SENTRALADMINISTRASJONEN Postadresse: Klepp kommune Postboks 25 4358 Kleppe SÆRUTSKRIFT AV MØTEBOK Behandla i: Møtedato: Sak nr: Hovudutval for lokal utvikling 23.01.2018 10/18 Saksbehandlar: Sonja Katrine Fagerlund Arkiv: L13 Arkivsak: 17/1861-11 PLANID 4290 - REGULERINGSPLAN (DETALJ) - INDUSTRIVEGEN 1B-1C - KLEPP STASJON Saka gjeld Industrivegen 1B og 1C (gnr 10, bnr 82 og 90) er i gjeldande reguleringsplan for Klepp stasjon Østre del regulert til bustad og industri. I gjeldande kommuneplan er området avsett til bustadformål. Området på 6,1 daa består i dag av eit industribygg og ein einebustad. Formålet med planen er å tilrettelegge for konsentrert busetnad i form av rekkehus/kjedebustader og nokre mindre leilegheiter. Figur 1: Plankart detaljreguleringsplan Industrivegen 1B og 1C Krav sett i overordna planar Regionalplan for Jæren 2013-2040, vedteken av fylkestinget 22.10.2013 Krav til tettleik i reine bustadområde innanfor Klepp stasjon som eit lokalsenter er 4-8 bustadar/daa. Størrelse på minste felles uteopphaldsareal (MFUA) er 30 m 2 pr. bueining på terreng. Minimum 50 % av uteopphaldsareal skal ha sol ved vårjamdøgn klokka 15.00. www.klepp.kommune.no E-post: postmottak@klepp.kommune.no Sentralbord: 51 42 98 00 Organisasjonsnummer: 00864969682 Barna vår framtid
Kommuneplanen sin arealdel for perioden 2014-2025 Planområdet er vist som utbygd bustadområde. Kommuneplanens bestemmelse pkt. 1.2 stiller krav til tettleik i reine bustadområde ved utbygging av slike område. I lokalsenteret Klepp stasjon og innanfor influensområdet til hovudtrasear for kollektivtrafikk/lokaltog er det krav om 4-8 bustader pr. daa. Gjeldande regulering Plan ID 4050 Reguleringsplan for Klepp Stasjon østre del, vedteken 28.02.1977. Området er i planen avsett til bustadbebyggelse og industri. Figur 2: Kartutsnitt av gjeldande plan, reguleringsplan for Klepp Stasjon østre del, planid 4050. Avklaring i høve til forskrift om konsekvensutgreiing Klepp kommune har som ansvarleg planmyndigheit vurdert at planarbeidet ikkje kjem inn under FOR-2014-12-19-1726: Forskrift om konsekvensutredninger for planer etter plan- og bygningsloven. Utbyggingsavtale I samsvar med Plan- og bygningsloven 17-4 blir det forhandla fram utbyggingsavtalar parallelt med detaljplanen. Dette vil bli gjort mellom 1. og 2. gongsbehandling. Planprosess og medverknad Varsel om oppstart av planarbeid Oppstart av planarbeid er varsla i Jærbladet 10.10.2017 og i brev til grunneigarar, naboar og høyringsinstansar datert 28.09.2017. Varsel om oppstart er og publisert på kommunen sine nettsider. Fristen for merknader vart sett til 27.10.2017. Det har kome inn 7 merknader til varsel om oppstart. Merknadane er referert og kommentert av forslagsstiller i vedlagt planbeskrivelse. Kommunen inviterte til eit ope informasjonsmøte om reguleringsplanen på Engelsvoll skule, onsdag 25.10.17 kl 19:00. Det møtte om lag 40 personar. 2
Omtale av planforslaget Plan- og bygningslova slår fast at eit forslag til reguleringsplan består av tre element: Plankart, bestemmelsar og planomtale. Sidan det står ein del grunnleggjande informasjon i planomtale, kan det vere ein fordel å lese gjennom vedlagte planomtale før ein les vidare i saksutgreiinga. Vurdering av planforslaget Estetikk Den planlagde busetnaden skal vera varierande i to og tre etasjar med flatt tak eller pulttak inntil 10 grader. Det vil leggjast vekt på estetikk i utforming og materialbruk. Utbyggjar ynskjer eit variert uttrykk for å ikkje få eit monotont felt. Det er stilt krav til utforming, materialbruk