Norges vassdrags- og energidirektorat Postboks 5091, Majorstuen 0301 OSLO 2016/378-6 Sigrid Bjørgum sigrid.bjorgum@bykle.kommune.no 23.06.2016 Melding om vedtak Sira-Kvina reguleringa- uttale til høyring av vilkårsrevisjon. Rådmannen si tilråding: Bykle kommune vil i all hovudsak støtte uttalane frå Fylkesmannen i Aust- og Vest-Agder, samt styret i Setesdal Vesthei-Ryfylkeheiane forvaltingsekretariat til revisjon av konsesjonsvilkår for Sira-Kvina utbygginga. Denne utbygginga har hatt store negative konsekvensar for kommunen sine høgfjellsområde, særleg med tanke på villrein og trekkmulegheiter. Derfor meiner Bykle kommune at dei tiltaka som gjeld omlegging av turiststiar slik det er forslått kan vere gode avbøtande tiltak. Saksprotokoll i Kommunestyre - 22.06.2016 Behandling: Saka vart drøfta Vedtak: Tilrådinga vart samrøystes vedteke side 1 av 5
Med helsing Bykle kommune Sigrid Bjørgum rådgjevar Brevet er elektronisk godkjent og sendast utan underskrift. side 2 av 5
Arkiv: S11 Saksmappe: 2016/378-2 Sakshands: Sigrid Bjørgum Dato: 13.05.2016 Saksframlegg Bykle kommune Saksnr. Utval Møtedato 106/16 Kommunestyre 22.06.2016 Sira-Kvina reguleringa- uttale til høyring av vilkårsrevisjon. Rådmannen si tilråding: Bykle kommune vil i all hovudsak støtte uttalane frå Fylkesmannen i Aust- og Vest-Agder, samt styret i Setesdal Vesthei-Ryfylkeheiane forvaltingsekretariat til revisjon av konsesjonsvilkår for Sira-Kvina utbygginga. Denne utbygginga har hatt store negative konsekvensar for kommunen sine høgfjellsområde, særleg med tanke på villrein og trekkmulegheiter. Derfor meiner Bykle kommune at dei tiltaka som gjeld omlegging av turiststiar slik det er forslått kan vere gode avbøtande tiltak. Saksprotokoll i Kommunestyre - 22.06.2016 Behandling: Saka vart drøfta Vedtak: Tilrådinga vart samrøystes vedteke SAKSUTGREIING Bakgrunn for saka I november 2009 sende Kvinesdal og Sirdal kommunar krav om revisjon av konsesjonsvilkåra i Sira- Kvina reguleringa til NVE. Det vart utarbeida eit kravdokument som skildrar dei vesentlege ulempene utbygging har påført ålmenne interesser, samt framlegg til avbøtande tiltak. Sira-Kvina Kraftselskap har så laga revisjonsdokument som no er ute på høyring. Dette er sendt ut frå NVE til ei rekke høyringsintansar med frist 18.april 2016. Bykle kommune har ikkje fått dette på høyring, men har gjort NV merksame på at vi kjem med ein høyringsuttale og fått utsett frist til 25.juni 2016. Formelt grunnlag I følgje Olje og energidepartementet sine Retningslinjer for revisjon av konsesjonsvilkåra for vassdragsreguleringar (2012) vil det ved revisjonar bli innført dei til ei kvar tid gjeldande standard naturforvaltingsvilkår. Desse vilkåra gjev Miljødirektoratet og Fylkesmannen høvet til å krevje miljøforbetringar som ikkje går utover kraftproduksjonen. I følgje retningslinene vil NVE prioritere saker der det openbart er store skader og ulemper for viktige ålmenne interesser, og det er realistisk å oppnå miljøforbetring innafor rimeleg kost-nytte vurdering. side 3 av 5
