REGULERINGSENDRING FOR VIKI I FLÅM

REGULERINGSENDRING FOR VIKI I FLÅM Høyringsframlegg til reguleringsendring Desember 2013

Prosjekt: Oppdragsgjevar: Utarbeidd av: Sakshandsamar: Reguleringsendring Aurland Hamnevesen Vangen 1 5745 Aurland Tlf.: 57 63 33 12 Mob.: 901 12 942 e-post: john@aurlandhavn.no Siv.ark. mnal Jarle Sandvik Postboks 55 5741 Aurland Tlf.: 57 63 31 73 Mob.: 412 00 594 Fax: 57 63 33 78 e-post: ark.js@online.no Aurland kommune Jan Olav Møller 5745 Aurland Tlf.: 57 63 29 73 Mob.: 95 98 46 56 Fax: 57 63 29 01 e-post: janolav.moller@aurland.kommune.no Forord I det etterfølgjande er det medteke ein omtale av planområde og planløysning for reguleringsområdet. I omtalen er det gjort greie for verknader planen vil kunne få for ulike interesser og omsyn. I tillegg til planomtalen er det utarbeidd ROS-analyse for området. Denne er lagt til grunn for utarbeidning av planen. Aurland, 17.12. 2013 Jarle Sandvik Siv.ark. mnal Jarle Sandvik -1- Reguleringsendring

INNHALD Innleiing side 3 Omtale av planområdet 4 Tilhøve til eksisterande planar 5 Planområdet i dag 5 Landskap og naturmiljø, vegetasjon, flora og fauna 5 Strandsone og sjø 6 Friluftsliv 7 Eksisterande bygningar på området 7 Kulturminne 7 Tilkomst 7 Grunntilhøve 7 Planløysning 8 Kombinert føremål hotell/overnatting og fritidsbustader 8 Trafikktilhøve, gangveg 8 Kai 8 Ferdsel i sjø 8 Privat småbåtanlegg 8 Stormflo, havnivåstigning 9 Radonfare 9 Kommunaltekniske anlegg vatn og avlaup. Renovasjon 9 Reguleringsføreseger til reguleringsplan for Viki 10 Merknader til oppstartvarsel 13 Siv.ark. mnal Jarle Sandvik -2- Reguleringsendring

Innleiing Siv.ark. mnal Jarle Sandvik har fått i oppdrag av Aurland Hamnevesen og Flåm Marina og Appartement å utarbeide reguleringsendring i Aurland kommune. Kommunestyret i Aurland vedtok i møte 13. desember 2012 å starte ein reguleringsplanprosess for reguleringsendring (detaljregulering). Føremålet med planarbeidet er å lage ein detaljreguleringsplan som legg til rette for nytt offentleg kaianlegg i tilknytning til Flåm Marina og Appartement, gnr. 36, bnr. 14. Flåm elveigarlag klaga pr. brev 07.12.2013 og 17.12.2013 på kommunestyrevedtaket om oppstart av reguleringsplanprosessen. Klagen vart avvist av kommunestyret 07.03.2013. Flåm elveigarlag klaga 02.04.2013 på avvisningsvedtaket. Fylkesmannen tok ikkje klagen til følgje og stadfesta 31.07.2013 avvisninga frå Aurland kommune. Planarbeidet vart annonsert 18. desember 2012. Planarbeidet er utført av siv.ark. mnal Jarle Sandvik. Siv.ark. mnal Jarle Sandvik -3- Reguleringsendring

OMTALE AV PLANOMRÅDET. Planområdet er på ca. 17,6 daa, og omfattar området kring Flåm Marina og Appartement. Hovudtilkomsten til Flåm Marina og Appartement er via gamlevegen frå Flåm/ Fretheim til Aurland. Tiltakshavaren ynskjer å omregulere området for å legge til rette for å kunne etablere kaianlegg for gjester til Flåm Marina og Appartement, samt til andre gjester som ynskjer å legge til offentleg kai. Siv.ark. mnal Jarle Sandvik -4Reguleringsendring

Tilhøve til eksisterande planar Reguleringplan av 08.06.2008 gjeld i dag for området. Arealet er i gjeldane plan sett av til Byggjeområde feriehusvære, Spesialområde privat småbåthamn og ferdselsområde i sjø. Utsnitt av gjeldande reguleringsplan for Viki. Planområdet i dag Planområdet ligg i Viki på sørsida av hamneområdet i Flåm. Mot sør grensar området til gamlevegen mellom Flåm og Aurland. På sør- og vestsida av vegen ligg Heimly Pensjonat, eit minde bustadområde. Mot aust grensar området til eit badeområde. Aust for badeområdet ligg Fretheim Fjordhytter. Landskap og naturmiljø, vegetasjon, flora og fauna Området er kontrollert i høve til Naturmangfoldslova. Det er ingen registreringar for flora eller fauna i området. Siv.ark. mnal Jarle Sandvik -5- Reguleringsendring

Forutan Flåm Marina og Appartement og gangvegen langs strandlina omfattar arealet sjøområde. Sør-vest for planområdet ligg det ein eplehage. Strandsone og sjø Strandsona er frå før regulert i gjeldande reguleringsplan og består av området for Flåm Marina og Appartement og gangveg som er offentleg tilgjengeleg. Sognefjorden og Flåmselva er oppretta som nasjonal laksefjord og laksevassdrag. Føremålet med nasjonale laksevassdrag og laksefjordar er å gje eit utval av dei viktigaste laksebestandane i Norge eit særleg vern mot skadelege inngrep og aktivitetar i vassdraga og mot oppdrettsanlegg, ureining og munningsinngrep i dei nærliggande fjord- og kystområda. Større inngrep i munningsområda og verksemd med risiko for alvorleg ureiing er ikkje tillete i følgje vedteke verneregime. Fjorden er foreslegen i marin verneplan, liste A. Verneplan for området er ikkje sendt ut på høyring. I følgje mellombels retningsliner for handsaming av saker skal etablering av faste installasjonar av noko omfang i tidevasssona som moloar og kaianlegg vurderast i høve til fare for varig skade i høve til aktuelle verneføremål og verneverdiar i området. Rådgivende Biologer AS har foreteke analyse og utarbeidd rapport vedrørande tilhøva til nasjonal laksefjord og villaksen. Konklusjon: Ei utviding av småbåthamna i Viki, med ei 100 m lang flytebrygge og båtplass til 20 småbåtar innanfor, vil korkje påverke vassutskiftinga, sjiktningstilhøve eller sedimenteringstilhøve i området. Like innanfor ein slik bølgedempar vert det noko meir beskytta, men det påverkar truleg ikkje dei økologiske tilhøva i særleg grad. Utan vinteropplagsplass for båtar på land, vil det heller ikkje bli tilførsel av skadelege stoff eller miljøgifter ved vasking og botnsmørjing av båtar. Siv.ark. mnal Jarle Sandvik -6Reguleringsendring

Strandsona langs land der det skal etablerast småbåtplassar, er allereie bygt ut med kai og fylling i strandsona. Laks nyttar truleg ikkje områda i Viki, korkje ved smoltutvandring eller ved oppvandring av gytefisk til vassdraget. Sjøauren kan likevel tenkjast å nytte områda ved småbåthamna til næringssøk. Tilhøva for dette vil likevel ikkje bli endra, og sidan desse områda i svært liten grad vert påverka, vil sjøauren framleis kunne bruke områda som før. Det vert ellers vist til rapport Om utvidelse av båthavn i Viki i Flåm, Bergen 13. des. 2013. Rådgivende Biologer AS. Friluftsliv Området er registrert som lokalt viktig friluftsområde. Langs strandlina er det gangveg frå området ved Fretheim Hotell, Flåm Stasjon og kaiområdet. Aust for planområdet ligg det eit badeområde. Eksisterande bygningar på området Flåm Marina og Appartement er einaste bygningen innanfor området. Kulturminne Det er ingen registrerte kulturminne innafor området. Tiltakshavar har likevel plikt til å vise varsemd og til straks å melde frå til Sogn og Fjordane fylkeskommune ved Kulturavdelinga dersom ein under arbeid skulle støyte på automatisk freda kulturminne, t.d. konsentrasjonar av trekol i undergrunnen eller i groper, steinsetingar eller samling av stein, samt våpen, reiskap og liknande i metal eller stein. Tilkomst Hovudtilkomsten til Flåm Marina og Appartement er via gamlevegen frå Flåm/ Fretheim til Aurland. Tilkomsten til den planlagde kaien er via gangvegen langs strandlina. Grunntilhøve Grunnen under Flåm Marina og Appartement består av utfylte steinmassar. For øvrig består området av sjø. Siv.ark. mnal Jarle Sandvik -7Reguleringsendring

PLANLØYSNING Kombinert føremål hotell/overnatting og fritidsbustader H1 Området omfattar areal med påståande overnattingsbygg m/serveringslokale, Flåm Marina og Appartement. Området skal nyttast til utleigeverksemd, fritidsbustader og bryggjeanlegg for gjestehamn med naudsynte serviceanlegg. Det er lagt til rette for at utleigehusvære kan seksjonerast og seljast som sjølveigande fritidsbustader. I føresegnene er det stilt krav til utnyttingsgrad, plassering og høgd på bygningar, samt byggjestil/utsjånad. Det er dessutan stilt krav til parkeringsdekning og opparbeiding av uteareal. Trafikktilhøve, gangveg Det vert ikkje lagt opp til endring av eksisterande gangveg. Kai Område K1 er lagt ut til offentleg kai, der hamnevesenet disponerer utsida og Flåm Marina og Appartement disponerer innsida. Kaiområdet er utlagt i grensa mellom privat småbåtanlegg og trafikkområde i sjø i gjeldande reguleringsplan og inneber justering av føremålsgrense mellom desse områda, samt endring av arealføremål. Kaia er planlagt nytta av store seglbåtar, yachtar, luksus-skip og eventuelle middels store passasjerbåtar. Båtane som skal legge til ved flytebrygga vil såleis vere av tilsvarande storleik som dei som trafikkerer området i dag. Trafikken vil i vesentleg grad bestå av båtar som legg til ved flytebryggja for korttidsopphald for av- og påstigning av passasjerar. Det er stilt krav til storleik og forankring av kaia, samt til universell utforming. Ferdsel i sjø Område TS1 er ikkje vesentleg endra frå gjeldande reguleringsplan. Farleia er ikkje endra. Det er gjeve løyve til fortøyning av middelstore båtar langs kai K1. Privat småbåtanlegg Område SB1 er lagt ut til gjestehamn for Flåm Marina og Appartement. Føresegner til gjeldande reguleringsplan er vidareført. I tillegg er det stilt krav til markering av grense mot badeområde. Siv.ark. mnal Jarle Sandvik -8- Reguleringsendring

Illustrasjonsplan for flytekai og småbåthamn. I småbåthamna er det planlagt utlagt flytebryggjer for småbåtar. Eksisterande flytebryggje skal reduserast i storleik og flyttast noko mot vest. Stormflo, havnivåstigning Ved framtidig havnivåstigning vil deler av planområdet langs stranda vere utsett for stormflo. For Flåm/Aurland er 100 års stormflo i 2050 utrekna til å kunne nå cote 196 (-8, +14), i 2100 til å kunne nå cote 247 (-20, +35). Omsynssone for stormflofare er ikkje medteke i planen, då byggjeområdet som inngår i planen er bortimot fullt utnytta. Nye bygningar er ikkje planlagt i området. Radonfare Ved oppføring av nye bygningar for varig opphald (bygningar med bueiningar, publikum- og arbeidsbygningar) skal det gjerast førebyggande tiltak mot innstrøyming av radon i samsvar med TEK 10, 13-5. Omsynssone for radonfare er medteke i planen. Kommunaltekniske anlegg vatn og avlaup. Renovasjon. Flåm Marina og Appartement er tilknytta offentleg vatn- og avlaupssystem. Renovasjon er ordna gjennom avtale med Simas. Siv.ark. mnal Jarle Sandvik -9Reguleringsendring

REGULERINGSFØRESEGNER TIL REGULERINGSENDRING FOR VIKI I FLÅM Føresegner i samsvar med Plan- og bygningslova 2008, 12-5. 1.0 Generelt. 1.1 Reguleringsføresegnene gjeld for det området som er merka av med reguleringsgrense på reguleringsplankartet i målestokk 1:1000. 1.2 Føresegnene kjem i tillegg til reglane i Plan- og bygningslova med forskrifter. 2.0 Arealføremål Området er regulert til følgjande føremål: Pbl 12-5.1 BEBYGGELSE OG ANLEGG - Kombinert føremål Hotell/overnatting og fritidsbustader Pbl 12-5.2 SAMFERDSELSANLEGG OG TEKNISK INFRÅSTRUKTUR - Gangveg - Kai - Annan veggrunn tekniske anlegg Pbl 12-5.6 BRUK OG VERN AV SJØ OG VASSDRAG MED TILHØYRANDE STRANDSONE - Ferdsel - Småbåthamn 3.0 Omsynssoner Pbl 12-6 (11-8 a) FARESONER - Radonfare Pbl 12-6 (11-8 c) SONE MED SÆRLEGE OMSYN - Omsyn friluftsliv - Omsyn landskap 4.0 Generelle føresegner 4.1 Ved søknad om tiltak for flytekai og småbåtbryggjer skal det medfølgje illustrasjonplan/situasjonsplan som syner planlagt utbygging av småbåthamna. 4.2 Tiltakshavar har plikt til å vise varsemd og til straks å melde frå til Sogn og Fjordane fylkeskommune ved Kulturavdelinga dersom ein under arbeid skulle støyte på automatisk freda kulturminne, t.d. konsentrasjonar av trekol i undergrunnen eller i groper, steinsetingar eller samling av stein, samt våpen, reiskap og liknande i metal eller stein. 5.0 Kombinert føremål hotell/overnatting og fritidsbustader H/FB1 Området omfattar areal med påståande overnattingsbygg m/serveringslokale, Flåm Marina og Appartement. Området skal nyttast til utleigeverksemd, fritidsbustader og bryggjeanlegg for gjestehamn med naudsynte serviceanlegg. Utleigehusvære kan seksjonerast og seljast som sjølveigande fritidsbustader. Siv.ark. mnal Jarle Sandvik -10- Reguleringsendring

