Arkivref: 2014/4456-22835/2016 Saksh.: Ove Kvalnes Saksnr Utval Møtedato 50/16 Forvaltningsstyret 08.12.2016 86/16 Formannskapet 07.12.2016 DETALJREGULERING MILJØGATE FV 544 GJENNOM LEIRVIK - 1.GONGSHANDSAMING Framlegg til vedtak: Forvaltningsstyret vedtek i medhald av 12-10 og 12-11 i Plan- og bygningslova å leggja forslag til detaljregulering for fylkesveg 544 gjennom Leirvik ut til offentleg ettersyn med følgjande endring: Avkjørsel til eigedom gnr/bnr 27/734 (gamle Posten) skal oppretthaldast og visast som avkøyrsel på plankartet. Saksprotokoll i Forvaltningsstyret - 08.12.2016 Vedtak Forvaltningsstyret vedtek i medhald av 12-10 og 12-11 i Plan- og bygningslova å leggja forslag til detaljregulering for fylkesveg 544 gjennom Leirvik ut til offentleg ettersyn med følgjande endring: Avkjørsel til eigedom gnr/bnr 27/734 (gamle Posten) skal oppretthaldast og visast som avkøyrsel på plankartet. Handsaming Vedteke med 7 mot 2 stemmer. Inga Lothe og Magne Bjelland (H) stemte for sitt framlegg. ******* Magne Bjelland og Inge Lothe (H) kom med følgjande framlegg som fall med 2 (H) mot 7 stemmer: Forvaltningsstyret ønskjer å sende saka i retur til rådmannen med følgende som mål: 1. Forenkla skisse til gjennomføring av sykkeltrase der en bl.a. har sykkelveg som del av vegbanen (i kvar køyreretning). 2. Miljøtunnel ved meieriet vert fjerna. 3. Plan som opprettheld utkjøring frå Osen til miljøgata. 4. Plan som opprettheld inn/utkjøring til gamle postbygget. 5. Revurdert kostnadsoverslag med bakgrunn i ovannemnde. Saksprotokoll i Formannskapet - 07.12.2016 Teke til orientering
Rådmannen, 22.11.2016 Dokumentliste S 22.11.2016 Detaljregulering Miljøgate Fv 544 gjennom Leirvik - 1.gongshandsaming I 29.09.2014 Statens vegvesen, Region Vest Annonsering av oppstart Miljøgate Fv 544 gjennom Leirvik U 29.10.2014 ConStrada AS Gjeldane planar i tilknyting til miljøgate, Leirvik- Stord I 28.10.2014 Kjell Håvard Sævareid Informasjon om status og planar U 30.10.2014 Kjell Håvard Sævereid SV: Sæ - kommunedelsplan ved FV544 / Informasjon om status og planar I 18.06.2015 Kjell Håvard Sævareid Kommnetarar til plan for "Miljøgate Vabakken - Ådland Bru I 02.11.2015 Statens vegvesen Til orientering - Miljøgate Leirvik I 03.11.2015 ConStrada AS DWG-fil til Stord kommune Milijøgate Leirvik X 11.01.2016 ConStrada AS : Orientering om planarbeid for detljregulering Miljøgate fv. 544 gjennom Leirvik, med kollektivterminal - utsending til grunneigarar, naboar, offentlege mynde og interesseorganisasjonar I 27.01.2016 Fylkesmannen i Hordaland, Kommunal og samfunnsplanavdelinga Oppstartsmelding - Stord - Leirvk - Fv 544 - Miljøgate med kollektivterminal - Detaljregulering I 01.02.2016 Statens vegvesen, Region Vest 16/13085-2 - Miljøgate Leirvik - Fv. 544 Vabakkjen - Ådland - Merknader I 03.03.2016 Kjell Håvard Sævareid Plan for miljøgate FV544 - kommentarar frå grunneigar av gnr 27 bnr 1 (kopi av brev til Statens vegvesen, Region vest) U 03.03.2016 Statens vegvesen Region Vest Merknader til orientering om planarbeid for detaljregulering Miljøgate fv. 544 gjennom Leirvik, med kollektivterminal U 18.03.2016 ConStrada AS Tilbakemelding plankart m.m. Miljøgateplanen I 02.05.2016 Statens vegvesen, Region Vest Forslag til reguleringsplan U 20.05.2016 Statens vegvesen, Region vest Detaljregulering Miljøgate Fv 544 gjennom Leirvik U 17.11.2016 Constrada m.fl. Mijløgateplanen I 17.11.2016 Constrada VS: Miljøgateplan I 17.11.2016 Constrada VS: Miljøgateplan føresegner U 21.11.2016 ConStrada AS Tilbakemelding på planforslag- føresegnene Vedlegg 1 Plankart del 1 2 Plankart del 2 3 Plankart del 3 4 Plankart del 4 5 Plankart del 5 6 Plankart del 6 7 Føresegner 8 Planomtale 9 Formingsrettleiar Innleiing (bakgrunn for saka) ConStrada AS har på oppdrag frå Statens vegvesen og i samarbeid med vegvesenet og Stord kommune utarbeidd framlegg til detaljregulering for fylkesveg 544 gjennom Leirvik frå Vabakkjen til Ådland Bru/ Øvre Sæ. Føremålet med planarbeidet har vore å laga reguleringsplan for og leggja til rette for bygging av samanhangande sykkelveg på strekninga frå Vabakkjen til Ådland Bru, bygging av nytt kollektivknutepunkt i sentrum og miljøgate gjennom sentrum. 2 av 7
