Arkiv: Saksmappe: Sakshandsamar: Dato: L12 2006/2308 Aslaug Aalen 11.06.2010 Utvalssak nr. Utval Møtedato 189/10 Plan- og miljøutvalet 18.08.2010 207/10 Plan- og miljøutvalet 25.08.2010 85/10 Kommunestyret 16.09.2010 Endring av reguleringsplan for Mongstad industriområde, nordre del Andre gongs handsaming Saksdokument vedlagt: Plankart, 24.06.10 Føresegner, 24.06.10 Saksdokument ikkje vedlagt: Rapport frå marinarkeologiske registreringar, 18.03.10 Høyringsuttalar Planskildring, 05.02.10 Saksutgreiing: Saka går til innstilling i plan- og miljøutvalet. Saka skal avgjerast endeleg i kommunestyret. Saka vert handsama som ein vesentleg reguleringsendring etter gammal plan- og bygningslov. Reguleringsplanen har vore til offentleg ettersyn og plan- og miljøutvalet skal ta stilling til om planen kan vedtakast. Det er kommunestyret som gjer endeleg vedtak (eigengodkjenning) av reguleringsplanar. Framlegg til endring av reguleringsplan for Mongstad industriområde, nordre del (plan-id 1263-23012006), vart handsama første gong av plan- og miljøutvalet 13.05.09 (sak 132/09), og låg ute til offentleg ettersyn i perioden 24.06-01.09.09. Det har komme inn i alt 6 uttalar til planframlegget. Hordaland fylkeskommune/bergen sjøfartsmuseum sette krav om marinarkeologiske undersøkingar. Desse er no utført og planen er klar for andre gongs handsaming. --------------------------------------------------------------------------------------------------------------- Vesentleg reguleringsendring - reguleringsplan for industriområde Mongstad, nordre del Første gongs handsaming Saksdokument vedlagt: Reguleringsplan, sist revidert 23.04.09 Føresegner, 12.03.09 Planskildring, 05.02.09 Gjeldande plankart, 12.07.06, nedkopiert Saksdokument ikkje vedlagt: Innspel til oppstartsmeldinga
Saksutgreiing: Plan- og miljøutvalet skal ta stilling til om framlegget til endring av privat reguleringsplan kan leggjast ut til offentleg ettersyn. Lindås kommune mottok planforslag for vesentleg endring av reguleringsplan for Mongstad industriområde, nordre del 11.02.09. Mottakskontroll vart utført 24.02.09 og mangelbrev utsendt. Fullstendig planframlegg vart motteke 13.03.09 og justert plankart motteke 23.04.09. Forslagstillar er StatoilHydro Mongstad AS, plankonsulent er ABO Plan og arkitektur AS. Bakgrunnen for endringa er revidering av intern arealplan for StatoilHydro sitt område. Gjeldande reguleringsplan for Mongstad industriområde, nordre del vart vedteken 22.06.06. Planområdet omfattar raffineriet og tilliggande anlegg. Kommunedelplan for industriområdet Mongstad vedteken i 1999, har verknad for austre del av planområdet, medan det er arealdelen til kommuneplanen som gjeld i det vestlege området. Arbeid med å lage ein heilskapleg kommunedelplan for nordre del av Lindås kommune er starta opp. Planprogrammet for dette arbeidet er på høyring til 1.6.09. Endringane i reguleringsplanen går i hovudsak ut på følgjande: - Planområdet vert utvida mot nordaust. - Parkbelte P3 vert endra til industri/kontor - Felles veg ( sambindingsvegen ) vert gjort om til privat veg innanfor planområdet. - Utfylling i sjø/nye kaiar på tre stader. - Føresegnene er endra: o det er ikkje lenger krav til utbyggingsplan o høgare utnytting i industri/kontor område, frå BYA=25% til BYA=40% o fareområde for høgspentline vert endra i samsvar med standard frå BKK. Det vart meldt oppstart for planarbeidet 05.06.08. Etter dette har StatoilHydro erverva eit nytt område i nordaust, som dei ønskte å inkludere i planen. På denne bakgrunnen vart det meldt ny oppstart med utvida plangrense 03.11.08. Nedanfor følgjer ei oppsummering av innkomne merknader til varsel om oppstart av planarbeid med forslagstillar sine kommentarar. 1. Fylkesmannen i Hordaland, Landbruksavdelinga, dat. 04.07.2008 2. Advokatfirmaet Harris, dat. 07.07.2008 3. Fylkesmannen i Hordaland, Miljøvernavdelinga, dat. 09.07.2008 4. Petroleumstilsynet, dat. 23.07.2008 5. Kystverket, dat. 29.07.2008 6. Bergen og omland Havnevesen, dat. 05.08.2008 7. Hordaland fylkeskommune, Kultur- og idrettsavdelinga, dat. 08.08.2008 8. Bergen Sjøfartsmuseum, Marinarkeologi, dat. 26.09.2008 og 13.10.2008 Fylkesmannen i Hordaland, Landbruksavdelinga, dat. 04.07.2008 Fylkesmannens landbruksavdeling syner til oppstartsmeldinga, og har ingen landbruksfaglege merknader til saka. Ingen kommentar Advokatfirmaet Harris, dat. 07.07.2008 Undertegnede er eier av gnr. 127 bnr. 31 i Lindås kommune, som er nærmeste øy til planområdet mot vest. Eg er således ikke direkte nabo ved at det er et sund mellom planområde og eiendommen gnr. 127 bnr. 31. På den annen side finner jeg det naturlig at jeg får tilsvarende varsel direkte brev, som øvrige naboer. Jeg ber om at dette sendes til min privatadresse; Skraneveien 6, 5252 Søreidgrend. Kommentaren tas til etterretning. Viser til e-postkorrespondanse i saken. Fylkesmannen i Hordaland, Miljøvernavdelinga, dat. 09.07.2007 Fylkesmannen har ingen merknader til varsla endringar, og avventar offentleg ettersyn av reguleringsplanframlegget. Ingen kommentar 2
Petroleumstilsynet, dat. 23.07.2008 Petroleumstilsynet har ingen merknader til planarbeidet. Ingen kommentar. Kystverket, dat. 29.07.2008 Vi kan ikke se at reguleringsendringen omfatter tiltak i sjø. Vi gjør allikevel oppmerksom på at aktuelle tiltak som kaier, flytebrygger, utfyllinger, sjøledninger m.m. krever tillatelse av havnemyndighetene i tillegg til behandling etter plan- og bygningsloven, jfr. Havne- og farvannsloven 18 annet ledd. Kystverket vest har elles ingen spesielle merknader til planarbeidet. Reguleringsendringa omfattar utfylling i sjø, og etablering av nye kaiar. Endringane vil gå fram av plankart ved utlegging til offentleg ettersyn og ein føreset at Kystverket vil avklare tiltaket i samband med offentleg ettersyn. Bergen og omland Havnevesen, dat. 05.08.2008 Planforslaget omfatter store sjøareal. Det fremkommer imidlertid ikke av brevet hvorvidt reguleringsendringene vil innebære endringer i planforslaget for sjøarealet. Vi minner derfor om at aktuelle tiltak som kaier, flytebrygger, utfyllinger, sjøledninger m.m. krever tillatelse fra havnemyndighetene, jf. Lov om havner og farvann av 8. Juni 1984 nr. 51 18, annet ledd. Det er ikkje tilstrekkelig at tiltaket er vist i planen. For øvrig har vi ikke merknader til reguleringsendringene. Merknaden vert teken til orientering. Søknadsplikta ved tiltak i sjø er teken med i føresegnene. Hordaland fylkeskommune, Kultur- og idrettsavdelinga, dat. 08.08.2008 Hordaland fylkeskommune, Seksjon for kulturminne og museum har ingen merknader på noverande stadium i planprosessen. Ingen kommentar. Stiftelsen Bergen Sjøfartsmuseum, Marinarkeologi, dat. 26.09.2008 Jeg har gått gjennom arkivene her på museet, og kan ikke finne at de nordre områdene som er planlagt utfylt, er undersøkt av oss. Både Jektholmen og Mongstadvågen er nevnt i eldre losbeskrivelser (1883) som fortøyningsteder, og begge er i umiddelbar nærhet til planlagt utfyllingsområde. Ved innløpet til Fensfjorden ligger Mongstad nær leden, hvorfra vi har en rekke forlis og marinarkeologiske funn. Det vil derfor være behov for registrering i det nordre utfyllingsområdet, noe Bergens Sjøfartsmuseum vil kreve når saken/reguleringsenlingen blir gitt oss for uttale. Kommentaren tas til etterretning. Konsekvensutgreiing Planfremjar har komme fram til at det ikkje er trong for konsekvensutgreiing (KU), då KU for tidlegare planarbeid vert lagt til grunn og at planen i hovudsak er i samsvar med overordna planar. Planen opnar ikkje for utbygging i nye område som ikkje alt er regulert. Vi viser elles til planskildringa for meir detaljert gjennomgang av planframlegget. Vurdering: Utviding av planområdet Eksisterande planområde er på 5454,3 da, og vert i planframlegget utvida til 5674,1 da. Utvidinga vert i nordaust mot sjøen. Dette området er i dag omfatta av reguleringsplan for Delar av Mongstad industriområde, sist vedteken 24.06.04, og er der sett av til hamneområde, industriområde og parkbelte. Nytt føremål vert industri og parkbelte. Kaiområdet vert nytta som privat hamn. Området grensar til offentleg kai som vert nytta av Bergen og omland Havnevesen. 3
Nytt område for industri/kontor Eksisterande P3 ligg i dag delvis inneklemt mellom industri- og kontorføremål, det er kurant at dette føremålet vert endra. Endring av status for del av veg 1, ( sambindingsvegen ) Vegen frå prosessanlegget til Mongstad base er dag felles for alle brukarane i området. I kommunedelplanen er det lagt opp til at denne på sikt skal erstattast av veg 4 som går litt lenger sør. I føresegnene til kommunedelplan 2b, står det at eksisterande gjennomgangsveg skal haldast oppe inntil ny veg er bygd. I framlegget til endra reguleringsplan er dette konkretisert gjennom rekkefølgjekrav i føresegnene 1.2. Finansiering av ny veg skal løysast gjennom utbyggingsavtale mellom kommunen og dei andre aktørane i området. I planframlegget er såleis veg 1 vist som privat innanfor planområdet, medan veg 4 er vist som felles veg. Utfylling i sjø/nye kaiar I kommunedelplanen er sjøområda sette av til hamneområde i sjø, og i gjeldande reguleringsplan er sjøområda regulerte til privat hamneområde. Utfylling i sjø på tre stader er difor kurant så lenge aktuelle sektormynde godkjenner tiltaka. Plankrav I gjeldande plan er det sett krav om utbyggingsplan før det kan gjerast tiltak i felt 1-3. Arealet I-3 er det industriområdet som ligg lengst aust i planen. Innanfor I3 er det planlagt storskala fangstanlegg for CO 2, gasskraftverk (BKK) og testanlegg for CO 2. Kommunen har i kontaktmøte med StatoilHydro tidlegare uttalt at det vil vere tilstrekkeleg med oversiktsplan/situasjonsplan i samband med søknad om rammeløyve eller løyve. Høgare utnytting i industri/kontor (I/K) Utnyttingsgraden er føreslått endra frå BYA=25% til BYA=40%. Byggjehøgda er som før på 25 m. Det er positivt at areala vert betre utnytta. Fareområde for høgspentline I føresegnene 3.1 er fareområde rundt kraftline sett til 10 m utanfor yttarste fase av kraftlina, i plankartet er det sett av eit belte på 30m, likt som i gjeldande plan. Dette skal vere i samsvar med standard frå BKK, og kommunen føreset at dette er kurant. Kulturminne Plassering av eit kulturminne (id 97670) har vorte avklart av Hordaland fylkeskommune. Det skal ikkje vere fleire uavklarte kulturminne på land i planområdet. Når det gjeld sjøareala er det stilt krav om undersøking av eit område nordvest i Mongstadvika, dersom området skal fyllast ut. Det er ikkje lagt opp til utfylling her i planframlegget. Risiko og sårbarhet Planfremjar slår fast at endringane i planframlegget ikkje vil føre til endra risiko. For vidare utbygging i I3 er det sett krav om støyanalyse og analyse for fastsetjing av sikringsfelt. For kommunen sin del, vil vi vise til arbeidet som pågår med kommunedelplan for Lindåsneset med Mongstad, der risiko og sårbarhet er eit sentralt tema. Rådmannen gjer slikt framlegg til vedtak: I samsvar med krava i plan- og bygningslova 27-1 nr 2 kan framlegg til endring av reguleringsplan for Mongstad industriområde, nordre del, dagsett 23.04.09, med føresegner dagsett 12.03.09, leggjast ut til offentleg ettersyn på følgjande vilkår: Føresegnene må gjennomgåande vere på nynorsk. Handsaming i Plan- og miljøutvalet - 13.05.2009 Rådmannen sitt framlegg vert samrøystes vedteke. Vedtak i Plan- og miljøutvalet - 13.05.2009 Rådmannen sitt framlegg er vedteke. Handsaming i Råd for menneske med nedsett funksjonsevne - 24.08.2009 Rådet har ingen merknader. Samrøystes. Uttale i Råd for menneske med nedsett funksjonsevne - 24.08.2009 Ingen merknader. 4
Handsaming i Eldrerådet - 25.08.2009 Eldrerådet har ingen merknader til saka. Samrøystes. Uttale i Eldrerådet - 25.08.2009 Eldrerådet har ingen merknader til saka. Handsaming i Levekårsutvalet - 25.08.2009 Ingen merknader Samrøystes. Uttale i Levekårsutvalet - 25.08.2009 Ingen merknader Gebyr Kode C.2.3. Basisgebyr 2009 C.2.3.b Basisgebyr, middels tung sak Vesentlege endringar utan protest 18000 --------------------------------------------------------------------------------------------------------------------- Andre gongs handsaming Det har komme inn 6 brev i høyringa. Hordaland fylkeskommune, kultur- og idrettsavdelinga Har hatt synfaring i planområdet og fått nøyaktig kartfesta ein steinalderbuplass, staden er i dag utsprengd og utplanert, og dei har difor ikkje merknader. Bergen Sjøfartsmuseum krev marinarkeologiske undersøkingar. Dei marinarkeologske undersøkingane vart utført i mars 2010. Det vart ikkje gjort funn av viktige marine kulturminne, men det vart registrert ei båtstø og eit opptrekk kring Dyrøy som er lagt inn i kulturminnedatabasen Askeladden. BKK Nett AS ingen merknader Bergen og omland havnevesen Havnevesenet viser til sin uttale til planprogrammet for kommunedelplanen for Lindåsneset med Mongstad, der det går fram at Fensfjorden er hovudlei for skipstrafikk og at det ikkje må planleggjast tiltak som kan komme i konflikt med denne. Dei viser også til den offentleg eigde kaien som ligg lenger sør på Mongstad, og planane om storhamn. Det er gjort nokre endringar i kartet med omsyn til utfylling i sjø. Ettersom sjøområdet frå før er regulert til privat hamn, er det ikkje konflikt med leia. Viser elles til søknadsplikta ved tiltak i sjø i føresegnene. Kystverket ingen merknader Fiskeridirektoratet - ingen merknader Statens vegvesen ingen merknader Etter høyringa har tiltakshavar endra planen på eit par punkt. Veg 4 er justert i samband med tilrettelegging for BKK NETT AS sin transformatorstasjon. Det er lagt inn eit 5
