Møteinnkalling. Eventuelt forfall skal meldast til telefon 57 62 96 00 - Varamedlemmar møter etter nærare avtale. Dagsorden: Sakliste

Sogndal kommune Møteinnkalling Utval: KOMMUNESTYRET Møtestad: Kommunestyresalen Møtedato: 29.04.2010 Tid: 13:00 Eventuelt forfall skal meldast til telefon 57 62 96 00 - Varamedlemmar møter etter nærare avtale. Kl. 13:00-16:00 Dagsorden: Temadel: Regionsenterutvikling. Sakliste Saksnr. Arkivsaksnr. Tittel 5/10 10/405-4 Kommunestyremøt 29.04. 2010 - Opning, konstituering, Tema, orienteringar, interpellasjonar m.v. 6/10 09/1590-14 Privat regulering for del av 85/7 Fimreite. Tiltakshavar Magne Hofslundsengen. 2. gongs handsaming 7/10 09/1620-8 Parkeringsordninga i Sogndal sentrum 8/10 09/2736-5 RETNINGSLINJER FOR BRUK AV SENTRUMSPARK 9/10 09/3126-2 Røykfritt Sogndal kommune - røykesluttkurs for tilsette 10/10 10/620-1 Revisjon av finansreglement 11/10 10/1232-2 Tilskotsordning: Lokalmedisinske sentra og kommunesamarbeid 12/10 10/289-17 Årsrekneskap og årsmelding 2009

Sakene er offentleg utlagde i Tenestetorget, Sogndal bibliotek og busenteret i Fjærland. Informasjon på vår heimeside: www.sogndal.kommune.no Sogndal, 23.04.2010 Jarle Aarvoll -ordførar- Gerd Kleiven formannskapssekretær

Sogndal kommune Sak 5/10 Kommunestyret Saksh.: Gerd Kleiven Arkiv: 065 Arkivsak: 10/405 Saksnr.: Utval Møtedato 1/10 Kommunestyret 11.02.2010 5/10 Kommunestyret 29.04.2010 Sak 5/10 Kommunestyremøt 29.04. 2010 - Opning, konstituering, Tema, orienteringar, interpellasjonar m.v. Kl. 13:00-16:00 Dagsorden: Temadel: Regionsenterutvikling. Pkt. 1 OPNING A. Konstituering av møtet * Møtet lovleg sett med 25 representantar til stades. * Innkalling og sakliste godkjenning. * Møteleiar: Ordførar Jarle Aarvoll. * Ope møte. * Framlegg: Representantane Gunnar Yttri og Karin Vikane vert valde til å underteikne møteprotokollen. B. Protokoll frå møte 11.02.2010. Godkjenning. Pkt. 2 Pkt. 3 Pkt. 4 Pkt. 5 OPEN SPØRJETIME SKRIV OG MELDINGAR A. Årsmelding kontrollutvalet 2009. Oversendt frå leiar i kontrollutvalet 16.03.2010 (Arkivsak nr. 09/536) B. Kontrollrapport 2009 vedkomande skatteoppkrevjarfunksjonen i 1420 Sogndal kommune. Brev datert 15.02.2010 frå Skatteetaten. (Arkivsak nr. 10/532) INTERPELLASJON. Ingen meldt pr. dato. ORIENTERING FRÅ ORDFØRAR: Botsfor-konferansen 21.-22.april. Samhandlingskonferansen 23. april. Statsborgersermoni 24. april. Vedlegg: Pkt. 3 Sogndal, 23.04.2010 Gerd Kleiven -F.sekr.- Side 3 av 26

Sogndal kommune Sak 6/10 Kommunestyret Saksh.: Torbjørn Hasund Arkiv: MTR 85/7 Arkivsak: 09/1590 Saksnr.: Utval Møtedato 65/09 Forvaltningsutvalet 18.06.2009 101/09 Forvaltningsutvalet 03.12.2009 40/10 Forvaltningsutvalet 25.03.2010 6/10 Kommunestyret 29.04.2010 Sak 6/10 Privat regulering for del av 85/7 Fimreite. Tiltakshavar Magne Hofslundsengen. 2. gongs handsaming Tilråding: Kommunestyret vedtek reguleringsplan for del av gbnr. 87/5 Fimreite. Før planen vert lagt fram for kommunestyret skal følgjande endrast: 2 b) Tilkomstveg, veggrøfter, jordskjering/ fyllingar m.m. Følgjande setning skal leggjast til: Terrengmurar skal utførast som tørrmurar i naturstein. 2 d) Vassforsyning, avlaupsvatn. Teksten i planframlegget skal takast ut og erstattast med: Avlaupet (svartvatn og gråvatn) skal førast inn i felles minireinseanlegg. Anlegget skal tilfredsstille krava i forureiningsforskrifta 12-9. Reinsa avløpsvatn skal førast i leidning til sjø. 3 d) Byggjehøgder. Teksten i planframlegget skal takast ut og erstattast med følgjande: Bygningane kan oppførast i ein etasje med hems. Maks gesimshøgd 2,6 meter, maks mønehøgd 4,5 meter. Hyttene skal ikkje ha underetasje. Teksten BYA maks. 100 m² skal takast ut av plankartet. Vedlegg: Planframlegget med illustrasjonar (illustrasjonane er ikkje målestokkrette) Saksutgreiing: Arkitektkontoret A38 har utarbeidd framlegg til regueleringsplan for 3 tomter på del av gbnr 85/7 på Fimreite. Tiltakshavar er Magne Hofslundsengen. Forvaltningsutvalet vedtok i møte 03.12.09, sak 101/09 å leggje planen ut til offentleg ettersyn. Planen låg ute i perioden 04.01.10 15.02.10. Det har kome inn 2 merknader, ein frå fylkesmannen og ein frå NVE. NVE har ikkje merknader til planen. Fylkesmannen skriv i sin merknad at utlegging av nye område for hyttebygging bør avklarast i overordna plan. Å opna for bygging nær strandkanten og i strid med kommuneplanen, sjølv om det er på oppsida av veg, er i utgangspunktet konfliktfylt i høve til nasjonale mål og retningsliner for forvalting av strandsona. For å kunna akseptera å opna for bygging må det stillast krav som både sikrar god landskapsog terrengtilpassing av hyttene, og at hyttene ikkje vert dominerande. Dei er samde med kommunen, som ser det som uheldig å leggja opp til hytter med underetasje. Kommunen meiner det vil vera ei betre løysing med hytter i ein etasje, dersom det let seg gjera utan for Side 4 av 26