Melding om oppstart av planarbeidet vart kunngjort og sendt ut 26.09.2014. Planarbeidet har vore utfordrande og teke lang tid. Etter den første kunngjeringa er plangrensa endra og nytt varsel til grunneigarar og offentlege instansar vart sendt ut 11.01.2016. Det har kome inn 11 merknader og innspel som er oppsummerte og kommenterte i vedlagt planomtale. Saksutgreiing (fakta, saksopplysningar) Omtale av planområdet Planområdet strekkjer seg frå rundkøyringa på Vabakkjen og følgjer fylkesveg 544 langs Vikastemmo, ned til Kulturhuset, vidare gjennom sentrum og fram til Ådland Bru/ Øvre Sæ. Planforslaget går ikkje heilt fram til Ådland Bru fordi den siste strekninga fram til brua vil verta omfatta av planane for ny E39. På denne strekninga er det planane for ny E39 som skal visa korleis fylkesvegen og planlagt sykkelveg med fortau skal knytast saman med planlagt sykkelveg langs eksisterande E39 og langs ny veg frå Tysevegen. På første strekninga frå Vabakkjen til Kulturhuset er ikkje fylkesvegen med i planforslaget då planforslaget på denne strekninga berre omfattar sykkelvegen og fortauet som på denne strekninga ligg heilt atskilt frå fylkesvegen. Frå Kulturhuset og vidare nord til Ådland Bru omfattar planforslaget både fylkesvegen og tilliggjande område på begge sider av vegen. I dag er det fortau på eine eller på begge sider på strekninga frå rundkøyringa ved Kulturhuset og fram til krysset med Kattatveit. På resten av strekninga fram til Kunnskapshuset og Ådland Bru er det i dag ikkje eige tilbod til gåande og syklande. Fartsgrensa er 40 km/ t på heile strekninga. For nærare omtale av planområdet og dei enkelte delstrekningane vert det vist til planomtalen. Planstatus Innanfor planområdet er det i dag 11 gjeldande reguleringsplanar. Den eldste planen er reguleringsplanen for Sæ, vedteken i 1984 og den sist vedtekne planen er reguleringsplanen for Osenkvartalet, vedteken i 2013. Liste over dei gjeldande reguleringsplanane, kva dei inneheld og kva endringar og konsekvensar den nye planen har for dei gjeldande planane er omhandla i planomtalen. Omtale av planforslaget Planforslaget regulerer tofelts sykkelveg og fortau i 3 + 2 = 5m breidde på austsida av fylkesveg Fv 544 på heile strekninga frå rundkøyringa på Vabakkjen til Ådland Bru/Øvre Sæ. På første strekninga fram til dagens undergang under Saghaugen/ Kjøtteinsvegen følgjer sykkelvegen med fortau i hovudsak dagens trasé langs austsida av Vikastemmo. Undergangen skal utvidast. Vidare ned til Kulturhuset følgjer ein og i hovudsak dagens trasé langs Vikabekken eit stykke, men kryssar så over Vikabekken i bru og legg sykkelvegen i skråninga mellom fylkesvegen og Kulturhuset for å få så gunstige stigningstilhøve som mogleg. Den nye sykkelvegen får mindre stigning enn i dag men ein klarar ikkje innfri krava til universell utforming på denne strekninga fullt ut, stigninga vert 8% på det brattaste. Ved rundkøyringa ved Kulturhuset er sykkelvegen med fortau lagt i ein ca. 30m lang kulvert/ tunnel under Hamnegata og vidare mellom fylkesvegen og det planlagde nybygget på Meieritomta. På resten av strekninga frå rundkøyringa ved Kulturhuset og heilt fram til Ådland Bru/ Øvre Sæ omfattar planforslaget