5.1 Området kan byggjast ut med bygningar til ein samla %-BYA på 30%. Bygningar skal plasserast i eller innanfor byggjegrensene. Største mønehøgd 9m, største gesimshøgd 7m. 5.2 Eventuell utfylling i sjøen eller etablering av fast kai kan oppførast utanfor byggjegrensa, men må ikkje kome i konflikt med grensa mot Verdsarvområdet. 5.3 Eventuelt tilbygg skal vere tilpassa byggjestilen på eksisterande bygning. Bygningen skal ha skråtak og vere tekt med taktekkings-materiale som ikkje reflekterer sollyset. Fargebruken skal vere dempa. 5.4 Anlegget skal ha 1 parkeringsplass pr. utleigeeining samt 3 parkeringsplassar for serveringspersonale. Vert bryggjeanlegg nytta til faste båtplassar skal det vere 1 parkeringsplass pr. 2 båtplassar. 5.5 Ikkje utbygd del av uteanlegg skal opparbeidast til bruk for leik og opphald. 6.0 Gangveg Området omfattar eksisterande gangveg. Området skal nyttast til gangveg i kombinasjon med kai. 7.0 Kai K1 Området omfattar areal for ny offentleg kai, der hamnevesenet disponerer utsida og Flåm Marina og Appartement disponerer innsida. Kaia skal nyttast av store seglbåtar, yachtar, luksus-skip og eventuelle middels store passasjerbåtar. 7.1 Området kan byggjast ut med flytekai med maks breidd 5 m og maks lengd 100m. 7.2 Flytekaien skal vere samansett av seksjonar på 12-14 m. Kvar seksjon skal ha forsvarleg forankring i sjøbotnen. Saman med søknad om tiltak skal det følgje plan for korleis forankring skal utførast. 7.3 Tiltaket krev løyve til tiltak før bygging kan iverksetjast. Rett hamnemynde er Aurland Hamnevesen. 7.4 Kai og tilkomst til kai skal ha universell utforming. 8.0 Anna vegareal tekniske anlegg Området omfattar vegskråning mellom gangveg/kai og kommunal veg. 9.0 Ferdsel i sjø TS1 Område TS1 omfattar ferdselsområde for båttrafikk. 9.1 Mellomstore båter kan fortøyast langs K1. 10.0 Privat småbåthamn PS1 Området omfattar sjøareal med flytebrygger. Området skal nyttast til privat gjestehamn for Flåm Marina og Appartement. 10.1 Innanfor området skal flytebrygger ikkje plasserast nærmare badeområdet i aust enn 20 m. I grensa mot badeområdet skal det leggast ut markørar i sjøen for å markere grensa mellom småbåthamna og badeområdet. 10.2 Vasking og reingjering av båtar vert ikkje tillete i småbåthamna. 10.3 Gjestehamna skal ikkje nyttast til langtidsutleige av båtplassar. Siv.ark. mnal Jarle Sandvik -11- Reguleringsendring

11.0 Omsynssone - radonfare H330_1. Området omfattar areal med fare for innstrøyming av radongass i bygningar. 11.1 Ved oppføring av bygningar for varig opphald skal det gjerast førebyggande tiltak mot innstrøyming av radon i samsvar med TEK 10, 13-5. 11.2 Årsgjennomsnittet av radonkonsentrasjon i rom skal ikkje overstige 200 Bq/m3 i inneluft. 12.0 Omsynssone - friluftsliv H530_1 og H530_2. Områda omfattar areal registrert som lokalt viktig friluftsområde. 13.0 Omsynssone -landskap H550_1. Området omfattar areal som inngår i Nærøyfjorden Verdsarvområde. 13.1 Forvaltningsplan for Nærøyfjordområdet gjeld for området. 14.0 Kombinert omsynssone - H330/H530_1. Området omfattar areal med radonfare og lokalt viktig friluftsområde. 15.0 Kombinert omsynssone H530/H550_1. Området omfattar lokalt viktig friluftsområde og areal som inngår i Nærøyfjorden Verdsarvområde. Siv.ark. mnal Jarle Sandvik -12- Reguleringsendring

