Vinje kommune Økonomi, plan og utvikling Arkiv saknr: 2012/2130 Løpenr.: 16394/2016 Arkivkode: 153/19/153/20/ 151/2 Utval Møtedato Utval Saksnr Plan- og miljøutvalet 21.09.2016 16/136 Kommunestyret 10.11.2016 16/101 Sakshandsamar: Lotte Næss Endra detaljregulering for del av Farhovd, Livoll og Flotubu 151/2, 153/19, 153/20, 153/21-2.gongs handsaming og endeleg vedtak Vedlegg: 1 Plankart 2 Planomtale med føresegner 3 Merknad frå Rauland hyttevelforening 15.06.16 4 Merknad frå hytteeigarar i planområdet 13.06.16 5 Merknad frå 5 hytteeigarar v/ Ole Martin Hejll 18.08.16 Dokument i saka: Plan- og miljøutvalet 2.12.15, sak 15/28 Vinje kommune, brev om offentleg ettersyn 02.05.16 Innkomne merknader : Statens vegvesen 14.5.16 Telemark fylkeskommune 30.06.16 Fylkesmannen i Telemark 15.06. og 01.09.16 Rauland hyttevelforening 15.06.16 Hytteeigarar v/ Eric Mills 13.06. og v/ Arve Hildebrandt 19.08.16 Gerd og Øystein Bugge 19.05.16 Paul H Svendsen og Mona Maagerø 22.5.16 Andrea Brostrøm 16.06.16 og 24.08.16 (til barn og unges representant) Aud Wenche Brostrøm v/ Cathrine Grande 17.06.16 Gunn og Knut Oterkiil 10.07.16
Vinje kommune, referat frå møte 15.08.16 Hytteeigarar v/ Arve Hildebrandt 29.08.16 Rapport naturmangfald 26.08.16 ROS-analyse 01.09.16 Bakgrunn: Plan- og miljøutvalet vedtok 2.12.15, sak 15/28, å leggje framlegg til endra detaljregulering for del av Farhovd, Livoll og Flotubu ut til offentleg ettersyn i medhald av plan- og bygningslova 12 10. Planframlegget erstattar delar av reguleringsplan for Farhovd, Livoll og Flotubu vedteken i 2006. Planframlegget vart sendt ut på høyring og lagt ut til offentleg ettersyn i brev datert 02.05.16, med frist for merknader 17.06.16. Merknader ved offentleg ettersyn : Statens vegvesen har ingen merknader. Telemark fylkeskommune har ingen merknader. Fylkesmannen i Telemark er generelt positiv til fortetting, og meiner Vinje kommune i sitt saksframlegg ved 1. gongs handsaming har vurdert planen på ein god måte. Dei gjer framlegg om å stryke føresegnenes 9 og 10. Dei gjer òg framlegg om at føresegnenes 5 e «hytter skal leggast lågt i terrenget» konkretiserast, td med høgde på grunnmur over naturleg terreng. Risiko sårbarhetsanalysa er mangelfull. Naturmangfald burde vore registrert. Kommunen bør i framtidige saker sjå til at plikta til utgreiingar vert betre fylgd opp. Rauland hyttevelforening minner innleiingsvis om at hyttefolket i Vinje er fleire enn dei faste innbyggarane, og bidrar vesentleg til verdiskaping og arbeidsplassar gjennom å nytte lokal handel og service mm. Merknadene til framlegget gjeld Lovnader frå grunneigar : Mange hytteeigarar har oppfatta at grunneigar har sagt det ikkje skulle fortettast meir i området. Denne garantien har for mange vore avgjerande for val av hyttetomt. Fortettinga bør skrinleggast. Trafikktilhøve : Ved fortetting og ny hytteutbyggingar må det stillast krav og gang- og sykkelveg frå Heimvegli til sentrum. Trafikktryggleiken er ikkje tilfredstillande langs Flotebuvegen, korkje for bilar eller mjuke trafikantar. Planfri kryssing med skiarenaen må inn som krav ved utbygging i området. Det er viktig å ta vare på opne korridorar ut i friluftsområda. Kommunen må ta på alvor innvendingane frå hyttefolket i området vedk. lys, luft, utsikt, og ta vare på naturområde og dyreliv. Hytteeigarar på Farhovd Livoll og Flotubu ber kommunen revurdere innstillinga til den nye reguleringsplanen og stanse fortetting/utbygging av fleire hytter i området. Grunngjeving :
Natur. Ubygde areal reduserast, bekker og naturleg vatnsig vil forringast. Dei saknar konsekvensvurderingar for dyre- og planteliv. Trafikk. Vegen i området er ikkje dimensjonert for meir utbygging. Standarden er dårleg, med få passeringspunkt. Vinterstid er det umogleg å ferdast langs vegen for mjuke trafikantar. Korridorar blir dels innsnevra, dels nedbygd. Det vert stilt spørsmål om behovet for ny veg til E-området. Dei meiner dette er avtalebrot frå grunneigars side, og at dei har vald å bygge hytte i området på feil grunnlag. Underteikna av nærare 100 hytteeigarar. Møte 15.08.16 med 6 hytteeigarar og Rauland hyttevelforening. Det var vist til St.meld. nr 21 (2004 2005) Regjeringens miljøvernpolitikk og rikets miljøtilstand, som stiller krav om utgreiingar og føringar både i kommunedelplanar og reguleringsplanar. Stortingsmeldinga har i tillegg føringar om å ta omsyn til naturverdiar, friluftsliv, landskap mm. Det vart òg vist til Miljøverndepartementets rettleiar for hyttebygging. Det er strenge krav til medverknad ved fortetting der eksisterande hytteeigarar vert påverka av planarbeidet. Dersom dette ikkje blir fylgd opp til strekkeleg, meiner dei dette er sakshandsamingsfeil. Nytt returpunkt for renovasjon i krysset Flotubuvegen Ranten er uheldig pga verdifull grønstruktur. Ein kunne heller utvide returpunktet på flata lenger sør, eller etablere nytt ved fylkesvegen. På møtet skisserte hytteeigarane mykje bruka trasear sommar og vinter : Kartutsnitt hovudferdselstrasear sommar (rød) og vinter (blå) som vert råka av framlegg til utbygging, ifølgje representantar på møtet 15.08.16 (har ikkje opplysingar om sommartrasè gjennom E-feltet).
Kartutsnitt med planframlegget og hovudferdselstrasear sommar (rød) og vinter (blå) som vert råka av framlegg til utbygging. Hytteeigarar v/ Arve Hildebrand, Ole Martin Hejll, Eric Mills, Anders Røine og Tom Nysted visar til møtet 15.08, og peikar på at kunnskapsgrunnlaget for framlegget ikkje er godt nok. Kommunens involveringsplikt overfor hytteeigarar er òg utilstrekkeleg. På denne bakgrunn meinar dei at Vinje kommune har gjort feil i sakshandsaminga. Dei ber kommunen utsetje vidare handsaming inntil tilhøva dei har peika på er vurdert i høve til gjeldande regelverk. Dersom planen vert godkjent, vil dei klage på vedtaket. Gerd og Øystein Bugge er sterkt imot planane om nye hytter i området. Det vil negative konsekvensar for natur, miljø, dyr- og planteliv. Vegen inn i området toler ikkje meir trafikk. Kommunen må ta omsyn til eksisterande hytter. Paul H Svendsen og Mona Maagerø har hytte på 153/117. Dersom planframlegget blir vedteke, vil dei få gjennomgangstrafikk forbi hytta. Dei gjer framlegg om at vegen stanser mellom hytte E1 og E2. For å kunne køyre gjennom heile vegen kan den heller gå over frå E5 til E7. Hyttebygging nord og nordaust for dei vil føre til mindre tilsig av vatn til myra framfor hytta. Tomt E16 må ut av planen. I tillegg bør det vere føresegner om å sikre tilsig av vatn. Hytte på tomt E1 vil truleg bryte horisonten, og bør difor takast ut eller gis restriksjonar på høgde. Andrea Brostrøm (skrive til barn og unges representant) er sterkt imot ny veg og utbygging ved Uvatn. Det er negativt for klimaet, og for helsa når vi køyrer meir og går mindre. For tett utbygging er negativt for miljø og trivsel. Aud Wenche Brostrøm v/ Ark. Cathrine Grande visar til at det er planlagd ein ny vegtrasè i strandsona ut mot Uvatn,til dels utanfor
planområdet. Ein slik veg er uheldig i ope landskap, friluftsområde og strandsone. I brev 24.08. skriv Andrea Brostrøm at dei har misforstått framlegget. Gunn og Knut Oterkiil stiller seg uforståande til påstandar i brevet frå hytteeigarane om at det aldri skulle regulerast inn fleire tomter. Dei meiner samanlikninga med Holtardalen er feil. Her er fleire gode korridorar, som no er sikra med omsynssone. På grunnlag av merknaden frå mellom anna fylkesmannen, vart det utarbeidd rapport om naturmangfald dat. 26.08.16 og Risiko- og sårbarhets-analyse 01.09.16. Rapport om naturmangfald konkluderer med at potensialet for biologisk mangfald i dei nye utbyggingsområda ikkje er spesielt stort. Fylkesmannen stadfester 01.09.16, at rapporten svarar bra på det dei etterlyste. Risiko- og sårbarhets-analysa visar at tiltaket ikkje inneber auka risiko for alvorlege hendingar.
Vurdering: Det politiske fleirtalet i Vinje kommune ynskjer å halde fram med hyttebygging i kommunen, som grunnlag for verdiskaping og arbeidsplassar. (sjå òg plm-sak 28/15). Hovudtyngda av hyttebygginga bør lokaliserast til Rauland og Vågslid. Det er betre med ein konsentrert utbygging her, enn å spreie utbygginga til nye område. Innanfor satsingsområde bør ein likevel ha ulike typar hyttefelt nokre sers konsentrerte og nokre med mindre tett utbygging. Farhovd, Livoll, Flotebu er eit område i den siste kategorien. Ein ser likevel at det er rom for nokre fleire hytter enn i dag. Her må ein vege ulike omsyn mot kvarandre : på den eine sida omsynet til ynskje om å bygge nokre fleire hytter, og på den andre sida behovet for korridorar/grønstruktur, landskapsvurderingar og omsynet til eksisterande hytteeigarar. Tilhøvet til kommunedelplanen : Det er rett at planen frå 2006 går ut over kommunedelplanen, og snevrar inn korridorar. Dagens framlegg gjer det same. Dette kan forsvarast med bakgrunn i det overordna målet om fortetting. Korridorane vert færre og smalare, men dei fleste er der framleis. Kartutsnitt som viser tilhøvet mellom kommunedelplanen og reguleringsplanen frå 2007. Kartutsnitt som viser tilhøvet mellom kommunedelplanen og dagens planframlegg.
Natur og dyreliv : Det er ei viktig kvalitet å ha natur og dyreliv rett utanfor hytta. Det er likevel slik at når Rauland er eitt av satsingsområda for hyttebygging i kommunen, må omsynet til flora og fauna vike i byggjeområda. Dersom ein vil byggje mange hytter, og samstundes sikre natur- og dyreliv, er fortetting ein betre strategi enn spreiing ut over store areal. Utanfor byggeområda kan ein sikre naturverdiane. Samstundes er det òg slik at auke i tal hytter genererer meir ferdsle i naturen som kan forstyrre dyrelivet. Kanalisering av ferdsla er då viktig. Grønstruktur/friluftsliv - Slik rådmannen ser det, er korridorane ein viktig del av eit hyttefelt, både som grønstruktur og for rekreasjon, for skileik og tilkomst til dei store friluftsområda utanfor hyttefelta. Ein vil difor gjere framlegg om nokre endringar. E-feltet : E6 E9 bør få tilkomst frå sør i staden for frå aust. Då vil ein viktig korridor vere sikra. (Svendsen og Maagerø sitt framlegg ville stengt denne korridoren). E13 bør gå ut, det opnar for korridoren her. Korleis skal E10 E12 skal få tilkomst : frå sørvest via E1 og E2, eller frå søraust via E14 og E15? Ein konkluderar med å rå til veg frå sørvest, fordi korridoren i søraust er viktigare for ferdselen. Kan ein unngå at vegen til E14 E15 går ut i korridor/myr? Alternativ til der vegen er vist i framlegget er (a) Mellom 153/345 og 153/481 : her er berre 3,3 m på det smalaste. (b) Vegen kan gå oppe i bakken i staden for ute på flata. Det vil føre til større terrenginngrep. Konklusjon : Ein vel å ikkje rå til nokon endring her. Kartutsnitt som viser framlegg til endringar.
F-feltet Ein ser at det store opne myrområdet, som òg er ein viktig korridor, vert snevra mykje inn. Dette er negativt for heile hyttefeltet. Det er serleg negativt for eksisterande hytter som ligg ut mot myra i dag. Det er likevel slik at det framleis er mange fine og gode korridorar att. Det er dessutan framleis mogleg å ferdast gjennom området. Så når kommunen har ein målsetjing om auka hyttebygging, og vegar dette opp mot ulempene for hytteeigarane, ser ein ikkje at ein kan rå til å ta desse hyttetomtene ut av planframlegget. Det må likevel regulerast ein korridor på minimum 6 m mellom F3 og F5, i forlenging av bilvegen. Trafikktilhøve : Ein forstår bekymringa for trafikksituasjonen. Ein vil likevel tru at noko auka i trafikken kan aksepterast. Ein har og skjøna at det er serleg den rette strekninga vest og sør for Storhaug som er smal. Fleire møteplassar her er mogleg å få til, og ein gjer difor framlegg om rekkjefylgjekrav om dette. Planfri kryssing ved skiarenaen er ein samd i at er viktig og nødvendig. Kommunen har arbeidet for å få til dette i mange år, og jobbar vidare. Ein skulle gjerne har lagt inn eit rekkjefylgjekrav her òg. Framdrifta her har ein likevel så lite kontroll over, at ein ikkje vil rå til det. Renovasjon : Renovest (tlf 22.08) er samde med hytteeigarane i at det er betre å ha returpunkt lenger ut mot fylkesvegen. Kommentar til fylkesmannens framlegg vedk. føresegner : 9 og 10 kan strykast. Føresegnenes 5 e har runde formuleringar og har dermed mest verdi som ein intensjonserklæring. Det er få reguleringsplanar i Vinje som har meir konkrete føresegner enn storleik, maks høgde på møne og gesims, nokre gonger høgde grunnmur. Dette er ikkje ein plan som har spesielle utfordringar m.o.t. landskap. Ein vil difor la føresegnene vere som dei er. Planadministrasjonen har framlegg til nokre fleire endringar : 153/345 : den nordligaste delen av byggeområdet bør takast ut, for å unngå at det kjem eit bygg veldig høgt i terrenget. Smale korridorar mellom tomter bør regulerast til friluftsføremål : mellom F3 og F5, B5 og B6, B11 og B13, 153/516 og 153/525, 153/522 og 153/524. Skiløypa aust i planområdet rett aust for 153/330 må regulerast inn på rett stad. Det bør regulert til omsynssone «Friluftskorridor» i heile breidda mellom 153/330 og vegen til 153/463 mfl. Oppsummering av framlegg til endringar : Plankart E6 E9 får tilkomst frå sør, veg frå aust vert teken ut E13 går ut Tilkomst til E14 og E15 går ikkje vidare til E12 Den nordligaste delen av byggeområdet 153/345 vert teken ut Smale korridorar mellom tomter vert regulert til friluftsføremål : mellom F3 og F5, B5 og B6, B11 og B13, 153/516 og 153/525, 153/522 og 153/524. Skiløypa aust i planområdet rett aust for 153/330 vert regulert inn på rett stad. Omsynssone «Friluftskorridor» vert regulert i heile breidda mellom 153/330 og vegen til 153/463 mfl.
Føresegner 9 og 10 strykast Rekkjefylgjekrav om fleire møteplassar Endringane ein gjer framlegg om, er ikkje så vesentlege at det er nødvendig med ny høyring eller offentleg ettersyn. Ein er samde om ei utbyggingsavtale, som har vore ute til offentleg ettersyn. Utbyggingsavtala blir handsama i eiga sak. Saka går til kommunestyret. Rådmannens framlegg til vedtak: Framlegg til endra detaljregulering for Farhovd, Livoll og Flotubu vert vedteken i medhald av pbl 12 12, med desse endringane : a. E6 E9 får tilkomst frå sør, veg frå aust vert teken ut b. E13 går ut c. Tilkomst til E14 og E15 går ikkje vidare til E12 d. Den nordligaste delen av byggeområdet 153/345 vert teken ut e. Andre framlegg under rådmannens vurdering Rådmannen, Jan Myrekrok, rådmann /s/ Handsaming i Plan- og miljøutvalet 21.09.2016: Framlegget frå rådmannen blei samrøystes vedteke. Framlegg til endra detaljregulering for Farhovd, Livoll og Flotubu vert vedteken i medhald av pbl 12 12, med desse endringane : f. E6 E9 får tilkomst frå sør, veg frå aust vert teken ut g. E13 går ut h. Tilkomst til E14 og E15 går ikkje vidare til E12 i. Den nordligaste delen av byggeområdet 153/345 vert teken ut j. Andre framlegg under rådmannens vurdering Saksordførar: Ove Kringlegarden
Handsaming i Kommunestyret 10.11.2016: Framlegget frå plan- og miljøutvalet blei samrøystes vedteke. Framlegg til endra detaljregulering for Farhovd, Livoll og Flotubu vert vedteken i medhald av pbl 12 12, med desse endringane : k. E6 E9 får tilkomst frå sør, veg frå aust vert teken ut l. E13 går ut m. Tilkomst til E14 og E15 går ikkje vidare til E12 n. Den nordligaste delen av byggeområdet 153/345 vert teken ut o. Andre framlegg under rådmannens vurdering