Fjell kommune Arkiv: 504 Saksmappe: 2017/ /2018 Sakshandsamar: Lena Svalastog Garnes Dato: SAKSDOKUMENT

Transkript

1 Fjell kommune Arkiv: 504 Saksmappe: 2017/ /2018 Sakshandsamar: Lena Svalastog Garnes Dato: SAKSDOKUMENT Utvalsaksnr Utval Møtedato 18/18 Komité for plan og utvikling Detaljreguleringsplan for Landro gravplass, gnr 24, bnr 7 m.fl. 1. gangs behandling. Tiltakshavar: Fjell kommune Samandrag av saka: Planframlegget er utarbeidd av Rambøll på oppdrag frå Fjell kommune. Hovudformålet i planframlegget er «Grav- og urnelund» som legg til rette for ei utviding av eksisterande gravplass på Landro, i tråd med arealdelen til kommuneplanen Gravplassen skal med 770 nye plassar dekke behovet dei neste 20 åra, og vil samtidig ha kapasitet til å møte behov i Nye Øygarden kommune. Samstundes som gravplassen skal utvidast vert det regulert fortau langs den kommunale vegen i Landrodalen for å sikra forholda for gåande og syklande. Eksisterande sjeneflor/løe skal takast vare på, og brukast som reiskapshus. Rådmannen rår til at framlegg til reguleringsplan for Landro gravplass vert lagt ut til offentleg ettersyn. Innstilling: Komité for plan- og utvikling vedtek: I medhald av plan- og bygningslova 12-10, godkjenner Komité for plan og utvikling at framlegg til detaljregulering for utviding av Landro gravplass, gnr 24, bnr 7 m.fl., med plankart, planskildring og føresegner vert lagt ut til offentleg ettersyn, med dei endringane som går fram av sakutgreiinga. Straume, den Lillian Torsvik Konst. Rådmann Bjørn Erik Kristiansen Konst. Plan- og utbyggingssjef

2 Handsama i Komité for plan og utvikling : Planleggjar Lena Svalastog Garnes orienterte om planen. Innstillinga vart samrøystes vedteken. Vedtak i Komité for plan og utvikling : Komité for plan- og utvikling vedtek: I medhald av plan- og bygningslova 12-10, godkjenner Komité for plan og utvikling at framlegg til detaljregulering for utviding av Landro gravplass, gnr 24, bnr 7 m.fl., med plankart, planskildring og føresegner vert lagt ut til offentleg ettersyn, med dei endringane som går fram av sakutgreiinga. Dokument vedlagt saka: Plankart, datert Føresegner, datert Planomtale, datert Illustrasjonsplan, datert Samandrag og kommentar av merknader til varsel om oppstart, datert Saksopplysningar: Tiltakshavar Fjell kommune er tiltakshavar og Rambøll AS har fått i oppdrag å utarbeide detaljreguleringsplan for utviding av Landro gravplass. Bakgrunn for saka Det er behov for å auka talet på gravplasser på Landro for å dekka komande behov i framtida, og oppfylle krava til ledig jf. gravferdslova 4. Landro gravplass har berre omlag 40 ledige gravplassar, og føremålet med planarbeidet er å utvide gravplassen for å dekka behovet i eit 20 års perspektiv. Utvidinga inneber at kapasiteten på gravplassen aukar med 770 nye gravplassar. Planframlegget regulerer også delar av den kommunale vegen (Kv) Landrodalen med fortau, frå krysset mot fylkesvegen (Fv) Landrovegen til plangrensa i aust. Planstatus Området er i arealdelen til kommuneplanen (KPA ) avsett til framtidig offentleg eller privat tenesteyting kyrkjegard, med krav om reguleringsplan. Plankravet gjev føringar for at det i planarbeidet skal vurderast fortau/gang- og sykkelveg langs gravplassen og vest til Landrovegen, Fv211. Planprosess