MERKNADER TIL OPPSTARTVARSEL Det er kome inn 11 merknader i samband med oppstarting av planarbeidet. Under følgjer ein gjennomgang av merknaden med kommentar. 1. Fylkesmannen i Sogn og Fjordane: Brev av 31.01.2013 Miljøvernavdelinga - Planomtalen skal blant anna gjere greie for verknadene planen vil kunne få for ulike interesser og omsyn. Viktige vurderingar og utgreiingsbehov vart drøfta på oppstartmøtet mellom kommunen og forslagstillar. Viktige føresetnader for planarbeidet er lista opp i møtereferatet. Miljøvernavdelinga har ikkje avgjerande merknader til dei opplista temaene som skal vere med i planomtalen. - I følgje saksutgreiinga vil kaianlegget verte ei flytebrygge av betong. Dei legg til grunn at det ikkje er aktuelt med utfylling i sjøen. - Innseglinga til det offentlege kaianlegget/hamna vil kome nær inntil FLS1 (badeområde i sjø). Ei så nær kopling mellom båthamna og badeområdet kan ofte vere uheldig, m.a. med tanke på tryggleiken til dei som badar. Miljøvernavdelinga oppmodar kommunen om å vurdere behovet for å stille krav om å leggje ut markørar i sjøen for å markere grensa mellom kaianlegget/hamna og badeområdet i sjøen. Eigarane av Flåm Marina og Appartement ynskjer å paralellforskyve den murte bryggja vest for bygningen for å oppnå større djupn langs bryggjekanten. Dette tiltaket vil ligge innanfor område H1(Flåm Marina) i gjeldane reguleringsplan. I føresegnene er det stilt krav om å leggje ut markørar i sjøen for å markere grensa mellom kaianlegget/hamna og badeområdet i sjøen. Beredskapseininga - Det er krav om ROS-analyse ved utarbeiding av planar for utbygging. For at kravet om ROS-analyse skal vere oppfylt, må det gjerast eit systematisk arbeid somgjev oversikt over risiko og sårbarheit. Funn og tilrådingar frå analysen skal følgjast opp og innarbeidast i planen. ROS-analysen kan knyte seg til arealet slik det er frå naturen si side, som t. d. at det er utsett for flaum, skred eller radonstråling. Det kan òg vere knytt til menneskeleg aktivitet og bruken av arealet, t.d. plassering av bygg, anlegg, sårbare objekt eller infrastruktur. ROS-analysen må dessutan vurdere konsekvensar av klimaendringar, som t.d. auka nedbørsmengd, havnivåstigning og kraftig vind m.m. - Det må gå tydeleg fram kven som har utført ROS-analysen, og kva kjelder som har vore brukte. Det er utarbeidd ROS-analyse. Funn og tilrådingar frå analysen er innarbeidd i planen. Siv.ark. mnal Jarle Sandvik -13- Reguleringsendring

Landbruksavdelinga - Landbruksavdelinga har ikkje merknader til planarbeidet. 2. Sogn og Fjordane Fylkeskommune, Kulturavdelinga: Brev av 06.02.2013 - Kulturavdelinga kjenner ikkje til automatisk freda kulturminne i tiltaksområdet og har såleis ikkje avgjerande merknader til planarbeidet når det gjeld omsynet til dette. Dei ser likevel ikkje bort frå at det kan liggje automatisk freda kulturminne i planområdet. Tiltakshavar har plikt til å vise varsemd og til straks å melde frå til Sogn og Fjordane fylkeskommune ved Kulturavdelinga dersom ein under arbeid skulle støyte på automatisk freda kulturminne, t.d. konsentrasjonar av trekol i undergrunnen eller i groper, steinsetingar eller samling av stein, samt våpen, reiskap og liknande i metal eller stein. - Sidan tiltaket går ut i sjø er planen lagt fram for Bergen Sjøfartsmuseum. Dersom dei har merknader vert desse ettersendt. Føresegn om varslingsplikt er medteke i planen. Det er ikkje kome merknader frå Bergen Sjøfartsmuseum. 3. Kystverket: Brev av 19.02.2013 - Kystverket kan ikkje sjå at den skisserte plasseringa er i særleg konflikt med ferdselen. Dersom det vert vesentleg endringar ber dei om at desse vert tekne opp med Kystverket. Dei viser ellers til at tiltaket krev løyve før utbygging og at dette må visast til i reguleringsplanen. Rett hamnemynde er Aurland Hamn. Plassering av flytekaien i reguleringsplanen er i samsvar med den skisserte løysning i oppstartmeldinga. 4. Noregs vassdrags- og energidirektorat, Region vest: Brev av 11.01.2013 - Dei landsdekkande aktsemdskarta for snøskred i skrednett (www.skrednett.no) syner planområdet som potensielt utlaupsområde for snøskred. I NGI sine gamle stein- og snøskredkart ligg det hovudsakleg utanfor fareområde for skred. NVE vurderer dei gamle snøskredkarta frå NGI til å vere meir nøyaktige og gje eit betre grunnlag for avgrensing av aktsemdsområde for snøskred. I nordleg del av planområdet er det i NGI-karta eit mindre område avmerka som potensielt skredfarleg. Det må i ROS-analysen vurderast om det kan vere ein skrent i det aktuelle området. Dersom det er tvil om området er skredfarleg må det nyttast tilstrekkeleg fagleg kompetanse til vurderinga og det må definerast faresonegrenser i samsvar med tryggleikskrava i TEK 10. Eventuelle fareområde må innarbeidast i planen og synast som omsynssone med tilhøyrande føresegner som sikrar akseptabel tryggleik. - Det må takast høgde for at det under planarbeidet kan kome ei endeleg risikovurdering av fjellpartiet Stampa og risikoen for flodbølgje. Dersom Siv.ark. mnal Jarle Sandvik -14- Reguleringsendring

