Sak nr D Vår dato: Vår referanse: 11.05.2017 2016/1970 50411656/2017 Vår saksbehandlar: Direkte telefonnr.: Dykkar dato: Dykkar referanse: Linda Djuvik 53423156 «REFDATO» «REF» «MOTTAKERNAVN» «ADRESSE» «POSTNR» «POSTSTED» SVAR PÅ SØKNAD OM OPPSTART AV REGULERINGSPLAN NAUSTOMRÅDE KLUBBEN 110/6 M.FL. ALVSVÅG PLANID 201617 Bømlo kommune, Utval for areal og samferdsel handsama søknad om oppstart av reguleringsplan for naustområde Klubben gnr. 110, bnr. 6 m.fl. på Alvsvåg i møte 03.05.2017 sak PS 37/17. Utval for areal og samferdsel gjorde samrøystes slikt vedtak: 1. I samsvar med 12 3 i Plan og bygningslova vil rådmannen rå til at gnr. 110, bnr. 6 m.fl. Alvsvåg i Bømlo vert teke opp til regulering til naustføremål med tilhøyrande småbåtanlegg, kai, felles båtopptrekk, tilkomst og parkering. Forslagsstillar skal melde oppstart av planarbeidet i samsvar med Plan og bygningslova 12 8. 2. Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS analyse i arealplanlegging i Bømlo kommune dato 06.02.2013 gjennomførast ein risiko og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. 3. Bømlo kommune set ikkje krav om konsekvensutgreiing av reguleringsplanen jf. 3 i forskrift om konsekvensutgreiing. 4. Den nordlegaste fyllinga i sjø må reduserast slik at den ligg innanfor føremål naust i kommuneplan og flytebrygger må ikkje leggjast på vestsida av fyllingane. Saksutgreiinga ligg ved. Faktura på gebyr vert sendt tiltakshavarane i eigen sending. Ber om at kopi av vedtak og saksutgreiing frå politisk møte vert sendt til alle høyringspartar i samband med oppstartsmelding. Med helsing Bømlo kommune Linda Djuvik Sakshandsamar arealplan Dette brevet er godkjent elektronisk og har derfor inga underskrift Adresse: Rådhuset, Leirdalen 1, 5430 BREMNES Telefon: 53 42 30 00 Organisasjonsnr.: 834 210 622 postmottak@bomlo.kommune.no Telefax: 53 42 30 01 Bankgiro: 3201.61.51687 www.bomlo.kommune.no Postgiro for skatt: 6345.06.12199
Side 2 av 5 Saksutgreiing til folkevalde organ Dato: Arkivref: 22.02.2017 2016/1970 4630/2017 / 504 Saksbehandlar: Linda Djuvik 53423156 linda.djuvik@bomlo.kommune.no Sak nr i møte Utval Møtedato 37/17 Utval for areal og samferdsel 03.05.2017 PRINSIPPSØKNAD FOR Å MELDE OPPSTART AV REGULERINGSPLAN NAUSTOMRÅDE KLUBBEN 110/6 M.FL. ALVSVÅG PLANID 201617 Rådmannen sitt framlegg til vedtak: 1. I samsvar med 12 3 i Plan og bygningslova vil rådmannen rå til at gnr. 110, bnr. 6 m.fl. Alvsvåg i Bømlo vert teke opp til regulering til naustføremål med tilhøyrande småbåtanlegg, kai, felles båtopptrekk, tilkomst og parkering. Forslagsstillar skal melde oppstart av planarbeidet i samsvar med Plan og bygningslova 12 8. 2. Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS analyse i arealplanlegging i Bømlo kommune dato 06.02.2013 gjennomførast ein risiko og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. 3. Bømlo kommune set ikkje krav om konsekvensutgreiing av reguleringsplanen jf. 3 i forskrift om konsekvensutgreiing. 4. Den nordlegaste fyllinga i sjø må reduserast slik at den ligg innanfor føremål naust i kommuneplan og flytebrygger må ikkje leggjast på vestsida av fyllingane. Saksprotokoll i Utval for areal og samferdsel 03.05.2017 Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå Multiconsult AS v/sarah F. Eggereide dato 21.02.2017