3 Oppstartsmøte vart halde september 2017, og planarbeidet vart kunngjort i Vestnytt Det kom inn totalt seks merknader, fire frå offentlege instansar og to frå grunneigarar i området. I merknadane vert det vist til utfordringar med vegstandard og trafikktryggleik langs den kommunale vegen i Landrodalen, behov for utbetring av avkøyrsel til bustadområde i aust, planlagt vassleidning og utfordringar med overvatn. Vidare viser merknadane til at utvikling av gravplassen må ivareta landskap, terreng og kulturminne. Merknadane er summert opp og gjort greie for i vedlegg til saka. Planområdet og eksisterande situasjon Planområdet er 37,3 daa stort, og inkluderer både eksisterande gravplass og nytt areal. Areal for utviding av gravplass utgjer omlag 7,6 daa. Planområdet grensar til bustadområde i nord, LNF-område i aust og sør og Fv 211 Landrovegen i vest. Arealet som er planlagt tatt i bruk til ny gravplass er i dag dyrka mark. I den vestlege delen av planområdet ligg dagens gravplass med tilhøyrande parkeringsareal, mens det i nordaust og sør grensar til utmark med formål landbruks- natur og friluft (LNF). Vest og nord for planområdet er det spreidde bustader i mindre felt, som hovudsakeleg består av einebustader. Det er ei løe i planområdet og to jordbruksvegar som vert nytta som tilkomst til utmarka. Figur 1 Utsnitt frå arealdelen til kommuneplanen viser planområdet avsett til offentlig tenesteyting (raudt), kyrkjegard. Erverv av grunn Kommunen er i dialog med grunneigar av 24/7 for erverv av areal for utviding av gravplass, samt med grunneigar på 24/5 for avtale om omlegging av kraftleidning. Planframlegget: Bygningar og anlegg Grav og urnelund Hovudformålet med planen er å legge til rette for etablering av 550 nye gravplassar. Av desse er omlag 40 tilrettelagt og avsett til andre trussamfunn. I tillegg er det sett av plass til 220 urnegraver. Behovsnotat frå kyrkjeverja er lagt til grunn for vurderinga av talet på gravplassar, samt tilgjengelig areal. Andre tiltak som inngår i føremålet er interne vegar, sitjeplassar, vasspostar, renovasjon og parkering.

4 Figur 2 Illustrasjonsplan Tilkomst og gangstiar Hovudtilkomsten til den utvida gravplassen ligg i sørvest. Denne tilkomsten vil verte kopla saman med kyrkja og den eksisterande gravplassen, via ein prosesjonsveg som skal førast frå dagens parkeringsplass, langs fortauet og vidare til den planlagde nye gravplassen. I tillegg vert det planlagt for ein mindre gangsti som skal kople ny og gamal gravplass saman langs fjellskrenten i sør. Reiskapsbygg Planframlegget opnar ikkje for nye bygg, men det er lagt til rette for å ta i bruk ei eldre løe, som har vore knytt til jordbruksdrifta i området. Ein antek at løa er frå før 1900-talet. Den eksisterande løa/skjenefloren skal takast vare på og integrerast i bruken av gravplassen som reiskapsbygg. Den vil gi identitet til den nye gravplassen, og formidla historia som er knytt til området. Renovasjon Kyrkjegardar inneber flytting, oppsamling og transport av jord, sand og planteavfall, i tillegg til avfall frå besøkjande til kyrkjegarden. Areal for renovasjon er ikkje endeleg løyst i planframlegget, men er sikra i føresegnene. Løysing kan vera nedgraven containarar eller bossdunkar på bakken. Det vert opna for at avfall kan hentast frå Kv Landrodalen.