risikoen syner seg å overstige krava i TEK 10 må tiltaket i ytterste konsekvens tilfredsstille krava i 7-4: Sikkerhet mot skred. Unntak for flodbølge som skyldes fjellskred. Området i nordleg del av planområdet er vurdert i ROS-analysen. Det er ikkje kome endeleg risikoklassifisering av fjellpartiet Stampa. Det er såleis uråd å ta høgd for eventuell flodbølgje. 5. Jan Erik Vangen/Aslaug Vangen: Brev av 10.02.2013 - Dei meiner det er nok turistar i Flåm og at nok er nok. Gjennomfartsturistane legg ikkje att noko, masseturismen er i ferd med å øydeleggja bygda og det vetle som er att av ektheit. Denne kaien vil øydeleggja noko av det siste nokolunde uberørte som er att. Dei vil ikkje lenger ha uforstyrra utsikt til fjord og fjell. Dei er nærmaste nabo og anlegget vert liggjande rett framfor heimen deira. Den storslagne utsikten til fjorden vil bli bytt ut med ei skipsside. Dei er kraftig imot tiltaket og finn seg ikkje i å miste utsikta og verte påtvinga masse bråk/motordur og ureining av luft og vatn. Kva dette gjer med eigedomen i reine kroner er ein ting, noko ganske anna er at det vil ta frå dei all glede og trivnad ved å bu der. Dei føler seg rettslause og sjokkerte. - I følgje hamnesjefen skal kaien som er innteikna på kartet vere 100 m. Dei meiner dette ikkje stemmer med kartet. - Under utarbeiding av reguleringsplanen for Viki i 2008 var det framheva at det var viktig å ta vare på stranda så bygdefolk og turistar kunne kome til sjøen. - Betongkaien vil privatisera halve strandlina i Vikjabukti, alt det som vert på innsida av kaien vert heilt privat. Dagens småbåtkai stikk rett ut frå kaien på Marinaen og stenger ikkje av halve bukta. - Dei stiller også spørsmål om plassering av eventuelt framtidig drivstoffanlegg, parkeringsplass for bilar og talet på parkeringsplassar i høve til båtplassar. - Svingen rett framfor eigedomen deira er ein ynda fotoplass for turistar. Dei meiner at denne plassen vil forsvinna. Utsikt kan ikkje målast i kroner. Turistane kjem hit for naturen sin del. Det var det stille og rolege mellom mektige fjell som vart framheva tidlegare. Kaien var innteikna med 100 m s lengd. Ved utskrift av pdf-fil vil målestokken bli endra. Det vert ikkje teke sikte på å legge til rette for tiltak som hindrar fri ferdsel på gangveg og til badeområde. Plassering av eventuelt framtidig drivstoffanlegg inngår ikkje i denne planen. Fotoplassen i svingen vil ikkje bli borte, men motivet kan bli endra. 6. Reidar Hauge: E-post av 05.02.2013 Siv.ark. mnal Jarle Sandvik -15- Reguleringsendring

- Hauge gjer merksam på nokre naboar ikkje har fått direkte varsel. - Han saknar tekniske spesifikasjonar for flytekai, samankopling med eksisterande kai og forankring av flytekaien. - Han stiller spørsmål ved om eksisterande kai skal rivast. - Han meiner at kartet som vart vedlagt oppstartvarselet kan vere misvisande. Naboar som mangla på utsendingslista har i ettertid fått rettmessig varsel. Tekniske spesifikasjonar inngår ikkje i reguleringsplanen, men kan framleggast ved søknad om tiltak (byggjesøknad). Kaien som er nemnt i oppstartvarselet er flytekaien framfor Marinaen. Den vil verte endra og flytta noko mot vest. Kaien var innteikna med 100 m s lengd. Ved utskrift av pdf-fil vil målestokken bli endra. 7. Fretheimshaugane Vel v/monna Kjos Almenningen: Brev av 24.01.2013 - Den planlagde kaien, inntil ein av to badeplassar i bygda er urovekkjande. Badeplassen får ein kai til nærmaste nabo. Dei fryktar utslepp av drivstoff, oljer og kjemikaiar tett ved stranda, så vel som stadig meir støy og røyk. Omsynet til dei fastbuande må vektleggast på ein heilt annan måte enn hittil. I føresegnene er det stilt krav om å leggje ut markørar i sjøen for å markere grensa mellom kaianlegget/hamna og badeområdet i sjøen. Vasking og reingjering av båtar vert ikkje tillete i småbåthamna. Utslepp ved hendelege uhell vil sjølvsagt vere vanskeleg å gardere seg mot, men det er ikkje noko som hender ofte. 8. Birgit Marie Nyen, Gørli Alise Aas, Liv Torill Aas: Brev av 26.01.2013 - Sjøområdet ligg rett framfor eigedomen vår og tiltaket vil sterkt forringe utsikta til fjorden. Ein må også rekne med mykje større trafikk av større båtar og ytterlegare støy og røyk. Vikjabukta som hittil har vore skåna for store inngrep skal no opnast for å gje plass til den stadig aukande turistmassen. Frå landsida blir dette svært skjemmande, men endå verre frå innseglinga. Gjestene vil ikkje lenger sjå ein frukthage i blomstring snarare ein betongkloss. Dette er ikkje etter intensjonane frå forige planprosess. - Reguleringa vert endra frå å gjelde privat småbåtanlegg til også å gjelde offentleg kai. Lengda på kaien vert vesentleg auka. Kaien vert lagt svært nærme badeplassen/stranda som det i 2008 var svært viktig å ivareta. Kva med utslepp av drivstoff, olje og kjemikaliar? - Kva med parkeringsplassar til alle småbåtane? og bunkringsanlegg? Sjølve flytekaien med ei høgd på ca. 65 cm vil neppe skygge for eplehagen. Det er i store trekk snakk om mindre båtar, og faren for utslepp vil dermed vere liten. Vasking og reingjering av båtar vert ikkje tillete i småbåthamna. Utslepp ved Siv.ark. mnal Jarle Sandvik -16- Reguleringsendring

hendelege uhell vil sjølvsagt vere vanskeleg å gardere seg mot, men det er ikkje noko som hender ofte. Småbåthamna vert etablert som gjestehamn, der gjestene i det vesentlege kjem sjøvegen. Det vert ikkje teke sikte på utleige av faste båtplassar. 9. Flåm Elveeigarlag: Brev av 25.01.2013 - Vikjabukti er svært nærme elvaosen i Flåmselva og det må synast aktsemd i høve til at Flåmselva er nasjonalt laksevassdrag. Betongflytebryggja er lang og vil stikke djupt og sterkt innverke på vass-straumen innerst i vassbasenget. Det er usikkert korleis dette vil verke inn på livet i fjorden. - Betongflytekaien er tenkt plassert midt i matfatet til smolten som går her innerst mellom strendene og elvaosen. Dette er ein viktig omstillingsfase for ungfisken som forlet elva og er på veg ut til havet. Når fisken vender attende, går den i ring inne på bukta i brakkvassona for å omstilla seg frå saltvatn til ferskvatn, samt ventar på høveleg vasstand for oppgang i elva. - I St. Prp 32 om vern av villaksen står det om propellskader på fisken. Dette er høgst aktuelt her i ei av landets travlaste hamner med forutan alle cruiseskipa ekspressbåtar, sightseeingbåtar, rib-båter, private lystyachtar samt private båtar i alle storleikar. I sum svært mange propellar på eit svært trangt område. - Flåm Elveeigarlag krev og forventar at Aurland kommune byrjar å vektleggja omsynet til villaksen på ein heilt anna måte enn hittil. Laksen treng ikkje ytterlegare miljøbelastning i form av ein svær betongkloss i Vikji. - Det vert hevda at kartvedlegget til oppstartmeldinga og opplysningar gjeve av hamnesjefen i etterkant ikkje samsvarar, og at ein kai på 100 m går inn i område FLS1 som er badeområde. Betongflytebryggja er utrekna til å stikke om lag 60 cm under sjøoverflata. Den vil dempe bårene på sjøen, men vil ikkje ha vesentleg innverknad på vass-straumen i fjordbassenget i høve til båttrafikken som allereie er i området. Det er fullstendig samsvar mellom kart og opplysningar som er gjevne i etterkant. Kartet er lagt inn i oppstartmeldinga som pdf-fil og såleis ikkje i nokon bestemt målestokk. Kaien er avslutta 20 m frå badeområdet (FLS1). 10. Sue Fretheim: Brev av 05.02.2013 - Dette tiltaket vil føre til vesentlege konsekvensar for miljø og samfunn. Over halvparten av strandsona i Vikjabukti vil verte totalt privatisert, 100 metringen vil gå langt inn i badeområdet. Siste fjordutsikten i Flåm vil bli øydelagt. Turistane kjem til Flåm for å oppleva naturen med fjord og fjell. Stadig fleire vert skuffa når det dei møter er masseturisme. Aurland kommune er ikkje klar over kor nærme dei er til å øydeleggja business for etablerte overnattingsverksemder i Flåm. - Det er ikkje berre cruiseskip som ureinar mindre båtar og. Erfaringsmessig er det dessutan mykje støy frå ei småbåthamn. Siv.ark. mnal Jarle Sandvik -17- Reguleringsendring

- Kva med bunkringsanlegg og parkering for brukarar av den nye kaien? - Det er ikkje plass til fleire kaier her innerst i bukta i Flåm. Alle ferjene må bakke ut. - Det er på tide at Aurland kommune bestemmer kvad ei ynskjer kvalitet eller kvantitet. Eksklusivitet har synt seg å vere svært innbringande i seg sjølv og så mykje betre for oss som bur her. For konsekvensar for miljø og samfunn vert vist til ROS-analysen. 11. Advokatfirmaet Thommesen AS, på vegne av Sue og Anders Fretheim: Brev av 05.02.2013 - Oppstartvedtaket er ugyldig på grunn av inhabilitet. - Ny offentleg kai i Vikji synest å vere ein avleia konsekvens av planane om Seawalk v/elveutlaupet. Dette vil ha betydning for spørsmålet om konsekvensutgreiing. Det vert lagt opp til eit offentleg hamneanlegg av betydelege dimensjonar i området MS1/TS1 i gjeldande plan. Det vil få heilt andre konsekvensar enn eksisterande plan. - Tiltaka (reguleringsendring i Viki og Seawalk i Flåm) både kvar for seg og ut frå ei samla vurdering, fell heilt klart innanfor krava til konsekvensutgreiing. Krava til konsekvensutgreiing gjeld nyetablering av farleier, hamner og hamneanlegg, der der skip på over 1 350 tonn kan segle og legge til kai. Dessutan gjeld kravet også for hamner med meir enn 20 småbåtplassar og vesentlege endringar/utvidingar av farleier. - Tiltaket i Viki er i strid med rikspolitiske retningsliner om forvaltning av strandsona. Det vert vist til tidlegare søknad om utviding av hytteanlegg som vart avslege av fylkesmannen. - Tiltaket vil få store innverknader på allmennheita si bruk av sjøområdet i Flåm og også landområda, inkludert det offentlege friområdet med badeplass. - Tiltaket med ny offentleg hamn vil beslaglegge inntil 100 m kailengde på tvers av Vikji i grenseområdet mellom MS1 og TS1 i gjeldande plan, og inn i FLS1. Dette vil føre til båttrafikk inn i område FLS1 (badeplass). Dagens plan har maks. utstrekning på flytebryggjer på 30m. Forslaget no inneber meir enn ei tredobling. Dette vil ha monalege konsekvensar for andre aktivitetar. Tiltaket er det motsette av å ivareta strand og strandsonevernet for allmennheita, og herunder vere til hinder for ferdsel på sjø og badande publikum. - Gjeldande plan krev 1 parkeringsplass pr. 2 båtplassar. - Anlegget vil ha særs negativ verknad på hytteanlegget til Sue og Anders Fretheim og for øvrig på bustad- og fritidseigedomane bakanfor. Når båtar av dei storleikane som kaianlegget vert dimensjonert for ligg til kai, vil ein miste utsikt, oppleve auka støy, lukt og røyk samt sitje med eit inntrykk av å vere innestengd. Det vil derfor vere særs trist om dette siste nokolunde avskjerma området i Flåm vert øydelagt. - Det er i dag allereie problem knytta til bunkring av drivstoff som foregår frå tankbil direkte til båt. Siv.ark. mnal Jarle Sandvik -18- Reguleringsendring

Påstand om inhabilitet og seinare klage på vedtak om oppstart er avvist Aurland kommune 07.03.2013. Avvisninga er stadfesta av fylkesmannen 31.07.2013. Reguleringsendring for Viki er uavhengig av plan for Seawalk i Flåm. Det er dessutan høgst usikkert om det vert gått vidare med planar for seawalk. Føremålet med planen for Viki er i første rekke trongen for meir offentleg kaiplass og skjerming av småbåthamna ved Flåm Marina. Farleia vil ikkje verte endra. Båtar som skal legge til ved flytebrygga vil vere av tilsvarande storleik som dei som trafikkerer området i dag. Trafikken vil i vesentleg grad bestå av båtar som legg til ved flytebryggja for korttidsopphald for av- og påstigning av passasjerar. Storleiken på småbåthamna vil ikkje verte utvida i høve til det den er i dag. Farleier vil ikkje verte endra. Kystverket kan ikkje sjå at den skisserte plasseringa er i særleg konflikt med ferdselen. I samband med oppstartvarselet er det ikkje kome krav om konsekvensutgreiing korkje frå kommunen eller fylkesmannen. Konsekvensar av tiltak i samsvar med planen vil uansett vere vurdert i Ros-analyse og planomtale. Reguleringsendringa medfører ikkje endringar i bruk av strandsona i høve til gjeldane plan. Nemnde utviding av hytteanlegg ville vore i strid med gjeldande plan. Det offentlege friområdet med badeplass vil ikkje bli berørt. Det er ellers sett krav om markering av badeområdet. Utstrekning av betongflytebrygga er direkte feil og har sin grunn i måltaking på teikning utan spesifisert målestokk (pdf-fil). Dette er kommentert i samband med andre merknader. Avstand frå flytebryggjer til friområde i sjø på 20 m skal framleis gjelde. Kravet til parkering i gjeldande plan gjeld faste båtplassar. Gjestehamna skal ikkje nyttast til langtidsutleige av båtplassar. Friområde/badeplass vil framleis ligge som buffersone mellom anlegget ved Flåm Marina og hytteanlegget til Sue og Anders Fretheim. Anløp til flytekaien vil kun vere korttidsopphald av båtar for av- og påstigning. Problem med bunkring er eit generelt problem som må takast opp som eiga sak og vert ikkje handsama i denne planen. Siv.ark. mnal Jarle Sandvik -19- Reguleringsendring