AURLAND KOMMUNE Sakspapir Saksnr. Utval Møtedato 033/16 Plan og utvikling 09.06.2016 Arkivsaknr.: Arkiv Sakshandsamar Dato 15/1044-16/4366 K2 - L12, K3 - &17, K3 - &21, GBNR - 9/2 Jan Olav Åsarmoen Møller 959 84 656 30.05.2016 Reguleringsendring for Vangsgaarden - utlegging til offentleg ettersyn Kort samandrag Saka gjeld 1. gongs handsaming av framlegg til reguleringsendring(detaljregulering) for Vangsgaarden. Planen femnar om gnr 9, bnr 2, 20 og 43 på Aurlandsvangen. Planframlegget er utarbeidd av Aurland Naturverkstad AS på vegne av Vangsgaarden AS. Føremålet med planarbeidet er å leggja til rette for fleire utleigeeiningar ved sjøkanten, samt å sjå på framtidig utvikling av bygningsmassen på Vangsgaarden. Planframlegget legg opp til tre nye rorbuer/utleigeeiningar, oppføring av balkongar på utleigeeiningane, tilpassingar på eksisterande stabbur, samt ei justering av byggegrenser med moglegheit for utviding av hovudbygget. Rådmannen si tilråding: Plan og utvikling legg med heimel i 12-10 i plan- og bygningslova reguleringsendring(detaljregulering) for Vangsgaarden, gnr 9 bnr 2, 20 og 43 ut til offentleg ettersyn. 09.06.2016 Plan og utvikling PUT-033/16 Vedtak: Rådmannen si tilråding: Plan og utvikling legg med heimel i 12-10 i plan- og bygningslova reguleringsendring(detaljregulering) for Vangsgaarden, gnr 9 bnr 2, 20 og 43 ut til offentleg ettersyn. Samrøystes 1
Vedlegg: Planomtale med føresegner Plankart ROS-analyse Aktuelle lover, forskrifter, avtalar m.m. Plan- og bygningslova 12-10 Naturmangfaldlova Reguleringsplan for Aurlandsvangen Reguleringsplan/endring for Skinnarviki Tjøresva. Saksopplysningar Utval for Plan og utvikling gjorde i møte 25.01.2016, sak 006/16, vedtak om at privat reguleringsendring(detaljregulering) for Vangsgaarden kunne starte opp. Planen femnar om gnr 9, bnr 2, 20 og 43 på Aurlandsvangen. Bakgrunnen for planarbeidet er ønskje om å leggja til rette for fleire utleigeeiningar ved sjøkanten, samt å sjå på framtidig utvikling av bygningsmassen på Vangsgaarden. Planframlegget legg opp til tre nye rorbuer/utleigeeiningar, oppføring av balkongar på utleigeeiningane, tilpassingar på eksisterande stabbur, samt ei justering av byggegrenser med moglegheit for utviding av hovudbygget. Vangsgaarden ligg sentralt på Aurlandsvangen og har gamal bygningsmasse, hagar og historie som strekkjer seg tilbake til 1700 talet. Alle bygg på eigedommen, med unntak av rorbuene, er registrerte som SEFRAK bygg. Vidare har eigedommane fått eit vern gjennom eksisterande reguleringsplanar. Det er sett av areal for bygningar og anlegg næring/tenesteyting, samt areal for veg, torg, parkeringsplassar og friluftsområde. Det er regulert to omsynssoner. Den eine omsynssona dekkar områda BKB1 og BKB2 med «bevaring kulturmiljø». Den andre omsynssona dekkar arealet der rorbuene/utleigeeiningane ligg med «faresone radon». Omsyna til universell utforming, kulturminne/kulturmiljø/kulturlandskap og natur er gjort greie for i omtalen. For nærare gjennomgang av planframlegget, vert det synt til vedlagt plan med tilhøyrande planføresegner, planomtale og ROS-analyse. Planarbeidet er vurdert i høve oppfangingskriteria i forskrifta i forskrift om konsekvensutgreiingar. I samband med oppstart vart det konkludert med at planarbeidet ikkje vart fanga opp av virkeområdet til forskrita om konsekvensutgreiingar. Økonomiske konsekvensar Ikkje vurdert. Vurdering Til varsel om oppstart av planarbeidet mottok regulant fire merknadar. Nedanfor er merknadane oppsummert med regulant/forslagstillar sine kommentarar. For nærare gjennomgang av merknadane vert det synt til dokumenta i sin heilheit. Desse kan ein få ved å ta kontakt med politisk sekretær/arkiv. NVE har ikkje merknadar til saka. 2