Sak 6/10 store terrenginngrep. Dei meiner at dei generelle føresegnene for hyttestorleik i kommuneplanen (inntil 100 m 2 ) ikkje utan vidare bør gjerast gjeldande for hyttebygging i eit strandområde som dette. Fylkesmannen rår sterkt til at hyttestorleiken vert redusert, og at det berre vert opna for bygging av hytter i ein etasje pluss loft/hems, dvs. at høvet til underetasje vert teke ut av føresegnene. Det er eit krav (teknisk motsegn) at føresegnene fastset maksimum høgde (gesims- eller mønehøgde) i tillegg til BYA og etasjetalet. Vurdering: Fylkesmannen legg vekt på at det vert teke omsyn til den sjønære plasseringa gjennom krav som både sikrar god landskaps- og terrengtilpassing av hyttene, og at hyttene ikkje vert dominerande. Dette er i tråd med kommuneplanen sin 1 om hytter der det står at det skal leggjast vekt på god tilpassing av hyttene i terrenget. Det står også at nye hytter kan ha grunnmur maks. 1 m over naturleg terreng, maks. mønehøgd 4,5 m og med gesimshøgde som ikkje overstig 2,6 m. Tiltakshavar ønskjer hytter med underetasje, jf også illustrasjonane som følgjer med planframlegget. Særleg for den nordlegaste hytta, der terrenget er brattast, vil utbygging i ein etasje kunne føre til behov for omfattande terrengarbeiding. Men dei to andre hyttene ligg i noko slakare terreng, og samla sett trur vi ein etasje på tilpassa terreng vil vere den beste løysinga. Uansett løysing må terrenget bearbeidast, og noko av høgdeskilnadane kan takast i bakkant av bygga. Det står i 3b om plassering at det skal leggjast vekt på å tilpasse seg terrenget på ein god måte utan skjemmande skjeringar og fyllingar. Rådmannen seier seg samd med fylkesmannen i at det må stillast krav som både sikrar god landskaps- og terrengtilpassing av hyttene, og at hyttene ikkje vert dominerande. Det vil etter vår vurdering verte dominerande med to etasjar i dette området. Det skal takast med i føresegnene at maksimal gesimshøgde skal vere 2,6 meter og maks mønehøgd 4,5 meter. Vi meinar at med slike tilpassingar vil det vere mogleg å få til hytter med ein BYA på 100 m² på ein god måte. For å sikre at tiltaket mest mogleg tilpassar seg omgjevnadane bør det og setjast krav om at terrengmurar skal utførast som tørrmurar i naturstein. I høve avlaupsanlegg, justerer vi kravet noko ned i høve planframlegget, og set krav til at avlaupsreinsinga skal tilfredsstille krava i forureiningsforskrifta 12-9, dvs til utslepp til mindre følsomt område. Sjølv om utsleppet ligg nær eit gruntområde er det god utskifting. For at det ikkje skal verte uklarheit om kva som gjeld for BYA, skal teksten BYA maks. 100 m² takast ut av plankartet, slik at dette berre vert omtala i føresegnene. 19.03.10 Jostein Aanestad rådmann Einar Nedrelo tenesteleiar plan og næring Side 5 av 26

Sogndal kommune Sak 7/10 Kommunestyret Saksh.: Arvid Valland Arkiv: Q50 Arkivsak: 09/1620 Saksnr.: Utval Møtedato 33/09 Formannskapet 04.06.2009 7/10 Kommunestyret 29.04.2010 Sak 7/10 Parkeringsordninga i Sogndal sentrum Tilråding: Notat om vidare arbeid med parkeringsordninga i Sogndal vert lagt til grunn ved utarbeiding av føresegn om parkeringskrav i Sogndal kommune som del av revisjon av kommuneplanen sin arealdel i 2012. Vedlegg: Notat frå sakskommiteen om parkeringsordninga i Sogndal sentrum dagsett 22.03.2010. Saksutgreiing: Formannskapet gjorde i møte den 04.06.2009 sak 33/09, slikt vedtak: Det vert oppretta ein sakskomite om parkeringsordninga for Sogndal sentrum med følgjande samansetting: Kjetil Kvåle (AP), Einar Vatlestad (H), Sigurd Sætre (FrP), Karen Marie Hjelmeseter (SP), Heidi-Kathrin Osland (SV). Saksordførar er: Heidi-Kathrin Osland (SV). Mandat for sakskomiteen er å kome med framlegg til korleis kommunen best skal arbeide vidare med kommuneplanen og klimaplanen si målsetting om at alle ålment tilgjengelege parkeringsplassar i Sogndal sentrum skal inngå i den avgiftsbaserte parkeringsordninga. Komiteen skal levere si innstilling innan 1. februar 2010. Komiteen har halde 6 arbeidsmøter og eit ope informasjons-/samhandlingsmøte i kommunestyresalen den 03.12.2009 der invitasjon var sendt ut ved annonse i Sogn avis og ved brev til næringsdrivande knytt til Sogn Næring. Komiteen har utarbeida arbeidsnotat for det vidare arbeid samt kart dat. 22.03.10, der sentrumsområdet er delt inn i parkeringsoner i høve graden av ønskeleg parkeringsirkulasjon. Komiteen gjer framlegg om at det bør lagast ein kommunedelplan for parkering i Sogndal. Sogndal 24.03.2010 Jostein Aanestad rådmann Side 6 av 26

Sak 7/10 VEDLEGG PARKERINGSGRUPPA SITT ARBEIDSNOTAT 26.11.09. rev. 29.11.09. rev. 30.11.09. rev 22.03.09 FØREMÅLET MED PARKERINGSORDNINGA Sogndal kommune sin visjon : fleire innbyggarar og auka trivsel. Føremålet med parkeringsordninga er å bidra til utbygging og effektiv utnytting av parkeringsplassane i Sogndal, legge til rette for parkering for brukarane av Sogndal sentrum, ivareta miljøomsyn og utvikle uteområda i Sogndal sentrum. Dette kan gjerast gjennom å: 1. sikre nok tilgjengelege p-plassar for private og offentlege verksemder og utnytte eksisterande p-plassar betre 2. arbeide for at nye p-plassar vert lagt under bakkenivå eller i p-hus 3. stimulere til auka bruk av sykkel og kollektive transportmiddel 4. legge til rette for ei god drift av p-plassane (lys, vedlikehald og snøbrøyting) 5. informere godt om parkeringsordninga. Dette for å skape forståing for ordninga. 1. NOK TILGJENGELEGE P-PLASSAR OG EFFEKTIV UTNYTTING Det er viktig å sikre nok tilgjengelege p-plassar for private og offentleg verksemder. Dette kan gjerast gjennom to hovedtiltak: A. P-krav i kommuneplanen B. Regulering ved p-avgift A. P-Krav i kommuneplanen Sogndal kommune praktiserer krav til kor mange p-plassar ulike typer funksjonar som bustad, kontor, lager, forretning m.fl. må tilby enten på eige område eller gjennom avtalar med andre. Parkeringskravet følgjer funksjonane som skal inn på eigedomane. Nødvendig tal hc-plassar vert også sikra gjennom reglane. Reglane er likt gjennomført over tid, men er ikkje formalisert gjennom kommuneplanen. Parkeringsgruppa meiner ein bør sjå litt nærare på dei praktiserte reglane og tilrår at dei vert politisk handsama i samband med revisjon av kommuneplanen sin arealdel og at det då bør lagast ein eigen kommunedelplan for parkering. Kommunedelplanen sine parkeringskrav kan heimlast i Plan- og bygningslova 69. Kommunen har høve til å regulere minimums- og maksimumstal for parkering på ein eigedom. B. Regulering med P-avgift Parkeringsgruppa foreslår inndeling av sentrum i 4 ulike soner (raud, grøn, blå og kvit) etter kva type hovedaktivitet som er i området. Innanfor kvar sonar skal det vere reglar for takstar, parkeringstid, tal årskort og for kvar dei med årskort og dagskort kan parkere. Innanfor ei sone kan det vere reglar som er sams for heile området og reglar som kan tilpassast dei ulike situasjonane. Inndeling for sentrumsområda i Sogndal kan eksempelvis delast i slike soner: Side 7 av 26

Sak 7/10 Sone 1 (raud); Omfattar område med høg sirkulasjon som kring detaljhandel, sentrumsfunksjonar (SOS, NAV, helse, kontor mv.), kulturhus. Sone 2 (blå); Omfattar område med middels sirkulasjon som kring Campus, kontor, skule. Sone 3 (grøn);omfattar område med mindre sirkulasjon som ved lager, storhandel (Øyane). Sone 4 (kvit); Omfattar område med liten sirkulasjon som i bustadområde. (bustadsoneparkering i sentrum?). Det finst ikkje heimel i lovverket til å krevje deltaking i ei parkeringsordning med parkeringsavgift. Parkeringsordninga for Sogndal kommune kan kun inngå avtalar der begge partane ønskjer ei slik ordning. Etter at parkeringsgruppa starta arbeidet sitt, har Miljødepartementet starta eit arbeide med å vurdere ei ordning der kommunane kan krevje at grunneigarane går inn i felles parkleringsordningar. Parkeringsgruppa har gjort sine vurderingar ut i frå dagens lovverk. Parkeringsgruppa ønskjer i utgangspunktet eit system som kan tilpassast situasjonen på staden. På same tid er det nødvendig at nokre reglar er sams for heile sona for å sikre at dei ulike avtalane kan fungere i lag, at parkeringsordninga kan vere lett forståeleg for kundane og at ordninga er økonomisk og praktisk gjennomførbar. Eitt døme på ein regel som børe vere sams for å oppnå ønska sirkulasjon er timetaksten. Varierer denne mykje vil det verke forvirrande for kundane og vil kunne verke konkurransevridande. Eitt døme på ein regel som kan tilpassast er tal årskort. Vi ønsker at fleire med årskort skal parkere i randsonene, og færre framføre butikkane. Nokre område har særskilde utfordringar i høve til å skaffe nok p-plassar. Eitt døme på dette er Sogndal kommune sitt helsesenter. Slike område er det viktig å sjå nærare på for å kartlegge årsaka til mangelen på p-plassar og foreslå utbetringstiltak. Parkeringsgruppa meiner det ikkje bør gjerast avtalar der parkeringsordninga må sponse drifta av p-plassane. Dette kan bli situasjonen dersom grunneigaren ønskjer deler av tida utan parkeringsavgift. 2. BYGGE NYE P-PLASSAR UNDER BAKKENIVÅ ELLER I P-HUS Kommuneplanen set mål om at flest mogleg av nye parkeringsplassar skal kome i parkeringshus eller i parkeringskjellarar. Kommunen si oppgåve er å vere regulant og legge til rette for gode parkeringsløysingar i Sogndal sentrum. Parkeringsgruppa tilrår at kommunen kan vere ein medspelar i lag med private aktørar som til dømes grunneigarar, huseigarar og næringsliv til å finne egna areale og bygge og eventuelt drifte større parkeringsanlegg. Parkeringsgruppa meiner at frikjøpsordninga må ha prisar som reflekterer den reelle kostnaden ved å bygge p-plassar under bakken eller i parkeringshus. 3. INFORMERE GODT For å skape forståing for parkeringsordninga og med det nøgde brukarar, er det viktig med god informasjon. Dette kan gjerast gjennom informasjon på heimesida. Det er viktig at besøkande får tidleg informasjon om praktiske sider ved parkeringsordninga, noko som kan gjerast ved skilting ved Side 8 av 26

Sak 7/10 innfallsportane til Sogndal sentrum. I tillegg må det lagast eit godt system for skilting knytt til sjølve p-plassane, både kvar ein finn ein tenleg p-plass og korleis ordninga fungerer. I tillegg er det viktig med eit godt samarbeide mellom kommunen og dei ulike partane i parkeringsordninga. 4. STIMULERE TIL AUKA BRUK AV GANGVEGAR, SYKKEL OG KOLLEKTIVTRANSPORT Parkeringsgruppa meiner at kommunen bør legge til rette for pendlarar for bil, båt og buss gjennom langtidsparkering. 5. GOD DRIFT AV P-PLASSANE Parkeringsordninga skal nyttast til sikre god drift av p-plassane, som sommar og vintervedlikehald, skilting og lys. 6. KVA SKAL PENGANE NYTTAST TIL: Trafikktiltak og miljø- og trivselstiltak i sentrum. Oppmoda/gårdeigarar til å bli med i ordningen. 7. KONKLUSJON OG VIDARE FRAMDRIFT Parkeringsgruppa foreslår at det bør lagast ein kommunedelplan for parkering i Sogndal. Forskrift må bli utarbeida slik at den kan kome med i kommunen sin reviderering av arealdelen i 2012. Side 9 av 26

Sogndal kommune Sak 8/10 Kommunestyret Saksh.: Arvid Valland Arkiv: 036 Arkivsak: 09/2736 Saksnr.: Utval Møtedato 49/09 Formannskapet 15.10.2009 8/10 Kommunestyret 29.04.2010 Sak 8/10 RETNINGSLINJER FOR BRUK AV SENTRUMSPARK Tilråding: Retningslinjer for bruk av sentrumsparken, samt Standardvilkår for leige vert vedetekne slik dei ligg føre. Vedlegg: Retningslinjer for bruk av sentrumspark. Standardvilkår for leige. Bakgrunn: Formannskapet gjorde den 15.10.2009, sak 49/09 slikt vedtak: Det vert sett ned følgjande sakskomite for utarbeiding av retningslinjer for bruk sentrumsparken: Saksordførar Helge Torstad Medlemmer: Bjørn Rune Nondal, Laura Kvamme, Rita Navarsete. Sakskomiteen skal leggje fram forslag til retningslinjer for bruk av sentrumsparken innan 1. april 2010. Saksutgreiing: Komiteen har har halde 3 arbeidsmøter og vurdert kva aktivitetar parken kan nyttast til og delt området inn i soner i høve målsetjinga med å skape park i den sentrale delen av Sogndal sentrum. Målsetjinga med parken er å skape eit visuelt grøntdrag, betre kontakten med fjorden og ha ein akse for gang- og sykkeltrafikk. Vidare skal ein ha ein sentral leikeplass og rekreasjonsområde for alle. Det skal vera ein stad for aktivitetar og parken skal vera ei fin ramme rundt Bondevikhuset og aktivitetane der. Parken skal og bidra til å gjere sentrum til ein attraktiv stad for handel og aktivitet. Komiteen legg difor vekt på ivareta parken sin kvalitet, at den ikkje er generande i høve til opplevinga av parken og parken sine andre brukarar eller naboar, at parken har eit allment innhald, er gratis for publikum og utan fysiske stengsler som hindrar publikum i å ferdast i parken. Komiteen har delt parken inn i 5 bruksområder, der det 5. bruksområdet ikkje har Feltmarkering, men skal nyttast til rekreasjonsområde for alle og slik den er bygd. Side 10 av 26

Sak 8/10 Parken bør ha avgrensa kommersiell aktivitet og det skal såleis ikkje vera tillete med reklame, profilering av sponsorar eller liknande, eller arrangement som vert vurdert til å skade parkanlegget. Komiteen vurderer det derfor slik at kommersiell aktivitet og arrangement skal gå føre seg på områder merka Felt A, B, C eller D. Dei ulike Feltområda har slik utstrekning: Felt A omfattar kommunehusplassen og gata ned til og med Ølnestorget. Felt B omfattar plassen framfor kommunehuset. Felt C gjeld Kirserbærlunda. Felt D omfattar Parkvegen frå Flåtengården og fram til bankbygget. Feltområda kan nyttast til ulike enkeltarrangement. Det skal ikkje gjevast løyve til fast bruk av feltområda der bruken er av kommersiell interesse. Områda skal ikkje nyttast som torgplass. Her viser ein til eksisterande torgplass på Fossatunet. Arrangement som haustmarknaden ol får nytta feltområda fritt. Politiske og religiøse markeringar vert vist til Kirsebærlunda. Parken kan nyttast til sesongutstilling av skulpturar etter nærare vurdering. I høve leigekostnader gjer komiteen framlegg om at disse skal fastsetjast/regulerast i samband med kommunen sitt årsbudsjett. For 2010 tilrår komiteen slik leigepris og depositum: Kommunal/kulturell/ideell bruk av felt A B C og D skal vera kostnadsfri, medan kommersiell bruk av felt A skal ha leigepris kr 10 000,- pluss kr 10 000,- i depositum. Felt B og C skal ha leigepris kr 5 000,- pluss kr 10 000,- i depositum. Felt D skal ha leigepris kr 10 000,- pluss kr 10 000,- i depositum. Komiteen vurderer det slik at framlegg til retningslinjer for bruk av sentrumspark ikkje er til hinder for bruk av parken i høve 17. mai arrangement. Sakskomiteen har ut frå mandatet utarbeidd framlegg til Retningslinjer for bruk av sentrumsparken, samt Standardvilkår for leige og tilrår kommunestyre å vedta disse. Sogndal 24.03.2010 Jostein Aanestad rådmann VEDLEGG 1 Side 11 av 26

Sak 8/10 RETNINGSLINJER FOR BRUK AV SENTRUMSPARK SOGNDAL Målsetjing med å skape park i den sentrale delen av Sogndal sentrum var eit ynskje om; eit visuelt grøntdrag betre kontakt med fjorden ein akse for gang- og sykkeltrafikk ein sentral leikeplass og rekreasjonsområde ein stad for aktivitetar ei fin ramme rundt Bondevikhuset og aktivitetane der bidra til å gjere sentrum til eit attraktiv stad for handel og aktivitet For å sikre god forvaltning er det utarbeida retningslinjer for bruk av parken og handsaming av søknader i høve arrangement og arealleige i parken. 1. I vurdering om bruk av Sentrumsparken vert det lagt vekt på at arrangementet bør: ivareta parken sin kvalitet ikkje væra generande i høve til opplevinga av parken, parken sine andre brukarar eller naboar ha et allment innhald være gratis for publikum være utan fysiske stengsler som hindrar publikum i å ferdast i parken ha avgrensa kommersiell aktivitet 2. Det vil ikkje verta gjeve løyve til: reklame profilering av sponsorar eller liknande arrangement som vert vurdert til å skade parkanlegget 3. Areal vert ikkje utleigd til riggplass eller liknande som ikkje er forårsaka av arbeider i parken (reparasjonar, rehabilitering, bygging). 4. Leiga vert regulert etter kven som leiger, kva slag aktivitet som skal utøvast og kva del av parken som skal nyttast. Dersom formålet med leigetilhøvet er sal og/eller marknadsføring av produkt, eller det skal utførast anna kommersiell verksemd, skal arrangementet som heilskap betraktast som kommersielt, sjølv om leigetakar er kommunal, ideell eller kulturell. Alternativt kan leigebeløpet sin storleik vurderast konkret i forhold til det merkantile innslaget når det er kommunal/ideell/kulturell leigetakar. I fastsetting av rein kommersiell leige skal ein vurdere kor stor den økonomiske omsetninga kan vurderast å verta. Dess større omsetning og vurdert forteneste for arrangør (gjennom direkte sal eller i indirekte marknadsføringsverdi), dess større bør leigesummen væra. Side 12 av 26

Sak 8/10 Leigeprisen er pr. døgn, dvs. inkl. tid til opp- og nedrigging, rydding og rengjering av området: Kommunal/kulturell/ideell Kommersiell Salsbod Felt A Fri bruk Depositum kr.10 000 + leige Ikkje tillete vedteken i kom. årsbudsjett Felt B Fri bruk Som over Ikkje tillete Felt C Fri bruk Som over Ikkje tillete Felt D Fri bruk Som over Ikkje tillete 5. Søknader må sendes skriftlig til Sogndal kommune v/tenestorget og innehalde opplysningar om: arrangør, evt. medarrangørar kva slag aktivitet det vert søkt om tidspunkt (frå/til dato inkl. rigging) kvar i parken og storleik på areal kva slags utstyr som skal brukast (scener, gjerder, boder, etc.), og korleis dette vil verta frakta ut/inn av parken og rigga til bruk av høgtalarutstyr korleis dette vil påverke andre besøkande i parken om det er behov for straumtilknyting Side 13 av 26

Sak 8/10 6. Retningslinjer for bruk av sentrumspark er ikkje til hinder for bruk av parken til 17. mai arrangement. 7. Tenestetorget skal leggje fram søknader som det kan være tvil om utfall av handsaminga av (i høve til disse retningslinjer) for forvaltningsutvalet til uttale. Tenesteeining for Kommunalteknikk tek den endelige avgjerda og er kontraktspart. Sist oppdatert 22.02.2010 VEDLEGG 2 Side 14 av 26

Sak 8/10 Standardvilkår for leige av Sogndal kommune sine parkanlegg Fylgjande standardvilkår for leige/bruk av kommunen sitt parkanlegg vart vedteke i kommunestyre sak i møte den. For større arrangement og salsaktivitetar skal det teiknast leiekontrakt med utvida bestemmelsar og vilkår. Fotgjengarar på gangareal skal ikkje hindrast; fortau skal ha en minimum bredde på 2 meter. Leiearealet skal haldast rent og ryddig. Leigearealet, med tilgrensande områder, skal reingjerast for søppel kvar dag etter aktivitetens slutt. Leigetakar forpliktar seg til å ha et tilstrekkelig tal søppelbøtter og å tømma disse ved behov. Det er ikkje tillate å nytta kommunens avfallsbehaldarar for avhending av eige avfall. Det er ikkje tillate med reklame på salsutstyr eller egne reklameplakatar/- bukkar utan utleigars skriftlige samtykke. Bruk av lys- eller lydanlegg er ikkje tillate utan samtykke frå utleigar. Ved løyve til bruk av lydanlegg gjeld følgjande vilkår: Scenen og musikkanlegg må plasserast slik at bebuarar skjermast på best mulig måte. Lydnivået må haldast på et helsemessig forsvarlig nivå for publikum og omgivelsane og må ikkje overskride fylgjande lydnivå for omliggande bustader: Søndag Laurdag dag kl. 07.00-18.00 Lekv = 75 dba fast Søndag Torsdag kveld kl. 18.00-22.00 Lekv = 70 dba fast Fredag Laurdag kveld kl. 18.00-23.00 Lekv = 70 dba fast All støyande aktivitet skal være avslutta innan klokken 23.00, dette gjeld og nedrigging, bortkjøring av sceneutstyr mv. Nabolaget skal varslast om type aktivitet og omfanget av denne. Varselet skal være skriftlig og innehalde namn og telefonnummer til kontaktpersonar hos arrangør ved klager på arrangement. Her finner du som leigetakar kart som viser kvar det skal gjevast nabovarsel i samband med arrangement. Leigetakar må sjølv vurdere behovet for vakthald og dekke kostnadene knytta til dette. Leigetakars vaktkorps har informasjonsplikt ovanfor utleigars representantar. Det er ikkje tillate med framleige utan skriftlig samtykke frå utleigar. I dei tilhøve det blir inngått avtale om framleige skal kopi av framleigeavtale for arrangementet oversendast kommunen. Ved større arrangement kan utleigar be om et depositum inntil tre gonger leigesummen, som vert attendebetalt når parken eller anlegget vert forlete i den stand det var då leieforholdet starta. Ved arrangement som går over fleire gonger skal det innbetalast eit depositum rekna for eit arrangement. Depositumet vert attendebetalt når siste arrangement er gjennomført. Det vert gjeve løyve til inn- og utkjøring av varer og utstyr. Bilkøyring eller parkering på plen er ikkje tillate. Parkering på andre flater i parken er ikkje tillate utan parkeringsbevis utskrive av utleigar. Arrangement der det vert planlagt montering av større installasjonar, viser ein som hovudregel til kommunen sine asfalterte eller gruslagte areal. Boder eller liknande skal berre setjast på Side 15 av 26

Sak 8/10 asfalt- eller steinlagde områder, så sant det ikkje vert dokumentert at grøntarealet vert beskytta på en god måte. Oppføring av konstruksjonar nærmare et tre enn 5 meter skal godkjennast av tenesteeining kommunalteknikk Ved snøfall er leigetakar sjølv forplikta til å rydda snø frå leigearealet. Leigetakar er erstatningspliktig for eventuelle skader som påførast parkanlegget i samband med aktiviteten. Utleier kan krevje dokumentasjon på korleis leigetakar tenkjer å beskytte leigearealet mot skader. Utleigar kan vidare krevje befaring med leigetakar før og etter arrangementet. Sogndal kommune Side 16 av 26

Sogndal kommune Sak 9/10 Kommunestyret Saksh.: Bente Bakke Arkiv: Arkivsak: 09/3126 Saksnr.: Utval Møtedato 3/10 Arbeidsmiljøutvalet 01.03.2010 18/10 Formannskapet 18.03.2010 9/10 Kommunestyret 29.04.2010 Sak 9/10 Røykfritt Sogndal kommune - røykesluttkurs for tilsette Tilråding: Tilråding med 6 røyster (3 Ap, Sp, KrF, SV): 1 Sogndal kommune skal vere ein røykfri arbeidsplass. Tilsette i kommunen vil difor ikkje kunne røyke innandørs, i og kring kommunale bygg (med tilhøyrande tomteareal) og i kommunale bilar og tilsvarande (maskinpark) - i arbeidstida. Samrøystes tilråding: 2 I arbeidssituasjonar som ikkje er omfatta av nemnde røykeforbod vert alle tilsette oppmoda om å vege eigne røykebehov mot ønsket om å verne tenestemottakarar og andre tilsette mot helseskadeleg røyk og plagar forårsaka av røyk/røyklukt. Tilsette som bruker arbeidsuniform i utføring av arbeidet sitt må nytte eige tøy ved ev. røyking. 3 Kommunestyret oppmodar alle folkevalde i Sogndal om å praktisere tilsvarande ordningar ved utøving av kommunale verv, funksjonar og ombod. Ordninga over trer i kraft 1.juli 2010. Sogndal kommune vil - i tida fram mot denne dato - tilby røykavvenningskurs til tilsette og folkevalde som måtte ønskje det. Handsaming i formannskapet 18.03.2010, sak 18/10: Kjetil Ertesvåg (FrP) la fram følgjande endring av punkt 1: 1. Sogndal kommune skal vere ein røykfri arbeidsplass. Tilsette i kommunen vil difor ikkje kunne røyke innandørs, i kommunale bygg og i kommunale bilar og tilsvarande (maskinpark) - i arbeidstida. Forslaget fekk 3 røyster (2 FrP, H). Tilråding frå rådmann: 1. Sogndal kommune skal vere ein røykfri arbeidsplass. Tilsette i kommunen vil difor ikkje kunne røyke innandørs, i og kring kommunale bygg (med tilhøyrande tomteareal) og i kommunale bilar og tilsvarande (maskinpark) - i arbeidstida. Side 17 av 26

Sak 9/10 2. I arbeidssituasjonar som ikkje er omfatta av nemnde røykeforbod vert alle tilsette oppmoda om å vege eigne røykebehov mot ønsket om å verne tenestemottakarar og andre tilsette mot helseskadeleg røyk og plagar forårsaka av røyk/røyklukt. Tilsette som bruker arbeidsuniform i utføring av arbeidet sitt må nytte eige tøy ved evt røyking. 3. Kommunestyret oppmodar alle folkevalde i Sogndal om å praktisere tilsvarande ordningar ved utøving av kommunale verv, funksjonar og ombod. Ordninga over trer i kraft 1.juli 2010. Sogndal kommune vil - i tida fram mot denne dato - tilby gratis røykavvenningskurs til tilsette og folkevalde som måtte ønskje det. Saksutgreiing Arbeidsmiljøutvalet i Sogndal kommune drøfta sprøsmålet om eit røykfritt arbeidsmiljø i møtet 09.11.2009, om det burde fremjast ei politisk sak om dette. Det var då full semje i utvalet om at rådmannen burde fremje ei slik sak. I møtet 1. mars 2010 gjorde arbeidsmiljøutvalet følgjande samrøystes vedtak: 1. Arbeidsmiljøutvalet vil rå til at kommunestyret gjer vedtak om følgjande tilhøve: Sogndal kommune skal vere ein røykfri arbeidsplass. Tilsette i kommunen vil difor ikkje kunne røyke innandørs, i og kring kommunale bygg (med tilhøyrande tomteareal) og i kommunale bilar og tilsvarande (maskinpark) - i arbeidstida. I arbeidssituasjonar som ikkje er omfatta av nemnde røykeforbod vert alle tilsette oppmoda om å vege eigne røykebehov mot ønsket om å verne tenestemottakarar og andre tilsette mot helseskadeleg røyk og plagar forårsaka av røyk/røyklukt. Tilsette som bruker arbeidsuniform i utføring av arbeidet sitt må nytte eige tøy ved evt røyking. Kommunestyret oppmodar alle folkevalde i Sogndal om å praktisere tilsvarande ordningar ved utøving av kommunale verv, funksjonar og ombod. Ordninga trer i kraft 1. juli 2010. 2. Arbeidsmiljøutvalet set av midlar til røykesluttkurs for tilsette og folkevalde som ønskjer å delta. Arbeidsmijløutvalet dekker 50% av kurskostnadane. Eigendelen for den tilsette vert refundert dersom vedkomande har vore røykfri eitt år etter at kurset er avslutta. Halvparten av kurstida vert rekna som ordninær arbeidstid. Fakta og vurderingar: Det ligg føre mykje kunnskap og informasjon som syner helserisiko ved røyking. Ca halvparten av dei som røyker regelmessig i mange år dør av sjukdommar som skuldast røykinga. Studiar viser at dei som røykar dagleg, i gjennomsnitt dør ti år tidlegare enn ikkje-røykarar. Nasjonalt KOLS råd uttaler at røykfri skule og arbeidstid er svært viktig i forhold til førebygging av kols. Det viktigaste førebyggingstiltaket i høve hjarte-/kar- og kreftsjukdomar er å få folk til å slutte å røyke. Side 18 av 26

