Planomtale Kommunedelplan Kyrkjebygdheia

Transkript

1 Planomtale Kommunedelplan Kyrkjebygdheia HØYRINGSUTKAST, ajourført etter f-sak 118/13

2 1. Innleiing 1.1 Forslagsstillar Nissedal kommune er forslagsstillar. Kartgrunnlaget er og utarbeidd av kommunen. 1.2 Bakgrunn Kommunestyret vedtok kommunal planstrategi (sak 001/13). Her blei det slått fast at arbeidet med revidering av kommunedelplanen for Kyrkjebygdheia skulle starte opp i Kommunestyret vedtok planprogrammet for denne kommunedelplan-revisjonen. I planprogrammet blei det sett opp mål for planarbeidet: Mål og styringssignal for planarbeidet arealdelen Kommunal planstrategi la opp til ein moderat revisjon av kommuneplanen med dei fem tilhøyrande kommunedelplanane. For kommunedelplanen Kyrkjebygdheia la planprogrammet opp til, forutan ei ajourføring av eksisterande arealbruk, at fylgjande tema skulle takast opp til ny vurdering: Plankartet: Område for skileikeanlegg/alpinanlegg. Område for konsentrert utbygging av fritidsbustader Tilrettelegging for friluftsliv, mellom anna ta inn stiar og løyper som er avklara gjennom tidlegare planprosessar Kjende fornminne Restriksjonssoner og bandlagt areal (til dømes fareområde og verneområde) Byggegrense mot vassdrag Planføresegnene: Universell utforming og tilgjenge for alle befolkningsgrupper Heimel til tilkoplingsplikt for eksisterande fritidsbustader, jf. pbl Medverknad Medverknad i planprosessen gir eigarskap til planen. Det er ein føresetnad for lojalitet til- og gjennomføring av han. Sidan revisjonen av kommunedelplanane blir haldne i parallelle løp med revisjonen av kommuneplanen, samfunnsdel og arealdel, vil medverknaden i prosessen fylgje denne. Det kan ikkje peikast på at tema nett for denne planen har hatt særskild fokus. Det blir difor vist til tilsvarande punkt i planomtalen for kommuneplanen. 2 Planinnhald Det er gjort store endringar i framtidig arealbruk, ved at flesteparten av områda knytt til ei utbygging av eit alpinanlegg ved Skornetten er tatt ut av planen og tilbakeført til LNFR-område. Områda det gjeld er alle byggeområde sør for Heievegen som kom inn ved planrevisjonen i 2007/08, og som ikkje er utbygde eller detaljplanlagte. I staden for denne utbygginga, er det tatt inn eit område for skileikeanlegg nord for Heievegen. På mange vis er dette ei tilbakeføring til situasjonen slik denne framstod i kommunedelplanen for Kyrkjebygdheia i perioden Plankartet ser og noko annleis ut som fylgje av ny plan- og bygningslov. Resultatet av temavurderingane som er varsla i planprogrammet, er summert i punkta nedanfor. Frå og 1980-talet har kommunen nokre disposisjonsplanar. Desse ligg som eksisterande byggeområde for fritidsbustader både i kommuneplanen og i kommunedelplanane. Vidare utbygging i desse områda vil framleis krevje ny reguleringsplan.

