Vinje kommune Rådmannen Arkiv saknr: 2014/1923 Løpenr.: 10293/2015 Arkivkode: 032 Utval Møtedato Utval Saksnr Formannskapet Kommunestyret Sakshandsamar: Jan Myrekrok Kommunereformen - oppfølgjing Vedlegg: 1 Mogleigheitsstudie med Agder-kommunar 2 Utkast til referat frå sonderingsmøte med Tokke kommune 22. mai 3 Nøkkeltal frå nykommune.no for Tokke/Vinje 4 Nøkkeltal frå nykommune.no for Tokke/Vinje/Fyresdal 5 Referat frå møte mellom Tinn og Vinje kommunar - Skinnarbu 29. mai 2015 Dokument i saka: Tidlegare utgreiingar og vedtak. Bakgrunn: Kommunane Tokke, Seljord, Fyresdal, Nissedal, Kviteseid og Vinje gjennomførte hausten 2014 eit forstudie om kommunereform i regi av Vest-Telemarkrådet. Forstudiet konkluderte med at tilråding om å gjennomføre eit forprosjekt for å greie ut 2 alternativ: - Ein kommune i Vest-Telemark - Oppretthalde alle kommunane, men med ei forplikting om meir interkommunalt samarbeid Forstudien har vore til politisk handsaming i dei respektive kommunane der det er fatta fylgjande vedtak: Vedtak i Seljord kommunestyre 29. januar 2015 "Med utgangspunkt i forstudie i regi av Vest-Telemarkrådet fattar kommunestyre vedtak om å tinge eit forprosjekt som omfattar ein kommune i Vest-Telemark. Dersom færre enn seks kommunar vel å delta i forprosjektet, skal saka attende til ny handsaming i kommunestyre."
Vedtak i Kviteseid kommunestyre 4. februar 2015 "Med utgangspunkt i forstudie i regi av Vest-Telemarkrådet ønskjer Kviteseid kommune å tinge eit forprosjekt som omfattar to alternativ: o Ein kommune i Vest-Telemark. o Oppretthalde alle kommunane, med ei forplikting om meir interkommunalt samarbeid. o Dersom færre enn seks kommunar vel å delta i forprosjektet, skal saka attende til ny handsaming i kommunestyra." Vedtak i Nissedal kommunestyre 4. februar 2015 "Med utgangspunkt i forstudie i regi av Vest-Telemarkrådet vedtek Nissedal kommune å tinge eit forprosjekt som omfattar to alternativ: o Ein kommune i Vest-Telemark o Oppretthalde alle kommunane, med ei forplikting om meir interkommunalt samarbeid Dersom færre enn seks kommunar vel å delta i forprosjektet, skal saka attende til kommunestyret for ny handsaming." Vedtak i Vinje kommunestyre 12. februar 2015: "1. Vinje kommune går ikkje inn på eit forprosjekt om ein Vest-Telemark kommune. 2. Vinje kommune avventar resultatet av moglegheitsstudiet med Agder-kommunane, og avgjerd om vidare prosess med nabokommunen Bykle, før ein tek stilling til vidare utgreiing av dette. 3. Vinje kommune inviterer formannskapet i kommunane Tokke og Tinn til drøftingar om det er interesse for samanslåing med Vinje kommune. 4. Kommunestyret opprettar eit mellombels utval som arbeidsgruppe for lokal oppfølging av kommunereforma. Gruppa blir sett saman av éin representant m/vara utpeika av dei politiske partia representert i kommunestyret i tillegg til ordføraren, samt éin hovudtillitsvalt og hovudverneombod. Rådmannen er sekretær for arbeidsgruppa." Vedtak i Tokke kommunestyre 24. februar 2015 "Med utgangspunkt i forstudie i regi av Vest-Telemarkrådet ynskjer Tokke kommune å delta i gjennomføring av eit forprosjekt som omfattar alternativ: o Ein kommune i Vest-Telemark o Oppretthalde alle kommunane, med ei forplikting om meir interkommunalt samarbeid Dersom færre enn seks kommunar vel å delta i forprosjektet, skal saka attende til ny handsaming i kommunestyret. Tokke kommune vil i tillegg invitere Vinje og Fyresdal til å delta i utgreiing av tre alternativ til: o Tokke Vinje o Tokke Vinje