5 Bilparkering Planframlegget legg opp til 65 bilparkeringsplassar, som tek utgangspunkt i to eksisterande parkeringsplassar nært opptil tilkomstvegen til kyrkja. I dag har desse ein kapasitet på 39 parkeringsplassar. På nedre parkeringsplass er det mogleg å auka talet på parkeringsplassar til 50 ved å justere det nedre parkeringsdekke. I tillegg er det føreslått 2 HC-parkeringsplassar ved hovudtilkomsten til ny gravplass i sørvest. Sykkelparkering Innanfor ny gravplass er det avsett totalt 30 plassar for sykkelparkering, primært for besøkjande til gravplassen, fordelt på tre stader. Samferdselsanlegg og teknisk infrastruktur Veg Planframlegget regulerer delar av Kv Landrodalen, med ei køyrebreidde på 4 meter. Kollektivhaldeplass og avkøyrsel (f_kv) 4 til bustadområde i aust vil fungera som møteplassar. Regulert vegbreidde i Landrodalen er basert på nye teljingar av årsdøgntrafikken (ÅDT), gjennomført hausten Desse viser at ÅDT er på 251, og ei framskriving bustadpotensialet i området tilseier at ÅDT mest truleg vil vere mindre enn Fortau Det er regulert samanhengande fortau med ei breidde på 2,5 meter langs sørsida av Kv Landrodalen. Føresegner sikrar trygg kryssing for mjuke trafikantar der avkøyrsler kryssar fortauet. Annan veggrunn Anna veggrunn skal nyttast til naudsynte skråningar/skjeringar, og skal plantast til langs parkeringsplassen og gravplassen. Vatn, avlaup (VA) og overvatn Løysing for vatn, avlaup og overvasshandtering er utarbeidd i eigen VA-rammeplan som fylgjer reguleringsplanen. Føresegnene sikrar at VA-rammeplan vert lagt til grunn for prosjektering av byggjetiltaka. Offentleg vass- og avlaupsleidning skal leggast i fortau/køyreveg. Overvatnet skal i hovudsak handterast lokalt ved infiltrasjon og fordrøyning, men det er planlagt drenering av overvatn i eige system. Drenssystem for gravene vert også løyst i eigne system. Høgspentline Dagens høgspentleidning inn i planområdet skal leggjast i kabel i Kv Landrodalen/fortau for ikkje å kryssa gravplassen i framtida. Rekkjefølgjekrav Det er sett rekkjefølgjekrav knytt til flytting av høgspentledning, fortau, sikring av skredområde, tilkopling til offentleg vass- og avlupsledning og trafikksikring. Nærmiljø, landbruks, natur- og friluftsliv Då planområdet ligg tett på eit attraktivt og viktig tur- og utmarksområde har det vore viktig å vektleggja kvalitet i utforminga av gravplassen i tilpassinga til nærområdet. Planframlegget inneheld eit areal både i aust og sør som vert regulert som landbruks-, natur- og friluftsformål. Driftsvegar som leiar ut til utmarksområdet og interne gangvegar på gravplassen vil skapa god tilgjenge til friluftsområde.

6 Grunneigar av 24/7 har meldt inn behov for å få etablert tilgang til utmarka si sør for ny gravplass. I tillegg har eigar av 24/1 ønskje om å få oppretthaldt dagens tilgang. Tilkomstane til utmarka vert vidareført og sikra i planframlegget. Ein god og velutforma kyrkjegard kan fungera som møtepunkt i nærmiljøet. Sentralt langs hovudstien er det eit kryssingspunkt som er føreslått utforma som ein sentral plass. Denne plassen vil òg ha ein naturleg samanheng med eit avskjerma rom ved løa, og ein vasshage som vert planlagt ved bekken si avslutning. Omsynssone, ras- og skredfare Dei samanhengande bratte terrengparti på sørsida av planområdet kan vera losneområde for ulike steinsprang, og det er her regulert inn omsynssone. Stein vil potensielt kunne losne frå skrentar i område, men hyppigheit er vurdert som låg og utlaupslengder til nedfall å verta korte. Universell utforming Gravplassen er sikra universell utforming og tilkomst i samsvar med gjeldande forskrift. Dette er sikra i føresegnene med mellom anna krav om etablering av 4 HC-parkeringsplassar innanfor areal for grav- og urnelund. Vurdering: Framlegget til utviding av eksisterande gravplass er i samsvar med KPA , og vil med 770 nye gravplassar dekke behovet i dei nordlige delane av Fjell og etterkvart delar av Nye Øygarden kommune. I samband med utforminga av gravplassen er det lagt vekt på lokale element, kvalitetar og karaktertrekk for å finna samanhengande struktur mellom den eksisterande og den nye gravplassen. Dette er lagt til grunn for konseptet for inndeling av rom, legging av stisystem og framheving av plassen sine eksisterande kvalitetar. Driftsvegar som leiar ut til utmarksområdet og interne gangvegar på gravplassen vil skapa god tilgjenge til friluftsområde. På bakgrunn av dette vert det vurdert at friluftsliv, naturområder og barn og unge sine interesser i nærmiljøet er tatt i vare på ein god måte. Med bakgrunn i føringar frå KPA og Trafikksikringsplanen er det lagt til rette for ei opprusting av delar av Kv Landrodalen og etablering av fortau på 2,5 meter langs sørsida av vegen. Trafikksikringstiltak i form av trafikksikker kryssing av kommunal veg og etablering av fortau vil føre til tryggare veg for gåande og syklande. Rådmannen meiner at framlegg til løysingar vil vere gode tiltak i arbeidet med å sikre Landrodalen for mjuke trafikantar. Fortauet er plassert på sørsida av vegen for å legge til rette for prosesjonsveg mellom kyrkja og ny gravplass. Det har også vore eit ønske å unngå større inngrep enn nødvendig på privat grunn nord for vegen. Ut frå arealet ein har til rådvelde er det valt ei breidde på den kommunale køyrevegen, som sikrar at to bilar kan møtast, samstundes som det vert regulert inn møteplassar langs vegen. Standard på veg er basert på dagens ÅDT (251) og framskrivingar av bustadvekst i området (ÅDT 1500). Ut frå dette meiner Rådmannen det er forsvarleg å regulere Kv Landrodalen med vegbreidde på fire meter, og framlegget til plan gir ei betydeleg forbetring samanlikna med eksisterande trafikkforhold.

