SAKSFRAMLEGG Sakshandsamar: Kjell Sverre Snøtun Arkiv: 212 Arkivsaksnr.: 11/1291 Rekneskapsrapport pr. 1. kvartal 2011. Budsjettendringar 2011 Rådmannen si tilråding: 1. Kommunestyret har ikkje merknader til rekneskapsrapport pr. 31.03.2011. 2. Kommunestyret vedtek slike endringar i budsjettet for 2011: a. Konsesjonskraftvinsten vert auka med kr. 2.800.000,-. b. Konsesjonsavgifter frå Sage Kraftverk AS på kr. 1.400.000,- vert budsjettert og tilført næringsfondet. c. Posten premieavvik (pensjon) 2010 vert auka med kr. 4.855.267,- (utgift). d. Utgift grunnskule vert auka med kr. 1.200.000,-. e. Utgift bedriftshelseteneste vert auka med kr. 265.000,-. f. Det vert løyvd kr 507.000,- til oppreisingsordninga (barnevern). g. Driftsløyvinga til kommunale vegar vert auka med kr. 500.000,-. h. Med bakgrunn i det sentrale lønnsoppgjeret pr. 1.mai 2011 vert det avsett kr. 1.400.000,- ekstra til tilleggsløyving løn. 3. Kommunestyret vedtek slik disponering av overskotet for 2010, kr 19.172.229,-: a. Kr. 5.927.267,- går til dekking av endringane i punkt 2 over. b. Resterande midlar, kr 13.244.962,-. vert tilført budsjettet for 2011 ved tilsvarande reduksjon i budsjettert låneopptak. 4. Kommunestyret vedtek å endre vedteken sikringsstrategi for konsesjonskraft frå 3 år til 2 år. Rådmannen kan dessutan avvike frå reglementet innanfor det einskilde kvartal (mengde). Jf saksutgreiinga.
Saksutgreiing: Prenta vedlegg: Uprenta vedlegg: Samandrag: Rådmannen legg her fram sin rekneskapsrapport for s 3 første månader. Bakgrunn for at rapporteringa berre dekkjer 3 månader for dei fleste budsjettkapitla, er at vi etter overgangen til nytt rekneskapssystem ikkje har klåre data pr 30.04. Rådmannen tilrår og at det vert gjort visse budsjettendringar og at rekneskapsoverskotet for 2010 vert disponert. Det er og teke inn ei rapportering i høve kommunen sine plasseringar i aksjefond og den sikring av konsesjonskraft som er gjort med grunnlag i vedteken strategi. Rådmannen har med eit forslag til endring i nemnde strategi. Utval som har vedtaksmynde: Kommunestyret. Fakta og vurderingar: FRIE INNTEKTER Tal i 1000 kr R 2011 B 2011 R 2010 B 2010 31.03 heile 31.03 heile Skatt på formue/inntekt -29455-119700 -28187-123700 Rammetilskot -41991-124500 -28814-83400 Eigedomsskatt -26696-53348 -27024-54022 Konsesjonsavgifter -1399-13990 0-13821 Andre direkte tilskot -1058-4094 -3184-6734 Sum frie inntekter -100599-315632 -87209-281677 Det er pr 31.03 bokført frie inntekter på 100,6 mill kr, inklusive ei etterbetaling for konsesjonsavgifter frå Sage kraftverk, jf. kommentar nedanfor. Tilsvarande tal i 2010 var 87 mill kr. Rådmannen meiner at dei frie inntektene i 2011 vil verta i samsvar med budsjett eller litt over. I budsjett for 2011 har vi lagt til grunn KS sin prognose for skatt og rammetilskot. Denne er igjen bygd på regjeringa sitt forslag til statsbudsjett inklusive folketal pr 1.01.10. I februar 2011 har KS justert sin prognose og lagt inn folketal pr 1.01.11. Den nye