F-SAK 129/18: SØKNAD OM OPPSTART AV PLANARBEID: DETALJREGULERINGSPLAN FOR KLEIVANESET, GNR. 35, BNR. 29 M. FL.

Transkript

1 Stab KVALSVIK ELEKTRO AS Igesundvegen FOSNAVÅG Saksnr Arkiv Dykkar ref Avd /sakshandsamar Dato 2018/773 L12 DOK F-SAK 129/18: SØKNAD OM OPPSTART AV PLANARBEID: DETALJREGULERINGSPLAN FOR KLEIVANESET, GNR. 35, BNR. 29 M. FL. Vedlagt følgjer: - F-sak 129/18. Herøy formannskap har den gjort slikt vedtak i saka: «Formannskapet vedtek i medhald av plan- og bygningslova 12-3 og 12-8 å varsle oppstart på detaljreguleringsplan for Kleivaneset.» Med helsing Lisbeth Moltu Espeseth e.f. Dokumentet er elektronisk godkjent og har ingen signatur. Kopi: B TARBERG AS Sandvikvegen TJØRVÅG Jarl Martin Møller

2 Utviklingsavdelinga SAKSPROTOKOLL Sakshandsamar: ERLEVIK Arkivsaknr: 2018/773 Arkiv: L12 Utvalsaksnr Utval Møtedato 129/18 Formannskapet SØKNAD OM OPPSTART AV PLANARBEID: DETALJREGULERINGSPLAN FOR KLEIVANESET, GNR. 35, BNR. 29 M. FL. Tilråding: Formannskapet vedtek i medhald av plan- og bygningslova 12-3 og 12-8 å varsle oppstart på detaljreguleringsplan for Kleivaneset. Møtebehandling: Rådmannen si tilråding vart samrøystes vedteken. Vedtak i Formannskapet Formannskapet vedtek i medhald av plan- og bygningslova 12-3 og 12-8 å varsle oppstart på detaljreguleringsplan for Kleivaneset. Særutskrift: Utviklingsavdelinga Kvalsvik Elektro AS B. Tarberg AS

3 Vedlegg: 1 Referat frå oppstartsmøte _Søknad om oppstart av planarbeid_bestilling av oppstartsmøte_pdf _Kart Kleivaneset Samandrag av saka: På vegne av grunneigar Kvalsvik Elektro (v/ Helge Kvalsvik), søkjast det om løyve til å melde oppstart av privat planarbeid for eit nytt bustadområde på Kleivaneset i umiddelbar tilknyting til Fosnavåg sentrum. Planområdet er vist i figur 1, under. Figur 1. Forslag til plangrense for detaljreguleringsplanen. Planområdet grensar til Igesundvegen i sør, gamle «Sunnmørsfisk» i aust og Holmefjorden i nord. Saksopplysningar:

4 Det vart halde oppstartsmøte mellom tiltakshavar og Herøy kommune på rådhuset Referatet ligg vedlagt saka. Formålet med planarbeidet er å vidareføre intensjonane frå Kommuneplanen sin arealdel, der arealet er sett av til sentrumsføremål. Arealet som er foreslått regulert er eigedomane på gbnr. 35/29, 35/175 og 35/176. Her ønskjer tiltakshavar å etablere tre mindre bustadblokker, samt tre frittståande bustadhus. I tillegg legg tiltakshavar vekt på kor viktig det er med ei vidareføring av promenaden som er regulert i detaljreguleringsplan for ytre Fosnavåg hamn (PlanID ). Denne samanhengande promenaden er vidare meint å kople seg på gangvegen som skal gå over ny bru til Nerlandsøy. Tiltakshavar ønskjer i utgangspunktet bustadblokker i tre etasjer, lengst sør i planområdet. Blokker er i samsvar med formålet «Sentrumsformål» i kommuneplanen sin arealdel. Dei tre bustadhusa er også ønskt oppført i tre etasjer. Her meiner kommunen det er viktig med ei synleggjering av konsekvensane desse bygga får på ulike måtar. Tiltakshavar vil sjå på alternative utformingar og etasjeløysingar. Omsyn til landskap og ferdsel langs promenaden m. m vil vere viktige tema i planarbeidet. Det vert sett som eit krav frå kommunen at køyreveg og promenade (gangveg) skal vere skilde. Området er viktig for vidare utvikling av Fosnavåg som by og for å knyte bysentrum saman med Igesund og Nerlandsøya med ein gang- og sykkelveg. Her ønskjer ein vidare tett dialog mellom tiltakshavar og Herøy kommune for å finne gode løysingar i utforminga av planen. Tenkt tilkomst til området er vist med svarte piler i figur 2 (under) der ein ser ein tilkomst vidareført frå dagens veg (Igesundvegen nordleg avstikkar som går forbi gamle Sunnmørsfisk og sil/avlaupsanlegget). Kommunen er oppteken av å finne ein god tilkomst til området, saman med eksisterande tilkomstvegar for bustadane som allereie er etablerte. Tiltakshavar ser føre seg etablering av ei mindre småbåthamn, samt ein molo i sjøen. I tillegg er det ønskja ein naustfunksjon eller kombinert naust/garasje i nederste etasje på dei frittståande bustadhusa. Kommunen ga i oppstartsmøtet tilbakemelding om at å regulere inn naust i eit bustadhus vil vere uheldig og ikkje tilrådeleg. Tiltakshavar har vidare fått tilbakemelding om at garasje i nederste etasje, på plan med tilkomstveg kan vere eitt alternativ.

5 Figur 2: Syner ei skisse med dagens situasjon som grunnkart, samt enkel påteikning for å illustrere korleis tiltakshavar ser føre seg plassering av bygg, køyreveg og promenade m. m. Vurdering: Kommunen er positiv til ei utvikling av området og er i store trekk positive til dei skissene som er framlagde i søknad frå tiltakshavar. Kommunen understreker at området er viktig i vidare utvikling av Fosnavåg sentrum som by, og er særleg oppteken av at området langs sjøen skal vere opent tilgjengeleg for allmenta gjennom ei promenade. Det same gjeld sjøareal og strandsona. Konklusjon: Rådmannen rår til at det vert gjeve løyve til oppstart av planarbeid på Kleivaneset.

6 Fosnavåg, Olaus-Jon Kopperstad Rådmann Ole Magne Rotevatn Avd.leiar Sakshandsamar: Erlend Sporstøl Vikestrand