Vågsøy kommune Sakspapir SAKSGANG Styre, råd, utval m.m. Planutvalg Kommunestyre Endeleg vedtak i: Kommunestyre Møtedato 05.09.2013 26.09.2013 Arkivsaknr.: 13/1232 Saksnummer 055/13 Saksansvarleg: Janne Midtbø Mehuken 3 vindkraftverk i Vågsøy kommune - Høyring av søknad om utskifting av turbinar Rådmannen si innstilling Vågsøy kommune er positiv til søknad om utskifting av turbinar som omsøkt i konsesjonssøknad. Innspel til Norges vassdrags- og energidirektorat (nve) si handsaming av konsesjonssøknaden går fram av saksutgreiinga og er i det vesentlege knytt til 3 hovudpunkt: 1. Istandsetting og bruk av frigjort friluftsområde, eksisterande veg og kranoppstillingsplassar 2. Fundament til vindturbinar som skal fjernast 3. Utviding av veg og tre eksisterande kranoppstillingsplassar Aktuelle lover, forskrifter og plandokument Energiloven Bakgrunn for saka Vågsøy kommune mottok 21. august 2013 vedlagte konsesjonssøknad: Mehuken 3 vindkraftverk utskifting av turbiner, til forenkla høyring frå NVE. Søknaden er også sendt fylkeskommunen, Fylkesmannen, Luftfartstilsynet og Forsvarsbygg. Frist for merknader er sett til 04.10.2013. Kommunestyret vil med denne saka gje eit innspel til NVE si handsaming av konsesjonssøknaden. Saksopplysningar / fakta Samandraget av søknaden skildrar utskiftinga som det blir søkt konsesjon for som i hovudsak uproblematisk, men nemner at «..noen hundre meter av interne veier utvides med 1-1,5 meter og tre kranoppstillingsplasser utvides med ca 0,7 dekar. Samlet sett vil utskiftingen medføre svært lite nye arealinngrep og kun innenfor dagens vindparkområde», at «Utskifting av fem mindre med tre større turbiner vil bare i ubetydelig grad påvirke den samledevindparkens synlighet», samt at «Utvidelse av tre kranoppstillingsplasser (3,9 dekar) og bygging av tre nye turbiner vil medføre noe beslag av kystlynghei».
I vedtaket av Reguleringsplan for Mehuken II vindkraftverk datert 17.04.09 med tilhøyrande føresegner datert 17.04.09, vedtok kommunestyret også styringsdokumenta Miljø-, transport- og anleggsplan for Mehuken II vindkraftverk datert 17.04.09 og Designmanual for landskapsbehandling og terrengutforming for Mehuken II vindkraftverk datert 17.04.09. Dei to styringsdokumenta er i etterkant også vedtekne av NVE jfr. kopi til Vågsøy kommune av brev frå NVE til Kvalheim Kraft AS, datert 5. juni 2009. Rådmannen viser til desse dokumenta og føreslår følgjande innspel til den forenkla høyringa: 1. Frigjort friluftsområde vegkropp og kranoppstillingsplassar: Utskiftinga vil føre til at det tidlegare friluftsområdet oppe på Mehuken, ved enden av den interne vegen og med utsikt over Kråkenesbygda og Stadhavet (markert med raud sirkel på kartutsnitt nedanfor), no vert frigjort. Under punkt 4.2 i søknaden står det følgjande om dette: Veg frå vindturbin 3.3: Vågsøy kommune er samde i at vegane kan vere uendra, men ønskjer at tiltakshavar fortsetter å vedlikehalde vegane som ein del av det interne vegnettet og slik at det gjev enkel tilkomst til utkikksområdet også i framtida. Kranoppstillingsplassar: Dei to oppstillingsplassane som ikkje skal nyttast vidare ønskjer Vågsøy kommune ulik handsaming av. Den neste siste på internvegen (nummer 1,4 på utsnittet ovanfor) bør tilbakeførast til tilnærma opprinneleg stand, ved hjelp av fysisk tilpassing til terrenget rundt og påfylling av stadeigne masser, i forkant av naturleg tilgroing. Vi rår til at dette vert gjort i samsvar med vedtekne
styringsdokument Miljø-, transport- og anleggsplan for Mehuken II vindkraftverk og Designmanual for landskapsbehandling og terrengutforming for Mehuken II vindkraftverk. På den siste oppstillingsplassen på internvegen (nummer 1,5 på utsnittet ovanfor) bør tiltakshavar gå i dialog med grunneigarane med siktemål om å etablere eit estetisk og landskapsmessig godt tilpassa byggverk som gjev ly mot vêr og vind for turgåarar. Det må vere universelt tilpassa og opne for ei god oppleving av den storslåtte utsikta derifrå. 2. Fundament til vindturbinar som skal fjernast Under punkt 4.2 i søknaden står det følgjande om dette: For begge oppstillingsplassane ønskjer Vågsøy kommune at det skal stillast krav til at øvre del av fundamentet vert fjerna, ned til hovudfundamentet som ligg 0,9 meter under terreng. Teikning av eksisterande betongfundament. 3. Utviding av veg og tre eksisterande kranoppstillingsplassar: Vi tilrår at utviding av veg og kranoppstillingsplassar vert gjort i samsvar med vedtekne styringsdokument Miljø-, transport- og anleggsplan for Mehuken II vindkraftverk og Designmanual for landskapsbehandling og terrengutforming for Mehuken II vindkraftverk. Vurdering / konsekvensar Rådmannen er positiv til søknad om utskifting av turbinar som omsøkt i konsesjonssøknad og rår til at vedtak med saksutgreiing vert sendt som eit innspel til Norges vassdrags- og energidirektorat (NVE) si handsaming av konsesjonssøknaden. Vedlegg: Dok.nr 120204 120205 Tittel på vedlegg Mehuken 3 vindkraftverk i Vågsøy kommune - Forenklet høring av søknad - Frist 04.10.2013 Konsesjonssøknad