Fellestenester Politisk sekretariat «MOTTAKERNAVN» «ADRESSE» Rosendalsvegen 10 5470 ROSENDAL Tel: 53483100 Fax: 53483130 Org. nr: 964 967 636 Bankgiro: 3460.07.00083 post@kvinnherad.kommune.no www. kvinnherad.kommune.no facebook.com/kvinnherad «POSTNR» «POSTSTED» Saksbehandlar Torill Slåke Tlf. direkte innval Vår ref. 2016/3200-3 Dykkar ref. «REFDATO» Dato 21.11.2016 Særutskrift - Dispensasjon - 92/10 og 92/14 - rubbhall - Seimsfoss - Torgeir Guddal Kvinnherad forvaltningskomité hadde vedlagte dispensasjonssak føre i møte 16.11.2016 med vedtak nr 2016/128. Då saka ikkje hadde vore til uttale hos statlege og regionale mynder i samsvar med pbl kap 19, gav forvaltningskomiteen tilsegn om dispensasjon. Før det vert gjort endeleg vedtak, vert saka difor med dette sendt regionale og statlege mynder for uttale. Dette brevet er sendt elektronisk utan underskrift og vert ekspedert med e-post som inneheld særutskrift med vedlegg. De kan også gå inn på www.kvinnherad.kommune.no, postliste og finne alle dokumenta til saka der. Eventuelle spørsmål kan rettast til saksbehandlar. Med helsing Bente Høyland Møtesekretær Brevet er godkjent elektronisk og har derfor inga underskrift.
Kopi til: Torill Slåke Side 2 Mottakarar: Hordaland fylkeskommune Postboks 7900 5020 Bergen Torgeir Guddal Seglemsvegen 100 5472 SEIMSFOSS Fylkesmannen i Hordaland Postboks 7310 5020 Bergen
Side 3 Saksframlegg Saksmappe Saksbehandlar 2016/3200-2 Odd Ivar Øvregård Saksgang Saksnr Utval Møtedato 2016/128 Forvaltningskomiteen 16.11.2016 Behandling dispensasjon - 92/10 og 92/14 - rubbhall - Seimsfoss - Torgeir Guddal Innstilling frå rådmannen: Kvinnherad forvaltningskomite gjev ikkje dispensasjon frå arealføremålet LNF i arealdelen til kommuneplanen til oppføring av rubbhall som lagerbygg/verkstad. Planlagt tiltak kan difor ikkje omsøkjast og handsamast i samsvar med pbl kap 20 og tilhøyrande føresegner. Avslaget er heimla i pbl 19-2 då omsyna bak reglane det vert dispensert frå, eller omsyna i føremåla til lova, vert vesentleg sett til side. I tillegg er ikkje fordelane ved å gi dispensasjon klart større enn ulempene etter ei samla vurdering. Tiltaket ligg i eit område der landbruket og landbrukstilknytt næring må prioriterast, vidare er det vesentleg å ivareta bruken av landbruks- og turvegen. Ein lagerhall her vil passa dårleg inn i naturog kulturlandskapet, og forringa dei kvalitetane planen skal ivareta. Behandling i Forvaltningskomiteen den 16.11.2016 NYTT FRAMSETT FORSLAG FRÅ KJETIL MEHL OG OLAV GUNNAR HJELMELAND (begge Sp): Kvinnherad forvaltningskomite gjev tilsegn om dispensasjon frå arealføremålet LNF i arealdelen til kommuneplanen til oppføring av rubbhall som lagerbygg/verkstad. Vedtaket er gjort med heimel i pbl i pbl 19-2 då omsyna bak reglane det vert dispensert frå, eller omsyna i føremåla til lova, ikkje vert vesentleg sett til side. Fordelane med å gje dispensasjon er større enn ulempene då dette tiltaket kan skapa arbeidsplasser og skatteinntekter til kommunen. Endeleg dispensasjonsvedtak og handsaming i samsvar med pbl kap 20 og tilhøyrande føresegner kan gjerast når saka har vore til uttale hos regionale og statlege instansar, og det ikkje er kome negative uttalar. Røysting: Nytt framsett forslag vert samrøystes vedteken. OVERSENDINGSFORSLAG: Viser til sak 2016/128 der det framgår at i ny kommuneplan er det føresegne som ikkje opnar for næringseiningar på frådelte tomter. Forvaltningkomiteen ber om at administrasjonen endrar føresegna til å gjelda frådelte tomter.
