2011 2012 Double Focus Afrikanske dikt og afrikansk musikk = Rytmisk poesi = Historieforteljing gjennom musikk Konsert for 8. - 10. årstrinn
programmet Double Focus er ein konsert som kombinerer afrikansk rytmisk poesi med musikk frå både Aust- og Vest-Afrika. Dikta som blir framførte, er blant anna henta frå diktsamlinga Double Focus av den tanzanianske poeten Nasibu Mwanukuzi. Nasibu kjem frå Tanzania, og med seg på turneen har han perkusjonisten Sidiki Camara frå Mali og gitaristen Mark Axiak frå Australia. Rikskonsertane er svært stolte av å kunne presentere noko så sjeldan som rytmisk poesi for ungdommane i Møre og Romsdal. Double Focus ønskjer å vise at ved å ta ut det beste frå musikken og det beste frå orda, kan ein skape eit univers som gjer både dikta og musikken sterkare. Denne kunstforma, som blir kalla for rytmisk poesi, er i afrikansk kultur eit vanleg munnleg kunstnarisk uttrykk som har eksistert i fleire generasjonar. Å framføre ord og tonar saman er ein sjanger som finst også i dag, både i storbyane og i landsbyane på det afrikanske kontinentet. I løpet av dei siste 50 åra har sjangeren blitt utvikla i meir moderne retning og finst i nesten alle verdsdelar. Sjangeren ber namn som for eksempel dub poetry, jazz poetry, slam poetry, toasting, hiphop og rap. I Noreg har Odd Børretzen, Jan Erik Vold og Lars Saabye Christensen vore føregangsfigurar i denne måten å presentere lyrikk på. MUSIKaRaNE I 2010 sleppte Ras Nas aka. Nasibu Mwanukuzi det siste albumet sitt så langt, Double Focus, og fekk flotte meldingar. Meir om han kan du lese på www.mandingo.kongoi.com og www.rasnas.kongoi.com * Nasibu Mwanukuzi (Tanzania) vokal, trommer og rainstick * Sidiki Camara (Mali) vokal, balafon, djember, ngoni og chimes * Mark Axiak (Australia) - vokal, gitarar, perkusjon 2
PRAKTISK KONSERTFørebuing Musikarane bruker langsida av gymsalen, eller gjerne ein scene der det finst. Plasser elevane i vifteform, så nær scenen som mogleg. De kan få ein liten amfieffekt ved å leggje ut matter fremst, deretter benker og til slutt stolar bakarst. På den måten blir det også lettare for alle å sjå scenen. Vi ber lærarane om å setje seg saman med elevane som publikum og såleis ta del i konserten saman med elevane, heller enn å stå på linje bakarst i lokalet. Musikarane treng hjelp av fire sterke elevar til å bere utstyr før og etter konserten. Musikarane kjem ca. ein time før første konsert. Den driftsansvarlege og involverte lærarar må få ein kopi av denne konsertinformasjonen. Kulturkontakten må vere tilgjengeleg under besøket. Det er alltid hyggjeleg å bli møtt med ein kopp kaffi eller te når ein kjem til ein ny stad. Musikarane treng tilgang til straumuttak, to gonger 16 ampere. Sidan Double Focus også har med ein liten lysrigg, er det fint om konsertlokalet kan blendast. KORLEIS SKOLANE KAN STYRKJE SI EIGA KONSERTOPPLEVING Bruk konsertinformasjonen og informer elevar, skoleleiing og lærarar om innhald og praktiske opplysningar. Rikskonsertane har god erfaring frå skolar som bruker elevvertar og elevarrangørar. Sjå www.rikskonsertene.no/eleversomarrangorer for meir informasjon. På nettstadene www.mandingo.kongoi.com og ww.rasnas.kongoi.com finn de meir informasjon om artistane. Bruk også Bruk konserten-materiellet som ligg ved, i både engelsk, norsk og musikk. Eigarskapen til og effekten av konserten aukar betrakteleg dersom besøket blir forankra inn i undervisninga og læringsmåla på skolen. Sjå også boka Bruk konserten! for fleire undervisningsopplegg www.rikskonsertene.no/brukkonserten Velkommen til konsert! 3
