Planomtale Kommunedelplan Gautefallheia 2014-2025 HØYRINGSUTKAST, ajourført etter f-sak 120/13
1. Innleiing 1.1 Forslagsstillar Nissedal kommune er forslagsstillar. Kartgrunnlaget er og utarbeidd av kommunen. 1.2 Bakgrunn Kommunestyret vedtok 24.01.13 kommunal planstrategi 2013-15 (sak 001/13). Her blei det slått fast at arbeidet med revidering av kommunedelplanen for Gautefallheia skulle starte opp i 2013. Kommunestyret vedtok 20.06.2013 planprogrammet for denne kommunedelplan-revisjonen. I planprogrammet blei det sett opp mål for planarbeidet: Mål og styringssignal for planarbeidet arealdelen Kommunal planstrategi la opp til ein moderat revisjon av kommuneplanen med dei fem tilhøyrande kommunedelplanane. For kommunedelplanen Gautefallheia la planprogrammet opp til, forutan ei ajourføring av eksisterande arealbruk, at fylgjande tema skulle takast opp til ny vurdering: Plankartet: Område for konsentrert utbygging av fritidsbustader Tilrettelegging for friluftsliv, mellom anna ta inn stiar og løyper som er avklara gjennom tidlegare planprosessar Kjende fornminne Restriksjonssoner og bandlagt areal (til dømes fareområde og verneområde) Byggegrense mot vassdrag Planføresegnene: Universell utforming og tilgjenge for alle befolkningsgrupper Heimel til tilkoplingsplikt for eksisterande fritidsbustader, jf. pbl 30-6 1.3 Medverknad Medverknad i planprosessen gir eigarskap til planen. Det er ein føresetnad for lojalitet til- og gjennomføring av han. Sidan revisjonen av kommunedelplanane blir haldne i parallelle løp med revisjonen av kommuneplanen, samfunnsdel og arealdel, vil medverknaden i prosessen fylgje denne. Det kan ikkje peikast på at tema nett for denne planen har hatt særskild fokus. Det blir difor vist til tilsvarande punkt i planomtalen for kommuneplanen. 2 Planinnhald Det er ikkje gjort endringar i framtidig arealbruk i høve til gjeldande plan. Plankartet ser likevel noko annleis ut som fylgje av ny plan- og bygningslov. Resultatet av temavurderingane som er varsla i planprogrammet, er summert i punkta nedanfor. Frå 1960-1970 og 1980-talet har kommunen nokre disposisjonsplanar. Desse ligg som eksisterande byggeområde for fritidsbustader både i kommuneplanen og i kommunedelplanane. Vidare utbygging i desse områda vil framleis krevje ny reguleringsplan. Unnateke disposisjonsplanar, skal alle detaljplanar (regulerings- og utbyggingsplanar) gjelde framom kommunedelplanen. Tilknytingsplikt til vatn- og avløp, heimla i kommunedelplanen, jf. pbl. 30-6, skal likevel gjelde framom desse.
2.1 Område for konsentrert utbygging av fritidsbustader Det er peika ut tre område som satsingsområde for konsentrert hytteutbygging i kommunen. Gautefallheia er eitt av dei. I gjeldande plan ligg det store område for fritidsbustader, både eksisterande område med reguleringsplan, eksisterande område der det er krav om reguleringsplan før vidare utbygging kan finne stad (har gammal disposisjonsplan), og nye, ubygde område med eit tilsvarande plankrav. Sidan planen blei godkjent i 2007, har fire av desse områda fått detaljreguleringsplan. Det gjeld felta Bjønntjønn familiepark (2009), Øverlandsheia II (2009), Støylsheia sør (2010) og Bjønntjønn vest (2011). Til innspelsfristen fekk ikkje kommunen inn forslag om nye område for fritidsbustader. Det blir tatt som eit teikn på at planen balanserer dette behovet. Det er ikkje gjort konsekvensvurderingar på temaet då det ikkje ligg forslag om nytt areal til dette føremålet i høve til gjeldande plan. 2.1 Tilrettelegging for friluftsliv, mellom anna ta inn stiar og løyper som er avklara gjennom tidlegare planprosessar Eksisterande løype/stinett er lagt inn så langt desse oppfattast som varige. 2.2 Kjende fornminne Kommunedelplankartet skal supplerast med registrerte fornminne. Lokalitetar som har id-nr og koordinatar kan leggast inn i kartet. Kartfestinga blir derimot ikkje uttømande. Kommunen er difor usikker på korleis temaet best skal synleggjerast, og vil vente på høyringssvaret frå kulturminnemyndet hjå fylkeskommunen før det blir gjort noko endeleg med dette. 2.3 Restriksjonssoner og bandlagt areal (til dømes fareområde og verneområde) Her er det ikkje føreslått endring. 2.4 Byggjegrense mot vassdrag I gjeldande kommunedelplan er det ei generell byggjegrense mot vassdrag på 50 meter. Ved denne planrevisjonen er det lagt opp til å vidareføre denne byggjegrensa. 2.5 Planføresegnene Universell utforming og tilgjenge for alle befolkningsgrupper Dette punktet er innarbeidd i føresegn nr 3 Utarbeiding av reguleringsplan med denne ordlyden; Alle reguleringsplanar skal innehalde konsekvensutgreiing for personar med nedsett funksjonsevne. Reguleringsplanen må difor avklare kva tiltak som skal ha universell utforming. Kommunen kan setje strengare krav til slik utforming enn kva lova krev. Heimel til tilkoplingsplikt for eksisterande fritidsbustader, jf. pbl 30-6 Denne heimelen er på plass ved at det i føresegn 1.2 er ført inn eit nytt ledd med dette innhaldet. 3 Konsekvensutgreiing I ei konsekvensutgreiing blir planens verknader for miljø og samfunn, jf. pbl. 4-2 vurdert. Det vil seie at det skal gjerast ei slik vurdering for endringar i arealbruken i høve til denne i gjeldande plan. I ei konsekvensvurdering ville endringane i arealbruken blitt vurdert i høve til naturgitt og menneskeskapt risiko, miljø (naturverdiar, INON, forureining/støy, energibruk, og landskapstilpassing), friluftsliv, kulturminne, landbruk, vilt, vassdragsnærleik, universell utforming og born- og unges interesser. Sidan det frå rådmannen ikkje var føreslått arealbruksendringar, var det for
kommunedelplanen for Gautefallheia ikkje aktuelt å gjere ei slik konsekvensutgreiing. Ved formannskapsbehandlinga blei det derimot vedtatt også å legge inn nytt område for massetak i høyringsutkastet. Planomtalen her er difor for dette området supplert med ei skjematisk oppstilling av det som er kjent i høve til dei nemnde vurderingstema. I samband med det fyrste vurderingstemaet, naturgitt og menneskeskapt risiko, er det likevel utarbeidd ei risiko og sårbarhetsanalyse (ROS-analyse) for delar av framtidig arealbruk. Denne analysen omfattar dei framtidige byggeområda for fritidsbustader som alt ligg i planen, men som ikkje er detaljplanlagt. Dette er i samsvar med innspel frå samfunnsavdelinga hjå fylkesmannen. ROSanalysen bygger m.a. på innhenta opplysingar frå NVEs nettstader for flaumkart, steinsprang og snøskred, og frå lokal kraftprodusent/leverandør. ROS-analysen for byggeområde i kommunedelplanen for Gautefallheia ligg som vedlegg til denne planomtalen. 3.1 Byggeområde for konsentrert bygging av fritidsbustad (pbl. 11-7 andre ledd nr. 1) Det er ikkje lagt inn nye område med dette arealføremålet. 3.2 Område for råstoffutvinning (pbl. 11-7 andre ledd nr. 1) Sør for Bjønntjønndalen: Nytt massetak i fjell Tema Nauturgitt risiko (ras/flaum/radon etc) Menneskeskapt risiko (Infrastruktur, tidlegare bruk, ulovleg bruk) Miljø (Naturverdiar/INON, forureining/støy, energibruk, estetikk og landskapstilpassing) Friluftsliv Kulturminne og kulturlandskap Landbruk jordvern Vilt Vassdrag og vassdragsnære område Universell utforming Verknad for born og unges oppvekstmiljø Status i gjeldande kommuneplan Merknad/grad av konflikt Ingen, for radon sjå kommuneplanens føresegn nr 3 6.ledd, og byggforskrifta (TEK) 13-5. Ingen kjende, forutan kva tiltaket sjølv vil gje Lite potensiale for biologisk mangfald. Ingen raudlisteartar. Ikkje i konflikt med INON. Forureining i form av avrenning, støy og støv må utgreiast nærare i detaljreguleringa. Vil kunne skjermast for innsyn frå aust, sør og vest. Kan bli synleg frå nord, høgareliggande terreng/hyttefelt. Har ingen kjent bruk i dag Ikkje registrert konflikt. Krav om arkeologsis undersøking ved detaljregulering. Ikkje dyrka/dyrkbar mark, middels/låg skogbonitet, fjell i dagen. Inga registrering i viltkartet Ligg ikkje vassdragsnært Inga aktuell problemstilling Nøytralt. Området er ikkje i bruk i dag. LNF Konklusjon: Formannskapet tok stilling til dette forslaget utan at det frå rådmannen hadde blitt tid til ei førehandsvurdering. Området er lagt inn mot at eit tilsvarande område i botn av Fuglli er trekt ut. Hovudgrunngjvinga for å legge inn dette som framtidig område for masseuttak, er at det vil vere eit stort behov for slik masse ved vidare utbygging av vegar og tomter innom planområdet. Lokaliseringa, meir sentralt i området, men likevel avgrensa frå byggeområda, gir både økonomiske og miljømessige gevinstar i høve til tilkøyring av masse utanfrå, eller masse frå området i botn av Fuglli.
3.3 Samferdselsanlegg og teknisk infrastruktur (pbl 11-7 andre ledd nr. 2) Det er ikkje lagt inn noko nytt i plankartet for dette temaet. Høgspentlina til Gautefallheia har straumføring 22 kv. Det er ikkje lagt inn omsynssone med tanke på magnetisk stråling. Byggegrensa her vil difor vere regulert av generell sikringsavstand mot overslag. 3.4 Grønstruktur (pbl. 11-7 andre ledd nr. 3) Løyper som del av eit overordna nett er lagt inn på plankartet. Dette er å sjå på som ei registrering av eksisterande tilhøve, og har ikkje vore gjenstand for konsekvensutgreiing. 3.5 Landbruks-, natur- og friluftsformål samt reindrift (pbl. 11-7 andre ledd nr. 5) Det er ikkje gjort endringar her som skulle tilseie konsekvensvurdering av tiltaket. 3.6 Andre vurderingar I Nissedal er det ei målsetting å konsentrere fritidsbustader i dei større utbyggingsområda i kommunen; Kyrkjebygdheia, Gautefallheia og Felle. Slik utbygging har for Gautefallheia skjedd over ein lang tidsperiode (snart 50 år). Innføring av lovheimel som gir kommunen rett til å forlange eksistersande fritidsbustader tilkopla felles vatn- og avløpsnett, jf pbl 30-6, vil ha særleg betydning for å kunne fortette eldre byggeområdet. Tilkoplingsplikt vil truleg utløyse slike planar. Ei slik utvikling blir sett på som positiv både ut frå eit arealdisponerings- miljø- og sysselsettingsperspektiv.