Fyresdal o Tokke-Fyresdal Utgifter til utgreiingane dekkast av Vest-Telemarkrådet." Vedtak i Fyresdal kommunestyret 26.februar 2015 "- Kommunestyret i Fyresdal ynskjer primært at samarbeidet i Vest-Telemark skal halde fram og utviklast slik at oppgåver kommunane har kan løysast i den einskilde kommune eller om det er føremålstenleg i eit regionalt samarbeid og/eller i samarbeid med andre regionar/kommunar. - Fyresdal kommune ynskjer å vere med i eit forprosjekt i regi av Vest-Telemarkrådet for å utrede ulike alternativ: a) Oppretthalde alle kommunane, med ei forplikting om meir interkommunalt samarbeid b) Ein stor kommune i Vest-Telemark av dei kommunane som er med i forprosjektet c) Samarbeid med Tokke og Fyresdal - Om forprosjektet kjem i gang, skal det avhaldast folkeavstemming før kommunestyret tek stilling til forprosjektet og evnt. samanslåing. Tidsplanen må justerast slik at folkeavstemming kan avhaldast i mai 2016. Fyresdal opprettar arbeidsgruppe med rådmannen som sekretær. Arbeidsgruppa skal ha fylgjande medlemer: Ordførar, Varaordførar, ein representant frå Senterpartiet, ein representant frå Bygdelista, Hovudtillitsvalt og Hovedverneombudet i kommunen. Arbeidsgruppa rapporterar direkte til kommunestyret." Vurdering: Status for kommunereformarbeidet i Vinje er at ein no har tidfesta møtet Tinn (29. mai) og gjennomført møtet med Tokke 22. mai. For den vidare prosessen i Vest-Telemark har ein i praksis observatørstatus inn til eventuelle nye vedtak er fatta. Vest-Telemark meir forpliktande interkommunalt samarbeid
Som det går fram av dei politiske vedtaka, hadde korkje Seljord eller Vinje gjort vedtak om å utgreie eit meir forpliktande interkommunalt samarbeid som alternativ til kommunesamanslåing. Då saka vart drøfta i Vest-Telemarkrådet den 17. mars, vart ordførarane i Seljord og Vinje utfordra på å be kommunestyra i dei to kommunane om å endre sine vedtak, slik at utgreiing av ei forplikting om meir interkommunalt samarbeid med eksisterande kommunestruktur også vart godkjent i vedtaks form. Rådmannen ser det som formålstenleg at ein utgreier dette nærare, ettersom dette er ei vidareutvikling av dagens praksis, og vil gje meir informasjon om konsekvensane ved å stå aleine. «Langfjella» Forstudiet med dei fire Agder-kommunane Bykle, Valle, Bygland og Sirdal, den såkalla «Langfjella» kommune, ligg også føre. Studien syner at det er mogleg med ein slik konstellasjon av kommunar (Alternativ 1), og den kan jamvel ha føremoner innan område som landbruk, villrein- og verneområde, kraftressursar og tilrettelegging for å vidareutvikle reiselivsnæringa og ikkje-stadbundne tenester. Utfordringar er knytt til reiseavstand, topografi, spreidd busetnad og å hente ut synergiar i tradisjonell tenesteproduksjon. Dette kommunealternativet breier seg også over tre fylker, og to moglege regionalternativ(agder og BTV) dersom vi får ein regionreform, samstundes som kommunane vender seg i ulike retning når det kjem til interkommunalt samarbeid. Rapporten peiker likevel på fleire område der dei involverte kommunane har felles interesser, og der ein har eit potensiale for auka samarbeid. Rådmannen meiner at rapportens alternativ 2 er den mest realistiske tilnærminga for auka samhandling med desse Agder-kommunane, men tek eit lite atterhald for Bykle der avstandsulempene er minst (54km frå Haukeligrend til kommunesenteret). Deltaking i forprosjekt Kommunereforma i Vest-Telemark er delt inn i tre hovudfasar: Forstudie med utgreiing av faktagrunnlag Forprosjekt med konkrete forhandlingar om ein mogeleg ny kommune Hovudprosjekt med etablering av ny kommune (i dei høve der forprosjektet gjev grunnlag for dette) I forprosjekta i Vest-Telemark er det Telemarkforsking som har vunne anbodskonkurransen og skal stå for gjennomføringa. Det er oppretta ein blogg der regionrådsleiaren vil informere om arbeidet, sjå http://kommunereformen.blogspot.no/ Skissa under syner ønskt framdrift i prosjektet:
M1: Oppstart prosjektarbeidet M2: Styringsgruppemøte M3: Mediestrategi, innbyggar-involvering og informasjonsarbeid M4: Utgreiingsarbeid M5: Vegval for samanslåing eller vidareutvikling av samarbeidet M6: Intensjonsavtaler M7: Innbyggarhøyring/folkerøysting M8: Kommunale vedtak Rådmannen syner til vedlagde førebelse referat frå møte med representantar for Tokke kommune 22. mai. Drøftingane la grunnlaget for at Vinje kommune kan ta stilling til deltaking i forprosjekt med Tokke, som allereie har tilsvarande vedtak med Vinje. Vidare oppmoda ordføraren i Tokke om at Vinje kommune også deltek i forprosjekt, der konstellasjonen Tokke/Vinje/Fyresdal vert utgreia. Tokkeordføraren meinte å kjenne til at det var ei positiv haldning til dette også i Fyresdal. Dersom kommunestyret går inn på eitt eller fleire forprosjekt vil samstundes forhandlingar mellom dei aktuelle kommunane starte opp. Ein viktig del av forprosjektet er etablering av intensjonsavtale og innbyggjarinvolvering gjennom ein felles kommunikasjonsstrategi. Intensjonsavtala bør fastsetje mål for samanslåinga og sei noko om fordeling og lokalisering av oppgåver og tenester, samt korleis ressursane kan nyttast best mogeleg. Intensjonsavtala skal på denne måten gje informasjon som dannar grunnlaget for dialog og innbyggjarhøyring, og dermed også grunnlag for å kunne ta stilling til etablering av ny kommune. I den samanheng må det setjast ned forhandlingsutval med fullmakt frå kommunestyre til å forhandle på vegne av kommunen. Forhandlingutvalet bør få delegert fullmakt frå kommunestyret til å fatte naudsynte vedtak som sikrar framdrift i forprosjekta, samt forhandle fram utkast til intensjonsavtale mellom dei aktuelle kommunane. Intensjonsavtala skal endeleg vedtakast i kommunestyret. Tokke med fleire har valt forhandlingsutval beståande av ordførar, varaordførar og representant frå opposisjonen, samt varamedlem frå opposisjonen. Rådmannens framlegg til vedtak: 1. Vinje kommune deltek i eit forprosjekt som vurderer konsekvensane av å oppretthalde dagens kommunestruktur, med eit meir forpliktande samarbeid mellom dei seks kommunane i Vest-Telemark. 2. Vinje kommune legg til grunn Langfjella-rapportens alternativ 2 for vidare dialog med dei deltakande Agder-kommunane, men vil undersøke med Bykle om det er grunnlag for eit meir omfattande samarbeid. 3. Vinje kommune deltek i forprosjekt med Tokke kommune. 4. Arbeidsgruppa for kommunereformen får fullmakt til å avklare om det grunnlag for å delta i eit forprosjekt med Fyresdal. 5. Forhandlingsutvalet i Vinje vert:,, og varamedlem 6. Forhandlingsutvalet får fullmakt til å fatte vedtak som gjeld forprosjekt og som sikrar framdrift av dette, samt forhandle fram utkast til intensjonsavtale mellom dei aktuelle kommunane. Forhandlingsutvalet skal halde kommunestyret fortløpande orientert om dei vedtak som blir fatta, og ha jamleg kontakt med arbeidsgruppa.
Hovudtillitsvalde og hovudverneombod skal også involverast gjennom deltaking i referansegrupper. Rådmannen, 24.05.15 Jan Myrekrok, rådmann /s/