Vågå kommune Arkivsak: 2007/1300-47 Arkiv: L12 Saksbehandlar: Ingunn Moen Helland Utv.saksnr Utval Møtedato 81/15 Formannskapet 20.10.2015 81/15 Kommunestyret 27.10.2015 Reguleringsplan for hytteområde Bjønnskardet - 2.gongs behandling og sluttbehandling Vedlegg: 1 Plankart - Bjønnskardet 2 Planomtale med ROS-analyse - Bjønnskardet 3 Føresegner - Bjønnskardet Saksframlegg: Formannskapa i Vågå og Lom har hhv. i møte 19.5.2015 sak 31/15 og 9.6.2015 sak 32/15 la med heimel i plan- og bygningslova 12-10 og 12-11 detaljreguleringsplan for Bjønnskardet hytteområde lagt ut til offentleg ettersyn og høyring. Formålet med reguleringsplanarbeidet er å leggje til rette for bygging av fritidsbustader i samsvar med gjeldane kommunedelplan for Storviksmorkje. Planforslaget opnar for 30 fritidstomter i området Bjønnskardet/Måne nord for Tesse. Planområdet er ca. 146 dekar og ligg i all hovudsak i Vågå, men del av tilkomstvegen ligg i Lom. Planområdet omfattar tomtene gnr/bnr 193/1 og 196/1 i Vågå, samt teigar i Vågå som høyrer til bruka gnr/bnr 7/1 og 6, 10/1, 14/1, 15/1 og 18/1 i Lom. Planen har vore på offentleg ettersyn og høyring fram til 20. august 2015. Det er konsulentfirmaet AT Plan som har utarbeidd reguleringsplanforslaget på vegne av grunneigarane i området. Planmaterialet består av: Reguleringsføresegner Reguleringsplankart Planomtale med risiko- og sårbarheitsanalyse Av desse dokumenta er det plankartet og reguleringsføresegnene som er juridisk bindande dokument. Området er føreslege regulert til følgjande formål:
Busetting og anlegg - Fritidsbusetnad Samferdselsanlegg og teknisk infrastruktur - Veg - Parkering - Annen veggrunn, grøntareal Landbruks, natur, frilufts- og reindriftsformål LNFR Vern av kulturmiljø eller kulturminne Bruk og vern av sjø og vassdrag Det har kome følgjande uttaler til planforslaget: Statens vegvesen Region Øst: «Vi viser til e-post 25.06.2015 med høyring og offentleg ettersyn for detaljreguleringsplan for Bjønnskardet hytteområde. Planområdet ligg i Vågå og Lom kommunar. Målet med planarbeidet er å leggje til rette for 30 tomter for fritidsbustader. Planforslaget er i Tråd med Kommunedelplan for Storviksmorkje(2001) i Vågå kommune, og Kommunedelplan for Nordsetrene (2009) i Lom kommune. Området har tilkomst frå rv. 15 og fv. 51 via private vegar. Vi minner om at det må søkast om utvida bruk av avkøyring frå rv. 15 og fv. 51 før området blir tatt i bruk. Rådmannen sin kommentar: Uttalen er teken til orientering. Det er forslagsstillar sitt ansvar å søkje Statens vegvesen om utvida bruk av avkøyring før området blir teke i bruk. Oppland fylkeskommune: «Vi viser til brev datert 24.6.2015, med høyring og offentleg ettersyn av detaljreguleringsplan for Bjønnskardet hytteområde i Vågå og Lom kommunar. Oppland fylkeskommune har ingen merknadar ved offentleg ettersyn av planforslaget. Rådmannen sin kommentar: Uttalen blir teken til orientering. Fylkesmannen i Oppland «Vi viser til dykkar oversending i brev 24. juni 2015 og våre innspel ved oppstart i brev 15. januar 2014. Samstundes seier vi oss lei for attendemelding nokre dagar etter oppsett frist. Planområdet ligg for det meste i Vågå kommune, men med ein liten del også i Lom kommune. Kommunane legg opp til parallell behandling. Framlegg til reguleringsplan er stort sett i tråd med overordna plan, som er kommunedelplan for Storviksmorkje. Det er likevel lagt inn 4 nye tomter, frå 30 til 34 tomter, dei nye heilt i aust, i tilknyting til eit eksisterande mindre hyttefelt. Fylkesmannen meiner planen i hovudsak følgjer opp og avklarar dei faglege innspela vi hadde ved oppstart og har dermed ikkje merknader til reguleringsplanen. Rådmannen sin kommentar: Uttalen blir teken til orientering. Dei 4 «ekstra» tomtene vart tekne ut før offentleg ettersyn, slik at tomtetalet er 30 og i samsvar med overordna plan. Statskog SF: «Viser til reguleringsplan for Bjønnskardet hytteområde som ligger ute til høring med frist for
uttale 20.08.15, kopi vedlagt. Statskog er grunneier i Vårdalen statsallmenning sør 514/157/1. Vår eiendom blir berørt ved at det er regulert område for adkomstveger. Med forbehold om at ikke Høyring og offentleg ettersyn - detaljreguleringsplan for Bjønnskardet hytteområde - Vågå og Lom kommunar, sør har vesentlige innvendinger vil Statskog akseptere at arealet reguleres til adkomstveg på visse vilkår. Vi vil kreve at før tiltak med bygging av veger eller lignende startes skal det inngås en festekontrakt med avgift basert på markedspris mellom oss og utbygger/ regulant for hele det regulerte arealet på vår grunn. Videre vil vi på vegne av allmenningsfondet kreve erstatning for påstående skog og tap av framtidig tilvekst innenfor