Saksframlegg Saksmappe Saksbehandlar 2017/3067-8 Hilde Kjelstrup Saksgang Saksnr Utval Møtedato Forvaltningskomiteen 2. gongs behandling dispensasjon - 123/75 - brygge - sikring av kloakkleidning - Uskedalen - Jan Helge Pile Innstilling frå rådmannen: Kvinnherad forvaltningskomite gjev ikkje dispensasjon frå arealføremålet FFNF i kommunedelplan for Rosendal-området, og pbl. 1-8 om forbod mot tiltak langs sjø og vassdrag, til utviding av brygge. Planlagt utviding av brygge kan difor ikkje omsøkjast og handsamast i samsvar med pbl kap 20 og tilhøyrande bestemmelsar. Avslaget er heimla i pbl 19-2 då omsyn bak føremålet området er avsett til i gjeldande kommunedelplan, og omsyna bak føremål i pbl. 1-8 vert vesentleg tilsidesett med tiltaket. Då vert vurdering av om fordelane er vesentleg større enn ulempene, ikkje relevant. Kvinnherad forvaltningskomite gjev dispensasjon frå arealføremålet FFNF i kommunedelplan for Rosendal-området, og pbl. 1-8 om forbod mot tiltak langs sjø og vassdrag, til sikring av kloakkleidning. Sikring av kloakkleidning kan difor omsøkjast og handsamast i samsvar med pbl kap 20 og tilhøyrande bestemmelsar. Løyvet er heimla i pbl 19-2 då omsyna til føremåla i plan og omsyn til føremål i pbl., ikkje vert vesentleg sett til side. I tillegg er fordelane ved å gi dispensasjon klart større enn ulempene etter ei samla vurdering. Historikk Saka vart behandla i forvaltningskomiteen den 04.10.2017. Rådmannen hadde positiv innstilling til utviding av kai som ein hadde redusert omfanget på i behandlinga, og positiv til sikring av kloakkleidning som omsøkt. Forvaltningskomiteen gav samrøystes tilsegn om dispensasjon med følgjande vedtak: Kvinnherad forvaltningskomite gjev tilsagn om dispensasjon frå arealføremålet FFNF i kommunedelplan for Rosendal-området, i tillegg til pbl. 1-8 om forbod mot tiltak langs sjø og vassdrag til utviding av brygge m.m. I behandlinga av dispensasjonssøknaden har omsøkt utviding av brygge blitt redusert i forhold til planlagt omfang, for å avgrense tiltaket i området men likevel oppfylle funksjon. Tiltak det gis dispensasjon til er difor mindre enn planlagt. Omsøkt sikring av kloakkleidning er behandla som planlagt omfang. Utviding av brygge i samsvar med dei avgrensingar gitt i vedtaket, og sikring av leidning som planlagt kan difor omsøkjast og handsamast i samsvar med pbl. kap 20 og tilhøyrande bestemmelsar. Løyvet er heimla i pbl 19-2 då omsyna til føremåla i lova, ikkje vert vesentleg sett til side. I tillegg er fordelane ved å gi dispensasjon klart større enn ulempene etter ei samla vurdering. side 1
Rådmannen får fullmakt til å gjere endeleg vedtak etter høyring dersom det ikkje kjem negative uttaler frå regionale mynde. Saka vart sendt på høyring til Fylkesmannen i Hordaland og Hordaland Fylkeskommune med særutskrift den 09.10.2017. Fylkesmannen har sendt negativ uttale til dispensasjon til utviding av brygge, datert 18.10.2017. I uttalen rår Fylkesmannen frå at det vert gjeve dispensasjon til å utvida brygga på eigedommen, og viser til at kommunen ikkje bør gi dispensasjon dersom regional eller statleg mynde har uttalt seg negativt til søknaden. Fylkesmannen har ingen vesentlege merknader til dispensasjon til sikring av kloakkleidning. Saksutgreiing: Søkjar: Jan Helge Pile, Nygårdsveien 30 B, 3214 Sandefjord Søknad dagsett: 02.08.2017 Om søknaden og eigedommen: Det vert søkt om å utvide eksisterande brygge, sikre kloakkleidning i sjø, samt sikre tilkomst rundt naust, i Uskedalen. Eigedommen har i dag ei brygge som søkjast utvida for å betre bruk for å legga til båtar. Det er til tider vêrhardt på plassen, noko eksisterande brygge ikkje kan avhjelpa. Uroleg sjø er og grunn til at ein søkjer om å støype fast kloakkleidning. Dette tiltaket vil i så fall og virka inn som sikring av tilkomst rundt naust. Det er ikkje søkt om bygging av tiltaka enno, berre dispensasjon. Oversiktskart med eigedom, Uskedalen side 2
Arealstatus og strandsone Det omsøkte tiltaket med bryggeutviding ligg i sjø med arealføremål «Vannareal for alment friluftsliv» - FFNF (fiske, ferdsel, natur og friluftsområde). Tiltak om sikring av kloakkleidning ligg tett opp til naust og arealføremål på land («Bustadområde»), men vil og gå ut over denne grensen og over i sjø. Begge tiltak må derfor reknast å være i FFNF-område. Dette iht kommunedelplan for Rosendal-området vedteken 20.02.2003. Rådmannen vurderer den omsøkte eigedommen til å liggja utanfor funksjonell strandsone. Eigedommen og aktuell kommuneplan Nabovarsel Naboane er varsla og det er ikkje komen merknader. Uttale frå regionale og statlege styresmakter Saka har ikkje vore sendt på høyring. Saka vil bli sendt på høyring til følgjande: Fylkesmannen i Hordaland Hordaland fylkeskommune Naturmangfaldlova Det er ikkje gjort registreringar i området av spesielle naturtypar eller biotopar. Kulturminne Det er ikkje gjort registreringar i området av naturminner i området. I tidligare sak 2012/665 og søknad om bryggeutviding på 123/75 uttalte Hordaland Fylkeskommune seg om moglege kulturminner i området og tiltakshavars plikt til å melde frå om kulturminne. Denne uttalen, i brev av 6. desember 2012, er og aktuell for denne dispensasjonen. Støy Ikkje relevant side 3
Klimatilpassing Tiltaket må være tilpassa påverknad frå vind, bølger og stormflo. Veg, vatn og avløp Ikkje relevant Løyve etter andre lovverk Tiltak i sjøen treng løyve etter Havne- og farvasslova, søknad må sendast inn i saman med søknad om løyve til tiltak. Kommunen er havnemynde i dette sjøarealet. Aktuelle lovheimlar Det planlagde tiltaket krev dispensasjon etter pbl 19-2 frå føremål i kommuneplan og 1-8 om forbod mot tiltak langs sjø og vassdrag. Dersom det skal gjevast dispensasjon må omsyna bak reglane det vert dispensert frå, eller omsyna i føremåla til lova, ikkje verta vesentleg sette til side. I tillegg må fordelane ved å gi dispensasjon vere klart større enn ulempene etter ei samla vurdering. Vurdering Området for tiltaka er i direkte nærleik til bustadområde og eksisterande brygge og naust. Tiltak med å sikra kloakkleidning: grunngjeving for å støype denne fast er problem med leidning ved uroleg sjø. I tillegg til sikringa vil ein og sikra betre tilkomst rundt naust. Tiltaket er lite i omfang og er plassert så tett på naust at ein ikkje kan sjå at omsyn bak arealføremål vert vesentleg sett til side eller at omsyna som loven skal ivareta vert råka. Fordelane med tiltaket er her større enn ulempene. Tiltak med å utvide brygge: her er grunngjeving at tiltaket vil gjere det mogleg å ha båtar liggande til kai, då eksisterande brygge ikkje er uforma på god måte. Plassen for brygga kan til tider være vêrutsett, og derfor kan det være nyttig å ha ei brygge som sikrar båtar som ligger til kai. Omsøkt tiltak er ca. 40 m 2, noko eigedommen fekk dispensasjon til å bygge i 2013, men som ikkje ble bygd då. Skisse til bryggeutviding viser ein konstruksjon som i seg sjølv er ca. 40 m 2, men slik den er teikna vil området i sjøen som tiltaket omfattar være omtrent 65 m 2. Tiltaket vil då i realiteten dekke omtrent 65 m 2 av areal i sjø, og dispensasjonen må vurderast etter dette. Viser her til svar gitt frå kommunen i 2015 då det vart søkt om å byggje ei brygge på mellom 60-70 m 2. Då vart ikkje søknaden om løyve til å bygge handsama utan at ein søkte om ny dispensasjon. Omsøkt tiltak ligg i direkte nærleik til eksisterande brygge og naust, og søkjar meiner tiltaket ikkje vil privatisere området ytterlegare. Området er likevel et område for allment friluftsliv, og etter pbl. 1-8 skal det særleg takast omsyn til bl.a. friluftsliv og andre allmenne interesser. Praksisen med å handheva dispensasjon frå 1-8 er streng, og privatisering og nedbygging av strandsona skal unngåast. I tillegg kan det nemnast at kommunen i andre kommunedelplanar har lagt seg på ei linje med grense på maks 15m 2 og 3 m bredde for flytebrygger, noko ein ofte bruker som målestokk i vurderingar av brygge/kai. Som allereie nemnt vil omsøkt bryggeutviding i realiteten ta omtrent 65 m 2 av området, noko som kan virke unødig stort. I tillegg er det vanskeleg å sjå kva som er formålet med konstruksjonen der båtar ikkje kan liggje på innsida av kaien i uroleg vêr. På grunnlag av tilhøva på plassen med vêrutsatt brygge vil administrasjonen gi dispensasjon til å utvide eksisterande brygge med ein forlenga kai som går 90 grader ut frå langsida til eksisterande brygge, maks 6 meter ut frå eksisterande brygge, med 3 meter bredde på utstikket. Dette for å ha ei løysing som skal være betre for å leggje til båtar til kaien og for å verne båtar i uroleg ver. Då vil side 4
tiltaket verte mindre inngripande i strandsona, og fordelane med tiltaket vil være vesentleg større enn ulempene. Skisse frå søknad. Linjer i grønt er tiltaket det blir gitt dispensasjon til. Samla vurdering Ut frå ei samla vurdering meiner rådmannen at dei omsøkte tiltaka ikkje vil koma i strid med arealføremålet i plan eller føremål i lova. Dei omsøkte tiltaka er funksjonelt grunngjeven for å sikre kloakkleidning og båtar ved uroleg vêr. Tiltaka er i direkte nærleik til eksisterande brygge og naust. Ein ser ikkje at føremålet i loven og friområde for ålmenta blir satt til side her. I samsvar med utgreiinga finn rådmannen at fordelane med å gje dispensasjon er vesentleg større enn ulempene. Til 2. gongs behandling i Forvaltningskomiteen 08.11.2017: Fylkesmannen i Hordaland har kommen med ein uttale den 18.10.2017 der ein rår ifrå å gi dispensasjon til utviding av brygge, grunngjeve med at tiltaket vil ha negativ verknad på landskapet sidan det ligg eksponert ytst på eit lite nes. Rådmannen har valgt å ta konklusjonen i uttalen til følgje i 2. gongs behandling av søknaden, då ein ser at ein i første behandling av søknaden ikkje har vektlagt nok omsyna bak føremål i plan og pbl. Ut frå ei samla vurdering meiner rådmannen at det omsøkte tiltaket om utviding av brygge vil vesentleg setje til side omsyna bak byggeforbodet i strandsona og arealføremål i kommuneplan, då tiltaket vil ha negativ verknad på landskapet. Ei vurdering av om fordelane er vesentleg større enn ulempane er då ikkje relevant. Rådmannen kan for dette tiltaket ikkje tilrå at det vert gjeve dispensasjon. Rådmannen meiner at sikring av kloakkleidning ikkje vesentleg kjem i strid med kommuneplanens føremål eller omsyn bak byggeforbodet i strandsona. Det omsøkte tiltaket er funksjonelt side 5
grunngjeven for å sikre kloakkleidning ved uroleg vêr. Tiltaket er i direkte nærleik til eksisterande naust. Ein ser ikkje at føremålet i loven og friområde for ålmenta blir satt til side med dette tiltaket. I samsvar med utgreiinga finn rådmannen at fordelane med å gje dispensasjon er vesentleg større enn ulempene. Vedlegg: Uttale frå Fylkesmannen i Hordaland datert 18.10.2017. Kopi: Partane For info i saka: ephorte web sak 2017/3067. side 6