Siver Wangen Varehuset Brødrene Wangen (VBW), brev datert 28.02.2016 - For Varehuset Brødrene Wangen er det viktig at det vert teke omsyn til at Vangsgården AS har nok tilgjengelege parkeringsplasser ved ei utbyggjing. - VBW har planar om å nytte tomta på kaien og kjem til å trenge dei parkeringsplassane som Vangsgården har brukt til sine gjester i mange år. Kommentar: Parkeringsareal for utleigeeiningane vil bli løyst innanfor gnr/bnr: 9/2 og 9/43. Sogn og Fjordane Fylkeskommune kulturavdelinga, brev datert 01.03.2016 - Det nye planområdet er i hovudsak lagt til reguleringsplan for Aurlandsvangen, og til eit område som er regulert til Spesialområde Vern av bygningar og anlegg. Område her har på den måten fått eit juridisk bindande vern gjennom plan og bygningslova og status som regionalt verneverig kulturmiljø. I nord grensar planområdet til reguleringsplan for Skinnarviki Tjøresva. Tilgrensande området er her regulert til Spesialområde Verneverdige bygningar, F1 ogf2. I dette området ligg den vedtaksfreda bygningen «Abelheim». Like aust for reguleringsområdet ligg Vangen kyrkje og kyrkjegard. Vangen kyrkje er mellomalderkyrkje frå 1200 talet og automatisk freda. Mot Aurlandsfjorden grensar planområdet til verdsarvområdet Vestnorsk fjordlandskap delområde Nærøyfjorden. Det nye planområdet utgjer på den måten ein del av eit større samla kulturmiljø med kulturminne av høg nasjonal og regional verdi. - Ved varsla planarbeid, er det konkludert med at planarbeidet ikkje utløyser krav om konsekvensutgreiing (KU) eller planprogram. I eit område med så store miljø og samfunnsverdiar, er det vanskeleg å sjå at det ikkje er trong for å gjere ei vurdering av kva som vert konsekvensen av dei planlagde endringane sett i forhold til gjeldande reguleringsplanen. Dette må og vurderast ut i frå at deler av føremålet med detaljreguleringa er noko vagt utforma som; å sjå på andre tiltak som sikrar ein heilskapleg utvikling av heile Vangsgaarden. - Aurland kommune har gjennom reguleringsarbeidet for Aurlandsvangen og Skinnarviki - Tjøresva, lagt langsiktige føringar for korleis Vangskyrkja og ein del av det særprega bygningsmiljøet rundt kyrkja skal takast vare på. For området er det i dag detaljerte reguleringsføresegner. Regulering til Spesialområde Vern av bygningar og anlegg, medfører eit endrings eller rivingsforbod og samtidig eit forbod mot nye bygg dersom ikkje anna går fram av planen. Det er av den grunn vanskeleg å sjå at Aurland kommune kan godkjenne ei detaljregulering i dette område utan å få klargjort konsekvensane av endringane gjennom ein KU. Vi vil her nemne at grøntarealet nede ved fjorden er ein del av Spesialområdet, medan sjølve hyttene ligg utanfor. - Lengst nordvest i planområdet ligg naustet til Vangsgaarden Gjestegiveri. Både naustet og fjøra er gjennom reguleringsplan for Skinnarviki Tjøresva, regulert til Spesialområde Verneverdige bygningar. Gjennom den varsla detaljreguleringa må det ikkje leggjast opp til nye tiltak i dette området. Vi kan ikkje tilrå at det vert gjort endringar på det som er av naturleg fjøre innan for område regulert til Spesialområde. - Saka har vore til vurdering ved Bergens Sjøfartsmuseum. Sjøfartsmuseet kjenner ikkje til kulturminne ved Vangsgaarden i Aurland kommune som kan bli direkte råka av reguleringa. Museet har derfor ingen merknader til reguleringa. Det er likevel mogleg at det ligg kulturminne i det aktuelle området. Bergens Sjøfartsmuseum gjer derfor merksam på at tiltakshavar på visse vilkår har pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. - Sogn og Fjordane Fylkeskommune har i dag ikkje kunnskap om automatisk freda kulturminne i tiltaksområdet. Vi har såleis ikkje avgjerande merknader til planen når det gjeld omsynet til automatisk freda kulturminne. Vi ser likevel ikkje bort i frå at det kan ligge automatisk freda kulturminne i området. Tiltakshavar har plikt til å vise varsemd og til å straks melde frå til Sogn og Fjordane fylkeskommune ved Kulturavdelinga dersom ein under arbeidet skulle støyte på automatisk freda kulturminne, jfr 8, 2. ledd i Lov om kulturminne. 3