det samme arealet. Vi forutsetter at utbygger/regulant tar kontakt med oss vedr. festekontrakt og erstatning. Dersom Lom fjellstyre eller Styret for Vårdalen sør allmenning har merknader til reguleringsplanen ber vi disse sende merknaden direkte til kommunene med kopi til oss.» Rådmannen sin kommentar: Lom fjellstyre og Vårdalen allmenningsstyre har fått planen på høyring. Uksfossen velforening: «Det vises til brev datert 24.06.2015. Uksfossen Velforening viser til vårt brev sendt AT - Plan AS, med kopi til Vågå kommune, datert 06.01.14. Brevet vedlegges e-posten da det er dekkende for vårt syn på saken. Uksfossen Velforening er fornøyd med at planene om gjennomkjøringsvei gjennom Uksfossen hytteområde, ikke er ført videre i det endelige planforslaget som nå er ute på høring. Vi vil understreke at vi ikke på noe tidspunkt vil godta et slikt forslag, dersom det skulle komme opp på et senere tidspunkt. For øvrig har vi ingen motforestillinger mot hyttefeltet eller mot at tomt 29 og 30 får tilkomst via Uksfossen, slik de nå er tegnet inn på reguleringsplanen.» Rådmannen sin kommentar: Uttalen er teken til orientering. Lom fjellstyre: «Fjellstyret har ikkje innvendingar mot at det på visse vilkår blir avsett veggrunn til framføringa av vegen over statsallmenningen. Det må vera eit ufråvikeleg vilkår at vegen kan nyttast av bruksrettshavarane ved uttak av skogvirke i området, av fjellstyret og Statskog ved behov, og i tilknyting til eit eventuelt hyttefelt på statsallmenningen i same området. Ut over dette har ikkje fjellstyret merknader til forslaget til reguleringsplan.» Rådmannen sin kommentar: Uttalen er teken til orientering. Brimi fjellstugu «Har sett på kartet og ser at de første 250 m av ny-vegen austover frå Bjønnskaret er inntegna der eksisterande sti (sommerstid) og vår skiløypetrase går. På kartet er det inntegna ein langstippla strek som tyder sti. Skiløypetraseen har i mange år gått etter den stien. Dette har Lom Fjellstyre i sine papirer. Både for Brimi Fjellstugu, lokalbefolkningen, eksisterande hytte-eigarar og dei nye hytteeigarane er det viktig at areal til skiløyper blir teke inn i planen. Det er ei skiløypemaskin som i framtida vil bli benytta til preparering. Bredde på ei slik må takast hensyn til.» Rådmannen sin kommentar:
Da del av eksisterande skiløypetrasé/stig blir råka av utbygginga, meiner rådmannen at det i planen settast føresegner med krav om rekkefølge som sikrar løypa/stigen. Aktuell alternativ løypetrasé vil liggje sør for dagens trasé, utanfor reguleringsplanområdet og i Lom kommune. Ut frå dialog mellom Lom kommune og Statskog og Lom fjellstyre stiller grunneigar og fjellstyre seg positive til flytting av traseen. Rådmannen meiner at interesser knytt til skiløype/stig er ivareteke ved innarbeiding av følgjande føresegn (nytt pkt. 1.4) til reguleringsplanen: «Ny stig og skiløypetrasé skal vere ferdig opparbeidd seinast samtidig med at eksisterande stig/skiløypetrasé blir råka av utbygging av feltet. Før tiltak blir sett i verk, må traseen avklarast med grunneigar, kommunen, fjellstyret, løypekjørar.» Vurdering: Det har i høyringa kome få merknader til planforslaget, og ingen av uttalene er av ein slik karakter at det er til hinder for at kommunen kan eigengodkjenne planen. Rådmannen har kommentert kvar enkelt av dei innkomne uttalene over. Moglege konsekvensar av planforslaget er utgreidd i planforslaget. I samband med utlegging til offentleg ettersyn gjorde rådmannen ei vurdering av planen i forhold til ulike interesser. Ein viser til formannskapssak 31/15 for desse vurderingane som m.a. omfatta vurdering av tal hytter og vegtilkomst, naturmangfald, ROS-analyse, føresegner om gjerde, kulturminne, landskap og utforming av hyttene samt forholdet til friluftsliv. Når det gjeld friluftsliv vil utbygging etter planen råke skiløype og stig langs Måne, ca. 200 m strekning. Rådmannen tilrår at føresegnene blir supplert med ei rekkefølgjeføresegn som sikrar at ny stig/skiløypetrasé er på plass seinast samtidig med at utbygginga av feltet råkar eksisterande stig/skiløypetrasé. Dette er innarbeidd i vedlagt planforslag. Det er ein føresetnad for sluttbehandlig av planen at sosi-fila er feilfri og at det ligg til rette for import av reguleringsplanen i den saumlause planbasen. Rådmannen meiner planforslaget er tilstrekkeleg gjennomarbeidd og kan sluttbehandlast. Da planområdet ligg innafor både Lom og Vågå kommunar, må planforslaget vere godkjent av begge kommunar før planen er rettskraftig. Rådmannens innstilling: Saksprotokoll i Formannskapet - 20.10.2015 Behandling: Samrøystes
Formannskapets framlegg: Saksprotokoll i Kommunestyret - 27.10.2015 Behandling: Samrøystes Vedtak: