TILSYNSRAPPORT Kommunen som barnehagemyndigheit Selje kommune 1
Innhald Samadrag... 3 1. Innleiing... 4 2. Om tilsynet med Selje kommune... 4 2.1 Fylkesmannen fører tilsyn med kommunen som barnehagemyndigheit... 4 2.2 Tema for tilsyn... 4 2.3 Om gjennomføringa av tilsynet... 4 2.4 Om tilsynsrapporten... 4 3. Kommunen sitt ansvar, barnehagelova 8... 5 3.1 Rettsleg krav... 5 3.2 Fylkesmannen si undersøking... 5 3.3 Fylkesmannen si vurdering... 6 3.4 Fylkesmannen sin konklusjon... 6 4. Kommunen som tilsynsmyndigheit, barnehagelova 16... 6 4.1 Rettsleg krav... 7 4.2 Fylkesmannen si undersøking... 7 4.3 Fylkesmannen si vurdering... 7 4.4 Fylkesmannen sin konklusjon... 7 5. Dispensasjon for pedagogisk bemanning 18... 7 5.1 Rettsleg krav... 7 5.2 Fylkesmannen si undersøking... 8 5.3 Fylkesmannen si vurdering... 8 5.4 Fylkesmannen sin konklusjon... 8 6. Frist for retting av lovbrot... 8 2
Samandrag Tema Det er gjennomført tilsyn med tema kommunen som barnehagemyndigheit, jf. barnehagelova 8. Hovudtema for tilsynet er kommunen som tilsynsmyndigheit, jf. barnehagelova 16 og kommunen si praktisering av dispensasjonar etter norm for pedagogisk bemanning, jf. barnehagelova 18. Formål med tilsynet Det overordna målet med tilsynet er å styrke kommunen si rolle som barnehagemyndigheit. Gjennom tilsynet ønskjer Fylkesmannen å setje søkelys på barnehagemyndigheita sitt ansvar for å sikre etterleving av krava i barnehagelova, både for kommunen som barnehagemyndigheit og for den enkelte barnehage. Gjennom kontroll med at kommunen følgjer opp ansvaret sitt på dette området, skal eventuell lovstridig praksis avdekkjast og rettast opp. Enkelte av kommunen sine oppgåver er særskilt regulerte i barnehagelova kap. IV Barnehagemyndigheita sine generelle oppgåver. Ansvaret inneber mellom anna tilsyn med barnehagane, jf. barnehagelova 16 og kommunen si praktisering av dispensasjonar etter norm for pedagogisk bemanning jf. barnehagelova 18. Gjennomføring Selje kommune har til saman fire barnehagar der alle er kommunale. Tilsynet er utført ved gjennomgang av innhenta dokumentasjon og intervju. Det er gjennomført intervju med ansvarleg på kommunenivå, og med styrarane i to barnehagar i Selje kommune. Avdekka lovbrot Selje kommune har ikkje utarbeida rutine for å lage vedtak om dispensasjon frå utdanningskravet, jf. barnehagelova 18. Status på rapporten og vegen vidare Etter forvaltningslova 16 fekk Selje kommune 28.05.2014 tilsendt førebels tilsynsrapport som inneheld varsel om pålegg. Kommune fekk høve til å uttale seg om førebelst tilsynsrapport med frist 16.06.2014. Fylkesmannen har 01.06.2014 motteke e-post frå Selje kommunen der dei godtek varsel om lovbrot. Etter sluttmøte med Selje kommune 25.06.14 har Fylkesmannen avtalt at det vert laga rutine og mal for vedtak om dispensasjon med frist 25.08.2014. 3
1. Innleiing Fylkesmannen har i perioden frå 14.02.2014 til dags dato gjennomført tilsyn med Selje kommune som barnehagemyndigheit. Denne tilsynsrapporten inneheld frist for retting av lovbrot som er avdekte under tilsynet. Fristen er 25.08.2014 Dersom lovbrota ikkje er retta innan fristen, vil Fylkesmannen i Sogn og Fjordane vedta pålegg om retting med heimel i kommunelova 60 d. 2. Om tilsynet med Selje kommune 2.1 Fylkesmannen fører tilsyn med kommunen som barnehagemyndigheit Fylkesmannen fører tilsyn med kommunen som barnehagemyndigheit, jf. barnehagelova 9 andre ledd. Fylkesmannen sitt tilsyn med