Sak 9/10 Sogndal kommune er den største arbeidsplassen i kommunen og kan i ei sak som dette gje viktige signal til andre. Kommunestyret vedtok i 1995 forbod mot røyking innandørs. Dette førte til at røykinga vart sterkt redusert og mange slutta heilt. Fleire kommunar har gjort vedtak om røykeforbod på arbeidsplassen. Levanger gjorde eit slikt vedtak alt i 2004. Balestrand gjorde det i 2008 og Luster kommune i 2009 med verknad frå 1.1.2010. Sjølv om ein røyker utandørs vil røykelukta henge i kleda til røykaren. Dette medfører ubehag for mange. Eksempelets makt vil også her kunne spele ei rolle. Forsking har vist ein betydeleg redusert risiko for fortsatt røyking om ektefelle eller kollega på arbeidsplassen sluttar. Noko av det viktigaste ein gjer er å hindre at barn og unge startar å røyke. I vurderingar av røykfri arbeidsplass kan ein vise til slikt regelverk: 1. Tobakkskadelova sin 6, første ledd: "... lokaler og transportmidler hvor allmenheten har adgang skal være røykfri. Det samme gjelder i møterom, arbeidslokaler og institusjoner hvor to eller flere personer er samlet. 2. I forskrift om miljøretta helsevern i barnehagar og skular ligg eit generelt røykeforbod innanfor verksemda sitt inneområde. 3. Arbeidsmiljølova 4-1 : Arbeidsmiljøet i virksomheten skal være fullt forsvarlig ut frå en enkeltvis og samlet vurdering av faktorer i arbeidsmiljøet som kan innvirke på arbeidstakerens fysiske og psykiske helse og velferd. Standarden for sikkerhet, helse og arbeidsmiljø skal til enhver tid utvikles og forbedres i samsvar med utviklingen i samfunnet. 4. Den Europeiske Menneskerettskonvensjonen artikkel 8 om retten til privatliv. 1. Enhver har rett til respekt for sitt privatliv og familieliv, sitt hjem og sin korrespondanse. 2 Det skal ikke skje noe inngrep av offentlig myndighet i utøvelsen av denne rettighet når dette er i samsvar med loven og er nødvendig i et demokratisk samfunn av hensyn til den nasjonale sikkerhet, offentlige trygghet eller landets økonomiske velferd, for å forebygge uorden eller kriminalitet, for å beskytte helse eller moral, eller for å beskytte andres rettigheter og friheter. Røyking er ei privat sak. Røyking i tilknytting til arbeidsplassen er relevant for arbeidsmiljøet og for arbeidsgjevarpolitikken. Generelt gjev røyking ein auka kostnad eller in redusert produktivitet for arbeidsgjevar.ut frå eit folkehelseperspektiv bør Sogndal kommune no innføre strengare restriksjonar i høve røyking i arbeidstida. Den ordninga som vert tilrådd frå AMU har vore vurdert av overordna styresmakt. Konklusjonen er at ein kommune har heimel til å gjere vedtak i samsvar med tilrådinga. Etter rådmannen si oppfatning bør kommunestyret, ved handsaminga av ei sak som dette, vurdere om ein også bør oppmode alle folkevalde i Sogndal om å praktisere tilsvarande ordningar ved utøving av politiske verv, funksjonar og ombod. Rådmannen tilrår at ein vedtek ei slik oppmoding. Side 19 av 26

Sak 9/10 Rådmannen tilrår at ei nyordning som her skissert vert innført frå 1.07. 2010. AMU har vedteke å løyve midlar til røykeavvenningskurs. Det vil bli gjennomført kurs før 1.07, dersom kommunestyret gjer vedtak i samsvar med tilrådinga. Sogndal, den 19.03.2010 Jostein Aanestad rådmann Side 20 av 26

Sogndal kommune Sak 10/10 Kommunestyret Saksh.: Jarle Selseng Arkiv: 200 Arkivsak: 10/620 Saksnr.: Utval Møtedato 17/10 Formannskapet 18.03.2010 10/10 Kommunestyret 29.04.2010 Sak 10/10 Tilråding: Revisjon av finansreglement Kommunestyret vedtek endringar i reglar for finansforvaltning for Sogndal kommune versjon 1.4 Vedlegg: Finansreglement versjon 1.4 Eige hefte. Brev frå SF revisjon dagsett 23.02.2010 Saksutgreiing: Kommunal og regionaldepartementet har med heimel i lov av 25 september 1992 nr. 107 om kommuner og fylkeskommuner (kommunelova) 52 nr. 2 fastsett ny forskrift om kommunane og fylkeskommunen si finansforvaltning. Forskrifta gjeld frå 1 juli 2010. Sogndal kommune har føreteke revisjon av gjeldane finansreglement sist vedteke den 11.09.2008, K.sak 36/08. Reglementet er gjennomgått og tilpassa dei krav som føljer av ny forskrift. Reglementet er kvalitetsikra av SF revisjon, revisjonen sine kommentarar er tilpassa og innarbeidde i reglementet. Vurdering Rådmannen meinar at det reviderte reglementet dekkar grunnprinsippet i kommunelova sine føremål om optimal utnytting av kommunen sine ressursar. Kommunen sine finansielle posisjonar skal forvaltast i heilskap der ein freistar å balansere målet om god avkastning til lågast mogeleg finansiell risko. Sogndal 4.3.2010 Jostein Aanestad rådmann Side 21 av 26