Automatisk freda kulturminne kan i denne samanheng vere konsentrasjonar av trekol i under grunnen eller i groper, steinsettingar eller samling av stein, samt våpen, reiskap og liknande i metall eller stein. - Den varsla detaljreguleringa, utgjer ein liten del av eit større samanhengande planområde. I dette området er det kulturminne og kulturmiljø av nasjonal og høg regional verdi. Området er i dag regulert til Spesialområde Vern av bygningar og anlegg. Ut i frå ei kulturminnefagleg vurdering, vil Sogn og Fjordane fylkeskommune tilrå at den varsla detaljreguleringa vert lagt til sides inntil det er aktuelt med ein større planrevisjon for heile Aurlandsvangen. - Dersom det likevel er aksept for å gå vidare med ei detaljreguleringsplan, vil vi tilrå at planområdet vert sterkt avgrensa til området rundt rorburekkja nede ved fjorden. Vi kan ikkje tilrå at reguleringsføresegnene for spesialområdet vert endra. Dersom grensene for den varsla detaljreguleringa ikkje vert justert, er det vanskeleg å ta stilling til kva som er meint med utrykket; heilskapleg utvikling for heile Vangsgaarden, og i tilfelle korleis dette vil påverke dei kulturhistoriske verdiane i område. Vi kan av den grunn ikkje sjå bort i frå at motsegn til den ferdige planen vert vurdert etterkant av at omfanget av detaljreguleringa vert kjent. Kommentar: Planområdet ligg i eit miljø av høg verdi, både med tanke på bygg og uteområde. Illustrasjonar i plandokumentet synar dei grepa som er tenkt, og legg til grunn at dei ikkje forringar desse viktige verdiane i stor grad. Grøntarealet nede ved fjorden (og bygningane ved nedstagatao) er registrert som «gode døme på bonde emperistilen, og har viktige miljøkvalitetar for staden» (jfr. Førre reguleringsplan). Aksa ned frå gata til fjorden vil forsvinne, men den har i begrensa grad vore eksisterande, etter utbygging av einingane nede ved fjorden. Grepet med utviding av utleigeeiningar mot nord har blitt vurdert som det grepet som rammar dei verdiane som finnast, i minst grad. Det er ikkje noko planar om ein større heilskapleg planrevisjon for Vangen og derfor var tiltakshavar og kommune samde om at ein reguleringsendring var den beste løysinga, for å sikra tiltakshavar sine rammer for utbygging, best mogleg. Planen er tenkt som eit verktøy for best mogleg utvikling av Vangsgaarden med omgjevnader. Den vil gje betre forutsigbarheit både for tiltakshavar, kommune og andre instansar. Fylkesmannen i Sogn og Fjordane, brev datert 01.03.2016 For utfyllande merknadar knytt til aktuelle fagtema (jf. under), viser vi derfor til skrivet Fylkesmannen sine merknader til oppstart av reguleringsarbeid som de òg finn under Plan og bygg < Arealforvaltning. Merknadane i skrivet er å sjå på som ein del av fråsegna vår til oppstartvarslet. Kopi av dette skrivet ligg ved. Natur og miljø: Ut frå dei spesielle tilhøva i planområdet, meiner vi at ei utviding med to tre rorbuer kan aksepterast. Ved utforming av reguleringsplanen ser vi det likevel som viktig å at det vert lagt stor vekt på god detaljplanlegging/ styring av utbygginga. Det bør leggjast vekt på å finne løysingar som minimerer utfyllingane i strandkanten og sjøen til det som er høgst nødvendig, og om å legge vekt på god/ordna avslutning av eventuelle nye fyllingskantar. Så langt som råd bør ein i størst mogleg grad unngå å fylle utover i sjøen sidan grunner i sjø generelt er viktige for biologisk produksjon og mangfald, og ofte fungerer som beiteområde for fisk og fugl. For å minimere inngrepa bør det vurderast om ikkje utbygginga bør avgrensast til maksimum to nye rorbuer. Samfunnstryggleik og beredskap: Vi viser til merknadene om samfunnstryggleik og beredskap i det vedlagde skrivet. Kommentar: Det er tatt høgde for å byggja ut på eksisterande mur langs sjøen. Balkongar vil krage ut, og forankrast i muren, sjå figur 9. under punkt 6.2. utbygginga vil legge til rette for tre einingar, kor den lengst nord, i enden, vil vere mindre, for å tilpassa seg eksisterande mur og gje ein meir dempa avslutting på rekka med einingar. Innhaldet i planen og vesentlege verknadar av planframlegget er omtalt i planomtalen. Planomtalen gjer greie for dagens situasjon, innhaldet i planen og vesentlege verknadar av planframlegget. 4
I og med at området har fått status som kulturminne og kulturmiljø av nasjonal og høg regional verdi. vert uttale og tilrådingar frå kulturminnemyndigheit tungtvegande. Området er i dag regulert til Spesialområde Vern av bygningar og anlegg. Eit viktig vurderingstema er om omsyna til kulturmiljø og kulturminne vert råka av planframlegget. Planframlegget har regulert inn omsynssone bevaring kulturmiljø. Vidare er det vidareført naudsynte føresegner som skal ivareta at verdien av bygningsmiljøet, ved tiltak, ikkje skal bli råka. Det er likvel gjeve opning for nokre tilpassingar. Den viktigaste endringa i planen, i høve kulturminneinteressene, er justeringa av byggjegrensene. Justeringa vil medføre at Vangsgaarden får dei naudsynte opningar i planen til å kunne utvide si bedrift. Ved ei utviding vil det då vera viktig at tiltaket vert tilpassa eksisterande bygningsmasse på ein god måte. Etter rådmannen sitt syn ivaretek føresegnene dette, samt at det er fastsett at kulturminnemyndigheit skal høyrast ved tiltak. Etter rådmannen sitt syn er det ikkje gjort endringar i plan som gjer det naudsynt å ta ei ny vurdering på om planarbeidet fell innanfor virkeområda i forskrifta om konsekvensutgreiingar. Når det gjeld merknad i høve at det burde vore laga ein større plan for Aurlandsvangen, ligg ikkje dette inne dei neste 4 åra i kommuneplanen sin handlingsdel med økonomiplan. Naturmangfaldlova: Naturmangfaldslova femnar om all natur og alle sektorar som forvaltar natur eller som fattar vedtak som kan ha konsekvensar for natur. Gjennom lova er det, bl.a. innført forvaltningsmål for naturtypar og artar, krav til kunnskapsgrunnlag og rettslege prinsipp for natur (føre-var, samla belasting m.m.). Formålsparagrafen ( 1) i lova har slik ordlyd: «Lovens formål er at naturen med dens biologiske, landskapsmessige og geologiske mangfold og økologiske prosesser tas vare på ved berekraftig bruk og vern, også slik at den gir grunnlag for menneskenes virksomhet, kultur, helse og trivsel, nå og i fremtiden, også som grunnlag for samisk kultur.» Det går av 8 første leidd i naturmangfaldslova fram at vedtak som rører naturmangfaldet skal bygge på vitskapleg kunnskap om artar sin bestandssituasjon, naturtypar si utbreiing og økologisk tilstand samt effekten av påverknad. Kunnskapsgrunnlaget bygger i hovudsak på informasjon som er tilgjengeleg i nasjonale databasar, opplysningar frå Aurland kommune og uttaler til varsel om oppstart av planarbeidet. Området er tidlegare omdisponert og teke i bruk til utbygging. Det er ikkje kome fram informasjon om at det er naudsynt å gjere tilleggsvurderingar/registreringar gjennom dette planarbeidet. Det har ikkje kome fram informasjon som inneber at det bør innarbeidast avbøtande tiltak for å unngå mogleg skade på naturmangfaldet, jf. 9 i naturmangfaldslova. Dette spørsmålet må også kommunen vurdere nærmare når uttale frå statlege/regionale styresmakter ligg føre. Det er ikkje avdekt omsyn gjennom planarbeidet som inneber at det bør stillast krav om miljøforsvarlege teknikkar og driftsmetodar etter 12 i naturmangfaldlova Konklusjon: Det er ikkje avdekt at planen reiser vesentlege utfordringar. Dette vil ein kunne vurdera nærare når uttale til høyringsframlegget ligg føre. Rådmannen tilrår at planframlegget vert lagt ut til offentleg ettersyn. 5