3 Unnateke disposisjonsplanar skal alle detaljplanar (regulerings- og utbyggingsplanar) gjelde framom kommunedelplanen. Tilknytingsplikt til vatn- og avløp, heimla i kommunedelplanen, jf. pbl. 30-6, skal likevel gjelde framom desse. 2.1 Byggjeområde for skileikeanlegg/alpinanlegg Ved sist revisjon av kommunedelplanen blei det lagt ut store område på nord/vestsida av Skornetten med siktemål å utvikle ein turistdestinasjon for alpinsport. I åra som har gått etter planvedtaket, er det ikkje tatt noko initiativ for å realisere utbygginga. Utbyggingsfirmaet Kyrkjebygdheia AS, som var pådrivar for å få prosjektet inn i kommunedelplanen, signaliserer ved nå å ville satse på utbygging av eit mindre skileikeanlegg nord for Heievegen, at storsatsinga ved Skornetten er skrinlagt. Kommunen tek dette til vitande, ønskjer ikkje å oppretthalde usikker status for eit omstridd område, og tilbakefører arealet til LNFR-område. Som alternativ utvikling blir eit område om lag slik kommunedelplanen av 2003 viste det, lagt inn som byggeområde for skileikeanlegg. Konsekvensvurderingane som er gjort for dei føreslegne endringane, er samla i avsnitt 3 - Konsekvensutgreiing - i denne planomtalen. 2.2 Område for konsentrert utbygging av fritidsbustader Det er peika ut tre område som satsingsområde for konsentrert hytteutbygging i kommunen. Kyrkjebygdheia er eitt av dei. I gjeldande plan ligg det store område for fritidsbustader, både eksisterande område med reguleringsplan, eksisterande område der det er krav om reguleringsplan før vidare utbygging kan finne stad (har gammal disposisjonsplan), og nye, ubygde område med eit tilsvarande plankrav. Sidan planen blei godkjent i 2008, har tre av desse felta fått detaljreguleringsplan. Det gjeld felta Huvtjønnskarine (2009), Sylvtjønnrista (2010) fortettingsplanen Langmyr, Hellebrotet, Huvtønnskarine og Huvtjønnleiken (2011). Det er også godkjent reguleringsplan for Bakkebufjellet massetak (2012). Vidare er det varsla planoppstart for detaljregulering av Bakkebufjellet (2012). I samband med skrinlegginga av Skornetten-utbygginga, vil også fleire unytta byggeområde for fritidsbustader bli tilbakeført til LNFR-status. Det er likevel store areal som ligg tilgjengelege for slik utbygging i gjeldande plan, både som fortettingar og som nyetableringar. At kommunen til innspelsfristen ikkje fekk inn forslag om nye område, blir tatt som eit teikn på at planen balanserer dette behovet. Rådmannen bad likevel om ei drøfting av om arealet på g/bnr 12/1 ved Langtjønn burde inn igjen i planen. Dette låg som byggeområde i 2003-planen, men blei fjerna som del av pakkeløysinga i fordeling av byggeområda i Skornetten-satsinga. Når rådmannen ikkje tilrådde området lagt inn, var bakgrunnen ei sterkare bevisstgjering av mogleg konflikt med friluftslivinteresser, m.a. løpa/stien til Skornetten. Formannskapsbehandlinga resulterte i eit vedtak om at området blir lagt inn som byggeområde for fritidsbustader i høyringsutkastet. Det førte igjen til at området er konsekvensvurdert som nytt areal til dette føremålet i høve til gjeldande plan. 2.3 Tilrettelegging for friluftsliv, mellom anna ta inn stiar og løyper som er avklara gjennom tidlegare planprosessar Eksisterande løype/stinett er lagt inn så langt desse oppfattast som varige. Styret i Heievegen har tatt opp spørsmålet om p-plassar ved Holmvatn. Det er derimot ikkje lagt fram forslag til plassering av areal til slike. Kommunen har ikkje sett på løysing, og ber om eventuelle tilbakemeldingar i høyringsrunden om kartfesting i denne planprosessen er aktuelt. 2.4 Kjende fornminne Kommunedelplankartet skal supplerast med registrerte fornminne. Lokalitetar som har id-nr og koordinatar kan leggast inn i kartet. Kartfestinga blir derimot ikkje uttømande. Kommunen er difor

4 usikker på korleis temaet best skal synleggjerast, og vil vente på høyringssvaret frå kulturminnemyndet hjå fylkeskommunen før det blir gjort noko endeleg med dette. 2.5 Restriksjonssoner og bandlagt areal (til dømes fareområde og verneområde) Her er det ikkje føreslått endring. 2.6 Byggjegrense mot vassdrag I gjeldande kommunedelplan er det ei generell byggjegrense mot vassdrag på 50 meter. Ved denne planrevisjonen er det lagt opp til å vidareføre denne byggjegrensa. 2.7 Planføresegnene Universell utforming og tilgjenge for alle befolkningsgrupper Dette punktet er innarbeidd i føresegn nr 3 Utarbeiding av reguleringsplan med denne ordlyden; Alle reguleringsplanar skal innehalde konsekvensutgreiing for personar med nedsett funksjonsevne. Reguleringsplanen må difor avklare kva tiltak som skal ha universell utforming. Kommunen kan setje strengare krav til slik utforming enn kva lova krev. Heimel til tilkoplingsplikt for eksisterande fritidsbustader, jf. pbl 30-6 Denne heimelen er på plass ved at det i føresegn 1.2 er ført inn eit nytt ledd med dette innhaldet. 3 Konsekvensutgreiing I konsekvensutgreiinga blir planens verknader for miljø og samfunn, jf. pbl. 4-2 vurdert. Det vil seie at det skal gjerast ei slik vurdering for endringar i arealbruken i høve til denne i gjeldande plan. Endringane i arealbruken er vurdert i høve til naturgitt og menneskeskapt risiko, miljø (naturverdiar, INON, forureining/støy, energibruk, og landskapstilpassing), friluftsliv, kulturminne, landbruk, vilt, vassdragsnærleik, universell utforming og born- og unges interesser. Endringa er vurdert opp mot kva status området har i gjeldande plan. I samband med det fyrste vurderingstemaet, naturgitt og menneskeskapt risiko, er det utarbeidd ei risiko og sårbarhetsanalyse (ROS-analyse) for arealbruksendringane. Denne analysen omfattar også dei framtidige byggeområda for fritidsbustader som alt ligg i planen, men som ikkje er detaljplanlagt. Dette er i samsvar med innspel frå samfunnsavdelinga hjå fylkesmannen. ROS-analysen bygger m.a. på innhenta opplysingar frå NVEs nettstader for flaumkart, steinsprang og snøskred, og frå lokal kraftprodusent/leverandør. ROS-analysen for byggeområde i kommunedelplanen for Kyrkjebygdheia ligg som vedlegg til denne planomtalen. For vurdering av tema miljø (naturverdiar/inon/energibruk/forureining og støy/landskap) er det ved tidlegare planrevisjon utarbeidd ein rapport om biologisk mangfald for m.a. feltet som nå blir føreslege til skileikeanlegg. Rapporten ligg som vedlegg til denne planomtalen. Områda er sjekka mot det offisielle INON-kartet over inngrepsfri natur, registrerte naturtypar i Nissedal (Edvardsen 2004), Naturbasen og Artsdatabanken (DN). Områda er vidare vurdert opp mot støykjelder som skytebanar og trafikk, og mot mogeleg tilkopling til eksisterande infrastruktur for vatn og avløp. Kulturminne er sjekka mot det sentrale registeret Askeladden. Det vil vere krav om kulturminneregistrering før godkjenning av detaljreguleringsplan. For område der slik planlegging alt er varsla (Bakkebufjellet) er slik registrering alt utført. Kommunens temakart for vilt er nytta. Dette er sist oppdatert av Faun naturforvaltning i Vurderinga er og gjort etter supplerande opplysingar frå lokal viltkunnskap, m.a. fugleregistreringane av Anders Hals. Vurderingane i høve til friluftslivet er gjort lokalt, basert på observasjonar i /opplysingar frå nærmiljøet. Landbrukskontoret har tidlegare vurdert området føreslege til skileikeanlegg i høve til jordvern, under dette også høve til produktiv skogsmark. Eige notat ligg som vedlegg til planomtalen.

5 I tillegg er det gjort vurderingar i høve til nærleik til vassdrag, til universell utforming, til verknaden for born og unges oppvekstmiljø og til eventuelt andre samfunnsmessige konsekvensar av endringane. Notatet frå born og unges talsperson ligg som vedlegg til denne planomtalen. 3.1 Konsekvensvurdering av dei nye byggeområda for fritidsbustader og for skileikeanlegg (pbl andre ledd nr. 1) Langtjønn: Byggeområde for fritidsbustader Tema Naturgitt risiko (ras/flaum/radon etc) Menneskeskapt risiko (Infrastruktur, tidlegare bruk, ulovleg bruk) Miljø (Naturverdiar/INON, forureining/støy, energibruk, estetikk og landskapstilpassing) Friluftsliv Kulturminne og kulturlandskap Landbruk jordvern Vilt Vassdrag og vassdragsnære område Universell utforming Verknad for born og unges oppvekstmiljø Status i gjeldande kommuneplan Merknad/grad av konflikt Ingen, for radon sjå kommunedelplanens føresegn nr 4 6.ledd, og byggforskrifta (TEK) Ingen Lite potensiale for biologisk mangfald. Ingen raudlisteart. Inga konflikt med INON. Inga forureining/ støykjelde i nærleiken. Ingen alternativ energikjelde til el-kraft. Terrengbakgrunn for god landskapstilpassing. Ligg ved tur/skiløypa til Skornetten. Løypa må skjermast/sikrast med korridor fri for utbygging Ikkje registrert konflikt. Krav om arkeologisk undersøking ved detaljregulering Ikkje dyrka/dyrkbar mark, ikkje produktiv skog Inga registrering i viltkartet Byggegrense min 50 m frå Langtjønn Lovkrava på dette området kan oppfyllast. Tiltaket må ta omsyn til løypa til Skornetten. I så fall vil tiltaket vere nøytralt LNF Konklusjon: Området blir lagt inn som framtidig byggeområde for fritidsbustader (slik det også låg i planperiodane og ). Kasinbakkane: Skileikeanlegget (m.a. det tidlegare byggeområdet Nisser panorama) Tema Naturgitt risiko (ras/flaum/radon etc) Menneskeskapt risiko (Infrastruktur, tidlegare bruk, ulovleg bruk) Miljø (Naturverdiar/INON, forureining/støy, energibruk, estetikk og landskapstilpassing) Friluftsliv Kulturminne og kulturlandskap Landbruk jordvern Vilt Vassdrag og vassdragsnære område Universell utforming Merknad/grad av konflikt Ingen, for radon sjå kommunedelplanens føresegn nr 4 6.ledd, og byggforskrifta (TEK) Ingen Delar nyleg hogge, lite potensiale for biologisk mangfald. Ingen raudlisteart. Inga konflikt med INON. Inga forureining/ støykjelde i nærleiken. Ingen alternativ energikjelde til el-kraft. Terrengbakgrunn for god landskapstilpassing. Ingen kjent bruk i dag. Resultat av tinga undersøking blir fyrst kjent seinare. Ikkje dyrka/dyrkbar mark, høg skogbonitet. Inga registrering i viltkartet. Ingen konflikt i høve vatn/vassdrag Lovkrava på dette området kan og må oppfyllast.

6 Verknad for born og unges Ingen bruk av området i dag. Tilrettelegging kan gje positivt oppvekstmiljø bidrag for målgruppa. Status i gjeldande kommuneplan LNF Konklusjon: Området blir lagt inn som framtidig byggeområde for skileikeanlegg (slik det også var i planperioden ). 3.2 Samferdselsanlegg og teknisk infrastruktur (pbl 11-7 andre ledd nr. 2) Det er ikkje lagt inn noko nytt i plankartet for dette temaet. Høgspentlina til Kyrkjebygdheia har straumføring 22 kv. Det er ikkje lagt inn omsynssone med tanke på magnetisk stråling. Byggegrensa her vil difor vere regulert av generell sikringsavstand mot overslag. Styret i Heievegen har tatt opp mangel på p-plassar ved Holmvatn for dagsturistar. Det er førebels ikkje tatt stilling til dette i planen. 3.3 Grønstruktur (pbl andre ledd nr. 3) Løyper som del av eit overordna nett er lagt inn på plankartet. Dette er å sjå på som ei supplering av eksisterande tilhøve, og har ikkje vore gjenstand for konsekvensutgreiing. 3.4 Landbruks-, natur- og friluftsformål samt reindrift (pbl andre ledd nr. 5) Det er ikkje gjort endringar her som skulle tilseie konsekvensvurdering av tiltaket. Tilbakeføring av byggeområde til LNFR, utløyser ikkje konsekvensutgreiing. 3.5 Andre vurderingar I Nissedal er det ei målsetting å konsentrere fritidsbustader i dei større utbyggingsområda i kommunen; Kyrkjebygdheia, Gautefallheia og Felle. Slik utbygging har for Kyrkjebygdheia skjedd over ein lang tidsperiode (snart 50 år). Innføring av lovheimel som gir kommunen rett til å forlange eksistersande fritidsbustader tilkopla felles vatn- og avløpsnett, jf pbl 30-6, vil ha særleg betydning for å kunne fortette eldre byggeområdet. Tilkoplingsplikt vil truleg utløyse slike planar. Ei slik utvikling blir sett på som positiv både ut frå eit arealdisponerings- miljø- og sysselsettingsperspektiv.