spesialområde for bevaring etter kulturminneregistreringa, dette området ligg i Austrheim. Føresegnene er oppdatert i høve desse endringane. Eigedomsgrensene er i det siste endra i grensa til planområdet mot Mongstad næringspark (Mongstad vekst-området). Eit lite område som burde vore innanfor planområdet til tilgrensande reguleringsplan for Mongstad næringspark er regulert i denne planen. Kartet bør endrast her slik at plangrensa er hensiktsmessig i høve eigedomsgrensene. Dette kan enkelt gjerast ved at kommunen sender over oppdatert grunnlagskart. Oppdatert kart må oversendast kommunen i SOSI-format. Lindås kommune har parallelt arbeidd med kommunedelplan for Lindåsneset med Mongstad. Det er ikkje moment i denne planen som har vesentleg verknad for reguleringsplanen, men når det gjeld fareområde har det vore behov for ei avklaring. Fareområde Statoil Mongstad er omfatta av Storulykkeforskrifta og har sikingssone i sjø. Dette vert i planen omtala som restriksjonsområde. I føresegn 1.4 går det fram at aktivitet og tiltak ikkje skal vere i strid med forskrifta. Heile planområdet for reguleringsplanen ligg innanfor denne grensa, og dette er no markert i plankartet. I området kan det ikkje etablerast plassar der mange menneske oppheld seg. Det skal vere tilstrekkeleg merking om at til dømes open eld og camping er forbode. Ei anna avgrensing for fare er det som har vorte kalla sikringsfelt, dette er no omtala i planen som Eldsfarleg opplag og andre innretningar som kan vere farleg for allmennheita, jf føresegnene 1.3 og 3.2. For kvart utbyggingstiltak innanfor denne sona skal det gjennomførast ei eksplosjons- og risikoanalyse. Plankrav Det var tidlegare krav om bebyggelsesplan før utbygging av I-3. Dette er no endra, slik at det ikkje vert sett krav om utarbeiding av plan etter plan- og bygningslova, men krav om oversiktsplan som skal innehalde støyanalyse og analysar for fastsetjing av sikringsfelt. Ordet plankrav i overskrifta er difor misvisande og er endra til utgreiingskrav. Vurdering: Det har ikkje komme inn vesentlege merknader i høyringa. Kravet om marinarkeologiske undersøkingar førte til at vidare handsaming av planen måtte setjast på vent til undersøkingane var utført. Lindås kommune har parallelt arbeidd med kommunedelplan for Lindåsneset med Mongstad. Det har vore behov for å få ei tydlegare merking av grense for storulykke og sikringssone i sjø i reguleringsplanen, samt fareområde knytt til eldsfarleg opplag. Planen er endra når det gjeld terminologi på dette punktet, og framstår no som meir tydeleg. Konklusjon Reguleringsplanen er ikkje endra på vesentlege punkt etter høyringa. Administrasjonen rår til at planen vert vedteken slik den no ligg føre. Kartet må rettast opp slik at planavgrensinga følgjer eigedomsgrensene. Rådmannen gjer slikt framlegg til vedtak: Med heimel i plan- og bygningslova 27-2.1, vert privat reguleringsplan for Mongstad industriområde, nordre del, med plankart sist revidert 24.06.10 og føresegner sist revidert 6
24.06.10 vedteken. Kartet på rettast opp i høve oppdaterte eigedomsgrenser, og sendast over til kommunen i SOSI-format. Handsaming i Plan- og miljøutvalet - 18.08.2010 Saka vert utsett til ekstramøte 25.08.2010 Vedtak i Plan- og miljøutvalet - 18.08.2010 Saka vert utsett til ekstramøte 25.08.2010 Handsaming i Plan- og miljøutvalet - 25.08.2010 Rådmannen sitt framlegg vart samrøystes vedteke. Innstilling i Plan- og miljøutvalet - 25.08.2010 Rådmannen sitt framlegg er vedteke. Handsaming i Kommunestyret - 16.09.2010 Innstillinga i plan og miljøutvalet vert samrøystes vedteke. Vedtak i Kommunestyret - 16.09.2010 Med heimel i plan- og bygningslova 27-2.1, vert privat reguleringsplan for Mongstad industriområde, nordre del, med plankart sist revidert 24.06.10 og føresegner sist revidert 24.06.10 vedteken. Kartet på rettast opp i høve oppdaterte eigedomsgrenser, og sendast over til kommunen i SOSI-format. 7
8