Jondal kommune Sakspapir SAKSGANG Utval Møtedato Saknr Plan- og driftsutvalet 24.04.2017 032/17 Saksbehandlar Arkiv: Journalpostnr. Haugen, Sigbjørn N - 504 17/1742 Detaljreguleringsplan for hyttefelt Årsand, del av gnr. 44, bnr. 1, Jondal kommune - PlanID: 12272016001 Dokument i saka: Dok.dato Tittel Føresegner kommuneplan for Jondal 2012-2022 Reguleringsplan for del av gnr 45 bnr 11 Tømmervika, Hesvik Reguleringsplan Årsand Innspel til varsel om oppstart av arbeid med detaljreguleringsplan for Årsand - GBnr 441 - Jondal kommune Melding om oppstart av planarbeid Årsand hyttefelt gnr 44 bnr 1 Jondal - Gnr 44 bnr 1 - Detaljreguleringsplan for Årsand hyttefelt Vår uttale til melding om oppstart av reguleringsplan for hyttefelt Årsand - Gnr. 44 bnr. 1 - Jondal kommune Annonse planområde utsnitt del av gnr 44 bnr 1 Reguleringsplan for hyttefelt Årsand - Notat frå oppstartmøte Saka blir avgjort av:. Plan- og driftsutvalet Aktuelle lover, forskrifter, avtalar m.m.
Plan- og bygningslova 12-11. Kommuneplan for Jondal kommune, vedteken i Jondal kommunestyre 19.12.2012. Saksopplysningar: J. Tufteland AS, 5400 Stord, har på vegne av tiltakshavar Godskalk Årsand utarbeidd framlegg til detaljreguleringsplan for del av gnr. 44 bnr. 1, Årsand, 25 km sør for Jondal sentrum. Planområdet er omlag 16 daa. Føremålet med planarbeidet er å legga til rette areal for oppføring av nye fritidsbustader med tilhøyrande infrastruktur. I sør har planområdet grense mot Hesvik hyttefelt, og det er avtalt å nytte felles avkjørsle og infrastruktur for dette området som er under opparbeiding. Planframlegget viser 13 tomter for fritidsbustader. Flyfoto, Årsand hyttefelt, felles avkjørsle frå Fv 107 med Hesvik hyttegrend.
Utsnitt av kommunedelplan for Maurangerområdet. Planområdet er merka F-03. Denne delen av Jondal kommune var fram til 2013 ein del av Kvinnherad kommune. Kommunedelplanen for Maurangerområdet vart vedteken av Kvinnherad kommunestyre 29.03.06, og er framleis gjeldande i Jondal kommune. Planframlegg Årsand hyttefelt.
Utsnitt frå godkjent reg.plan for Hesvik hyttegrend. Planframlegget består av: Plankart Føresegner Planomtale ROS-analyse Skredfarevurdering Virkning på naturmiljøet. Når det gjeld framlegg til planføresegner må dei vurderast opp mot føresegnene til kommuneplanen for Jondal, vedteken 19.12.2012 og Hesvik hyttegrend som «heng saman med» Årsand hyttefelt. Føresegnene til kommuneplanen for Jondal, vedteken 19.12.2012 har fylgjande bestemmingar om fritidsbustader: 1.02.04 Utforming byggjeområder. Pbl. 11-9 nr. 5. 1.02.04.01 Fritidsbustader. Fritidsbustader skal førast opp som frittliggjande bygg i ein etasje. Det kan ikkje førast opp meir enn eit bygg på tomta. Det er ikkje tillete med inngjerding av fritidsbustad. I området Naust5 skal bygningar førast opp bak strandsone/svaberg med kun eit båtopptrekk frå sjøen til bygningane. 1.02.04.02 Gesims-/mønehøgd. Største gesims- og mønehøgd og maks. kotehøgd møne skal fastsetjast i reguleringsplan. 1.02.04.03 Byggjegrense. Byggjegrense mot veg og automatisk freda kulturminner skal fastsetjast i reguleringsplan. 1.02.04.04 Grad av utnytting.