Side 3 av 5 Bakgrunn for saka: I brevet av 21.02.2017 står det: Multiconsult vil med dette på vegne av grunneigarane Are Alvsvåg, Martha Alfsvåg, Per Alfsvåg, Helge Alfsvåg, Per Rasmussen og Bernhard Espevold søka om prinsippgodkjenning for oppstart av detaljregulering etter PBL 12 3, for naust på Klubben, Alvsvåg, gnr. 110 bnr. 6 med fleire. Prosjektet vil verta utarbeidd i samarbeid med arkitektfirmaet JK. Arkitektur AS. Planområdet er lokalisert på Alvsvåg, sør for Svartland i Bømlo kommune. Grunneigarane ønsker å legga til rette for naustområde, inkludert småbåtanlegg, kai, felles båtopptrekk, tilkomst og parkering. Det førebelse planområdet omfattar heile eller deler av eigedomane gnr./bnr. 110/6, 53, 54, 76, 161, 162, 196, 238, 246, 267, 268 og 300. Det føreligg ingen konkrete planar om utbygging på eigedomane 110/54, 110/196 og 110/246, men Bømlo kommune har stilt krav om at desse eigedomane skal inkluderast i planen, og at det skal opnast for at det kan settast opp eit naust på kvar av desse eigedomane. Områda der det er planlagd utbygging er i all hovudsak i tråd med overordna plan, og ligg som naustføremål i kommuneplanen. Sjøområda er regulert som bruk og vern av sjø og vassdrag med tilhøyrande strandsone. Det ligg ei eksisterande utfylling i tilknyting til gnr/bnr 110/161 og 110/162. Denne vart etablert i 2009, i samband med utsprenging og planering på vestsida av sundet. Utfyllinga ligg dels utanfor område sett av til naustområde i kommuneplanen. Det er likevel planlagd å plassera naust på denne utfyllinga. Nord for eksisterande utfylling er det og planlagd nokre naust dels utanfor naustområdet i kommuneplanen (sjå vedlagt illustrasjon). Ei slik løysing vil gi mindre terrenginngrep, i og med at ein ikkje vil ha behov for like store skjeringar i bakkant av nausta. Eigedomen gnr./bnr. 110/268 er regulert til LNF område i kommuneplanen. Ein ønsker å etablera gangbar tilkomst ut til denne holmen og etablera eit naust her. Det er planlagd å bygga ut området med om lag 20 naust. Det vil bli etablert ny tilkomstveg til nausta på gnr./bnr. 110/161 og 110/162, og det skal leggast til rette for ny felles parkeringsplass. For nokre naust vil parkering bli dekka på tilstøytande bustadtomt. Det vil bli lagt til rette for opne område mellom nausta, slik at tilkomst til strandsona for allmenta vert ivareteke. Dei førebelse planane for området er skissert i vedlagte illustrasjon. Dette er ei skisse i tidleg fase i prosjektet, og det vil kunna koma endringar både i tal på naust og plassering av bygg, parkeringsplassar og infrastruktur. Planavgrensinga som er vedlagt er førebels, og vil kunne bli justert til oppstartsmeldinga. Den er sett såpass romsleg på grunn av at ikkje alle detaljane er fastlagd, mellom anna knytt til endeleg plassering av parkeringsplassar til nausta. Det er gjennomført oppstartsmøte med Bømlo kommune 13. januar 2017. Planarbeidet er vurdert i høve til konsekvensforskrifta, og ein ser ikkje at det er behov for planprogram og konsekvensutgreiing då planen er i tråd med gjeldande kommuneplan. Sjølv om det ikkje er krav om konsekvensutgreiing vil relevante fagtema verta skildra i planomtalen. Planarbeidet skal mellom anna sjå nærare på konsekvensar for samferdsle/vegnett, strandsone, friluftsliv, landskap, naturmangfald og fiskeri/akvakultur. Vurderingar: Det omsøkte området er på gnr. 110, bnr. 6,53,54,76,161,162,196,238,246,267,268 og 300 Alvsvåg. Søknaden gjeld løyve til oppstart av detaljreguleringsplan for å regulere området til ca. 20 stk nye naust. I planområdet tek ein også med eksisterande naust, flytebrygger og tilkomstvegar opp til kommunal veg, Alvsvågvegen. Området er ikkje regulert tidlegare. Planområdet er ca. 22 daa.