Vurderingar og konsekvensar Fylkesmannen i Aust-og Vest Agder og Forvaltingssekretariatet for SVR har skreve høyringsuttalar til vilkårsrevisjonen. Rådmannen har brukt mykje av dette i sin høyringsuttale, men vil fokusere på det som er relevant innafor vår kommune. 1.Oppdemming av Svartevassmagasinet har skapt problem for villreintrekket. Dette gjeld det såkalla «Karl Johan» over Bergeheii, aust-vest trekket mellom Auråhorten og Loneknuten og trekket ved det gamle utløpet av Svartevatn. Dermed er dei einaste trekka som er att i området rundt Steinsbuskardet, både nord- sør og aust-vest. Oppdemming av Blåsjø gjer desse trekka endå smalare. 2.Svartevassmagasinet førde og til ei omlegging av Stavanger Turistforening sitt løypenett. Storsteinhytta som vart bygd i 1980 vart ein del av løypenettet som kom frå sør (Kringlevatn eller Litle- Aurådalen) og vidare gjennom Steinsbuskaret til Hovatn og Vassdalstjønn (alt dette ligg i Bykle). Bykle kommune var på den tida svært engasjert for å ikkje få løypa på austsida. I eit brev frå Miljødepartementet i 1976, seier MD litt om grunngjevinga for å gå imot Bykle kommune sine råd og ynskje på den tida, sjå vedlegg. Det er særleg verknadene av punkt 1 og 2 som vil ha noko å seie for fjelløkologien i Bykleheiane og som kommunestyret bør uttale seg til. Vidare forskingsprosjekt har Fylkesmannen uttalt seg om. Både Fylkesmannen og SVR har kome med framlegg om å forhandle seg fram til: Ei omlegging av turistløypa lenger vest for Svartevassmagasinet og til vestsida av Blåsjø. Dette vil bety flytting/sanering av hyttene Storsteinen og Hovatn. Gyvasshytta er eigd av Statskog og ligg ikkje langs turistløypa, men ligg i eit område med heilårleg ferdselsforbod. Det vil også bety ei opprusting av Litle-Aurådalshytta. Fylkesmannen har sagt at viltpassasje over Svartevatn må greiast ut, og har kome med tre mulege alternativ. (sjå side 14 i Fylkesmannen sin høyringsuttale). SVR har kome med framlegg om innføring av jaktfri sone på området sør for Steinsbuskardet som vil omfatte jaktfelta Auråhorten, Sandvatn og Smalevatn. Oppsummert det som gjeld Bykle i høve villrein og ferdsel: Storsteinhytta: fjernast. Litle Aurådalen: utvida Gyvasshytta: fjernast- byggast opp ein anna stad (Bykle-Hovden?). Hovasshytta: fjernast(gamal avtale med Bykle fjellstyre om denne hytta). Kringlevatn: blir hytte i ein «blindveg», utan løypenett nordover berre austover. Omlegging av løypenett, i samsvar med kommunen sin ynskje i 1976. Viltpassasje over Svartevatn. Jaktfri sone frå Storsteinvatnet i vest til Steinheii i aust. Slike prosessar brukar å ta lang tid. Mange av tiltaka vil også avhenge av framtidig forsking (innhenting av kunnskapsgrunnlag for å ta avgjerder). Det mest nærliggande prosjektet er det pågåande GPS-merke prosjektet på villrein som skal vere ferdig i 2017. Eitt av fokusområde der er trekk mulegheiter frå nord i Bykle, via Urevatn og vidare sørover til Steinbuskardet. Stenging av Urevassvegen er også eit tema i dette prosjektet. Det er likevel viktig for Bykle som kommune å peike på at i dei sentrale fjellområde ynskjer ein ei berekraftig villreinstamme og at utveksling av dyr her har mykje å sei for ei genetisk robust stamme av dyr i alle fjellområda. Bykle kommune ser det då som naturleg at regulantane bidreg til å prøve å bøte på skadeverknadene. Bykle kommune vil difor stø tiltaket som går på omlegging av turiststien og flytting av hyttene langs denne traseen. Konsekvensar for folkehelse Indirekte. side 4 av 5
Bykle,13.05.16 Tallak Hoslemo Rådmann Vedlegg 1 Høyring av revisjonsdokument for Sira-Kvina reguleringa 2 Sira-Kvina reguleringa - uttale til høyring av revisjonsdokument 3 Skisse til forskningsprosjekt rype - NINA 4 høyringsuttale 5 Trase ved Steinsbuskardet- Brevet frå MD i 1976 Alle dokumet i saka hos NVE: https://www.nve.no/konsesjonssaker/konsesjonss ak/?id=6021&type=v-1 Melding om vedtak sendast: NVE side 5 av 5