BYA inntil 190 m2 inkl 36 m2 parkering. Det skal etablerast 2 parkeringsplassar på eiga tomt eller felles parkeringsplass. Frå planføresegnene for Hesvik hyttegrend: 2.1 Bebyggelse og anlegg (pbl 12-5 nr. 1) 2.1.1 1121 Fritidsbusetnad frittliggjande. 2.1.1.1 Bygningar. Omfattar områda FF1-FF11. I områda kan det på kvar tomt førast opp frittliggjande fritidsbustad i ein etasje. Det kan ikkje førast opp andre bygningar på tomta. 2.1.1.2 Plassering av bygningar. Viste symbol for bygningar på reguleringsplankart med møneretning og avkøyrsler er retningslinjer for plassering på tomtene. 2.1.1.3 Parkering. Det skal opparbeidast parkering til minst 2 bilar på kvar tomt. Tomter som ikkje ligg langs køyreveg (FF4) skal ha tinglyst rett til parkering på felles parkeringsplass langs KV-1 profil 265-300 ogtinglyst rett til gangsamband over 45/11 fram til tomtegrense via regulert turveg frå enden av KV-3. Gjesteparkering for planområdet på parkeringsplass Veg C ved fylkesvegen i gjeldande plan. 2.1.1.4 Bebygd areal. BYA er inkl. 2 parkeringsplassar pr. tomt til saman 36 m2 med unnatak for parkering til FF4 som er på felles parkeringsplass og skal ikkje medreknast i BYA. I FF1-FF3 er BYA = 156 m2, i FF4 er BYA =90 m2, i FF5 er BYA = 156 m2, i FF6 tomt 37-39 er BYA = 156 m2, i FF6 tomt 40 er BYA = 126 m2, i FF7 og FF8 er BYA = 126 m2, i FF9 og FF10 er BYA = 156 m2, i FF11 er BYA = 126 m2. Konstruksjonar som stikk meir enn 0,5 m over terrenget sitt gjennomsnittsnivå rundt konstruksjonen/ bygningsdelen skal medreknast i bebygd areal. 2.1.1.5 Bygning utforming. Bygningar skal ha saltak eller pulttak og førast opp på søyler eller grunnmur slik at dei i størst mogeleg grad fylgjer terrengforma. Møneretning skal fylgja terreng. Maks mønehøgd over gjennomsnittleg planert terreng er 5,5 m. Maks gesimshøgd over gjennomsnittleg planert terreng er 4,0 m. I FF4, tomt 40 i FF6, FF8 og FF11 (tomt 2) skal bygning ikkje vera breiare enn 6,0 m, og det er ikkje tillete med utbygg. I FF6 tomt 37-39 og FF7 (tomt 26) skal bygning ikkje vera breiare enn 7,0 m, og det er ikkje tillete med utbygg. I FF1, FF2, FF3, FF5, FF9 og FF10 skal bygning ikkje vera breiare enn 7,0 m. Dersom bygning vert oppført med utbygg kan total breidd der utbygget er plassert ikkje overskrida 9,0 m. Utbygg kan ha breidd inntil 5,0 m. 2.1.1.6 Bygning fargar. Fargebruk skal vera jordfargar mellom brunt og grått. Utvendig kledning av tre eller naturstein. Taktekking med matt og mørk overflate i form av takstein, shingel, torv eller treverk. 2.1.1.7 Landskap/nærområde rundt bygningen. Det ikkje tillete med sprengning og masseflytting av stein og jordmassar på tomtene i så stor grad at terrenget på tomtene vil endra karakter. Synlege skjeringar som fylgje av sprengning bør ikkje førekoma. Skjæringar/fyllingar skal opparbeidast på ein naturleg måte mot eksisterande terreng ved hjelp av slake skråningar eller liknande tiltak. Forstøtningsmurar skal planleggjast saman med bygg, og bør ikkje vera høgare enn 1,0 m
over terreng. Det kan byggjast terrasse på inntil 40 m2 kring bygningen. Terrassar som vert liggjande meir enn 0,5 m over planert terreng sitt gjennomsnittsnivå rundt terrassekonstruksjonen skal reknast med i BYA. 2.1.1.8 Søknad om løyve. Søknad skal visa tilkomst m/høgder, parkering, plassering av bygning på tomt i horisontal og vertikalplan, uteareal, murar, planering, vegetasjon og leidningstrasear. Det er ikkje tillete med inngjerding av tomter. Kablar skal førast fram i kabelgrøfter. 2.1.2 1560 Øvrige kommunalekniske anlegg. Omfattar eksisterande samleplass for bosdunkar ved avkøyrsla frå fylkesvegen. Samleplassen skal nyttast av alle fritidsbustader i planområdet. Frå framlegg til føresegner for Årsand hyttefelt 3 BYGNINGAR OG ANLEGG 3.1 FELLES FØRESEGNER FOR BYGGEOMRÅDA 3.1.1 Endelig plassering av bygningar skal godkjennast av kommunen. 3.1.2 Takform blir avgjort ved byggemeldinga. 3.1.3 I samband med byggesøknad skal det sendast inn detaljert, høgdesett illustrasjonsplan i M=1:200/500. Illustrasjonsplanen skal visa disponering av uteareal med avkjørsler, parkering, terrenghandsaming, uteareal for opphald og leik og andre arealavgrensande tiltak. 3.1.4 Alle bygningar og anlegg i skal planleggjast og byggjast etter retningslinjer for tilgjengeleg bueining i TEK10., 12-2, så langt råd er. 3.2 FRITTLIGGJANDE FRITIDSBUSTADER 3.2.1 Innan området kan det byggjast totalt 13 fritidsbustader. For kvart delområde blir fordelinga om lag slik: BFF1: 8 einingar BFF2: 5 einingar 3.2.2 Maksimal utnyttingsgrad BYA = 30 %. Det kan byggjast maksimalt 2 høgder. Maks gesimshøgde er 3,0 m, målt frå gjennomsnittleg planert terreng. 3.2.3 På tomtene skal det vere plass til minst 1 biloppstellingsplass per fritidsbustad. 3.2.4 Inngjerding og tilplanting skal ikkje vera sjenerande for naboar eller ålmenn ferdsel. Ubygt areal skal gjevast ei tiltalande utforming. Når det gjeld fleire detaljar vert det vist til dokumenta i saka. Vurdering: Planframlegget er i samsvar med overordna arealplan og inneheld informasjon og opplysningar i samsvar med plan- og bygningslova. Utgreiingsplikta i høve naturmangfaldslova 8-12 er oppfylt. Det er utarbeidd ROS-analyse og skredfarevurdering. Jondal kommune har merknader til plankartet og planføresegnene, 3 Bygningar og anlegg. Dette gjeld tomtestorleik/tal tomter, parkering og utnyttingsgrad/utforming av bygningar. Ved rullering av kommuneplanen for Jondal vil føresegnene til planen også verte gjeldande
for denne tidlegare delen av Kvinnherad kommune. Planføresegnene for Hesvik hyttegrend er utforma i samsvar med føresegnene til kommuneplanen for Jondal kommune, vedtekne 19.12.2012. Det bør ikkje vere store skilnader mellom planføresegnene for Hesvik hyttegrend og Årsand hyttefelt. Planføresegnene for Årsand hyttefelt må endrast slik at dei er i samsvar med føresegnene til kommuneplanen. Vidare bør føresegnene i stor grad vere dei same som for Hesvik hyttegrend i den grad dei er relevante for Årsand hyttefelt. Planframlegget viser 13 tomter. Gjennomsnittleg tomtestorleik er om lag 700 m2. Deler av området er bratt, med høgdeskilnad på meir enn 10 meter for enkelttomter. Vi meiner kombinasjonen små tomter og bratt terreng vil gjera det vanskeleg å oppnå god terrengtilpassing og bevara deler av vegetasjonen. Tomtene bør difor vera 800-1000m2 som for Hesvik hyttegrend. Det er kome innspel og merknader til varsel om oppstart av planarbeid som planleggjar har kommentert og teke omsyn til i planframlegget, jf. planomtalen. Planframlegget kan leggjast ut til offentleg ettersyn og sendast på høyring når plankartet og planføresegnene er justert. Tilråding frå rådmann: 1. Plan- og driftsutvalet vedtek med heimel i PBL 12 11 at privat forslag til detaljregulering for del av gnr. 44, bnr. 1, hyttefelt Årsand, Jondal kommune, PlanID 12272016001, dagsett 04.11.2016 kan sendast til høyring og leggjast ut til offentleg ettersyn med fylgjande endringar: a. Føresegnene skal endrast og tilpassast føresegnene for Hesvik hyttegrend og kommuneplanen for Jondal vedteken 19.12.2012. b. Talet på tomter må reduserast frå 13 til om lag 10 ved at tomtene vert større og større del av vegetasjonen vert bevart i nord vest. Tilkomst, vegfyllingar og evt felles parkering skal gå fram av planen. 1. Utlegging av planframlegget skal kunngjerast i Hordaland folkeblad og kommunen si heimeside. Berørte partar og instansar skal varslast. Ragnvald Joakimsen/ass.rådmann 24.04.2017 Plan- og driftsutvalet Røysting: Tilrådinga frå rådmannen vart samrøystes vedteke. PDU- 032/17 Vedtak: 1. Plan- og driftsutvalet vedtek med heimel i PBL 12 11 at privat forslag til detaljregulering for del av gnr. 44, bnr. 1, hyttefelt Årsand, Jondal kommune, PlanID
12272016001, dagsett 04.11.2016 kan sendast til høyring og leggjast ut til offentleg ettersyn med fylgjande endringar: a. Føresegnene skal endrast og tilpassast føresegnene for Hesvik hyttegrend og kommuneplanen for Jondal vedteken 19.12.2012. b. Talet på tomter må reduserast frå 13 til om lag 10 ved at tomtene vert større og større del av vegetasjonen vert bevart i nord vest. Tilkomst, vegfyllingar og evt felles parkering skal gå fram av planen. 2. Utlegging av planframlegget skal kunngjerast i Hordaland folkeblad og kommunen si heimeside. Berørte partar og instansar skal varslast.