kommunen som barnehagemyndigheit er tilsyn med dei lovpålagde oppgåvene til kommunen, jf. kommunelova 60 b. Fylkesmannen sitt tilsyn med kommunen som barnehagemyndigheit er utøving av myndigheit og skjer i samsvar med reglane i forvaltningsretten. Tilsynet skal vere prega av openheit, likebehandling og skal kunne etterprøvast og gjennomførast på ein effektiv måte. I dei tilfella der Fylkesmannen konkluderer med at eit rettsleg krav ikkje er oppfylt, vert dette sett på som lovbrot, uavhengig av om det er barnehagelova eller forskrift til barnehagelova som er brotne. 2.2 Tema for tilsyn Det er gjennomført tilsyn med tema kommunen som barnehagemyndigheit, jf. barnehagelova 8. Hovudpunkta i tilsynet er kommunen som tilsynsmyndigheit, jf. barnehagelova 16 og kommunen si praktisering av dispensasjonar etter norm for pedagogisk bemanning, jf. barnehagelova 18. 2.3 Om gjennomføringa av tilsynet Tilsyn med Selje kommune vart opna gjennom brev 14.02.2014. Kommunen er pålagd å leggje fram dokumentasjon for Fylkesmannen med heimel i kommunelova 60 c. Fylkesmannen sine vurderingar og konklusjonar er basert på skriftleg dokumentasjon og opplysningar frå intervju. Følgjande dokument inngår i dokumentasjonsgrunnlaget for tilsynet: organisasjonskart for kommunen delegasjonsreglement for kommunen 4
kommunen si årsmelding eller tilsvarande årsrapport for barnehageområdet kommunale planar som skildrar barnehageområdet verksemdsplan og/eller årsplan for barnehagane vedtekter for barnehagane kommunen sin plan for tilsyn oversikt over gjennomførte tilsyn tilsynsrapportar frå 2012 til dags dato rutine/prosedyre for gjennomførte tilsyn rutine/prosedyre for lukking av avvik/pålegg etter kommunen sitt tilsyn med barnehagane kopi av søknad og kommunen si handsaming av søknad om dispensasjon frå utdanningskravet til styrar/pedagogisk leiar (dei 3 siste) Det vart gjennomført tilsyn på staden 08.05.2014. Følgjande personar vart intervjua: styrar Nina Merdes Refsnes, Selje barnehage styrar Evy Henriette Hagen, Stadlandet oppvekstsenter avdeling barnehage kommunalsjef for oppvekst Bård Fløde 2.4 Om tilsynsrapporten Denne tilsynsrapporten inneheld frist for retting av ulovleg forhold avdekka under tilsyn, jf. kommunelova 60 d. Frist for retting er 25.08.2014. Dersom forholdet ikkje er retta innan den fastsette fristen, vil Fylkesmannen vedta pålegg om retting. Eit eventuelt pålegg om retting vil ha status som enkeltvedtak og kan klagast på etter reglane i forvaltningslova, jf. forvaltningslova kapittel VI. 3. Kommunen sitt ansvar, barnehagelova 8 3.1 Rettsleg krav Kommunen sitt ansvar, barnehagelova 8 «Kommunen er lokal barnehagemyndigheit. Kommunen skal gi rettleiing og sjå til at barnehagane vert drivne i samsvar med gjeldande regelverk.» Kommunen er lokal barnehagemyndigheit. Kommunen skal sikre eit heilskapleg barnehagetilbod med god kvalitet tilpassa lokale forhold og behov. Kommunen skal gje rettleiing og sjå til at barnehagane vert drivne i samsvar med gjeldande regelverk. Barnehagemyndigheita har eit overordna ansvar for å sikre at barna får eit godt og forsvarleg 5