Side 4 Dette er å rekna som merknad til kommunedelplan og skal marknadsbehandlast og leggjast i postlista. Vedtak frå Forvaltningskomiteen den 16.11.2016 Kvinnherad forvaltningskomite gjev tilsegn om dispensasjon frå arealføremålet LNF i arealdelen til kommuneplanen til oppføring av rubbhall som lagerbygg/verkstad. Vedtaket er gjort med heimel i pbl i pbl 19-2 då omsyna bak reglane det vert dispensert frå, eller omsyna i føremåla til lova, ikkje vert vesentleg sett til side. Fordelane med å gje dispensasjon er større enn ulempene då dette tiltaket kan skapa arbeidsplasser og skatteinntekter til kommunen. Endeleg dispensasjonsvedtak og handsaming i samsvar med pbl kap 20 og tilhøyrande føresegner kan gjerast når saka har vore til uttale hos regionale og statlege instansar, og det ikkje er kome negative uttalar. Søkjar: Torgeir Guddal, Seglemsvegen 100, 5472 Seimsfoss Søknad mottatt: 05.09.2016 Om søknaden og eigedommen: Det vert søkt om dispensasjon frå arealbruken LNF til oppføring av ein rubbhall 100 m2, alternativt 150 m2 ved evt. tilleggsareal. Mønehøgde inntil 6,7 m. Eigar søkjer om dispensasjon fordi han driv entreprenørfirma og vil nytta eigedommen til lagring av maskinar og utstyr. Vidare vert det drive med reparasjon av bilar og maskinar. I dag vert tomta nytta til parkeringsplass i samband med næringsdrifta. Eigedommen er ein frådelt tomt på om lag 500m2. Tomten vart tidlegare nytta til grendeskule, men skulebygget som stod her er no rive. Bygget var oppført i Rosendal i 1820 ifølgje SEFRAKregisteret, og flytta til Seglem i 1890-åra. Kommunen gav løyve til riving i 2010, og då hadde huset stått utan vedlikehald i mange år. Eigar tok over eigedommen i 2014, og fekk overta på vilkår av at skulebygget vart rive. Dette vart utført i 2015 Arealstatus Arealet ligg i LNF-område i kommuneplanen for Rosendalsområdet, vedtatt 20.02.2003. I forslag til ny kommuneplan ligg tomta innanfor LNFS, men i føresegnene til planen er det ikkje opna for næringseiningar på frådelte tomter. (Denne planen er ikkje vedteken, og det kan evt. skje endringar).
Side 5 Nabovarsel Naboar/gjenbuarar er lovleg varsla, det ligg ikkje føre merknader. Uttale frå regionale og statlege styresmakter Saka har ikkje vore sendt på høyring då den vert lagt fram med negativ innstilling. Dersom vedtaket vert gjort om må saka sendast til følgjande: Fylkesmannen i Hordaland Merknad: Hordaland fylkeskommune Merknad: Naturmangfaldlova Ingen registreringar i området av spesielle naturtypar eller biotopar. Kulturminne Det er eit automatisk freda kulturminne «Gaukshaug» ca 40 m frå eigedommen. https://askeladden.ra.no/askeladdeninnsyn/#lokalitetdetails/72970 Støy Ikkje relevant Klimatilpassing Tiltaket ligg innanfor faresonekart for ras utarbeidd av NVE i 2015. Faresona her er sett ut frå største nominelle årlege sannsyn for skred 1:5000, noko som inneber at ein kan føra opp lagerbygg med lite personopphald i tryggleiksklasse S1. Veg, vatn og avløp Det er ikkje søkt om vatn og avløp. Tilkomstvegen går over LNF-område, og må omsøkjast etter PBL 20-3 i samband med byggesaka for rubbhallen. (veg krev dispensasjon som tilkomstveg til næringsbygg). Aktuelle lovheimlar Det planlagde tiltaket krev dispensasjon etter pbl 19-2 frå formålet LNF i kommuneplanen for Rosendalsområdet. Dersom det skal gjevast dispensasjon må omsyna bak reglane det vert dispensert frå, eller omsyna i føremåla til lova, ikkje verta vesentleg sette til side. I tillegg må fordelane ved å gi dispensasjon vere klart større enn ulempene etter ei samla vurdering.
Side 6 Vurdering Det vert søkt om dispensasjon for oppføring av ein rubbhall 100 m 2 (alternativt 150 m2), som skal nyttast til lagerbygg for maskinar og utstyr. Tomta er ubebygd og ca 500 m 2, eigedommen har ikkje oppmålte grenser. Dersom det vert tillete tiltak på eigedommen må grensene fastsetjast ved kartforretning. Søkar har bustadhus i nærleiken, og har kjøpt denne tomta for å ha ein plass til anleggsmaskinutstyr m.m. i einskild føretaket han driv. I gjeldane kommuneplan er tomta avsett til LNF-område, og dette føremålet er i strid med den omsøkte og skisserte bruken av tomta. Ein opparbeiding av parkeringsplass/oppstillingsplass vil og vera eit søknadspliktig tiltak som krev dispensasjon, då dette ikkje vil vera i tråd med arealbruken. I ny kommuneplan som er under utarbeiding ligg tomta innanfor LNFS-område, noko som inneber at det vert opna for ei viss utbygging, men føresegnene opnar ikkje for næringseiningar på frådelte tomtar i dette området. I tillegg til lagerfunksjon, nemner og søkjar at han kjøper og set i stand bilar og maskinar før han sel dei vidare, dette inneber at bygget kan få ein verkstadfunksjon, der bygget blir bruka som eit arbeidsbygg. Er dette tilfelle må tilhøve til faresone for ras vurderast på nytt. Tiltaket ligg nær inntil dyrka mark, og tilkomstvegen som går over nabobruka er ein landbruksveg. Bruk av vegen som tilkomst til næringsbygg krev dispensasjon. Vegen er ein mykje nytta turveg, då vegen er del av ein merka tursti frå Rosendal til Guddal. Dette er eit kulturlandskap med velstelte hus og gardstun, og flotte naturomgjevnader. Her er fleire freda kulturminne på Seglem, det næraste ligg ca 40 m frå det omsøkte tiltaket. Dette gravminnet ligg på ein kolle bakom tomta. Ingen av naboane har kome med merknader til tiltaket, og tiltakshavar er i dialog med nabo på 92/5 om å få utvida tomta med eit tillegg på ca 100 m 2. (Vert behandla i eigen søknad). Det sto tidlegare eit skulebygg som vart rive i 2015 på tomten. Bygget har ikkje vore nytta sidan 1970- talet, så med ei næringsverksemd på staden vert bruken auka og endra. Sett i plansamanheng bør etablering av næringsverksemd leggjast til område som i er avsett til dette. I denne planen er det sett av fleire næringsområde, m.a. i Dimmelsvik, Rosendal og Årsnes. I eit typisk landbruksområde som dette er bør gardstilknytta næringsverksemd prioriterast, og det omsøkte tiltaket kjem ikkje under dette omgrepet. Tiltakshavar har kjøpt ein tomt som ikkje kan nyttast til utbyggingsføremål. Det at tomten ligg nær hans bustadhus, og er praktisk p.g.a avstand, er eit argument av privat karakter, og ikkje ei vurdering ein kan leggja vekt på i dispensasjonssamanheng. Rådmannen meiner at det er positivt at det vert satsa på næringsverksemd òg i liten skala, men at ein må finna betre eigna stader for slike næringsbygg. Ut frå utgreiinga ovanfor finn rådmannen at ein ikkje kan gje dispensasjon til tiltaket då det kjem i strid med føremålet og intensjonen i planen. Fordelane med tiltaket er ikkje vesentleg større enn ulempene etter ei samla vurdering. Vedlegg: 1. Søknad om dispensasjon dat. 01.09.2016 2. Kart
3. Teikning Side 7 Kopi av vedtak: Partane For info: ephorte Web sak 2016/3200