også fylkesvegen og andre sida av vegen. På første strekninga frå rundkøyringa ved Kulturhuset og fram til krysset med Skrivarvegen er det i tillegg til sykkelveg med fortau langs austsida regulert miljøgate i 6,0 m breidde i tillegg til skulderbreidde 0,5m, fortau/ gang-/ sykkelveg i 3 m breidde langs vestsida og kollektivterminal. Kollektivterminalen med plass for 8 bussar, plattformområde, taxihaldeplass, servicebygg for passasjerar og sjåførar m.v. medfører omlegging av Lønningsåsen og flytting av krysset fylkesvegen/ Lønningsåsen ca. 20 m nordover. På denne strekninga viser planforlaget at krysset fylkesvegen/ Osen og avkøyringa til eigedomen gnr/bnr 27/734 (gamle Posten) vert stengt. Avkøyrslane til Esso og området ved Esso og til parkeringsplassen i Sæ og ved Auto Industri m.fl. vert oppretthaldne. Frå krysset med Skrivarvegen og vidare nordover til Kunnskapshuset er det trafikkskilje mellom fylkesvegen og sykkelvegen slik at den totale breidda aukar frå 15,0 m til 16,25 m. Vidare nordover mot Ådland bru er det og trafikkskilje mellom fylkesvegen og gang-/ sykkelvegen på vestsida. Den totale breidda er her auka til 19,75 m. Alle avkøyrslane og kryssa på strekninga frå Skrivarvegen og nordover vert oppretthaldne. For meir detaljert omtale av planforslaget vert det vist til planomtalen. 3 av 7
Vurdering Rådmannen meiner planforslaget som no ligg føre vil gje ei god og framtidsretta løysing for tilkomstvegen til sentrum, bygata/ miljøgata i og gjennom sentrum, hovudvegen for sykkel og for kollektivhaldeplassen i sentrum. Planomtalen legg stor vekt på omsynet til syklistar og gåande som det viktigaste. Kommunen har vore og er samd i at eit viktig føremål med planen er å få gode løysingar for syklande og gåande i og gjennom sentrum. Mellom anna vil sykkelvegen gjennom sentrum vera ein viktig del av den planlagde sykkelstamvegen frå Sagvåg, via Heiane, Vabakkjen, gjennom sentrum og til Ådland-/Tyseområdet. Den framtidige sykkelstamvegen skal gjera det attraktivt, trafikksikkert, miljøvenleg og lett å nytta sykkel som alternativ til bil frå der folk bur og til sentrum, arbeidsplassar, skular og andre målpunkt. Kommunen har i planarbeidet påpeika at fylkesvegen er einaste tilkomsten til sentrum for alle køyrande, både besøkjande, dei som bur i sentrum, dei som arbeider i sentrum, varetransport, bussar og taxiar. Det har som konsekvens at gata, kryss og avkøyrslar óg må vera dimensjonert for å avvikla denne trafikken. Kommunen har lagt til grunn at gata framleis vil ha stor trafikk sjølv om noko av gjennomgangstrafikken som ikkje har ærend eller stopp i sentrum for framtida i større grad enn i dag vil velja å køyra andre vegar, og fleire vil velja å gå, sykla eller ta buss. Når noverande E39 vert lokalveg etter at ny E39 er bygd, og når rundkøyring i krysset med Saghaugen og ny veg frå Tysevegen over Ås til Øvre Sæ er bygd, vil fleire velja desse vegane som alternativ til å køyra gjennom sentrum. Den mest trafikkerte delen av gata har i dag ein trafikk på 10200 10800 bilar i døgeret. Dette er svært høgt. Stenging av kryss og avkøyrslar Forslaget medfører stenging av Osen. Osen er i dag open for utkøyring mot nord. Gjeldande reguleringsplan for Osen viser rundkøyring i krysset då den planen la til grunn at kollektivterminalen skulle vera i Osen og at Osen skulle vera open for bussar, varetransport og tilkomst til planlagt utbygging på Meieritomta. Konsekvensen av å stengja Osen er at all inn- og utkøyring til området må gå via Hamnegata. Hamnegata vil få auka trafikk som følgje av utbygginga på Meieritomta og utbygging av andre prosjekt lengre ute i Hamnegata, men vil og få redusert trafikk som følgje av at bussane ikkje lengre