7 Fv 211, Landrovegen er regulert, men det er ikkje stilt rekkefølgjekrav til desse tiltaka. For å tilfredsstille Statens Vegvesen si handbok N100, tilrår rådmannen at plankartet blir justert før kunngjering for dei delar som gjeld Fv211 og krysset mellom Landrodalen og Landrovegen. Parkeringsdekninga har vore sett på i samanheng med etablert tilbod, både på gravplassen og skuleområdet. Eit parkeringstilbod ut frå dagens kapasitet på 39 plassar vil dekkja 130 personar. Dette vert vurdert som ei tilfredsstillande parkeringsdekning når det gjeld seremoniar knytt til gravferd og gudstenester. Ved fullsatt kyrkje vil ein derimot leggja opp til at parkeringsplassen ved skulen, som ligg meter frå kyrkja, vert nytta. Rådmannen her vektlagt å nytte eksisterande infrastruktur, framfor å bygge nye parkeringsplassar på noverande tidspunkt. Planframlegget har hatt stort fokus på løysingar for overvasshandtering, og søkt å løyse desse i opne løysingar så langt råd er. Det er derfor lagt opp til å leia eksisterande bekk inn på gravplassen som eit estetisk opplevingselement. Opne løysingar for overvatnet, f. eks. vassrenner eller opne fordrøyningsbasseng skal vektleggjast. Naturmangfald I samsvar med naturmangfaldslova (nml) skal offentlege avgjerder som gjeld naturmangfald så langt som råd byggja på vitskapeleg kunnskap. Den vitskapelege kjelda for vurdering etter nml er Naturbasen til Direktoratet for naturforvaltning. I planarbeidet er det også nytta viktige informasjonskjelder som artskarta til artsdatabanken.no. Ved søk i databasane Artsdatabanken og Naturbasen, og ved observasjon på synfaring, kan det konkluderast med at det ikkje er raudlistearter, trua naturtypar, prioriterte arter, utvalte naturtyper eller område som er særs viktig for naturens mangfald, innanfor planområdet. Ein samla vurdering etter nml 8-12 av naturmangfaldet i dag og konsekvensane av planframlegget tilseier at planframlegget ikkje vil ha negativ effekt på naturmangfaldet i området. Oppsummering Rådmannen ser det som positivt at planframlegget legg opp til eit moderne og framtidsretta anlegg, med effektiv arealutnytting, som er rasjonell i drift med rom for kvile og ro og gode estetiske opplevingar. Rådmannen rår til at framlegg til reguleringsplan for utviding av gravplass ved Landro kyrkje vert lagt ut til offentlig ettersyn, med dei endringar som går fram av saka. Endringspunkt, innarbeidast i plankart før kunngjering: Senterlinje veg, frisiktsone og kurvatur skal i innarbeidast i plankartet i samsvar med Statens Vegvesen si handbok N100.