prognosen legg opp til at vi i 2011 vil få ei samla inntekt på 244,7 mill kr. Dvs 0,5 mill kr utover det som er lagt inn i budsjettet. Dette er ein så vidt marginal auke at rådmannen ikkje finn grunnlag for å tilrå noko endringa i skatt og rammetilskot pr det noverande tidspunk. Tal i 1000 kr R 2011 B 2011 R 2010 B 2010 31.03 heile 31.03 heile Renteinntekter -1737-10630 -579-9820 Renteutgifter 407 13550 2436 10490 Avdrag 4873 18870 4717 16734 Netto finansutgifter 3543 21790 6574 17404 Det er pr 31.03 bokført renteinntekter på 1,7 mill kr. Kapitaliseringa av renteinntektene gjer at noko fyrst vil verta inntektsført seinare på. Kommunen har ein stor del av midlane
plassert i bank Dette gjev no ei avkasting på ca. 2,7%. Renteutviklinga resten av vil avgjere kva nivå vi endeleg kjem ut på. Rådmannen ser ikkje grunn til å kommentere avvika i renteutgifter/avdrag då desse har samanheng med avdragstidspunkta for dei ulike låna. Plasseringa i aksjefond har pr 4.05.11 slik endring i høve til status pr 31.12.10 (mill kr): Verdi Realisert Verdi Gevinst/tap 31.12.10 1. tertial 4.05.11 1. tertial 45 mill -8,9 mill 35,7 mill -0,4 Rådmannen har i 1. tertial realisert aksjefond for 8,9 mill kr. Dette for å halde verdien av plasseringa innanfor 30 % av kommunen sin langsiktige finansielle aktiva. Jf finansreglementet. Denne realiseringa gav kommunen ein meiravkastning på 3,75 mill kr utover det vi ville fått ved vanleg bankplassering (2004-11). Som det går fram av tabellen ovanfor har ikkje aksjefonda ikkje gjeve avkasting i 1. tertial. TENESTEOMRÅDA Pr 31.03.11 er kommunen si drift på dei ulike tenesteområda slik: Tal i 1.000 kr R 2011 Periodisert B 2011 B 2011 Forbruk % Fokevalde 1142 978 3912 29,2 Administrasjon 7492 8172 32698 22,9 Barnehage 7448 7747 30993 24,0 Grunnskule 19562 20280 81125 24,1 Helse 4290 4073 11859 36,2 Sosial/barnevern 1016 2549 10201 10,0 Pleie og omsorg 28755 24193 96781 29,7 Tekniske tenester 11886 2800 11153 106,6 Næring/naturforvaltning -1033-2147 -8585 12,0 Kultur 6396 4530 18125 35,3 86954 73175 288262 30,2 Oversikten syner forbruk på dei ulike tenesteområde i budsjettet. Rådmannen meiner det pr dato ikkje er noko som tilseier at tildelte rammer ikkje vil halde. Dei potensielle avvik som ligg i tabellen har stort sett samanheng med at inn- og utbetalingar ikkje kjem jamt over tid og/ eller tilsvarande 2010 (grunnlaget for periodisert budsjett). Det største avviket finn ein på tekniske tenester. Det har samanheng med at det fyrst i april er fakturert kommunale eigedomsavgifter. Pleie og omsorg syner pr. dato eit meirforbruk. Deler av dette er manglande innbetalingar frå trygd. Det er likevel grunn til å forvente ein overskriding då det i denne perioden er nytta ca 0,3 mill kr ekstra i institusjonstenesta til ressurskrevjande brukar. Dessutan er utgiftsnivået i dei heimebaserte tenestene usikre. I tillegg er det innanfor området sosial/barnevern ikkje ført overføring til Sogndal kommune for drift av barnevernstenesta.