skal innom busshaldeplassen på kaien. I dag er Osen berre open for utkøyring mot nord og ein meiner at Hamnegata og rundkøyringa ved Kulturhuset vil ha stor nok kapasitet til å ta den auka trafikken. All trafikk inn til området går og i dag via rundkøyringa ved kulturhuset. Undervegs i planarbeidet har det vore god dialog med utbyggjarane av Meieritomta. Det er nyleg gjeve rammeløyve for nytt bygg på tomta. Dei godkjente planane for utbygging av Meieritomta legg til grunn at Osen vert stengt og at det vert bygd sykkelveg og kulvert under Hamnegata slik forslaget til reguleringsplan for miljøgata viser. Ved stenging av Osen kan noverande parkeringsplassar og drosjehaldeplass oppretthaldast. Osen skal vera dimensjonert slik at den framleis óg skal ivareta omsynet til varetransport og tilkomst til Grand Hotell. I tillegg må ein leggja vekt på at Osen vert eit godt byrom som skal gje god kontakt mellom Kulturhuset/ Amfi/ Bytunet og resten av sentrum. Planforslaget viser óg at dagens avkøyrsel til parkeringsplassen til gamle Posten skal stengjast. Konsekvensen at det er at alle trafikk til og frå denne parkeringsplassen og til og frå eigedomen elles må gå via felles avkøyrsle mellom Stomasbygget og Torgbygget og ut i krysset fylkesvegen/ Torget. Parkeringsplassen har plass til ca. 50 bilar i tillegg til at her óg er eit garasjeanlegg dimensjonert for lastebilar. Rådmannen meiner denne avkøyrsla må oppretthaldast sjølv om det medfører at avkøyrsla kryssar sykkelvegen. Parkering Parkeringsplassen ved SKE-bygget vert redusert som følgje av omlegging av Lønningsåsen. I dag har heimebaserte tenester 30 reserverte parkeringsplassar rundt bygget. I tillegg er det ca. 20 offentleg tilgjengelege parkeringsplassar på parkeringsplassen ved bygget. Ved samanslåing av heimebaserte tenester har dei behov for 37 reserverte parkeringsplassar. Etter omlegging av Lønningsåsen vil ein framleis kunna ha nok areal rundt bygget slik at behovet for reserverte parkeringsplassar for heimebaserte tenester framleis kan dekkast fullt ut. Omlegging av Lønningsåsen opnar for at det kan etablerast nye parkeringsplassar ved krysset mellom Bandadalen og Lønningsåsen. 4 av 7
Planforslaget har elles berre mindre konsekvensar i høve til eksisterande parkeringstilhøve langs vegen. Sykkelvegen Sykkelvegen slik den er foreslått på austsida, knyter seg til planlagt gang- / sykkelveg langs Skrivarvegen, til Borggata, til planlagt ny veg frå Tysevegen via Åsskogen til Øvre Sæ og til planlagt sykkelveg langs noverande E39 mellom Vabakkjen og Vestlivegen. Sykkelvegen vert ein viktig del av eit framtidig sykkelveg- og gang-/ sykkelvegnett mellom Sagvågområdet, Heianeområdet, Vabakkjenområdet, Leirvik sentrum og Hystad-/ Nordbygdo- / Rommetveitområdet. Sykkelvegen med fortau vil gjera det langt meir attraktivt enn i dag å velja sykkel eller gange framfor bil for dei som bur i sentrum og for dei som skal til eller frå sentrum, arbeid, skule, fritidsaktivitetar eller anna. Miljøgata Fylkesvegen/ gata gjennom sentrum er planlagt som miljøgate med fartsgrense 40 km/t. Gata vil få gode, oversiktlege og trafikksikre kryssingar/ gangfelt for dei gåande, høg kvalitet på materialbruk og utføring, samanhangande sykkelveg med fortau på austsida og samanhangande gang-/ sykkelveg på andre sida. I dag manglar det tilbod for gåande og syklande frå krysset med Kattatveit til Kunnskapshuset og vidare fram til Ådland Bru. Miljøgata vil gje samanhangande tilbod for dei gåande og syklande på begge sidene av vegen på heile strekninga. Køyrebanebreidda vil verta redusert frå dagens breidde på 7-9 m til 6,5 m på heile strekninga. Med framleis fartsgrense på 40 km/t vil dagens trafikk med personbilar, varetransport og bussar gå som i dag. Kollektivterminalen I formannskapet sitt siste vedtaket om kollektivknutepunktet i Leirvik vart det gjort slikt vedtak ( møte 11.11.2015): 1. Formannskapet meiner kollektivknutepunktet i Leirvik sentrum inntil vidare skal vera på kaien som i dag. 2. Spørsmålet om plassering av kollektivknutepunktet i sentrum vert å koma attende til ved rullering av kommunedelplanen / sentrumsplanen for Leirvik. Formannskapet kjem attende til løyving til planarbeidet i budsjett for 2016. 3. Formannskapet legg til grunn at Skyss tek kostnadane med opparbeiding av arealet til nytt kollektivknutepunkt. Rådmannen rådde til at ein skulle følgja tilrådinga i den siste utgreiinga om kollektivknutepunktet og vegvesenet og fylkeskommunen si tilråding om at knutepunktet skulle liggja på Bandadalsplasset på vestsida av fylkesvegen. Det er den løysinga som no er lagt til grunn i miljøgateplanen. På tross av formannskapet sitt siste vedtak har vegvesenet og fylkeskommunen vore klare på at kollektivknutepunktet skulle vera ein del av reguleringsplanen for miljøgata og at kollektivknutepunktet skulle gjennomførast som del av gjennomføringa av miljøgateplanen. Vedteken planstrategi seier at kommunedelplan/ sentrumsplanen skal rullerast i 2018. Ein moglegheitsstudie er starta og skal gjennomførast i 2017 (byregionprogrammet «den tette byen». Dersom ein skal venta på det planarbeidet vil det ta endå minimum to år før ein får ei endeleg avklaring i høve til spørsmålet om kvar kollektivknutepunktet i sentrum skal vera. Formannskapet sitt vedtak utelukkar ikkje at løysinga for kollektivknutepunktet i sentrum kan vera på vestsida av fylkesvegen slik det no er vist i planforslaget. Rådmannen rår difor til at ein likevel no regulerer inn kollektivknutepunktet i miljøgateplanen slik forslaget til reguleringsplan viser. Planar for infrastruktur legg også sterke bindingar på utvikling av nærliggjande eigedomar i tettbygde strok. Utvikling av utbyggingsprosjekt på «meieritomta» har teke omsyn til pågåande planarbeid og utvikla eit prosjekt som det no er gjeve rammeløyve til, i samsvar med framlagt plan. Det har vore god dialog i dette planleggingsarbeidet. Løysinga er i samsvar med tilrådingar i tidlegare utgreiingar om kollektivknutepunktet og rådmannen meiner ein får ein godt tenleg busshaldeplass/ terminal i sentrum slik det er vist. Skyss og vegvesenet har vore tydelege på at det ikkje er aktuelt å leggje om fylkesvegen slik formannskapet tidlegare har lagt til grunn. Rådmannen vurderer at det er eit rett bymessig grep å oppretthalda dagens gatestruktur med fylkesvegen som ei klart definert hovudgate. 5 av 7
Dei fleste som skal på eller av bussane må kryssa fylkesvegen for å koma til og frå haldeplassane. Fylkesvegen skal opparbeidast som miljøgate med opphøgde, breie og oversiktlege fotgjengarkryssingar. Det vert difor gode og trygge tilhøve for alle mjuke trafikantar. Konsekvensar for naturmangfald, kulturmiljø, landskap og terreng Tiltaket kjem ikkje i konflikt med trua eller sårbare naturtypar, verneverdige bygg, kulturmiljø eller landskap. Det er utarbeidd formingsrettleiar som m.a. omtalar korleis terreng- og landskapshandsaminga skal vera. Føresegnene set krav om at det med utgangspunkt i formingsrettleiaren skal lagast landskapsplan som del av prosjekteringa. Konsekvensar for forureining, støy Tiltaket vil medføra auka støynivå for områda som ligg rundt kollektivterminalen. Det vil verta gjennomført støyutrekningar som m.a. vil avklara om det er trong for støytiltak. Gjennomføring av planen med miljøgate og sykkelveg m.m. medfører elles ikkje auka trafikkstøy. Planen berører ikkje forureina grunn. Det er heller ikkje fare for forureining av noko slag ved gjennomføring av planen. Føresegnene set krav om at det som del av prosjekteringa skal lagast Ytre miljøplan for prosjektet som skal ha særleg fokus på forureining og avbøtande tiltak. Eigedomsinngrep/ erverv av eigedomar Planen medfører at heile Ritlandeigedomen (gnr/ bnr 27/354) og bustadhuset ovanfor Kulturhuset i Vikabrekko (gnr/bnr 38/63) må innløysast. Planforslaget medfører elles inngrep på private eigedomar på begge sider av fylkesvegen mellom Esso og Auto Industri, på Meieritomta (gnr/bnr 38/86), på den ubebygde bustadtomta gnr/bnr 27/844 like nord for krysset med Skrivarvegen, på den ubebygde næringseigedomen gnr/bnr 27/113 like sør for Kunnskapshuset og på eigedomane til Kunnskapshuset (gnr/bnr 27/4 og 27/859). Det er berre mindre deler av eigedomane som vert direkte berørt. Eigedomsinngrep elles er på kommunal grunn. ROS-analyse i planomtalen Det er gjennomført risiko og sårbarheitsanalyse. Analysen ligg som del av planomtalen. ROS-analysen viser at dei alvorlege hendingane som kan oppstå er knytt til byggje- og anleggsfasen og risikoen for ulykker i kryss og avkøyrslar. Bygging av miljøgate og samanhangande sykkelveg med fortau, gang-/ sykkelveg m.m. slik planforslaget viser reduserer risikoen for ulykker. For nærare utgreiing av planområdet, planforslaget, konsekvensar og risiko- og sårbarheitsanalysen vert det vist til planomtalen. Økonomiske konsekvensar Gjennomføring av planen er grovt kostnadsrekna til 150 mill.kr. I desse kostnadane ligg og bygging av rundkøyring i krysset ved Leirvik skule, kollektivterminalen m.m. Etter at reguleringsplanforslaget er lagt ut til offentleg ettersyn vil Statens vegvesen gjennomføra anslagsberekning for å kvalitetsskira kostnadstala. Prosjektet er tenkt finansiert gjennom Stordpakken. Eventuell kommunal eigendel vil verta avklart gjennom handsaminga av Stordpakken. Miljømessig konsekvens Gjennomføring av planen vil ikkje ha negative miljøkonsekvensar. Det vert elles vist til omtalen av konsekvensar av planforslaget i planomtalen. Folkehelse Gjennomføring av planen vil gjera det lettare og meir attraktivt og trafikksikkert å gå og sykla. At folk går og syklar meir og fleire vel å la bilen stå er positivt for folk si helse og trivsel. Universell utforming Krav til universell utforming er lagt til grunn for utarbeiding av planforslaget og skal leggjast til grunn for gjennomføring av planen så langt det er mogleg. Beredskap Planforslaget medfører ingen endra konsekvens for beredskapen. 6 av 7
Konklusjon Rådmannen rår til at forvaltningsstyret vedtek å leggja planforslaget ut til offentleg ettersyn og å senda det på høyring slik det ligg føre, men med tillegg/ endring om at avkøyrsla til parkeringsplassen ved gamle Posten skal oppretthaldast. Plan for gjennomføring Planforslaget skal sendast på høyring og leggjast ut til offentleg ettersyn med høyringsfrist minimum 6 veker. Etter at høyringsfristen er ute skal alle innkomne merknader gjennomgåast og deretter skal planforslaget leggjast fram for 2. gongs handsaming i forvaltningsstyret og endeleg vedtak i kommunestyret. Gjennomføring av planen er avhengig av finansiering som er tenkt som del av Stordpakken. Stordpakken vil ikkje vera på plass før tidlegast om ca. 4 år. Når planen er vedteken, må ein difor og sjå på om ein kan få finansiert og gjennomført delstrekningar før Stordpakken er på plass. Det er m.a. ønskeleg så snart som mogleg å få bygd gang-/ sykkelvegen mellom Kattatveit og Kunnskapshuset. Vedteken reguleringsplan kan og gje grunnlag for finansiering/ forskottering av kulverten/ sykkeltunnelen under Hamnegata slik at ein kan få bygd den samstundes med utbygginga på Meieritomta. 7 av 7