Hjartdal kommune Styre, råd, utval Møtedato Saknummer Sakshandsamar Formannskapet 19.06.2017 029/17 MF Saksansvarleg: Maria Fremmerlid/Stefan Langfors Arkiv: K2-K11 Arkivnr.: 14/2049 KOMMUNEDELPLAN FOR STIG- OG LØYPENETTET I HJARTDAL KOMMUNE - NY HØYRING Vedlagde dokument: Planomtale, kart, føresegner og retningsliner Aktuelle lover, forskrifter, avtaler m.m.: LOV-2016-12-16-100 Lov om planlegging og byggesaksbehandling (pbl) Saksgang: Formannskapet legg planen ut på høyring. Vedtaket om å leggje planen ut på høyring kan ikkje klagast på. Bakgrunn for saka: Hjartdal kommune har over ei tid jobba med utarbeiding av kommunedelplan for stigar og løyper. Planen har vore på høyring to gonger. Det er naudsynt med ein tredje høyring då planutkastet som var på høyring i 2015 ikkje fylte dei juridiske krava, samt at det har kome inn nye/endra eller fjerna løyper i prosessen. Kommunedelplanen består av følgjande: - Juridisk bindande plankart med føresegner for vinterløyper i Tuddal. - Temakart for stig og løypenettet i resten av kommunen med retningsliner. - Planomtale med vurdering av løyper, inkludert risiko og sårbarhetsvurdering. Planomtalen og karta er omarbeida for betre lesbarhet. Det er så langt som rå behalde nummereringa som har vore tidligare, men med nokre endringar som følgje av feilnummerering og nye løyper. Alle kryssa på vinterløypene er merka med nummer. Det er viktig å presisere følgjande i plan- og bygningslova om forholdet mellom planar: 1-5.Virkninger av planer Virkningen av vedtatt plan etter denne lov for videre planlegging, forvaltning og vedtak om virksomhet, utbygging og vern framgår av bestemmelsene for de enkelte plantypene, jf. 6-3, 8-2, 8-5, 11-3, 11-6 og 12-4.
Ny plan eller statlig eller regional planbestemmelse går ved eventuell motstrid foran eldre plan eller planbestemmelse for samme areal, med mindre annet er fastsatt i den nye planen eller statlig eller regional planbestemmelse. Med ein juridisk bindande kommunedelplan med plankart for løyper, så vil det vere slik at arealbruken i kommunedelplan for stigar og løyper vil leggje seg oppå kommuneplanens arealdel frå 2013, (ny plan går føre eldre plan ved motstrid). Reguleringsplanar eller kommuneplan som blir vedteken etter stig- og løypeplanen vil gjelde foran denne igjen ved motstrid, dersom ikkje anna er fastsett i den nye planen. Medverknad sidan førre høyring: - Møte for grunneigarar i Tuddal med Bernt Amdal med døme på grunneigarsamarbeid. - Møte med Tuddal felles hytteforening. - Møte med grunneigarar rundt Gaustaløypa og Sjåvatn. - Diverse telefonar og møter med enkelt grunneigarar, hytteforeningar, og løypelag (administrativt og politisk). Vurdering: Det har heile tida vore eit mål for kommunen at løypenettet i heile kommunen skal basere seg på frivillige avtalar mellom grunneigar og tilretteleigar. Dette har dei siste åra blitt vanskeleg å få til i delar av Tuddal der hyttetettleiken er stor, og belastninga på enkelte grunneigarar stor. Nokre grunneigarar ynskjer ikkje skiløyper i det heile tatt av ulike grunnar, mens andre ynskjer en kompensasjon for å stille sin eigedom til disposisjon for preparering løyper. Kommunen har difor jobba med alternative løyper, og fjerna nokre løyper for å kome grunneigarane og Fylkesmannen noko i møte. Så langt kommunen er kjent med ligg det føre grunniegarsamtykke dei fleste stadene. Det er likevel eit par stader i Tuddal og ein stad i Sauland kor administrasjonen veit at dette manglar ut i frå høyringsinnspel og andre møter og telefonar. Kommunen har hatt møte med utvalde grunneigarar knytt til Gaustaløypa og Sjåvatnrunda, men det har ikkje vore mogleg å finne ei løysing. Kommunen legg likevel fleire av desse ut på høyring for å få innspel på dei ulike traseane. Løypene som er føreslått tatt ut er merka med svarte kryss. Rådmannen vil tilrå at Gaustaløypa inngår i kommunedelplanen for å få ein kopling mellom dei to store områda for hytteutbygging i kommunen Kovstul og Flugonfjell. Rådmannen meiner det og er trong for ein kopling til i dette område for å fordele trafikken. Anten T17 frå Landgetjønnstule til Russmarken, eller T21. Her ligg det heller ikkje føre samtykke, og rådmannen ynskjer attendemelding på båe traseane, og kva løysing som er best, og om det er justeringar som kan gjørast for at dei skal kunne aksepterast.. Desse er dei viktigaste endringane: - Sjåvatnrunda Her er det fleire grunneigarar som er mot løypekøyring, rådmannen kan difor ikkje anbefale å vidareføre denne runden slik den har blitt køyrt til no. Sjåvatnrunda er difor tilrådd tatt ut av planen. - I samråd med løyeplaget i Tuddal er det utarbeida forslag til ei alternativ runde ved Sjåvatn som som går på andre grunneigarar, fleire som sjølv utviklar hyttefelt. Høyringa må avklare om det ligg føre grunneigarsamtykke til denne løypa. Denne er no merka T27. - Gaustaløypa T16 frå Haugstul til Grimestul Det blir gitt løyve til å køyre opp skiløyper i samband med det årlege Gaustaløpet, men ikkje til løypekøyring elles. Her manglar
samtykke på deler av strekninga. Løypa blir lagt ut på høyring og er tilrådd av rådmannen. - T17 Langetjønnstulen til Russmarken her manglar samtykke, rådmannen tilrår likevel å leggje løypa inn for å få ei attendemelding på kva som er best av denne eller T21. - T21 frå Langetjønn til Nybru, dette er ein alternativ kopling til T17. Her manglar og samtykke, men rådmanne tilrår likevel å leggje løypa inn for å få ei attendemelding på kva som er best av denne og T17. - B10 frå Brenneroi ny trase inne i Brattefjell Vindeggen som rådmannen tilrår går ut grunna strid med forvaltningsplanen for verneområdet og av omsyn til villrein. - Rådmannen tilrår å ta ut ferdselsveger som ikkje er planlagt merka. Rådmannen erkjenner deira kulturhistoriske verdi, men når dei ikkje er planlagt merka kan vi ikkje sjå kva meining det er med å ha dei i planen. Stig- og løypeplanen er ikkje eit turkart. Det er òg nokre andre mindre endringar som er gjort, sjå karta kor dette er merka. Dette er den endelege tilrådinga til rådmannen over eksisterande og forslag til nye løyper. Løyper som er føreslått tatt ut er merka med svarte kryss for at det skal vere klart for lesarane kva endringar som er gjort. Nye løyper er merka med dobbel raud strek, og eksisterande løyper som har vore på høyring før med heil raud strek. Alle kryssa er merka med nummer i grøn boks noko som òg er nytt. Nokre trasear har fått nytt nummer. Når det gjeld sykkeløyper blir det jobba med i prosjektet Opplevingsvegen i Hjartdal Nordbygda/Gvammen. Rådmannen tilrår at desse er ikkje ein del av planen då dei i hovudsak går på eksisterande veger, men kan takast inn ved ein framtidig revisjon av planen. Løyper for snøscooterkøyring er ikkje lenger med i planen. Det har ikkje vore mogleg med grunneigarsamtykke. Det har heller ikkje kome mange innspel tidligare i prosessen om at dette er ein ynskjeleg utvikling i kommunen, heller tvert i mot, at dette ikkje er ynskjeleg, dette gjeld særleg frå grunneigarar, men òg frå nokre hytteeigarar. Kommunen har blitt utfordra frå fleire hald til å seie noko om nivået på kompensasjon for å stille grunn til disposisjon for løypekøyring. Administrasjonen har undersøkt nivået på dette med fleire andre kommunar. Rådmannen vil ikkje ta endeleg stilling til nivået på kompensasjon. Dette er omfatta av den frie forhandlingsretten mellom eigar av eigedomen og brukar/leigar. Rådmannen meiner at kommunen heller ikkje bør overta ansvaret for løypekøyringa slik det er i nokre få andre hyttekommunar, der kommunen står for tilrettelegginga og betalar ut kompenasjon. Rådmannen tilrår difor at kommunen betalar ut løypetilskot til løypelaga, og det vil vere opp til dei korleis dette tilskotet blir nytta; til løypekøyring, vedlikehald, skilting osb, eller som kompensasjon til grunneigarar innanfor den frie forhandlingsretten mellom to partar. Det er utarbeida føresegner for tildeling av tilskotet. Dette dokumentet er å sjå på som handlingsdelen til kommunedelplanen. Denne kan rullerast ved trong uavhengig av resten av planen i samband med budsjett og økonomiplan. Innspela som kom inn i førre høyring er ikkje kommentert enkeltvis i saksframlegget, men relevant informasjon og rettingar er tatt inn i planomtalen under omtale av dei enkelte traseane. Her går det bland anna fram kor det er kome innspel om at det manglar løyve frå grunneigar. Det er avklara med Statens kartverk at den juridisk rette måten å sikre ein juridisk bindande plan for skiløyper i Tuddal er gjennom ein mindre endring av del av kommuneplanen (i Tuddal). Dette vil vere klart til høyringa.
Grunna framdrifta i saka blir planen lagt ut på høyring i sommarferien, noko som ikkje er ideelt med tanke på medverknad. Høyringsperioden blir difor utvida til åtte veker. Vidare framdrift tilseier då at planen tidligast kan godkjennast i kommunestyremøtet i oktober 2017. RÅDMANNEN TILRÅR: 1. I medhald av pbl 11-14 blir kommunedelplan for stigar og løyper lagt ut til nytt offentleg ettersyn i åtte veker. 2. Administrasjon får mynde til å utarbeide kart i tråd med produktspesifikasjonen og SOSIstandard for vinterløyper i Tuddal som ei mindre endring av del av kommuneplanen sin arealdel (jf. pbl 11-17). Administrasjonen får og mynde til å gjere mindre endringar i føresegnene for å knytte dette kartet og føresegner/retningsliner saman før høyringa. 19.06.2017 Formannskapet HANDSAMING: Nils Olav Hovde stilte spørsmål ved sin habilitet da foreldra hans eig hyttetomt som foreslått skiløype går over. Trine Kars stilte spørsmål ved sin habilitet da dotter hennar eig hyttetomt som foreslått skiløype går over. Audun Solberg stilte spørsmål ved sin habilitet da han eig hytte på festetomt ca 500 meter frå løypenettet og fordi han har ein son som har hytte i nærleiken av løypenettet. Audun Dølen møtte. 3 av 5 til stades. Nils Olav Hovde sin habilitet blei vurdert etter Fvl 6, andre ledd. Hovde blei samrøystes erklært habil. Trine Kahrs sin habilitet blei vurdert etter Fvl 6, andre ledd. Kahrs blei samrøystes erklært habil. Audun Solberg sin habilitet blei vurdert opp mot Fvl 6 andre ledd. Solberg blei samrøystes erklært habil. 5 av 5 til stades. Omforeina forslag: Endring til kartet: - Skiløype Grimestul Flåtaburoi : Leggast inn som «Skiløype tatt ut» - Sauland lysløype: Leggast inn som «skiløype, preparert» Endring til tekst: - Det blir ikkje gitt løypetilskot til lysløypene VOTERING: Endring i kart og tekst blei samrøystes vedteke. Rådmannen si tilråding blei samrøystes vedteke. FOR-029/17 VEDTAK:
Endring til kartet: - Skiløype Grimestul Flåtaburoi : Leggast inn som «Skiløype tatt ut» - Sauland lysløype: Leggast inn som «skiløype, preparert» Endring til tekst: Det blir ikkje gitt løypetilskot til lysløypene. 1. I medhald av pbl 11-14 blir kommunedelplan for stigar og løyper lagt ut til nytt offentleg ettersyn i åtte veker. 2. Administrasjon får mynde til å utarbeide kart i tråd med produktspesifikasjonen og SOSIstandard for vinterløyper i Tuddal som ei mindre endring av del av kommuneplanen sin arealdel (jf. pbl 11-17). Administrasjonen får og mynde til å gjere mindre endringar i føresegnene for å knytte dette kartet og føresegner/retningsliner saman før høyringa. Rett utskrift Dato: Kopi til: Lill Anita Himberg