KONSESJONSKRAFTA Etter risikostrategien for forvaltninga av konsesjonskrafta, vedteken av k-styret 26.11.09, skal det kvart kvartal gjerast sikring av konsesjonskrafta over ein 3.årsperiode. Dvs at rådmannen 1. kvartal 2011 skal sikre kraft for 1. kvartal i 2012, 2013 og 2014. Med bakgrunn i store svingingar i dei korte prisane, og relativt låge priser for 2013 og 2014, har rådmannen 1. kvartal 2011 ikkje føreteke sikring for 2013 og 2014 slik reglementet legg opp til. Rådmannen har rapportert dette til formannskapet som ikkje hadde merknader. Rapportering og utsikter 2011: Det er for 2011 rapportert eit uttak av konsesjonskraft til kommunen på 86,8 Gwh. Dette bygger på forbruk i 2009 korrigert for venta endring til 2011. Av dette vil ca 30 Gwh verta disponert utanom sikringsstrategien. Dette gjeld eige forbruk, sal til næringslivet og tilbakesal til Sognekraft. Resterande kraftmengde, ca 55 Gwh, vert seld i marknaden. Av dette er no 43,7 Gwh sikra, medan resten - ca. 12 Gwh - vert seld i spot. Dersom vi for resten av legg til grunn den forventa handelspris spot pr dato vil kommunen få slike inntekter i 2011 (mill kr): Komponent Verdi Sal næringliv Sognekraft Sum sikring Brutto inntekt 23,9 3,4 - Kostnader kjøp/overføring 7,4 1,6 Forteneste 16,5 1,8 0,8 19,1 Dette vil gje ei meirinntekt i høve til budsjett på 2,8 mill kr. Åra 2012, 2013 og 2014: Kommunen har for desse åra sikra slike kraftmengder: 2012: 21,8 Gwh 2013: 17,5 Gwh 2014: 0,0 Gwh. Som nemnd over skulle kommunen i 1. kvartal 2011 - etter vedteken strategi ha sikra ytterlegare ca. 8 Gwh for 2013 og 2014. Ei full sikring av krafta som vi i dag sel i marknaden (55 Gwh) for åra 2011-14 til dagens priser ville gjeve slik vinst (mill kr): 2011 2012 2013 2014 18,6 14,9 13,5 13,0 Endra strategi: Oversikten syner at forventa priser på kraft er synkande. Rådmannen er difor svært usikker på om det er tenleg med ei så langsiktig sikring som strategien legg opp. Rådmannen vil med bakgrunn i dette tilrå at kommunestyret sin strategi vert endra ved at sikringa vert avgrensa til 2 år (mot 3 no) og at det vert opna for ein større fleksibilitet i kjøp pr kvartal. Tilrådd endring, jf tilråding til vedtak: Vedteken sikringsstrategi for konsesjonskraft vert endra frå 3 år til 2 år. Rådmannen kan i tillegg avvike frå reglementet (mengde) innanfor det einskilde kvartal. Alle avvik skal rapporterast i fyrste rapportering til kommunestyret. Dete inneber at kommunen sikrar 2/3 del av den frie kraftmengde medan resten vert seld i spot.
BUDSJETTENDRINGAR 2011 Investeringar: Helsesenteret påbygg og renovering Kommunestyret godkjende i sak 77/10 (16.12.10) utbygging av Helsesenteret med ei kostnadsråme på 12 mill. kr. Framdrifta i prosjektet er som føresett og tiltaket skal vere ferdigstilt i løpet av september 2011. Det vil innafor vedteken kostnadsramme bli lagt opp til visse tilpassingar: Skifte av vindauga, til ein kostnad av ca 1 mill kr, er teke ut grunna ei nærare kost/nytte vurdering. Deltiltaket vert ikkje vurdert som rentabelt. På den andre side er kostnadene til garasjen og renoveringa på fleire område noko undervurdert. Dei største postane knyter seg til utviding av garasjen for å gi rom også for bil legevakt, meirarbeid med ventilasjonsanlegg (kanalreinsing og nye ventilar), meirkostnader med taket (fjerne gamal shingel, skifte av lyskupler) og større behov for skifte av takrenner og himlingar. Det er og slik at det ikkje er avsett budsjettmidlar til utomhusanlegg kring garasjen og tiltak på parkeringsplassen. Rådmannen legg opp til at kostnadsråma til prosjektet vert ståande og at dei skisserte endringane vert gjorde. Drift: Administrasjon premieavvik Premieavvik er definert som differansen mellom innbetalt og bokført pensjonspremie. Dersom s premieavvik er positivt, skal det inntekts- og balanseførast mot kortsiktige fordringar i rekneskaps og dekkast etter. For 2010 hadde kommunen eit positivt premieavvik på kr. 4.855.267,01. Dette gjev oss altså ei høvesvis stor utgift i 2011. Konsesjonsavgift Sage NVE fastsette i 2010 kraftgrunnlag, konsesjonsavgifter og konsesjonskraft for Sage kraftverk. Fastsetjing av konsesjonsavgiftene vart gjort med tilbakeverkande kraft frå 1990. Ut frå dette har selskapet overført kommunen 1,4 mill kr for åra 1990-09. Dette er ikkje innarbeidd i budsjettet. Ut frå vedtektene skal alle konsesjonsavgifter avsetjast til næringsfond. Brannvern Sogn brann og redning IKS er etablert i frå 01.05.11. Frå denne dato skal det budsjetterast med kjøp av tenester i staden for dagens detaljerte budsjett. Kommunen har motteke eit krav om betaling for tenester på kr. 1.939.194,- for 2011 frå Sogn brann og redning IKS. I tillegg kjem Luster kommune sin del av oppstartskostnadene kr. 72.442,-. Desse beløpa er det dekning for i kommunen sitt budsjett (brann) for 2011. Det står likevel att nokre avrekningar, til dømes når det gjeld feietenestene, samt nokre periodiseringar som ein ikkje har full oversikt over. Desse vil ein koma nærare tilbake til i tertialrapport 2. Ressurs grunnskulen I budsjett 2011 er det for heile lagt til grunn ein timetalsressurs som for skule 2010/2011. Frå hausten 2011 vil det verta følgjande endringar i ressursbruken som det må justerast for: Klassetal: Det vil frå hausten 2011 verta ein ekstra klasse i grunnskulen. Dette som følgje av at 3. klasse ved Hafslo barne- og ungdomsskule må delast. Dette krev ein auka ressurs på i underkant av 1 årsverk. Spesialpedagogiske tiltak: Skule 2010/11 vart det totalt tildelt 17,1 årsverk til tyngre tiltak (9,9 årsverk pedagog, 7,2 årsverk assistent). Dette gjeld tiltak der eleven treng ekstra lærar/assistent utover 70 % av samla skuletid. Tildeling for 2011/12 viser at behovet har auka til 20,5 årsverk. Tal elevar i same gruppe har auka frå 29 til 31. Ressursen til grunnskulen bør aukast med 3,4 årsverk. Rådmannen legg til grunn ein gjennomsnittkostnad i grunnskulen på ca 600.000 kr/årsverk. Med bakgrunn i dette bør grunnskulen gjevast ei ekstraløyving for hausten 2011 på 1,2 mill kr. På årsbasis utgjer dette 2,65 mill kr.
Barnehage Barnehageinntaket syner at behovet for barnehageplass frå hausten er svært identisk med nivået pr dato. Førebels oversikt syner eit behov for auka stillingsressurs på ca 0,3 årsverk. I budsjettet er det avsett ein reservepost på 1 mill kr for å møte ein ev auke i løpet av 2011. Slik det ser ut pr dato vil denne posten kunne bli udisponert. Rådmannen meiner at ein likevel ikkje bør disponere denne posten no, men avvente ev. endringar som vil skje fram til barnehagestart og i løpet av hausten 2011. Posten bør difor vurderast nærare pr 2.tertial. Bedriftshelsetenesta Kommunen har fått på plass ein ny avtale mvf. 13.04.11, tilpassa nytt lovverk og nye lovkrav. Nyordninga vil koste minst kr. 440.000,- på årsbasis. I år er det førebels budsjettert med kr. 135.000,-. Budsjettet for inneverande år må aukast med kr. 265.000,- til kr. 400.000,- Oppreisingsordninga - barnevern Jf. Vedtak i k-sak 43/10 av 17.06.10. Kommunen har her fått ei utgift på kr. 507.000,-, som ikkje er budsjettert. I tillegg vil det vera nokre mindre administrative kostnader. Det er og moglegheit for at det vil koma nye saker, som ein i dag ikkje kjenner. Kommunale vegar Vintervedlikehaldet på det kommunale vegnettet har vore større enn ein normalvinter. Vinteren vart og avslutta med eit par flaumsituasjonar som medførte fleire større skader på vegnettet. Det har vore naudsynt med større reparasjonar i Vigdalen, Indre Hafslo, Leirdalen og ved Halveg og samla kostnader med desse større tiltaka vil vere nærare kr. 500.000,-. Skal det gjennomførast eit tilnærma