Vinje kommune Økonomi, plan og utvikling Arkiv saknr: 2014/224 Løpenr.: 2943/2014 Arkivkode: 99/4/99/6 Utval Møtedato Utval Saksnr Plan- og miljøutvalet 05.03.2014 14/19 Sakshandsamar: Lotte Næss Framlegg til detaljregulering for Listøyl Vest 99/4 og 99/6-1. gongs handsaming Vedlegg: 1 Plankart 2 Plandokument med føresegner 3 Innspel frå Halvor Vinje og Ivar Kåsa til kdp Vågslid 4 Utsnitt av framlegg til kommunedelplan Vågslid 5 Foto 6 Prinsippsnitt hyttetomter i Veg 2 tverrprofil 40 & 70 7 Veg 1 horisontalplan 8 Veg 1 lengdeprofil 9 Veg 1 tverrprofil 10 Veg 2 horisontalplan 11 Veg 2 lengdeprofil 12 veg 2 tverrprofil 13 Skiløype horisontalplan 14 Skiløype lengdeprofil 15 Skiløype tverrprofil 16 VA-skisse Dokument i saka: Kommunedelplan Vågslid 200 Framlegg til kommunedelplan Vågslid, Halvor Vinje og Ivar Kåsa Innspel til rullering av kommunedelplan Vågslid Vinje kommune 23.01.14, referat frå oppstartsmøte 23.01.14 Plankontoret Halvard Homme 28.01.14, varsel om oppstart av planarbeid Innspel til planarbeidet
Telemark fylkeskommune 14.02.14 Statens vegvesen 17.02.14 NVE 18.02.14 Renovest 21.01.14 Fylkesmannen i Telemark 12.02.14 Listøyl hyttevelforening v/ Hans Faye 13.04.14 Anders Rundhaug 03.02.14 Rolf Roverud 04.02.14 Oddvar Flatebø v/roar Gundegjerde 16.02.14 Sissel og Hans-Petter Hynne 18.02.14 Audun Brandtzæg 20.02.14 Plankontoret Halvard Homme 21.02.14, framlegg til detaljregulering for Listøyl Vest, plankart, planomtale, profilar skiløype, VA-skisse. Bakgrunn: Halvor Vinje og Ivar Kåsa ynskjer å få regulert hyttetomter for sal i skråninga mellom Listøyl og Tyrvelid i tråd med innspel til rullering av kommunedelplan Vågslid. Innspelet vart teken inn i framlegg til kommunedelplan, på vilkår av at det samstundes vert regulert skiløype frå skisenteret til der skiløypa starter i Listøylvegen. Når den skiløypa vert opparbeidd, vert det samanhangande skiløype frå skisenteret til Botn. Oppstartsmøte var 23.01.14. Det vart varsla oppstart av planarbeid 28.01.14, med frist for innspel 18.02.14. Det er kome inn 11 innspel frå offentlege intansar, Listøyl hyttevelforening og hytteeigarar. Innspela er referert og kommentert i plandokumentet. Framlegg til detaljregulering viser 40 nye hyttetomter og skiløypetrasè som nemnd, sjå vedlegg. 18 av hyttetomtene får tilkomst gjennom Tyrvelidfeltet og 22 gjennom Listøyl Fjellhyttegrend. Planområdet går over to eigedomar 99/4 (Halvor Vinje) og 99/6 (Ingvild og Ivar Kåsa). Ein viser elles til planomtala. Vurdering: Tilhøvet til kommunedelplanen Planarbeidet er i strid med gjeldande kommunedelplan for Vågslid, der mykje av arealet er vist som LNF-område. Planadministrasjonen har rådd til at ein likevel kan starte op planarbeidet og gå vidare i planprosessen. Grunngjeving : - Framlegget er i tråd med framlegg til ny kommunedelplan Vågslid. - Det har ikkje kome inn merknader til det aktuelle tiltaket ved offentleg ettersyn av kommunedelplanen. - Vegvesenet har innspel om at planframlegget bør handsamast parallelt med eller i etterkant av kommunedelplanen, for å få ei god og brei vurdering av veg- og trafikktryggleik. Ein kan vere samd i at det kan vere ein fordel. Det er likevel slik at i dette tilfellet dreiar det seg om ei auke i tal hytter som er liten i høve til talet på hytter frå før. Ein tek atterhald om at det vidare i prosessen kjem inn nye moment i arbeidet med denne planen eller kommunedelplanen som talar for at ein at ei må vente med vidare handsaming.
Konsekvensutgreiing Til tross for at planarbeidet er i strid med gjeldande kommunedelplan, vil ein ikkje krevje planprogram og konsekvensutgreiing i medhald av 4-1, 4-2 og 12 3. Forskrift for konsekvensutgreiing 3 og vedlegg II seier at detaljreguleringar som inneber endringar av kommunedelplan skal vurderast etter kriteria i forskriftens 4. Ingen av dei kriteria som er nemnde her slår ut i dette tilfellet. I tillegg meinar administrasjonen at utgreiingsbehovet gjeld avgrensa tema. Aktuelle tema er nemnd i referat frå oppstartsmøte. Grad av utnytting mm Framlegg til ny kommunedelplan Vågslid seier - I føresegnenes 3.4.1 om grad av utnytting : Der tilhøva ligg til rette for det, kan hovudeining tillatast på inntil 130 m2 BYA, med maks mønehøgd på 6,0 meter og maks gesims på 4,5. Tilhøyrande anneks/ uthus kan tillatast på inntil 30 m2 BYA, med tilhøyrande anneks/ uthus på. Dette er ekskl parkering. - I føresegnens 3.4.2 om omfang og føringar - for byggeområde F4 (Listøyl) : Litt utvida areal, landskapsomsyn, høgder, byggjeskikk, vilkår om å sette av areal til skiløype i skråninga i vest mot F3. Framlegg til føresegner for Listøyl Vest som ligg føre seier 120 + 40 m2 BYA, totalt 160 m2 inkl. parkering. Planadministrasjonen meinar dette er lagleg utnyttingsgrad i dei lågare partia, dvs LV 13 14, LV 24 25, LV 27 38. Tomt 26 er sers lita, og bør ha lågare grad av utnytting, sjå nedanfor. LV 22 23 er store tomter som kan ha føresegner som det er gjort framlegg om. I den bratte skråninga er tomtene mindre. Her bør grad av utnytting vere lågare, for å dempe verknaden av utbygginga. Totalt 130 m2 BYA på tomta inkl parkering, med maks hovudbygg på 100 m2, og maks anneks/garasje på 30 m2 vil vere tilsvarande føresegnene for dei nedre delane av planen for Listøyl Fjellhyttegrend (Eivindbu-området) der det er bratt og tomtene er små. Med ei slik grad av utnytting vil % BYA ligge på 18 25 % avhengig av storleik på tomta. Framlegg til føresegner for Listøyl Vest som ligg føre seier 6,8 m mønehøgde frå topp grunnmur og maks gavlbreidde 7,5 m. I gjeldande plan for Listøyl Fjellhyttegrend seier føresegnene 6, 3 6,8 m frå ferdig planert terreng. I Listøyl Vest er det lagleg å måle mønehøgde frå topp grunnmur pga terrenget. Då bør ein redusere til 6,3 m. LV23 bør ha auka byggegrense mot vest og nord som trekker bygningane bakover på tomta. Andre tema - Landskap er kort gjort greie for i plandokumentet. Utbygginga vil krevje store terrenginngrep, og med det materialet som ligg føre er ein noko usikker på korleis det blir sjåandes ut. Ut over det har ein ingen kommentarar, bl.a. med bakgrunn i at rådmannen i samband med rullering av kommunedelplan Vågslid ikkje tilrådde å byggje ut den aktuelle skråninga. - Friluftsliv : Det er sers positivt at det blir etablert ein skiløype i området. Fylkesmannen har innspel om at nye hytter ikkje må redusere ålmentas tilgang til skiløypa, og at det vert knytt rekkjefylgjekrav til opparbeiding av løypa. Dette synes vere ivareteke i planframlegget.
- Renovest har innspel om at ein bør sjå på returpunkt i området. Rådmannen er samd i at det kan vere lagleg å vurdere temaet i samband med Tyrvelid-planen, men ein bør òg sjå på dette i kommunedelplan Vågslid. - Risiko- og sårbarhetsanalysa ser ut til å vere tilfredsstillande. - Vatn og avlaup : Før offentleg ettersyn må kapasiteten i eksisterande leidningsnett for drikkevatn, slokkevatn og avlaup vurderast, jfr pbl 27-1 og 27-2. Eit notat om dette må fylgje planframlegget. Fylkesmannen skriv i sitt innspel at dei ikkje vil rå til "nye tilknytningar til avlaupsnettet innan oppdimensjonert reinsanlegg er i drift." Rådmannen meinar det er forsvarleg å opne for dette, så lenge det dreier seg om 40 hytter, og kommunen arbeider med oppdimensjoneringa. - Det er varsla oppstart av forhandlingar om utbyggingsavtale. Administrasjonen og utbyggjar er nær ei semje om dette. Til offentleg ettersyn må det liggje føre eit snitt aust-vest gjennom dei fire tomterekkene i skråninga, lengde- og tverrprofilar for dei to vegane i skråninga og notat om vatn og avlaup, Rådmannens framlegg til vedtak: Framlegg til detaljregulering for Listøyl Vest 99/4 og 99/6 vert lagt ut til offentleg ettersyn i medhald av pbl 12 10 med utgreiingar i tråd med rådmannens vurdering og desse endringane : a) Totalt 130 m2 BYA på tomta inkl parkering, med maks hovudbygg på 100 m2, og maks anneks/garasje på 30 m2 på tomtene LV1 12 og LV 15-21 og LV26. b) Maks mønehøgde målt frå topp grunnmur 6,3 m. c) Auka byggegrense mot nord og vest på LV 23. Rådmannen, Hans Kristian Lehmann, rådmann /s/ Handsaming i Plan- og miljøutvalet 05.03.2014: Framlegget frå rådmannen blei samrøystes vedteke. Framlegg til detaljregulering for Listøyl Vest 99/4 og 99/6 vert lagt ut til offentleg ettersyn i medhald av pbl 12 10 med utgreiingar i tråd med rådmannens vurdering og desse endringane : d) Totalt 130 m2 BYA på tomta inkl parkering, med maks hovudbygg på 100 m2, og maks anneks/garasje på 30 m2 på tomtene LV1 12 og LV 15-21 og LV26. e) Maks mønehøgde målt frå topp grunnmur 6,3 m. f) Auka byggegrense mot nord og vest på LV 23.