SPØRSMÅL OM TURNEPLANEN Turnélegger Kari Anne Sølvik, Møre og Romsdal fylke tlf: 71 25 89 26 / 95 21 21 15 e-post: kultursekken@mrfylke.no SPØRSMÅL OM PROGRAMMET Produsent Matias Hilmar Iversen Rikskonsertene, tlf. 22 02 59 45 E-post: mhi@rikskonsertene.no FAKTA Skulekonsertordninga til Rikskonsertane er ein del av Den kulturelle skolesekken og blir gjennomført som eit samarbeidsprosjekt mellom Rikskonsertane og fylkeskommunane. Skulekonsertane utgjer det hovudsaklege musikktilbodet innanfor Den kulturelle skolesekken. Rikskonsertane har det heilskaplege ansvaret for skulekonsertordninga og legg dei faglege rammene for verksemda. Skulekonsertane er statleg fi nansierte gjennom budsjettet til Kultur- og kyrkjedepartementet. Fylkeskommunane har ansvar for turnéplanlegging og delar av konsertproduksjonen i sine respektive fylke. Kommunane abonnerer på skulekonsertane til Rikskonsertane, ei ordning som i dag omfattar 99,7 % av alle grunnskolane i landet. 600 000 barn får to årlege besøk av profesjonelle musikarar på skulane sine. Det er skulane sjølve som står som arrangør av skulekonsertane. Kvart år gjennomfører rundt 800 musikarar 10 000 skulekonsertar i Noreg. Du finn meir informasjon på www.rikskonsertene.no 4
Songtekstanalyse Å analysere tekstar kan auke forståinga av kva tekstforfattaren ønskjer å fortelje. Ei slik forståing kan både inspirere oss og gi oss konkrete verktøy og verkemiddel for korleis vi sjølve kan skape tekstar. Set om til norsk og analyser dikta A WISH og WAY OVER YONDER. Tekstane ligg ved. Fag Emne Målgruppe Tidsramme Ressursar Engelsk eller norsk, musikk Analyse, skriftleg tekstproduksjon 8. - 10 årstrinn Modul 1: 2 timar Modul 2: 1 time Utskrift av songtekstane, pennar og ark eller PC med nettilgang Mål LK06 Eleven skal lese og tolke eksperimenterande og modernistiske tekstar og kunne bruke dei som utgangspunkt for eigen tekstproduksjon (kompetansemål, norsk 10. årstrinn). Framgangsmåte Elevane jobbar anten éin og éin eller i mindre grupper. Elevane skal lage ein skriftleg analyse av songteksten. Analysen skal byggjast opp slik: Innleiinga skal innehalde ein kort informasjon om artisten og teksten. Hovuddelen skal innehalde sjølve analysen av teksten. Kva handlar teksten om? Formidlar han eit tema, fortel han ei historie eller meir ei stemning? Kva verkemiddel har forfattaren brukt? Enderim? Bokstavrim? Gjentakingar? Metaforar? Kva språktone har teksten? Er han formell eller uformell? Bruker han slang? Finst det klare referansar til andre songar eller hendingar i teksten? Blir teksten fortald i eg-form? Eller snakkar han om nokon? Til slutt lagar du ei avslutning der du skriv noko om di subjektive oppfatning av songen. Korleis verkar teksten på deg? Korleis får teksten deg til å føle deg? Kvifor trur du forfattaren skreiv teksten? Korleis verkar oppbygginga av teksten på deg? Er det ein moral i teksten som du ønskjer å ta til deg? 5
Way Over Yonder (Nasibu Mwanukuzi) Way Over Yonder I do not want our love To start in flames For We will stay hot for so long But in the end Tremble into ashes And the biting cold I do not want our love To start as a fresh life For It will end as pure death And marks of our graves Will haunt our empty selves I do not even want our love To start as a bright new day For Light is not here to stay Dusk will break our hearts And throw the fragments away I want our love To start like...like... Oh! I do not even know. 6
A Wish (Nasibu Mwanukuzi) If only I could reach the glittering vicinity of your mind through this raging storm I could have wiped my footsteps and gotten lost quickly into your domain forever! If only I could reach for your eyes I could have plucked your eyebrows and turned to the hostile heavens and built for ourselves a strong nest faster than any master bird And protected you from those blistering winds 7