samt varierte etasjehøgder for rekkehusa i bestemmelsane. Det er mogleg at det også burde stillast krav om varierte fasadeliv og fargebruk for at dette vert betre sikra. Støyskjerming ved Industrivegen skal i følgje bestemmelsane ha ein variert utforming, for eksempel med parti i glas og/eller beplanting. Identitet Det planlagde nye feltet ved Industrivegen skal opparbeidast i eit vel etablert bustadområde på Klepp stasjon. Industrivegen er skiljet mellom det etablerte bustadområdet og område for industriverksemd mot sørvest. Parkering bil og sykkel Det er i bestemmelsane stilt krav til 3 sykkelparkingsplassar for kvar bueining og minimum 1 biloppstillingsplass på eiga tomt for rekkehusa. BKS2-3 skal ha parkering for 2 bilar på eiga tomt (mot nordaust). Leilegheitene skal ha felles parkering for kvar sin bil på SPP1. Parkeringsplassane på SSP2 og SSP3 dekkjer opp dei resterande plassane for å oppfylla minimumskravet på 1,5 parkingeringsplass per bueining. Parkeringsdekninga for bil og sykkel er dermed i samsvar med bestemmelsane i kommunedelplanen. Billopstillingsplassane for delfelt BKS1 og BKS4 (1 per bustad) er plassert sørvest på tomta i tilknyting til vegen. Dermed vert «hagane» tatt i bruk til parkering, men minstekravet til felles uteopphaldsareal per bueining på 30 m 2 er oppfylt, sjå vedlegg til saka illustasjon av uteareal sørvest for BKS 1 og BKS 4. Grad av utnytting Maksimal tillatt utnytting for kvart delfelt er angitt på plankartet. Det er planlagt 30 bueiningar innanfor planområdet, fordelt på 6 mindre leilegheiter og 24 rekkehus. Feltet får dermed 6 bustader pr. daa. Tall bustader pr. daa er innanfor føringar gitt i regionalplanen for Jæren samt bestemmelsar til arealdelen i kommuneplanen. Det er planlagt for ein høg tettleik, noko som er vurdert opp mot andre kvalitetar i planforslaget. Dette er utreda vidare i saka nedanfor. Krav til uteopphaldsareal for leilegheitene er oppfylt med ein felles leikeplass på 0,3 daa og private balkongar/altaner. Rekkehusa har minimum 30 m 2 uteopphaldsareal for kvar tomt mot sørvest i tillegg til areal for ein biloppstillingsplass for enkelte bueinginar (BKS 1 og BKS 4), sjå vedlagt illustrasjon for uteområde. Overordna krav er oppfylt. 3
Sol- og skuggetilhøve Sol- og skuggeillustrasjonane vedlagt i saka viser at nærmaste naboar i nordaust får noko redusert soltilhøve på tomtene sine frå treetasjeshusa på delfelt BKS1, målt ved vårjamdøgn kl 15, sjå figur 3. Det er ein veg mellom det nye feltet og det eksisterande som blir skuggelagt i tillegg til delar av uteopphaldsareala for naboane. Men kravet til 50% soltilhøve på bakkeplan er oppfylt. Elles er ikkje naboar til planområdet utsett for reduserte soltilhøve. Uteopphaldsareal på bakkeplan er for dei nye bustadane sørvest-vende. For bustadane internt ser ein at avstandane mellom delfelta gjer at dei treetasjesbustadane, og leilegheitsbygget, skuggelegg delar eller heile uteoppholdsarealet på bakkeplan til berørte tomter kl 15 vårjamdøgn, 21 mars. Altanar og takterrassar (ikkje på bakkeplan) har likevel gode soltilhøve på dette tidspunktet, sjå figur 4. Figur 3: Skuggetilhøve kl 15:00 vårjamdøgn Figur 4: Illustrasjon skuggelegging 3 etasjes rekkehus på bakenforliggande bustad Bukvalitet Planområdet har ei høg utnytting og oppfyller dei regionale og kommunale føringane/forventningane som er gitt til utnytting med sine 6 bustader pr. daa i dette området som ligg så nært jernbanestasjonen. Samstundes er det stilt krav om 1,5 bilparkering for kvar bueining og ein viss storleik på uteopphaldsareal på bakkeplan med 50% soltilhøve. Men alle desse kombinasjonane gjev igjen nokre utfordringar internt i feltet. Dei planlagde treetasjeshusa og leilegheitsbygget kastar skugge på bakanforliggjande private uteopphaldsareal på bakkeplan. Dermed er ikkje kravet til minst 50 % soltilhøve vårjamdøgn kl 15 for enkelte av bustadane oppfylt. Dette er tenkt løyst ved å tilrettleggja for alternativt uteopphaldsreal. Det skal i følgje bestemmelsane etablerast takterrassar på bustadane med to etasjar og altanar for alle rekkehusa som skal sikra at kvar bueining får høve til sol. Kvalitetsmessig kan dette gje gode løysningar og mogleggjer den 4
høge utnyttinga som gjev gode bukvalitetar i nærleik til jernbanen. Forholda ligg til rette for at folk utan bil kan bu her. Vegtrafikk og vegtrafikkstøy, industristøy og jernbanestøy Det er utarbeida ein støyrapport av Sinus AS samt illustrasjonar som viser støynivå. Rapporten omhandlar støy frå biltrafikk, industribedrifter og samferdsel. Figur 5: Støynivå utan støytiltak Figur 6: Støynivå med støytiltak (støyskjerm) I støyrapporten er det konkludert med at støy hovudsakleg kjem frå Tine sitt lasteområde og berører leikeplassen og dei sørvest-vende private uteområda (BBB og BKS2). Anbefalte tiltak er støyskjerming langs Industrivegen med ei høgde på 2 m ved leikeplassen, 1,5 meter mot dei private uteområda og ein 4 m høg skjerm på andre sida av Industrivegen, mellom innkøyrslene til Tine sitt lasteområde. Det er også sendt inn ein illustrasjon som viser at støytiltak kan løysast uavhengig av at Tine set opp ein 4 m høg støyskjerm hos seg, utan at dette gjev konsekvensar for planområdet. Støyskjermane vil då i følgje Sinus AS få ei høgde på anslagsvis 1,5-2 m, sjå figur 7. Figur 7: Støyskjerm utan tiltak hos Tine Det er stilt krav i bestemmelsane om å setta opp støyskjerm i tråd med gjeldande krav i T-1442 og i henhald til støyrapport før det kan bli gitt brukstillatelse for berørte bustader. Krav til innandørs støy må i følgje rapporten bereknast ved prosjektering av bygga og eventuelle fasadetiltak utførast. Tilkomst til tomtene er via etablert vegnett, Industrivegen. Internt i feltet skal det opparbeidast vegar, renovasjonsanlegg og felles parkeringsplassar og leik. Klima- og miljøpåverknad Det er utarbeida eit eige VA-notat av Dimensjon Rådgivning AS som omtalar overvatn og flaum. Det er også utarbeida ein renovasjonteknisk plan av Job arkiktekter. Dette vert handtert saman med kommunalteknisk avdeling for å sikra akseptable løysingar og flaumsikring vidare i planarbeidet. Deler av planområdet ligg innanfor fareområde for flaum. 5
Sidan det har vert industriverksemd på området skal det avdekkjast om det er foruresningar i grunnen som må utbetrast. Energibruk Krava til energibruk til oppvarming er fastlagt i gjeldande teknisk forskrift. Berekraft Det er gode muligheiter til å gå eller sykle til butikk, uteområde som Frøylandsvatnet og lokaltoget som fører ein til sentrale strøk. Mjuke trafikantar Sykkel- og gangveg fins i området og tilkomst frå Industrivegen og Olavegen til feltet skal etablerast. Det er ikkje planlagt spesielle tiltak innanfor feltet. Det er trygg veg til barnehage og skule. Konsekvensar for barn og unge Det er tilgang til variert leik på feltet og i tilgrensande planar. To nærliggjande leikeplassar (vist på figur 8) i det etablerte bustadfeltet nord for planområdet skal opprustast, som er sikra i bestemmelsane. Bu- og oppvekstmiljø, grønstruktur og fysisk aktivitet Det skal etablerast ein felles leikeplass i feltet, med minumum tre leikeapparat inkludert sandkasse. Bueiningane er plassert i eit etablert bustadfelt i nærleik til landlege omgjevnader, og det er kort veg til kollektivt knutepunkt og nærleik til både Sandnes og Stavanger. Det gangavstand til Klepp stasjon på ca. 400 m og eit offentleg friområde rundt Frøylandsvatnet med turvegar. Figur 8: Opprusting leikeplassar Vurdering etter naturmangfoldloven 8-12: Tiltaket vil bli liggjande på område som i dag er hageareal og tidlegare industriverksemd. noko er Kommunen har gjennomført nødvendige vurderingar etter naturmangfoldloven 8 12. Det er ikkje registrert prioriterte naturtypar innanfor planområdet. Kommunen vurderer det slik at tiltaket ikkje medfører risiko for vesentleg skade på naturmangfaldet. Tiltaket vil etter kommunen si vurdering ikkje auke den samla belastninga av økosystemet. Det er dermed ikkje aktuelt med avbøtande tiltak. Aktiv og trygg Planområdet er ein del av eit etablert område med nærleik til Frøylandsvatnet. Romsleg og robust Med naboskapet som er både industri og etablerte einebustader er det ein fordel at planen legg opp til tett og låg busetnad. Det er mange kvalitetar med å bu i rekkehus og lågt leilegheitsbygg. Høgblokk kan vere eit alternativ for å oppnå høg utnytting, men planlagt busetnad er mindre dominerande og tilbyr betre kvalitetar for dette området enn ei høgblokk. Det er i dette planområdet lagt vekt på ein god utforming og variasjon, noko som gjer feltet spennande og tiltalande. Bruk og berekraft Areal som skal brukast til å byggje bustader på, er ein avgrensa ressurs. Når området først blir bygd ut er det viktig at utbygginga skjer i ein planlagt samanheng mellom arealbruk og transportbehovet utbygginga utløyser. I og med at det er i nærleik til Jærbanen, er vidare utbygging udelt positiv fordi denne kan støtte opp om trafikkgrunnlaget som må til for å auke frekvensen til eit nivå slik at kollektivtrafikken blir eit betre alternativ til privatbilen. Fortetting vil sikre forsvarleg bruk av areal. 6
Risiko- og sårbarhetsvurdering Det er gjort ei risiko- og sårbarhetsvurdering for planområdet, denne er referert i planomtalen. Konsekvensar for barnehage- og skulekapasitet Engelsvoll skule er nyleg blitt utvida. Det er ingen kjende konsekvensar for kommunen. Konsekvensar for kommunen og utbyggingsavtale Det er ingen kjende konsekvensar for kommunen. Konklusjon Kommunalsjefen fremmer med dette detaljreguleringsplan for Industrivegen 1B-1C - Klepp stasjon med tilhøyrande bestemmelsar og planbeskrivelse, alle datert 01.11.2017. Vedlegg: Plankart, datert 01.11.2017 Bestemmelsar, datert 01.11.2017 Planbeskrivelse, datert 01.11.2017 Illustrasjoner inkl. solstudie Illustrasjon uteområde ROS-analyse Støyrapport VA-notat Renovasjonsteknisk plan Innkomne merknader til varsel om oppstart Innstilling: Rådmannen sitt forslag til vedtak: Hovudutval for lokal utvikling vedtek i samsvar med plan- og bygningslova 12-10 å leggja forslag til reguleringsplan for Industrivegen 1B-1C - Klepp stasjon, med tilhøyrande bestemmelsar og planbeskrivelse, alle datert 01.11.2017, ut til offentleg ettersyn. Hovudutval for lokal utvikling den 23.01.2018 sak 10/18 Einstemmig VEDTAK: Hovudutval for lokal utvikling vedtek i samsvar med plan- og bygningslova 12-10 å leggja forslag til reguleringsplan for Industrivegen 1B-1C - Klepp stasjon, med tilhøyrande bestemmelsar og planbeskrivelse, alle datert 01.11.2017, ut til offentleg ettersyn. Rett utskrift, 24.01.2018 Karin Sandve Vereide møtesekr. Kopi til: Etat for lokal utvikling 7