normalt vedlikehald resten av og reserverast noko midlar for neste brøytesesong er det behov for styrking av driftsbudsjettet. I denne omgang tilrår rådmann at budsjettet vert styrka med kr. 500.000,- og vil ev koma tilbake til saka i tertialrapport nr 2. Lønsoppgjeret I budsjett 2011 er lagt inn ein forventa lønsvekst utover lønsnivået pr september 2010 på 3,6 mill. kr. Tariffrevisjonen pr 1.mai 2011 er no avslutta og resultatet gjev ein årslønsvekst for 2011 på 4,26 %. Av dette er overhenget frå 2010-11 på 2,5%. Med bakgrunn i at vi har nytta lønsnivået pr september 2010 er deler av overhenget teken omsyn til. Ca 1,5% av forventa årslønsvekst er allereie budsjettert. Naudsynt ekstraløyving vil såleis vere 2,76% av samla lønsmasse. For 2011 svarar dette til ca 5 mill kr. Dette vil krevje ei ekstraløyving på 1,4 mill kr (5,0 mill kr minus alt budsjetterte 3,6 mil kr). Opningstidene Huset I tilknyting til budsjett 2011 gjorde kommunestyret m.a. slikt vedtak: Luster kommune vil vurdere å auke opningstidene i Huset til òg å vere eit tilbod i høgtider, kveld og helg. Det er i budsjettet ikkje gitt noko ytterlegare føring eller kommentar. Rådmannen har førelagt dette vedtakspunktet for helsesjefen for vurdering og han skriv i si tilbakemelding m.a. følgjande: Helsesjefen har hatt ein gjennomgang med teamleiar for psykisk helse for å vurdere dagens tilbod og behov for endringar. Huset er i dag opent måndag 09-15 og onsdag 14-19. Det var 25 brukarar i 2010 med til saman 493 besøk. Det er ei tydeleg erfaring så langt at tilbodet vi har er tilstrekkeleg. Det har vært prøvd fredag kveld utan at det ble registrert etterspurnad. Kveldar like før helgetid medfører langt mindre besøk. Brukarane har andre aktivitetar i sine liv og skil seg såleis lite frå andre menneskje. Aktive brukarar avsluttar kl 1900 for å gå til annan / privat aktivitet. Psykisk helse opplever auka behov for samtalar på dagtid/samtaleterapi og det er over mange år registrert lite behov innan akutt psykiatri. Beredskapstelefonen er lite nytta.
Vi registrerar over tid at heimetenesta i periodar slit med for lite ressursar og då er det lett og krevje hjelp frå andre. Vi registrerar ikkje auka psykisk sjukdom som krevjar spesialkompetanse på desse pasientane. Psykisk helse har ein viktig oppgåve å lære opp og gjere andre trygge i møte med pasientar med psykiske lidingar. Konklusjon: Det er ikkje registrert behov for auka opningstider for Huset, verken på kveld, helg eller høgtid. Dersom ein vel å auke tilbodet, kan det ikkje skje ved å omprioritere frå andre arbeidsoppgåver. Ein må då tilsette meir personale. Det må alltid vere 2 samstundes på jobb (tryggleik) og ein må opp mot 4 nye stillingar for å dekke det som er intensjonen i vedtaket. Med tilvising til dette kan rådmannen ikkje tilrå endringar på dette området. Budsjettendringar oppsummert Med tilvising til ovannemde vil rådmannen tilrå slike endringar i budsjett 2011: Konsesjonskraft - auka vinst -2.800.000 Konsesjonsavgifter - Sage -1.400.000 Overføring næringsfond 1.400.000 Premieavvik 2010 4.855.267 Grunnskulen 1.200.000 Bedriftshelsetenesta 265.000 Oppreisingsordninga - barnevern 507.000 Kommunale vegar 500.000 Lønsoppgjer 1.400.000 SUM 5.927.267 REKNESKAP 2010 DISPONERING AV OVERSKOT Det vert vist til eiga sak der rekneskapen for 2010 er gjort opp med eit driftsoverskot på kr 19.172.229,-. Rådmannen tilrår at kr. 5.427.267,- av driftsoverskotet vert nytta til budsjettendringane (2011) over og at resten (kr. 13.244.962) vert nytta i staden for låneopptak i 2011. Dvs at låneopptaket vert redusert frå kr. 68.350.000,- til kr. 55.105.038,-. Dette vil - isolert sett - gje reduserte kapitalutgifter i åra framover. Dato: 6.mai 2011 Tore Eriksen Kjell Sverre Snøtun rådmann økonomisjef Særutskrift skal sendast: m/kopi til: