Møteinnkalling for Formannskapet

Hjartdal kommune 3692 Sauland Møteinnkalling for Formannskapet Møtedato: 20.06.2013 Møtestad: Kommunehuset Møtetid: Kl. 13:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 11.06.13 Sven Tore Løkslid ordførar Sakliste Sak nr. Saktittel 045/13 GODKJENNING AV MØTEBOK 046/13 DELEGASJONSSAK 047/13 NY AREALDEL TIL KOMMUNEPLANEN - VURDERING I FORM AV KONSEKVENSUTGREIING AV SAMLEVEG TIL HYTTEOMRÅDA I FLUGONFJELL 048/13 NY AREALDEL TIL KOMMMUNEPLANEN - HØYRING AV INNSPEL SOM HAR KOME INN I HØYRINGSFASEN. TILTAK PÅ EIGEDOMANE GNR. 94, BNR. 4, GNR. 94, BNR. 5 OG GNR. 93, BNR. 2 049/13 NY AREALDEL TIL KOMMUNEPLANEN - HØYRING AV INNSPEL SOM HAR KOME INN I HØYRINGSFASEN. TILTAK PÅ EIGEDOMEN GNR. 72, BNR. 2 050/13 HØYRING AV FORSLAG TIL ENDRINGAR I FORSKRIFT FOR BRUK AV MOTORKJØRETØY I UTMARK MV SAMT INVITASJON TIL Å SØKJE OM DELTAKING I FORSØKSORDNING OM ETABLERING AV SNØSKUTERLØYPER. 051/13 KLAGE PÅ TIDSPUNKT FOR KRAV OM GEBYRBETALING, AVSLUTTING AV SAKER ETTER MATRIKKELLOVEN

Hjartdal kommune Styre, råd, utval Møtedato Saknummer Sakshandsamar Formannskapet 20.06.2013 045/13 IL Saksansvarleg: Ingebjørg Landsverk Arkiv: K1-, K2- Arkivnr.: 13/884 GODKJENNING AV MØTEBOK RÅDMANNEN TILRÅR Møteboka frå F-møte 03.06.13 blir godkjent slik ho ligg føre.

Hjartdal kommune Styre, råd, utval Møtedato Saknummer Sakshandsamar Formannskapet 20.06.2013 046/13 IL Saksansvarleg: Ingebjørg Landsverk DELEGASJONSSAK Arkiv: K1-, K2- Arkivnr.: 13/883 FFOR-001/13 01.05.2013: KLAGE PÅ TIDSPUNKT FOR KRAV OM GEBYRBETALING, AVSLUTTING AV SAKER ETTER MATRIKKELLOVA VEDTAK 1. Rådmannen har handsama klage datert 3. april 2013 frå grunneigar Arnfinn Hafsteen om tidspunkt for krav om gebyrbetaling når det gjeld avslutting av saker etter matrikkellova. 2. Klage har ikkje ført fram og vedtaket vert opprettheldt. 3. Rådmannen kan ikkje sjå at Hjartdal kommune har brutt avtaleloven. Det er ingenting i loven som seier at inngått avtale ikkje kan seiast opp. 4. Det har ikkje komme inn nye moment i klaga som ikkje var kjent for kommunen før sakene vart avslutta, Matrikkelbrev skrevet ut og faktura sendt. Saka vert automatisk sendt over til formannskapet som klageorgan. RÅDMANNEN TILRÅR Delegasjonssakene blir teke til orientering slik dei ligg føre.

Hjartdal kommune Styre, råd, utval Møtedato Saknummer Sakshandsamar Formannskapet 20.06.2013 047/13 AEB Saksansvarleg: Anne E. Bamle Arkiv: K1-140 Arkivnr.: 11/576 NY AREALDEL TIL KOMMUNEPLANEN - VURDERING I FORM AV KONSEKVENSUTGREIING AV SAMLEVEG TIL HYTTEOMRÅDA I FLUGONFJELL Dokument i saka: Nr T Dok.dato Avsendar/Mottakar Tittel 52 I 15.02.2013 Fylkesmannen i Telemark KOMMUNEPLAN FOR HJARTDAL 2012-2020, AREALDELEN - OFFENTLEG ETTERSYN 71 S 02.03.2013 FRAMLEGG TIL NY AREALDEL AV KOMMUNEPLANEN. AVKLARING AV MOTSEGN Vedlagde dokument: Dokument nr. 52 Konsekvensutgreiing Aktuelle lover, forskrifter, avtaler m.m.: LOV 2008-06-27 nr. 71: Lov om planlegging og byggesakshandsaming (pbl) LOV 2009-06-19 nr 100: Lov om forvaltning av naturens mangfald (nml) Saksgang: Formannskapet vedtek Konsekvensutgreiinga og sender denne over til Fylkesmannen i Telemark. Bakgrunn for saka: I samband med offentleg ettersyn av framlegg til ny arealdel av kommuneplanen, har Fylkesmannen i Telemark kome med motsegn til ny samleveg med grunnlag i jordlova og statlege føringar om jordvern. Det vart halde meklingsmøte 30. mai 2013. Det vart i møtet semje om at kommunen skal vurdere saka nærare før landbruksavdelinga hjå Fylkesmannen tek endeleg stilling om motsegna kan trekkast eller om ho vert oppretthalde. Vurdering: Rådmannen har fått AT Plan, Fyresdal, til å utarbeide konsekvensutgreiing (KU). Det er det firmaet som har utarbeida alle KU ane til innkomne innspel til planarbeidet.

I tillegg til dei alternativa som er vurdert i samband med KU en har det vore vurdert 3 alternativ til gjennom dei siste åra. Jordlovas 9 lyder: 9. Bruk av dyrka og dyrkbar jord Dyrka jord må ikkje brukast til føremål som ikkje tek sikte på jordbruksproduksjon. Dyrkbar jord må ikkje disponerast slik at ho ikkje vert eigna til jordbruksproduksjon i framtida. Departementet kan i særlege høve gi dispensasjon dersom det etter ei samla vurdering av tilhøva finn at jordbruksinteressene bør vika. Ved avgjerd skal det mellom anna takast omsyn til godkjende planar etter plan- og bygningslova, drifts- eller miljømessige ulemper for landbruket i området, kulturlandskapet og det samfunnsgagnet ei omdisponering vil gi. Det skal òg takast omsyn til om arealet kan førast attende til jordbruksproduksjon. Det kan krevjast lagt fram alternative løysingar. Samtykke til omdisponering kan givast på slike vilkår som er nødvendige av omsyn til dei føremåla lova skal fremja. Dispensasjonen fell bort dersom arbeid for å nytta jorda til det aktuelle føremålet ikkje er sett igang innan tre år etter at vedtaket er gjort. Departementet kan påby at ulovlege anlegg eller byggverk vert tekne bort. Etter rådmannen sitt skjønn er ein samleveg til Flugonfjell og på sikt til Hovdemarken, eit tiltak som kan kome inn under 2. ledd. Nytten for samfunnet må sjåast opp mot tapet av dyrka eller dyrkbar mark. KU en tek for seg 4 alternativ og gjer ei vurdering av dagens trase. Vurderingane av dei ulike traseane er gjort i dokumentet. Konsekvensutgreiingane er ein del av kommuneplanen sine samla dokument. Rådmannen stiller seg fullt ut bak dei vurderingane som er gjort i KU en. I tillegg kjem at alternativ A har vore gjenstand for handsaming i jordskifteretten. I den samanheng er det gjort ei vurdering av kva for areal som dei råka eigedomane vil miste ved at vegen kjem. Totalt er det tale om 0,7 daa beite, 0,6 daa dyrkamark og 0,6 daa gjødsla beite. Det er på det reine at dei andre vurderte traseane òg gjeng gjennom LNF, men i form av beite og skogsareal. Vurderingane som må gjerast vil da etter rådmannen sitt skjønn bli eit spørsmål om ulemper ved dei andre alternativa i form av lengde og stigningsforhold, kontra tap av totalt 2,9 daa beite/dyrkamark. I samband med jordskiftet er ankemoglegheitene prøvd fullt ut. Eventuelt ny trase vil råke nye grunneigarar. Rådmannen meiner at i denne saka må mellom-menneskelige omsyn tilleggast vekt. Samfunnsnytten av tiltak var ikkje tema for vurdering i jordskifteretten si handsaming. Kommunen viser i samband med kommuneplanarbeidet at Tuddal er eit satsingsområdet for oss når det gjeld næringsutvikling i form av hyttebygging og turisme. Kommunen legg til rette for at Kovstulheia - Russmarken vert avkloakkert, jamfør utsleppsløve gitt av Fylkesmannen i mai 2010. Vidare har kommunen no i 2013 valt å gå inn i eit prosjekt for å sjå om det er mogleg å finne ei felles vasskjelde. Høgstandard hytter vil òg ha infrastruktur form av god vegtilkomst. Vegtilkomst til nettopp Flugonfjell og Hovdemarken har vore diskusjonstema i kommunen i fleire år heilt tilbake frå tidleg 2000-tal. Rådmannen meiner at viss ikkje vegtilkomsten vert løyst, vil kommunen si satsing måtte reduserast til eit minimum.

Hjartdal kommune er på totalt 791 km2. Me har tatt i bruk lite areal til utbygging totalt sett. I framlegg til ny arealdel er det lagt inn nye byggjeområder på 10 daa dyrkamark i tillegg til dei 2,9 daa vegen råkar. Rådmannen meiner det vitnar om at Hjartdal kommune tek jordvernet på alvor. Kulturlandskapet er viktig for kommunen. Me er vertskap for Kulturlandskapssenteret i Telemark og har i arbeidet med ny arealdel sagt nei til fleire innspel om hyttebyggjing i kulturlandskapet og på stulsvollar. Saman med Fylkesmannen skal kommunen i gong med eit prosjekt om busetting (fastbuande) i kulturlandskapet. Totalt sett har ikkje ny vurdering av trase for ny samleveg til Flugonfjell endra rådmannen sitt syn. Den valte traseen er samla sett den beste når ein i tillegg til jordvernet ser på samfunnsnytten og tek mellom-menneskelige omsyn. RÅDMANNEN TILRÅR: Formannskapet i Hjartdal kommune vedtek konsekvensutgreiing for ny samleveg til Flugonfjell. Formannskapet har vurdert 3 andre trasear i tillegg til dagens trase, og finn etter ei samla vurdering av alternativ A i konsekvensutgreiinga er den traseen som samla sett er den beste når ein ser samfunnsnytten mot tap av beite/dyrkamark. Formannskapet ber Fylkesmannen v/landbruksdirektøren om å trekke si motsegn til ny arealdel til kommuneplanen.

Hjartdal kommune Styre, råd, utval Møtedato Saknummer Sakshandsamar Formannskapet 20.06.2013 048/13 AEB Saksansvarleg: Anne E. Bamle Arkiv: K1-140 Arkivnr.: 11/576 NY AREALDEL TIL KOMMMUNEPLANEN - HØYRING AV INNSPEL SOM HAR KOME INN I HØYRINGSFASEN. TILTAK PÅ EIGEDOMANE GNR. 94, BNR. 4, GNR. 94, BNR. 5 OG GNR. 93, BNR. 2 Dokument i saka: Nr T Dok.dato Avsendar/Mottakar Tittel 52 I 15.02.2013 Fylkesmannen i Telemark KOMMUNEPLAN FOR HJARTDAL 2012-2020, AREALDELEN - OFFENTLEG ETTERSYN 71 S 02.03.2013 FRAMLEGG TIL NY AREALDEL AV KOMMUNEPLANEN. AVKLARING AV MOTSEGN Vedlagde dokument: Konsekvensutgreiing for innspelet Kartutsnitt som syner tiltaket Aktuelle lover, forskrifter, avtaler m.m.: LOV 2008-06-27 nr. 71: Lov om planlegging og byggesakshandsaming (pbl) LOV 2009-06-19 nr 100: Lov om forvaltning av naturens mangfald (nml) Saksgang: Formannskapet sender framlegget ut på høyring og legg del av arealdelen til kommuneplanen ut til offentleg ettersyn, jamfør pbl 11-14. Bakgrunn for saka: Det kom innspel til kommuneplanen som mellom inneheldt nytt skitrekk på eigedomane gnr. 94, bnr. 5, gnr. 94, bnr. 4 og gnr. 93, bnr. 2. Berre delar av innspelet vart lagt inn i framlegg til ny arealdel. Den øvste delen av skitrekket kom ved ein inkurie ikkje med. Vurdering: I høyringsperioden har det kome fram at FT3, nytt skitrekk, ikkje omfattar øvre del av planlagt skitrekk. Grunneigarane skriv i si høyringsuttale når det gjeld innspel kalt T12:

Planen er tegnet av tidligere alpinlandslagssjef og meget erfaren arkitekt innen denne type utviklinger, John Arne Bjerknes. I høringsutkastet er dette innspillet vurdert under generell KU. I kartmaterialet som medfølger er kun halve anlegget tatt med uten at det er skrevet noen egen vurdering rundt dette. Det er skrevet at formannskapet er positiv til alpinanlegget og det er avsatt arealer til nedre del av anlegget. Men å utelate øvre del vil redusere anlegget fra å ha en høydeforskjell på 400 meter, til bare 270 meter. Altså er den øvre delen viktig for å gjøre anlegget veldig mye mer attraktivt rent sportslig. Rådmannen foreslo derfor at ei utviding av FT3 vert gjenstand for drøfting med Fylkesmannen. Spørsmålet ville vere om det er mogleg å unngå full ny høyringsrunde på heile planen viss formannskapet vil ta arealet inn i arealplanen. 30. mai 2013 var det drøftingsmøte med Fylkesmannen på dette spørsmålet. Resultatet blei at ei utviding av området FT3 kunne sendast ut på ei høyring som endring av forslag til kommuneplanens arealdel, sjå vedlagte kartutsnitt. Tiltaket har vore gjenstand for konsekvensutgreiing sjå vedlagte felles konsekvensutgreiing av innspel innan Kovstulheia reinsedistrikt. Utviding av FT3 fører ikkje til endringar i Planomtalen eller i Føresegnene. Rådmannen tilrår derfor at formannskapet legg ei utviding nordover av området FT3 ut på høyring og offentleg ettersyn. RÅDMANNEN TILRÅR: Framlegg til utviding av arealet FT3 i kommuneplanens arealdel 2012 2020 blir sendt på ei høyring som endring av forslag til kommuneplanens arealdel og lagt ut til offentleg ettersyn i medhald av pbl 11-14.

Hjartdal kommune Styre, råd, utval Møtedato Saknummer Sakshandsamar Formannskapet 20.06.2013 049/13 AEB Saksansvarleg: Anne E. Bamle Arkiv: K1-140 Arkivnr.: 11/576 NY AREALDEL TIL KOMMUNEPLANEN - HØYRING AV INNSPEL SOM HAR KOME INN I HØYRINGSFASEN. TILTAK PÅ EIGEDOMEN GNR. 72, BNR. 2 Dokument i saka: Nr T Dok.dato Avsendar/Mottakar Tittel 52 I 15.02.2013 Fylkesmannen i Telemark KOMMUNEPLAN FOR HJARTDAL 2012-2020, AREALDELEN - OFFENTLEG ETTERSYN 71 S 02.03.2013 FRAMLEGG TIL NY AREALDEL AV KOMMUNEPLANEN. AVKLARING AV MOTSEGN Vedlagde dokument: Dok nr. 35 Kartutsnitt over del av eigedomen gnr. 72, bnr. 2 Konsekvensutgreiing av innspelet Føresegner Aktuelle lover, forskrifter, avtaler m.m.: LOV 2008-06-27 nr. 71: Lov om planlegging og byggesakshandsaming (pbl) LOV 2009-06-19 nr 100: Lov om forvaltning av naturens mangfald (nml) Saksgang: Formannskapet sender framlegget ut på høyring og legg del av arealdelen til kommuneplanen ut til offentleg ettersyn, jamfør pbl 11-14. Bakgrunn for saka: I høyringsfasen har det kome inn innspel om å legge til rette bustadetablering på del av eigedomen gnr. 72, bnr. 2, Sauland. Vurdering: Rådmannen fant innspelet om å legge til rette for bustadetablering på del av eigedomen gnr. 72, bnr. 2, Sauland, interessant. Overfor formannskapet vart det foreslått at innspelet vart gjenstand for drøfting med Fylkesmannen. Spørsmålet ville vere om det er mogleg å unngå full ny høyringsrunde viss formannskapet vil ta arealet inn i arealdelen. 30.05.13 var det drøftingsmøte med Fylkesmannen på dette spørsmålet. Resultatet blei at innspelet på del av gnr. 72, bnr. 2, kunne sendast ut på ei høyring som endring av forslag til kommuneplanens arealdel.

Det er i samband med utlegging no gjennomført Konsekvensutgreiing av tiltaket, sjå vedlegg. Føresegnene er endra som følgje av tiltaket: Tabellen Framtidige område for bustader på side 6 Nytt punkt 1.4.5 Kombinert føremål bustad/offentleg tenesteyting på side 9 Rådmannen meiner området er viktig i vurderinga av framtidig behov for helse/omsorgsrelaterte butilbod. Framlegget er derfor at del av arealet er lagt ut til kombinert føremål offentleg tenesteyting/bustad og resten av arealet til bustad. I tillegg til del av gnr 72, bnr. 2, er eigedomen gnr. 72, bnr. 43 foreslått som kombinert føremål bustad/offentleg tenesteyting. Sauland sentrum vil blir gjenstand for områderegulering i etterkant av ein vedteken arealdel til kommuneplanen. RÅDMANNEN TILRÅR: Framlegg til ny regulering for del av eigedomen gnr. 72, bnr. 2, samt gnr. 72, bnr. 43, Sauland sentrum, i samband med kommuneplanens arealdel 2012 2020 blir sendt på ei høyring som endring av forslag til kommuneplanens arealdel og lagt ut til offentleg ettersyn i medhald av pbl 11-14. Områda har fått nemninga B8 og BOT1 i framlegg til nytt plankart.

Hjartdal kommune Styre, råd, utval Møtedato Saknummer Sakshandsamar Formannskapet 20.06.2013 050/13 HH Saksansvarleg: Harald Helliksen Arkiv: K2-K01 Arkivnr.: 13/870 HØYRING AV FORSLAG TIL ENDRINGAR I FORSKRIFT FOR BRUK AV MOTORKJØRETØY I UTMARK MV SAMT INVITASJON TIL Å SØKJE OM DELTAKING I FORSØKSORDNING OM ETABLERING AV SNØSKUTERLØYPER. Dokument i saka: Nr T Dok.dato Avsendar/Mottakar Tittel 1 I 09.06.2013 Det Kgl Miljøverndepartemen t HØRING - FORSLAG TIL ENDRINGER I FORSKRIFT FOR BRUK AV MOTORKJØRETØY I UTMARK Vedlagde dokument: Dokument nr. 1. Aktuelle lover, forskrifter, avtaler m.m.: FOR 1988-05-15 nr 356: Forskrift for bruk av motorkjøretøy i utmark og på islagde vassdrag. Saksgang: Formannskapet gjev uttale. Bakgrunn for saka: Miljøverndepartementet har sendt ut på høyring framlegg til endringar i forskrifta for bruk motorkjøretøy i utmark osb., samt invitasjon til å delta i ei forsøksordning i perioden 2014-2018 der kommunane kan etablere snøskuterløyper gjennom arealplanlegging etter plan- og bygningslova. Forslaget til endringar i forskrifta gjeld mellom anna opning for bruk av motorkjøretøy på vinterføre i samband med nødvendig søk etter skada hjortevilt utanom ordinær jakt når søket føregjeng i regi av kommunen. Det blir også foreslått at 5 d) i forskrifta blir oppheva (gjeld køyring med snøskuter i utmarksnæring for fastbuande). Regelen betyr lite etter at 5a, som er

meir omfattande, kom inn i forskrifta. 5a opnar for køyring i utmarksnæring med motorkjøretøy (dvs. ikkje berre snøskuter) både på barmark og snødekt mark. Invitasjonen til å delta i forsøksordning med etablering av snøskuterløyper gjeld kommunar som ligg innafor det distriktspolitiske virkeområdet. Dette gjeld for Hjartdal kommune. Etablering av løypene må skje gjennom arealplanlegging etter plan- og bygningslova, der mellom anna reglar om involvering av aktuelle interessegrupper må følgjast. Dette opnar for at slike grupper får høve til å koma til orde i planprosessen. Det må leggjast til grunn at næringsinteresser, grunneigarar, friluftsorganisasjonar, miljøorganisasjonar velforeiningar, hytteforeiningar ol. får høve til å uttale seg. Det vil også vera naturleg at eventuell etablering av snøskuterløyper takast med i stig- og løypeplanen som kommunen skal utarbeide. Dersom kommunen kjem med i forsøksordninga, må kommunestyret fastsette ei eiga forskrift om kommunalt forsøk med snøskuterløyper. Utgangspunktet i gjeldande lov er at all motorisert ferdsel i utmark er forbode, på både barmark og snødekt mark. Det er likevel gjeve unntak frå forbodet for ulike typar nyttekøyring. Regelverket som gjeld i dag, opnar ikkje for fornøyelseskøyring, bortsett frå i Nord-Troms og Finnmark. I dei seinare åra har fleire kommunar kome med ønskje om etablering av snøskuterløyper for fornøyelseskøyring, både som tilbod til allmenta og til bruk i reiselivssamanheng. Miljøverndepartementet meiner at me i dag veit for lite om konsekvensane for naturmangfald, friluftsliv og folkehelse, både på kort og lang sikt, til at det er forsvarleg å opne for etablering av snøskuterløyper over heile landet. Departementet foreslår derfor ei ordning der inntil 40 kommunar skal kunne etablere løyper for fornøyelseskøyring med snøskuter i ei avgrensa periode på inntil 4 år med moglegheit for forlenging i eitt år i perioden 2014 til og med 2018. Kommunane skal veljast ut etter søknad. Det vil gjelde eit absolutt forbod mot å opprette løyper i verneområde, nasjonale villreinområde, skredutsette område og i bratt terreng. Ein bør også unngå inngrepsfrie naturområde som er 3 eller fleire kilometer frå tekniske inngrep. Kommunen kan berre vedta snøskuterløyper på eigedomar der grunneigarane har samtykka. Under planarbeidet må kommunen, dersom det ikkje er gjort tidlegare, foreta ei kartlegging og verdsetting av friluftsområda der løypene planleggjast. Kommunane som deltek i ordninga, forpliktar seg til å bidra til gjennomføring av evaluering av ordninga. Miljøverndepartementet ønskjer at ordninga skal gje eit breitt erfaringsgrunnlag. I utveljinga vil departementet derfor leggje vekt på å få med kommunar med ulikt folketal og busettingsmønster, kommunar med ulik geografi (skog, fjell og lågland), og kommunar med ulikt omfang av snøskuterkøyring i dag. Departementet vil også ved utveljinga sjå hen til om kommunen kan trekkje fram konkrete utfordringar og problemstillingar som kan vera interessante og følgje opp. Miljøverndepartementet bed om at kommunane i søknaden gjer greie for kvifor dei ønskjer å delta i ordninga og i tillegg kort gjer greie for: - innbyggartal og busettingsmønster - om det er store hytteområde i kommunen - om snøskuterløypene vil liggje i skog, i fjellterreng, i låglandet, i eller ved by/tettstad - omfanget av og interessa for snøskuterkøyring i kommunen i dag - andre opplysningar som kan vera av interesse for departementets vurdering av søknaden Søknadsfristen er 1. september 2013. Det visast elles til vedlagde høyringsbrev til kommunane mfl. frå Miljøverndepartementet.

Vurdering: Rådmannen er positiv til dei foreslegne endringane i forskrifta om motorferdsel i utmark. Høve til bruk av motorkjøretøy til ettersøk av skada hjortevilt i kommunal regi, vil vera hensiktsmessig når det gjeld dyrevelferd. Oppheving av 5 bokstav d betyr lite då den nye 5a gjev rom for meir omfattande køyring i utmarksnæring enn 5 d). Formannskapet har ikkje møte før etter fristen for å søkje om deltaking i forsøksordninga om snøskuterløyper har gjenge ut. Rådmannen legg ikkje fram tilråding når det gjeld eventuell deltaking i forsøksordninga. Dersom formannskapet vedtek at kommunen skal søkje om å vera med i ordninga, foreslår rådmannen at han, med grunnlag i vedtaket, får mynde til utarbeiding av søknaden. RÅDMANNEN TILRÅR: 1. Hjartdal kommune sluttar seg til forslaga om endringar i forskrifta om motorferdsel i utmark når det gjeld ny bokstav j under 3 (nødvendig søk etter skada hjortevilt) og oppheving av 5 bokstav d.

Hjartdal kommune Styre, råd, utval Møtedato Saknummer Sakshandsamar Formannskapet 20.06.2013 051/13 STL Saksansvarleg: Sven Tore Løkslid Arkiv: GBNR- 84/8, 9 og 12 Arkivnr.: 13/838 KLAGE PÅ TIDSPUNKT FOR KRAV OM GEBYRBETALING, AVSLUTTING AV SAKER ETTER MATRIKKELLOVEN Vedlagde dokument: Fullmaktsvedtak formannskapet sak 1/13 med vedlegg Aktuelle lover, forskrifter, avtaler m.m.: LOV-2005/06-17-101 Lov om eigedomsregistrering (matrikkellova) FOR 2009-06-26 nr. 864: Forskrift om eiendomsregistrering (matrikkelforskrifta) LOV 1918-05-31 nr 04: Lov om avslutning av avtaler, om fullmakt og om ugyldige viljeserklæringar (avtaleloven) Hjartdal kommune sitt gebyrregulativ Saksgang: Etter forvaltningslova skal ei klage fyrst handsamast der det påklagde vedtaket er gjort. I dette tilfelle betyr det at klaga vert handsama av avdeling for Plan, bygg og oppmåling. Viss klaga ikkje vert teken til følgje gjeng saka til kommunen sitt eiget klageorgan, formannskapet. Formannskapet sitt vedtak er endeleg og kan ikkje påklagast. Bakgrunn for saka: Saksgongen er stadfesta av jurist hjå Fylkesmannen i Telemark. Når det gjeld habilitet er Fylkesmannen sin konklusjon at kommunelovens 40, nr. 3 bokstav c: 3. Om inhabilitet gjelder reglene i forvaltningsloven kap. II, med følgende særregler: c. Ved behandling av klager etter forvaltningsloven 28 andre ledd er ansatte eller folkevalgte som var med på å treffe det påklagede vedtak, eller som medvirket ved tilretteleggelsen av grunnlaget for dette, inhabile ved klageinstansens behandling av saken og ved tilretteleggelsen av saken for klageinstansen. Er en overordnet ansatt inhabil i en sak, kan direkte underordnet ansatt ikke delta ved klageinstansens behandling av saken, eller ved tilretteleggelsen av saken for klageinstansen.

kjem inn i biletet først viss klaga ikkje vert teken til følgje. Saka skal i dette tilfelle sendast klageorganet (det vil seie formannskapet) utan nokon saksførebuing. Det vert opp til klageorganet å finne ut korleis saka skal førebuast. Fylkesmannen seier vidare at i mange tilfelle vert saka lagt fram med det saksframlegget som allereie ligg til underinstansen, fordi denne førebuinga som regel vil vere god og opplysande nok. Vurdering: Viss klageorganet ynskjer eiga saksførebuing til si handsaming, kan dei velje eit par representantar som arbeidsgruppe for å lage saksframlegg. Slik saksførebuing kan ikkje skje i regi av administrasjonen, jamfør kommuneloven 40, nr. 3, bokstav c, då rådmannen har vore involvert i saksgongen tidligare. FORMANNSKAPET VEDTEK: