld seremoniar knytt til gravferd og gudstenester. Ved fullsatt kyrkje legg planen opp til at parkeringsplassen ved skulen, som ligg meter frå kyrkja, vert nytta. FjellVAR ønskjer å legge ned kommunal vassleidning, i samsvar med kommunedelplan for vassforsyning for avlaup 2011 og 2022 jf. merknad. Planframlegget har hatt stort fokus på løysingar for overvasshandtering, og søkt å løyse desse i opne løysingar så langt råd er. Det er derfor lagt opp til å leia eksisterande bekk inn på

10 gravplassen som eit estetisk opplevingselement. Opne løysingar for overvatnet, f. eks. vassrenner eller opne fordrøyningsbasseng skal vektleggjast. Døme på korleis dette kan løysast er vist i illustrasjonsplanen. Parallelt med opparbeiding av gravplassen, er kommunen i dialog med grunneigarar vest for Landrovegen, for å få retta opp i den dårlege overvasshandteringa i Vadet. Grunneigarane er positive til at kommunen ønskjer å gjennomføre tiltak i området. Trafikksikring Planen legg opp til trafikksikker kryssing av kommunal veg og etablering av fortau (2,5 meter) langs dei delar av Kv Landrodalen som er del av planen. Dette vil føre til tryggare veg for gåande og syklande, og er ei forebetring for dei bustadområda som har tilkomst frå Landrodalen. Trafikksikring langs øvrige delar av Kv Landrodalen vil som tidligare nemnt, bli lagt fram i eiga sak for KDF. Naturmangfald I samsvar med naturmangfaldslova (nml) skal offentlege avgjerder som gjeld naturmangfald så langt som råd byggja på vitskapeleg kunnskap. Den vitskapelege kjelda for vurdering etter nml er Naturbasen til Direktoratet for naturforvaltning. I planarbeidet er det også nytta viktige informasjonskjelder som artskarta til artsdatabanken.no. Ved søk i databasane Artsdatabanken og Naturbasen, og ved observasjon på synfaring, kan det konkluderast med at det ikkje er raudlistearter, trua naturtypar, prioriterte arter, utvalte naturtyper eller område som er særs viktig for naturens mangfald, innanfor planområdet. Ein samla vurdering etter nml 8-12 av naturmangfaldet i dag og konsekvensane av planframlegget tilseier at planframlegget ikkje vil ha negativ effekt på naturmangfaldet i området. Oppsummering Framlegget til utviding av eksisterande gravplass er i samsvar med KPA , og vil med 770 nye gravplassar dekke behovet i dei nordlige delane av Fjell og har potensiale til å dekke delar av behovet i Nye Øygarden kommune. Rådmannen meiner planen legg opp til eit moderne og framtidsretta anlegg, med effektiv arealutnytting, som er rasjonell i drift, men samtidig gir gode estetiske opplevingar. Planen utløyser også trafikksikringstiltak og har slik sett ein positiv effekt for nærmiljøet og barn og unge særskilt. Rådmannen rår til at framlegg til reguleringsplan for utviding av gravplass ved Landro kyrkje vert godkjent.