Sogndal kommune Sak 11/10 Kommunestyret Saksh.: Helga Bakken Arkiv: 233 &10 Arkivsak: 10/1232 Saksnr.: Utval Møtedato 29/10 Formannskapet 15.04.2010 11/10 Kommunestyret 29.04.2010 Sak 11/10 Tilskotsordning: Lokalmedisinske sentra og kommunesamarbeid Tilråding: Sogndal kommune søkjer Helsedirektoratet om tilskot til utvikling av lokalmedisinsk senter. Kommunestyret ber rådmann ta kontakt med nabokommun og Helse Førde/Indre Sogn Psykiatrisenter med sikte på å senda ein felles søknad. Rådmannen får fullmakt til å utforma søknaden. Vedlegg 1: Helsedirektoratet, Tilskotsordningar, skriv dagsett 24.03.2010 Saksutgreiing: Bakgrunn: Stortinget har for 2010 løyvt midlar til ei tilskotsordning til utvikling av lokalmedisinske sentra og kommunesamarbeid. Kriteria for å få tilskot går fram av skriv frå Helsedirektoratet, jf. vedlegg 1. Kva kan det søkast om tilskot til? Føremålet med tilskotsordninga er å stimulera til utvikling av lokalmedisinske sentra som ein del av kommunale helse- og omsorgstenester og til samarbeid om andre oppgåver i helse- og omsorgstenesta. Tilskotsordninga skal vera med å støtta oppunder oppfølging av St.meld. nr. 47 (2008 2009) Samhandlingsreformen Rett behandling på rett sted til rett tid. Målgruppa er kommune (ar) som vil etablera betre integrerte tenester, m.a. i samarbeid med spesialisthelsetenesta og ev. andre aktørar. Fristen for å søkja om tilskot er 7.mai 2010. Prosjektet må vera forankra i overordna beslutningsorgan, dvs kommunestyret. Vurdering: Samhandlingsmeldinga legg opp til at nye kompetansekrevande funksjonar skal leggjast til kommunenivå, døme på dette er tilbod før, i staden for og etter sjukehusopphald, lærings- og meistringssenter og lindrande behandling, og tilrådinga er at desse tenestene vert samlokaliserte i lokalmedisinske sentra 1. I økonomiplan 2010-2013 er det eit prioritert utviklingsområde at vi skal følgja opp samhandlingsreforma ved å lage ein plan for det førebyggjande helsearbeidet og planlegge og gjennomføre utvidingar av helse- og omsorgstenestene i kommunen, slik at kommunen sjølv kan levere tenester som førstelinetenesta skal ta over frå spesialisthelsetenesta. Planarbeida er 1 ) Frå departementet si side er det og streka under at ein må sjå lokalmedisinsk senter som uavhengig av fysisk lokalisering i kommunen/regionen for dei funksjonane som inngår i tiltaket Side 22 av 26

Sak 11/10 i startfasen, og særleg planarbeidet knytt til SOS er omfattande og krevande. Dette gjeld til dømes korleis ein skal leggja til rette for sjukeheimstilbod til ulike pasientgrupper, omfanget av medisinsk fagleg utstyr og laboratorieløysingar. Når det gjeld eksisterande sjukeheimsareal, er det aktuelt å byggja om delar av denne til personalbase for heimesjukepleien, samtidig som det skal m.a skal leggjast betre til rette for dagaktivitetstilbod og rehabilitering. Så langt er det arbeidet med å utvikla ny sjukeheim som har vore prioritert. Når det gjeld planen for det førebyggjande helsearbeidet, er det sett ned ei administrativ arbeidsgruppe som skal leggja fram utkast til ein slik plan. Gruppa har hatt eit møte og skal levera sin rapport til rådmannen innan 1. september. Ulike pasientgrupper har ulike krav til fysisk utforming av sjukeheimstilbodet og til kompetanse, og det kan vera interessant å vurdera om det er grunnlag for eit samarbeid med nabokommunar der ein utviklar ulike profilar på tilboda ut frå kva ressursar kvar enkelt disponerer. Sett ut frå eit pasientperspektiv er betre samhandling eit viktig utviklingsområde når det gjeld tenestene våre, det gjeld intern samhandling t.d i høve til legetenesta, og samhandling med spesialisthelsetenesta bl.a. innafor psykiatri og rus. På ein del område kan det og vera viktig å utvida samarbeidet med nabokommunane. Ein ev. prosjektsøknad må vera forankra med eit vedtak i kommunestyret. Under føresetnad av politisk tilslutning vil rådmannen ta kontakt med mogelege samarbeidspartar, nabokommunar og Helse Førde/Indre Sogn Psykiatrisenter, med det føremål å få klarlagt samhandlingsområde og definert eit felles prosjekt innan søknadsfristen 07.mai. Jostein Aanestad rådmann Side 23 av 26

Sogndal kommune Sak 12/10 Kommunestyret Saksh.: Erikka Torgersen Arkiv: 210 &14 Arkivsak: 10/289 Saksnr.: Utval Møtedato 27/10 Formannskapet 15.04.2010 12/10 Kommunestyret 29.04.2010 Sak 12/10 Årsrekneskap og årsmelding 2009 Tilråding: 1. Årsrekneskap og årsmelding for Sogndal kommune vert vedteken med dei disposisjonar som er gjort i vedlagd årsrekneskap og årsmelding. 2. Rekneskapsmessig mindreforbruk 3 768 052 vert disponert slik: Grunnkapital kraftfond II 497 000 Avsetjing til avkastningsfond 355 492 Avsetjing til parkeringsfond 298 000 Dekking av underskot Sogndal ølutsal 291 560 Gratis leksehjelp 197 000 IKT-midlar frå 2009 103 000 Støtte til kulturshow 30 000 Avsetjing rentereguleringsfondet 1 996 000 3. Auka løyving Sogndal skisenter 150 000 Redusert løyving Mundal sentrum 150 000 4. Kommunestyret godkjenner rekneskap og årsmelding for Sogndal Ølutsal for 2008. Dokumenta som var omdelte i formannskapet ligg ved til kommunestyret. Desse er i eige hefte: - Rekneskap og årsmelding for Sogndal Ølutsal 2008 Notat datert 14.04.2010 m/vedlegg frå rådmann. (Arkivsaknr. 10/1311) - Kommunen sin årlege rapport om grunnskulen 2009. Handsaming i formannskapet 15.04.2010, F.sak 27/10: Økonomisjef Erikka Torgersen var tilstades på møte og orienterte. Omdelt: 1. Revisjonsmelding for Sogndal ølutsal 2008, datert 13.04.2010 frå Sogn og Fjordane revisjon. 2. Revisjonsmelding for Sogndal kommune 2009, datert 13.04.2010 frå Sogn og Fjordane revisjon. 3. Kontrollutvalet sin uttale til årsrekneskap, årsmelding og revisjonsmelding for Sogndal kommune oversendt 14.04.2010. 4. Rekneskap og årsmelding for Sogndal Ølutsal 2008 Notat datert 14.04.2010 m/vedlegg frå rådmann. (Arkivsaknr. 10/1311) Side 24 av 26

Sak 12/10 Rådmann la fram følgjande tillegg til nytt punkt 4: Kommunestyret godkjenner rekneskap og årsmelding for Sogndal Ølutsal for 2008. Helge Torstad (KrF) la fram følgjande forslag: Støtte til kulturshow 30 000 Avsetjing rentereguleringsfondet 1 996 000 Forslaget vart samrøystes vedteke. Tilråding frå rådmann: 1. Årsrekneskap og årsmelding for Sogndal kommune vert vedteken med dei disposisjonar som er gjort i vedlagd årsrekneskap og årsmelding. 2. Rekneskapsmessig mindreforbruk 3 768 052 vert disponert slik: Grunnkapital kraftfond II 497 000 Avsetjing til avkastningsfond 355 492 Avsetjing til parkeringsfond 298 000 Dekking av underskot Sogndal ølutsal 291 560 Gratis leksehjelp 197 000 IKT-midlar frå 2009 103 000 Avsetjing rentereguleringsfondet 2 026 000 3. Auka løyving Sogndal skisenter 150 000 Redusert løyving Mundal sentrum 150 000 Vedlegg til formannskap og kommunestyre: - Årsrekneskap og årsmelding 2009 eigne hefte - Brev frå Sogndal skisenter - Revisjonsmelding og uttale frå kontrollutvalet. Saksutgreiing Kommunestyret skal vedta årsrekneskap og årsmelding innan seks månader etter utgangen av rekneskapsåret. Det er formannskapet som innstiller til vedtak i kommunestyret. Kopi av revisjonsmelding vert sendt formannskapet før formannskapet si handsaming. Kontrollutvalet skal gje uttale om årsrekneskapen til kommunestyret før kommunestyret gjer vedtak. Kopi av denne uttalen skal vere formannskapet i hende før dette organet gir innstilling om årsrekneskapen til kommunestyret. Kontrollutvalet har møte 14 april, og uttalen frå kontrollutvalet vert lagd fram i møte med formannskapet. Rådmannen utarbeidar årsmeldinga og fremjar denne for formannskapet. Kontrollutvalet har fått tilsendt rekneskap og årsmelding til utvalet sitt møte. Kommunestyret skal handsame årsrekneskapen og årsmeldinga samtidig. Rådmannen tilrår at rekneskapsmessig mindreforbruk kr 3 768 052 vert disponert slik: Avsetjing parkeringsfond Overskot parkering var på totalt 1 997 000. Av dette er det avsett til parkeringsfond i samsvar med budsjett kr.1 699 000. Det vert tilrådd at differansen kr. 298 000 vert avsett til fondet. Dekking av underskot Sogndal ølutsal Kommunen har betalt kassakreditlån til Sogndal ølutsal kr. 291 560. Dette er utgiftsførd i rekneskapen i 2010. Det vert tilrådd at beløpet vert dekka inn ved disponering av overskot. IKT-midlar Side 25 av 26

Sak 12/10 I økonomiplan 2009-2013 heiter det at midlar til IKT-investeringar vil bli vurdert i samband med rekneskapsavsluttinga. Nytt rekneskaps-, løns- og personalsystem, som er planlagt teke i bruk frå 01.01.2011 vil krevje ein del ressursar både i 2010 og 2011. Vi vil ikkje ha full oversikt over behovet før det er valgt leverandør. Val av leverandør vil skje i nær framtid og vi vil difor komme attende til dette til i budsjettrevisjonen. Det står at kr.359 121 i ubrukte lånemidlar som gjeld unytta løyving til IKTinvesteringar i 2006. Det vert tilrådd at desse vert nytta til IKT-investeringar. Det var budsjettert med 1 mill i overføring frå drift til investering IKT i 2009. Av dette vart det brukt kr. 897 000. Det vert tilrådd at løyvde midlar kr. 103 000 vert overførd til 2010. Avkastning kraftfond II Avkastning kraftfond II var i 2009 på kr. 2 145 000, jf årsmelding kraftfond II. Det vart avsett til avkastningsfond i samsvar med budsjett kr. 1 790 000. Det vert tilrådd at differansen kr. 355 000 vert avsett. Avsetjing til styrking av grunnkapital kraftfond II Ifølgje vedtektene til Kraftfond II skal det årleg avsetjast til grunnkapitalen for å oppretthalda realverdien av kapitalen. Det skal avsetjast tilsvarande auken i konsumprisindeksen. Avsetjinga i år er rekna til kr. 497 000. Gratis leksehjelp Sogndal kommune innfører tilbod om gratis leksehjelp til alle elevar i 1.- 4. klasse i grunnskule frå 01.08.2010. Jf saksframlegg 10/95-16. Ramma for Sogndal kommune utgjer kr. 245 000.av dette er kr.48 000 lagt inn i ramma til skulane. Dei resterande kr. 197 000 vert tilrådd tilført skulane i samsvar med fordelingsmodellen for skulane, og finansiert ved disponering av 197000 av overskotet. Avsetjing rentereguleringsfond Saldo på rentereguleringsfondet bør vere på minst 5 mill. Pr 31.12.2009 er fondet på kr. 1 043 000. Etter tilbakeføring av lån til parkeringsfondet kr. 1 697 000 (jf. årsmelding kap 2.3) vil fondet vere kr. 2 740 000. Det vert difor tilrådd å avsetje kr. 2 026 000 til dette fondet. Tilskot Sogndal skisenter Sogndal skisenter har, i brev datert 19.01.2010 (arkivsak 10/2), søkt om eit ekstra tilskot på kr. 150 000. Ifølgje møteprotokoll frå møte i formannskapet skal søknaden vurderast i samband med rekneskapsavslutninga/budsjettrevisjonen. Rådmann vil ikkje tilrå å disponere midlar frå rekneskapsavsluttinga for 2009 til nye tiltak i 2010 som ikkje er føresett i økonomiplanen, men løyse dette ved ev. omdisponeringar av økonomiplanen. I økonomiplan 2010-2013 er det løyvd kr. 150 000 til utvikling av Mundal sentrum finansiert med bruk av avkastningsfondet. Ved ein feil er dette beløpet løyvd både i investeringsrekneskapen og i driftsrekneskapen. Det vert difor tilrådd at beløpet som er løyvd i drift i staden vert nytta til dekke tilskotet til Sogndal skisenter. Kontrollutvalet Det var avsett 75.000 i budsjettet til forvaltningsrevisjon, og tilbodet var utlyst med ei budsjettramme på kr 75.000 inkl. meirverdiavgift. Føresetnaden frå kontrollutvalet si side var at prosjektet skulle gjennomførast i 2009, slik at avsette budsjettmidlar for 2009 skulle gå til denne forvaltningsrevisjonen. Det vart frå kommunen si side bede om utsett frist med levering av etterspurt informasjon. Dette medførte at prosjektet vart forseinka. Det vart fakturerte 50.000 i 2009 for arbeid utført i 2009. Dei resterande 25.000 vert fakturert ved ferdigstilling, som er i løpet av februar 2010. Kontrollutvalet har bedd om at midlar tilsvarande mindreforbruket i 2009 på kr 25.000 vert overført til kontrollutvalet sitt budsjett for 2010. Sogndal 09.04.2010 Jostein Aanestad rådmann Side 26 av 26