Side 4 av 5 Omsøkt areal grensar ikkje til eksisterande vedtekne planar. I gjeldande kommuneplan er området vist som eksisterande naust og bustadføremål. Tiltaket vil såleis vera i tråd med gjeldande kommuneplan men fråvik litt ved at planområdet er utvida to stadar i nord vest i høve til det som ligg som naustføremål i kommuneplan. Det er planlagt å plassere naust på desse fyllingane for å bevare mest mogleg av terreng og unngå store skjeringar i bakkant av nausta. Me har ingen merknader til dette bortsett frå at ein ikkje må stenge for båttrafikk/passasje i sundet og difor må unngå å leggje flytebrygger på vestsida av dette området. Ein lyt redusere den nordlegaste fyllinga slik at den ligg innanfor føremål naust i kommuneplan. Den sørlegaste fyllinga er eksisterande og er godkjent i løyve gitt i 2008. Sidan det er plass til meir enn 4 naust på eigedomane utløyser tiltaket krav til reguleringsplan jmf. føresegner til kommuneplan 3.1.3 «I eksisterande naustområde skal det utarbeidast detaljplan før utbygging av område der det er plass til meir enn 4 naust i rekkje». Området i sjø er vist som naust og bruk og vern av sjø og vassdrag med tilhøyrande strandsone. Eksisterande tilkomstvegar ligg i bustadføremål. Føresegner til kommuneplan 4.4.1 seier dette om flytebryggje: «Innafor føremålet sett av til naust kan det byggjast naust, landfast flytebryggje m/landgang, utliggar og kai. Naust og tilhøyrande kai kan ikkje byggjast lengre ut enn 3 m frå kystkonturen. Flytebryggja kjem i tillegg til dette og kan ha maks storleik på inntil 15m² og maks breidde 2,5m. Den skal ikkje hindre fri ferdsel». Føresegner til kommuneplan 3.3.4. seier dette om utforming og estetikk: «I nye naustområde skal det etablerast felles løysingar for småbåtanlegg. I eksisterande naustområde kan det opnast for enkeltbryggjer der det ikkje er rom for felles løysingar». Dette må takast omsyn til i planarbeidet. Omsøkt areal grensar ikkje til vedtekne planar. Ca. 120 meter nord aust for planområdet ligg gjeldande reguleringsplan for bustad/kontor Alvsvåg 110/16 m.fl. planid 201412 vedteken 08.02.2016. Planen skal utarbeidast som detaljregulering jmf. 12 3 i plan og bygningslova. Etter vår vurdering utløyser ikkje detaljreguleringsplanen krav om konsekvensutgreiing etter forskrift om konsekvensutgreiing 3, vedlegg III bokstav a q. Kommunen har vurdert denne planen til å ikkje ha vesentleg verknad for miljø og samfunn. Her er ikkje registrert kulturminner, verdifulle naturtypar, viktig landbruksareal eller friluftslivsområde i planområde. Tiltakshavar må etter oppmoding frå kommunen ta med eigedomane 110/54,196 og 246. Dette er gjort med bakgrunn i ei planfagleg vurdering for å få klare føringar for område i sjø med tanke på grenser og avklaring i høve til behov for parkeringsareal, veg og ein total samla heilhet ved utbygging. Plangrensa er difor sett av kommunen. Arbeid og tiltak i eksisterande bustadområde som ligg utanfor 25 metersbeltet langs strandsona er ikkje lov nærare enn 25 meter frå sjø. Dette må takast omsyn til i planarbeidet.
Side 5 av 5 Føresegner til kommuneplan skal følgjast i planarbeidet. Rådmannen rår til at det vert gjeve løyve til oppstart av detaljreguleringsplan for dette området på Alvsvåg som omsøkt. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige viltområder i planområdet. Det er registrert viktig naturtype, verdi B, bløtbunnsområder i strandsona ID 58132 Langøya. Beredskap og samfunnstryggleik: Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS analyse i arealplanlegging i Bømlo kommune dato 06.02.2013 gjennomførast ein risiko og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. Folkehelse: Vert omtala i reguleringsplan Oppsummering og konklusjon: I kommuneplan for Bømlo er det sett av eit område til naust på Alvsvåg. No har Multiconsult AS v/sarah F. Eggereide på vegne av grunneigarane i området søkt om løyve til å starta opp arbeidet med detaljreguleringsplan for området. Sidan området er avsett til naustføremål i kommuneplan er det ikkje trong for konsekvensutgreiing av reguleringsplan. Rådmannen finn å tilrå oppstart av arbeidet med detaljreguleringsplan for dette området.