barnehagetilbod, jf. barnehagelova 8 første ledd. Barnehagetilbodet må samsvare med lokale forhold og prioriteringar, samtidig som nasjonale føringar skal takast omsyn til, jf. barnehagelova 8 andre ledd. 3.2 Fylkesmannen si undersøking Fylkesmannen har undersøkt om det er samsvar mellom innlevert dokumentasjon og praksis i kommunen. Fylkesmannen har gjennomført intervju for å kontrollere om praksis er i tråd med kommunale planar og innsendt dokumentasjon. 3.3 Fylkesmannen si vurdering Fylkesmannen har vurdert om Selje kommune sikrar eit heilskapleg barnehagetilbod med god kvalitet tilpassa lokale forhold og behov. Fylkesmannen har vurdert om kommunen har ei aktiv rettleiing og rutine for å sjå til at barnehagane vert drivne i samsvar med gjeldande regleverk. Selje kommune har i fleire år arbeidd systematisk med «resultatleiing» som metode for å heve kvaliteten og auke kompetansen til dei tilsette i barnehagen. Kommunalsjef for oppvekst er aktiv deltakar i alle prosessane i metoden der alle tilsette arbeider med to fokusområde årleg. Lokale og nasjonale føringar i tillegg til kompetansehevingsbehov ligg til grunn for val av fokusområde. Kommunalsjef for oppvekst har rettleiing og fagleg oppfølging til kvart område. Framdrift og oppfølging er faste tema på styrarmøte som vert gjennomført kvar månad. Selje kommune gjennomfører årleg tilsyn med barnehagane der arbeidet med resultatleiing vert etterspurt og kontrollert. 3.4 Fylkesmannen sin konklusjon Selje kommune sikrar at barnehagane vert drivne i samsvar med krav i barnehagelova gjennom rettleiing, faste møte og tett samarbeid med barnehagane. 4. Kommunen som tilsynsmyndigheit, barnehagelova 16 4.1 Rettsleg krav, barnehagelova 16 «Kommunen fører tilsyn med verksemder etter denne lov. Kommunen kan gi pålegg om retting av uforsvarlege eller ulovlege forhold ved godkjente eller godkjenningspliktige verksemder. Dersom ein ikkje rettar seg etter fristen for retting, eller dersom forhold ikkje let seg rette, kan kommunen vedta tidsavgrensa eller varig stenging av verksemda.» Kommunen som barnehagemyndigheit fører tilsyn med kommunal og ikkje kommunal barnehage for å sikre at dei vert drivne etter gjeldande regelverk og har ei forsvarleg drift. Tilsyn etter barnehagelova omfattar alle krav stilte i lov og forskrifter. Tilsyn er ei sentral oppgåve som kommunen utfører kontinuerleg. Tilsynet omhandlar revisjonskontroll og rettleiing av barnehagesektoren. Kommunen som barnehagemyndigheit vurderer om 6
barnehagen vert driven etter barnehagelova og om barnehagetilbodet er forsvarleg. Kommunen kan gje pålegg om retting av uforsvarlege eller ulovlege forhold ved godkjende eller godkjenningspliktige verksemder, jf. barnehagelova 16, generelle merknader. 4.2 Fylkesmannen si undersøking Fylkesmannen har undersøkt om det er samsvar mellom innlevert dokumentasjon og praksis i kommunen. Fylkesmannen har gjennomført intervju for å kontrollere om praksis er i tråd med kommunale planar og innsendt dokumentasjon. 4.3 Fylkesmannen si vurdering Fylkesmannen har vurdert kommunen sin plan og praktisering av tilsyn med barnehagane. Selje kommunen har plan for å føre tilsyn med barnehagane. Ansvar for å føre tilsyn er delegert til kommunalsjef for oppvekst og vert gjennomført årleg. Selje kommune har eige spørjeskjema brukt i tilsynet som kontrollerer rammefaktorar ut frå krava i barnehagelova. I tillegg vert arbeidet med «resultatleiing» etterspurt og kontrollert. Kommunen lagar rapport etter gjennomført tilsyn som skildrar val av tema, gjennomføring, resultat og samla vurdering av at barnehagen vert driven etter krav i barnehagelova. 4.4 Fylkesmannen sin konklusjon Selje kommune gjennomfører tilsyn med barnehagane for å sikre at barehagane gir eit forsvarleg pedagogisk tilbod. Tilsynet vert dokumentert med eigen rapport som inneheld vurdering av rammefaktorar og det pedagogiske innhaldet i barnehagen. 5. Dispensasjon for pedagogisk bemanning 18 5.1 Rettsleg krav, barnehagelova 18 «Kommunen kan gi dispensasjon frå utdanningskravet i første ledd. Klage på vedtaket frå kommunen kan sendast Fylkesmannen.» Pedagogisk leiar må ha utdanning som barnehagelærar. Utdanningskravet er gitt for å sikre at personalet har nødvendig kompetanse til å drive barnehagen til beste for barn og foreldre, ut frå lovkrav og rammeplan. Kommunen som barnehagemyndigheit har ansvar for å gi dispensasjon frå utdanningskravet. Krav om utdanning er heimla i barnehagelova for å sikre at barnehagen har nødvendig kompetanse slik at barna får eit likeverdig pedagogisk tilbod med god kvalitet. Midlertidig dispensasjon frå utdanningskravet er berre aktuelt innafor ein kort periode på inntil eit år. Kommunen kan i vedtaket stille vilkår for å sikre at barnehagen rettleier den tilsette på dispensasjon. 7
5.2 Fylkesmannen si undersøking Fylkesmannen har ikkje motteke dokumentasjon som viser at Selje kommune har rutine for å lage vedtak om dispensasjon frå utdanningskravet. Fylkesmannen har sett av rapportering i Basil per 15.12.2013, at Stadlandet oppvekst har ein tilsett på dispensasjon. Fylkesmannen har gjennomført intervju for å kontrollere om kommunen praktiserer vedtak om dispensasjon. 5.3 Fylkesmannen si vurdering Fylkesmannen har vurdert om Selje kommune har rutine for å skrive vedtak om dispensasjon etter krav fastsett i barnehagelova. Fylkesmannen har gjennomført intervju for å stadfeste manglande dokumentasjon på vedtak om dispensasjon, jamfør rapportering i Basil. Selje kommune har i periodar vanskar med å rekruttere vikariat for pedagogar, og det vert tilsett utan vedtak om dispensasjon. 5.4 Fylkesmannen sin konklusjon Selje kommune har ikkje rutine for å lage vedtak om dispensasjon frå utdanningskravet, jf. barnehagelova 18. Korreksjonspunkt: Selje kommune: har rutine og lagar vedtak om dispensasjon for utdanningskravet vurderer om det i vedtaket skal stillast vilkår til barnehagen om at det vert gjennomført rettleiing og tett oppfølging av den som er på dispensasjon 6. Frist for retting av lovbrot Fylkesmannen har gjennom barnehagelova 8 konstatert lovbrot i 18. I denne rapporten får Selje kommune frist til å rette det ulovlege forholdet, jf. kommunelova 60 d. Frist for retting er 25.08.2014. Kommunen må innan denne datoen sende Fylkesmannen ei erklæring om at det ulovlege forholdet er retta, og ei utgreiing om korleis lovbrotet er retta. Dersom forholdet ikkje er retta innan den fastsette fristen, vil Fylkesmannen vedta pålegg om retting. Eit eventuelt pålegg om retting vil ha status som enkeltvedtak og kan klagast på etter reglane for dette i forvaltningslova, jf. forvaltningslova kapittel VI. Kommunen har rett til innsyn i saksdokumenta, jf. forvaltningslova 18. Følgjande pålegg er aktuelle å vedta etter utløpet av rettefristen i denne rapporten: Selje kommune som barnehagemyndigheit jf. barnehagelova 8 og 18: Selje kommune får pålegg om å utarbeide rutine for dispensasjon på tilsetting av pedagog utan godkjent utdanning. Selje kommune får pålegg om å lage vedtak om dispensasjon for utdanningskravet. 8
Selje kommune må ha rutine som viser om det vert stilt vilkår for tett oppfølging og rettleiing av tilsett på dispensasjon. Fylkesmannen i Sogn og Fjordane, den 30.06.2014. 9